Book List

<h2 style="text-align: center;">အခန်း (၄၂၄) </h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"အသင်းနှစ်သင်းလုံးရဲ့ ပွဲထွက် လူစာရင်းကို ကြည့်ရအောင်ပါ..."</p> <p style="text-align:justify">"အနီရောင် ဝတ်စုံနဲ့က မန်ချက်စတာယူနိုက်တက်ပါ။ မော်ရင်ညိုက အပြောင်းအလဲ သိပ်မလုပ်ထားပါဘူး။ ၄-၃-၁-၂ ကစားကွက်ကိုပဲ သုံးထားပါတယ်။ ဂိုးသမားက..."</p> <p style="text-align:justify">"မာရက်ဇ်ကတော့ တစ်နေ့က လေ့ကျင့်ရေးမှာ ကြွက်သား စုတ်ပြဲသွားတဲ့အတွက် ဒီနေ့ အက်ဖ်အေဖလား ဗိုလ်လုပွဲကို လွဲချော်သွားတာ ကံဆိုးတာပါပဲ။ ဒါပေမဲ့ ရက်ရှ်ဖို့ဒ်ကတော့ မကြာသေးခင်က ခြေစွမ်းပြနေပြီး သုံးပွဲဆက်တိုက် လူစားဝင် ကစားကာ ဂိုးတွေ သွင်းယူထားနိုင်ပါတယ်..."</p> <p style="text-align:justify">"ချူဖုန်း လက်မောင်းမှာ အသင်းခေါင်းဆောင် လက်ပတ် ပတ်ထားတာကို တွေ့ရပါတယ်။ ဒါက မန်ယူရဲ့ ပထမ အသင်းခေါင်းဆောင် အနေနဲ့ သူ ပထမဆုံး ကစားရတဲ့ ပွဲဖြစ်ပြီး သူ့အတွက် တော်တော်လေး အရေးကြီးတဲ့ ပွဲလို့ ထင်ပါတယ်..."</p> <p style="text-align:justify">"ဒါက ကောင်းမွန်တဲ့ အစပျိုးမှု တစ်ခု ဖြစ်လာမယ်လို့ မျှော်လင့်ရပါတယ်..."</p> <p style="text-align:justify">"မန်စီးတီးရဲ့ ပွဲထွက် လူစာရင်းကိုလည်း ကြည့်ရအောင်။ ဂွါဒီယိုလာက ၄-၃-၃ ကစားကွက်ကိုပဲ သုံးထားပြီး ဂိုးသမားက..."</p> <p style="text-align:justify">"ဒီကစားကွက်က ပွဲကစားနေရင်းနဲ့ အများကြီး ပြောင်းလဲသွားနိုင်ပါတယ်။ အထူးသဖြင့် ဘာနာဒို ဆေးလ်ဗားနဲ့ စတာလင်းတို့ရဲ့ အလှည့်ကျ တိုက်စစ်ဆင်မှုတွေက အဂူရိုအတွက် ထောက်ပံ့မှုတွေ ပေးနိုင်ရုံသာမက သူတို့နောက်က တောင်ပံ ကစားသမား နှစ်ယောက်အတွက်လည်း နေရာလွတ်နဲ့ အချိန် လုံလုံလောက်လောက် ဖန်တီးပေးနိုင်ပါတယ်..."</p> <p style="text-align:justify">"မန်စီးတီးက ဒီနည်းဗျူဟာကို သုံးပြီး ပရီးမီးယားလိဂ် နောက်ဆုံးပွဲစဉ်မှာ ဘရိုက်တန်ကို အနိုင်ယူခဲ့တာပါ..."</p> <p style="text-align:justify">"ဆရာကျန်း... ဒီည ဘယ်သူ နိုင်မယ်လို့ ထင်လဲဗျ..." ဟု ကျန်းကျွင်းက မေးလိုက်သည်။</p> <p style="text-align:justify">ဆရာကျန်းလုက ခေတ္တမျှ စဉ်းစားပြီးနောက် "မာရက်ဇ် မပါတာက မန်ယူအတွက် တော်တော်လေး နစ်နာတယ်။ ရှောင်ချူနဲ့ သူ့ရဲ့ တွဲဖက် ကစားပုံက နည်းစနစ်ပိုင်း အရ တော်တော်လေး သေသပ်တယ်။ မန်စီးတီး ခံစစ်ကို ထိထိရောက်ရောက် ခြိမ်းခြောက်နိုင်စွမ်း ရှိတယ်..."</p> <p style="text-align:justify">"ရက်ရှ်ဖို့ဒ်ကတော့ အမြန်နှုန်းကိုပဲ ပိုအားကိုးပြီး မာရက်ဇ်လောက် နည်းစနစ်ပိုင်း မကျွမ်းကျင်ဘူးလေ..."</p> <p style="text-align:justify">"ပြီးတော့ သူတို့ မန်စီးတီး နောက်တန်းကို ဖိအား အလုံအလောက် မပေးနိုင်ဘူး ဆိုရင်တော့..."</p> <p style="text-align:justify">ဆရာကျန်းလုက စကားကို ဆုံးအောင် မပြောသော်လည်း သူဆိုလိုသည့် အဓိပ္ပာယ်မှာ ရှင်းလင်းနေပြီ ဖြစ်သည်။</p> <p style="text-align:justify">မန်စီးတီးက ဘောလုံးပိုင်ဆိုင်မှုကို ဆက်တိုက် အသုံးချပြီး မန်ယူကို သူတို့၏ စည်းချက်ထဲ ဆွဲသွင်းသွားမည် ဖြစ်ကာ အခွင့်အရေး ရသည်နှင့် အပြတ်အသတ် တိုက်ခိုက်သွားလိမ့်မည်။ ထို့ကြောင့် မန်ယူအသင်း အနိုင်ရရန် အခွင့်အရေးမှာ အလွန် နည်းပါးလှပေသည်။</p> <p style="text-align:justify">ကျန်းကျွင်းက စတူဒီယို အနောက်ဘက်ရှိ ချူဖုန်း၏ ကြော်ငြာဘုတ်ကို လက်ညှိုးထိုးပြကာ "ကျွန်တော်ကတော့ မန်ယူနဲ့ ရှောင်ချူကိုပဲ အားပေးတယ်ဗျာ..." ဟု ဆိုလိုက်သည်။</p> <p style="text-align:justify">“အင်္ဂလန်မြေပေါ်မှာ ပထမဆုံး ပြည်တွင်းဖလား သုံးလုံးစလုံး သိမ်းပိုက်နိုင်မယ့် အသင်းကို ဒီည မြင်တွေ့ရမလား ဆိုတာ ဆက်လက် စောင့်ကြည့်ကြပါစို့”</p> <p style="text-align:justify">စိမ်းလန်းနေသော ဘောလုံးကွင်းကြီးပေါ်တွင်...</p> <p style="text-align:justify">အသင်းနှစ်သင်းလုံးမှ ကစားသမားများ နေရာယူပြီးသည်နှင့် ဒိုင်လူကြီးက ပွဲစတင်ကြောင်း ခရာမှုတ်လိုက်လေသည်။</p> <p style="text-align:justify">တီ…</p> <p style="text-align:justify">အသင်းနှစ်သင်း၏ ကစားကွက်များ ချက်ချင်း ထိပ်တိုက်တွေ့ဆုံသွားပြီး အစကတည်းက အပြန်အလှန် အကဲစမ်းခြင်း မရှိဘဲ အကြိတ်အနယ် ယှဉ်ပြိုင်ကြတော့သည်။</p> <p style="text-align:justify">သူတို့သည် ပြိုင်ဘက်ဟောင်းများ ဖြစ်ကြသည်မို့ တစ်ဖက်နှင့်တစ်ဖက် အချင်းချင်း ကောင်းကောင်း သိနေကြသည် မဟုတ်ပါလား…။</p> <p style="text-align:justify">ကွင်းလယ်က အသင်းနှစ်သင်းလုံးအတွက် စစ်မြေပြင် ဖြစ်လာပြီး မည်သူကမျှ အလျှော့မပေးလိုသဖြင့် ရုပ်ပိုင်းဆိုင်ရာ ယှဉ်ပြိုင်မှုများက ပွဲ၏ အဓိက အခန်းကဏ္ဍ ဖြစ်လာလေသည်။</p> <p style="text-align:justify">ဘောလုံးက လာပေါ့တ်ထံသို့ ရောက်သွား၏။</p> <p style="text-align:justify">စပိန်လူမျိုး နောက်ခံလူမှာ မကြာသေးမီက ပြဿနာများနှင့် ရင်ဆိုင်နေရသည်။ သူက ရောဂါဆန်းတစ်ခု စွဲကပ်နေပုံရပြီး ချူဖုန်းကို မြင်လိုက်သည်နှင့် ရင်တွေ တဒိန်းဒိန်း ခုန်လာတတ်လေသည်။</p> <p style="text-align:justify">အခြားတော့ လျှောက်မတွေးကြနှင့်။ ဒါက ဆွဲဆောင်မှုကြောင့် မဟုတ်ဘဲ ကြောက်ရွံ့မှုကြောင့် သက်သက်သာ ဖြစ်သည်။</p> <p style="text-align:justify">တစ်ရာသီလုံး လူတစ်ယောက်တည်းကိုပဲ အကြိမ်ကြိမ် ရှုံးနိမ့်နေရသည်ဟု စိတ်ကူးကြည့်လိုက်ပါ။ </p> <p style="text-align:justify">သူတို့၏ စိတ်ပိုင်းဆိုင်ရာ အခြေအနေက ဘယ်လိုလုပ် ကောင်းနိုင်တော့မည်နည်း။ အနည်းငယ် ချဲ့ကားပြောရလျှင် ၎င်းမှာ PTSDနှင့် အနည်းငယ် ဆင်တူနေပေသည်။</p> <p style="text-align:justify">ချူဖုန်း အနီးသို့ မရောက်လာမီပင် လာပေါ့တ်က ဘောလုံးကို ဘေးရှိ ကိုင်လီ ဝေါ်ကာထံသို့ အမြန် လှမ်းပေးလိုက်သည်။</p> <p style="text-align:justify">'အနည်းဆုံး ဆယ်မီတာလောက် ကွာသေးတာကို... အဲဒီလောက်ကြီး ကြောက်နေဖို့ လိုလို့လား...' ဟု ချူဖုန်းက စိတ်ထဲမှ တွေးလိုက်သည်။</p> <p style="text-align:justify">သူက လီဗာပူးနှင့် ပွဲတုန်းကလို ဘောလုံးကို ကြားဖြတ်လုယူကာ တိုက်ရိုက် ကန်သွင်းရန် စီစဉ်ထားသော်လည်း လာပေါ့တ်က သူ့ကို အခွင့်အရေး လုံးဝ မပေးခဲ့ပေ။</p> <p style="text-align:justify">ထို့နောက်...</p> <p style="text-align:justify">မန်စီးတီးတို့က ဘောလုံးပိုင်ဆိုင်မှုကို ခိုင်ခိုင်မာမာ ထိန်းချုပ်ထားရင်း တောင်ပံများမှတစ်ဆင့် ဖြည်းဖြည်းချင်း တက်လာကြသည်။</p> <p style="text-align:justify">မန်ယူတို့က ရုပ်ပိုင်းဆိုင်ရာ ကစားပုံကို အရှိန်မြှင့်ကာ အချိန်မီ ခံစစ်အကူအညီများ ပေးခဲ့သော်လည်း ဘောလုံးကို လုယူနိုင်ခြင်း မရှိသေးပေ။</p> <p style="text-align:justify">မည်သို့ပင်ဆိုစေကာမူ မန်စီးတီး၏ ဘောလုံးပေးပို့မှုနှင့် ပိုင်ဆိုင်မှု ကစားကွက်ကို လွယ်လွယ်ကူကူ ဖြတ်တောက်နိုင်မည် ဆိုပါက သူတို့သည် ပရီးမီးယားလိဂ်တွင် ဒုတိယနေရာ ရရှိမည် မဟုတ်သလို ပရီးမီးယားလိဂ် ကလပ်အသင်းများ၏ ဂိုးသွင်းစံချိန်ကိုလည်း ချိုးဖျက်နိုင်မည် မဟုတ်ချေ။</p> <p style="text-align:justify">ဘောလုံးက ကွင်းထဲတွင် ဇစ်ဇက်မျဉ်းများ ဆွဲကာ ရွေ့လျားနေသည်။</p> <p style="text-align:justify">ယင်းတို့ကို ဆက်ကြည့်လိုက်မည် ဆိုပါက ဘောလုံး၏ အနှစ်သာရဖြစ်သော ဂျီသြမေတြီ ပုံစံများကို သင် တွေ့ရှိရမည် ဖြစ်သည်။</p> <p style="text-align:justify">အမှတ် ၂၂ ခုဖြင့် ဖွဲ့စည်းထားသော ဂရပ်ဖစ်ပုံစံမှာ အဆက်မပြတ် ပြောင်းလဲနေလေသည်။</p> <p style="text-align:justify">အသင်းနှစ်သင်းလုံး၏ ရည်ရွယ်ချက်မှာ ပွဲအတွင်းမှ ဟာကွက်များကို အသုံးချပြီး ထိုနေရာများဆီသို့ ဘောလုံးပေးပို့နိုင်ရန်ပင် ဖြစ်သည်။</p> <p style="text-align:justify">မသိလိုက်မသိဘာနှင့်ပင် ၁၂ မိနစ် ကုန်လွန်သွားခဲ့လေပြီ။</p> <p style="text-align:justify">ဒီဘရိုင်း ဘောလုံး ပြန်ရသွားပြီး ရက်ရှ်ဖို့ဒ်ကို လိမ်ခေါက် ကျော်ဖြတ်ကာ ကြည့်ပင်မကြည့်ဘဲ သူ၏ ညာခြေဖြင့် အဝေးဘော တစ်လုံး ကန်တင်လိုက်သည်။</p> <p style="text-align:justify">ယုံကြည်နိုင်လောက်စရာ မရှိအောင် ကွေးညွတ်သွားသော လမ်းကြောင်းဖြင့် ဘောလုံးက ဘယ်ဘက်တောင်ပံမှ အရှိန်ကုန် ပြေးတက်လာသော စတာလင်းထံသို့ တိုက်ရိုက် ရောက်ရှိသွားသည်။</p> <p style="text-align:justify">ကွင်းဘေးတွင် ထိုင်နေသော ဂွါဒီယိုလာသည် လက်သီးကို ကျစ်ကျစ်ပါအောင် ဆုပ်လိုက်မိ၏။ </p> <p style="text-align:justify">ဒါက သူ လိုချင်နေသည့် အကျိုးသက်ရောက်မှုပင် ဖြစ်သည်။</p> <p style="text-align:justify">သို့သော် ဘောလုံးလောကတွင် ထိုသို့ လုပ်နိုင်သူ အလွန် နည်းပါးလှသည်။ အဘယ်ကြောင့်ဆိုသော် ကစားသမားများအပေါ် အလွန် မြင့်မားသော တောင်းဆိုမှုများ ရှိနေသောကြောင့် ဖြစ်သည်။</p> <p style="text-align:justify">ထူးချွန်သော အမြင်၊ တိကျသော ဘောလုံးပေးပို့မှုနှင့် ဘောလုံး ထိန်းချုပ်နိုင်စွမ်း။</p> <p style="text-align:justify">ယင်းစွမ်းရည်များအနက် တစ်ခုခု လိုအပ်နေလျှင်ပင် လက်ခံနိုင်စရာ မရှိသော်လည်း ကံကောင်း ထောက်မစွာဖြင့် သူ၏ လက်အောက်တွင် ပါရမီရှင် တစ်ဦး ရှိနေလေသည်။ ၎င်းမှာ ဒီဘရိုင်းပင်…။</p> <p style="text-align:justify">ကွင်းလယ်မှ နေ၍ ထောင့်ဖြတ်ပေးပို့မှု တစ်ခု။</p> <p style="text-align:justify">ဒီဘရိုင်းက အပေါ်စီးမှ ကြည့်နေသော ပရိသတ်များပင် သတိမထားမိသည့် ဟာကွက်တစ်ခုကို ရှာဖွေ တွေ့ရှိခဲ့ခြင်း ဖြစ်သည်။</p> <p style="text-align:justify">"ဝိုး... နည်းနည်း ချဲ့ကားပြောရရင် စင်တီမီတာ အဆင့်ထိ တိကျတဲ့ ပေးပို့မှုပဲ။ ဒီလို အဝေး ထောင့်ဖြတ်ပေးပို့မှုက ကွေးတောင် ကွေးသွားသေးတယ်ဗျာ..."</p> <p style="text-align:justify">"ဒီဘရိုင်းရဲ့ ခြေစွမ်းက တစ်နေ့ထက်တစ်နေ့ ပိုကြောက်စရာ ကောင်းလာတာပဲ..."</p> <p style="text-align:justify">"မကြာသေးခင်က ဘောလုံးလောကမှာ ပြောစမှတ် တွင်နေတဲ့ စကားတစ်ခွန်း ရှိတယ်ဗျ... ဒီဘရိုင်းဆီကနေ ဘောလုံး လက်ခံရတာ သက်တောင့်သက်သာ မရှိဘူးလို့ ခံစားရရင် အဲဒီဘောလုံးက မင်းဆီကို ပေးတာ မဟုတ်ဘူးတဲ့လေ..."</p> <p style="text-align:justify">စတာလင်းက ဘောလုံးကို လွယ်လွယ်ကူကူ လက်ခံရရှိလိုက်ပြီး လုံးဝ ချိန်ဆနေရန်ပင် မလိုပေ။</p> <p style="text-align:justify">ကံမကောင်းစွာဖြင့် သူက ချိန်ဆနေချိန် အနည်းငယ် ကြာသွားသဖြင့် ဝမ်-ဘစ်ဆာကာက ဘေးမှနေ၍ အမီလိုက်လာနိုင်ခဲ့ရာ သူက ဂိုးပေါက်ကို ချိန်ရွယ်ပြီး ကန်သွင်းရန်သာ ကြိုးစားနိုင်တော့သည်။</p> <p style="text-align:justify">ဘောလုံးက ဘယ်ဘက် အောက်ထောင့်ဆီသို့ တိုက်ရိုက် ဦးတည်သွားသော်လည်း ဒီဂီယာက ခြေထောက်တစ်ဖက်ဖြင့် ကာကွယ်လိုက်လေသည်။</p> <p style="text-align:justify">စတာလင်း ဒေါသတကြီးဖြင့် သူ၏ ခေါင်းကို ကိုင်လိုက်မိသည်။ </p> <p style="text-align:justify">သူ၏ နေရာယူမှုက ကမ္ဘာ့အဆင့်မီသော်လည်း သူ၏ ဂိုးသွင်းစွမ်းရည်ကတော့ ရပ်ကွက်အဆင့်လောက်သာ ရှိလေသည်။</p> <p style="text-align:justify">အနှီ စကားမှာ အနည်းငယ် ချဲ့ကားထားသော်လည်း စတာလင်း၏ ဝိသေသလက္ခဏာများကိုတော့ ထင်ဟပ်နေပေသည်။</p> <p style="text-align:justify">ဒီဘရိုင်းမှာ ပြောစရာ စကားပင် မရှိတော့ချေ။ စတာလင်း နေရာတွင် ချူဖုန်းသာ ဆိုပါက ရလဒ်မှာ လုံးဝ ကွာခြားသွားမည်မှာ သေချာသည်။</p> <p style="text-align:justify">တိုက်စစ်နယ်မြေထဲရှိ ချူဖုန်းမှာ သက်ပြင်းချလိုက်မိသည်။ သူတို့က အခက်အခဲတွေကို ထပ်ပြီး ရင်ဆိုင်ရတော့မယ်လို့ ထင်ခဲ့သော်ငြား ဒီဘရိုင်းရဲ့ ပေးပို့မှုကို သတိရသွားသည်။</p> <p style="text-align:justify">တကယ်တော့ သူကလည်း အဲဒါကို ကြိုပြီး မြင်ခဲ့တာပင်…။ ယင်းက သူ အသစ် ရရှိထားသော နတ်ဘုရားမျက်လုံး မော်ဂျူး၏ အစွမ်းပင်…။</p> <p style="text-align:justify">'ငါကိုယ်တိုင်ရော အဲဒီလိုမျိုး ပေးပို့မှု လုပ်နိုင်မလား...'</p> <p style="text-align:justify">ချူဖုန်းက သူ့မှာ အဲဒီလို လုပ်နိုင်စွမ်း ရှိတယ်လို့ ခံစားရသည်။ ပထမဆုံး အနေဖြင့် သူသည် ဘောလုံးကို ကောင်းစွာ ခံစားသိရှိနိုင်ပြီး အလွန် တိကျသော ပေးပို့မှုများကို လုပ်ဆောင်နိုင်သည်။ ထိုအရာများကို ကောင်းမွန် ကျယ်ပြန့်သော အမြင်အာရုံနှင့် ပေါင်းစပ်လိုက်လျှင်...</p> <p style="text-align:justify">"မားကပ်စ်... ခဏနေကျရင် မန်စီးတီး ဗဟိုနောက်ခံလူနဲ့ ဘေးအစွန် နောက်ခံလူ ကြားက ဟာကွက်ထဲကို ပြေးဝင်သွားလိုက်..."</p> <p style="text-align:justify">ချူဖုန်းက ရက်ရှ်ဖို့ဒ်ထံ သွားကာ ပါးစပ်ကို ကွယ်ပြီး တိုးတိုးလေး ညွှန်ကြားလိုက်သည်။</p> <p style="text-align:justify">ရက်ရှ်ဖို့ဒ်က မန်စီးတီး၏ ကျစ်လစ်သော ခံစစ်ကို ကြည့်လိုက်သည်။</p> <p style="text-align:justify">သူ နားမလည်သော်လည်း ခေါင်းညိတ်ပြလိုက်၏။</p> <p style="text-align:justify">ချူဖုန်းနှင့် အတူ တွဲကစားလာသည်မှာ အချိန်အတန်ကြာပြီ ဖြစ်ရာ သူက တန်ဖိုးရှိသော သင်ခန်းစာ တစ်ခုကို ရရှိထားပြီး ဖြစ်သည်။ မေးခွန်းတွေ အများကြီး မေးနေစရာ မလို။ ချူဖုန်း စကားတွေမှာ အကြောင်းပြချက် တစ်ခုခု ရှိရမည် ဆိုတာပင်။</p> <p style="text-align:justify">ပွဲဆက်လက် ကစားသည်။</p> <p style="text-align:justify">မန်စီးတီးတို့ အင်အားပြပြီးနောက် မန်ယူတို့ကလည်း ပြင်းပြင်းထန်ထန် တုံ့ပြန်လာကြသည်။</p> <p style="text-align:justify">မာတစ်၏ တောင်ပံမှနေ၍ ထောင့်ဖြတ်ပေးပို့မှုက ခံစစ်ဗဟိုချက်ထဲရှိ ပေါ့ဘာထံသို့ ရောက်ရှိသွားပြီး ဂန်ဒိုဂန်က နှောင့်ယှက်ရန် အမြန် ဝင်လာသည်။</p> <p style="text-align:justify">သို့သော် ပြင်းထန်သော ဒဏ်ရာရရှိပြီးနောက်ပိုင်း ဂျာမန်လူမျိုး ကစားသမား၏ ရုပ်ပိုင်းဆိုင်ရာ အခြေအနေမှာ အရင်ကထက် များစွာ ဆိုးရွားလာခဲ့လေပြီ။ ပေါ့ဘာက သူ၏ ရုပ်ပိုင်းဆိုင်ရာ အားသာချက်ကို အသုံးချကာ ဂန်ဒိုဂန်ကို အတင်း တွန်းဖယ်ပြီး လှည့်ထွက်လိုက်ကာ မန်စီးတီး ပင်နယ်တီ ဧရိယာထဲသို့ အဝေးဘော တစ်လုံး ကန်တင်လိုက်သည်။</p> <p style="text-align:justify">ပေးပို့မှုက မြန်ဆန်လွန်းသဖြင့် နောက်ခံလူများ တုံ့ပြန်ရန် အခက်တွေ့သွားရသည်။</p> <p style="text-align:justify">ချူဖုန်းက ခေါင်းနောက်တွင် မျက်လုံး ပါနေသည့်အလား ရုတ်တရက် အရှိန်တင်လိုက်ပြီး လာပေါ့တ်ကို ခါချကာ သူ့ရှေ့ရှိ ဘောလုံးကို ထိန်းချုပ်ရန် ဘယ်ခြေကို မြှောက်လိုက်သည်။ လာပေါ့တ်က အစွမ်းကုန် ကြိုးစားသော်လည်း ချူဖုန်း၏ အရိပ်ကိုပင် မထိနိုင်ခဲ့ချေ။</p> <p style="text-align:justify">"ဘောလုံး ထိန်းတာက နည်းနည်း ကြာသွားတော့ အမြန် ခြေဖျားနဲ့ ထိုးကန်ဖို့ပဲ ကြိုးစားလို့ ရတော့တယ်..."</p> <p style="text-align:justify">"အိုး... ပစ်မှတ်ကို မထိသွားဘူးဗျ။ ဒီလို တိုတိုနဲ့ မြန်တဲ့ ပေးပို့မှုတွေကို ဖမ်းဖို့က တော်တော်လေး ခက်ခဲသေးတာကိုး..."</p> <p style="text-align:justify">ကျန်းကျွင်းက နှမြောတသစွာဖြင့် ပြောလိုက်သည်။</p> <p style="text-align:justify">ဆရာကျန်းလုကလည်း "ရှောင်ချူက ဘောလုံးကို ထိန်းပြီး ခြေဖျားနဲ့ ထိုးကန်နိုင်ခဲ့တာကကို တော်တော်လေး အံ့သြစရာ ကောင်းနေပါပြီ..." ဟု ဝင်ပြောလိုက်သည်။</p> <p style="text-align:justify">"ပေါ့ဘာရဲ့ ပေးပို့မှုက ကောင်းပါတယ်။ ဒါပေမဲ့ အပေါ်နည်းနည်း မြင့်သွားတာ ဒါမှမဟုတ် ဝေးသွားတာ ဆိုရင် အီဒါဆန်က အလွယ်တကူ ဖမ်းယူနိုင်လိမ့်မယ်..."</p> <p style="text-align:justify">"မိနစ် ၂၀ လောက် ကစားသွားတဲ့ ပုံစံကို ကြည့်ရရင် အသင်းနှစ်သင်းလုံးက တိုက်စစ်ဆင်ချင်တဲ့ ဆန္ဒ တော်တော်လေး ပြင်းပြနေကြတယ်။ နောက်တစ်မိနစ်လောက်မှာ ဂိုးဝင်သွားနိုင်တယ်..."</p> <p style="text-align:justify">***</p>


Save