Book List

<h2 style="text-align: center;">အခန်း ၃၄</h2> <h2 style="text-align: center;">နတ်ဆိုးဘုရင်ဂိုဏ်းထံမှ သတင်းအချက်အလက်</h2> <h2 style="text-align: center;">*</h2> <p> </p> <p> </p> <p> </p> <p><br />  <br /> ကျန်းယွီဟယ်၏ ခေါ်ဆောင်မှုဖြင့် ယွမ်ကျုံးမြို့အထက် ကောင်းကင်ယံတွင် အလွန်လျင်မြန်စွာ ပျံသန်းလာရသော ဝမ်ကော်ဖုန်းမှာ အလွန်အမင်း တုန်လှုပ်အံ့သြသွားပြီး စကားပင် မပြောနိုင်တော့ပေ။ သူက စကားပြောရန် ပါးစပ်ဟလိုက်သော်လည်း သူတို့နှစ်ဦးက ဝိညာဉ်ချီများ လွှမ်းခြုံနေသော ခမ်းနားထည်ဝါလှသည့် စံအိမ်တော်ကြီးတစ်ခု၏ ရှေ့မှောက်သို့ ရောက်ရှိနေပြီဖြစ်ကြောင်း မြင်လိုက်ရသည်။ ကျန်းယွီဟယ် ရောက်လာသည်ကို မြင်သောအခါ စံအိမ်တော်တံခါးဝရှိ အစောင့်နှစ်ဦးက ချက်ချင်းပင် ရိုသေလေးစားစွာ နှုတ်ဆက်လိုက်ကြသည်။<br />  <br /> "နယ်မြေစောင့်တပ်မှူးမင်း.. ဂါရဝပြုပါတယ်"<br />  <br /> ကျန်းယွီဟယ်က ခေါင်းညိတ်ပြလိုက်ပြီးနောက် စံအိမ်တော်တံခါးကို ဖြတ်ကျော်ဝင်ရောက်သွားသည်။ ဝမ်ကော်ဖုန်းမှာ လုံးဝကို ထုံထိုင်းသွားကာ ကျန်းယွီဟယ် နောက်သို့ လိုက်ပါသွားရင်း ခန်းမကြီးတစ်ခုဆီသို့ ဘယ်အချိန်က ရောက်သွားမှန်းကိုပင် သူ မသိလိုက်ပေ။ ကျန်းယွီဟယ်က သူ့ကို ပြုံးလျက် ပြောလိုက်သည်။ <br />  <br /> "ထိုင်ပါ.. ပြီးတော့မှ စကားပြောကြတာပေါ့"<br />  <br /> ဝမ်ကော်ဖုန်းက ကြောင်တောင်တောင်ဖြင့် ထိုင်လိုက်ပြီးနောက် ကျန်းယွီဟယ်ကို မယုံကြည်နိုင်စွာ ကြည့်ကာ မေးလိုက်သည်။ <br />  <br /> "မင်းက နယ်မြေစောင့်တပ်မှူးလား"<br />  <br /> ကျန်းယွီဟယ်က ပြုံးလိုက်ပြီး ညင်သာစွာ ခေါင်းညိတ်ပြလိုက်သည်။<br />  <br /> "ဘယ်လိုလုပ် ဖြစ်နိုင်မှာလဲ"<br />  <br /> ခေါင်းဆောင်နေရာတွင် ထိုင်နေသော ကျန်းယွီဟယ်ကို ကြည့်လိုက်ရာ သူ၏ ကိုယ်ခန္ဓာမှ သမုဒ္ဒရာပြင်ကဲ့သို့ နက်ရှိုင်းသော အငွေ့အသက်များ ထွက်ပေါ်နေပေသည်။ <br />  <br /> ဝမ်ကော်ဖုန်းက အစစ်အမှန်ဖြစ်သည်ဟု လုံးဝ မယုံကြည်နိုင်ဘဲ သူ့ဘာသာ တီးတိုးရေရွတ်လိုက်မိသည်။ ကမ္ဘာဂြိုဟ် ကစားသမားတစ်ဦးအနေဖြင့် ကျန်းယွီဟယ်က ဘယ်လိုလုပ်ပြီး ဒီလောက်မြန်မြန် ကျင့်ကြံနိုင်ခဲ့တာလဲ။ ထို့အပြင် ယွမ်ကျုံးစီရင်စု၏ နယ်မြေစောင့်တပ်မှူးတောင် ဖြစ်လာသေးသည်ဆိုတော့ ယုံကြည်နိုင်စရာ အကြောင်း လုံးဝ မရှိပေ။<br />  <br /> သူ တကယ်ပဲ ကစားသမားတစ်ယောက် ဟုတ်ရဲ့လား။ <br />  <br /> ဝမ်ကော်ဖုန်း အနည်းငယ် သံသယဝင်သွားသည်။ ကမ္ဘာဂြိုဟ်ပေါ်သို့ ဝင်ရောက်နိုင်မည့် လမ်းကြောင်းတစ်ခုခုကို ရှာဖွေဖော်ထုတ်ရန်အတွက် ဒေသခံတစ်ယောက်ယောက်ကများ ကစားသမားအဖြစ် ဟန်ဆောင်နေခြင်းများလား။ <br />  <br /> ဤအချက်ကို တွေးမိသောအခါ ဝမ်ကော်ဖုန်းက အလျင်အမြန် မေးလိုက်သည်။<br />  <br /> "မင်း တကယ်ပဲ ကစားသမားတစ်ယောက် ဟုတ်ရဲ့လား"<br />  <br /> "ဟုတ်ပါတယ်"<br />  <br /> ကျန်းယွီဟယ်၏ အဖြေကို ကြားရသော်လည်း ဝမ်ကော်ဖုန်းက သိပ်တော့ မယုံကြည်ချင်သေးပေ။ ကျန်းယွီဟယ်၏ လက်ရှိအခြေအနေမှန်က သူ၏ နားလည်သဘောပေါက်မှုကို လုံးဝ ရိုက်ချိုးဖျက်ဆီးပစ်လိုက်ပြီ ဖြစ်သည်။<br />  <br /> ဝမ်ကော်ဖုန်းက ခဏတာ တိတ်ဆိတ်စွာ စဉ်းစားလိုက်ပြီးနောက် မေးလိုက်သည်။<br />  <br /> "ကမ္ဘာဂြိုဟ်ရဲ့ နိုင်ငံတော်အဆင့် အဖိုးတန်ရတနာက ဘာလဲ" <br />  <br /> ထိုမေးခွန်းကို မေးပြီးနောက် သူ တစ်စုံတစ်ရာကို ဖုံးကွယ်ရန် ကြိုးစားခြင်း ရှိမရှိ သိနိုင်ရန်အတွက် ကျန်းယွီဟယ်ကို စူးစိုက်ကြည့်နေလိုက်သည်။<br />  <br /> ဝမ်ကော်ဖုန်းက မေးခွန်းများ ဆက်တိုက်မေးနေသည်ကို မြင်သောအခါ ကျန်းယွီဟယ်က ခေါင်းခါရုံမှတစ်ပါး အခြား မတတ်နိုင်တော့ပေ။ သို့သော်လည်း သူ နားလည်ပေးနိုင်ပါသည်။ မည်သို့ပင်ဆိုစေ သူ၏ အခြေအနေက အနည်းငယ် အထူးအဆန်းဖြစ်နေပြီး ထိုအကြောင်းကို သိသွားပြီးနောက် အခြားသူများအတွက် လက်ခံရန် ခက်ခဲမည်မှာ အမှန်ပင်ဖြစ်သည်။<br />  <br /> ကျန်းယွီဟယ်က ပြုံးလျက် ဖြေလိုက်သည်။ <br />  <br /> "ကမ္ဘာဂြိုဟ်ရဲ့ နိုင်ငံတော်အဆင့် အဖိုးတန်ရတနာက ယွီဖန်ကောင်းကင်ဘုံမှာမရှိတဲ့ ကမ္ဘာဂြိုဟ်ရဲ့ သီးသန့်မျိုးစိတ်ဖြစ်တဲ့ ပန်ဒါဝက်ဝံကြီးပဲလေ"<br />  <br /> ဖြေဆိုပြီးနောက် ကျန်းယွီဟယ်က ဆက်ပြောလိုက်သည်။<br />  <br /> "အများကြီး တွေးမနေပါနဲ့။ ကျွန်တော်က ကံကောင်းရုံသက်သက်ပါ။ ယွီဖန်ကောင်းကင်ဘုံကို ဝင်ရောက်ပြီး မကြာခင်မှာပဲ တာအိုသန့်စင်ဂိုဏ်းထဲ ဝင်နိုင်ခဲ့တယ်။ တာအိုသန့်စင်ဂိုဏ်းထဲမှာ..." <br />  <br /> သူက ရာစုနှစ်တစ်ခုကျော်ကြာအောင် ကျင့်ကြံခဲ့ပြီးနောက် ယွမ်ကျုံးစီရင်စုသို့ နယ်မြေစောင့်တပ်မှူးအဖြစ် တာဝန်ထမ်းဆောင်ရန် ရောက်ရှိလာခဲ့ခြင်းဖြစ်ကြောင်း ရှင်းပြလိုက်သည်။<br />  <br /> ကျန်းယွီဟယ်၏ ရှင်းပြချက်ကို ကြားပြီးနောက် ဝမ်ကော်ဖုန်း သက်ပြင်းတစ်ချက် ချလိုက်မိသည်။ ယခင်က ကမ္ဘာဂြိုဟ်ပေါ်တွင် ဒေသခံများဟု ထင်ရသော အစွမ်းထက်သည့် ပုဂ္ဂိုလ်များက လှုပ်ရှားမှုအချို့ ပြုလုပ်ခဲ့ဖူးသည်။ ယခု ကျန်းယွီဟယ်၏ ကြောက်မက်ဖွယ်ကောင်းသော ကျင့်ကြံခြင်းအဆင့်ကို မြင်လိုက်ရသောအခါ အဆိုးဆုံးကို မတွေးဘဲ မနေနိုင်ခဲ့ပေ။ သူတို့က ကမ္ဘာဂြိုဟ်အပေါ် လျှို့ဝှက်ရည်ရွယ်ချက်တစ်ခုခု ရှိနေသော ယွီဖန်ကောင်းကင်ဘုံမှ ဒေသခံများဖြစ်မည်ဟု သူတို့ ထင်ခဲ့ကြသည်။<br />  <br /> ပြန်လည်စဉ်းစားကြည့်လျှင် သူက အမှန်တကယ်ပင် အလွန်အကျွံ တွေးတောနေမိခြင်း ဖြစ်သည်။ ကစားသမားများက ယွီဖန်ကောင်းကင်ဘုံမှ ဒေသခံများနှင့် ကမ္ဘာဂြိုဟ်အကြောင်းကို ဆက်သွယ်ပြောဆို၍ မရပေ။ ထိုအရာကို ကန့်သတ်ထားသော စည်းမျဉ်းအချို့ ရှိနေပုံရသည်။ ကျန်းယွီဟယ်က ကမ္ဘာဂြိုဟ်ပေါ်ရှိ အခြေအနေများကို သိရှိနေသောကြောင့် သူသည် ကစားသမားတစ်ဦး အမှန်တကယ် ဖြစ်ကြောင်း အခြေခံအားဖြင့် အတည်ပြုနိုင်သည်။<br />  <br /> သို့သော်လည်း ကျန်းယွီဟယ်၏ ကျင့်ကြံမှုနှုန်းက အလွန်မြန်ဆန်လွန်းလှသဖြင့် ကြောက်စရာကောင်းနေပြီး ချက်ချင်းကြီးတော့ သူ လက်မခံနိုင်သေးပေ။ ဝမ်ကော်ဖုန်း စိတ်ပြောင်းသွားခဲ့သည်။ ကျန်းယွီဟယ်လို အစွမ်းထက်တဲ့သူ တစ်ယောက်ရှိနေမှတော့ ကမ္ဘာဂြိုဟ်ရဲ့ လုံခြုံရေးအတွက် စိုးရိမ်ပူပန်နေစရာ မလိုတော့ခြင်းပင်ဖြစ်သည်။<br />  <br /> ဝိညာဉ်စွမ်းအားများ ပြန်လည်နိုးထလာမှုနှင့်အတူ ကမ္ဘာဂြိုဟ်ပေါ်တွင် ဆိုးရွားသည့်အရာများ ပေါ်လာမည်ကို လူအများအပြား စိုးရိမ်နေခဲ့ကြသည်။ ယခု ဘာကို စိုးရိမ်စရာ ရှိတော့မည်နည်း။ ကျန်းယွီဟယ် ရှိနေသရွေ့ သူ၏ ဓားကို ဘယ်သူက တားဆီးနိုင်မည်နည်း။<br />  <br /> ဤအချက်ကို တွေးမိသောအခါ ဝမ်ကော်ဖုန်း၏ မျက်နှာပေါ်တွင် အပြုံးတစ်ခု အလိုလို ပေါ်လာခဲ့သည်။ သူက ကျန်းယွီဟယ်ကို မေးလိုက်သည်။<br />  <br /> "ကမ္ဘာဂြိုဟ်ပေါ်က လက်ရှစ်ဖက်နဲ့ ပင်လယ်သားရဲနတ်ဆိုးကြီးကို သတ်ခဲ့တာ မင်းပဲ မဟုတ်လား"<br />  <br /> ကျန်းယွီဟယ်က ခေါင်းညိတ်ပြလိုက်သည်။<br />  <br /> "ကောင်းကင်ပိုက်ကွန်ပေါ်က မက်ဆေ့ချ်ကို ကျွန်တော် မြင်လိုက်ရလို့ ခင်ဗျားတို့ သိပ်ပြီး အုတ်အော်သောင်းတင်း မဖြစ်ရအောင် ပွဲချင်းပြီး ဖြေရှင်းပေးခဲ့တာ"<br />  <br /> "နတ်ဆိုးဘုရင်ဂိုဏ်းအကြောင်း ပြောကြရအောင်။ သူတို့ရဲ့ အရိပ်အယောင်တွေကို ခင်ဗျား ဘယ်နေရာမှာ တွေ့ခဲ့တာလဲ"<br />  <br /> ဝမ်ကော်ဖုန်းအနေဖြင့် အစပိုင်းတွင် လက်ခံရန် ခက်ခဲကောင်း ခက်ခဲနိုင်သော်လည်း စကားဝိုင်းကို နတ်ဆိုးဘုရင်ဂိုဏ်းဆီသို့ ပြန်လည်ဆွဲခေါ်လာမှန်းကို ကျန်းယွီဟယ် သိသည်။ ဤသည်က သူစဉ်းစားရမည့် အရေးကြီးသော ကိစ္စရပ်ဖြစ်သည်။<br />  <br /> အကယ်၍ ယွမ်ကျုံးစီရင်စုတွင် နတ်ဆိုးဘုရင်ဂိုဏ်း၏ လျှို့ဝှက်စခန်းတစ်ခု တကယ်ပဲ ရှိနေပါက အမြန်ဆုံး ရှာဖွေဖော်ထုတ်ရန် လိုအပ်သည်။ ထို့နောက် စုံစမ်းထောက်လှမ်းရေးဗျူရိုသို့ သတင်းပို့ပြီး ရှင်းလင်းဖယ်ရှားပစ်ရမည် ဖြစ်သည်။<br />  <br /> ဝမ်ကော်ဖုန်းက သူ၏ ခေါင်းကို ကုတ်ကာ အနည်းငယ် ရှက်ရွံ့စွာဖြင့် ပြောလိုက်သည်။ <br />  <br /> "ဒီကိစ္စကို ဘယ်ကနေစပြောရမှန်းကို ငါ မသိဘူး။ ငါ့မှာ ခန့်မှန်းချက်တချို့ပဲ ရှိတာဖြစ်ပြီး အဲ့ဒါက အမှန်တကယ် ဟုတ်မဟုတ်ကိုတော့ ငါလည်း သေချာ မသိဘူး"<br />  <br /> "ရပါတယ်... အေးအေးဆေးဆေး စဉ်းစားပြီး ခင်ဗျား သိထားသလောက်ကိုသာ ပြောပြပါ"<br />  <br /> ဝမ်ကော်ဖုန်းက နတ်ဆိုးဘုရင်ဂိုဏ်း၏ စခန်းကို အမှန်တကယ် မြင်တွေ့ခဲ့ရလိမ့်မည်ဟု ကျန်းယွီဟယ် မထင်ခဲ့ပေ။ အကြောင်းမှာ နတ်ဆိုးဘုရင်ဂိုဏ်း၏ လုပ်ဆောင်ပုံအရဆိုလျှင် ယင်းက လုံးဝ မဖြစ်နိုင်သောကြောင့်ပင်။ သူတို့သာ ရှာဖွေတွေ့ရှိပါက နှုတ်ပိတ်ရန်အတွက် အစောကြီးကတည်းက သတ်ဖြတ်ခံခဲ့ရမည်မှာ သေချာသည်။ ကစားသမားများတွင် သေပြီးနောက် ပြန်ရှင်နိုင်သည့်စွမ်းရည် ရှိလျှင်တောင် လွတ်မြောက်ရန် အခွင့်အရေး ရနိုင်မည်မဟုတ်ပေ။ <br />  <br /> အဘယ်ကြောင့်ဆိုသော် ကစားသမားတစ်ယောက် သေဆုံးသွားပြီး နောက်နေ့တွင် ဂိမ်းထဲသို့ ပြန်လည်ဝင်ရောက်လာပါက ထိုနေရာ၌ပင် ပြန်လည်ပေါ်လာမည်ဖြစ်ပြီး ထပ်မံ၍ အသတ်ခံရမည် ဖြစ်သည်။ ဝမ်ကော်ဖုန်းက သူ့ရှေ့တည့်တည့်တွင် ရပ်နေသည်ဖြစ်ရာ နတ်ဆိုးဘုရင်ဂိုဏ်း၏ စခန်းကို သူ မြင်တွေ့ခဲ့ရန်မှာ လုံးဝ မဖြစ်နိုင်ပေ။<br />  <br /> ဝမ်ကော်ဖုန်းက သူ၏ အတွေးများကို သေချာစွာ စုစည်းလိုက်ပြီးနောက် ဖြည်းညင်းစွာ ပြောလိုက်သည်။ <br />  <br /> "ငါ့မှာ သူငယ်ချင်းတစ်ယောက် ရှိတယ်။ ယွီဖန်ကောင်းကင်ဘုံ စတင်ဖွင့်လှစ်ချိန်က သူ တောရိုင်းထဲကနေ ပထမဆုံးအကြိမ် ထွက်လာတော့ မြို့တစ်မြို့ကို သူ တွေ့ခဲ့တယ်။ ဒါပေမဲ့ မြို့ထဲ ဝင်ဝင်ချင်းမှာပဲ ဒေသခံတွေရဲ့ အသတ်ခံလိုက်ရတယ်"<br />  <br /> "နောက်နေ့ လော့ဂ်အင် ဝင်လာတော့လည်း သူက အရမ်းမြန်မြန်ပဲ ထပ်အသတ်ခံရတယ်။ အဲ့ဒီအတွက် သူ အရမ်း ဒေါသထွက်ခဲ့တာပေါ့။ ဒေသခံတွေက ငါတို့ ကစားသမားတွေကို အရမ်း ရန်လိုတယ်လို့ သူ ထင်ခဲ့တယ်။ ဒါပေမဲ့ မင်းသိတဲ့အတိုင်းပဲ.. ဒေသခံတွေက ငါတို့ ကစားသမားတွေက ဘယ်သူတွေလဲဆိုတာကို လုံးဝ မသိကြဘူးလေ။ ငါတို့က သူတို့ကို ပြောပြချင်ရင်တောင် သူတို့ရှေ့မှာ ပြောခွင့်မရှိဘူး"<br />  <br /> "အကြိမ်ကြိမ် အသတ်ခံရပြီးနောက်မှာတောင် သူက လက်မလျှော့ခဲ့ဘူး။ လော့ဂ်အင် ဝင်ဝင်ချင်း အသတ်ခံရရင်တောင် နေ့တိုင်း လော့ဂ်အင် ဝင်ဖို့ သူ ဆက်ပြီး ကြိုးစားခဲ့တယ်"<br />  <br /> "တစ်ရက် သူ လော့ဂ်အင် ဝင်လာတဲ့အချိန်မှာ မြို့လယ်ခေါင်က အနက်ရောင် မြူခိုးတွေ ဖုံးလွှမ်းနေတဲ့ ဧရာမ စင်မြင့်ကြီးတစ်ခုကို သူ တိုက်ဆိုင်စွာ မြင်တွေ့ခဲ့ရတယ်။ မြူခိုးတွေကြားထဲမှာ ဦးချိုနဲ့ နတ်ဆိုးတစ်ကောင် ရှိနေပုံရတယ်"<br />  <br /> ဤနေရာသို့ ရောက်သောအခါ ဝမ်ကော်ဖုန်းက ကျန်းယွီဟယ်ကို ကြည့်ကာ အနည်းငယ် မသေချာသော လေသံဖြင့် ပြောလိုက်သည်။ <br />  <br /> "အဲ့ဒီ မြင့်မားတဲ့ စင်မြင့်ကြီးက ယဇ်ပလ္လင်တစ်ခု ဖြစ်ပြီး အဲ့ဒီ ဦးချိုနဲ့ နတ်ဆိုးက နတ်ဆိုးမျိုးနွယ်စု ဒါမှမဟုတ် နတ်ဆိုးဘုရင်ဂိုဏ်းရဲ့ အဖွဲ့ဝင်တစ်ယောက် ဖြစ်နိုင်တယ်လို့ ငါ သံသယရှိတယ်"<br />  <br /> ဝမ်ကော်ဖုန်း၏ ဇာတ်ကြောင်းကို ဖြည်းညင်းစွာ နားထောင်နေစဉ် ကျန်းယွီဟယ်က စားပွဲပေါ်သို့ လက်ချောင်းများဖြင့် ခပ်ဖွဖွ ပုတ်နေခဲ့သည်။ ဤကိစ္စ၏ မှန်ကန်မှုကို သူ စဉ်းစားနေခဲ့ခြင်း ဖြစ်သည်။ အကယ်၍ ထိုအရာက အမှန်တကယ်သာ ဖြစ်ပါက သာမန်မဟုတ်သော အဖြစ်အပျက်တစ်ခု ဖြစ်လာပေလိမ့်မည်။ ဦးချိုနှင့် နတ်ဆိုးဆိုသည်မှာ သူ သိထားသလောက်ဆိုလျှင် ချိုပါသော နတ်ဆိုးမျိုးနွယ်စုများ ဖြစ်နိုင်ပေသည်။ သို့သော်လည်း သူက အနည်းငယ်တော့ မယုံကြည်နိုင်ဖြစ်နေသေးသည်။ </p> <p> </p> <p style="text-align:justify">“နတ်ဆိုးမျိုးနွယ်စုနှင့် နတ်ဆိုးဘုရင်ဂိုဏ်းက တကယ်ပဲ အဲ့ဒီလောက် ရဲတင်းနေတာလား.…မြို့ထဲမှာ ယဇ်ပလ္လင်တစ်ခုကို တိုက်ရိုက်တည်ဆောက်ရဲတဲ့အထိများ ရဲတင်းနေတာလား”<br />  <br /> ပြီးတော့ မြို့ထဲမှာ ဗြောင်ကျကျ ပေါ်လာတဲ့ နတ်ဆိုးမျိုးနွယ်စုဆိုတာက တကယ်ကို ထူးဆန်းလွန်းလှပါတယ်။ </p> <p style="text-align:justify">“တာအိုမိတ်ဆွေတို့ သိထားသင့်တာက နတ်ဆိုးမျိုးနွယ်စုများ၏ နတ်ဆိုးချီစွမ်းအင်များကို ဖုံးကွယ်ဖို့ လုံးဝ မဖြစ်နိုင်ပါဘူး…မိုင်ရာပေါင်းများစွာ အကွာအဝေးမှပဲ မြင်ရနိုင်တာကို သူက ဘယ်လိုလုပ်ပြီး မြို့ထဲမှာ အဲ့ဒီလို ပေါ်လာနိုင်မှာလဲ…”<br />  <br /> ယခုပြောနေသော မြို့သည် လျှို့ဝှက်နယ်မြေတစ်ခုခုတွင် တည်ရှိနေပြီး လက်ရှိ တာအိုသန့်စင်ဂိုဏ်း၏ စီရင်ပိုင်ခွင့်အောက်တွင် မရှိသော မြို့တစ်မြို့ ပင်ဖြစ်သည်။ ထို့အပြင် ဝမ်ကော်ဖုန်း၏ သူငယ်ချင်းကလည်း ကြမ်းတမ်းတဲ့သူတစ်ယောက်ပဲ။ သူက လော့ဂ်အင် ဝင်ဝင်ချင်း အသတ်ခံရသော်လည်း ယွီဖန်ကောင်းကင်ဘုံသို့ နေ့စဉ် လော့ဂ်အင် ဝင်ရန် ဆက်လက် ကြိုးစားနေဆဲဖြစ်သည်။ ဤကဲ့သို့သော ရက်စက်ကြမ်းကြုတ်သည့် ဇာတ်ကောင်မျိုးက အမှန်ပင် ရှားပါးလှသည်။ သို့သော် ဤသည်မှာလည်း ကစားသမားစနစ်၏ ကျေးဇူးကြောင့်ပင် ဖြစ်သည်။ <br />  <br /> ကစားသမားများကို ဒေသခံများက သတ်ဖြတ်လိုက်သောအခါ ဒေသခံများက သူတို့ အမှန်တကယ် သေဆုံးသွားပြီဟုသာ ယူဆကြလိမ့်မည်။ နောက်တစ်နေ့တွင် သူတို့ ပြန်လည်ရှင်သန်လာပြီး ယွီဖန်ကောင်းကင်ဘုံသို့ ပြန်လည်ဝင်ရောက်လာသောအခါ ဒေသခံများက ဤလူကို သူတို့ သတ်ခဲ့ဖူးသည်ဆိုသည်ကို မေ့သွားကြလိမ့်မည်။<br />  <br /> “ဒါက တကယ်ပဲ အမှန်ဖြစ်နိုင်ပါ့မလား။ ဝမ်ကော်ဖုန်း၏ သူငယ်ချင်းက အမြင်မှားသွားတာများလား။ ဒါမှမဟုတ် သူများ ကယောင်ကတမ်း မြင်ယောင်နေတာလား။”<br />  <br /> "ခင်ဗျားရဲ့ သူငယ်ချင်းက အဲ့ဒီနေရာ ဒါမှမဟုတ် အဲ့ဒီနာမည်ကိုရော သိသလား" <br />  <br /> ခဏတာ စဉ်းစားပြီးနောက် ကျန်းယွီဟယ်က ဝမ်ကော်ဖုန်းကို စမ်းသပ်မေးမြန်းလိုက်သည်။ သူ၏ အမြင်တွင် ထိုကဲ့သို့သော မြို့တစ်မြို့ အမှန်တကယ် တည်ရှိနေပါက အဖြစ်နိုင်ဆုံး အခြေအနေမှာ နတ်ဆိုးဘုရင်ဂိုဏ်းက တစ်စုံတစ်ရာသော လျှို့ဝှက်နေရာတစ်ခုတွင် တည်ဆောက်ထားသည့် လျှို့ဝှက်စခန်းတစ်ခု ဖြစ်နိုင်ခြေ အများဆုံးဖြစ်သည်။ ထိုအရာကို ရှာဖွေရန် အားထုတ်မှုများစွာ လိုအပ်မည်ဖြစ်ပြီး တွေ့နိုင်မည်ဟူသည့် အာမခံချက်လည်း မရှိပေ။ တိကျသော တည်နေရာကို မရှာဖွေနိုင်ပါက သူက ဗျူရိုသို့ သတင်းပို့ရန် နည်းလမ်းမရှိပေ။ <br />  <br /> တစ်စုံတစ်ယောက်က မမြင်တွေ့ခင်မှာ မရေမတွက်နိုင်အောင် သေဆုံးခဲ့ရတယ်လို့ သူ သွားပြောလို့ မရပေ။ “အဲ့ဒီလို သွားပြောဖို့ လုံးဝ မဖြစ်နိုင်ပါဘူး…သူတို့က ကစားသမားတွေအကြောင်း ဒေသခံတွေကို လုံးဝ ပြောပြလို့ မရဘူးလေ…အရာအားလုံးကို ကန့်သတ်ထားသော အမြင့်ဆုံး စည်းမျဉ်းတစ်ခု ရှိနေပုံရတယ်”<br />  <br /> "ငါ့သူငယ်ချင်းက သူ လော့ဂ်အင် ဝင်တိုင်း အရမ်းမြန်မြန် အသတ်ခံရပေမယ့် တစ်ခါတလေကျရင် မိနစ်အနည်းငယ်လောက် အသက်ရှင်နိုင်တယ်။ မြို့ထဲက လူတွေ စကားပြောနေတာကို သူ ကြားခဲ့ရတယ်။ အဲ့ဒီနေရာကို ကြေးမုံပျက်သုဉ်းမြို့လို့ ခေါ်တယ်တဲ့"<br />  <br /> "ဘာ... ကြေးမုံပျက်သုဉ်းမြို့"<br />  <br /> ထိုစကားကို ကြားသောအခါ ကျန်းယွီဟယ် အလွန်အမင်း တုန်လှုပ်သွားပြီး နေရာမှပင် ခုန်ထွက်လုမတတ် ဖြစ်သွားခဲ့သည်။ ကြေးမုံပျက်သုဉ်းမြို့ဆိုသည်မှာ ယွမ်ကျုံးစီရင်စု၏ စီရင်ပိုင်ခွင့်အောက်ရှိ မြို့တစ်မြို့ဖြစ်ပြီး ၎င်း၏ အရွယ်အစားမှာ ဖေးယွန်မြို့နှင့် ဆင်တူသည်။<br />  <br /> မြို့ကြီးတစ်မြို့တော့ မဟုတ်ပေ။<br />  <br /> သို့သော်လည်း အထူးခြားဆုံး အချက်တစ်ချက် ရှိနေသည်။ ကြေးမုံပျက်သုဉ်းမြို့က ဟယ်မိသားစု၏ ဘိုးဘွားပိုင်မြေ ဖြစ်သည်။ <br />  <br /> ဟယ်မိသားစုက ဩဇာအာဏာ မကြီးထွားလာမီက ကြေးမုံပျက်သုဉ်းမြို့တွင် အခြေချခဲ့ကြသော်လည်း နောက်ပိုင်းတွင် မိသားစုကို ယွမ်ကျုံးစီရင်စုသို့ ပြောင်းရွှေ့ခဲ့ကြသည်။ သို့သော်လည်း ဟယ်မိသားစုသည် ကြေးမုံပျက်သုဉ်းမြို့ကို အုပ်ချုပ်လုပ်ကိုင်ခြင်းအား စွန့်လွှတ်ခဲ့ခြင်း မရှိပေ။<br />  <br /> ဆန့်ကျင်ဘက်အားဖြင့် ဟယ်မိသားစု အာဏာရလာပြီးနောက်တွင် သူတို့က မြို့အတွင်းရှိ အခြားအင်အားစုများကို တဖြည်းဖြည်း မောင်းထုတ်ခဲ့ကြသည်။ လက်ရှိ ကြေးမုံပျက်သုဉ်းမြို့ကို ဟယ်မိသားစုက လက်တွေ့အားဖြင့် ထိန်းချုပ်ထားပြီး အခြား မည်သူမျှ ဝင်ရောက်စွက်ဖက်ခွင့် မရှိပေ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save