Book List

<h2 style="text-align: center;">အခန်း ၃၂</h2> <h2 style="text-align: center;"> ဥက္ကဋ္ဌ ဝမ်ကော်ဖုန်း</h2> <h2 style="text-align: center;">*</h2> <p> </p> <p> </p> <p> </p> <p><br />  <br /> အိမ်သို့ ပြန်ရောက်ပြီးနောက် ကျန်းယွီဟယ်က ကောင်းကင်ပိုက်ကွန်သို့ ထပ်မံ လော့ဂ်အင် ဝင်လိုက်သည်။ သူ၏ ကိုယ်ပိုင်ပို့စ်များကိုပင် တစ်ချက်လေးမှ ဝင်မကြည့်ရသေးပေ။ <br />  <br /> ကစားသမားများထံမှ အသုံးဝင်သော သတင်းအချက်အလက် တစ်ခုခုများ ရနိုင်မလားဆိုသည်ကိုလည်း သူ သိချင်နေခဲ့သည်။ ဟယ်မိသားစု၊ လီမိသားစုနှင့် လေသတင်းမျှော်စင်တို့နှင့်သာ အချိန်ဖြုန်းမနေနိုင်တော့ပေ။ အမြန်ဆုံး ထိုးဖောက်နိုင်မည့် အချက်တစ်ခုကို ရှာဖွေရမည် ဖြစ်သည်။<br />  <br /> ထိုအင်အားစု သုံးခုတွင် တစ်ခုခု မှားယွင်းနေသည်ဟု ကျန်းယွီဟယ်၏ အလိုလိုသိစိတ်က ဝိုးတဝါး သတိပေးနေသည်။ ပြဿနာက ဘာလဲဆိုသည်ကိုတော့ ရှင်းရှင်းလင်းလင်း မသိရသေးသော်လည်း အမှန်တရားကို မဖော်ထုတ်နိုင်သရွေ့ သူ စိတ်အေးလက်အေး နေနိုင်မည် မဟုတ်သည်ကတော့ အမှန်ပင်ဖြစ်သည်။ သူ၏ ကိုယ်ပိုင်ပို့စ်ကို ရှာကြည့်လိုက်ရာ မှတ်ချက်ပေါင်း ၉၉ ခုထက်မက ကျော်လွန်နေပြီဖြစ်ကြောင်း တွေ့လိုက်ရသည်။<br />  <br /> "ဝိုး.. အရမ်းမိုက်တာပဲ။ နယ်မြေစောင့်တပ်မှူး စံအိမ်တော်မှာ နေရာလွတ်တွေ ရှိသေးလား"<br />  <br /> "ဘော့စ်.. ခင်ဗျား အရမ်းမိုက်တယ်။ ကျုပ်ကိုလည်း ခေါ်သွားပါဦး"<br />  <br /> "ချင်ရွှေမြို့က လျူမိသားစုက မောက်မာပြီး ဗိုလ်ကျလွန်းတယ်။ သူတို့က လုံးဝ အသုံးမကျတာ အသိသာကြီးပဲ။ ဒီလို သတင်းမျိုးကရော အသုံးဝင်ပါ့မလား"<br />  <br />  ကျန်းယွီဟယ်က ၎င်းတို့ကို အကြမ်းဖျင်း တစ်ချက်ကြည့်လိုက်ပြီးနောက် မှတ်ချက်အများစုမှာ အဓိပ္ပာယ်မရှိကြောင်း တွေ့လိုက်ရသည်။ သူတို့က အစွမ်းထက်သူများထံ မျက်နှာလိုမျက်နှာရ လုပ်နေကြခြင်း သို့မဟုတ် ဒေသခံ အင်အားစုများ၏ မောက်မာပြီး ဗိုလ်ကျလွန်းသော အကျင့်စရိုက်များကို ညည်းတွားနေကြခြင်းသာ ဖြစ်ပြီး ကိုးကားစရာ တန်ဖိုး လုံးဝ မရှိပေ။<br />  <br /> “ဒေသခံ အင်အားစုများ အနည်းငယ် မောက်မာနေခြင်းက ပုံမှန်ပဲ မဟုတ်ဘူးလား…မသေမျိုးကျင့်ကြံခြင်းလောကတွင် အင်အားကသာ အဓိကဖြစ်သည်ဆိုသောအချက်ကို ဘေးဖယ်ထားလျှင်တောင် အတိတ်က ကမ္ဘာဂြိုဟ်ပေါ်ရှိ သခင်လေးများနဲ့ တပည့်များကရော အတူတူပဲ မဟုတ်ခဲ့ဘူးလား ဥပမာအားဖြင့် ငါ့အဖေက ကျန်းအာဟယ်ကွ သို့မဟုတ် ငါ့အဖေက လီကန်းကွ ဆိုသည့် စကားမျိုးပဲလေ…”<br />  <br /> ထိုလိုလူမျိုးတွေက နေရာတိုင်းတွင် ရှိတတ်ကြသည်။ သို့သော် ယွီဖန်ကောင်းကင်ဘုံတွင်မူ ထိုအရာက ဥပဒေနှင့် မဆန့်ကျင်ပေ။ တရားမဝင်ဘူးဆိုလျှင်တောင်မှ သူ့အနေဖြင့် ဂရုစိုက်နေစရာ အကြောင်းမရှိပေ။ နယ်မြေစောင့်တပ်မှူး တစ်ယောက်အနေဖြင့် ထိုကဲ့သို့သော အသေးအဖွဲကိစ္စများကို အာရုံစိုက်နေရန် အချိန်မရှိပေ။ တာအိုသန့်စင်ဂိုဏ်း၏ တားမြစ်ချက်များကို မချိုးဖောက်သရွေ့ အရာအားလုံးက ကိစ္စသေးသေးလေးများသာ ဖြစ်သည်။<br />  <br /> ကျန်းယွီဟယ်က ခိုင်လုံသော သတင်းအချက်အလက်များကို လိုချင်ခဲ့သည်။ သို့သော် ကံမကောင်းစွာဖြင့် မှတ်ချက်များအားလုံးကို ဖတ်ရှုပြီးနောက်တွင် အသုံးဝင်သည့် အချက်အလက် တစ်ခုလေးမျှပင် မတွေ့ရပေ။<br />  <br /> "ဟင်... သီးသန့် မက်ဆေ့ချ်တစ်ခု ဝင်နေပါလား"<br />  <br /> ကျန်းယွီဟယ်က ကောင်းကင်ပိုက်ကွန် ဝက်ဘ်ဆိုက်သို့ မကြာခဏ လော့ဂ်အင် ဝင်လေ့ရှိသော်လည်း အရင်က မျက်နှာပြလေ့မရှိသကဲ့သို့ မည်သူကမျှလည်း သူ့ထံ သီးသန့် မက်ဆေ့ချ် ပို့ဖူးခြင်း မရှိပေ။<br />  <br /> "ဒီမက်ဆေ့ချ်က ပို့စ်ကနေ လာတာဖြစ်ရမယ် တစ်ခုခုတော့ ပါလောက်မှာပါ"<br />  <br /> ကျန်းယွီဟယ်က စစ်ဆေးရန်အတွက် သီးသန့် မက်ဆေ့ချ်ကို ဖွင့်လိုက်သည်။<br />  <br /> “ယွမ်ကျုံးစီရင်စုမှာ နတ်ဆိုးဘုရင်ဂိုဏ်းရဲ့ လျှို့ဝှက်စခန်းတစ်ခု ဖြစ်နိုင်တဲ့ နေရာတစ်ခု ရှိတယ်။ ဒီကိစ္စကို လူချင်းတွေ့ပြီး ဆွေးနွေးလို့ ရနိုင်မလား…”<br />  <br /> စာပို့သူ၏အမည်ကို သူ တစ်ချက်ကြည့်လိုက်သည်။ “ဝမ်ကော်ဖုန်း”<br />  <br /> သီးသန့် မက်ဆေ့ချ်ကို မြင်ပြီးနောက် ကျန်းယွီဟယ် နက်နက်နဲနဲ တွေးတောသွားသည်။ သူ ဝမ်ကော်ဖုန်းကို သိပါသည်။ သူက ကမ္ဘာဂြိုဟ် မသေမျိုးကျင့်ကြံခြင်း မဟာမိတ်အဖွဲ့၏ ဥက္ကဋ္ဌ ဖြစ်သည်။<br />  <br /> ကောလာဟလများအရ ဝမ်ကော်ဖုန်းက စစ်တပ်မိသားစုမှ ဆင်းသက်လာပြီး ယွီဖန်ကောင်းကင်ဘုံ ဖွင့်လှစ်ပြီးနောက် နဝမအဆင့် ဝိညာဉ်ကြောကို နိုးထစေနိုင်ခဲ့သူဟု ဆိုကြသည်။ ဖက်ဒရယ်လုံခြုံရေးဝန်ဆောင်မှု ဒုတိယဗျူရို၏ ဦးဆောင်မှုအောက်တွင် ကမ္ဘာဂြိုဟ် မသေမျိုးကျင့်ကြံခြင်း မဟာမိတ်အဖွဲ့ကို ဦးဆောင်တည်ထောင်ခဲ့ပြီး ဥက္ကဋ္ဌအဖြစ် တာဝန်ယူခဲ့သည်။<br />  ဝမ်ကော်ဖုန်း၏ နောက်ခံအဆင့်အတန်းက အထူးပြုသော်လည်း ကျန်းယွီဟယ် သိပ်ဂရုမစိုက်ပေ။ မက်ဆေ့ချ်ထဲမှ အကြောင်းအရာများ မှန်ကန်မှု ရှိမရှိကိုသာ သူ စဉ်းစားနေခဲ့သည်။ ယွမ်ကျုံးစီရင်စုတွင် နတ်ဆိုးဘုရင်ဂိုဏ်း၏ လျှို့ဝှက်စခန်းတစ်ခု တကယ်ပဲ ရှိနေသလား။ ဤသတင်းက အမှန်ပင် ကြောက်မက်ဖွယ်ကောင်းလှသည်။ အကယ်၍ သတင်းသာ မှန်ကန်ပါက ယွီဖန်ကောင်းကင်ဘုံ တစ်ခုလုံးကို သေချာပေါက် တုန်လှုပ်သွားစေမည် ဖြစ်သည်။<br />  <br /> "အမှန်ပဲဖြစ်ဖြစ်၊ အမှားပဲဖြစ်ဖြစ် အရင်ဆုံး တွေ့ကြည့်လိုက်တာပေါ့"<br />  <br /> ကျန်းယွီဟယ်က ခဏတာ စဉ်းစားလိုက်ပြီးနောက် သီးသန့် မက်ဆေ့ချ်မှတစ်ဆင့် ပြန်စာ ပို့လိုက်သည်။<br />  <br /> “ပထမဆုံးနေ့ မွန်းတည့်ချိန် ယွီဖန်ကောင်းကင်ဘုံကို ကျွန်တော်တို့ ဝင်မယ်။ ယွမ်ကျုံးမြို့က ပျံသန်းနတ်ဘုရား လက်ဖက်ရည်ဆိုင် အခန်းအမှတ် ၁၀၁ မှာ တွေ့ကြတာပေါ့။”<br />  <br /> တွေ့ဆုံမည့်နေရာက သဘာဝကျကျပင် ယွီဖန်ကောင်းကင်ဘုံသာ ဖြစ်ရပေမည်။ ဝမ်ကော်ဖုန်းက ယွမ်ကျုံးမြို့တွင် ရှိနေသလား သို့မဟုတ် ထိုနေရာသို့ မည်သို့လာရမည်လဲ ဆိုသည်ကတော့ သူနှင့် မသက်ဆိုင်သော ကိစ္စဖြစ်သည်။ မက်ဆေ့ချ်ကို အကြောင်းပြန်ပြီးနောက် ကျန်းယွီဟယ်သည် ခုံတန်းလျားပေါ်တွင် ဆက်လက် လှဲလျောင်းနေကာ အနားယူရန် မျက်လုံးများကို တိတ်ဆိတ်စွာ မှိတ်ထားလိုက်သည်။<br />  <br /> ဝမ်ကျင်းမြို့ရှိ ကျင့်ကြံခြင်းမဟာမိတ်အဖွဲ့ ဌာနချုပ်၏ အစည်းအဝေးခန်းမအတွင်းဝယ် လုံးဝကို တိတ်ဆိတ်ငြိမ်သက်နေသည်။<br />  <br /> ယွီဖန်ကောင်းကင်ဘုံမှ ဒေသခံများ ကမ္ဘာဂြိုဟ်ပေါ်တွင် ပေါ်လာပါက မည်သို့ အဓိပ္ပာယ်သက်ရောက်မည်ကို လူတိုင်း ကောင်းစွာ သိထားကြသည်။ ယွီဖန်ကောင်းကင်ဘုံနှင့် ယှဉ်လိုက်လျှင် ကမ္ဘာဂြိုဟ်သည် စက္ကူတစ်ရွက်ပမာ ကျိုးပဲ့လွယ်လွန်းလှသည်။ <br />  <br /> အကယ်၍ ယွီဖန်ကောင်းကင်ဘုံမှ အစစ်အမှန် အစွမ်းထက် ကျွမ်းကျင်သူတစ်ဦးသာ ပေါ်လာပါက ကမ္ဘာဂြိုဟ်ကို လက်သီးတစ်ချက်တည်းဖြင့် ဖျက်ဆီးပစ်ရန်မှာ ပြဿနာမဟုတ်ပေ။ ဘယ်သူကမျှ စကားမပြောရဲကြပေ။ ထိုခန့်မှန်းချက်က အမှန်ပင် ကြောက်မက်ဖွယ်ကောင်းလွန်းလှသည်။<br />  <br /> ရုတ်တရက် ဥက္ကဋ္ဌ ဝမ်ကော်ဖုန်း၏ ဖုန်းစခရင် လင်းလာသည်။ သူက ဖုန်းကို တစ်ချက်ကြည့်လိုက်ပြီးနောက် အသက်ကို ပြင်းပြင်းတစ်ချက် ရှူလိုက်ကာ ပြောလိုက်သည်။<br />  <br /> "ဒီကိစ္စနဲ့ပတ်သက်ပြီး ထင်ကြေးတွေ မပေးကြနဲ့တော့။ ဘာမှမဖြစ်ခဲ့သလိုပဲ ဟန်ဆောင်နေကြ။ လျှို့ဝှက်ထားကြပြီး ပြဿနာတွေ ဖြစ်မလာအောင် လျှောက်မပြောကြနဲ့"<br />  <br /> "ပြီးတော့ ကောင်းကင်ပိုက်ကွန်ပေါ်က ကြေညာချက်ကိုလည်း ဖြုတ်ချလိုက်ပြီး အားလုံး လူစုခွဲကြတော့။ ပြန်သွားပြီး ကျင့်ကြံခြင်းကိုပဲ ကြိုးကြိုးစားစား လုပ်ကြ၊ အင်အားကသာ အခြေခံအုတ်မြစ်ပဲ"<br />  <br /> ဝမ်ကော်ဖုန်းက စကားပြောပြီးနောက် အစည်းအဝေးခန်းမထဲမှ ထွက်လာခဲ့သည်။ သူ ဖုန်းကို ဖွင့်ကြည့်လိုက်ရာ သီးသန့် မက်ဆေ့ချ် အကြောင်းပြန်ထားသည်ကို မြင်လိုက်ရသဖြင့် မျက်မှောင်အနည်းငယ် ကုတ်သွားသည်။<br />  <br /> ကောင်းကင်ပိုက်ကွန်ပေါ်တွင် တစ်စုံတစ်ယောက်က ယွမ်ကျုံး နယ်မြေစောင့်တပ်မှူး စံအိမ်တော်သို့ ဝင်ရောက်သွားပြီဖြစ်ကြောင်းနှင့် ယွမ်ကျုံးစီရင်စုရှိ ဒေသခံ နတ်ဆိုးဘုရင်ဂိုဏ်းအကြောင်း သတင်းပေးနိုင်ပါက ဆုကြေးငွေ ပေးမည်ဟူသော ပို့စ်တစ်ခုကို သူ တွေ့ခဲ့ရသည်။ အစပိုင်းတွင်တော့ ထိုပို့စ်ကို သူ သိပ်မယုံကြည်ခဲ့ပေ။<br />  <br /> ကစားသမားများက ယွီဖန်ကောင်းကင်ဘုံသို့ ရောက်ရှိနေခဲ့သည်မှာ ရာစုနှစ်တစ်ခုကျော် ကြာမြင့်နေပြီဖြစ်သော်လည်း အများစုမှာ အမျိုးမျိုးသော ဒေသခံအင်အားစုများထံသို့သာ ဝင်ရောက်ခဲ့ကြပြီးဖြစ်သည်။ သို့သော် သူ သိထားသလောက်ဆိုလျှင် နယ်မြေစောင့်တပ်မှူး စံအိမ်တော်သို့ ဝင်ရောက်နိုင်သူ တစ်ယောက်မှ မရှိသေးပေ။<br />  <br /> နယ်မြေစောင့်တပ်မှူး စံအိမ်တော်ဆိုတာ ဘာလဲ။ ယင်းက ဒေသတစ်ခုကို ထိန်းချုပ်ဖိနှိပ်ရာတွင် အမြင့်ဆုံး အာဏာပိုင်ဖြစ်သော တာအိုသန့်စင်ဂိုဏ်းကို ကိုယ်စားပြုသည်။ နယ်မြေစောင့်တပ်မှူး စံအိမ်တော်သို့ ဝင်ရောက်ရန်မှာ စွမ်းရည်ရှိရုံဖြင့် မလုံလောက်ဘဲ နောက်ခံနှင့် လူမှုရေးအဆင့်အတန်းကလည်း အလွန် အရေးကြီးလှသည်။ ကစားသမားများအားလုံးက ဇာစ်မြစ်မသိရသော လူများသာဖြစ်ရာ သူတို့က နယ်မြေစောင့်တပ်မှူး စံအိမ်တော်သို့ မည်သို့မျှ မဝင်ရောက်နိုင်ပေ။ <br />  <br /> သူက စိတ်ကူးပေါက်ရာ သီးသန့် မက်ဆေ့ချ်တစ်ခု ပို့လိုက်ခြင်းဖြစ်သော်လည်း အံ့သြစရာကောင်းစွာဖြင့် အကြောင်းပြန်စာ ရရှိခဲ့ပြီး တွေ့ဆုံမည့်နေရာကိုပင် စီစဉ်ပေးခဲ့သည်။ တစ်ဖက်လူက ယွမ်ကျုံးစီရင်စုတွင် တွေ့ဆုံရန် ရိုးရှင်းစွာပင် စီစဉ်ခဲ့သည်။ <br />  <br /> ထိုအရာက အနည်းငယ်တော့ ခက်ခဲလှသည်။ ယွီဖန်ကောင်းကင်ဘုံရှိ သူ၏ တည်နေရာက ယွမ်ကျုံးမြို့နှင့် အလွန်ဝေးကွာလှသည်။ ထိုနေရာသို့ ရောက်ရန် ရွှေ့ပြောင်းခြင်းအစီရင်စု အများအပြားကို ဖြတ်သန်းသွားရမည် ဖြစ်သည်။ ရွှေ့ပြောင်းစရိတ်က စျေးကြီးပြီး ဝိညာဉ်ကျောက်တုံးများစွာ ကုန်ကျမည်ဖြစ်သည်။<br />  <br /> အကယ်၍ တစ်ဖက်လူက နောက်ပြောင်နေခြင်းသာ ဖြစ်ပါက ဝိညာဉ်ကျောက်တုံးများ အလဟဿ ကုန်ဆုံးသွားပေလိမ့်မည်။ သူ သွားကြည့်သင့်သလား၊ မကြည့်သင့်ဘူးလား။ ဝမ်ကော်ဖုန်း အနည်းငယ် လွန်ဆွဲနေမိသည်။<br />  <br /> သူ လိမ်ပြောနေခြင်းတော့ မဟုတ်ပေ။ နတ်ဆိုးဘုရင်ဂိုဏ်း၏ လျှို့ဝှက်စခန်းတစ်ခုဟု ထင်ရသော နေရာတစ်ခုကို သူ အမှန်တကယ် သိထားသည်။ သူ မှန်းဆနေခြင်းသာဖြစ်ပြီး အမှန်ဟုတ်မဟုတ်ဆိုသည်ကိုတော့ ပြောရခက်လှသည်။ အကယ်၍ သူ့တွင် သက်သေသာ ရှိပါက ဒေသခံ နယ်မြေစောင့်တပ်မှူး စံအိမ်တော်သို့ အစောကြီးကတည်းက သတင်းပို့ပြီးလောက်ပြီ ဖြစ်သည်။ ကံမကောင်းစွာဖြင့် သူ့တွင် မည်သည့်သက်သေမျှ မရှိဘဲ မှန်းဆနေရုံသာ ဖြစ်သည်။<br />  <br /> "ဂိမ်းလော့ဂ်အင် ဝင်ပြီးတာနဲ့ ငါ သွားစစ်ကြည့်လိုက်မယ်"<br />  <br /> အဆိုးဆုံးအခြေအနေတွင် ဝိညာဉ်ကျောက်တုံး ရင်းနှီးမြှုပ်နှံမှု အဟောသိကံ ဖြစ်သွားသည်ဟုသာ သတ်မှတ်လိုက်တော့မည်ဟု ဝမ်ကော်ဖုန်းက တိတ်တဆိတ် ဆုံးဖြတ်ချက်ချလိုက်သည်။<br />  <br /> ယနေ့ဖြစ်ရပ်များက သူ့ကို နက်ရှိုင်းစွာ ထိခိုက်စေခဲ့သည်။ အာကာသထဲမှ ပျံသန်းလာသော ထိုဓားသည် အာကာသ ရှေးဟောင်း နတ်ဘုရားတစ်ပါးထံမှ လာသည်ဖြစ်စေ ယွီဖန်ကောင်းကင်ဘုံမှ ဒေသခံများထံမှ လာသည်ဖြစ်စေ။ ဤသည်က သူ့အတွက် သတင်းကောင်းတော့ မဟုတ်ပေ။ ၎င်းတို့အားလုံးသည် မခန့်မှန်းနိုင်သော ကမောက်ကမဖြစ်မှု သို့မဟုတ် ကမ္ဘာဂြိုဟ်အတွက် ဘေးအန္တရာယ်တစ်ခုကိုပင် ယူဆောင်လာနိုင်သော ထိန်းချုပ်၍မရသည့် အကြောင်းရင်းများ ဖြစ်သည်။<br />  <br /> ဤလှုပ်ရှားမှုမှာ ကစားသမားများ လုပ်ဆောင်ခဲ့ခြင်း ဟုတ်မဟုတ် ဆိုသည်ကိုတော့ ထိုဖြစ်နိုင်ခြေကို သူ တစ်ကြိမ်တစ်ခါမျှပင် ထည့်မစဉ်းစားခဲ့ဖူးပေ။ သူ၏ နဝမအဆင့် ဝိညာဉ်ကြော ပါရမီဖြင့်ပင် ကျင့်ကြံခြင်းတွင် ရွှေအမြုတေအဆင့်သို့သာ ရောက်ရှိနိုင်သေးသည်။ အခြားကစားသမားများ မည်မျှပင် ပါရမီပါစေကာမူ ဤမျှလောက် အံ့မခန်း ဖြစ်နိုင်စရာ အကြောင်းမရှိပေ။ ဝမ်ကော်ဖုန်း ဧရာမ အကျပ်အတည်းကြီးတစ်ခုကို ခံစားနေရသည်။<br />  <br /> သူ၏ အင်အားကို အမြန်ဆုံး တိုးတက်အောင် လုပ်ရန် လိုအပ်နေသည်။ အကယ်၍ မက်ဆေ့ချ် တင်ခဲ့သူက လိမ်မပြောဘူးဆိုပါက ဤအချက်အလက်ကို အသုံးပြု၍ ကြီးမားသော အခွင့်အရေးတစ်ခု ရရှိရန် သူ ကြိုးစားနိုင်သည်။ ဥပမာအားဖြင့် နယ်မြေစောင့်တပ်မှူး စံအိမ်တော်သို့ ဝင်ရောက်ခြင်းမျိုး မဟုတ်ပါလော။ အကယ်၍ သူသာ နယ်မြေစောင့်တပ်မှူး စံအိမ်တော်သို့ ဝင်ရောက်နိုင်ပါက ယွီဖန်ကောင်းကင်ဘုံ၌ သူ့အတွက် အရာရာ ပိုမို လွယ်ကူသွားပေလိမ့်မည်။<br />  <br /> ...<br />  <br /> ညဥ့်လွှမ်းမိုးလာသောအခါ ည ၈ နာရီတိတိတွင် ဝမ်ကော်ဖုန်းက ယွီဖန်ကောင်းကင်ဘုံသို့ ဝင်ရောက်သွားခဲ့သည်။ သူက စီရင်စုမြို့တစ်မြို့သို့ အလျင်အမြန် ရောက်ရှိသွားပြီးနောက် ယွမ်ကျုံးမြို့သို့ ရောက်ရန် ရွှေ့ပြောင်းခြင်းအစီရင်စု သုံးခုကို အသုံးပြုခဲ့ရသည်။<br />  <br /> ပျံသန်းနတ်ဘုရား လက်ဖက်ရည်ဆိုင်၏ သီးသန့်အခန်းအမှတ် ၁၀၁ သို့ ရောက်ရှိသွားချိန်တွင် တံခါးကို ညင်သာစွာ ခေါက်လိုက်ရာ အတွင်း၌ လက်ဖက်ရည်ကို တိတ်ဆိတ်စွာ သောက်ရင်း ထိုင်နေသော ရုပ်ရည်ချောမောသည့် လူငယ်တစ်ဦးကို သူ မြင်လိုက်ရသည်။<br />  <br /> လူငယ်၏ ကျင့်ကြံခြင်းအဆင့်က သိပ်မမြင့်မားလှပေ။ အချက်အလက်များအရ ခန့်မှန်းရလျှင် သူက အခြေတည်အဆင့် အလယ်အလတ်အဆင့်တွင်သာ ရှိနိုင်သေးသည်။ ဝမ်ကော်ဖုန်းက ထိုသူကို ခေါင်းအစခြေအဆုံး ခဏတာ အကဲခတ်ကြည့်လိုက်ပြီးနောက် ထိုလူကို အရင်က တစ်ခါမှ မမြင်ဖူးခဲ့ကြောင်း အတည်ပြုနိုင်လိုက်သည်။<br />  <br /> ကမ္ဘာဂြိုဟ် မဟာမိတ်အဖွဲ့၏ ဥက္ကဋ္ဌတစ်ယောက်အနေဖြင့် ယွီဖန်ကောင်းကင်ဘုံသို့ ဝင်ရောက်လာသော ကစားသမားတိုင်းကို သူ သိပါသည်။ ထို့အပြင် အခြေတည်အဆင့်သို့ ရောက်ရှိနေပြီဖြစ်သော ကစားသမားအများစု၏ အမှတ်အသားများကို အခြေခံအားဖြင့် သူ မှတ်မိနေတတ်သည်။ မသေမျိုးကျင့်ကြံသူကို လူချင်း မမြင်ဖူးလျှင်တောင် သက်ဆိုင်ရာ အချက်အလက်များကို ရရှိနိုင်မည်သာ ဖြစ်သည်။<br />  <br /> သို့သော် သူ့ရှေ့ရှိ လူငယ်နှင့်ပတ်သက်ပြီး မည်သည့်အမှတ်ရမှုမျှ လုံးဝ မရှိခဲ့ပေ။ အကယ်၍ ကောင်းကင်ပိုက်ကွန်မှတစ်ဆင့် ကြိုတင် စီစဉ်ထားခြင်း မဟုတ်ပါက ဤသူကို ယွီဖန်ကောင်းကင်ဘုံမှ ဒေသခံတစ်ဦးဟုသာ သူ ထင်မှတ်မိပေလိမ့်မည်။<br />  </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save