Book List

<h2 style="text-align: center;">အခန်း (၄၁၈)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">မန်ချက်စတာမြို့သို့ ပြန်ရောက်ချိန်တွင် ညသန်းခေါင်ယံ အချိန်သို့ပင် ရောက်လုနီးပြီ ဖြစ်သည်။ ကစားသမားများနှင့် အဖွဲ့သားအားလုံးသည် အနားမယူနိုင်ကြသေးဘဲ မြို့ထဲရှိ "အိုင်ဗွီ" စားသောက်ဆိုင်သို့ စုပေါင်း သွားရောက်ခဲ့ကြသည်။</p> <p style="text-align:justify">အောင်ပွဲခံ ညစာစားပွဲမှာ အလွန်ပင် ပျော်ရွှင်စရာ ကောင်းလှသည်။ ချူဖုန်းသည် သူ၏ ဖန်ခွက်ကို မြှောက်ကာ အသင်းဖော်များကို ကြည့်လျက် ဆိုလိုက်သည်။</p> <p style="text-align:justify">"ငါတို့ ဆရာကြီး တစ်ခါက ပြောဖူးတယ်... လူတစ်ယောက်ဟာ အနောက်ကို ပြန်လှည့်ကြည့်လိုက်မှ သူဘယ်လောက်အထိ ခရီးပေါက်ခဲ့ပြီလဲဆိုတာ သိနိုင်တာတဲ့။ ငါတို့တွေ အက်တလက်တီကို မက်ဒရစ်၊ ဘာစီလိုနာနဲ့ လီဗာပူးတို့ကို တစ်သီတစ်တန်းကြီး အနိုင်ယူလာခဲ့တာပဲ... ဒီအတိုင်းပဲ ဆက်ပြီး အနိုင်ယူသွားကြတာပေါ့”</p> <p style="text-align:justify">ချူဖုန်းသည် ယခုရာသီ မန်ယူ၏ ချန်ပီယံလိဂ် ခရီးစဉ်ကို ပြန်တွေးမိရင်း သူတို့အသင်း ကံဆိုးပုံကို မတွေးဘဲ မနေနိုင်တော့ပေ။ ရှုံးထွက်အဆင့်မှစ၍ သူတို့ ရင်ဆိုင်ခဲ့ရသမျှ ပြိုင်ဘက်အားလုံးမှာ အင်အားကြီးအသင်းများချည်း ဖြစ်သည်။ </p> <p style="text-align:justify">စပိန်လာလီဂါ၏ ဒုတိယ၊ ပထမအသင်းများနှင့် အင်္ဂလန်၏ အင်အားကြီးအသင်းများကို ကျော်ဖြတ်လာခဲ့ရခြင်းပင်။ </p> <p style="text-align:justify">အကယ်၍ မန်ယူသာ ချန်ပီယံဖလားကို တကယ် ဆွတ်ခူးနိုင်ခဲ့လျှင် ၎င်းသည် သမိုင်းတစ်လျှောက် တန်ဖိုးအရှိဆုံးနှင့် ဂုဏ်သိက္ခာ အရှိဆုံး ဖလားများထဲမှ တစ်လုံး ဖြစ်လာမည်မှာ အသေအချာပင်။</p> <p style="text-align:justify">"ချန်ပီယံလိဂ်ကို ခဏထားဦး... ငါ လက်စတာမှာတုန်းက ပရီးမီးယားလိဂ်ဖလား မရခဲ့ဖူးဘူး။ ဒါကြောင့် နောက်ဆုံးလိဂ်ပွဲမှာ အားလုံး အစွမ်းကုန် ကြိုးစားပေးကြပါဦး" </p> <p style="text-align:justify">မက်ဂွိုင်းယားက သူ၏ ဆန္ဒကို ဖွင့်ဟလိုက်သည်။ သူသည် ယနေ့ညတွင် အစားအသောက်များကို အားပါပါ စားနေခြင်းမှာလည်း အကြောင်းမဲ့တော့ မဟုတ်ပေ။</p> <p style="text-align:justify">"ကာဒစ်ဖ်စီးတီးက တန်းမဆင်းရဖို့အတွက် သုံးမှတ် အသည်းအသန် လိုနေတာ..." ဝါရင့်ကစားသမား အက်ရှ်လေယန်းက ဖန်ခွက်ကို ချရင်း အားလုံးကို သတိပေးလိုက်သည်။</p> <p style="text-align:justify">"ဒါပေမဲ့ သူတို့က ဖောင်းဘောတွေ ၊ ကိုယ်ချင်းတိုက်မှုတွေနဲ့ ငါတို့ကို ခြောက်လှန့်နိုင်မယ်လို့ ထင်နေရင်တော့ အရမ်းကို နုံလွန်းရာ ကျလိမ့်မယ်”</p> <p style="text-align:justify">"ဟုတ်တယ်... ငါတို့က သူတို့ထက် ပိုပြီးတော့တောင် မာမာထန်ထန် ကစားပြရမယ်" ချူဖုန်းက ထောက်ခံလိုက်သည်။</p> <p style="text-align:justify">ဤသည်က အောင်ပွဲခံပွဲ ဖြစ်သော်လည်း လူတိုင်းက ကိုယ့်ကိုယ်ကိုယ် ထိန်းချုပ်ထားကြသည်။ အဘယ့်ကြောင့်ဆိုသော် ယခု ထိန်းချုပ်မှုသည် အနာဂတ်တွင် နောင်တမရစေရန်အတွက် ဖြစ်မှန်း သူတို့ သိကြသောကြောင့်ပင်။</p> <p style="text-align:justify">ညစာစားပွဲမှာ မနက် (၂) နာရီခန့်တွင် ပြီးဆုံးသွားသည်။</p> <p style="text-align:justify">"အိမ်ပြန်ပြီး အမြန်အနားယူကြ... မနက်ဖြန် လေ့ကျင့်ခန်းကို ညနေ (၃) နာရီ ပြောင်းထားတယ်။ ဘယ်သူမှ ခွင့်မယူရဘူး။ နောက်မကျရဘူး" ချူဖုန်းက နှုတ်ဆက်ရင်း သတိပေးလိုက်သည်။</p> <p style="text-align:justify">နောက်ဆုံးတွင် သူက မော်ရင်ညိုကိုပါ ထည့်သွင်း အသုံးချလိုက်သေး၏။ "ဆရာကြီးရဲ့ အကျင့်ကို အားလုံး သိကြမှာပါ။ ကွင်းထဲမှာ ကောင်းကောင်း ကစားနိုင်တာက တစ်ပိုင်း၊ လေ့ကျင့်ခန်းမှာက တစ်ပိုင်းပဲ။ သူက အခုတလော အဘိုးကြီး စိတ်ဝင်နေတာလား မသိဘူး... စိတ်ကြီးနေတယ်။ အဲဒါကြောင့် ငါတို့တွေ အမှားမလုပ်တာ အကောင်းဆုံးပဲ..."</p> <p style="text-align:justify">မန်ယူကစားသမားများ၏ မျက်နှာမှာ ချက်ချင်းပင် တည်တံ့သွားကြပြီး သူတို့၏ ဖုန်းများတွင် နှိုးစက်များကို အပြိုင်အဆိုင် ပေးထားကြတော့သည်။ အသင်း၏ စွမ်းဆောင်ရည် တက်လာသည်နှင့်အမျှ မော်ရင်ညို၏ အာဏာမှာလည်း ပိုမို ကြီးထွားလာခဲ့သည်။ အမိန့်မနာခံပါက လူငယ်အသင်းသို့ အပို့ခံရမည်မှာ အမှန်ပင် ဖြစ်သည်။ ယင်းကို လင်ဂတ်အား ကြည့်လျှင် သိနိုင်သည်။</p> <p style="text-align:justify">---</p> <p style="text-align:justify">ညစာစားပွဲပြီးနောက် ချူဖုန်းသည် ဗန်ကားပေါ်တွင် သူ၏ လက်ထောက်နှင့်အတူ စကားပြောနေမိသည်။</p> <p style="text-align:justify">"ဥရောပ ရွှေဖိနပ်ဆု အတွက် လာလီဂါကတော့ ပြီးသွားပြီ။ မက်ဆီက ၃၆ ဂိုး သွင်းထားတယ်" ဟု လက်ထောက်က ဆိုသည်။</p> <p style="text-align:justify">ယခင်က မက်ဆီက ဦးဆောင်နေခဲ့သော်လည်း ရာသီဝက်နောက်ပိုင်း ချူဖုန်း၏ အံ့မခန်း စွမ်းဆောင်ရည်ကြောင့် ဂိုးအရေအတွက်မှာ လေးဆယ်ကျော်အထိ ရောက်ရှိသွားခဲ့ရာ ရွှေဖိနပ်ဆုမှာ ချူဖုန်းအတွက် သေချာသလောက် ရှိနေပြီ ဖြစ်သည်။ ဤဆုကို အဲဒီးဒက်စ်မှ စပွန်ဆာပေးထားခြင်း ဖြစ်သဖြင့် သူတို့အနေဖြင့် မက်ဆီကို ထပ်မံ ရစေချင်သော်လည်း ကိန်းဂဏန်း အချက်အလက်များက လိမ်၍မရပေ။</p> <p style="text-align:justify">ချူဖုန်းကတော့ ထိုဆုကို သိပ်ပြီး အရေးမစိုက်လှပေ။ သူ၏ ပစ်မှတ်မှာ တစ်ရာသီအတွင်း မက်ဆီ သွင်းယူထားသော လိဂ်ဂိုး ၅၀ စံချိန်ကို ချိုးဖျက်ရန်သာ ဖြစ်သည်။</p> <p style="text-align:justify">"ပြီးတော့ အေးဂျင့် မန်ဒက်စ်က ရာသီကုန်ရင် လုပ်ရမယ့် ကြော်ငြာလုပ်ငန်းတွေကို စီစဉ်ထားပြီးပြီ" ဟု လက်ထောက်က ပြောပြသည်။</p> <p style="text-align:justify">ချူဖုန်းက အချိန်ဇယားကို ဖတ်ကြည့်ပြီးနောက် - "တောင်ကိုရီးယားနဲ့ ဂျပန်ကို သွားဖို့ မလိုဘူး... အဲဒါက ငါ့အတွက် ဘာမှ မထူးခြားဘူး။ အဲဒီအစား ငါ အနားယူဖို့ ရက်နည်းနည်း ပိုလိုချင်တယ်။ လိဂ်ပြိုင်ပွဲ အပြီး ကနေ ချန်ပီယံလိဂ် ဗိုလ်လုပွဲ မတိုင်ခင်အထိ ဘယ်ကြော်ငြာမှ လက်မခံပါနဲ့ဦး... ပိုက်ဆံက ဘယ်အချိန်မဆို ရှာလို့ရပေမဲ့ ချန်ပီယံဆုကတော့ တစ်သက်မှာ တစ်ခါပဲ" ဟု ပြတ်ပြတ်သားသား ညွှန်ကြားလိုက်သည်။</p> <p style="text-align:justify">မြို့လယ်ရှိ သူ၏ တိုက်ခန်းသို့ ပြန်ရောက်သောအခါ ချူဖုန်းမှာ ချက်ချင်း အိပ်မပျော်နိုင်သေးပေ။ ထို့ကြောင့် သူသည် ကွန်ပျူတာကို ဖွင့်ကာ မနေ့ညက ပွဲစဉ်ကို ပြန်လည် ဆန်းစစ်နေမိတော့သည်။ သူသည် အမြဲတမ်း မိမိကိုယ်ကိုယ် ပြန်လည် သုံးသပ်တတ်သူ ဖြစ်သည်။</p> <p style="text-align:justify">'၂၈ မိနစ်မှာ အာနိုးလ်ကို ကျော်ဖြတ်တဲ့အချိန်... ငါ့ရဲ့ ဟန်ချက်က နည်းနည်း ယိုင်သွားတယ်... ကိုင်လီ ဝေါ်ကာသာဆိုရင် ငါ့ဆီက ဘောလုံး လုသွားနိုင်တယ်...'</p> <p style="text-align:justify">'၆၄ မိနစ်မှာ ဘောလုံးကို ဆွဲမပြေးသင့်ဘူး... ညာဘက်က မာရက်ဇ်ဆီ ပေးလိုက်ရင် ပိုကောင်းမယ်...'</p> <p style="text-align:justify">ချူဖုန်းသည် ဤကဲ့သို့ပင် အမြဲမပြတ် ကြိုးစားနေသူ ဖြစ်သည်။</p> <p style="text-align:justify">---</p> <p style="text-align:justify">အင်တာနက် စာမျက်နှာများတွင်မူ မန်ယူ၏ အံ့ဖွယ်နိုင်ပွဲသတင်းက တောမီးပမာ ပျံ့နှံ့နေချေပြီ။ မန်ယူအသင်းသည် အိမ်ကွင်းတွင် ၁-၃ ဖြင့် ရှုံးနိမ့်ထားရာမှ နောက်တစ်ဆင့် တက်နိုင်ခဲ့သည့် ချန်ပီယံလိဂ် သမိုင်းတစ်လျှောက် ပထမဆုံး အသင်းအဖြစ် မှတ်တမ်းဝင်သွားခဲ့သည်။ </p> <p style="text-align:justify">ချူဖုန်း၏ တန်ဖိုးမှာလည်း အဆမတန် မြင့်တက်လာခဲ့ပြီး ရီးရဲလ်မက်ဒရစ် အပါအဝင် ထိပ်တန်း ကလပ် (၅) သင်းခန့်က သူ့ကို ခေါ်ယူရန် ချောင်းနေကြသည်။ နေမာ၏ ပြောင်းရွှေ့ကြေး စံချိန်ပင် ကျိုးပျက်သွားနိုင်သည်ဟု သတင်းများက ဆိုနေကြ၏။</p> <p style="text-align:justify">ဥရောပမှာသာမက ချူဖုန်း၏ ဇာတိမြေဖြစ်သော တရုတ်နိုင်ငံတွင်လည်း အခြေအနေများက အလွန်ပင် စိတ်လှုပ်ရှားစရာ ကောင်းနေသည်။</p> <p style="text-align:justify">မေလ (၉) ရက်နေ့ မနက်တွင် ချူဖုန်းသည် နေဖင်ထိုးမှ နိုးလာခဲ့သည်။ သူသည် ဧည့်ခန်းထဲရှိ သူ၏ ဖခင် ချူချန်းကျိကို သွားရောက် နှိုးလိုက်သည်။</p> <p style="text-align:justify">"အဖေ... လေ့ကျင့်ရေးကွင်း သွားကြည့်မယ်ဆို... မြန်မြန်ထ၊ မနက်စာ စားရအောင်"</p> <p style="text-align:justify">"ဟူး... ငါလည်း အိုပြီကွာ။ လေယာဉ်စီးရတာ ပင်ပန်းလို့ အိပ်မောကျသွားတာ" ချူချန်းကျိက သမ်းဝေရင်း ထွက်လာသည်။</p> <p style="text-align:justify">"ဒါပေမဲ့ ငါ့သား... မနေ့ညက မင်းကစားတာ တကယ်ကို လန်းတယ်ကွာ။ ငါ အင်္ဂလိပ်စာ သိပ်နားမလည်ပေမဲ့ ပရိသတ်တွေ မင်းကို ချီးကျူးနေတာတော့ သိတယ်... ငါ့ဘဝမှာ အမှန်ကန်ဆုံး ဆုံးဖြတ်ချက်က မင်းကို နိုင်ငံခြား ပို့လိုက်တာပဲ"</p> <p style="text-align:justify">ချူချန်းကျိသည် သူ၏ သားအတွက် အလွန်ပင် ဂုဏ်ယူနေမိသည်။ သူသည် အရင်က မိမိတို့ မိသားစုကို အထင်သေးခဲ့သော ဆွေမျိုးများ၏ ရှေ့တွင် ယခုအခါ မျက်နှာပွင့်နေချေပြီ။</p> <p style="text-align:justify">"အမေကရော ကျောင်းမှာ အရမ်းအလုပ်များနေလို့လား... ရက်နည်းနည်းတောင် မအားဘူးလား" ဟု ချူဖုန်းက ရေတစ်ခွက် ကမ်းပေးရင်း မေးလိုက်သည်။</p> <p style="text-align:justify">"မင်းအမေက ရာထူးတက်သွားတော့ ကျောင်းက အလုပ်တွေ ပုံပေးထားတာလေ... ငါတော့ သူ့ကို နားခိုင်းနေတာပဲ... အသက် ငါးဆယ် ရှိတော့မယ်။ အိုမှပဲ ချမ်းသာအောင် နေပါတော့လားလို့"</p> <p style="text-align:justify">"အဖေကတော့ တကယ် ဇိမ်ကျနေတာပဲ... အခုတလော အပျော်တမ်း ဘောလုံးပွဲတွေ ကစားနေတယ် ဆို" ဟု ချူဖုန်းက စနောက်လိုက်သည်။</p> <p style="text-align:justify">ချူချန်းကျိသည် ငယ်စဉ်က ဘောလုံးသမား ဖြစ်ချင်ခဲ့သော်လည်း ပါရမီ မပါခဲ့ပေ။ ယခုမှသာ သူ၏ ငယ်အိပ်မက်ကို ပြန်လည် အကောင်အထည်ဖော်နေခြင်း ဖြစ်သည်။ </p> <p style="text-align:justify">သူက ချူဖုန်းကို - "ငါတို့ အိမ်ပြန်ရောက်ရင် အဖေတို့ကို အထူးလေ့ကျင့်ခန်း လုပ်ပေးဦး... ငါတို့အသင်းက ဇယားအောက်ဆုံးမှာပဲ အမြဲ ရှိနေလို့" ဟု မျက်စိတစ်ဖက် မှိတ်ပြကာ ဆိုလိုက်သည်။</p> <p style="text-align:justify">---</p> <p style="text-align:justify">ညနေ (၃) နာရီ၊ ကာရင်တန် လေ့ကျင့်ရေးကွင်း။</p> <p style="text-align:justify">မန်ယူကစားသမားများသည် စောစီးစွာ ရောက်ရှိနေကြပြီး ကြံ့ခိုင်မှု ပြန်လည်မြှင့်တင်ရေး လေ့ကျင့်ခန်းများ ပြုလုပ်နေကြသည်။ မော်ရင်ညိုကတော့ ဖာရီယာနှင့်အတူ လူပြောင်းရွှေ့မှု ကိစ္စများကို ဆွေးနွေးနေ၏။</p> <p style="text-align:justify">"လူကာကူကတော့ ထွက်ဖို့ ဆုံးဖြတ်လိုက်ပြီ... သူ အင်တာမီလန်ကို သွားဖို့ များတယ်။ ဒါကြောင့် ချူဖုန်းအတွက် အရန်တိုက်စစ်မှူး တစ်ယောက် ရှာရမယ်... နောက်ပြီး ခံစစ်ပိုင်းကိုလည်း အားဖြည့်ဖို့ လိုတယ်" </p> <p style="text-align:justify">မော်ရင်ညိုက ဆိုသည်။ အက်ရှ်လေယန်းနှင့် ဒေးဗစ်လူးဝစ်တို့မှာလည်း အိုမင်းလာပြီဖြစ်၍ သူတို့နေရာတွင် အစားထိုးရန် လိုအပ်နေချေပြီ။</p> <p style="text-align:justify">"ရီးရဲလ်မက်ဒရစ်က ချူဖုန်းအတွက် ယူရို သန်း ၂၂၀ နဲ့ ကမ်းလှမ်းထားတယ် ဆိုတာ ဟုတ်လား..." ဖာရီယာက မေးလိုက်သည်။</p> <p style="text-align:justify">"အင်း... ဟုတ်တယ်" မော်ရင်ညိုက ခပ်တိုးတိုး ဆိုလိုက်သည်။</p> <p style="text-align:justify">သန်း ၂၂၀ ဆိုသည်မှာ မနည်းလှသော ပမာဏ ဖြစ်သော်လည်း မန်ယူကတော့ ချူဖုန်းကို ရောင်းလိမ့်မည် မဟုတ်ပေ။ အကယ်၍ ရောင်းခဲ့လျှင် မန်ချက်စတာရှိ ပရိသတ်များက အသင်းပိုင်ရှင်များကို ဗုံးနှင့် ပစ်လောက်သည်အထိ ဒေါသထွက်ကြမည်မှာ သေချာလှသည်။ </p> <p style="text-align:justify">ယခုအခါ ချူဖုန်းသည် မန်ယူ၏ အိမ်ရှေ့စံ မင်းသားသဖွယ် ဖြစ်နေချေပြီ မဟုတ်ပါလား…။</p> <p style="text-align:justify">"ထားလိုက်ပါ... နောက် သုံးရက်နေရင် အိုးထရက်ဖို့ဒ်မှာ ပွဲရှိတယ်... ငါတို့ ချန်ပီယံဆု ပေးအပ်ပွဲ အတွက် ကြိုတင် ဇာတ်တိုက်ထားရမယ်" ဟု မော်ရင်ညိုက ဆိုလိုက်သည်။</p> <p style="text-align:justify">အင်္ဂလန်ဘောလုံးအဖွဲ့ချုပ်၏ သတ်မှတ်ချက်အရ မန်ယူ၊ မန်စီးတီးနှင့် လီဗာပူး (၃) သင်းလုံးသည် မိမိတို့ အသင်းများ ချန်ပီယံဖြစ်ခဲ့လျှင် ကျင်းပမည့် အခမ်းအနားကို ကြိုတင် ပြင်ဆင်ထားကြရသည်။ ဘောလုံးဆိုသည်မှာ အလုံးကြီး ဖြစ်သဖြင့် နောက်ဆုံးအချိန်အထိ ဘာမဆို ဖြစ်သွားနိုင်သည်။</p> <p style="text-align:justify">၂၀၀၂ ခုနှစ်က အင်တာမီလန် အသင်းသည် နောက်ဆုံးပွဲတွင် ရှုံးနိမ့်ကာ ချန်ပီယံဆုကို ဂျူဗင်တပ်စ် လက်ထဲ ထိုးအပ်လိုက်ရဖူးသည်။ ထိုစဉ်က ရော်နယ်ဒို တစ်ယောက် ကွင်းဘေးတွင် ထိုင်ကာ ရှိုက်ကြီးတငင် ငိုကြွေးနေပုံမှာ ကမ္ဘာ့ဘောလုံးသမိုင်း၏ အဝမ်းနည်းဆုံး မြင်ကွင်းတစ်ခု ဖြစ်ခဲ့သည်။</p> <p style="text-align:justify">ယခုလည်း ကာဒစ်ဖ်စီးတီး ပရိသတ်များသာမက မန်ယူကို မနာလိုသူ အားလုံးက မန်ယူ ရှုံးနိမ့်သွားရန် ဆုတောင်းနေကြသည်။ ကာဒစ်ဖ်စီးတီး ကစားသမားများကလည်း သူတို့ကိုယ်သူတို့ နဂါးကို သတ်မည့် စစ်သည်တော်များကဲ့သို့ သဘောထားကာ မန်ယူကို အနိုင်ယူရန် ကြုံးဝါးနေကြလေသည်။</p> <p style="text-align:justify"><br /> ***</p>


Save