Book List

<h2 style="text-align: center;">အခန်း (၇၆၅) - အင်အားချင်း မျှနေခြင်း</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ကျူးယိုးကွမ်ကျီသည် အာကာသအဆင့် သိုင်းပညာရှင် တစ်ဦး ဖြစ်သဖြင့် ယဲ့ပုဖန်ထက် များစွာ ပိုမို လျင်မြန်လှသည်။ ကံကောင်းထောက်မစွာဖြင့် အာဖရိကမှ ပြန်လာပြီးနောက် ယဲ့ပုဖန်သည် အမြန်နှုန်း မြှင့်တင်ရေး အင်းစာရွက် အချို့ကို ဖန်တီးထားခဲ့သဖြင့် သူ၏ အမြန်နှုန်းမှာ သိသိသာသာ မြန်ဆန်နေ၏။ </p> <p style="text-align:justify">ထို့အပြင် လုံရှောင်ယွဲကလည်း ကျူးယိုးကွမ်ကျီကို အနှောင့်အယှက် ပေးရန် အဆိပ်ပြင်း အင်းဆက်များကို ရံဖန်ရံခါ ခေါ်ယူ လွှတ်ထုတ်ပေးနေသဖြင့် သူတို့သည် ဖမ်းမိမည့် အရေးမှ အကြိမ်ကြိမ် အခါခါ သီသီလေး ရှောင်လွှဲနိုင်ခဲ့သည်။ </p> <p style="text-align:justify">သို့တိုင်အောင် ရှန်းကွမ်မိသားစု၏ တံခါးဝသို့ ရောက်သောအခါ သူတို့၏ အခြေအနေမှာ အလွန် သနားစရာ ကောင်းနေပြီ ဖြစ်သည်။ </p> <p style="text-align:justify">ယဲ့ပုဖန်သည် သူ၏ အင်အား အားလုံးကို ထုတ်သုံးကာ လေဆင်နှာမောင်း တစ်ခုအလား ရှန်းကွမ်မိသားစု၏ တံခါးပေါက် အတွင်းသို့ ပြေးဝင်သွားပြီးနောက်...</p> <p style="text-align:justify">"ဒုက္ခပါပဲ။ မြန်မြန်လုပ်ကြပါ... အားလုံးပဲ... ကျူးယိုးမိသားစု လာတိုက်နေပြီဟေ့” ဟု အော်ဟစ်လိုက်လေသည်။ </p> <p style="text-align:justify">အော်ဟစ်ပြီးသည်နှင့် သူနှင့် လုံရှောင်ယွဲတို့သည် ရှန်းကွမ်မိသားစု၏ ခြံဝင်းအတွင်းသို့ ဝင်ရောက် ပျောက်ကွယ်သွားလေတော့သည်။ သူ၏ အမြန်နှုန်းမှာ အလွန် မြန်ဆန်လွန်းလှသဖြင့် ရှန်းကွမ်မိသားစုဝင်များပင် တုံ့ပြန်ရန် အချိန်မရလိုက်ချေ။ </p> <p style="text-align:justify">ယဲ့ပုဖန်သည် ယခင်ကတည်းက ရှန်းကွမ်းမိသားစု၏ ရွာကို အလွန် ရင်းနှီးကျွမ်းဝင်နေပြီ ဖြစ်ရာ ပစ္စည်းထားထားသော အခန်းတစ်ခန်းကို အမြန်ရှာတွေ့သွားပြီး ဝင်ရောက် ပုန်းအောင်းနေလိုက်သည်။  အခန်းထဲသို့ ရောက်ပြီးနောက် ယဲ့ပုဖန်သည် အမောတကော အသက်ရှူရင်း နဖူးမှ ချွေးများကို သုတ်လိုက်ကာ အခြားအရာများကို ဂရုမစိုက်နိုင်တော့ဘဲ ကျူးယိုးဖေးဖေး ချန်ရစ်ခဲ့သော အမှတ်အသားကို ဖျက်ပစ်ရန် သူ၏ ချီစွမ်းအင်များကို လျင်မြန်စွာ လှည့်ပတ်လိုက်သည်။ </p> <p style="text-align:justify">ထို့နောက် သူသည် အဝတ်အစားများကို လဲလှယ်လိုက်ပြီး ရုပ်ဖျက်ဆေးရည်ကို ထုတ်ယူကာ သူတို့ နှစ်ဦးစလုံး၏ မျက်နှာပေါ်ရှိ ရုပ်ဖျက်ထားသော မိတ်ကပ်များ အားလုံးကို ဆေးကြောပစ်လိုက်ရာ သူတို့၏ မူလရုပ်သွင်များ ပြန်လည် ပေါ်ထွက်လာလေတော့သည်။ </p> <p style="text-align:justify">သူ ပုန်းအောင်းနေချိန်တွင် ရှန်းကွမ်မိသားစု တစ်ခုလုံးမှာ ရုတ်ရုတ်သဲသဲ ဖြစ်နေလေပြီ။ </p> <p style="text-align:justify">ရှန်းကွမ်ရှုံသည် အစောပိုင်းက ကျန်ရစ်ခဲ့သော ပြဿနာများကို ရှင်းလင်း၍ ပြီးခါစသာ ရှိသေးသည်။ ရေတွက်ကြည့်ပြီးနောက် မိသားစု၏ ငွေအလောင်း ၆၀ လုံး ဖျက်ဆီးခံလိုက်ရကြောင်း သူ တွေ့ရှိလိုက်ရသည်။ </p> <p style="text-align:justify">ဤအချက်က သူ၏ နှလုံးသားကို သွေးထွက်မတတ် နာကျင်စေခဲ့သည်။ ငွေအလောင်းများသည် ရှန်းကွမ်မိသားစု၏ ကျောရိုး ဖြစ်ကြောင်း လူတိုင်း သိထားကြသည်။ ယခုအခါ ၎င်းတို့ အားလုံးသည် အကြောင်းပြချက် မရှိဘဲ ဖျက်ဆီးခံလိုက်ရပြီ ဖြစ်သည်။ </p> <p style="text-align:justify">"ခွေးကောင်လေး... အဲဒီကောင်လေးကို ငါ မိတာနဲ့ အလောင်းရုပ်သေးအဖြစ် ပြောင်းပစ်မယ်” </p> <p style="text-align:justify">သူ့ကို အဒေါသထွက်ဆုံး အရာမှာ တိုက်ခိုက်မှု၏ နောက်ကွယ်တွင် မည်သူ ရှိနေသည်ကို သူ ယခုတိုင် မသိရသေးခြင်းပင် ဖြစ်သည်။ </p> <p style="text-align:justify">ထိုအချိန်မှာပင် ယဲ့ပုဖန်၏ ကျယ်လောင်သော အော်ဟစ်သံကို သူ ကြားလိုက်ရသည်။ </p> <p style="text-align:justify">ဤအရာက သူ၏ နှလုံးသားထဲတွင် တစ်စုံတစ်ခုကို လှုပ်ခတ်သွားစေသည်။ ကျူးယိုးကျန့်၏ ကိစ္စက မကြာသေးမီက ပေါ်ပေါက်သွားခဲ့ပြီး သူ၏ မိသားစုပိုင် ငွေအလောင်းများ အားလုံး ဖျက်ဆီးခံခဲ့ရသည်။ ထို့နောက် ကျူးယိုးမိသားစုက လူအများကို ခေါ်ဆောင်ကာ လာရောက် တိုက်ခိုက်ခြင်း ဖြစ်သည်။ </p> <p style="text-align:justify">ဤအချက်များကြောင့် ငွေအဆင့် အလောင်းရုပ်သေးများ အားလုံး ပျက်စီးခြင်းသည် ကျူးယိုးမိသားစု၏ လက်တုံ့ပြန်မှုသာ ဖြစ်ကြောင်း သူ့ကို ယုံကြည်သွားစေခဲ့သည်။ </p> <p style="text-align:justify">"ကျူးယိုးကွမ်ကျီ... ဒီနေ့ မင်းကို ငါ မသတ်နိုင်ရင် ငါ ယောက်ျား မဟုတ်ဘူးကွ” </p> <p style="text-align:justify">ထိုသို့ပြောပြီးနောက် ရှန်းကွမ်ရှုံ့သည် ဒေါသတကြီး အရှိန်အဝါများဖြင့် သူ၏ လက်အောက်ငယ်သားများကို ဦးဆောင်ကာ ထွက်လာခဲ့လေသည်။ တံခါးဝသို့ ရောက်သောအခါ ရှန်းကွမ်မိသားစုဝင်များသည် ကျူးယိုးကွမ်ကျီကို အပြင်ဘက်တွင် တားဆီးထားပြီးသား ဖြစ်နေသည်။ </p> <p style="text-align:justify">ဤတစ်ကြိမ်တွင် သူတို့သည် ငွေအလောင်း အမြောက်အမြား ဆုံးရှုံးခဲ့ရသော်လည်း အမျိုးသမီး မိသားစုဝင်များ၏ ကူအင်းအတတ်ပညာမှာမူ များစွာ ဆုံးရှုံးမှု မရှိခဲ့ပေ။ </p> <p style="text-align:justify">ယခုအချိန်တွင် တံခါးကို ပိတ်ဆို့ထားသူများကို ဦးဆောင်နေသူမှာ ရှန်းကွမ်ရှုံ၏ ညီမဖြစ်သူ ရှန်းကွမ်ဖုန်း ဖြစ်သည်။ သူမ၏ ကူအင်းအတတ်ပညာသည် နက်နဲသော အဆင့်သို့ ရောက်ရှိနေပြီ ဖြစ်ပြီး ကူဘုရင်မိသားစုနှင့် မယှဉ်နိုင်သော်ငြား အလွန် အစွမ်းထက်လှပေသည်။ </p> <p style="text-align:justify">ရှန်းကွမ်ရှုံသည် တံခါးဝသို့ ရောက်လာပြီး ကျူးယိုးကွမ်ကျီကို... "အရှင်သခင်ကျူးယိုး... ခင်ဗျား ကျွန်တော်တို့ ရှန်းကွမ်မိသားစုဆီ ဘာကိစ္စနဲ့ လာတာလဲလို့ မေးပါရစေ” ဟု ပြောလိုက်သည်။ </p> <p style="text-align:justify">ကျူးယိုးကွမ်ကျီက မှုန်ကုပ်နေသော မျက်နှာဖြင့်...</p> <p style="text-align:justify">"ရှန်းကွမ်ရှုံ... ငါ့မြေး ဘာဖြစ်သွားတာလဲ။ ဒီနေ့ မင်း ငါ့ကို ရှင်းပြရမယ်” ဟု ပြောလိုက်သည်။ </p> <p style="text-align:justify">"ကျုပ်က ခင်ဗျားကို ရှင်းပြရမယ် ဟုတ်လား” </p> <p style="text-align:justify">ရှန်းကွမ်ရှုံ၏ မျက်နှာက ပြာနှမ်းသွားပြီး မျက်လုံးများမှ မီးဝင်းဝင်း တောက်နေ၏။ </p> <p style="text-align:justify">"ခင်ဗျားက ကျုပ်တို့ ရှန်းကွမ်မိသားစုထဲကို လူတစ်ယောက် တိတ်တဆိတ် လွှတ်ပြီး ငွေအလောင်းတွေကို ခိုးပြီး ဖျက်ဆီးခဲ့တာလေ။ ခင်ဗျားကသာ ကျုပ်တို့ကို ရှင်းပြသင့်တာ” </p> <p style="text-align:justify">ကျူးယိုးကွမ်ကျီသည် မူလက ရှင်းလင်းချက် လာတောင်းခြင်း ဖြစ်သော်လည်း ဤစကားကို ကြားသောအခါ အံ့အားသင့်သွားသည်။ </p> <p style="text-align:justify">"ဘာသဘောလဲ။ ခင်ဗျားတို့ ရှန်းကွမ်မိသားစုဆီကို ကျုပ် ဘယ်တုန်းက လူလွှတ်ဖူးလို့လဲ” </p> <p style="text-align:justify">ရှန်းကွမ်ရှုံက လှောင်ပြုံး ပြုံးလိုက်ပြီး...</p> <p style="text-align:justify">"အဖိုးကြီးကျူးယိုး... ခင်ဗျားက လုပ်တော့ လုပ်ရဲပြီး ဝန်တော့ မခံရဲဘူးလား” ဟု ပြောလိုက်သည်။ </p> <p style="text-align:justify">"ရှန်းကွမ်ရှုံ... ကျုပ်တို့ကို လာမစွပ်စွဲနဲ့။ ဒီနေ့ ကျုပ်ရဲ့ မြေးကိစ္စကို ခင်ဗျား ရှင်းရှင်းလင်းလင်း မပြောရင် ခင်ဗျားတို့ ရှန်းကွမ်မိသားစုကို မြေလှန်ပစ်မယ်” </p> <p style="text-align:justify">"အဖိုးကြီး… အဓိပ္ပါယ် မရှိတာတွေ လာမပြောနဲ့။ ကျုပ်တို့ ရှန်းကွမ်မိသားစုကို မြေလှန်ချင်ရင် ခင်ဗျားမှာ စွမ်းရည်ရှိဖို့ လိုလိမ့်မယ်” </p> <p style="text-align:justify">"ရှန်းကွမ်ရှုံ... ခင်ဗျားက တကယ့်ကို အလွန်အကျွံ လုပ်နေပြီပဲ။ ကျုပ်တို့ ကျူးယိုးမိသားစုမှာ ခင်ဗျားတို့ကို ရင်ဆိုင်နိုင်မယ့် အင်အား မရှိဘူးလို့ ထင်နေလား” </p> <p style="text-align:justify">ကျူးယိုးကွမ်ကျီသည်လည်း အလွန်အမင်း ဒေါသထွက်နေလေပြီ။ ကျူးယိုးကျန့်သည် ကျူးယိုးမိသားစု၏ တတိယမျိုးဆက်များထဲတွင် အထူးချွန်ဆုံး ဖြစ်ပြီး မိသားစု၏ မျှော်လင့်ချက် ဖြစ်သော်လည်း ရှန်းကွမ်မိသားစု၏ ဖျက်ဆီးခြင်းကို ခံလိုက်ရသည်။ သူသည် ရှန်းကွမ်ရှုံ၏ စကားများမှတဆင့် အဖြစ်မှန်ကို ခန့်မှန်းမိနေပြီ ဖြစ်၏။</p> <p style="text-align:justify">ရှန်းကွမ်ရှုံက လှောင်ပြုံး ပြုံးကာ...</p> <p style="text-align:justify">"အဖိုးကြီးကျူးယိုး... ရှန်းကွမ်မိသားစုက ကျူးယိုးကျန့်ကို သတ်လိုက်တယ်ဆိုတော့ကော ဘာဖြစ်လဲ။ ဒီနေ့ ခင်ဗျားတို့ ကျူးယိုးမိသားစုက လာပြီဆိုမှတော့ ပြန်ထွက်သွားဖို့ မစဉ်းစားနဲ့တော့” ဟု ပြောလိုက်သည်။ </p> <p style="text-align:justify">ငွေအလောင်းများ ကိစ္စသည် ကျူးယိုးမိသားစု၏ လက်ချက်ဖြစ်ကြောင်း သူ ကောက်ချက်ချပြီးပြီ ဖြစ်ရာ သူ ဆက်လက် အောင့်အီးမနေတော့ဘဲ သူ၏ အနောက်ရှိ ရွှေအလောင်းကို ကျူးယိုးကွမ်ကျီအား တိုက်ခိုက်ရန် တိုက်ရိုက် အမိန့်ပေးလိုက်လေတော့သည်။ </p> <p style="text-align:justify">ထိုအချိန်မှာပင် ရှန်းကွမ်ဖုန်း ဦးဆောင်သော ရှန်းကွမ်မိသားစုမှ အမျိုးသမီး မိသားစုဝင်များသည်လည်း လှုပ်ရှားလာကြသည်။ အဆိပ်ပြင်း အင်းဆက်များသည် အရပ်မျက်နှာ အနှံ့အပြားမှ ပျံသန်း ထွက်ပေါ်လာပြီး ကျူးယိုးမိသားစုဝင်များကို ဝိုင်းရံလိုက်ကြသည်။ </p> <p style="text-align:justify">ကျူးယိုးမိသားစုသည် အင်အားအပြည့်အဝဖြင့် ထွက်မလာခဲ့သော်လည်း ရောက်လာသူများ အားလုံးမှာ သိုင်းပညာရှင်များချည်းသာ ဖြစ်ကြသည်။ အာကာသအဆင့် သိုင်းပညာရှင် ကျူးယိုးကွမ်ကျီကို ဖယ်လိုက်လျှင် ကျန်သူများ အားလုံးမှာ မြေကမ္ဘာအဆင့် ကျင့်ကြံမှု ရှိကြသည်။</p> <p style="text-align:justify">အထူးသဖြင့် ကျူးယိုးကျန့်၏ ဖခင်ဖြစ်သူ ကျူးယိုးပေါ်ထျန်းဆိုလျှင် မြေကမ္ဘာအဆင့်၏ အထွတ်အထိပ်သို့ပင် ရောက်ရှိနေပြီ ဖြစ်သည်။ </p> <p style="text-align:justify">ပုံမှန်အားဖြင့် ကျူးယိုးမိသားစု၏ အင်အားသည် ရှန်းကွမ်မိသားစုထက် အားနည်းသော်လည်း ယခုအခါ ရှန်းကွမ်ကျိုး အသတ်ခံလိုက်ရပြီး ငွေအလောင်း အမြောက်အမြား ဖျက်ဆီးခံလိုက်ရသဖြင့် နှစ်ဖက် အင်အားမှာ မျှတသွားလေသည်။ </p> <p style="text-align:justify">ထိုအချိန်တွင် ယဲ့ပုဖန်သည် လုံရှောင်ယွဲနှင့်အတူ တိတ်တဆိတ် ထွက်လာပြီး စောင့်ကြည့်နေကြသော ရှန်းကွမ်မိသားစုဝင်များကြားတွင် ရောနှောနေလိုက်သည်။ သူတို့၏ တည်ရှိမှုကို မည်သူမျှ သတိမထားမိဘဲ နှစ်ဖက် တိုက်ခိုက်နေကြသည်ကို တိတ်တဆိတ် စောင့်ကြည့်နေကြလေသည်။ </p> <p style="text-align:justify">ရှန်းကွမ်ရှုံ၏ ရွှေအလောင်းသည် အလွန် ရက်စက်ကြမ်းကြုတ်ပြီး ရှန်းကွမ်ကျိုး၏ ရွှေအလောင်းထက်ပင် ပိုမို အစွမ်းထက်ပေသည်။ </p> <p style="text-align:justify">သို့သော် ကျူးယိုးကွမ်ကျီသည် အတွေ့အကြုံရင့် ကောင်းကင်အဆင့် သိုင်းပညာရှင် တစ်ဦး ဖြစ်ပြီး ရွှေအလောင်းထက် အနည်းငယ်မျှပင် နိမ့်ကျခြင်း မရှိပေ။ သူတို့နှစ်ဦးသည် ပြင်းထန်စွာ တိုက်ခိုက်နေကြပြီး အင်အားချင်း မျှနေကာ အနိုင်အရှုံး ခွဲခြား၍ မရနိုင်အောင် ဖြစ်နေ၏။ </p> <p style="text-align:justify">အခြားသူများလည်း ထိုနည်းတူပင် ဖြစ်သည်။ ရှန်းကွမ်မိသားစုတွင် ကူအင်းကောင် အများအပြား ရှိသော်လည်း ကျူးယိုးမိသားစုဝင်များ အားလုံးမှာ သိုင်းပညာရှင်များ ဖြစ်ကြပြီး သာမန် ကူအင်းကောင်များသည် မြေကမ္ဘာအဆင့် သိုင်းပညာရှင်များ၏ ကာကွယ်ရေး ချီစွမ်းအင်ကို မဖောက်ထွင်းနိုင်ကြပေ။ </p> <p style="text-align:justify">သို့သော် ကျူးယိုးမိသားစုဘက်တွင်မူ အရေအတွက်ပိုင်း၌ သိသာစွာ အားနည်းနေသဖြင့် အချိန်အတန်ကြာသည်အထိ သူတို့ကိုယ်သူတို့ ကာကွယ်နေရုံသာ ကာကွယ်နိုင်ပြီး အသာစီး မရနိုင်အောင် ဖြစ်နေသည်။ </p> <p style="text-align:justify">နှစ်ဖက်စလုံး ပြင်းထန်စွာ တိုက်ခိုက်နေကြစဉ် ဝင်ပေါက်ဆီမှ ရုတ်တရက် ဆွဲဆောင်မှုရှိသော အသံတစ်သံ ထွက်ပေါ်လာလေသည်။ </p> <p style="text-align:justify">"အို... ဒီလောက်တောင် စည်ကားနေလိမ့်မယ်လို့ ကျွန်မ မထင်ထားဘူး” </p> <p style="text-align:justify">စကားပြောလိုက်သူမှာ အသက် ၃၀၊ ၄၀ ခန့်အရွယ် လူလတ်ပိုင်း အမျိုးသမီး တစ်ဦး ဖြစ်သည်။ သူမသည် မြောင်အမျိုးသမီးများ၏ ရိုးရာ တိုင်းရင်းသား ဝတ်စုံကို ဝတ်ဆင်ထားသော်လည်း လည်ပင်းမှာ အလွန် ဟိုက်လွန်းလှပြီး သူမ၏ အမူအရာက အလွန် ဆွဲဆောင်မှု ရှိလှပေသည်။ </p> <p style="text-align:justify">ထိုအမျိုးသမီးကို မြင်သောအခါ ရှန်းကွမ်ရှုံ၏ နှလုံးသားသည် ဝမ်းသာအားရ ဖြစ်သွားပြီး...</p> <p style="text-align:justify">"ဒုတိယခေါင်းဆောင်... ခင်ဗျား နောက်ဆုံးတော့ ရောက်လာပြီပဲ” ဟု ပြောလိုက်သည်။ </p> <p style="text-align:justify">ရောက်လာသော အမျိုးသမီးသည် အခြားသူ မဟုတ်ဘဲ ကူဘုရင်ရွာ၏ ဒုတိယခေါင်းဆောင်နှင့် ကူဘုရင်၏ တပည့်ဖြစ်သူ အန်းချိုင်အော်ပင် ဖြစ်သည်။ </p> <p style="text-align:justify">သို့သော် အခြားသူများ မသိကြသည်မှာ အန်းချိုင်အော်သည် အလွန် လောဘကြီးသူ ဖြစ်ပြီး လွန်ခဲ့သော နှစ်ပေါင်းများစွာကတည်းက ရှန်းကွမ်မိသားစု၏ လာဘ်ပေးလာဘ်ယူ လုပ်ခြင်းကို ခံခဲ့ရကာ ကူဘုရင်ရွာရှိ ရှန်းကွမ်မိသားစု၏ အတွင်းလူ သူလျိုအဖြစ် ပြောင်းလဲသွားခဲ့ခြင်းပင် ဖြစ်သည်။ </p> <p style="text-align:justify">အန်းချိုင်အော်သည် ရှန်းကွမ်ရှုံကို ညို့ဓာတ်ပါသော အကြည့်တစ်ချက်ဖြင့် ကြည့်လိုက်ပြီးနောက်...</p> <p style="text-align:justify">"အရှင်သခင်ရှန်းကွမ်က ဖိတ်ခေါ်မှတော့ ဒီမိန်းကလေးငယ်လေးက ဘယ်လိုလုပ် မလာဘဲ နေရဲပါ့မလဲ” ဟု ပြောလိုက်သည်။ </p> <p style="text-align:justify">ရှန်းကွမ်ရှုံက "ဒုတိယခေါင်းဆောင်... ဒီတစ်ခေါက် ကျူးယိုးမိသားစုကို အမြစ်ဖြတ် ချေမှုန်းဖို့ ခင်ဗျားသာ ကူညီပေးမယ်ဆိုရင် အခုကစပြီး ခင်ဗျားဟာ ကျွန်တော်တို့ ရှန်းကွမ်မိသားစုရဲ့ မိတ်ဆွေပါပဲ” ဟု ပြောလိုက်သည်။ </p> <p style="text-align:justify">သူ၏ စကားကို ကြားသောအခါ ကျူးယိုးကွမ်ကျီ၏ မျက်နှာ အမူအရာက ပြောင်းလဲသွားသည်။ လက်ရှိတွင် ကျူးယိုးမိသားစုနှင့် ရှန်းကွမ်မိသားစုတို့၏ တိုက်ပွဲမှာ အင်အားချင်း မျှနေသည်။ အကယ်၍ ကူဘုရင်ရွာကသာ ဝင်ရောက် ပူးပေါင်းလာပါက သူတို့ဘက်အတွက် အခြေအနေ ဆိုးရွားသွားပေလိမ့်မည်။ </p> <p style="text-align:justify">"အန်းချိုင်အော်... ငါတို့ ကျူးယိုးမိသားစုနဲ့ ကူဘုရင်ရွာက အမြဲတမ်း ကိုယ့်လမ်းကိုယ် လျှောက်လာကြတာပဲလေ။ မင်း ငါတို့ကို ဆန့်ကျင်မှာတော့ မဟုတ်ပါဘူးနော်” </p> <p style="text-align:justify">အန်းချိုင်အော်က တခစ်ခစ် ရယ်မောလိုက်ပြီး...</p> <p style="text-align:justify">"ကျူးယိုးကွမ်ကျီ... ကိုယ့်လမ်းကိုယ် လျှောက်တယ်ဆိုတာက အတိတ်က ကိစ္စလေ။ အခု ကျွန်မက ရှင်တို့ ကျူးယိုးမိသားစုရဲ့ ရုပ်ကို မကြည့်ချင်တော့ဘူး။ ရှန်းရှီးက ဒီလောက်လေးပဲ ကျယ်တာ။ မိသားစု ၃ စု ရှိနေဖို့ မလိုပါဘူး။ အခုကစပြီး ကျွန်မတို့ ကူဘုရင်ရွာနဲ့ ရှန်းကွမ်မိသားစုပဲ ရှိဖို့ လိုတော့တယ်” ဟု ပြောလိုက်သည်။ </p> <p style="text-align:justify">သူမက ရှန်းကွမ်ရှုံဘက်မှ ပွင့်ပွင့်လင်းလင်း ရပ်တည်နေသည်ကို မြင်သောအခါ ကျူးယိုးကွမ်ကျီက...</p> <p style="text-align:justify">"အန်းချိုင်အော်... မင်းက ဒုတိယခေါင်းဆောင် တစ်ယောက်ပဲလေ။ ကူဘုရင်ရွာအတွက် မင်း ဆုံးဖြတ်ချက် ချလို့ မရဘူး။ မင်း ဒီလိုလုပ်ရင် ကူဘုရင်ရဲ့ ဒေါသကို မကြောက်ဘူးလား” ဟု မေးလိုက်သည်။ </p> <p style="text-align:justify">အန်းချိုင်အော်က ရယ်မောကာ...</p> <p style="text-align:justify">"ရှင်က ကူဘုရင်ကို အကူအညီ တောင်းချင်တာလား။ သူက ရုတ်တရက် ပျောက်သွားပြီး အခုထိ ပြန်မလာသေးဘူးလေ။ သူ သေလား၊ ရှင်လားတောင် ဘယ်သူမှ မသိကြတာ။ အဲဒီတော့ ကူဘုရင်ရွာက ဒုတိယခေါင်းဆောင်ဖြစ်တဲ့ ကျွန်မရဲ့ အမိန့်အောက်မှာပဲ ရှိတာပေါ့” ဟု ပြန်ဖြေသည်။ </p> <p style="text-align:justify">ရှန်းကွမ်ရှုံက အေးစက်စွာ ပြုံးလိုက်ပြီး...</p> <p style="text-align:justify">"ကျူးယိုးကွမ်ကျီ... ခင်ဗျား နားမလည်သေးဘူးလား။  အခု အန်းချိုင်အော်က ခင်ဗျားတို့ ကျူးယိုးမိသားစုကို ရှင်းထုတ်ဖို့ ကျုပ်ကို ကူညီပေးလိမ့်မယ်။ ပြီးရင် ရှန်းကွမ်မိသားစုက သူမကို ကူဘုရင်ရဲ့ နေရာကို ရောက်အောင် ကူညီပေးမယ်။ အခုကစပြီး ရှန်းရှီးရဲ့ ကူဘုရင်က ညီမလေး ချိုင်အော်ပဲ ဖြစ်လိမ့်မယ်။ ဘယ်သူမှ သူမကို အပြစ်မတင်ရဲစေရဘူး” ဟု ပြောလိုက်သည်။ </p> <p style="text-align:justify">"အရှင်သခင်ရှန်းကွမ် ပြောတာ မှန်တယ်” အန်းချိုင်အော်က ပြောလိုက်သည်။ </p> <p style="text-align:justify">"ကဲ အပိုစကားတွေ မပြောဘဲ အခုပဲ စလိုက်ကြရအောင်”</p> <p style="text-align:justify">***</p>


Save