Book List

<h2 style="text-align: center;">Chapter 346</h2> <h2 style="text-align: center;">ငါက ဒူးထောက်လိုက်ရတာလား</h2> <h2 style="text-align: center;">*</h2> <p> </p> <p> </p> <p>"ဒူးထောက်စမ်း..."</p> <p> </p> <p>ဤကဲ့သို့သော အတွေးတစ်ခုက ကြယ်နတ်ဘုရား၏ စိတ်ထဲ၌ မည်သည့်သတိပေးချက်မျှမရှိဘဲ ရုတ်ခြည်း ထွက်ပေါ်လာ၏။</p> <p> </p> <p>ဒုန်း...</p> <p> </p> <p>ကြယ်နတ်ဘုရား၏ ခြေထောက်များက ပျော့ခွေသွားကာ သူက နေရာ၌ပင် ချက်ချင်း ဒူးထောက်ကျသွား၏။</p> <p> </p> <p>သူ မှင်သက်သွားလေသည်။</p> <p> </p> <p>ကြယ်နတ်ဘုရား၏ မျက်နှာထက်၌ မယုံကြည်နိုင်မှုများဖြင့် ပြည့်နှက်နေကာ သူ၏ စိတ်ထဲ၌လည်း ဗလာကျင်းသွား\။</p> <p> </p> <p>အဘယ်နည်း။</p> <p> </p> <p>သူဘယ်ရောက်သွားပါသနည်း။</p> <p> </p> <p>အချိန်အတော်ကြာပြီးနောက် နောက်ဆုံးတွင် သူ၏ ဦးနှောက်က ပုံမှန်အတိုင်း ပြန်ဖြစ်သွား၏။ သူက တစ်စုံတစ်ခုကို သဘောပေါက်သွားသည့်အလား အဝေးရှိ ဝတ်စုံပြောင်ကို ဝတ်ဆင်ထားသည့် အမျိုးသမီးကို ရုတ်ခြည်း မော့ကြည့်လိုက်သော်လည်း ဝတ်စုံပြောင်ကို ဝတ်ဆင်ထားသည့် အမျိုးသမီးက လှည့်ကာ ဖြည်းညင်းစွာ ထွက်ခွာသွားပြီ ဖြစ်သည်။</p> <p> </p> <p>သူမက သူ့ကို တစ်ချက်လေးတောင် လှည့်မကြည့်ခဲ့ချေ။</p> <p> </p> <p>မထိုက်တန်သောကြောင့်ပင်။</p> <p> </p> <p>ကြယ်နတ်ဘုရားက သူမ၏ ဆိုလိုရင်းကို ချက်ချင်း နားလည်သွား၏။ သူက အလွန်အမင်း အရှက်ရသွားသလို ခံစားလိုက်ရကာ ခုခံချင်စိတ်များ ဖြစ်ပေါ်လာသည်။ သူက လက်ကို တင်းကျပ်စွာ ဆုပ်လိုက်ရာ သူ၏ ခန္ဓာကိုယ်မှနေ၍ သန်းပေါင်းထောင်နှင့်ချီသော ကြယ်ရောင်များက ရုတ်ခြည်း ပေါက်ကွဲထွက်လာ၏။</p> <p> </p> <p>သို့သော် ထိုကြယ်ရောင်များက ထွက်ပေါ်လာသည်နှင့်တစ်ပြိုင်နက် မမြင်ရသော အတားအဆီးတစ်ခုနှင့် ရင်ဆိုင်လိုက်ရသည့်အလား ချက်ချင်း ပျောက်ကွယ်သွားကြကာ ပုံသဏ္ဌာန်တစ်ခုအဖြစ်သို့ပင် စုစည်းနိုင်ခြင်း မရှိတော့ချေ။</p> <p> </p> <p>"ဒါ... ဒါက ဘယ်လိုလုပ် ဖြစ်နိုင်မှာလဲ"</p> <p> </p> <p>ကြယ်နတ်ဘုရား၏ မျက်နှာထက်၌ တုန်လှုပ်မှုများဖြင့် ပြည့်နှက်နေ၏။ သူက အော်ဟစ်လိုက်ကာ ယင်းတို့ကို ထပ်မံစုစည်းရန် ကြိုးစားလိုက်သော်လည်း ကြယ်ရောင်များအားလုံးက ထွက်ပေါ်လာသည်နှင့်တစ်ပြိုင်နက် ထပ်မံ၍ ပျောက်ကွယ်သွားကြပြန်သည်။</p> <p> </p> <p>ထိုအခိုက်အတန့်၌ သူ၏ နှလုံးသားထဲတွင် အကြောက်တရားများ နောက်ထပ်တစ်ကြိမ် ဖြစ်တည်လာ၏။</p> <p> </p> <p>ထိုဓားတာအိုနတ်ဘုရား၊ ထိုရှေးဟောင်းဓားကျင့်ကြံသူနှင့် ရင်ဆိုင်ခဲ့ရပြီးနောက်ပိုင်း ဤမျှလောက်ကြာသည့်အချိန်အထိ သူက အကြောက်တရားဆိုသည်ကို တစ်ကြိမ်တစ်ခါမျှ မခံစားခဲ့ရဖူးချေ။</p> <p> </p> <p>ဤအရာအားလုံးက ဝတ်စုံပြောင်ကို ဝတ်ဆင်ထားသည့် အမျိုးသမီးကြောင့် ဖြစ်ကြောင်းကို သူ သိထား၏။ သူနှင့် သူမကြားမှ ကွာဟချက်မှာ သူ စိတ်ကူးယဉ်နိုင်သည်ထက်ပင် အများကြီး ပို၍ ကြီးမားနေကြောင်း သူ သဘောပေါက်သွား၏။</p> <p> </p> <p>သို့သော် ထိုအရာက မည်သို့ ဖြစ်နိုင်ပါမည်နည်း။</p> <p> </p> <p>နတ်ဘုရားခေတ် ပြီးဆုံးသွားပြီးနောက် သေမျိုးကမ္ဘာ၌ ထိုမျှအစွမ်းထက်သော သက်ရှိတစ်ယောက်က မည်သို့ ပေါ်လာနိုင်ပါမည်နည်း။ မဖြစ်သင့်ခြင်းပင်။</p> <p> </p> <p>တာအိုပြင်ပ နတ်ဆိုးများ ပြန်ပေါ်လာခြင်းလော။</p> <p> </p> <p>သူက အမြင်အာရုံ၏ အဆုံးကို လှမ်းကြည့်လိုက်သော်လည်း ဝတ်စုံပြောင်ကို ဝတ်ဆင်ထားသည့် အမျိုးသမီးက ပျောက်ကွယ်သွားပြီ ဖြစ်သည်။</p> <p> </p> <p>တစ်ချိန်တည်း၌ပင် သူ၏ ခန္ဓာကိုယ်ကလည်း ဖြည်းဖြည်းချင်း လွင့်စင်ပျောက်ကွယ်လာ၏။</p> <p> </p> <p>မဖြစ်ချေ။</p> <p> </p> <p>သူက ပြောင်းပြန်ပြန်ဖြစ်ကာ ခန္ဓာကိုယ်ပါ လုယူခံနေရခြင်းပင်။</p> <p> </p> <p>ကြယ်နတ်ဘုရားမှာ ချက်ချင်းဆိုသလို ထိတ်လန့်သွားကာ ဒေါသတကြီးဖြင့် မျက်လုံးများ ပြူးကျယ်လျက် အော်ဟစ်လိုက်၏။ "မင်းက ဘယ်သူလဲ... မဖြစ်နိုင်ဘူး၊ ဒီလောက်အစွမ်းထက်တဲ့သူမျိုး ဒီလောကမှာ မရှိနိုင်ဘူး... မင်းက ပြင်ပနယ်မြေက ကောင်းကင်နတ်ဆိုးလား..."</p> <p> </p> <p>နတ်ဘုရားခေတ်အစမှ ယခုအချိန်အထိတိုင်အောင် ထိုမျှလောက် အစွမ်းထက်သောသူမျိုး တစ်ကြိမ်တစ်ခါမျှ မပေါ်ပေါက်ခဲ့ဖူးချေ။</p> <p> </p> <p>လုံးဝကိုပင်။</p> <p> </p> <p>သို့သော် သူက မည်မျှပင် မေးမြန်းနေပါစေ၊ မည်မျှပင် အော်ဟစ်နေပါစေ၊ ဝတ်စုံပြောင်ကို ဝတ်ဆင်ထားသည့် အမျိုးသမီးက နောက်ထပ်တစ်ကြိမ် ပေါ်မလာတော့ချေ။</p> <p> </p> <p>သူက မျှော်လင့်ချက်မဲ့သွား၏။</p> <p> </p> <p>သေချာပေါက် ပို၍ အရှက်ရစရာ ကောင်းနေသေးပေသည်။</p> <p> </p> <p>အဘယ်ကြောင့်ဆိုသော် ထိုအမျိုးသမီးက သူ့ကို ပုရွက်ဆိတ်တစ်ကောင်အား ကြည့်သည့်အလား ကြည့်သွားခဲ့ကြောင်း သူသိထားသောကြောင့်ပင်။ မဟုတ်ချေ။ သူမ၏ မျက်လုံးများထဲ၌ သူက ပုရွက်ဆိတ်တစ်ကောင်လောက်တောင် အရေးမပါခဲ့ချေ။</p> <p> </p> <p>သူက နတ်ဘုရားတစ်ပါးပင်။</p> <p> </p> <p>သို့သော် သူ မည်မျှပင် မကျေမနပ်ဖြစ်နေပါစေ၊ အရှက်ရနေပါစေ၊ သူ ဘာမှမလုပ်နိုင်ချေ။</p> <p> </p> <p>သူ၏ နည်းလမ်းများအားလုံး ကုန်ခမ်းသွားသော်လည်း ဘာတစ်ခုမှ အလုပ်မဖြစ်ခဲ့ခြင်းပင်။</p> <p> </p> <p>သူက နည်းနည်းချင်းစီ ဝါးမျိုခံနေရသည်ကိုသာ ရပ်ကြည့်နေနိုင်တော့၏။</p> <p> </p> <p>အပြင်ဘက်၌ ရီထျန်းမင်မှာ သူ၏ မူလအသိစိတ်ပင်လယ်ထဲသို့ များပြားလှသော အချက်အလက်များ ဝင်ရောက်လာသည်ကို ရုတ်တရက် ခံစားလိုက်ရသည်။</p> <p> </p> <p>အစပိုင်း၌ သူက အနည်းငယ် တွေဝေသွားသော်လည်း သိပ်မကြာခင်၌ပင် ထိုအချက်အလက်များအားလုံးက ကြယ်နတ်ဘုရား၏ မှတ်ဉာဏ်များဖြစ်ကြောင်း သူသဘောပေါက်သွား၏။</p> <p> </p> <p>ရီထျန်းမင်မှာ ပို၍ပင် စိတ်ရှုပ်ထွေးသွားသည်။</p> <p> </p> <p>ဘာတွေ ဖြစ်နေပါသနည်း။</p> <p> </p> <p>သူ့ခေါင်းထဲ၌ ကြယ်နတ်ဘုရား၏ မှတ်ဉာဏ်တွေက အဘယ်ကြောင့် ရောက်နေပါသနည်း။</p> <p> </p> <p>သိပ်မကြာခင်၌ပင် သူက အနည်းငယ် သဘောပေါက်သွား၏။</p> <p> </p> <p>ကြယ်နတ်ဘုရားက သူ့အား ခန္ဓာကိုယ်လုယူရန် ကြိုးစားရာ၌ ကျရှုံးသွားခြင်း ဖြစ်လောက်၏။</p> <p> </p> <p>သို့သော် အဘယ်ကြောင့် ကျရှုံးသွားရပါသနည်း။</p> <p> </p> <p>ရီထျန်းမင်မှာ အင်မတန် အံ့အားသင့်နေ၏။</p> <p> </p> <p>သူ့ထံ၌ သက်ရှိသတ္တဝါအပေါင်းဉပဒေ ရှိနေသော်လည်း ထိုသက်ရှိသတ္တဝါအပေါင်းဉပဒေက ဤအဆင့်ရှိ သန်မာသူတစ်ဦးကို ရင်ဆိုင်ရာ၌ သေချာပေါက် အသုံးဝင်နိုင်မည် မဟုတ်ချေ။</p> <p> </p> <p>သို့သော် သူ့ထံ၌ စဉ်းစားနေရန် အချိန်မရှိတော့ချေ။ အဘယ်ကြောင့်ဆိုသော် ကြယ်နတ်ဘုရား၏ အဆုံးအစမရှိသော မှတ်ဉာဏ်များက သူ၏ အသိစိတ်ပင်လယ်ထဲသို့ ဒီရေလှိုင်းများအလား ဝင်ရောက်လာနေသောကြောင့်ပင်။</p> <p> </p> <p>များပြားလွန်းလှ၏။</p> <p> </p> <p>သူ၏ ခေါင်းမှာ ပေါက်ကွဲထွက်တော့မည်ဟုပင် သူ ခံစားနေရ၏။</p> <p> </p> <p>တစ်ချိန်တည်း၌ပင် ကြယ်နတ်ဘုရားကလည်း မကျေမနပ်ဖြင့် အော်ဟစ်နေဆဲပင်။</p> <p> </p> <p>သူက ထိုဓားအလင်းတန်းလေးဖြင့် ဒဏ်ရာအပြင်းအထန် ရစေခဲ့ခြင်းနှင့် ချိတ်ပိတ်ခြင်းကို နှစ်ပေါင်းများစွာ ခံခဲ့ရပြီးနောက် နောက်ဆုံး၌ လွတ်မြောက်လာခဲ့ကာ ဤမျှကောင်းမွန်သော အလားအလာရှိသူကိုပင် တွေ့ရှိခဲ့ရပေသည်။</p> <p> </p> <p>ယခုအခါ၌ အရာအားလုံးက အခြားသူတစ်ယောက်ကို အကျိုးပြုသွားတော့မည်ဖြစ်လေရာ သူက မည်သို့ ကျေနပ်နိုင်ပါမည်နည်း။</p> <p> </p> <p>သူက နတ်ဘုရားများ၏ စစ်ပွဲကြီး၌ပင် အသက်ရှင်ကျန်ရစ်ခဲ့သူ ဖြစ်၏။ သူ မသေချင်သေးချေ။</p> <p> </p> <p>သူက အရူးအမူး ခုခံလိုက်သော်လည်း အသုံးမဝင်ပေ။</p> <p> </p> <p>သေခြင်းတရားက ပို၍ နီးကပ်လာ၏။ နောက်ဆုံးတွင် အသက်ရှင်လိုစိတ်က နတ်ဘုရားတစ်ပါးအနေဖြင့် သူ၏ မာနကို နှိမ့်ချထားရန် ဖိအားပေးလာကာ ရီထျန်းမင်ထံမှနေ၍ သနားညှာတာမှုအား တက်ကြွစွာ စတင်တောင်းဆိုလာတော့သည်။ "အကယ်၍ မင်းသာ ငါ့ကို လွှတ်ပေးမယ်ဆိုရင် ငါက..."</p> <p> </p> <p>ရီထျန်းမင်က တိုက်ရိုက်ဆိုသလို ငြင်းပယ်လိုက်၏။ "အိပ်မက်မက်နေလိုက်"</p> <p> </p> <p>ကြယ်နတ်ဘုရား "......."</p> <p> </p> <p>ရီထျန်းမင်က အော်ဟစ်နေသော ကြယ်နတ်ဘုရားကို လျစ်လျူရှုထားလိုက်သည်။ သူက အလျင်အမြန်ပင် ထိုင်ချလိုက်ကာ ကြယ်နတ်ဘုရား၏ မှတ်ဉာဏ်များကို လျင်မြန်စွာ စတင်စုပ်ယူလိုက်၏။</p> <p> </p> <p>အပြင်ဘက်၌...</p> <p> </p> <p>ထိုအချိန်တွင် ဆံဖြူအမျိုးသမီးနှင့် တုန်းချန်တို့ကလည်း အကဲစမ်းနေဆဲပင်။ တုန်းချန်က ကောင်းကင်သခင်ကြေးမုံကို ကိုင်ဆောင်ထားကာ ရွှေရောင်အလင်းတန်းတစ်ခုက သူမကို လွှမ်းခြုံထားသော်လည်း သူမ၏ ရင်ဘတ်ပေါ်ရှိ ဒဏ်ရာက ပို၍ ကြီးမားလာကာ သူမ၏ ခန္ဓာကိုယ်ကလည်း ပို၍ အားနည်းလာနေ၏။</p> <p> </p> <p>နတ်ဘုရားသတ်လက်နက်ပင်။</p> <p> </p> <p>ထိုသို့သော နတ်ဘုရားလက်နက်မျိုးက နတ်ဘုရားများကိုပင် သတ်ဖြတ်နိုင်စွမ်းရှိလေရာ သေမျိုးဖြစ်သော တုန်းချန်အတွက်မူ ဆိုဖွယ်ရာပင် မရှိတော့ချေ။</p> <p> </p> <p>ဆံဖြူအမျိုးသမီးကမူ ထိုအခိုက်အတန့်၌ သက်ရှိသတ္တဝါအပေါင်းဉပဒေကြောင့် သူမ၏ ကျင့်ကြံခြင်းအဆင့်က ဖိနှိပ်ခံထားရကာ တုန်းချန်ကို နောက်ထပ်တစ်ကြိမ် တိုက်ခိုက်နိုင်ခြင်း မရှိတော့ချေ။ ထို့ကြောင့် ထိုအမျိုးသမီးနှစ်ဦးက အကဲစမ်းနေကြခြင်းပင်။</p> <p> </p> <p>သို့သော် ကြယ်နတ်ဘုရားက ရီထျန်းမင်၏ ခန္ဓာကိုယ်အား လုယူရန် ရီထျန်းမင်၏ ခန္ဓာကိုယ်ထဲသို့ ဝင်ရောက်သွားပြီဖြစ်သဖြင့် ဆံဖြူအမျိုးသမီးက ပို၍ ယုံကြည်မှုရှိနေကြောင်း သိသာနေ၏။</p> <p> </p> <p>တကယ်တမ်း၌ ကြယ်နတ်ဘုရားမှာ အစကတည်းက သူတစ်ယောက်တည်ဖြင့် ထိုသုံးယောက်ကို ရင်ဆိုင်ရန် မရည်ရွယ်ခဲ့ချေ။ သေချာပေါက် ကြယ်နတ်ဘုရား တန်ဖိုးထားသည်က သူမ မဟုတ်ဘဲ သူမ၏ နောက်ကွယ်ရှိ အင်အားစုများပင်။</p> <p> </p> <p>မော့ခယ်သေမင်းနယ်မြေ ဖြစ်သည်။</p> <p> </p> <p>မော့ခယ်သေမင်းနယ်မြေက အထွတ်အမြတ်နတ်ဘုရားကျောင်းတော်ငါးခုထဲမှ တစ်ခု မဟုတ်ချေ။ သူတို့ထံ၌ အစစ်အမှန်နတ်ဘုရားများ ရှိကြသော်လည်း သူတို့၏ အစစ်အမှန်နတ်ဘုရားက ပြင်းထန်စွာ ဒဏ်ရာရရှိထားကာ ချိတ်ပိတ်ခံထားရသည့် အခြေအနေတွင် ရှိနေပြီး အထွတ်အမြတ်နတ်ဘုရားကျောင်းတော်ငါးခု၏ အစစ်အမှန်နတ်ဘုရားများက ပူးပေါင်း၍ သူ့ကို ဒဏ်ရာပြင်းထန်စွာ ရအောင် လုပ်ခဲ့ကြခြင်းပင်။ ထို့ကြောင့် သူတို့က ဤနှစ်များတစ်လျှောက် ပုန်းအောင်းနေခဲ့ကြရသည်။</p> <p> </p> <p>ကြယ်နတ်ဘုရား ပေါ်လာပြီးနောက် သူက ပိုင်နက်တစ်ခုကို သေချာပေါက် အလိုရှိမည်ပင်။ မည်သို့ပင်ဆိုစေကာမူ ပိုင်နက်တစ်ခုက အမွှေးတိုင်တရားဝင်အိမ်တော်တစ်ခုကို ကိုယ်စားပြုနေကာ အမွှေးတိုင်တရားဝင်အိမ်တော်အသစ်တစ်ခုကို ပိုင်ဆိုင်ထားမှသာ သူက အထွတ်အထိပ်အခြေအနေသို့ ပြန်လည်ရောက်ရှိနိုင်မည် ဖြစ်သည်။ ဤသည်က ဆံဖြူအမျိုးသမီးကို သူရွေးချယ်ရသည့် အကြောင်းရင်းလည်း ဖြစ်၏။</p> <p> </p> <p>ဆံဖြူအမျိုးသမီး၏ တည်ငြိမ်မှုနှင့် နှိုင်းယှဉ်လျှင် တုန်းချန်၏ မျက်နှာကမူ မည်းသည်းနေသည်။</p> <p> </p> <p>ပထမအချက်အနေဖြင့် သူမက ယခုအချိန်၌ ခဲယဉ်းစွာ တောင့်ခံထားနိုင်ရုံသာဖြစ်ကာ အချိန်အကြာကြီး ဆက်လက်၍ တောင့်ခံထားနိုင်မည် မဟုတ်ချေ။ အဘယ်ကြောင့်ဆိုသော် နတ်ဘုရားသတ်လက်နက်၏ စွမ်းအားက အင်မတန် ကြောက်မက်ဖွယ် ကောင်းလွန်းလှသောကြောင့်ပင်။</p> <p> </p> <p>ဒုတိယအချက်အနေဖြင့် ရီထျန်းမင်၏ ခန္ဓာကိုယ်သာ အောင်မြင်စွာ လုယူခံလိုက်ရပါက ထိုအချိန်၌ အစစ်အမှန်နတ်ဘုရားအနည်းငယ်မှလွဲ၍ ဤနတ်ဘုရားစိတ်ဝိညာဉ်စကြာဝဠာထဲ၌ မည်သူက ဤကြယ်နတ်ဘုရားကို ယှဉ်ပြိုင်နိုင်ပါတော့မည်နည်း။</p> <p> </p> <p>လက်ရှိအခြေအနေက သူမအတွက် အင်မတန် အဆင်မပြေ ဖြစ်နေသည်ဟု ဆိုနိုင်ပေသည်။</p> <p> </p> <p>သို့သော် သူမထံ၌ ရွေးချယ်စရာ မရှိချေ။ အဘယ်ကြောင့်ဆိုသော် သူမက အပြင်ကမ္ဘာနှင့် လုံးဝ အဆက်အသွယ် မလုပ်နိုင်သောကြောင့်ပင်။</p> <p> </p> <p>ဤဧရိယာကို ကြယ်နတ်ဘုရားက လုံးဝအထီးကျန်ဖြစ်အောင် ပြုလုပ်ထား၏။</p> <p> </p> <p>တုန်းချန်၏ အကြည့်က ရီထျန်းမင်ထံသို့ ကျရောက်သွားသည်။ သူမ၏ အမူအရာက ရှုပ်ထွေးနေ၏။ ရီထျန်းမင်က အနည်းငယ် လျှို့ဝှက်ဆန်းကြယ်ကာ ထူးခြားသော နောက်ခံတစ်ခု ရှိနေကြောင်း သူမ သိထားသော်လည်း သူက မည်မျှပင် လျှို့ဝှက်ဆန်းကြယ်နေစေကာမူ၊ မည်မျှပင် ထူးခြားနေစေကာမူ အစစ်အမှန်နတ်ဘုရားတစ်ပါးကို သေချာပေါက် ယှဉ်ပြိုင်နိုင်မည်မဟုတ်ကြောင်းကိုလည်း သူမက အင်မတန် ရှင်းလင်းစွာ သိထားပေသည်။</p> <p> </p> <p>အစစ်အမှန်နတ်ဘုရား။</p> <p> </p> <p>ခေတ္တမျှ ရင်ဆိုင်ခဲ့ပြီးနောက် သူမ၏ လက်ရှိ နတ်ဘုရားတုအဆင့်က နတ်ဘုရားသတ်လက်နက် ရှိနေသည့်တိုင် အစစ်အမှန်နတ်ဘုရားတစ်ပါးနှင့် နှိုင်းယှဉ်လျှင် ကွာဟချက်က ကြီးမားလွန်းလှကြောင်း သူမ သိလိုက်ရ၏။</p> <p> </p> <p>ထိုစဉ် ရီထျန်းမင်၏ ခန္ဓာကိုယ်ပေါ်ရှိ အရှိန်အဝါက ရုတ်တရက် စတင်ပြောင်းလဲလာသည်။ တစ်ချိန်တည်း၌ပင် သူ၏ မျက်နှာကလည်း ပို၍ ဖြူဖျော့လာကာ သူ၏ မျက်နှာသွင်ပြင်များကလည်း နာကျင်မှုတစ်ခုခုကို ခံစားနေရသည့်အလား ရှုံ့မဲ့လာ၏။</p> <p> </p> <p>ထိုမြင်ကွင်းကို မြင်လိုက်ရသည်တွင် တုန်းချန်၏ နှလုံးသားက ချက်ချင်းဆိုသလို အောက်ခြေအထိ ကျဆင်းသွားသည်။</p> <p> </p> <p>ထိုအချိန်၌ ရီထျန်းမင် နာကျင်နေရခြင်းမှာ သူက များပြားလှသော မှတ်ဉာဏ်များကို စုပ်ယူလိုက်ရသောကြောင့်ပင်။ ထိုမှတ်ဉာဏ်များထဲရှိ အချက်အလက်များက များပြားလွန်းလှသဖြင့် သူ၏ မူလအသိစိတ်ပင်လယ်က မခံနိုင်ဖြစ်လာသောကြောင့် ဖြစ်သည်။</p> <p> </p> <p>မည်သို့ပင်ဆိုစေကာမူ တဖက်လူက ရှေးဟောင်းအစစ်အမှန်နတ်ဘုရားတစ်ပါး မဟုတ်ပါလော။</p> <p> </p> <p>ထို့ပြင် သူ၏ ခန္ဓာကိုယ်ကလည်း ကြယ်နတ်ဘုရား၏ ရုပ်ခန္ဓာနှင့် နတ်ဘုရားစိတ်ဝိညာဉ်ကို စုပ်ယူနေဆဲပင်။</p> <p> </p> <p>သူ၏ မူလအသိစိတ်ပင်လယ်က အနည်းငယ် မခံနိုင်ဖြစ်နေရုံသာမက သူ၏ ရုပ်ခန္ဓာနှင့် နတ်ဘုရားစိတ်ဝိညာဉ်ကလည်း မခံနိုင်ဖြစ်နေကြ၏။ သူ၏ ရုပ်ခန္ဓာက ကြယ်နတ်ဘုရားမဟာတာအိုပေါ်၌ မြှင့်တင်ခဲ့ခြင်းကြောင့်သာ တော်သေးသည်ဟု ဆိုရမည်ပင်။ ထိုသို့မဟုတ်ပါက သူလည်း ပေါက်ကွဲပြီး သေဆုံးသွားလောက်ပြီ ဖြစ်သည်။</p> <p> </p> <p>တစ်ချိန်တည်း၌ပင် ကြယ်နတ်ဘုရား၏ အသံကလည်း ပို၍ အားနည်းလာ၏။</p> <p> </p> <p>ထိုအားနည်းနေသော အသံထဲ၌ ပြင်းထန်သော မကျေနပ်မှုများ ပါဝင်နေသော်လည်း သူ မည်မျှပင် ရုန်းကန်နေစေကာမူ ရီထျန်းမင်က သူ့ကို လုံးဝ လျစ်လျူရှုထားလိုက်သည်။</p> <p> </p> <p>ရီထျန်းမင်အတွက်မူ ဤကြီးမားလှသော ကံကောင်းမှုကို ဆုပ်ကိုင်ထားရမည်ဖြစ်ကာ လုံးဝ အဆုံးရှုံးခံ၍ မရနိုင်ချေ။</p> <p> </p> <p>အချိန်အနည်းငယ်ကြာပြီးနောက် ရုတ်တရက် ရီထျန်းမင်က "ဟန်... သူ့ရဲ့ မှတ်ဉာဏ်တစ်စိတ်တစ်ပိုင်းကို ချိတ်ပိတ်ဖို့ ငါ့ကို ကူညီပါဦး"</p> <p> </p> <p>ရွှမ်...</p> <p> </p> <p>သူ၏ ခန္ဓာကိုယ်ထဲ၌ ရုတ်တရက် ဓားမြည်သံတစ်သံ ပဲ့တင်ထပ်သွားသည်။</p> <p> </p> <p>ဟန်က သူ၏ မူလအသိစိတ်ပင်လယ်ထဲသို့ တိုက်ရိုက် ဝင်ရောက်လာကာ သူနှင့်အတူ ကျန်ရှိနေသော မှတ်ဉာဏ်အချို့ကို ချိတ်ပိတ်လိုက်၏။</p> <p> </p> <p>အခြားနည်းလမ်း မရှိချေ၊ ကြယ်နတ်ဘုရား၏ မှတ်ဉာဏ်များက များပြားလွန်းလှခြင်းကြောင့်ပင်။</p> <p> </p> <p>သူက ယခုအချိန်၌ ဤမျှ များပြားလှသည်များကို မစုပ်ယူနိုင်သဖြင့် ယာယီချိတ်ပိတ်ထားရန်သာ တတ်နိုင်တော့၏။</p> <p> </p> <p>သိပ်မကြာခင်၌ပင် သူနှင့် ဟန်တို့ ပူးပေါင်းလုပ်ဆောင်ကာ နောက်ဆုံး၌ နတ်ဘုရားစိတ်ဝိညာဉ်၏ ကျန်ရှိနေသော မှတ်ဉာဏ်များကို သူ၏ မူလအသိစိတ်ပင်လယ် အနက်ပိုင်း၌ စုပ်ယူခြင်းမရှိဘဲ သိမ်းဆည်းထားလိုက်၏။</p> <p> </p> <p>"အား..."</p> <p> </p> <p>ထိုစဉ် သူ၏ မူလအသိစိတ်ပင်လယ် အနက်ပိုင်း၌ မကျေနပ်မှုများ ရောယှက်နေသော သနားစရာ အော်ဟစ်သံတစ်သံက ရုတ်တရက် ပဲ့တင်ထပ်သွားသော်လည်း သိပ်မကြာခင်၌ပင် ထိုအသံက လုံးဝ ပျောက်ကွယ်သွား၏။</p> <p> </p> <p>ဤလောက၌ ကြယ်နတ်ဘုရားဆိုသည်မှာ မရှိတော့ချေ။</p> <p> </p> <p>ရီထျန်းမင်သည်လည်း တိုက်ရိုက်ဆိုသလို လဲကျသွားလေသည်။</p> <p> </p> <p>ထိုမြင်ကွင်းကို မြင်လိုက်ရသည်တွင် မလှမ်းမကမ်းရှိ အမျိုးသမီးနှစ်ဦးစလုံးက မျက်မှောင်ကြုတ်သွားကြ၏။</p> <p> </p> <p>ဘာတွေ ဖြစ်နေပါသနည်း။</p> <p> </p> <p>သိပ်မကြာခင်၌ပင် ရီထျန်းမင်က ရုတ်ခြည်းဆိုသလို ဖြည်းညင်းစွာ ထထိုင်လာသည်။ ထို့နောက် သူက ခေါင်းကို အားပြင်းပြင်းဖြင့် ခါယမ်းလိုက်၏။ ထိုအခိုက်အတန့်၌ သူ၏ ခေါင်းထဲတွင် ခဲများ ထည့်ထားသည့်အလား တကယ်ကို လေးလံနေကြောင်း ခံစားနေရပေသည်။</p> <p> </p> <p>အချိန်အနည်းငယ် ကြာပြီးနောက် ရုတ်တရက်ရီထျန်းမင်၏ နှုတ်ခမ်းထောင့်၌ အပြုံးတစ်ခု ဖြစ်တည်လာ၏။</p> <p> </p> <p>ထိုအပြုံးက တကယ်ကို အနည်းငယ် ကျောချမ်းဖွယ် ကောင်းနေသည်။</p> <p> </p> <p>သူ၏ ဘေးရှိ အမျိုးသမီးနှစ်ဦးမှာ လုံးဝကို စိတ်ရှုပ်ထွေးသွားကြ၏။</p> <p> </p> <p>ရီထျန်းမင်၏ နှုတ်ခမ်းထက်ရှိ အပြုံးက ပို၍ ကျယ်ပြန့်လာသည်။ အဘယ်ကြောင့်ဆိုသော် သူက မှတ်ဉာဏ်များစွာကို ရရှိခဲ့သောကြောင့်ပင်။ ထိုမှတ်ဉာဏ်များထဲ၌ ကြယ်နတ်ဘုရား၏ ကျင့်ကြံခြင်းနည်းစနစ်သာမက ကြယ်နတ်ဘုရားကိုယ်တိုင် ဖန်တီးခဲ့သော နတ်ဘုရားသိုင်းပညာနှင့် ကြယ်နတ်ဘုရား မဟာတာအိုလည်း ပါဝင်နေပေသည်။</p> <p> </p> <p>စကြာဝဠာကို စစ်တုရင်ခုံအဖြစ် အသုံးပြုကာ ကြယ်များကို နယ်ရုပ်များအဖြစ် အသုံးပြုပြီး ကြယ်များကို လက်တစ်ဖက်တည်းဖြင့် ရွှေ့ပြောင်း၍ အရာအားလုံးကို ဖိနှိပ်ခြင်း။ ယင်းကို နတ်ဘုရားများခေတ်၏ အစွမ်းအထက်ဆုံး နတ်ဘုရားသိုင်းပညာ သုံးခုထဲမှ တစ်ခုအဖြစ် သိထားကြ၏။</p> <p> </p> <p>ရီထျန်းမင် တကယ်ကို အနည်းငယ် အံ့ဩသွား၏။ အဘယ်ကြောင့်ဆိုသော် ကြယ်နတ်ဘုရား၏ စွမ်းအားက သူ၏ အထွတ်အထိပ်ကာလမှ တစ်ရာခိုင်နှုန်းခန့်ပင် ရှိမည်မဟုတ်ကြောင်း သူတွေ့ရှိလိုက်ရသောကြောင့်ပင်။</p> <p> </p> <p>အဘယ်ကြောင့်ဆိုသော် စောနက ကြယ်နတ်ဘုရားသည် ဂြိုဟ်တစ်လုံးတည်းကိုသာ ရွှေ့ပြောင်းခဲ့သောကြောင့် ဖြစ်၏။ အကယ်၍ ကြယ်နတ်ဘုရားသာ သူ၏ အထွတ်အထိပ်အခြေအနေ၌ ရှိနေမည်ဆိုလျှင် လက်တစ်ချက် ဝှေ့ယမ်းလိုက်ရုံဖြင့် အဆုံးအစမရှိသော ကြယ်များက အစီအရင်တစ်ခု ဖန်တီးရန် ရွေ့လျားသွားကြလိမ့်မည်ပင်။</p> <p> </p> <p>ဤသည်က ထိုကမ္ဘာရှိ အစစ်အမှန်နတ်ဘုရားများ၏ စွမ်းအားများမှာ အင်မတန် ကြောက်မက်ဖွယ် ကောင်းလှကြောင်းကိုလည်း သူ့အား သဘောပေါက်သွားစေခဲ့သည်။</p> <p> </p> <p>သေချာပေါက် ထိုအစစ်အမှန်နတ်ဘုရားများနှင့် ဒုတိယဆရာတူအစ်မ၊ ထိုသိုင်းနတ်ဘုရားတို့ထဲ၌ မည်သူက ပို၍ အားကောင်းသနည်းဆိုသည်ကိုမူ သူ မသေချာချေ။</p> <p> </p> <p>မည်သို့ပင်ဆိုစေကာမူ ဒုတိယဆရာတူအစ်မနှင့် ထိုသိုင်းနတ်ဘုရားတို့သာ ဤစကြာဝဠာထဲသို့ ရောက်ရှိလာပါလျှင် သေချာပေါက် အင်မတန် ကြောက်မက်ဖွယ် ကောင်းနေလိမ့်မည်ပင်။</p> <p> </p> <p>သို့သော် ဤစကြာဝဠာ၏ ထူးခြားသော တာအိုဉပဒေသ ပျောက်ကွယ်သွားရမည်ဆိုသည့် အကြိုအခြေအနေတစ်ခုတော့ ရှိပေသည်။</p> <p> </p> <p>ရီထျန်းမင်က သူ၏ အတွေးများကို ရုပ်သိမ်းလိုက်ကာ ကြယ်နတ်ဘုရား၏ မှတ်ဉာဏ်များကို ဆက်လက်လေ့လာလိုက်၏။</p> <p> </p> <p>ကြယ်နတ်ဘုရားမဟာတာအိုအပြင် ကြယ်နတ်ဘုရားက ကြယ်ကာကွယ်ခြင်းနည်းစနစ်ကိုလည်း ဖန်တီးခဲ့ကာ ယင်းက တစ်စုံတစ်ယောက်၏ ခန္ဓာကိုယ်ကို လွှမ်းခြုံရန် ကြယ်များကို အသက်သွင်းပေးနိုင်ပြီး ထိုသူအတွက် မသေဆုံးနိုင်သော ကြယ်ရုပ်ခန္ဓာကို ဖန်တီးပေးနိုင်ပေသည်။</p> <p> </p> <p>ယင်းကလည်း နတ်ဘုရားသိုင်းပညာတစ်ခုပင်။</p> <p> </p> <p>လက်ရှိ သူ့အတွက် ဤအရာက ကောင်းကင်ကို ဆန့်ကျင်နိုင်လောက်အောင် အစွမ်းထက်နေ၏။ ဤသည်က တကယ်ကို ကြီးမားလှသော အကျိုးအမြတ်တစ်ခုပင်။</p> <p> </p> <p>သူ၏ ကိုယ်ပိုင်ပါရမီနှင့် ကြယ်နတ်ဘုရား၏ မှတ်ဉာဏ်များလည်း ရှိထားသဖြင့် ယင်းကို ကျင့်ကြံရန်မှာ လွယ်ကူလွန်းလှပေသည်။ သေချာသည်မှာမူ ငွေနှင့် အမွှေးတိုင်စွမ်းအင်များ ရှိရန်တော့ လိုအပ်ခြင်းပင်။</p> <p> </p> <p>ဤနတ်ဘုရားသိုင်းပညာကို အဆုံးစွန်ထိ ကျင့်ကြံရန်အတွက် အမွှေးတိုင်စွမ်းအင် အမြောက်အမြား လိုအပ်ပေသည်။</p> <p> </p> <p>အချိန်အနည်းငယ်ကြာပြီးနောက် ရီထျန်းမင်က မျက်လုံးများကို ဖြည်းညင်းစွာ ဖွင့်လိုက်၏။</p> <p> </p> <p>အမျိုးသမီးနှစ်ဦး၏ အကြည့်က သူ့ထံသို့ ချက်ချင်း ကျရောက်လာသည်။</p> <p> </p> <p>ရီထျန်းမင်က မတ်တတ်ရပ်လိုက်၏။ သူက ဆံဖြူအမျိုးသမီးကို တည်ငြိမ်သောအကြည့်ဖြင့် ကြည့်လိုက်ကာ "စိတ်မပူပါနဲ့၊ မင်းကိုပေးထားတဲ့ ကတိကို ငါ ဖျက်မှာမဟုတ်ပါဘူး"</p> <p> </p> <p>ထိုစကားကို ကြားလိုက်ရသည်တွင် တုန်းချန်၏ မျက်နှာက လုံးဝ မည်းသည်းသွား၏။</p> <p> </p> <p>ကြယ်နတ်ဘုရားက အောင်မြင်သွားခြင်းပင်။။</p> <p> </p> <p>မလှမ်းမကမ်းရှိ ဆံဖြူအမျိုးသမီးကမူ ရီထျန်းမင်၏ စကားများကို ကြားလိုက်ရသည်တွင် ခေါင်းကို အနည်းငယ်မျှ ညိတ်ပြလိုက်၏။</p> <p> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save