Book List

<h2 style="text-align:center">အခန်း ၃၇</h2> <h2 style="text-align:center"> သတင်းပို့ခြင်း </h2> <h2 style="text-align:center">*</h2> <p> </p> <p> </p> <p> </p> <p> </p> <p><br />  <br /> ယွမ်ကျုံးမြို့ လေသတင်းမျှော်စင်အတွင်းရှိ လူသူကင်းမဲ့သော လျှို့ဝှက်နေရာတစ်ခု။<br />  <br /> သခင်မလေးမင်ယွဲ့ဖေးက တင်ပျဉ်ခွေထိုင်ကာ ကျင့်ကြံနေစဉ် ရုတ်တရက် သူမ၏ မျက်နှာအမူအရာ ပြောင်းလဲသွားပြီး လက်ဖဝါးအရွယ်အစားရှိ မှန်တစ်ချပ် သူမ၏ လက်ထဲတွင် ပေါ်လာသည်။ <br />  <br /> သူမက လက်သင်္ကေတတစ်ခုကို ပြုလုပ်ကာ မှန်ကို လက်ညိုးဖြင့် ထိုးလိုက်ရာ မှန်ထဲမှ စိတ်လှုပ်ရှားနေသော အသံတစ်သံ ထွက်ပေါ်လာသည်။<br />  <br /> "သခင်မ.. သတင်းပို့ပါတယ်။ သခင်ကြီးဟေးကျောင်က နတ်ဆိုးလောကရဲ့ တိကျတဲ့ တည်နေရာကို ရှာဖွေအတည်ပြုပြီးပါပြီ။ လမ်းကြောင်းဖွင့်ဖို့နဲ့ နတ်ဆိုးဘုရင်ကြီး ဆင်းသက်လာဖို့အတွက် ထျန်းကန်း နယ်ပယ်ဖြတ်ကျော် မဟာအစီရင်စုကို ချက်ချင်း အသက်သွင်းဖို့ ပြင်ဆင်နေပါတယ်"<br />  <br /> မှန်ထဲမှ ထွက်ပေါ်လာသော အသံကို ကြားပြီးနောက် သခင်မလေးမင်ယွဲ့ဖေး၏ မျက်နှာတွင် လှပသော အပြုံးတစ်ခု လင်းလက်သွားခဲ့သည်။<br />  <br /> သူမက တီးတိုးရေရွတ်လိုက်သည်။ <br />  <br /> "ရာစုနှစ်တစ်ခုကျော်ကြာအောင် ပြင်ဆင်ပြီးတဲ့နောက်မှာတော့ နောက်ဆုံးမှာ လမ်းကြောင်းကို ဖွင့်နိုင်ပြီပဲ။ ဒီတစ်ကြိမ်မှာတော့ ဘာမတော်တဆမှုမှ ထပ်မဖြစ်လာဖို့ မျှော်လင့်ပါတယ်။ နတ်ဆိုးလောကက စစ်တပ်ကြီးသာ ရောက်လာရင် ယွီဖန်ကောင်းကင်ဘုံမှာ သေချာပေါက် ကမောက်ကမတွေ ဖြစ်သွားမှာပဲ။ အဲ့ဒီအခါကျရင် တာအိုသန့်စင်ဂိုဏ်းက အချိန်အတော်ကြာတဲ့အထိ အလုပ်ရှုပ်နေတော့မှာပေါ့"<br />  <br /> သခင်မလေးမင်ယွဲ့ဖေးက မှန်ကို လက်ညိုးဖြင့် ထိုးကာ ဆက်သွယ်လိုက်ပြီး ပြောလိုက်သည်။<br />  <br /> "ကြေးမုံပျက်သုဉ်းမြို့ ဝန်းကျင်ကို စောင့်ကြည့်ထားပါ။ ငါ အခုချက်ချင်း လာခဲ့မယ်"<br />  <br /> "ဟုတ်ကဲ့ပါ"<br />  <br /> အဆက်အသွယ် ပြတ်တောက်သွားပြီးနောက် သခင်မလေးမင်ယွဲ့ဖေးက အပြင်ဘက်သို့ အော်ပြောလိုက်သည်။ <br />  <br /> "တစ်ယောက်ယောက် ဒီကို လာခဲ့စမ်း"<br />  <br /> မျက်နှာတွင် အမာရွတ်နှင့် အမျိုးသားတစ်ဦး သူမထံ အလျင်အမြန် ရောက်လာပြီး ရိုသေစွာ နှုတ်ဆက်လိုက်သည်။ <br />  <br /> "သခင်မ.. ဘာများ အမိန့်ရှိပါသလဲ"<br />  <br /> "လမ်းကြောင်းပွင့်တော့မယ်။ ငါတို့ ကြေးမုံပျက်သုဉ်းမြို့ကို အခုချက်ချင်း သွားရမယ်လို့ လီမိသားစုကို သွားပြောလိုက်"<br />  <br /> "ဟုတ်ကဲ့ပါ"<br />  <br /> အမာရွတ်နှင့်လူက စိတ်လှုပ်ရှားစွာဖြင့် တုံ့ပြန်လိုက်သည်။<br />  <br /> မကြာမီမှာပင် သခင်မလေးမင်ယွဲ့ဖေးက လူလေးယောက်ကို ဦးဆောင်ကာ မြို့ပြင်သို့ အလျင်အမြန် ထွက်ခွာသွားလေသည်။<br />  <br /> မြို့ပြင်သို့ ရောက်သောအခါ လီမိသားစုဝင်များက မြို့ပြင်တွင် စောင့်ဆိုင်းနေနှင့်ပြီး ဖြစ်သည်။ သို့သော်လည်း ဦးဆောင်လာသူမှာ မိသားစုခေါင်းဆောင် လီကျိုမင် မဟုတ်ဘဲ နီမြန်းသော အသားအရည်ရှိသည့် အဘိုးအိုတစ်ဦး ဖြစ်သည်။</p> <p> </p> <p style="text-align:justify">အဘိုးအိုထံမှ ထွက်ပေါ်နေသော အငွေ့အသက်များက နတ်ဘုရားအသွင်ပြောင်းလဲခြင်းအဆင့် ကျင့်ကြံသူတစ်ဦး၏ အငွေ့အသက်များဖြစ်ကြောင်း သိသာထင်ရှားလှသည်။<br />  ထိုအရာမှာ အခြားသူမဟုတ်ဘဲ လီမိသားစု၏ ဘိုးဘေးအရှင်သခင် လီကျန်းရှုံးပင် ဖြစ်သည်။ လွန်ခဲ့သော နှစ်ပေါင်း နှစ်ရာကျော်က လီမိသားစုတွင် လီကျန်းရှုံး ကွယ်လွန်သွားပြီဖြစ်ကြောင်း သတင်းများ ထွက်ပေါ်ခဲ့သည်။<br />  <br /> သို့သော်လည်း လီကျန်းရှုံး အသက်ရှင်နေရုံသာမက နတ်ဘုရားအသွင်ပြောင်းလဲခြင်းအဆင့်သို့ပင် ထိုးဖောက်ဝင်ရောက်သွားပြီဖြစ်ကြောင်း မည်သူမျှ မသိရှိခဲ့ကြပေ။<br />  <br /> သခင်မလေးမင်ယွဲ့ဖေး ရောက်လာသည်ကို မြင်သောအခါ လီကျန်းရှုံးက ချက်ချင်း ရှေ့တိုးလာပြီး ရိုသေလေးစားစွာ နှုတ်ဆက်လိုက်သည်။ <br />  <br /> "သခင်မ.. ဂါရဝပြုပါတယ်"<br />  <br /> သခင်မလေးမင်ယွဲ့ဖေးက အသိအမှတ်ပြုသည့်အနေဖြင့် ခေါင်းညိတ်ပြလိုက်ပြီးနောက် သူမ၏ ညာဘက်လက်ကို ဝှေ့ယမ်းလိုက်ရာ လေထဲတွင် လှပသေသပ်သော ပျံသန်းလှေတစ်စင်း ပေါ်လာသည်။<br />  <br /> "သွားကြစို့"<br />  <br /> လူတစ်စုသည် လေထဲရှိ ပျံသန်းလှေပေါ်သို့ အလျင်အမြန် တက်ရောက်သွားကြပြီး ကြေးမုံပျက်သုဉ်းမြို့ဆီသို့ အရှိန်အဟုန်ဖြင့် ထွက်ခွာသွားကြလေသည်။<br />  <br /> ကြေးမုံပျက်သုဉ်းမြို့အပြင်ဘက် မိုင်တစ်ထောင်ခန့် အကွာတွင် ကျန်းယွီဟယ်က အပြာရောင်ဝတ် ကျင့်ကြံသူများနောက်မှ တိတ်တဆိတ် လိုက်ပါသွားခဲ့သည်။<br />  <br /> အဆောင်လက်ဖွဲ့စက္ကူမှ ပြောင်းလဲလာသော မန္တန်စစ်သည်တော်သည် အပြာရောင်ဝတ် ကျင့်ကြံသူတစ်ဦး၏ အရိပ်ထဲတွင် ပုန်းအောင်းနေခဲ့သည်။ အပြာရောင်ဝတ် ကျင့်ကြံသူအဖွဲ့သည် ဖြည်းညင်းစွာ ပျံသန်းနေပြီး သတိပေး အစီရင်စုများ၏ အခြေအနေကို စစ်ဆေးရန် ရံဖန်ရံခါ ရပ်တန့်လေ့ရှိကြသည်။<br />  <br /> ကျန်းယွီဟယ်က အလျင်မလိုပေ။ သူက ဖြည်းညင်းသော နှုန်းထားဖြင့်သာ လိုက်ပါသွားခဲ့သည်။<br />  <br /> တစ်ဝက်ခန့် ကြာပြီးနောက် အပြာရောင်ဝတ် ကျင့်ကြံသူအဖွဲ့သည် နောက်ဆုံး သတိပေး အစီရင်စုကို စစ်ဆေးခြင်း အပြီးသတ်သွားကြသည်။ ဦးဆောင်လာသော အပြာရောင်ဝတ် နတ်ဆိုးဘုရင်ဂိုဏ်းဝင်က သက်ပြင်းတစ်ချက် ချလိုက်ပြီးနောက် ပြုံးလျက် အခြားသူများကို ပြောလိုက်သည်။ <br />  <br /> "နောက်ဆုံးတော့ စစ်ဆေးတာတွေ အားလုံး ပြီးသွားပြီ။ ပြန်ကြစို့"<br />  <br /> အပြာရောင်ဝတ် ကျင့်ကြံသူများက ကြေးမုံပျက်သုဉ်းမြို့ဆီသို့ ပျံသန်းသွားသည်ကို မြင်သောအခါ ကျန်းယွီဟယ်က မျက်လုံးများကို ကျဉ်းမြောင်းလိုက်မိသည်။<br />  <br /> "နောက်ဆုံးတော့ ပြန်တော့မယ်ပေါ့။ အခုတော့ ကြေးမုံပျက်သုဉ်းမြို့မှာ ဘာတွေဖြစ်နေလဲဆိုတာ နောက်ဆုံးမှာ မြင်ရတော့မယ်"<br />  <br /> သူက မန္တန်စစ်သည်တော်ကို ထိန်းချုပ်ကာ အရိပ်များနောက်သို့ အနီးကပ် လိုက်ပါသွားစေသည်။ ကျန်းယွီဟယ်က သူ၏ အငွေ့အသက်များကို ဖုံးကွယ်ထားပြီး မန္တန်စစ်သည်တော်မှတစ်ဆင့် အပြာရောင်ဝတ် ကျင့်ကြံသူများ ဝန်းကျင်ရှိ အခြေအနေများကို စောင့်ကြည့်ရန် သူ၏ နတ်ဘုရားအာရုံ အနည်းငယ်ကို စေလွှတ်ထားလိုက်သည်။ <br />  <br /> တစ်နာရီ၏ လေးပုံတစ်ပုံပင် မကြာမီတွင် အပြာရောင်ဝတ် ကျင့်ကြံသူများသည် မြို့တစ်မြို့၏ အပြင်ဘက်တွင် ပေါ်လာခဲ့သည်။ မန္တန်စစ်သည်တော်မှတစ်ဆင့် ရှေ့သို့ လှမ်းကြည့်လိုက်ရာ မြို့ရိုးပေါ်ရှိ ကြေးမုံပျက်သုဉ်းမြို့ ဟူသော စာလုံးကြီး သုံးလုံးကို ကျန်းယွီဟယ် ဝိုးတဝါး မြင်တွေ့လိုက်ရသည်။ <br />  <br /> သို့သော်လည်း မြို့ပြင်တွင် လူတစ်ယောက်မျှ မတွေ့ရပေ။ အခြားမြို့များတွင် တွေ့ရလေ့ရှိသော စည်ကားသိုက်မြိုက်မှုများက ကြေးမုံပျက်သုဉ်းမြို့တွင် မရှိပေ။ မြို့ပြင်တွင် လူသူမရှိရုံသာမက ကြေးမုံပျက်သုဉ်းမြို့၏ တံခါးများကိုပါ တင်းကြပ်စွာ ပိတ်ထားသည်။<br />  <br /> ကြေးမုံပျက်သုဉ်းမြို့ တစ်ခုလုံးက ထူးဆန်းပြီး ကြောက်မက်ဖွယ်ကောင်းသော အငွေ့အသက်များကို ထုတ်လွှတ်နေသည်။<br />  <br /> ဦးဆောင်လာသော အပြာရောင်ဝတ် ကျင့်ကြံသူက သူ၏ အမှတ်အသား ကျောက်စိမ်းပြားကို ထုတ်ယူကာ မက်ဆေ့ချ်တစ်ခု ပေးပို့လိုက်ပြီးနောက် တင်းကြပ်စွာ ပိတ်ထားသော မြို့တံခါးသည် ဖြည်းညင်းစွာ ပွင့်လာခဲ့သည်။ <br />  <br /> ဝတ်ရုံခြုံထားသော ကျင့်ကြံသူများက မြို့တံခါးကို ဖြတ်ကျော်ကာ မြို့ထဲသို့ အလျင်အမြန် ပျံသန်းဝင်ရောက်သွားကြသည်။ ထိုစဉ် ကျန်းယွီဟယ်က မန္တန်စစ်သည်တော်ကို ထိန်းချုပ်ကာ အရိပ်များနောက်မှ အနီးကပ် လိုက်ပါသွားခဲ့သည်။<br />  <br /> ဤအခိုက်အတန့်တွင် အေးစက်သော အမူအရာရှိသည့် လူလတ်ပိုင်းအမျိုးသားတစ်ဦး ရုတ်တရက် ပေါ်လာသည်။ <br />  <br /> ရုတ်တရက် ပေါ်လာသော လူလတ်ပိုင်းအမျိုးသားကို မြင်သောအခါ အပြာရောင်ဝတ် နတ်ဆိုးဘုရင်ဂိုဏ်းဝင်က ချက်ချင်းပင် ရိုသေစွာ နှုတ်ဆက်လိုက်သည်။ <br />  <br /> "ဆဋ္ဌမဦးလေး.. ဂါရဝပြုပါတယ်"<br />  <br /> လူလတ်ပိုင်းအမျိုးသားက ခေါင်းညိတ်ပြလိုက်ပြီးနောက် မေးလိုက်သည်။<br />  <br /> "အရာအားလုံး အဆင်ပြေရဲ့လား"<br />  <br /> ဦးဆောင်လာသော အပြာရောင်ဝတ် နတ်ဆိုးဘုရင်ဂိုဏ်းဝင်က အလျင်အမြန် ပြန်ဖြေလိုက်သည်။ <br />  <br /> "ဆဋ္ဌမဦးလေးကို သတင်းပို့ပါတယ်။ အပြင်ဘက်က အခြေအနေ အားလုံး ပုံမှန်ပါပဲ။ ဘယ်သတိပေး အစီရင်စုမှ အသက်မဝင်ခဲ့ပါဘူး"<br />  <br /> "ကောင်းပြီ"<br />  <br /> လူလတ်ပိုင်းအမျိုးသားက အစီရင်စုဗန်းတစ်ခုကို ထုတ်ယူကာ အပြာရောင်ဝတ် ကျင့်ကြံသူအဖွဲ့နှင့် တိုက်ဆိုင်စစ်ဆေးကြည့်လိုက်ပြီးနောက် ပြောလိုက်သည်။ <br />  <br /> "မင်းတို့အတွက် ဒီလောက်ပါပဲ။ ပြန်ပြီး အနားယူကြတော့"<br />  <br /> "ဟုတ်ကဲ့ပါ"<br />  <br /> အပြာရောင်ဝတ် နတ်ဆိုးဘုရင်ဂိုဏ်းဝင် ထွက်ခွာရန် ပြင်ဆင်နေသည်ကို မြင်သောအခါ ကျန်းယွီဟယ်တွင် ရုတ်တရက် အကြံတစ်ခု ရလာခဲ့သည်။ <br />  <br /> သူက မန္တန်စစ်သည်တော်ကို တိတ်တဆိတ် ထိန်းချုပ်ကာ ဆဋ္ဌမဦးလေးဟုခေါ်သော လူလတ်ပိုင်းအမျိုးသား၏ အရိပ်ထဲသို့ ပြောင်းရွှေ့လိုက်သည်။ မိုင်ထောင်ချီ ဝေးကွာနေသော်လည်း ကျန်းယွီဟယ်သည် မန္တန်စစ်သည်တော်မှတစ်ဆင့် ထိုသူ၏ အချက်အလက်များကို မမြင်နိုင်ပေ။ သို့သော် ဟယ်မိသားစုအတွင်း ဤဆဋ္ဌမဦးလေး၏ အဆင့်အတန်းမှာ ယခင် အပြာရောင်ဝတ် နတ်ဆိုးဘုရင်ဂိုဏ်းဝင်များထက် များစွာ မြင့်မားသည်မှာ သိသာထင်ရှားလှသည်။<br />  <br /> မန္တန်စစ်သည်တော်ကို သူ၏ နောက်သို့ လိုက်ခိုင်းခြင်းက ပိုမိုများပြားသော သတင်းအချက်အလက်များကို မြင်တွေ့နိုင်လိမ့်မည်ဟု ကျန်းယွီဟယ် တွေးလိုက်သည်။ အပြာရောင်ဝတ် ကျင့်ကြံသူများ ထွက်ခွာသွားပြီးနောက် လူလတ်ပိုင်းအမျိုးသားက မတ်တတ်ရပ်ကာ မြို့အတွင်းရှိ နေရာတစ်ခုဆီသို့ ပျံသန်းသွားလေသည်။ မန္တန်စစ်သည်တော်သည် လူလတ်ပိုင်းအမျိုးသား၏ နောက်မှ တိတ်တဆိတ် ထပ်ကြပ်မကွာ လိုက်ပါသွားခဲ့သည်။<br />  <br /> ကျန်းယွီဟယ်က မန္တန်စစ်သည်တော်မှတစ်ဆင့် မြို့ထဲသို့ ကြည့်လိုက်ရာ ကြေးမုံပျက်သုဉ်းမြို့၏ လမ်းမများပေါ်တွင် လူသူတစ်ယောက်မျှ မရှိသည်ကို မြင်တွေ့လိုက်ရသည်။ <br />  <br /> ကြေးမုံပျက်သုဉ်းမြို့ တစ်ခုလုံးက သုသာန်တစပြင်မြို့တစ်ခုလို ဖြစ်နေသည်။ <br />  <br /> မရေမတွက်နိုင်သော ဟယ်မိသားစု ကျင့်ကြံသူများအားလုံးက မသေမျိုးဂူများထဲတွင်သာ နေထိုင်နေကြပုံရပြီး လုံးဝ မရှိမဖြစ် လိုအပ်မှသာ အပြင်ထွက်လေ့ရှိကြပုံရသည်။<br />  <br /> "ဟင်... အဲ့ဒါ ဘာကြီးလဲ"<br />  <br /> ရုတ်တရက် မြို့၏ ဗဟိုဧရိယာကို ကြီးမားသော အနက်ရောင် မြူခိုးများက လွှမ်းခြုံထားသည်ကို ကျန်းယွီဟယ် သတိပြုမိလိုက်သည်။ သူက အဆောင်လက်ဖွဲ့ကို သေချာစွာ စစ်ဆေးကြည့်လိုက်ရာ အနက်ရောင် မြူခိုးများကြားတွင် ဝိုးတဝါး ပေါ်လွင်နေသော ဧရာမ စင်မြင့်ကြီးတစ်ခုကို မြင်လိုက်ရသည်။<br />  <br /> စင်မြင့်ကြီး၏ ပတ်လည်တွင် မိုးမောက်နေသော အနက်ရောင် တိုင်လုံးကြီး ၁၀၈ တိုင်ကို တန်းစီစိုက်ထူထားသည်။ စင်မြင့်ကြီးပေါ်တွင်တော့ ဦးချိုနှင့် နတ်ဆိုးတစ်ကောင်က ထိုင်နေသည်။<br />  <br /> ဤမြင်ကွင်းကို မြင်လိုက်ရသောအခါ ကျန်းယွီဟယ်၏ ကျောရိုးတစ်လျှောက် စိမ့်တက်သွားသလို ခံစားလိုက်ရသည်။<br />  <br /> "ဒါ တကယ်ပဲ နတ်ဆိုးမျိုးနွယ်စုပဲ"<br />  <br /> တာအိုသန့်စင်ဂိုဏ်း၏ စာကြည့်တိုက်တွင် နတ်ဆိုးမျိုးနွယ်စုနှင့် ပတ်သက်သော စာအုပ်များစွာ အပါအဝင် ကြွယ်ဝသော စာအုပ်စုဆောင်းမှုများ ရှိသည်။ မန္တန်စစ်သည်တော်မှတစ်ဆင့် အကြမ်းဖျင်း ပုံသဏ္ဌာန်ကိုသာ မြင်တွေ့ခဲ့ရသော်လည်း စင်မြင့်ပေါ်တွင် တင်ပျဉ်ခွေ ထိုင်နေသော ပုံရိပ်သည် နတ်ဆိုးမျိုးနွယ်စု ဖြစ်ကြောင်းကို ကျန်းယွီဟယ်က တစ်ချက်ကြည့်ရုံဖြင့် သိလိုက်သည်။<br />  <br /> စာအုပ်များအရ နတ်ဆိုးမျိုးနွယ်စုသည် အထူးအစိတ်အပိုင်းအချို့ ပါဝင်နေခြင်းမှလွဲ၍ လူသားမျိုးနွယ်စုနှင့် ရုပ်သွင်ပိုင်းဆိုင်ရာအရ သိပ်ပြီး ကွာခြားမှု မရှိပေ။ ဥပမာအားဖြင့် ဦးချိုနှင့် နတ်ဆိုးပုံရိပ်ယောင်သည် ချိုပါသော နတ်ဆိုးမျိုးနွယ်စုများထဲမှ တစ်ကောင် ဖြစ်ပေမည်။ <br />  <br /> ကျန်းယွီဟယ်က သူ၏ အမှတ်အသား ကျောက်စိမ်းပြားကို အလျင်အမြန် ထုတ်ယူလိုက်သည်။ <br />  <br /> ယခုအခါ နတ်ဆိုးမျိုးနွယ်စုကို အမှန်တကယ် တွေ့ရှိထားပြီဖြစ်ရာ ဂိုဏ်းသို့ သတင်းပို့ရန်မှာ သဘာဝကျလှသည်။ ယခုအချိန်အထိ နတ်ဆိုးမျိုးနွယ်စု တစ်ကောင်ကိုသာ မြင်တွေ့ရသေးသော်လည်း စိတ်ကူးထားသည့်အတိုင်း နတ်ဆိုးမျိုးနွယ်စု စစ်တပ်ကြီး ရောက်လာခြင်းမျိုးတော့ မရှိသေးပေ။<br />  <br /> သို့သော်လည်း နတ်ဆိုးများကို နှိမ်နင်းရန် သူ တစ်ယောက်တည်း အတင်းအဓမ္မ ဝင်သွားရန် ရည်ရွယ်ချက် မရှိပေ။ မန္တန်စစ်သည်တော်သည် အလွန် ဝေးကွာသော နေရာတွင် ရှိနေသဖြင့် နတ်ဆိုးမျိုးနွယ်စု၏ အငွေ့အသက်များကို မခံစားနိုင်ပေ။ နတ်ဆိုးမျိုးနွယ်စုတွင် ဘယ်လို အစွမ်းအစတွေ ရှိနေလဲဆိုတာ ဘယ်သူက သိနိုင်မှာလဲ။ <br />  <br /> “အကယ်၍ ဆရာကြီးတစ်ယောက် ဖြစ်နေရင်ကော။”<br />  <br /> အကူအညီရယူရန်အတွက် ဂိုဏ်းမှတစ်ဆင့် သတင်းပို့ခြင်းက ပို၍ ယုံကြည်စိတ်ချရသည်။ တစ်ခုခုဖြစ်လာသောအခါ အားလုံး ဝိုင်းဝန်းပူးပေါင်း လုပ်ဆောင်သင့်သည်။ တစ်ယောက်တည်း ထင်ပေါ်နေရန် မလိုအပ်ပေ။<br />  <br /> ကျန်းယွီဟယ်က လက်သင်္ကေတတစ်ခု ပြုလုပ်ကာ ကျောက်စိမ်းပြားကို ထိလိုက်သည်။ အတန်ကြာပြီးနောက် ကျောက်စိမ်းပြားမှတစ်ဆင့် လုမင်ဖန်း၏ ရင်းနှီးသော အသံ ထွက်ပေါ်လာသည်။<br />  <br /> "ဘာကိစ္စလဲ"<br />  <br /> "အကြီးအကဲကို သတင်းပို့ပါတယ်။ တပည့်က ယွမ်ကျုံးစီရင်စုမှာ နတ်ဆိုးမျိုးနွယ်စုကို ရှာတွေ့ထားပါတယ်"<br />  <br /> ထိုစကားကို ကြားသောအခါ လုမင်ဖန်းသည် ချက်ချင်း မတ်တတ်ရပ်ကာ လေးနက်စွာ မေးလိုက်သည်။ <br />  <br /> "နတ်ဆိုးမျိုးနွယ်စုကို ဘယ်နေရာမှာ တွေ့တာလဲ အရှင်လား အသေလား။ မင်း အမြင်မှားတာ မဟုတ်ဘူးဆိုတာ သေချာရဲ့လား"<br />  <br /> ကျန်းယွီဟယ်က ဂိုဏ်းမှ ပထမဆုံးအကြိမ် ထွက်ခွာလာခြင်းဖြစ်ရာ သူ၏ အတွေ့အကြုံနည်းပါးမှုကြောင့် တစ်ခြားအရာများကို နတ်ဆိုးမျိုးနွယ်စုအဖြစ် အထင်မှားသွားမည်ကို လုမင်ဖန်း အနည်းငယ် စိုးရိမ်နေခဲ့သည်။ ဤအချက်ကို အတည်ပြုရန် အကောင်းဆုံးဖြစ်သည်။ သို့မဟုတ်ပါက နဂါးဖြစ်ရပ်မျိုး ထပ်ဖြစ်လာပါက ရယ်စရာကောင်းလှပေမည်။<br />  <br /> ထို့အပြင် နတ်ဆိုးမျိုးနွယ်စုဝင်တိုင်းက အသက်ရှင်နေခြင်း မဟုတ်ပေ။ မည်သို့ပင်ဆိုစေ နှစ်ပေါင်း တစ်သိန်းကျော် ကုန်လွန်သွားခဲ့ပြီဖြစ်ရာ နတ်ဆိုးမျိုးနွယ်စုဝင်တစ်ဦး၏ သက်တမ်းမှာလည်း အဆုံးအစမရှိတော့ပေ။ <br />  <br /> မူလက ကျူးကျော်ဝင်ရောက်လာသော နတ်ဆိုးမျိုးနွယ်စုများ အားလုံး အပြတ်ရှင်းမခံရလျှင်တောင် အများစုမှာ သေဆုံးသွားကြပြီ ဖြစ်သည်။ ယွီဖန်ကောင်းကင်ဘုံ တစ်ခုလုံးတွင် နတ်ဆိုးမျိုးနွယ်စုဝင် အလွန်နည်းပါးစွာသာ ကျန်ရှိတော့သည်။ ထို့ကြောင့် အကယ်၍ သေဆုံးနေသော နတ်ဆိုးမျိုးနွယ်စု ဖြစ်ပါက အလောင်းကိုသာ ပြန်ယူလာရန် ကျန်းယွီဟယ်နှင့် အတည်ပြုရန် လိုအပ်သည်။ <br />  <br /> လုမင်ဖန်း၏ ဆက်တိုက်မေးခွန်းများကို ကြားပြီးနောက် ကျန်းယွီဟယ်က ရှင်းလင်းပြတ်သားသော အဖြေတစ်ခု ပေးလိုက်သည်။<br />  <br /> "အရှင်ပါ... ကျွန်တော် မမှားနိုင်ပါဘူး။ သူက ယွမ်ကျုံးစီရင်စုက ကြေးမုံပျက်သုဉ်းမြို့မှာရှိတဲ့ ချိုပါတဲ့ နတ်ဆိုးမျိုးနွယ်စုဝင် တစ်ယောက်ပါ"<br />  <br /> "ဒါနဲ့ နတ်ဆိုးမျိုးနွယ်စုအပြင် ကြေးမုံပျက်သုဉ်းမြို့မှာ ထူးဆန်းတဲ့ ယဇ်ပလ္လင်တစ်ခုကို ဘယ်အချိန်ကတည်းက တည်ဆောက်ထားမှန်း မသိဘူး။ ယဇ်ပလ္လင်ပတ်လည်မှာ အနက်ရောင် တိုင်လုံး ၁၀၈ တိုင် ရှိပြီး နတ်ဆိုးမျိုးနွယ်စုက ယဇ်ပလ္လင်ပေါ်မှာ တင်ပျဉ်ခွေ ထိုင်နေတယ်။ သူ့ရဲ့ ရည်ရွယ်ချက်က ဘာလဲဆိုတာကိုတော့ ကျွန်တော် မသိဘူး"<br />  <br /> "ထျန်းကန်း နယ်ပယ်ဖြတ်ကျော် မဟာအစီရင်စုလား"<br />  <br /> ကျန်းယွီဟယ်၏ ဖော်ပြချက်ကို ကြားပြီးနောက် လုမင်ဖန်း၏ အံ့သြသွားသောအသံက ကျောက်စိမ်းပြားမှတစ်ဆင့် ထွက်ပေါ်လာသည်။<br />  <br /> ချက်ချင်းပင် လုမင်ဖန်းက လေးနက်စွာ ပြောလိုက်သည်။ <br />  <br /> "အဲ့ဒီနေရာမှာပဲ နေပြီး ဘာအလျင်စလို လှုပ်ရှားမှုမှ မလုပ်နဲ့။ မင်းကို ကူညီဖို့ လူတွေကို ငါ အခုချက်ချင်း စေလွှတ်လိုက်မယ်"<br />  </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:center">***</p>


Save