Book List

<h2 style="text-align: center;">အခန်း (၂၉၉) - နေရောင်ခြည်သလင်းကျောက်ကို ထုတ်ယူခြင်း(၁)</h2> <h2 style="text-align: center;">*</h2> <p> </p> <p> </p> <p> </p> <p>အသိဉာဏ်ကင်းမဲ့နေသော မိစ္ဆာအလောင်းများသည် အနည်းငယ်မျှ ရန်စလိုက်ရုံဖြင့် သူတို့နောက်သို့ အပြေးအလွှား လိုက်လာကြလေသည်။</p> <p> </p> <p>ဤနေရာရှိ မိစ္ဆာအလောင်းများနှင့် မိစ္ဆာသားရဲများ၏ အရေအတွက်မှာ သောင်းနှင့်ချီရှိပြီး အလွန်အမင်း များပြားလှပေသည်။</p> <p> </p> <p>မိစ္ဆာအလောင်းနှင့် မိစ္ဆာသားရဲ တစ်ကောင်စီတိုင်း၏ စွမ်းအားမှာ လဲ့ချန်ထက် မနိမ့်ကျပေ။ </p> <p>တစ်စုံတစ်ယောက်ကသာ ဤမျှ ကြီးမားသော အရေအတွက်ကို ညွှန်ကြားပြီး မိစ္ဆာအလောင်း တပ်မတော် တစ်ခုအဖြစ် ဖန်တီးလိုက်မည်ဆိုပါက ဆန်းကြယ်ရှင်ခြင်းအဆင့် အားကောင်းသည့် သိုင်းပညာရှင်များကို မဆိုထားနှင့်၊ ဆန်းကြယ်သေခြင်းအဆင့် အားကောင်းသည့် သိုင်းပညာရှင်များပင်လျှင် တားဆီးနိုင်မည် မဟုတ်ပေ။</p> <p> </p> <p>ဤမိစ္ဆာအလောင်းများနှင့် မိစ္ဆာသားရဲများမှာ သူတို့ သက်ရှိထင်ရှား ရှိစဉ်က အနည်းဆုံး ဆန်းကြယ်ရှင်ခြင်းအဆင့်တွင် ရှိခဲ့ကြကြောင်းကိုလည သိထားသင့်ပေသည်။</p> <p> </p> <p>အဘယ်ကြောင့်ဆိုသော် အသက်စွမ်းအင် ဖွံ့ဖြိုးလာသော ရုပ်ပိုင်းဆိုင်ရာ ခန္ဓာကိုယ် တစ်ခုသာလျှင် ကမ္ဘာခြားနတ်ဆိုးစွမ်းအင်များ၏ တိုက်စားမှုအောက်တွင် ပျက်သုဉ်းမသွားဘဲ ကျန်ရှိနေနိုင်သောကြောင့်ပင်။</p> <p> </p> <p>သူတို့ထံတွင် အသိဉာဏ်နှင့် အားကောင်းသော သိုင်းပညာရပ်များ မရှိတော့သော်လည်း တိုက်ခိုက်ရေး ဗီဇစိတ် အချို့တော့ ကျန်ရှိနေသေး၏။</p> <p> </p> <p>သို့သော် သူတို့၏ ရုပ်ပိုင်းဆိုင်ရာ ခန္ဓာကိုယ်များမှာ အလွန်အမင်း မာကျောလှပေသည်။ ကမ္ဘာခြားနတ်ဆိုး စွမ်းအင်များ၏ တိုက်စားမှုက သူတို့၏ ခန္ဓာကိုယ်များကို သက်ရှိထင်ရှား ရှိစဉ်ကထက်ပင် ပိုမိုအားကောင်းလာစေခဲ့သည်။</p> <p> </p> <p>ဤအခြေအနေတွင် ဘာသိုင်းပညာရပ်မှ မသုံးဘဲ တိုက်ရိုက် ဝင်တိုက်လိုက်ခြင်းကပင် အားကောင်းသည့် အဆင့်တူသိုင်းပညာရှင်များကို ဒုက္ခရောက်သွားစေနိုင်လေသည်။</p> <p> </p> <p>ခရီးစဉ် တစ်လျှောက်တွင် ဝူယွမ်သည် ရှေးဟောင်းရတနာတိုက် အသီးသီးမှ မိစ္ဆာအလောင်းများနှင့် မိစ္ဆာသားရဲ တစ်သောင်းကျော် စုဆောင်းရရှိခဲ့လေသည်။</p> <p> </p> <p>တောက်လောင်ခြင်း နေမင်းမသေမျိုးဂိုဏ်းမှ မိစ္ဆာအလောင်း သောင်းနှင့်ချီ ထပ်ပေါင်းထည့်လိုက်ပါက သူ့ထံတွင် မိစ္ဆာအလောင်း သုံးသောင်းနီးပါး ရှိလာပေလိမ့်မည်။</p> <p> </p> <p>ကမ္ဘာသစ်ပင်က ဤမိစ္ဆာအလောင်းများထံမှ ကမ္ဘာခြားနတ်ဆိုးစွမ်းအင် အချို့ကို ထုတ်ယူပြီးနောက် ၎င်းတို့ကို အဘိုးအိုဟွမ်က အပြည့်အဝ ထိန်းချုပ်နိုင်မည် ဖြစ်သည်။</p> <p> </p> <p>မိစ္ဆာအလောင်း သုံးသောင်းဆိုသည်မှာ လူငယ်ဘုရင် သုံးသောင်းနှင့် ညီမျှလေသည်။</p> <p> </p> <p>ထို့အပြင် ဤမိစ္ဆာအလောင်းများသည် သေဆုံးခြင်း သို့မဟုတ် နာကျင်ခြင်းကို မကြောက်ရွံ့ကြပေ... တိုက်ပွဲတွင် သူတို့သည် အသိဉာဏ် ကင်းမဲ့စွာဖြင့် ဝင်တိုက်ကြမည်သာ ဖြစ်သည်။</p> <p> </p> <p>ဟွမ်၏ ခန့်မှန်းချက်အရ ဆန်းကြယ်ရှင်ခြင်းနှင့် သေခြင်းအဆင့် အားကောင်းသည့် သိုင်းပညာရှင် တစ်ဦးပင်လျှင် သူ ထိန်းချုပ်ထားသော မိစ္ဆာအလောင်း တပ်မတော်၏ ဝိုင်းရံခြင်းကို ခံရပါက အသက်ရှင်လျက် လွတ်မြောက်နိုင်မည့် အခွင့်အရေး လုံးဝ ရှိမည်မဟုတ်ပေ။</p> <p> </p> <p>ဝင်စားခြင်းအဆင့် အားကောင်းသည့် သိုင်းပညာရှင်များသာလျှင် သူတို့နှင့် ယှဉ်ပြိုင်နိုင်စွမ်း ရှိပေလိမ့်မည်။</p> <p> </p> <p>ယခင်က ဝူယွမ်ထိန်းချုပ်ခဲ့သော ဆေးလုံးဝိညာဉ် အလောင်းတပ်မတော်နှင့် နှိုင်းယှဉ်လျှင် ဤမိစ္ဆာ အလောင်း တပ်မတော်မှာ လုံးဝ အဆင့်မြှင့်တင်ထားသောအရာ တစ်ခုပင် ဖြစ်လေသည်။</p> <p> </p> <p>ထူထပ်လှသော မိစ္ဆာအလောင်း အပ်ကြီးသည် ကမ္ဘာသစ်ပင်၏ သစ်ကိုင်းများဖြင့် တည်ဆောက်ထားသော အာကာသတံခါးပေါက် အတွင်းသို့ ပြေးဝင်သွားသည်ကို ကြည့်ရင်း လင်ချင်းကျူမှာ လုံးဝ ဆွံ့အသွားခဲ့ပြီး သူမ၏ ပါးစပ်လေးမှာ အချိန်အတော်ကြာ ပွင့်ဟနေခဲ့လေသည်။</p> <p> </p> <p>ကမ္ဘာခြားနတ်ဆိုးနယ်မြေရှိ ကျင့်ကြံသူများ၏ နှလုံးသားထဲတွင် ကြောက်ရွံ့မှုများကို ဖြစ်ပေါ်စေသော မိစ္ဆာအလောင်းများမှာ ဝူယွမ်၏ ဝိညာဉ်ရတနာ အတွင်းသို့ အလွယ်တကူ သိမ်းဆည်းခံလိုက်ရလေတော့သည်။</p> <p> </p> <p>ထို့အပြင် ၎င်းတို့ကို သူထိန်းချုပ်နိုင်သော စွမ်းအားရပ် တစ်ခု အဖြစ်သို့ပင် ပြောင်းလဲလိုက်သေး၏。</p> <p> </p> <p>လင်ချင်းကျူသည် ဝူယွမ် ပြောခဲ့သော စကားများကို နောက်ဆုံးတွင် ယုံကြည်သွားခဲ့ချေပြီ။</p> <p> </p> <p>သူ၏ အခြား လျှို့ဝှက်ချက်များကို ဖယ်ထားလိုက်လျှင်ပင် ဤသောင်းနှင့်ချီသော မိစ္ဆာအလောင်း တပ်မတော် တစ်ခုတည်းကပင် သူတို့နှင့် ကိုးကောင်းကင် တိုင်ချင်းနန်းတော် ကြားရှိ အားကောင်းသည့် အဆင့်မြင့်သိုင်းပညာရှင်များ၏ ကွာဟချက်ကို ဖာထေးပေးနိုင်လေသည်။</p> <p> </p> <p>တစ်နည်းအားဖြင့် ပြောရလျှင် အကယ်၍ ဝူယွမ်သာ ဝင်စားခြင်းအဆင့် စွမ်းအားကို ပိုင်ဆိုင်ထားပြီး ဤမိစ္ဆာအလောင်း တပ်မတော်ကို ဦးဆောင်မည်ဆိုပါက သူသည် ကိုးကောင်းကင် တိုင်ချင်းနန်းတော် ကိ အလွယ်တကူ ရှင်းလင်းပစ်နိုင်ပေလိမ့်မည်။</p> <p> </p> <p>“တကယ်လို့ ရုပ်သေးတစ်သောင်းဂိုဏ်းက လူတွေသာ ဒီမြင်ကွင်းကို မြင်လိုက်ရရင် သူတို့ ဘယ်လောက်တောင် ရူးသွပ်သွားကြမလဲ မသိဘူး...”</p> <p> </p> <p>လင်ချင်းကျူက သူမဘာသာရေရွတ်ရင်း သက်ပြင်းချလိုက်လေသည်။</p> <p> </p> <p>စူပါဂိုဏ်းကြီး ရှစ်ခုထဲတွင် ရုပ်သေးတစ်သောင်းဂိုဏ်းသည် ဤမိစ္ဆာအလောင်းများကို စိတ်ဝင်စားဆုံး ဖြစ်လေသည်။</p> <p> </p> <p>ဂိုဏ်းပြိုင်ပွဲအတွက် ကမ္ဘာခြားနတ်ဆိုးနယ်မြေသို့ သူတို့လာတိုင်း မိစ္ဆာအလောင်း တစ်လောင်း၊ နှစ်လောင်းခန့်ကို ပြန်လည်မျှားခေါ်သွားနိုင်ရန် သူတို့ နည်းလမ်း မျိုးစုံဖြင့် ကြိုးစားလေ့ ရှိကြသည်။</p> <p> </p> <p>အားကောင်းသော ဤမိစ္ဆာ အလောင်းများသည် သောင်းချီရုပ်သေး ဂိုဏ်းတပည့်များအတွက် လင်ချင်းကျူထက်ပင် ပိုမိုဆွဲဆောင်မှု ရှိသည်ဟု ဆိုနိုင်ပေသည်။</p> <p> </p> <p>ယခုအခါ ဝူယွမ် တစ်ယောက်တည်းကပင် မိစ္ဆာအလောင်း သောင်းနှင့်ချီ၍ စုဆောင်းထားနိုင်ခဲ့ချေပြီ။</p> <p> </p> <p>ဤသည်မှာ မရေမတွက်နိုင်သော ရုပ်သေးတစ်သောင်းဂိုဏ်း တပည့်များ အိပ်မက်ထဲတွင်သာ မြင်နိုင်သော မြင်ကွင်းတစ်ခုပင် ဖြစ်လေသည်။</p> <p> </p> <p>သုံးနာရီခန့်အကြာတွင် ဝူယွမ်၏ လမ်းညွှန်မှုအောက်၌ တောက်လောင်ခြင်း နေမင်းမသေမျိုးဂိုဏ်း အပျက်အစီးများကြားရှိ မိစ္ဆာအလောင်းများ အားလုံးမှာ မဟာရှေးဟောင်းတောရိုင်းကျောက်တိုင် အတွင်းသို့ ဝင်ရောက်သွားကြလေသည်။</p> <p> </p> <p>မိစ္ဆာအလောင်းများ လျော့နည်းသွားသည်နှင့်အမျှ ဤနေရာရှိ စွမ်းအင်လှိုင်းဂယက်များမှာ သိသိသာသာ အားနည်းသွားခဲ့ပြီး ကမ္ဘာခြားနတ်ဆိုး စွမ်းအင်များမှာလည်း အကြီးအကျယ် လျော့ကျသွားခဲ့၏။</p> <p> </p> <p>သို့သော်ငြားလည်း ၎င်းမှာ သိပ်သည်းနေဆဲပင် ဖြစ်သည်။</p> <p> </p> <p>“ဂျီး၊ ဂျီး၊ ဂျီး...”</p> <p> </p> <p>မည်းမှောင်နေသော ကမ္ဘာခြားနတ်ဆိုးစွမ်းအင်များ အတွင်းမှ ထူးဆန်းပြီး မကောင်းဆိုးဝါးဆန်သော အသံတစ်ခု ထွက်ပေါ်လာခဲ့လေသည်။</p> <p> </p> <p>“ဒီအထဲမှာ အသက်ရှင်နေသေးတဲ့ ကမ္ဘာခြားနတ်ဆိုးတွေ တကယ်ကြီး ရှိနေတာပဲ...”</p> <p> </p> <p>အဘိုးအိုဟွမ်က အံ့ဩတကြီး ပြောလိုက်လေသည်။</p> <p> </p> <p>“ဒီမှာ စွမ်းအင်အတားအဆီး တစ်ခု ရှိတယ်... အဲ့ဒါက တောက်လောင်နေသော နေမင်းမသေမျိုးဂိုဏ်းရဲ့ အစောင့်အရှောက် အစီအရင် ဖြစ်ရမယ်..."</p> <p> </p> <p>“အဲဒီ ကမ္ဘာခြားနတ်ဆိုးတွေကို ငါက အစီအရင်ထဲမှာ ပိတ်လှောင်ထားတာဆိုတော့ သူတို့ အပြင်ထွက်လို့ မရဘူးလေ...”</p> <p> </p> <p>“ဒါပေမယ့် ဒီအစီအရင်ရဲ့ အခြေခံအုတ်မြစ်ကလည်း ကမ္ဘာခြားနတ်ဆိုးစွမ်းအင်တွေရဲ့ တိုက်စားမှုကို ခံနေရတယ်... ဒီကမ္ဘာခြားနတ်ဆိုးတွေ ဖောက်ထွက်မလာခင် ခဏပဲခံနိုင်လိမ့်မယ်၊ အချိန်ကြာကြာ ခံနိုင်တော့မှာ မဟုတ်ဘူး...”</p> <p> </p> <p>အဘိုးအို တစ္ဆေဖန်ထျန်းက ပေါ်လာပြီး ပြောဆိုလိုက်လေသည်။</p> <p> </p> <p>ကမ္ဘာသစ်ပင် ကမ္ဘာအတွင်းတွင် ဤကာလအတွင်း ကမ္ဘာသစ်ပင်က ကမ္ဘာခြားနတ်ဆိုးများကို ရူးသွပ်စွာ စုပ်ယူခဲ့မှုကြောင့် လုံလောက်သော စွမ်းအင် ထောက်ပံ့မှုများကို ရရှိခဲ့လေသည်။ </p> <p> </p> <p>အဘိုးအို တစ္ဆေဖန်ထျန်းနှင့် သူ၏ ဖန်ထျန်း ကြေးဝါအိုးကြီးပါ အတိုင်းအတာ တစ်ခုအထိ ပြန်လည်နာလန်ထူလာခဲ့ကြပြီး သူတို့၏ စွမ်းအားများမှာလည်း ယခင်ကထက် များစွာ တိုးတက်လာခဲ့ပြီ ဖြစ်သည်။</p> <p> </p> <p>မိစ္ဆာစစ်သူကြီးများကို ကိုင်တွယ်ရန်မှာ ပြဿနာ မဟုတ်တော့သဖြင့် ဤကမ္ဘာခြားနတ်ဆိုးများကို ကိုင်တွယ်ရန်မှာ သဘာဝကျကျပင် ပို၍ အားထုတ်စရာ မလိုတော့ပေ။</p> <p> </p> <p>ကမ္ဘာခြားနတ်ဆိုးဘုရင် တစ်ပါးသည် ပြန်လည်ဝင်စားခြင်းအဆင့်နှင့် ညီမျှလေသည်။</p> <p> </p> <p>မိစ္ဆာစစ်သူကြီး တစ်ဦးသည် ပြန်လည်မွေးဖွားခြင်းအဆင့် နှင့် ညီမျှလေသည်။</p> <p> </p> <p>သာမန် ကမ္ဘာခြားနတ်ဆိုး များ အားလုံးမှာမူ ပြန်လည်မွေးဖွားခြင်းအဆင့်၏ အောက်တွင်သာ ရှိကြလေသည်။</p> <p> </p> <p>အဘိုးအို တစ္ဆေဖန်ထျန်း၏ အမြင့်ဆုံး စွမ်းအားမှာ ပြန်လည်မွေးဖွားခြင်းအဆင့်၏ အထွတ်အထိပ်တွင် ရှိခဲ့ပြီး ဝင်စားခြင်းကို ကျရှုံးခဲ့သော အားကောင်းသည့် သိုင်းပညာရှင် တစ်ဦး ဖြစ်လေသည်။</p> <p> </p> <p>သူသည် ခြေတစ်လှမ်း ဝင်စားခြင်းအဆင့် အားကောင်းသော သိုင်းပညာရှင် တစ်ဦး ဖြစ်လေသည်။</p> <p> </p> <p>အဘိုးအိုဟွမ်သည်လည်း အတော်လေး ပြန်လည်နာလန်ထူလာခဲ့ပြီ ဖြစ်သည်။ ဤကမ္ဘာရှိ အဆင့်သုံး နေရာတွင်ရှိသော နတ်ဘုရားရတနာ တစ်ခုအနေဖြင့် ၎င်း၏ ကိုယ်ပိုင် တိုက်ခိုက်ရေး စွမ်းအားမှာ အားမနည်းပေ။</p> <p> </p> <p>အဆောင်ဘိုးဘေး၏ အသွင်ပြောင်းမှုအပြီးတွင် ၎င်းသည်လည်း ကမ္ဘာခြားနတ်ဆိုးများအပေါ် အားကောင်းသော ဖိနှိပ်နိုင်စွမ်းကို ပိုင်ဆိုင်လာလေသည်။</p> <p> </p> <p>သူ့အတွက် ဤကမ္ဘာခြားနတ်ဆိုးများကို ကိုင်တွယ်ရန်မှာ ပို၍ပင် လွယ်ကူလှပေသည်။</p> <p> </p> <p>ထို့ကြောင့် ယခုအခါ ဤကမ္ဘာခြားနတ်ဆိုးများကို မြင်တွေ့ရသောအခါ သူတို့ နှစ်ဦးစလုံးမှာ ဒေါသထွက်မှုနှင့် ဝမ်းသာမှု နှစ်မျိုးစလုံးကို ခံစားနေကြရလေသည်။</p> <p> </p> <p>မူလက သူတို့၏ ယခင်အတွေးများအရဆိုလျှင် သူတို့ တွေ့မြင်သမျှ ကမ္ဘာခြားနတ်ဆိုးတိုင်းကို သေချာပေါက် သုတ်သင်ပစ်မည် ဖြစ်သော်လည်း ယခုအခါ မတူတော့ပေ... သူတို့၏ အမြင်တွင် ကမ္ဘာခြားနတ်ဆိုးများသည် ယခုအခါ စွမ်းအင်ဘက်ထရီများ ဖြစ်နေကြပြီ ဖြစ်သည်။</p> <p> </p> <p>အသက်ရှင်နေသော ကမ္ဘာခြားနတ်ဆိုး များကို မြင်တွေ့ရခြင်းက ရတနာ တစ်ခုကို မြင်တွေ့ရသည်နှင့် တူလေသည်။</p> <p> </p> <p>“မလောပါနဲ့... ဒီကမ္ဘာခြားနတ်ဆိုးတွေ ထွက်ပြေးမသွားအောင် တားဆီးဖို့အတွက် အစီအရင်ကို မဖျက်ဆီးခင် ဒီနေရာကို လုံးဝ လွှမ်းခြုံထားလိုက်ကြရအောင်...”</p> <p> </p> <p>အဘိုးအိုဟွမ်က ဖြည်းညင်းစွာ ပြောလိုက်ပြီး အဘိုးအို တစ္ဆေဖန်ထျန်းကို ခဏစောင့်ရန် ပြောလိုက်လေသည်။</p> <p> </p> <p>ထို့နောက် ကန္တာရတိမ်တိုက်၊ တံဆိပ်ခတ်တိမ်တိုက်နှင့် အဘိုးအိုဟွမ တို့ ပူးပေါင်းကာ ကမ္ဘာသစ်ပင်၏ သစ်ကိုင်းများကို တောက်လောင်ခြင်း နေမင်းမသေမျိုးဂိုဏ်း၏ အစောင့်အရှောက် အစီအရင် စွမ်းအင်အတားအဆီး ပတ်လည်တွင် ရစ်ပတ်ထားလိုက်ကြလေသည်။</p> <p> </p> <p>ကမ္ဘာ့သစ်ပင်၏ သစ်ကိုင်းများသည် ကမ္ဘာခြားနတ်ဆိုးစွမ်းအင်များ အားလုံးကို စုပ်ယူနိုင်ပြီး ကောင်းကင်ချိတ်ပိတ်ခြင်း အစီအရင်မြေပုံသည် ကမ္ဘာ့သစ်ပင်၏ သစ်ကိုင်းများကို အားကိုးကာ အပြင်ဘက်တွင် ချိတ်ပိတ်မှု တစ်ခုကို ဖန်တီးနိုင်သဖြင့် မည်သည့် ကမ္ဘာခြားနတ်ဆိုးမျှ မလွတ်မြောက်နိုင်အောင် တားဆီးပေးထားနိုင်လေသည်။</p> <p> </p> <p>ဤအရာအားလုံး ပြီးစီးသွားပြီးနောက် အဘိုးအို တစ္ဆေဖန်ထျန်းက အစီအရင်ကို စတင် ဖျက်ဆီးလိုက်လေသည်။</p> <p> </p> <p>သူ၏ အစီအရင်ဖျက်ဆီးသည့် နည်းလမ်းမှာ မည်သည့် ကျွမ်းကျင်မှုမျှ မပါဝင်ချေ။  </p> <p>ဝူယွမ်က သူ့အတွက် အစီအရင်၏ အားနည်းသော နေရာတစ်ခုကို ရှာဖွေပေးလိုက်ပြီးနောက် သူက အစီအရင်ကို အင်အားသုံးဖျက်ဆီးသည့် နည်းလမ်းကို အသုံးပြုကာ ဖန်ထျန်း ကြေးဝါအိုးကြီးကို တိုက်ရိုက် ထိန်းချုပ်ပြီး ထိုအမှတ်ဆီသို့ ဘန်းခနဲ ဝင်တိုက်လိုက်လေသည်။</p> <p> </p> <p>“ဘန်း...”</p> <p> </p> <p>ကျယ်လောင်သော ပေါက်ကွဲသံကြီး တစ်ခုနှင့်အတူ စွမ်းအင်အတားအဆီးမှာ ချက်ချင်းပင် အမှုန့်ဖြစ်သွားခဲ့လေသည်။</p> <p> </p> <p>“ဂျီး၊ ဂျီး၊ ဂျီး...”</p> <p> </p> <p>အမှောင် ကမ္ဘာခြားနတ်ဆိုး စွမ်းအင်များမှာ လှိုင်းတံပိုးများအလား ထွက်ပေါ်လာပြီး အမှောင်ထဲရှိ ဝေဝါးပြီး ထူးဆန်းသော သတ္တဝါ အချို့က အဘိုးအို တစ္ဆေဖန်ထျန်းကို တိုက်ခိုက်လာကြလေသည်။</p> <p> </p> <p>“ဖန်ထျန်း အစီအရင်...”</p> <p> </p> <p>သို့သော် အဘိုးအို တစ္ဆေဖန်ထျန်းမှာ ကြောက်ရွံ့ခြင်း အလျဉ်းမရှိ၊ ပြုံးပင် ပြုံးနေခဲ့သေး၏။</p> <p> </p> <p>သူက ဖန်ထျန်း ကြေးဝါအိုးကြီး ကို ထုတ်လွှတ်လိုက်ရာ အနီရင့်ရောင် ကြေးဝါအိုးကြီးမှာ လေထဲတွင် လျင်မြန်စွာ ကျယ်ပြန့်လာခဲ့လေသည်။ </p> <p>သိပ်သည်းလှသော မီးတောက်များက ကြေးဝါအိုးမှ ပေါက်ကွဲထွက်လာပြီး ဧရိယာတစ်ခုလုံးကို လင်းထိန်သွားစေခဲ့သည်။</p> <p> </p> <p>“အဘိုးကြီး... ဖြည်းဖြည်းလုပ်အုံး၊ ဒီကမ္ဘာခြားနတ်ဆိုးတွေကို အကုန် သတ်မပစ်နဲ့ဦးနော်...”</p> <p> </p> <p>ဟွမ်၏အသံ ထွက်ပေါ်လာပြီး အဘိုးအို တစ္ဆေဖန်ထျန်းကို သတိပေးလိုက်လေသည်။</p> <p> </p> <p>သူတို့၏ ရည်ရွယ်ချက်မှာ ဤကမ္ဘာခြားနတ်ဆိုးများကို သုတ်သင်ပစ်ရန်သာမက ကမ္ဘာသစ်ပင်အတွက် စွမ်းအင်များ ထောက်ပံ့ပေးရန်လည်း ဖြစ်လေသည်။</p> <p> </p> <p>“ဟားဟား၊ ငါ သိပါတယ်ကွ...”</p> <p> </p> <p>အဘိုးအို တစ္ဆေဖန်ထျန်းက ကျယ်လောင်စွာ ရယ်မောလိုက်ပြီးနောက် သူ၏ လက်ကို အနည်းငယ် ဖော့လိုက်ကာ သူတို့ကို ဖိနှိပ်ရုံသာ ဖိနှိပ်ထားလိုက်လေသည်။</p> <p> </p> <p>တစ်ချိန်က ကမ္ဘာခြားနတ်ဆိုးများ ကျူးကျော်ဝင်ရောက်လာစဉ်အတွင်း သူတို့သည် အလွန်ခက်ခဲစွာ ခုခံခဲ့ကြရပြီး တိုက်ကြီးတစ်ခုလုံးရှိ သက်ရှိများမှာ ကမ္ဘာခြားနတ်ဆိုးများ၏ ဝါးမျိုခြင်းကို ခံခဲ့ရလေသည်။</p> <p> </p> <p>သူတို့သည် ကမ္ဘာခြားနတ်ဆိုးများကို အသုံးမချနိုင်ခဲ့ရုံသာမက ထိုကမ္ဘာခြားနတ်ဆိုး များ သေဆုံးသွားပြီးနောက်တွင်ပင် အခြားသူများကို တိုက်စားနိုင်စွမ်း ရှိနေသေးပြီး အသက်ရှင်နေသော လူများကို မိစ္ဆာအလောင်းများ အဖြစ်သို့ ပြောင်းလဲပစ်ခဲ့သည်။</p> <p> </p> <p>ယခုအခါ ကမ္ဘာခြားနတ်ဆိုးများအပေါ် သူတို့ လက်စားချေနိုင်ရန် အခွင့်အရေး တစ်ခု နောက်ဆုံးတွင် ရရှိလာခဲ့ချေပြီ။</p> <p> </p> <p>သူတို့သည် ကမ္ဘာခြားနတ်ဆိုးများကို ကျင့်ကြံခြင်း အရင်းအမြစ်များ အဖြစ်လည်း အသုံးပြုနိုင်ပြီ ဖြစ်သည်။</p> <p> </p> <p>ဝူယွမ်သည်လည်း စစ်မြေပြင်ကို ဝင်ရောက်လာပြီး ကမ္ဘာခြားနတ်ဆိုး များကို ဖိနှိပ်ရာတွင် ကူညီပေးခဲ့လေသည်။</p> <p> </p> <p>ဤကမ္ဘာခြားနတ်ဆိုးများက မည်သည့်အရာများလဲ ဆိုသည်ကို သူ မြင်တွေ့ချင်နေခဲ့၏။</p> <p> </p> <p>အဘိုးအို တစ္ဆေဖန်ထျန်းက ဝူယွမ်၏ ပါဝင်လာမှုကို မတားဆီးခဲ့ပေ... ဝူယွမ်၏ စွမ်းအားကို သူ သိထားလေသည်။ </p> <p>ဆန်းကြယ်ရှင်ခြင်းနှင့်သေခြင်း အားကောင်းသော သိုင်းပညာရှင်များမှာ ဝူယွမ်ကို သတ်ဖြတ်ရန်မှာ ခက်ခဲလှပေလိမ့်မည်။</p> <p> </p> <p>ထို့အပြင် ဤကမ္ဘာခြားနတ်ဆိုးများမှာ နှစ်ပေါင်းများစွာကြာ ဖိနှိပ်ခံထားရပြီး သူတို့၏ စွမ်းအားများမှာလည်း ယခင်ကလို မဟုတ်တော့ပေ... သူတို့ထဲမှ အားအကောင်းဆုံးသူပင်လျှင် ဆန်းကြယ်သေခြင်းအဆင့်တွင် မရှိတော့ချေ။</p> <p> </p> <p>အမှောင် ကမ္ဘာခြားနတ်ဆိုးစွမ်းအင်များက ဝူယွမ်ထံသို့ လှိုင်းတံပိုးများအလား တိုးဝင်လာခဲ့၏။</p> <p> </p> <p>သူ မည်သည့်အရာကိုမျှ ရှင်းလင်းစွာ မမြင်ရဘဲ ကမ္ဘာခြားနတ်ဆိုးစွမ်းအင်များ အတွင်းရှိ ထူးဆန်းသော ဧရာမလက်တစ်စုံက သူ၏ နှလုံးသားဆီသို့ လှမ်းလာနေသည်ကိုသာ သူ ခံစားလိုက်ရလေသည်။</p> <p> </p> <p>ဝူယွမ်၏ ကြီးစိုးသူ သွေးများ ဆူပွက်လာပြီး လက်သီးတစ်ချက် ပစ်သွင်းလိုက်လေသည်။</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save