Book List

<h2 style="text-align: center;">အခန်း (၄၂၇)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">အခွင့်အရေးကို လွဲချော်ခဲ့ရသဖြင့် ရက်ရှ်ဖို့ဒ်က မပျော်မရွှင်ဖြင့် ဆံပင်ကို ပွတ်သပ်လိုက်သည်။ "ချူ... ငါ့အမှားပါကွာ။ ငါ ကြိုမပြေးထားမိလို့။ အဲဒီလိုမှ မဟုတ်ရင် ငါ ချိန်ဆဖို့ အချိန်ရပြီး ရွေးချယ်စရာတွေ ပိုများမှာ..."</p> <p style="text-align:justify">တကယ်တမ်းတွင် ချူဖုန်းက ဂိုးပေါက်ကို ကျောပေးထားပြီး အမြင် မရှိဘဲ ဤမျှ အရည်အသွေး မြင့်မားသော ပေးပို့မှုမျိုး လုပ်နိုင်လိမ့်မည်ဟု သူ လုံးဝ မထင်မှတ်ထားခဲ့ပေ။</p> <p style="text-align:justify">"ရပါတယ်ကွာ... ဒုတိယပိုင်းမှာ အခွင့်အရေး ရနိုင်ပါသေးတယ်..."</p> <p style="text-align:justify">ချူဖုန်းက အလွန် နားလည်ပေးတတ်သူ ဖြစ်သည်။</p> <p style="text-align:justify">တကယ်တော့ သူ၏ ပေးပို့မှုတွင် အားနည်းချက်များ ရှိနေသေးသည်။ ဘောလုံး ကျမည့်နေရာကို ထိန်းချုပ်မှုက သိပ်မကောင်းလှချေ။</p> <p style="text-align:justify">'ငါ့မှာသာ ဒီဘရိုင်းရဲ့ ခြေစွမ်းမျိုး ရှိရင် သိပ်ကောင်းမှာပဲ...'</p> <p style="text-align:justify">ချူဖုန်းက ဒီဘရိုင်းကို တစ်ချက် လှမ်းကြည့်လိုက်ပြီး "ဒီဘရိုင်းက တကယ် တော်တာပဲ..." ဟု စိတ်ထဲမှ တွေးလိုက်မိသည်။</p> <p style="text-align:justify">ဒီဘရိုင်းက တော်တော်လေး အကင်းပါးသည်။ ချူဖုန်း၏ အကြည့်ကို သတိပြုမိပြီးနောက် သူက ရင်းနှီးစွာ ခေါင်းညိတ်ပြလိုက်သည်။</p> <p style="text-align:justify">ချူဖုန်းက အနေရခက်စွာဖြင့် သူ၏ နှာခေါင်းကို ပွတ်သပ်လိုက်ပြီး နောက်တစ်ခါ သူများ အတင်းကို ကွယ်ရာမှာ မပြောတော့ဘူးလို့ စိတ်ထဲကနေ ဆုံးဖြတ်လိုက်လေသည်။</p> <p style="text-align:justify">……………..</p> <p style="text-align:justify">"ဒုတိယပိုင်းမှာ ဂရုစိုက်ရမယ့် အချက်အချို့ကတော့ တောင်ပံတွေက ခံစစ်အင်အားနဲ့ နေရာယူဖို့ နောက်ဆုတ်တဲ့ အပိုင်းပဲ..."</p> <p style="text-align:justify">"မန်စီးတီး ကစားသမားတွေ အားလုံးက မြန်ကြသလို တစ်ဦးချင်း စွမ်းရည်လည်း မြင့်ကြတယ်။ ဒါကြောင့် တစ်ယောက်တည်း ခံစစ်ကစားတာထက် အချင်းချင်း ကူညီပေးရမယ်။ ကွင်းလယ်ခံစစ် သုံးယောက် သုံးထားရတဲ့ ရည်ရွယ်ချက်က ငါတို့ရဲ့ ကြားဖြတ်လုယူနိုင်တဲ့ ဧရိယာကို ဆွဲဆန့်ဖို့ပဲ”</p> <p style="text-align:justify">"ပြီးတော့ ပွဲချိန် မိနစ် ၇၀ ရောက်တာနဲ့ မန်စီးတီးက အခြေအနေပေါ် မူတည်ပြီး အပြောင်းအလဲတွေ သေချာပေါက် လုပ်လာလိမ့်မယ်။ မင်းတို့က ကြိုတင် သတိထားနေရမယ်။ ရုတ်တရက် ဂိုးပေးလိုက်ရတာမျိုး အဖြစ်မခံနဲ့"</p> <p style="text-align:justify">"တိုက်စစ်နဲ့ ပတ်သက်လို့တော့ အများကြီး ပြောစရာ မရှိပါဘူး။ လေ့ကျင့်ရေးဆင်းတုန်းက သုံးခဲ့တဲ့ နည်းဗျူဟာအတိုင်းပဲ ကစားကြ”</p> <p style="text-align:justify">မော်ရင်ညိုက နည်းဗျူဟာအကြောင်း အသေးစိတ် မပြောခဲ့ပေ။ </p> <p style="text-align:justify">အကြောင်းမှာ နောက်ဆုံး၌ ဘောလုံးဆိုသည်က ကစားသမားတွေ ကစားရသော အားကစားတစ်ခု ဖြစ်နေလို့ပင်။ </p> <p style="text-align:justify">ဘောလုံးပွဲ တစ်ပွဲ၏ အခြေအနေက မျက်စိတစ်မှိတ်အတွင်း ပြောင်းလဲသွားနိုင်ပြီး ကစားသမားများ ကိုယ်တိုင်သာ ချက်ချင်း တုံ့ပြန် ဖြေရှင်းနိုင်စွမ်း ရှိကြသည်။ နည်းပြချုပ် အနေဖြင့်မူ ကြိုတင် ကာကွယ်မှုဆိုင်ရာ အပြောင်းအလဲများကိုသာ ပြုလုပ်ပေးနိုင်လေသည်။ </p> <p style="text-align:justify">မန်ယူ ကစားသမားများ ယင်းကို လုပ်နိုင်မည်ဟု မော်ရင်ညို ယုံကြည်သည်။ မည်သို့ပင်ဆိုစေကာမူ သူတို့ အတူတူ လက်တွဲလာခဲ့သည်မှာ အချိန်အတန်ကြာပြီ ဖြစ်ရာ အခြားသူများနှင့် မယှဉ်သာသော နားလည်မှု အဆင့်တစ်ခုအထိ ရောက်ရှိနေပြီ မဟုတ်ပါလား…။</p> <p style="text-align:justify">ဒါ့အပြင် အသင်းထဲမှာ ချူဖုန်း ရှိနေတယ် မဟုတ်လား။</p> <p style="text-align:justify">လက်ရှိ ဘောလုံးလောကတွင် သူ့တပည့်ဖြစ်သူ၏ နည်းဗျူဟာပိုင်းဆိုင်ရာ တွေးခေါ်နိုင်စွမ်းမှာ အခြားသူများနှင့် ကွဲပြားသော အဆင့်အတန်း တစ်ခုတွင် ရှိနေသည်ဟု မော်ရင်ညိုက အမြဲတမ်း ယုံကြည်ထားလေသည်။ </p> <p style="text-align:justify">ဤအချက်က ချူဖုန်း၏ ပေါက်ကွဲအား ပြင်းသော ရုပ်ပိုင်းဆိုင်ရာ စွမ်းရည်များထက်ပင် ပို၍ ကြောက်စရာ ကောင်းနေသေးသည်။ </p> <p style="text-align:justify">နောက်ဆုံးတွင် မော်ရင်ညိုက မန်ယူ ကစားသမားများကို ကြည့်ကာ "နောက်ထပ် မိနစ် လေးဆယ့်ငါးမိနစ် အကြာမှာတော့ ငါတို့ သမိုင်းသစ် ရေးထိုးနိုင်ခဲ့ပြီ ဆိုပြီး ဆုပေးစင်မြင့်ပေါ်မှာ ရပ်ကာ အောင်ပွဲခံနိုင်လိမ့်မယ်လို့ မျှော်လင့်ပါတယ်..." </p> <p style="text-align:justify">"အင်္ဂလန်ရဲ့ ပထမဆုံး ပြည်တွင်းဖလား သုံးလုံးစလုံး သိမ်းပိုက်နိုင်တဲ့ အသင်းဟေ့..."</p> <p style="text-align:justify">"ဆက်ကြိုးစားကြ ကလေးတို့..."</p> <p style="text-align:justify">သူတို့၏ အသုံးအဆောင်များကို သေချာစွာ ပြင်ဆင်ပြီးနောက် မန်ယူ ကစားသမားများက ချူဖုန်း၏ နောက်မှလိုက်ကာ အဝတ်လဲခန်းထဲမှ ထွက်လာခဲ့ကြသည်။ အသင်းနှစ်သင်းလုံးမှ ကစားသမားများ ကစားသမား ဥမင်လှိုဏ်ခေါင်းထဲတွင် ပြန်လည် ဆုံတွေ့ကြပြန်သည်။ </p> <p style="text-align:justify">ဂွါဒီယိုလာက သူ့ရှေ့တွင် မားမားမတ်မတ် ရပ်နေသော ချူဖုန်းကို တစ်ချက် လှမ်းကြည့်လိုက်ပြီး သမီးဖြစ်သူ မျက်စိစူးရှလှသည်ဟု စိတ်ထဲမှ တွေးလိုက်မိသည်။ သို့သော် အနှီ ကောင်လေးကို သူ၏ ထိန်းချုပ်မှုအောက်သို့ သွတ်သွင်းရန်ကား ခက်ခဲလှပေသည်။ </p> <p style="text-align:justify">တစ်ခါတစ်ရံ ညဉ့်နက်ပိုင်းများတွင် သူ မနေနိုင်ဘဲ စိတ်ကူးယဉ်မိတတ်သည်။ </p> <p style="text-align:justify">'ချူဖုန်းသာ မန်စီးတီး လူငယ်အကယ်ဒမီကနေ ထွက်လာခဲ့ရင်... ငါ ရောက်ရောက်ချင်းပဲ သူ့ရဲ့ ပါရမီကို ရှာဖွေတွေ့ရှိပြီး ငါ့တောင်ပံအောက်မှာ ထားကာ အစွမ်းကုန် ပြုစုပျိုးထောင်ပေးခဲ့မှာ... ပြီးရင် ချူဖုန်းက ငါ့သမီးနဲ့ လက်ထပ်မယ်...'</p> <p style="text-align:justify">အဲဒီလို ဇာတ်လမ်းမျိုးသာဆိုရင် ဘယ်လောက်တောင် လှပလိုက်မလဲ။ </p> <p style="text-align:justify">ကံမကောင်းစွာဖြင့် လက်တွေ့ဘဝက စိတ်ကူးယဉ်တာနှင့် တခြားစီပင်။ ချူဖုန်းက မန်ယူ လူငယ်အကယ်ဒမီထွက် ကစားသမား တစ်ယောက် ဖြစ်နေလေသည်။ </p> <p style="text-align:justify">တခြားအသင်း၏ ကြယ်ပွင့် ကစားသမား တစ်ဦးကို ကြောင်တောင်နှိုက်ရန်မှာ လွယ်ကူသော ကိစ္စရပ် မဟုတ်ချေ။ ထို့အပြင် နောင်တစ်ချိန်တွင် ချူဖုန်းက အသစ်သစ် ပြောင်းရွှေ့ခဲ့မည် ဆိုလျှင်ပင် မန်စီးတီးကို ရွေးချယ်နိုင်ခြေ လုံးဝ မရှိသလောက်ပင် ဖြစ်သည်။</p> <p style="text-align:justify">မန်ယူနှင့် မန်စီးတီးတို့မှာ သေခန်းပြတ် ရန်သူကြီးများ မဟုတ်ကြသော်လည်း သူတို့၏ ဆက်ဆံရေးက ကောင်းမွန်လှသည် မဟုတ်ပေ။ ကလပ်အသင်း နှစ်ခုကြား ရာစုနှစ်နှင့်ချီသော ပြိုင်ဆိုင်မှုများက သူတို့၏ ရန်ဘက်ဖြစ်မှုကို သက်သေပြနေလေသည်။ </p> <p style="text-align:justify">ဂွာဒီယိုလာက သက်ပြင်းတစ်ချက် ချလိုက်ရင်း... 'ငါ့ရဲ့ အိမ်မက်ထဲက ကြယ်ပွင့်လေးက ဘယ်မှာပါလိမ့်...' </p> <p style="text-align:justify">အနာဂတ် ယောက္ခမလောင်း၏ သောကများကို ချူဖုန်း မသိရှိခဲ့ခြင်းသာ ဖြစ်သည်။ သိသာ သိခဲ့လျှင် နောက်နှစ်အနည်းငယ် အကြာ၌ ဟာလန်း ရောက်လာလိမ့်မည်ဟု ဂွါဒီယိုလာကို သူ ပြောပြမိမည်မှာ သေချာသည်။</p> <p style="text-align:justify">ဝင်ဘလေကွင်းကြီးက ထပ်မံ ဆူညံလာပြန်သည်။ </p> <p style="text-align:justify">တောက်ပသော နေရောင်အောက်တွင် အသင်းနှစ်သင်း၏ အလံများက တလူလူ လွင့်ဝဲနေကြရာ ကွင်းကြီးထဲရှိ အခြေအနေကို ပို၍ ပြင်းထန်လာစေသည်။ </p> <p style="text-align:justify">ချူဖုန်းက အခုလေးတင် လဲဝတ်လာသော ဂျာစီအင်္ကျီသန့်သန့်လေးမှာ ခြေလှမ်း အနည်းငယ် ပြေးလိုက်ရုံဖြင့် တစ်ဖန် ပြန်ရွှဲသွားခဲ့လေပြီ။ ယင်းမှာ သူ အားနည်းပြီး ချွေးအထွက်များလွန်း၍ မဟုတ်ပေ။ </p> <p style="text-align:justify">အပူချိန်က အလွန် မြင့်မားလွန်းနေပြီး အားအင်ကုန်ခမ်းမှုကလည်း အလွန် ကြီးမားနေသောကြောင့်သာ ဖြစ်သည်။</p> <p style="text-align:justify">တီ…</p> <p style="text-align:justify">ဒိုင်လူကြီး၏ ဝီစီသံနှင့်အတူ ဒုတိယပိုင်း စတင်ပြီ ဖြစ်ကာ အသင်းနှစ်သင်း နေရာပြောင်း ကစားကြသည်။ </p> <p style="text-align:justify">မန်စီးတီး၏ ကစားကွက်က ကွင်းလယ်စက်ဝိုင်းတွင် နေရာယူထားပြီး အတင်း ဖိအားပေးခြင်းလည်း မရှိသလို အလျှော့ပေးခြင်းလည်း မရှိဘဲ မန်ယူတို့ ပထမဆုံး အကွက်ရွှေ့လာမည့် အချိန်ကို တိတ်ဆိတ်စွာ စောင့်ဆိုင်းနေကြသည်။</p> <p style="text-align:justify">ဒါက ပုံမှန် ထောင်ချောက်တစ်ခုပင်။ </p> <p style="text-align:justify">ထို့အပြင် တောင်ပံများတွင် လူအင်အား သိပ်မထားတော့ဘဲ ဗဟိုချက်တွင် ခံစစ်ကစားသမား အမြောက်အမြားကို ချထားလေသည်။ </p> <p style="text-align:justify">အပေါ်စီးမှ ကြည့်လိုက်မည် ဆိုပါက မန်စီးတီး၏ ခံစစ်ကြောင်းမှာ ပင်နယ်တီ ဧရိယာ မျဉ်းလောက်ပင် မရှည်လျားဘဲ ခံစစ်ကစားသမား အချို့က ပင်နယ်တီ ဧရိယာ အစွန်းနားတွင် စုပြုံနေကြသည်ကို တွေ့ရမည် ဖြစ်သည်။</p> <p style="text-align:justify">"ဂွါဒီယိုလာက ကမ္ဘာ့အဆင့်မီ နည်းပြဆိုတဲ့ နာမည်နဲ့ တကယ် တန်တာပဲ။ အက်ရှလေယန်းက ခံနိုင်ရည် အားနည်းသလို ဝမ်-ဘစ်ဆာကာကလည်း တိုက်စစ်ပိုင်းမှာ အားနည်းတာကြောင့် မန်ယူက တောင်ပံကနေ ထိုးဖောက်တာ ရှားတယ်ဆိုတာကို သူ ရှာဖွေတွေ့ရှိသွားတယ်..."</p> <p style="text-align:justify">"မန်ယူက ဝမ်-ဘစ်ဆာကာကို ရှေ့တက်ခိုင်းဖို့ ရွေးချယ်လိုက်တယ်။ သူက ဘောလုံးကို ဂိုးစည်းအထိ အလွယ်တကူ လိမ်ခေါက်သွားပြီ..."</p> <p style="text-align:justify">"သူ ဖြတ်တင်ဘောပဲ ပေးရတော့မလား..." </p> <p style="text-align:justify">မှန်ပါသည်။ </p> <p style="text-align:justify">ဝမ်-ဘစ်ဆာကာ၏ တိုက်စစ်ဆင်သည့် ပုံစံမှာ အလွန် ကန့်သတ်ချက် ရှိလှသည်။ ယင်းမှာ မန်ယူတို့ တောင်ပံများမှနေ၍ တိုက်စစ်မဆင်ရသည့် အကြောင်းရင်းပင် ဖြစ်သည်။ </p> <p style="text-align:justify">သို့သော် ပင်နယ်တီ ဧရိယာ အတွင်းရှိ ချူဖုန်းမှာ 1v3 အခြေအနေနှင့် ရင်ဆိုင်နေရသည်။ </p> <p style="text-align:justify">လာပေါ့တ်၊ အော်တာမန်ဒီနှင့် ကိုင်လီ ဝေါ်ကာတို့က ချူဖုန်းကို ဝန်းရံထားကြသည်။ </p> <p style="text-align:justify">ဤအခြေအနေမျိုးတွင် ဘယ်သူက ဘောလုံးကို ရနိုင်မည်နည်း။ </p> <p style="text-align:justify">မာရာဒိုနာသာ ဆိုလျှင်တော့ ရနိုင်ပေမည်။ ဘုရားသခင်၏ လက်ကို အသုံးပြုခွင့် ရှိမည်ဆိုလျှင်ပေါ့။ </p> <p style="text-align:justify">ချူဖုန်း၏ ခုန်ပေါက်နိုင်စွမ်းကို ဖိနှိပ်ထားကြသလို လေထဲတွင်လည်း သူ့ကို နှောင့်ယှက်ခဲ့ကြသဖြင့် သူ ဘောလုံးကိုပင် မထိလိုက်ရချေ။ </p> <p style="text-align:justify">ဘောလုံးက ကွင်းပြင်သို့ တိုက်ရိုက် ထွက်သွားလေသည်။ </p> <p style="text-align:justify">ဝမ်-ဘစ်ဆာကာက သူ၏ ကျစ်ဆံမြီးများကို စိတ်ပျက်လက်ပျက် ဆွဲပေါက်လိုက်မိသည်။ တကယ်တော့ သူသည် ချူဖုန်း၏ လူလိမ်ခေါက် ကျော်ဖြတ်သည့် စွမ်းရည်များကို အလွန် အထင်ကြီးလေးစားပြီး အချိန်အတော်ကြာကတည်းက သူ့ဘာသာသူ အမြဲ လေ့ကျင့်နေခဲ့ခြင်း ဖြစ်သည်။ </p> <p style="text-align:justify">သို့သော် ဤကဲ့သို့သော အရာများက ပါရမီ ပါမှသာ ရနိုင်လေသည်။ ပါရမီက တကယ်ကို အရေးကြီးလှသည်။ </p> <p style="text-align:justify">ဝမ်-ဘစ်ဆာကာက သူ၏ ပါရမီ အားလုံးကို ခံစစ်ပိုင်းတွင်သာ အာရုံစိုက်ထားပုံရသည်။ </p> <p style="text-align:justify">Opta ၏ စာရင်းဇယားများအရ သူ၏ တစ်ဦးချင်း ခံစစ် အောင်မြင်မှုနှုန်းမှာ ၈၄.၆ ရာခိုင်နှုန်း ရှိပြီး ဥရောပရှိ ကစားသမားများ အားလုံးထဲတွင် အမြင့်ဆုံး ဖြစ်သည်။ အာနိုးလ်သာ လှံတစ်လက် ဖြစ်မည်ဆိုလျှင် ဝမ်-ဘစ်ဆာကာမှာ ဒိုင်းလွှားတစ်ခုပင် ဖြစ်သည်။ </p> <p style="text-align:justify">နှစ်ခုစလုံး လိုချင်သည် ဆိုပါက အိမ်မက်မက်နေခြင်းသာ ဖြစ်ပေလိမ့်မည်။ မန်ယူအတွက်တော့ ဝမ်-ဘစ်ဆာကာကို ဝယ်ယူနိုင်ခဲ့သည်ကပင် ကံကောင်းလှပြီ ဖြစ်သည်။ </p> <p style="text-align:justify">"တောင်ပံတွေကနေ အတင်း မထိုးဖောက်နဲ့... ရစ်သမ်ကို ထိန်းထားပြီး မန်စီးတီးရဲ့ ခံစစ် နှလုံးသည်းပွတ် နေရာကိုပဲ ဆက်ပြီး ဝိုင်းထားကြ..."</p> <p style="text-align:justify">ချူဖုန်းက သူ၏ အသင်းဖော်များကို လက်လှမ်းပြလိုက်သည်။ </p> <p style="text-align:justify">မန်စီးတီးက ပါးနပ်စွာ အပြောင်းအလဲ လုပ်ခဲ့သည်။ ဗဟိုချက်နေရာ၌ အဓိက ကစားရင်း မန်ယူအသင်း၏ ခံစစ်အစွန် ကစားသမားများကို ရှေ့သို့ တက်လာစေရန် မြှူဆွယ်သည့် အနေဖြင့် တောင်ပံများတွင် နေရာလွတ်များကို တမင် ဖန်တီးပေးထားခဲ့သည်။ </p> <p style="text-align:justify">မန်ယူ ကစားသမားများက သဘောတူသည့် အနေဖြင့် ခေါင်းညိတ်ပြလိုက်ကြသည်။ တစ်ခါတစ်ရံ ကွင်းထဲတွင် နေရာလွတ်ကို မြင်လိုက်သည်နှင့် ပြေးဝင်သွားချင်စိတ် ပေါ်လာတတ်သည်။ ယင်းမှာ ဘောလုံးသမားများတွင် အလိုအလျောက် ပေါ်လာသော ဗီဇတစ်ခုပင် ဖြစ်သည်။ </p> <p style="text-align:justify">မန်စီးတီးက ထိုဗီဇကို ထောင်ချောက် တစ်ခု အဖြစ် အသုံးချနေခြင်းပင်…။</p> <p style="text-align:justify">***</p>


Save