Book List

<h2 style="text-align: center;">အခန်း (၄၂၈)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ပွဲဆက်လက် ကစားသည်။</p> <p style="text-align:justify">မန်ယူက တောင်ပံများမှနေ၍ တိုက်စစ်မဆင်သော်လည်း မန်စီးတီးကတော့ လုံးဝ ဆန့်ကျင်ဘက်ပင်။ </p> <p style="text-align:justify">ဒီဘရိုင်းက အဝေးပေးပို့မှု တစ်လုံး ထပ်လုပ်လိုက်ပြန်သည်။ ဇင်ချန်ကိုက ဘောလုံးကို ထိန်းပြီး ရှေ့သို့ အမြန် ဆွဲပြေးလာသည်။ သူက ပေါ့ဘာကို ကျွမ်းကျင်စွာ ကျော်ဖြတ်ပြီး ဒေးဗစ်ဆေးလ်ဗားနှင့် ဝမ်း-တူး ကစားလိုက်သည်။</p> <p style="text-align:justify">ယူကရိန်း လူငယ်လေးက ဘောလုံးဉာဏ် အလွန် ကောင်းမွန်လေသည်။ အဘယ်ကြောင့်ဆိုသော် သူသည် ယခင်က ကွင်းလယ်လူ အဖြစ် ကစားခဲ့ဖူးသောကြောင့် ဖြစ်သည်။ </p> <p style="text-align:justify">သို့သော် နောက်ပိုင်းတွင် ဂွါဒီယိုလာက သူ့ကို နောက်ခံလူ အဖြစ် ပြောင်းလဲပစ်ခဲ့သည်။ မန်စီးတီး အသင်းတွင်း၌ ကစားသမားများက နည်းစနစ် အပိုင်နိုင်ဆုံး ကစားသမားကို မဲပေးရွေးချယ်သည့် စာရင်းဇယား တစ်ခု ရှိပြီး ဇင်ချန်ကိုက နောက်ဆုံးတွင် မဲအများဆုံး ရရှိခဲ့လေသည်။ </p> <p style="text-align:justify">ညာဘက်ရှိ ကိုင်လီ ဝေါ်ကာက အမြန်နှုန်းကို အသုံးပြုပြီး ဘယ်ဘက်ရှိ ဇင်ချန်ကိုက နည်းစနစ်ကို အသုံးပြုလေသည်။ ထို့ကြောင့် မန်စီးတီး၏ ဘယ်ညာ တောင်ပံနှစ်ဖက်လုံးက ကြီးမားသော ခြိမ်းခြောက်မှုများကို ဖန်တီးပေးနိုင်လေသည်။ </p> <p style="text-align:justify">စတာလင်းက ရှေ့သို့ ပြေးတက်သွားကာ ဝမ်-ဘစ်ဆာကာကို ဆွဲခေါ်သွားသဖြင့် မာတစ်က ဇင်ချန်ကိုကို ပြတ်ပြတ်သားသား ဝင်တိုက်လိုက်ရာ ဇင်ချန်ကို၏ ဘောလုံး ဆွဲပြေးမှု အနည်းငယ် ဟန်ချက် ပျက်သွားလေသည်။ </p> <p style="text-align:justify">မာတစ်သည် မန်ယူ၏ ကွင်းလယ်ဗဟိုချက်ပင်…။</p> <p style="text-align:justify">သူ၏ စွမ်းရည်နှင့် ပတ်သက်ပြီး ပြောရလျှင် မော်ရင်ညိုက သွားလေရာတိုင်း သူ့ကို ခေါ်သွားတယ် ဆိုတဲ့ အချက်ကတင် အဖြေတစ်ခု ပေးနေပြီ ဖြစ်သည်။ </p> <p style="text-align:justify">ဇင်ချန်ကို မြေပြင်ပေါ်သို့ လဲကျသွားပြီး ဘောလုံးကို ဒေးဗစ်ဆေးလ်ဗားထံသို့ ထိုးပေးလိုက်ရုံသာ တတ်နိုင်တော့သည်။ </p> <p style="text-align:justify">အပြာရောင်တို့၏ မှော်ဆရာကြီးမှာ အသက် ၃၃ နှစ် ရှိနေပြီ ဖြစ်ကာ သူ၏ ရုပ်ပိုင်းဆိုင်ရာ အခြေအနေမှာ ယခင်ကလို မဟုတ်တော့ပေ။ သူက လူတွေကို လိမ်ခေါက် ကျော်ဖြတ်ခြင်း မပြုတော့ဘဲ ဘောလုံးကို အလယ်သို့ ပေးပို့လိုက်သည်။ </p> <p style="text-align:justify">ဒီဘရိုင်းက ဘောလုံးကို ရင်ဆိုင်ရင်း သူ၏ ဘယ်ခြေကို ဝှေ့ယမ်းလိုက်သည်။ </p> <p style="text-align:justify">ဘာနာဒိုဆေးလ်ဗားက ကွင်းထဲသို့ အမြန် ပြေးဆင်းလာသည်ကို သူ မြင်လိုက်ရပြီး ဘောလုံးကို ပင်နယ်တီ ဧရိယာထဲသို့ ပို့ပေးနိုင်ပါက မန်စီးတီးတို့ ရွှေရောင် အခွင့်အရေး တစ်ခု ရရှိမည်မှာ သေချာသည်။ </p> <p style="text-align:justify">သို့သော် ကန်တေကလည်း ယင်းကို မြင်သွားခဲ့သည်။ </p> <p style="text-align:justify">ကမ္ဘာ့မျက်နှာပြင်၏ ၇၀ ရာခိုင်နှုန်းကို ရေလွှမ်းမိုးထားပြီး ကျန်သည့် ၃၀ ရာခိုင်နှုန်းကို သူက လွှမ်းခြုံထားသည်ဆိုသော လူ... ယခု အခိုက်အတန့်တွင် သူသည် လက်ရှိ ကမ္ဘာ့နံပါတ်တစ် ကွင်းလယ်ခံစစ် ကစားသမား ဖြစ်ကြောင်း ကမ္ဘာကို သက်သေပြလိုက်လေပြီ။</p> <p style="text-align:justify">ဘုန်း…</p> <p style="text-align:justify">ကန်တေက ကြိုတင်သိမြင်နေသည့် ဟန်ပန်ဖြင့် ခြေထောက်ကို ဆန့်ထုတ်ကာ ဒီဘရိုင်း၏ ပေးပို့မှုကို ပိတ်ဆို့လိုက်လေသည်။ </p> <p style="text-align:justify">ထို့နောက် အရှိန်ဖြင့် ရှေ့သို့ ဘောလုံးကို ဆွဲပြေးသွားတော့သည်။</p> <p style="text-align:justify">"လွန်ခဲ့တဲ့ မိနစ်ပိုင်းလောက်ကတင် ကန်တေက ဘာနာဒိုဆေးလ်ဗားရဲ့ ပေးပို့မှုကို အကျော်ခံလိုက်ရပေမဲ့ အခုတော့ သူ့ရဲ့ ခိုင်မာတဲ့ ခံစစ်နဲ့ အမှားကို ပြန်လည် ချေဖျက်လိုက်ပါပြီ..."</p> <p style="text-align:justify">"သရဲနီတို့ လာပြီဟေ့..."</p> <p style="text-align:justify">ကျန်းကျွင်း၏ အားပါသော အသံကြီးက မန်ယူ၏ တန်ပြန်တိုက်စစ်အတွက် အချက်ပေးသံကြီး တစ်ခုအလား ထွက်ပေါ်လာသည်။ </p> <p style="text-align:justify">မန်ယူ ပရိသတ်များ၏ အားပေးသံများ ကြားထဲတွင်...</p> <p style="text-align:justify">ကန်တေက ကွင်းလယ်ကို ဖြတ်ကာ ဘောလုံးကို အမြန် ဆွဲပြေးလာသည်။ သူ၏ ခြေထောက် တိုတိုလေးများက ဒီဘရိုင်းပင် လိုက်မမီနိုင်အောင် အမြန်နှုန်းများ ပေါက်ကွဲထွက်နေလေသည်။ </p> <p style="text-align:justify">ထို့အပြင် ဒီဘရိုင်းက အလယ်ဗဟိုသို့ ဝင်ရောက်သွားခဲ့သဖြင့် ဘယ်ဘက်တောင်ပံတွင် ဟာကွက်ကြီး တစ်ခု ပေါ်ထွက်လာခဲ့သည်။ </p> <p style="text-align:justify">အက်ရှလေယန်းနှင့် ဟာရဲရား နှစ်ဦးစလုံးက ရှေ့သို့ အမြန် ပြေးတက်လာကြသည်။ </p> <p style="text-align:justify">မန်ယူ၏ အစွမ်းကုန် တိုက်စစ်ဆင်မည့် ဟန်ပန်ကို ကြည့်ရလျှင် သူတို့သည် တန်ပြန်တိုက်စစ်ကို ဆက်လက် အသက်သွင်းပြီး ဤအခွင့်အရေးကို အသုံးချကာ ဂိုးသွင်းယူလိုသည်မှာ သေချာနေပေသည်။ </p> <p style="text-align:justify">မန်စီးတီးတို့ သူတို့၏ ဗဟိုခံစစ်ကို ဆက်ပြီး ကျစ်လျစ်အောင် မလုပ်နိုင်တော့ပေ။ </p> <p style="text-align:justify">ကိုင်လီ ဝေါ်ကာက အက်ရှလေယန်း နောက်သို့ အပြေးလိုက်သွားရာ အနီးနားတွင် အမီလိုက်နိုင်သူဆို၍ ဂန်ဒိုဂန် တစ်ဦးသာ ကျန်ရှိတော့သည်။ </p> <p style="text-align:justify">ကန်တေက ဘောလုံးကို ကိုင်မထားဘဲ ပေါ့ဘာထံသို့ ချက်ချင်း ပေးလိုက်သည်။ </p> <p style="text-align:justify">သူတို့နှစ်ဦးသည် အမျိုးသားအသင်းတွင် အချိန်ကြာမြင့်စွာ အသင်းဖော်များ ဖြစ်ခဲ့ကြပြီး သူတို့၏ နားလည်မှုမှာ အတိုင်းအဆ မရှိအောင် ကောင်းမွန်လှရာ သူတို့၏ ဘောလုံး ပေးပို့မှုနှင့် လှုပ်ရှားမှုများတွင် ယင်းကို ထင်ရှားစွာ မြင်တွေ့ရပေသည်။ </p> <p style="text-align:justify">ပေါ့ဘာက နောက်သို့ တစ်ချက် လှမ်းကြည့်လိုက်သည်။ </p> <p style="text-align:justify">ချူဖုန်းနှင့် ရက်ရှ်ဖို့ဒ်တို့က ထပ်ဆင့် တိုက်စစ် လမ်းကြောင်းများ ပြောင်းလဲကာ သူ ဘောလုံး ပေးပို့မည့် အချိန်ကို စောင့်ဆိုင်းနေကြသည်။ </p> <p style="text-align:justify">သို့သော် လာပေါ့တ်နှင့် အော်တာမန်ဒီတို့က သူ့ကို အနီးကပ် ခုခံနေသည်ကိုလည်း ပေါ့ဘာ သတိပြုမိလိုက်သည်။ </p> <p style="text-align:justify">ထို့ကြောင့် အကောင်းဆုံး ရွေးချယ်မှုမှာ အရှိန်ကို ထိန်းချုပ်ရန်ပင်။ </p> <p style="text-align:justify">ယခင်က ပီယာလိုနှင့် အတူ တွဲကစားခဲ့ဖူးသဖြင့် အခြေအနေကို ပေါ့ဘာ၏ အကဲဖြတ်မှုမှာ အတော်လေး တိကျလှပေသည်။ </p> <p style="text-align:justify">ဂန်ဒိုဂန်က ပေါ့ဘာ၏ ကျောပြင်ဖြင့် တွန်းတိုက်ခံရမည်ကို စိုးရိမ်သဖြင့် ပေါ့ဘာနှင့် အကွာအဝေး တစ်ခု ယူထားကာ သူ လှည့်လာမည့် အချိန်ကို စောင့်ဆိုင်းပြီးမှ ဖိအားပေးရန် ပြင်ထားသည်။ </p> <p style="text-align:justify">ပေါ့ဘာက ခေတ္တမျှ ရပ်တန့်လိုက်ပြီးနောက် ခြေခွင်အပြင်ဘက်ဖြင့် ထောင့်ဖြတ် ပေးပို့မှု တစ်ခု လုပ်လိုက်သည်။ </p> <p style="text-align:justify">"အန်ဂိုလို" </p> <p style="text-align:justify">သူ့နာမည် ခေါ်သံကို ကြားလိုက်ရသဖြင့် ကန်တေ ဘောလုံးကို ပြန်လည် လက်ခံရရှိသွားသည်။ </p> <p style="text-align:justify">တစ်ချိန်တည်းမှာပင်...</p> <p style="text-align:justify">လာပေါ့တ်၏ အာရုံစိုက်မှုက တစ်ခဏမျှ အလွဲခံလိုက်ရပြီး ချူဖုန်းက သူ၏ အင်အား အားလုံးကို ထုတ်သုံးကာ ရှေ့သို့ အတင်း ပြေးတက်သွားလေသည်။</p> <p style="text-align:justify">ကန်တေက ဘောလုံးကို မထိန်းတော့ဘဲ တိုက်ရိုက် ပင့်ကန်လိုက်သည်။</p> <p style="text-align:justify">ဖြောင်း </p> <p style="text-align:justify">ဘောလုံးနှင့် ခြေထောက် ရိုက်ခတ်သွားသော ပြတ်သားကြည်လင်သည့် အသံမှာ ပွဲစတင်ကြောင်း ဖောက်လိုက်သော သေနတ်သံ တစ်ချက်အလားပင် ထင်ရသည်။</p> <p style="text-align:justify">ဝှစ်</p> <p style="text-align:justify">မျက်စိတစ်မှိတ်အတွင်းမှာပင် ချူဖုန်းက လေးမှ ပစ်လွှတ်လိုက်သော မြားတစ်စင်းအလား ပြေးထွက်သွားလေပြီ။</p> <p style="text-align:justify">ကင်မရာက အနည်းငယ် မှုန်ဝါးဝါး မြင်ကွင်းမှတစ်ဆင့် အမြန် ရွေ့လျားသွားသော သူ့နောက်သို့ အပြေးအလွှား လိုက်ရလေသည်။ ဘောလုံးဖိနပ်ရှိ သံမှိုများက မြက်ခင်းပြင်ထဲသို့ နက်ရှိုင်းစွာ စိုက်ဝင်သွားပြီး မြေစာတုံးလေးများ လွင့်စင်လာကာ ကြောက်မက်ဖွယ် ကောင်းလှသော ပေါက်ကွဲအားကို ပြသနေလေသည်။</p> <p style="text-align:justify">မန်ယူ၏ နံပါတ် ၇ ကစားသမားက လျှပ်စီးတန်း တစ်ခုအလား မယုံနိုင်စရာ စည်းချက်များဖြင့် အရှိန်ကုန် ပြေးလွှားနေသည်။ </p> <p style="text-align:justify">“မြန်လိုက်တာ...”</p> <p style="text-align:justify">ချူဖုန်းက သူ့ကို ကြီးမားလှသော အင်အားတစ်ရပ်က ရှေ့သို့ တွန်းပို့နေသကဲ့သို့ ခံစားနေရပြီး သူ၏ နှလုံးခုန်သံများကိုပင် အဝေး၌ ချန်ထားရစ်ခဲ့ပုံရသည်။ </p> <p style="text-align:justify">လူရောက်လာချိန်တွင် ဘောလုံးလည်း ရောက်လာသည်။ </p> <p style="text-align:justify">ကန်တေ၏ မျှောထိုးပေးပို့မှုက တိကျလွန်းလှရာ ချူဖုန်း အနေဖြင့် အရှိန်လျှော့ပြီး စောင့်ဆိုင်းနေရန်ပင် မလိုအပ်ချေ။ </p> <p style="text-align:justify">ဝိုး...</p> <p style="text-align:justify">ကွင်းကြီး တစ်ခုလုံး အံ့ဩထိတ်လန့်သံများ၊ အော်ဟစ်သံများ ပေါက်ကွဲထွက်လာပြီး မန်ယူ ပရိသတ်များက လက်နှစ်ဖက်ကို အပေါ်သို့ မြှောက်ကာ အောင်ပွဲခံရန် ပြင်နေကြချိန်တွင် မန်စီးတီး ပရိသတ်များကမူ သူတို့၏ ခေါင်းကို ကိုင်ထားကြလေသည်။ </p> <p style="text-align:justify">ယှဉ်ကြည့်စရာ မလိုဘဲ အားနည်းချက်က ပေါ်လွင်နေပေသည်။ </p> <p style="text-align:justify">နောက်ဆုံးထွက်ရှိထားသော FIFA 2020 တွင် ချူဖုန်း၏ အမြန်နှုန်း အဆင့်သတ်မှတ်ချက်မှာ ၉၄ မှတ် ဖြစ်သည်။ </p> <p style="text-align:justify">လာပေါ့တ်ကရော… ၆၃ မှတ်သာ။ </p> <p style="text-align:justify">လာပေါ့တ်က ယင်းအတွက် တွစ်တာတွင်ပင် မကျေမနပ် ရေးသားခဲ့သေးသော်လည်း ယခုမူ ထိုသတ်မှတ်ချက်က မှန်ကန်ကြောင်း နောက်ဆုံးတွင် သူ နားလည်သွားခဲ့လေပြီ။ </p> <p style="text-align:justify">ရှေ့မှ အရှိန်ဖြင့် ပြေးနေသော ချူဖုန်းကို သူ လှမ်းကြည့်လိုက်သည်။ သူ့ကိုယ်သူ လယ်ထွန်စက် အစုတ်ကြီး တစ်စီးလို ခံစားနေရပြီး ချူဖုန်းကတော့ V16 တာဘိုအင်ဂျင်တပ် ပြိုင်ကား တစ်စီး ဖြစ်နေလေသည်။ </p> <p style="text-align:justify">သူ့ကိုယ်သူ မီးရှို့ပြီး ပြေးရင်တောင်မှ ချူဖုန်းကို အမီလိုက်နိုင်မည် မဟုတ်ချေ။ </p> <p style="text-align:justify">"ဝှစ်... ဝှစ်... ဝှစ်..."</p> <p style="text-align:justify">လာပေါ့တ် အသက်ရှူရန်ပင် အချိန်မရလိုက်ခင်မှာပဲ ချူဖုန်းက သူတို့ကြားရှိ အကွာအဝေးကို ပိုမို၍ ကြီးမားအောင် လုပ်လိုက်သည်။</p> <p style="text-align:justify">ယခုဆိုလျှင် လာပေါ့တ်သည် နည်းဗျူဟာအရ ဖောင်းဘော လုပ်ရန် အခွင့်အရေးပင် မရတော့ချေ။ </p> <p style="text-align:justify">ချူဖုန်းက အရှိန်အပြည့်ဖြင့် ပြေးလွှားနေစဉ် သူ၏ အမြင်အာရုံ စွမ်းရည်များ ပိုမို တိုးတက်လာသည်ကို တွေ့ရှိလိုက်ရသည်။ ဥပမာ- အီဒါဆန်၏ ပျံဝဲကာကွယ်မည့် လှုပ်ရှားမှုကို သူ ရှင်းလင်းစွာ မြင်တွေ့နိုင်နေသည်။ </p> <p style="text-align:justify">ခြေတစ်လှမ်း ရှေ့တိုးသည်။ ဘေးသို့ ရွှေ့သည်။ နောက်တစ်လှမ်း ရှေ့တိုးသည်။ ဘေးသို့ ထပ်ရွှေ့သည်...</p> <p style="text-align:justify">ချူဖုန်းက အရှိန်မလျှော့ဘဲ မျက်စိတစ်မှိတ်အတွင်း ယိမ်းထိုးနေသော လှုပ်ရှားမှု သုံးခုကို ဆက်တိုက် လုပ်ဆောင်လိုက်ရာ ယင်းတို့မှာ မြန်ဆန်လွန်းပြီး ပြိုင်ဘက် ဂိုးသမားကို ဖိအားကြီးကြီး ပေးလိုက်၏။</p> <p style="text-align:justify">အီဒါဆန်သည် ကမ္ဘာ့အဆင့်မီ ဂိုးသမား ဆိုသည့် ဂုဏ်ပုဒ်နှင့် တကယ်ကို ထိုက်တန်လှသည်။ ပထမ အကြိမ်တွင် သူ မယိမ်းယိုင်သွားခဲ့သလို ဒုတိယ အကြိမ်တွင်လည်း ဟန်ချက်ကို ထိန်းထားနိုင်ခဲ့ပြီး တတိယ အကြိမ်မြောက်မှသာ ဘေးသို့ လဲကျသွားခဲ့ခြင်း ဖြစ်သည်။ </p> <p style="text-align:justify">အီဒါဆန် ရုတ်တရက် အရာတစ်ခုကို သတိရသွားသည်။ </p> <p style="text-align:justify">ဘောလုံးအသိုင်းအဝိုင်းမှ လူများက ချူဖုန်း၏ လှုပ်ရှားမှုများကို "သေမင်းတမန် ချိန်သီး" ဟု နာမည်ပြောင် ပေးထားကြလေသည်။ </p> <p style="text-align:justify">သာမန်လူများ မဆိုထားဘိ...။ သာမန် အားကစားသမားများ အတွက်ပင် အရှိန်အဟုန်ဖြင့် ရွေ့လျားနေစဉ် အတွင်း ဤမျှ ကြီးမားသော ချိန်သီးကဲ့သို့ ယိမ်းထိုးမှုများကို လုပ်ဆောင်ခြင်းက ပေါင်ကြွက်သားများ စုတ်ပြဲနိုင်ခြေကို များစွာ မြင့်တက်စေပြီး ဒူးဆစ် အရွတ်များ ပြတ်တောက်နိုင်ခြေလည်း ရှိလေသည်။ </p> <p style="text-align:justify">ချူဖုန်းက ဒါကို ဘယ်လိုလုပ်နိုင်တာလဲ။ </p> <p style="text-align:justify">'သောက်ကျိုးနည်း... မိစ္ဆာကောင်ကြီးပဲ...'</p> <p style="text-align:justify">အီဒါဆန် စိတ်ထဲမှ ကျိန်ဆဲလိုက်မိသည်။ ထို့နောက် ဘယ်ဘက်မှနေ၍ ထိုးဖောက်သွားသော ချူဖုန်းကို အကူအညီမဲ့စွာ လှည့်ကြည့်နေရုံသာ တတ်နိုင်တော့သည်။ </p> <p style="text-align:justify">တကယ်တော့ ချူဖုန်းလည်း သိပ်အခြေအနေ ကောင်းလှသည် မဟုတ်ပေ။ သူ့ဒူးဆီမှ ထူးဆန်းသော အသံတစ်ခု ထွက်ပေါ်လာသည်ကို ကြားလိုက်ရသလို ခံစားလိုက်ရပြီး ခုနကတင် ဟန်ချက်ပျက်ကာ မြေပြင်ပေါ်သို့ လဲကျလုနီးပါး ဖြစ်သွားခဲ့သေးသည်။ </p> <p style="text-align:justify">သူ့တွင် ဒဏ်ရာနှင့် ရောဂါဘယ ကာကွယ်ရေး မော်ဂျူး ရှိနေ၍သာ တော်တော့သည်။ သို့မဟုတ်လျှင် သူ ဤစွမ်းရည်ကို မကြာခဏ အသုံးပြုရဲမည် မဟုတ်ပေ။ </p> <p style="text-align:justify">"ရှေ့ကို ပြေးတက်သွားတယ်... ချိန်သီးလို ယိမ်းထိုးသွားတယ်... ပြီးတော့ လွတ်နေတဲ့ ပိုက်ထဲကို အသာလေး သွင်းယူသွားပါပြီဗျာ..." </p> <p style="text-align:justify">***</p>


Save