Book List

<h2 style="text-align: center;">အခန်း (၂၉၄) - အုပ်စုလိုက်သုတ်သင်ပစ်ခြင်း၊</h2> <h2 style="text-align: center;">ကြီးမားသော အကျိုးအမြတ်၊ သိုင်းဧကရာဇ်ကျမ်း(၂)</h2> <h2 style="text-align: center;">*</h2> <p> </p> <p> </p> <p> </p> <p>ကောင်းကင်သို့ ထိုးတက်နေသော အနီရောင် မီးတောက်များမှာ မီးတောက် ဒိုင်းကာတစ်ခုအလား ဖြစ်နေခဲ့၏။</p> <p> </p> <p>“ဒီကြေးဝါအိုးမှာ တစ်ခုခု မှားနေပြီ... မီးတောက် အစီအရင်က အရမ်း အားကောင်းလွန်းတယ်၊ ငါတို့ အပြင်ထွက်နိုင်ဖို့ အားလုံး ပူးပေါင်းလုပ်ဆောင်ရမယ်...”</p> <p> </p> <p>“မြန်မြန် နည်းလမ်းရှာကြ... ဒီမီးတောက်တွေက အရမ်း အားကောင်းလွန်းတယ်...”</p> <p> </p> <p>“ကျက်သရေတုံးလိုက်တာ... ဒီကောင်လေးက ကိုင်တွယ်ရ မလွယ်ဘူးလို့ ငါထင်တယ်...”</p> <p> </p> <p>... ဖန်ထျန်း ကြေးဝါအိုးကြီး အတွင်းတွင် လူတိုင်းမှာ ထိတ်လန့်တကြား ဖြစ်နေကြလေသည်။ </p> <p>ဤအချိန်တွင် သူတို့သည် ရေနွေးအိုးထဲမှ ပုရွက်ဆိတ်များအလား ဖန်ထျန်း ကြေးဝါအိုးကြီး ၏ အတွင်းနံရံကို အဆက်မပြတ် ဝင်တိုက်နေကြ၏။</p> <p> </p> <p>သူတို့၏ ခန္ဓာကိုယ်များမှာ နီရဲလာကြလေသည်။</p> <p> </p> <p>ဤမျှ ပြင်းထန်သော မီးတောက်များကို သူတို့ အချိန်အကြာကြီး ခံနိုင်ရည်မရှိကြပေ။</p> <p> </p> <p>အခြား နည်းလမ်း မရှိတော့ပေ...။ ယခုအခါ သူတို့ထံတွင် ရှိသမျှ လျှို့ဝှက်ချက်များကို ထုတ်သုံးရတော့မည် ဖြစ်သည်။</p> <p> </p> <p>“မရဏနတ်ဆိုးဖျက်ဆီးခြင်း သိုင်းကွက်...”</p> <p> </p> <p>မရဏနတ်ဆိုးလေးကောင်၏ ပုံရိပ် လေးခုက တစ်ခုနှင့်တစ်ခု ထပ်တူကျသွားပြီး နက်နဲလှသော အမှောင်ယွမ်စွမ်းအင်များ တစ်ပြိုင်နက်တည်း လှိုင်းတံပိုးများအလား ထွက်ပေါ်လာခဲ့၏။</p> <p> </p> <p> သူတို့၏ လက်သင်္ကေတများက တစ်ပြိုင်တည်းပြောင်းလဲသွားပြီး လူလေးယောက်၏ စွမ်းအားများကို ပေါင်းစပ်ကာ တူညီသော သိုင်းပညာရပ် တစ်ခုကို ထုတ်လွှတ်လိုက်ကြလေသည်။</p> <p> </p> <p>အမှောင်ယွမ်စွမ်းအင်များက ဒီရေလှိုင်းတစ်ခုအလား ပြန့်နှံ့သွားပြီး အနက်ရောင် နတ်ဆိုးအလင်းတိုင်ကြီး တစ်ခုအဖြစ်သို့ လျင်မြန်စွာ ပြောင်းလဲသွားခဲ့၏။</p> <p> </p> <p>ထိုအလင်းတိုင်က ကြောက်မက်ဖွယ်ကောင်းသော ဖျက်ဆီးခြင်း အရှိန်အဝါကို ထုတ်လွှတ်နေခဲ့သည်။ အသေးစား အောင်မြင်မှုအဆင့် ဆန်းကြယ်ရှင်ခြင်းအဆင့်ရှိ သူတစ်ဦးပင်လျှင် ဤအလင်းတိုင်အောက်တွင် ခါးသီးသော ရှုံးနိမ့်မှုကို ခံစားရပေလိမ့်မည်။</p> <p> </p> <p>အလင်းတိုင် စုစည်းဖြစ်ပေါ်လာသည်နှင့်တစ်ပြိုင်နက် ၎င်းက ဖန်ထျန်း ကြေးဝါအိုးကြီးကို ပိုင်းဖြတ်ရန် ကြိုးပမ်းလျက် ပြင်းထန်စွာ ပစ်လွှတ်ထွက်ပေါ်လာခဲ့လေသည်။</p> <p> </p> <p>ဝူယွမ်သည် ယခုအခါ ဖန်ထျန်း ကြေးဝါအိုးကြီး၏ အထက်တွင် ရှိနေပြီး အတွင်းပိုင်း အခြေအနေကို ရှင်းလင်းစွာ အာရုံခံနိုင်လေသည်။</p> <p> </p> <p>မရဏနတ်ဆိုးလေးကောင်၏ ပေါင်းစပ် တိုက်ခိုက်မှုကို မြင်သောအခါ သူက ခြေကို နှစ်ကြိမ် ဆောင့်နင်းလိုက်ရာ သူ၏ ကိုယ်တွင်းမှ အားကောင်းသော ဆွဲငင်အား နယ်မြေက လှိုင်းတံပိုးများအလား ပေါက်ကွဲထွက်လာခဲ့၏။</p> <p> </p> <p>“ဘန်း...”</p> <p> </p> <p>စွမ်းအား နှစ်ခုက ကြေးဝါအိုး ကိုယ်ထည်ကို ဖြတ်သန်းကာ အချင်းချင်း တိုက်မိသွားကြလေသည်။</p> <p> </p> <p>ဝူယွမ်၏ စွမ်းအားက ကြေးဝါအိုး ကိုယ်ထည်ကို ထိုးဖောက်ဝင်ရောက်သွားပြီး တောင်ကို ကျော်၍ နွားကို ရိုက်ခြင်း ဟူသော နက်နဲသည့် သဘောတရားကို ပြသကာ သူ၏ အားကောင်းသော စွမ်းအားက မရဏနတ်ဆိုးလေးကောင်၏ တိုက်ခိုက်မှုနှင့် ရိုက်ခတ်မှုကို ခံနိုင်ရည်ရှိစေရန် ဖန်ထျန်း ကြေးဝါအိုးကြီးကို ထောက်ပံ့ပေးလိုက်လေသည်။</p> <p> </p> <p>ကြေးဝါအိုး ကိုယ်ထည်မှာ အနည်းငယ် တုန်ခါသွားသော်လည်း အက်ကွဲသွားမည့် လက္ခဏာ အနည်းငယ်မျှပင် မပြသခဲ့ပေ။</p> <p> </p> <p>တုံးအိအိ ဟိန်းဟောက်သံကြီး တစ်ခု ပဲ့တင်ထပ်သွားပြီး လူရိပ် လေးခုမှာ နောက်သို့ တိုက်ရိုက် လွင့်စင်သွားကာ မီးတောက်အလင်းတန်း အစီအရင်၏ အလင်းတန်းအလွှာနှင့် သွားတိုက်မိကြလေသည်။</p> <p> </p> <p>၎င်းထံမှ ထွက်ပေါ်လာသော ပြင်းထန်သည့် အပူရှိန်က မရဏနတ်ဆိုးလေးကောင် ကို နောက်တစ်ကြိမ် လောင်ကျွမ်းသွားစေခဲ့ပြီး သူတို့၏ မျက်နှာများမှာ နီရဲသွားကာ အသက်ရှူရပင် ခက်ခဲလာခဲ့လေသည်။</p> <p> </p> <p>“ငါတို့ ညီအစ်ကို နှစ်ယောက်ကိုလုပ်ခွင့်ပေးပါ...”</p> <p> </p> <p>ယန်ညီအစ်ကိုများ ရှေ့သို့ ထွက်လာကြ၏။ သူတို့၏ ယွမ်စွမ်းအင်များ ပေါက်ကွဲထွက်လာသည်နှင့်အမျှ ကြီးကျယ်ခမ်းနားသော မီးခိုးရောင်အရိပ်တစ်ခုက သူတို့၏ အနောက်ဘက်တွင် စုစည်းလာခဲ့လေသည်။</p> <p> </p> <p>ထို့နောက် ခပ်ဩဩ အော်ဟစ်သံ တစ်ခုက သူတို့၏ ပါးစပ်မှ ရုတ်တရက် ထွက်ပေါ်လာခဲ့၏။</p> <p> </p> <p>“သိုင်းဧကရာဇ်ကျမ်း၊ မိစ္ဆာခွဲဖြာလက်သီး...”</p> <p> </p> <p>ခပ်ဩဩ အော်ဟစ်သံ ကျဆင်းသွားသည်နှင့်အမျှ ကြီးကျယ်ခမ်းနားသော မီးခိုးရောင် အရိပ် အတွင်းမှ ရှေးဟောင်း လက်သီးကြီး တစ်ခု ရုတ်တရက် ထွက်ပေါ်လာခဲ့လေသည်။ </p> <p>ထိုလက်သီးကြီးမှာ ရှေးဟောင်း ပုံစံများဖြင့် ဖုံးလွှမ်းနေပြီး ထူးဆန်းသော လှိုင်းဂယက်တစ်ခု ၎င်းထံမှ ခပ်ရေးရေး ပြန့်နှံ့ထွက်ပေါ်နေခဲ့သည်။</p> <p> </p> <p>ဤညီအစ်ကိုနှစ်ဦး၏ စွမ်းအားမှာ မရဏနတ်ဆိုးလေးကောင်နှင့် ဆင်တူသော်လည်း ဤအချိန်တွင် သူတို့ ပြသသော သိုင်းပညာရပ်၏ စွမ်းအားမှာ ထိုလေးယောက်၏ ပေါင်းစပ် တိုက်ခိုက်မှုထက်ပင် အားမနည်းကြောင်း တွေ့လိုက်ရလေသည်။</p> <p> </p> <p>“ဒါက ထိပ်တန်း အဆင့်ရှိ ကောင်းကင်သိုင်းပညာရပ်တွေသာ ပိုင်ဆိုင်နိုင်တဲ့ စွမ်းအားမျိုးပဲ...”</p> <p> </p> <p>မီးတောက်အစီအရင်အတွင်း ရုန်းကန်နေရသူများက ထိုညီအစ်ကို နှစ်ဦး ပြသသော သိုင်းပညာရပ်ကို ကြောက်လန့်တကြား ကြည့်လိုက်ကြပြီး လုံးဝ အံ့ဩမှင်တက်သွားကြလေသည်။</p> <p> </p> <p>“သိုင်းဧကရာဇ်ကျမ်းလား...”</p> <p> </p> <p>“သိုင်းဧကရာဇ်ရဲ့ ရှေးဟောင်း အမွေအနှစ်ကို ဒီညီအစ်ကို နှစ်ယောက်ကများ ရသွားခဲ့တာလား...”</p> <p> </p> <p>“ကျက်သရေတုံးလိုက်တာ... ဒီယန်ညီအစ်ကို နှစ်ယောက်က အရမ်းကို ဖုံးကွယ်ထားတာပဲ...”</p> <p> </p> <p>“သိုင်းဧကရာဇ်ကျမ်း ပီပီ စွမ်းအားက အံ့ဩစရာပဲ... ကံမကောင်းတာက ယန်ညီအစ်ကိုတွေ ရဲ့ စွမ်းအားက နည်းနည်း အားနည်းနေသေးတာ... သူတို့ ဖောက်ထွက်နိုင်ပါ့မလား မသိဘူး...”</p> <p> </p> <p>“အားလုံးပဲ... အတူတူ တိုက်ခိုက်ကြစို့...”</p> <p> </p> <p>“အလွှာတစ်ထောင် ဒီရေလှိုင်း ခုတ်ပိုင်းခြင်း...”</p> <p> </p> <p>“တိမ်တိုက်မှောက်လှန် ကောင်းကင်ဖုံးလွှမ်း လက်ဝါး...”</p> <p> </p> <p>လူတိုင်းက ယန်ညီအစ်ကိုနှင့်အတူ တိုက်ခိုက်လိုက်ကြလေသည်။ တောက်ပသော သိုင်းပညာရပ် အလင်းတန်း မျိုးစုံသည်လည်း အနီရင့်ရောင် မီးတောက်များ ကြားတွင် လင်းလက်လာခဲ့၏။</p> <p> </p> <p> သူတို့က ဖန်ထျန်း ကြေးဝါအိုးကြီး အက်ကွဲသွားစေရန် ကြိုးပမ်းနေကြခြင်း ဖြစ်သည်။</p> <p> </p> <p>သို့သော် အဆင့်မြင့် သန့်စင်ယွမ်ရတနာ တစ်ခုကို သူတို့၏ စွမ်းအားလေးများဖြင့် မည်သို့ တုန်လှုပ်သွားစေနိုင်မည်နည်း။</p> <p> </p> <p>သိုင်းပညာရပ်မျိုးစုံ ကျရောက်သွားသော်လည်း သူတို့ ရရှိသော တစ်ခုတည်းသော တုံ့ပြန်မှုမှာ ကြေးဝါအိုး၏ နက်နဲသော အသံကြီးသာ ဖြစ်လေသည်။</p> <p> </p> <p>“ဟဲဟဲ၊ မင်းတို့က မီးလောင်တာကို တကယ်ပဲ ခံနိုင်ရည်ရှိတာကိုး... ဒါဆိုရင် မင်းတို့အတွက် မီးနည်းနည်း ထပ်တိုးပေးရတာပေါ့...”</p> <p> </p> <p>လူတိုင်းက ခုခံနိုင်စွမ်း ရှိနေသေးသည်ကို မြင်သောအခါ ဝူယွမ်က အေးစက်စွာ လှောင်ပြုံးပြုံးလိုက်လေသည်။ ချက်ချင်းပင် အဖြူရောင်ဖျော့ဖျော့ မီးတောက်တစ်ခုက သူ၏ လက်ထဲတွင် ပေါ်လာခဲ့၏။</p> <p> </p> <p>၎င်းမှာ နှလုံးကြွေမီးတောက်ပင် ဖြစ်လေသည်။</p> <p> </p> <p>ဝူယွမ်က လက်ဝါးတစ်ချက် ရိုက်ထုတ်လိုက်ရာ မီးတောက်များက ဖန်ထျန်း ကြေးဝါအိုးကြီး တစ်လျှောက် အလင်းသဖွယ် အမြန်နှုန်းဖြင့် ပြန့်နှံ့သွားခဲ့လေသည်။</p> <p> </p> <p> မျက်တောင်တစ်ခတ် အတွင်းမှာပင် ဖန်ထျန်း အစီအရင် တစ်ခုလုံးမှာ နှလုံးကြွေမီးတောက်များဖြင့် ပြည့်နှက်သွားခဲ့၏။ အလင်းပင်ဖောက်မြင်နေရသော နှလုံးကြွေမီးတောက် မျာက အနီရင့်ရောင် မီးတောက်များ ကြားတွင် ရောနှောနေခဲ့သည်။</p> <p> </p> <p>ဖန်ထျန်း အစီအရင်၏ မီးတောက်များမှာ အဓိကအားဖြင့် ရုပ်ပိုင်းဆိုင်ရာ ထိခိုက်ပျက်စီးမှုများကို ဖြစ်ပေါ်စေပြီး ခန္ဓာကိုယ်ကို လောင်ကျွမ်းစေလေသည်။ </p> <p>ကမ္ဘာခြားနတ်ဆိုးနယ်မြေသို့ နှစ်ပေါင်းများစွာကြာ လာရောက်ခဲ့ကြသော ဤလူယုတ်မာများ အားလုံးထံတွင် ဖန်ထျန်း အစီအရင်အတွင်း၌ အချိန်အနည်းငယ် ပို၍ တောင့်ခံနိုင်ရန် ကူညီပေးနိုင်သည့် အသက်ကယ် ပစ္စည်းများနှင့် ဝိညာဉ်ဆေးဝါးများ အများအပြား ရှိနေကြလေသည်။</p> <p> </p> <p>သို့သော် ယခုအခါ နှလုံးကြွေမီးတောက် ထပ်ပေါင်းထည့်လိုက်သည်နှင့် ၎င်းက ရုပ်ပိုင်းဆိုင်ရာ ထိခိုက်ပျက်စီးမှုထက် ပိုမိုယူဆောင်လာခဲ့လေသည်။</p> <p> </p> <p>နှလုံးကြွေမီးတောက်သည် နှလုံးသားထဲမှ လောင်ကျွမ်းသော မီးတောက် တစ်ခု ဖြစ်လေသည်။ ၎င်းက လူတစ်ယောက်၏ ခုခံနိုင်စွမ်းကို အားနည်းသွားစေပြီး သူတို့၏ စိတ်ဆန္ဒကို လျော့ကျသွားစေလိမ့်မည် ဖြစ်သည်။</p> <p> </p> <p>နှလုံးကြွေမီးတောက်နှင့် အနီရင့်ရောင် မီးတောက်များ၏ အတွင်း၊ အပြင် လောင်ကျွမ်းမှုအောက်တွင် နောက်ဆုံး၌ အတွင်းရှိ လူများမှာ ဆက်လက်၍ သည်းမခံနိုင်တော့ချေ။</p> <p> </p> <p>နာကျင်ပြီး မျှော်လင့်ချက် ကင်းမဲ့နေသော အော်ဟစ်သံများက ကြေးဝါအိုးအတွင်း၌ ပဲ့တင်ထပ်သွားခဲ့လေသည်။</p> <p> </p> <p>မကြာမီ တစ်ယောက်ပြီး တစ်ယောက် လောင်ကျွမ်းသွားကြလေတော့သည်။</p> <p> </p> <p>ဝူယွမ်က ဖန်ထျန်း ကြေးဝါအိုးကြီး အထက်တွင် တင်ပျဉ်ခွေ ထိုင်နေပြီး သူ၏ ဝိညာဉ်စွမ်းအင်များက ဖန်ထျန်း အစီအရင် တစ်ခုလုံးကို လွှမ်းခြုံထားပြီး ဖြစ်လေသည်။</p> <p>ဤလူယုတ်မာများကို လောင်ကျွမ်းစေနေစဉ်အတွင်း သူတို့ထံရှိ ဝိညာဉ်ရတနာများနှင့် သိုလှောင်အိတ်များကိုသိုလှောင်အိတ်များကိုတော့ သူ ကာကွယ်ပေးထားခဲ့၏။</p> <p> </p> <p>မဟုတ်လျှင် ဖန်ထျန်း အစီအရင်မီးတောက်များ၏ စွမ်းအားကြောင့် ထိုအရာများကို ထိန်းသိမ်းထားရန် ခက်ခဲပေလိမ့်မည်။</p> <p> </p> <p>ဝူယွမ် ဤလူများကို ဤနေရာသို့ ခေါ်လာရခြင်းမှာ သူတို့ကို လုယက်ရန်အတွက် ဖြစ်လေသည်။</p> <p> </p> <p>ဤကျွမ်းကျင်အဆင့် ရတနာရှာဖွေသူများ၊ ထို့အပြင် သူတို့ထဲမှ ထိပ်တန်းအဆင့်ရှိ အားကောင်းသော သိုင်းပညာရှင်များထံတွင် ရတနာအမြောက်အမြား ရှိနေမည်မှာ သေချာပေါက်ပင် ဖြစ်လေသည်။</p> <p> </p> <p>လူတစ်ဆယ့်သုံးယောက်၏ ခန္ဓာကိုယ်များမှာ နောက်ဆုံးတွင် မီးတောက်များအတွင်း၌ ပြာအဖြစ်သို့ ပြောင်းလဲသွားခဲ့ပြီး မူလဝိညာဉ် ခြောက်ခုက ထွက်ပေါ်လာကာ ကြေးဝါအိုး အတွင်း၌ ဟိုဟိုဒီဒီ ပြေးလွှားနေကြလေသည်။</p> <p> </p> <p>“အို... လူခြောက်ယောက်က တကယ်ကြီး မူလဝိညာဉ်တွေကို စုစည်းဖန်တီးနိုင်ခဲ့တာပဲ... မဆိုးဘူး၊ မဆိုးဘူး၊ မထင်မှတ်ထားတဲ့ အကျိုးအမြတ်ပဲ...”</p> <p> </p> <p>ဤမြင်ကွင်းကို မြင်တွေ့လိုက်ရသောအခါ ဝူယွမ်မှာ ဝမ်းသာအားရ ဖြစ်သွားခဲ့လေသည်။ </p> <p>မူလဝိညာဉ်များကို စုစည်းဖန်တီးရန် အလွန် ခက်ခဲကြောင်းကို သိထားရမည် ဖြစ်သည်။ ဆန်းကြယ်ရှင်ခြင်းအဆင့် အားကောင်းသော သိုင်းပညာရှင်များပင်လျှင် ၎င်းကို ရရှိရန်အတွက် အချိန်ကာလ တစ်ခု လိုအပ်ပေသည်။</p> <p> </p> <p>ဤလူများသည် လူငယ်ဘုရင်သုံးပါးနှင့် ယှဉ်ပြိုင်နိုင်စွမ်းရှိသော တည်ရှိမှုများ ဖြစ်ကြောင်း သေချာလှပေသည်။</p> <p> </p> <p>ဝူယွမ်က ဝါးမျိုခြင်းစွမ်းအားကို တိုက်ရိုက် အသက်သွင်းလိုက်ပြီး ကြေးဝါအိုး အတွင်းမှ မူလဝိညာဉ်ခြောက်ခုကို ဆွဲထုတ်ကာ သူ၏ နီ၀မ်နယ်ပယ် အတွင်းသို့ ဝါးမျိုလိုက်လေသည်။</p> <p> </p> <p>ဤမူလဝိညာဉ်ခြောက်ခုနှင့် ယခင်က သူ သန့်စင်ခဲ့သော လူငယ်ဘုရင်သုံးပါး၏ မူလဝိညာဉ်များ ပေါင်းစပ်လိုက်သောအခါ ဝူယွမ်၏ ဝိညာဉ်စွမ်းအင်မှာ ပြည့်ဝသော အခြေအနေသို့ ရောက်ရှိသွားခဲ့ပြီ ဖြစ်သည်။</p> <p> </p> <p>သို့သော် ဤမူလဝိညာဉ်များကို သန့်စင်ရန် သူ အလျင်စလို မဖြစ်ခဲ့ပေ။ အကယ်၍ သူသာ သန့်စင်လိုက်မည်ဆိုပါက ဤလုပ်ငန်းစဉ်က အများအပြားကို အလဟဿ ဖြစ်သွားစေမည်မှာ သေချာလှပေသည်။</p> <p> </p> <p>ထို့ကြောင့် ဝူယွမ်သည် သူတို့၏ အသိစိတ်များကို ရှင်းလင်းပစ်ပြီးနောက် ကစဉ်ကလျားသန္ဓေသား အတွင်း၌သာ ဖိနှိပ်ထားလိုက်လေသည်။</p> <p> </p> <p>ဤမူလဝိညာဉ်စွမ်းအားများကို သူ၏ လှုပ်ရှားမှုကြီးများအတွက် ဝှက်ဖဲ တစ်ခုအဖြစ် အသုံးပြုမည် ဖြစ်သည်။</p> <p> </p> <p>ဤအရာအားလုံးကို ပြီးစီးပြီးနောက် သူက နှလုံးကြွေမီးတောက်နှင့် ဖန်ထျန်း အစီအရင်ကို ပြန်လည် သိမ်းဆည်းလိုက်လေသည်။</p> <p> </p> <p>ဤအချိန်တွင် ကြေးဝါအိုး အတွင်း၌ ကျကျန်ရစ်ခဲ့သော ပစ္စည်းများနှင့် အရာဝတ္ထုများသာ ရှိတော့သည်။</p> <p> </p> <p>၎င်းတို့ အားလုံးမှာ ပစ္စည်းကောင်းများ ဖြစ်ကြသည်။ ထိပ်တန်း အဆင့်ရှိ သိုလှောင်အိတ် ဒါဇင်ပေါင်းများစွာနှင့် ကောင်းကင်အဆင့်ရှိ ဝိညာဉ်ရတနာမျိုးစုံတို့ ဖြစ်လေသည်။</p> <p> </p> <p>ဝူယွမ်က လက်ကို ဝှေ့ယမ်းလိုက်ပြီး ဝိညာဉ်ရတနာများကို အရင်ဆုံး သိမ်းဆည်းလိုက်ကာ သိုလှောင်အိတ်များကို စစ်ဆေးကြည့်လိုက်လေသည်။</p> <p> </p> <p>သူက ယန်ညီအစ်ကို၏ သိုလှောင်အိတ်များကို အရင်ဆုံး စိတ်အားထက်သန်စွာ စစ်ဆေးကြည့်လိုက်၏။</p> <p> </p> <p>စောစောက ထိုနှစ်ဦးပြသခဲ့သော သိုင်းဧကရာဇ်ကျမ်း….. ထိုသိုင်းပညာရပ်၏ ဝိညာဉ်မှာ ယွမ်ချန်း၏ ယွမ်ဧကရာဇ်ကျမ်းထက်ပင် ပိုမို အားကောင်းသည်ဟု ဝူယွမ် ခံစားခဲ့ရလေသည်။</p> <p> </p> <p>သိုင်းဧကရာဇ်ကျမ်းသည်လည်း အလွန်အမင်း အားကောင်းလှသော ကောင်းကင်သိုင်းပညာရပ် တစ်ခုဖြစ်ကြောင်း ယုံမှားသံသယ ဖြစ်ဖွယ် မရှိပေ။</p> <p> </p> <p>အတွေးတစ်ခုနှင့်အတူ သူ၏ ဝိညာဉ်စွမ်းအင်များက ၎င်းအတွင်းသို့ ထိုးဖောက်ဝင်ရောက်သွားခဲ့လေသည်။</p> <p> </p> <p>ယေဘုယျအားဖြင့် ပြောရလျှင် ဤကဲ့သို့သော သိုလှောင်အိတ်များတွင် ပိုင်ရှင်က သတ်မှတ်ထားသော ဝိညာဉ်အမှတ်အသား တစ်ခု ရှိနေတတ်လေသည်။ သို့</p> <p>သော် ယခုအခါ ယန်ညီအစ်ကိုများ၏ မူလဝိညာဉ်များမှာ ရှင်းလင်းခံလိုက်ရပြီဖြစ်ရာ ထိုဝိညာဉ်အမှတ်အသားမှာ သဘာဝကျကျပင် လေထဲတွင် ပျောက်ကွယ်သွားခဲ့ပြီ ဖြစ်သည်။</p> <p> </p> <p>ဝူယွမ်၏ ဝိညာဉ်စွမ်းအင်က မည်သည့် အဟန့်အတားမျှ မရှိဘဲ ဝင်ရောက်သွားပြီးနောက် ကျယ်ကျယ်ပြန့်ပြန့် ရှာဖွေကြည့်လိုက်လေသည်။</p> <p> </p> <p>ညီအစ်ကိုနှစ်ဦး၏ သိုလှောင်အိတ်များထဲတွင် ရတနာအများအပြား ရှိနေသော်လည်း ဝူယွမ်၏ ရည်ရွယ်ချက်မှာ ရှင်းလင်းလှသည်။</p> <p> </p> <p>သိုင်းဧကရာဇ်အရှိန်အဝါ ပါဝင်သည့် အရာများကို သူ တိုက်ရိုက် ရှာဖွေနေခဲ့ခြင်း ဖြစ်လေသည်။</p> <p> </p> <p>မကြာမီ မီးခိုးနှင့် အနက်ရောင် ရောယှက်နေသော ကျောက်စိမ်းပြားတစ်ခုကို သူ အောင်မြင်စွာ ရှာဖွေတွေ့ရှိသွားခဲ့၏။</p> <p> </p> <p>၎င်းထံမှ ထူးဆန်းသော လှိုင်းဂယက်တစ်ခု ပြန့်နှံ့ထွက်ပေါ်နေပြီး ဤလှိုင်းဂယက်မှာ စောစောက ထိုနှစ်ဦး ပြသခဲ့သော သိုင်းပညာရပ်နှင့် လုံးဝ ဆင်တူနေခဲ့သည်။</p> <p> </p> <p>ဝူယွမ်က ကျောက်စိမ်းပြားကို ထုတ်ယူလိုက်ပြီး သူ၏ ဝိညာဉ်စွမ်းအင်ဖြင့် စစ်ဆေးကြည့်လိုက်သည်။</p> <p> </p> <p>မျက်တောင်တစ်ခတ် အတွင်းမှာပင် သူ၏ မျက်စိရှေ့ရှိ မြင်ကွင်းမှာ ပြောင်းလဲသွားခဲ့လေတော့သည်။</p> <p>***</p> <p> </p>


Save