Book List

<h2 style="text-align: center;">အခန်း (၇၃၇) အတက်အကျ ကြီးမားလွန်းသော စိတ်ခံစားမှုများ</h2> <h2 style="text-align: center;">*</h2> <p> </p> <p> </p> <p> </p> <p>စုန့်ချင်းရှု ဘုရားကျောင်း ပျက်ကြီးထဲတွင် ကျင်းနိုင်ငံသားများ၏ ခေါ်ဆောင်သွားခြင်းကို ခံလိုက်ရချိန်တွင် ဟွမ်ယောင်ရှီက ကျိုးပေါ်ထုံးကို ပြောနေသည်။ "အဘိုးကြီး ကျိုးပေါ်ထုံး... အဲဒီ လျှို့ဝှက်ဆန်းကြယ်တဲ့ လူရဲ့ ကိုယ်ဖော့ပညာက အရမ်း မြင့်မားတယ် ဆိုပေမယ့်၊ ဒီတစ်ကြိမ် သူက မင်းထက် အများကြီး အရင် ပြေးသွားလို့ပဲ။ တကယ်လို့သာ မင်းတို့ နှစ်ယောက် တူညီတဲ့ အခြေအနေ မျိုးမှာ ပြိုင်ကြမယ် ဆိုရင်... သူက မင်းကို သေချာပေါက် နိုင်မှာ မဟုတ်ဘူး "</p> <p>ကျိုးပေါ်ထုံးက အလိုအလျောက် ခေါင်းညိတ်လိုက်သည်။ "အဘိုးကြီး ဟွမ်... မင်းမှာ တကယ်ပဲ အမြင် ရှိတာပဲ  ဒီလို နက်နဲတဲ့ စကားမျိုးကို ပြောနိုင်တယ်။ ခုနက ငါ သေချာ စဉ်းစားကြည့်လိုက်တာ... အဲဒီလူရဲ့ အကွာအဝေး တိုတို ပြေးတဲ့ အရှိန် ကတော့ ငါ့ထက် မြန်တာ အမှန်ပဲ  ဒါပေမယ့်... မိုင်ပေါင်း ရာချီအောင် တစ်ဆက်တည်း ပြေးရမယ် ဆိုရင်တော့... သူရဲ့ အတွင်းအားတွေက တောင့်ခံနိုင်မှာ မဟုတ်ဘူး  ငါသာ မင်းတို့ ဒီမှာ စောင့်နေရမှာ စိုးရိမ်လို့ရယ်... ငါ့ရဲ့ သွေးသောက် ညီအစ်ကိုရဲ့ သတင်းကို အမြန် သိချင်လို့သာ မဟုတ်ရင်... ငါ သေချာပေါက် ဆက်ပြီး လိုက်သွားမှာပဲ " ကျိုးပေါ်ထုံးမှာ စကားပြောရင်း ခေါင်းကို အဆက်မပြတ် ကုတ်နေပြီး သူ၏ လေသံထဲတွင် အလွန် နောင်တရနေသည့် အရိပ်အယောင်များ ပြည့်နှက်နေသည်။</p> <p>ဟွမ်ယောင်ရှီက အသာပြုံးလိုက်သည်။ "ဒီလို ဆိုမှတော့... မင်း သူ့ကို သွားရှာပြီး နောက်တစ်ခါ ပြန်ပြိုင်ပါလား "</p> <p>ကျိုးပေါ်ထုံး၏ မျက်နှာပေါ်ရှိ အင်္ဂါငါးပါးလုံး တွန့်လိမ်သွားပြီး မျက်နှာ ရှုံ့မဲ့ကာ ပြောလိုက်သည်။ "ရုံအာက ခုနကပဲ ပြောတယ်လေ... သူ ဘယ်သူလဲ ဆိုတာ မသိဘူးလို့  ငါက သူ့ကို ဘယ်သွားရှာပြီး ပြိုင်ရမှာလဲ "</p> <p>"ရုံအာက အဲဒီလူရဲ့ အထောက်အထားကို သေချာပေါက် သိတာပေါ့ " ဟွမ်ယောင်ရှီ၏ စကားကြောင့် ဟွမ်ရုံ၏ ရင်ထဲတွင် 'ဒိတ်' ခနဲ ဖြစ်သွားသည်။ သမီးဖြစ်သူကို အဓိပ္ပါယ်ပါပါ တစ်ချက် ကြည့်လိုက်ပြီးနောက် ဆက်ပြောသည်။ "ခုနက ငါ ကိုယ်တိုင်... မင်းကို အမှန်တိုင်း မပြောပြဖို့ သူမကို တားထားခဲ့တာပါ။"</p> <p>ကျိုးပေါ်ထုံး ချက်ချင်း ဒေါသ ပေါက်ကွဲသွားတော့သည်။ ဟွမ်ယောင်ရှီ၏ ဘေးပတ်လည်တွင် လှည့်ပတ် ပြေးလွှားရင်း အော်ဟစ်တော့သည်။ "ဟွန်း... အဘိုးကြီး ဟွမ်... မင်းက သမီးနဲ့ ပေါင်းပြီး ငါ့ကို လိမ်ရဲတယ် ပေါ့လေ။ နှစ်တွေ ဒီလောက် ကြာသွားတာတောင်... မင်းက အရင်ကလိုပဲ မုန်းစရာ ကောင်းနေတုန်းပဲ " အရင်က ခြေထောက် ရိုက်ချိုးခံရပြီး မက်မွန်ကျွန်းတွင် ဆယ်နှစ်တိုင်တိုင် အကျဉ်းချ ခံခဲ့ရသည်ကို ပြန်တွေးမိသောအခါ၊ ရန်ငြိုးဟောင်း၊ ရန်ငြိုးသစ်များ တစ်ပြိုင်နက်တည်း ပေါက်ကွဲထွက်လာပြီး ကျိုးပေါ်ထုံးက ဟွမ်ယောင်ရှီဆီသို့ အော်ဟစ်ကာ ပြေးဝင်သွားတော့သည်။</p> <p>ဟွမ်ယောင်ရှီက ကြိုတင် တွက်ဆထားပြီးသား အတိုင်းပင် မျက်နှာထား လုံးဝ မပြောင်းလဲဘဲ၊ ခြေလှမ်း အနည်းငယ် ရွှေ့ကာ သူ၏ အဆက်မပြတ် တိုက်ခိုက်မှုများကို အလွယ်တကူ ရှောင်တိမ်းလိုက်ပြီး ဖြည်းညှင်းစွာ ပြောလိုက်သည်။ "အဘိုးကြီး ကျိုးပေါ်ထုံး... မင်း ငါ့ကို အထင်လွဲနေပြီ  ငါက မင်းကို မပြောပြတာ... မင်း အတွက် ကောင်းစေချင်လို့ပဲ။"</p> <p>"ဘာ" ကျိုးပေါ်ထုံးမှာ ဒေါသထွက်လွန်း၍ ရယ်တောင် ရယ်ချင်သွားတော့သည်။ သို့သော် သူ၏ အာရုံစိုက်မှုကိုတော့ တကယ်ပင် ရရှိသွားသဖြင့် ဆက်လက် မတိုက်ခိုက်တော့ဘဲ ခါးထောက်ကာ မေးလိုက်သည်။ "အဘိုးကြီး ဟွမ်... မင်း ပြောစမ်းပါဦး ဘယ်လို လုပ်တာက ငါ့အတွက် ကောင်းတာလဲ ဆိုတာ "</p> <p>"ရုံအာ ခုနက ပြောတယ်လေ... အဲဒီလူက ခုနက အတွင်းအားတွေ အကြီးအကျယ် ကုန်ခမ်းသွားလို့ တဲ့ တကယ်လို့ ပုံမှန် အခြေအနေ မျိုးသာ ဆိုရင်... သူရဲ့ သိုင်းပညာက မင်းနဲ့ ငါ့ထက် အများကြီး သာလွန်မှာ သေချာတယ်။ ဒါကြောင့် သူက ကိုယ်ဖော့ပညာ ပြိုင်ဘက်ကင်း ရုံတင် မကဘူး... သူရဲ့ သိုင်းပညာ အဆင့်အတန်း ကလည်း အလွန် နက်နဲ ခန့်မှန်းရ ခက်တယ်။ တကယ်လို့ မင်းက သူ့ကို သွားပြီး ရန်စမိရင်... မင်း အန္တရာယ် တွေ့မှာကို ငါ စိုးရိမ်လို့ပါ။" ဟွမ်ယောင်ရှီ၏ မျက်နှာပေါ်တွင် အလွန် စိုးရိမ် ပူပန်နေသည့် အမူအရာများ ပေါ်လွင်နေသည်။</p> <p>"ငါ အဘိုးကြီး ကျိုးပေါ်ထုံးက ကောင်းကင်လည်း မကြောက်ဘူး... မြေကြီးလည်း မကြောက်ဘူး အဲဒီ လူကို ဘာကိစ္စ ကြောက်ရမှာလဲ  အဘိုးကြီး ဟွမ်... မင်း မြန်မြန်သာ ပြောစမ်းပါ။ ငါ သွားပြီး သူ့ကို သေချာလေး ပညာပြ ပေးမယ် " ကျိုးပေါ်ထုံးက အင်္ကျီလက်စများကို ခေါက်တင်ရင်း ဒေါသတကြီး ဖြင့် ပြောလိုက်သည်။</p> <p>ဟွမ်ရုံက ဖခင် ဖြစ်သူ၏ 'ဒေါသဆွ' နည်းဗျူဟာကို ချက်ချင်း ရိပ်မိလိုက်သည်။ သို့သော် ဖခင်က ဘာကြောင့် ဒီလို လုပ်နေရသလဲ ဆိုတာကိုတော့ သူမ နားမလည်နိုင်ပေ  ထို့အပြင် သူမက စုန့်ချင်းရှု၏ နာမည်ကို ဖခင်ကို လုံးဝ မပြောပြခဲ့ဖူးရာ၊ အဲဒီလူက ဘယ်သူလဲ ဆိုတာကို ဖခင်က ဘယ်လိုလုပ် သိနိုင်မည်နည်း။</p> <p>ကျိုးပေါ်ထုံးမှာ ဒေါသဆွ ခြင်းကို အမှန်တကယ် ခံလိုက်ရသည်ကို မြင်သောအခါ ဟွမ်ယောင်ရှီ၏ နှုတ်ခမ်းထောင့်တွင် မသိမသာ အပြုံးလေး တစ်ခု လျှပ်တစ်ပြက် ဖြတ်ပြေးသွားပြီး၊ အလွန် အခက်တွေ့နေသည့် မျက်နှာထားဖြင့် အစားထိုးလိုက်သည်။ "ငါတို့ နှစ်ယောက်က မိတ်ဆွေတွေ ဖြစ်နေတော့... မင်း တစ်ခုခု ဖြစ်သွားမှာကို ငါ တကယ် စိုးရိမ်လို့ပါ။"</p> <p>"တောက်  တောက်  တောက်  အဘိုးကြီး ဟွမ်... မင်းက တကယ့် ကျီးကန်း ပါးစပ် ပဲ  ငါ့ရဲ့ သိုင်းပညာနဲ့ ဆိုရင် ဘယ်လိုလုပ် အန္တရာယ် တွေ့နိုင်မှာလဲ  မြန်မြန် ပြော... မြန်မြန် ပြော " ကျိုးပေါ်ထုံးက စိတ်မရှည်စွာ ဖြင့် အော်ဟစ်လိုက်သည်။</p> <p>"ဒီလို ဆိုမှတော့..." ဟွမ်ယောင်ရှီ၏ မျက်နှာပေါ်တွင် အလွန် အခက်တွေ့နေသည့် ပုံစံများ ပေါ်လွင်နေသည်။ "ကောင်းပြီလေ... အဲဒီလူက တခြားသူ မဟုတ်ဘူး... ရွှေမြွေဘုရင် စုန့်ချင်းရှု ပဲ "</p> <p>ဟွမ်ရုံမှာ အစကတော့ ဖခင် ဖြစ်သူက ကျိုးပေါ်ထုံးကို နောက်ပြောင်နေသည်ကို ဘေးမှ အေးအေးဆေးဆေး ကြည့်နေခဲ့ခြင်း ဖြစ်သည်။ သို့သော် ရုတ်တရက် ဤ နာမည် သုံးလုံးကို ကြားလိုက်ရသောအခါ၊ သူမ၏ ဝိညာဉ်များ လွင့်ထွက်မတတ် လန့်သွားတော့သည်။ "အဖေ သိသွားပြီ... အဖေ သိသွားပြီ..." သူမ၏ ခေါင်းထဲတွင် ဗလာကျင်းသွားပြီး ဘာမှ ဆက်လက် မစဉ်းစားနိုင်တော့ပေ</p> <p>"စုန့်ချင်းရှု " ကျိုးပေါ်ထုံး၏ မျက်လုံးများ အရောင်လက်သွားသည်။ "ဒီနှစ်ပိုင်းတွေ အတွင်း သိုင်းလောကမှာ နာမည် အရမ်း ကြီးနေတဲ့ လူငယ် သိုင်းပညာရှင် လား  ဟားဟား... သူက လေကို ဘယ်လို ခေါ်ပြီး မိုးကို ဘယ်လို ရွာအောင် လုပ်သလဲ ဆိုတာကို ငါ အမြဲတမ်း သိချင်နေခဲ့တာ  ဒီတစ်ခါတော့ အခွင့်ကောင်း ပဲ  အဘိုးကြီး ဟွမ်၊ ရုံအာ... ကော်ကျင့် ဆိုတဲ့ ငတုံးလေးကို မင်းတို့ပဲ သေချာ ဂရုစိုက် လိုက်ကြတော့  အဘိုးကြီး ကျိုး သွားပြီဟေ့" ပြောပြီးသည်နှင့် သူတို့ နှစ်ဦး၏ အဖြေကိုပင် မစောင့်တော့ဘဲ ကိုယ်ဖော့ပညာကို အသုံးပြုကာ အရှေ့ဘက်သို့ လျှင်မြန်စွာ ပြေးထွက်သွားတော့သည်။</p> <p>ဟွမ်ယောင်ရှီက အသာပြုံးလိုက်ပြီး နောက်လှည့်ကာ သမီးဖြစ်သူကို တစ်ခုခု ပြောရန် ပြင်လိုက်သည်။ သို့သော် သူမမှာ ဝိညာဉ် လွင့်စင်နေသူ တစ်ယောက်လို ထိုနေရာတွင် ငေးကြောင် ရပ်နေသည်ကို မြင်သောအခါ၊ အံ့သြစွာ မေးလိုက်သည်။ "ရုံအာ... သမီး ဘာဖြစ်လို့လဲ "</p> <p>ဤရက်ပိုင်း အတွင်း စုန့်ချင်းရှု၏ မျိုးစုံသော လှည့်ကွက်များ အောက်တွင် ဓားသွားပေါ် လမ်းလျှောက်နေရသကဲ့သို့ နေခဲ့ရသဖြင့် ဟွမ်ရုံ၏ တုံ့ပြန်မှု အမြန်နှုန်းမှာလည်း ပုံမှန်ထက် အများကြီး ပိုမို မြန်ဆန်လာခဲ့သည်။ ဟွမ်ယောင်ရှီ၏ စကားများမှနေ၍ အခြေအနေမှာ သူမ စိုးရိမ်နေသလိုမျိုး မဟုတ်နိုင်ကြောင်း အလွန် အကဲဆတ်စွာ ရိပ်မိသွားပြီး၊ အလျင်အမြန် အတင်း ပြုံးပြကာ ပြန်ဖြေလိုက်သည်။ "ဘာ... ဘာမှ မဖြစ်ပါဘူး "</p> <p>"အဖေက ဘာလို့ ကျိုးပေါ်ထုံးကို အဝေး ရောက်အောင် လွှတ်လိုက်လဲ ဆိုတာ သမီး သိလား " သမီးဖြစ်သူ၏ မျက်နှာထားမှာ ပုံမှန် မဟုတ်ကြောင်း မြင်သော်လည်း ဟွမ်ယောင်ရှီက အရင်က ကိစ္စများကြောင့် ဖြစ်မည် ဟုသာ ထင်မှတ်ပြီး သိပ်ပြီး ဂရုမစိုက်ခဲ့ပေ</p> <p>"ရုံအာ မသိဘူး " ယခုအချိန်တွင် ဟွမ်ရုံ၏ စိတ်အာရုံ အားလုံးက... ဖခင် ဖြစ်သူသည် စုန့်ချင်းရှု၏ သရုပ်မှန်ကို တကယ်ပဲ သိသွားပြီလား ဆိုသည့် အချက် အပေါ်တွင်သာ အပြည့်အဝ ရောက်ရှိနေရာ၊ အခြား ကိစ္စများကို စဉ်းစားရန် ခွန်အား မရှိတော့ပေ</p> <p>"သမီး အတွက်ပေါ့..." ဟွမ်ယောင်ရှီက ရှည်လျားစွာ သက်ပြင်းချလိုက်သည်။ "ဘယ်လိုပဲ ဖြစ်ဖြစ် အရင်က အဲဒီလူက... သမီး အပေါ် အဲဒီလို လုပ်ခဲ့တာကို၊ ကျိုးပေါ်ထုံးက အဲဒီ အချိန်တုန်းက သေချာ မြင်လိုက်သလား ဆိုတာ အဖေ လည်း မသေချာဘူး တကယ်လို့ သူက ကျင့်အာရဲ့ ရှေ့မှာ စကားမှားပြီး ပြောထွက်သွားရင်... သမီး အနေနဲ့ ဘယ်လို မျက်နှာ ပြရဲတော့မှာလဲ "</p> <p>"အာ" ဟွမ်ရုံ အလန့်တကြား အော်လိုက်မိပြီး နောက်ကျောတွင် ချွေးစေးများ ပျံလာတော့သည်။ တကယ်လို့များ ကျိုးပေါ်ထုံးကသာ အစ်ကိုကျင့်၏ ရှေ့တွင် ခုနက ကိစ္စကို ပြောပြလိုက်မည် ဆိုပါက... အစ်ကိုကျင့်က အဲဒီလူ ဟာ စုန့်ချင်းရှုမှန်း အလွယ်တကူ ခန့်မှန်း သိရှိသွားမည် ဖြစ်ပြီး၊ အဲဒီအခါကျရင် အရာအားလုံး ဖုံးကွယ်ထားလို့ ရတော့မည် မဟုတ်ပေ</p> <p>သမီးဖြစ်သူ၏ မျက်နှာ ဖြူရော်သွားသည်ကို မြင်သောအခါ ဟွမ်ယောင်ရှီ၏ ရင်ထဲတွင် သနားသွားမိသည်။ "တကယ်တော့ သမီး အရမ်း စိုးရိမ်မနေပါနဲ့  အဲဒီ အချိန်တုန်းက ကျိုးပေါ်ထုံးရဲ့ အာရုံ အားလုံးက ကောင်းကင် ပေါ် ပျံနေတဲ့ စွန် ကြီး ဆီမှာပဲ ရောက်နေတာ ဆိုတော့... သမီးတို့ နှစ်ယောက်ရဲ့ အဲဒီ အပြုအမူ သေးသေးလေး တွေကို သတိထားမိဖို့ အခွင့်အရေး အရမ်း နည်းပါတယ်။ ပြီးတော့ အခု အဖေက သူ့ကို မိုင်ပေါင်း ထောင်ချီ ဝေးတဲ့ ရှန်တုန်း ပြည်နယ်ဆီကို လွှတ်လိုက်ပြီလေ  သူ့ရဲ့ ဆော့ချင်တဲ့ အကျင့်နဲ့ ဆိုရင်... နောက်တစ်ခါ ကျင်းအာနဲ့ ပြန်ဆုံဖို့ ဆိုတာ ဘယ်နှစ်နှစ် ဘယ်နှစ်လ ကြာဦးမလဲ ဆိုတာ ဘယ်သူမှ မသိနိုင်ဘူး  အဲဒီအချိန် ရောက်ရင် သမီးတို့ရဲ့ ကိစ္စတွေလည်း အားလုံး ပြေလည် ပြီးလောက်ပြီ ဆိုတော့... သူ စကားမှားပြီး ပြောထွက်သွားမှာကို စိုးရိမ်စရာ မလိုတော့ဘူးပေါ့ "</p> <p>"ကျေးဇူးတင်ပါတယ် အဖေ " ဟွမ်ရုံမှာ နားထောင်ရင်း အလွန် လေးစား အားကျသွားမိသည်။ အနည်းငယ် တွေဝေပြီးနောက် ရုတ်တရက် စမ်းသပ်သည့် သဘောဖြင့် မေးလိုက်သည်။ "ဒါပေမယ့် အဖေက ဘာလို့ အဲဒီလူက စုန့်... စုန့်ချင်းရှု လို့ ပြောလိုက်ရတာလဲ "</p> <p>"ဒီ စုန့်ချင်းရှု ဆိုတဲ့ လူက ဒီနှစ်ပိုင်းတွေ အတွင်း သိုင်းလောကမှာ အရမ်းကို နာမည် ကြီးနေတာလေ  သိုင်းလောက ထဲက လူတွေက သူ့ကို အံ့ဖွယ် အဖြစ်အပျက်တွေ အများကြီး ဖန်တီးနိုင်တဲ့ လူငယ် သူရဲကောင်း တစ်ယောက် လို့ ပုံဖော်ထားကြတယ်။ ဒါပေမယ့် အဖေ့ အမြင် မှာတော့..." ဟွမ်ယောင်ရှီက အေးစက်စွာ ရယ်မောလိုက်သည်။ "သူက မိန်းမ လိုက်စားတဲ့ လူရှုပ်လေး တစ်ယောက် သက်သက် ပါပဲ  လမ်းတစ်လျှောက်လုံး မှာ... သူနဲ့ တခြား မိန်းမတွေရဲ့ အရှုပ်တော်ပုံ သတင်းတွေကို ဘယ်လောက်တောင် ကြားခဲ့ရလဲ ဆိုတာ မသိဘူး  အော့မေတောင်က ကျိုးမိန်းကလေးတို့... အရင် မင်မင်းဆက်က နဝမမင်းသမီးတို့... ပြီးတော့ လီမော့ချိုးနဲ့တောင် သတင်းတွေ ထွက်နေသေးတယ်... တကယ့်ကို အဓိပ္ပါယ် မရှိတာပဲ  ကျိုးပေါ်ထုံးကို လွှတ်ပြီး သူ့ကို သွားဆုံးမ ခိုင်းလိုက်တာ ကောင်းပါတယ်။"</p> <p>ဟွမ်ရုံ၏ မျက်နှာထားမှာ ချက်ချင်း အလွန် ထူးဆန်းသွားတော့သည်။ ဟွမ်ယောင်ရှီသည် တစ်သက်လုံး တစ်ဦးတည်းသော ဇနီးအပေါ်သာ သစ္စာရှိခဲ့သူ ဖြစ်ပြီး ဖောက်ပြန်တတ်သော ယောကျ်ားများကို အမုန်းဆုံးသူ ဆိုသည်ကို သူမ အသိဆုံး ဖြစ်သည်။ ဤကဲ့သို့သော အကြောင်းပြချက် ကြောင့် စုန့်ချင်းရှု၏ နာမည်ကို မတော်တဆ ရွေးချယ်မိသွားလိမ့်မည်ဟု သူမ လုံးဝ မထင်မှတ်ထားခဲ့ပေ</p> <p>ဒါပေါ့... ဟွမ်ရုံအနေဖြင့် စုန့်ချင်းရှု တကယ်ပဲ အဆုံးမခံရမှာကိုတော့ စိုးရိမ်မနေချေ၊  မည်သို့ပင်ဖြစ်စေ စုန့်ချင်းရှု၏ သိုင်းပညာက ကျိုးပေါ်ထုံးထက် သေချာပေါက် မနိမ့်ကျပေ  ထို့အပြင် ယခု သူသည် ကျင်းနိုင်ငံ၏ နယ်နိမိတ် အတွင်းတွင် ရောက်ရှိနေပြီ ဖြစ်ရာ၊ ကျိုးပေါ်ထုံးက ရွှေမြွေတပ်စခန်းသို့ သွားရှာမည် ဆိုလျှင် လွဲချော်သွားမည်မှာ သေချာသည်။</p> <p>ငေးကြောင်နေသော သမီးဖြစ်သူကို ကြည့်ရင်း ဟွမ်ယောင်ရှီက သက်ပြင်းချလိုက်သည်။ "ရုံအာ... အချစ်ရေး ကိစ္စ ဆိုတာ ဘယ်သူမှ ရှင်းရှင်းလင်းလင်း မပြောပြနိုင်ဘူး  နောက်ဆုံး သမီး ဘယ်လို ရွေးချယ်မှုပဲ လုပ်လုပ်... တကယ်လို့ သမီးက အဲဒီလူကို ရွေးချယ်မယ် ဆိုရင်တောင်မှ၊ အဖေက သမီးကို ထောက်ခံပေးမှာပါ။ ဒါပေမယ့်... အဖေ့မှာ တောင်းဆိုချက် တစ်ခုတည်း ပဲ ရှိတယ်။ အဲဒါကတော့... အဲဒီလူ ဟာ စုန့်ချင်းရှု လိုမျိုး မိန်းမလိုက်စားတဲ့ ယောကျ်ား မျိုး လုံးဝ မဖြစ်ရဘူး "</p> <p>ဟွမ်ရုံမှာ နားထောင်ရင်း ရင်များ တဒိန်းဒိန်း ခုန်လာပြီး၊ အလျင်အမြန် ချွဲနွဲ့ကာ ပြန်ပြောလိုက်သည်။ "စိတ်ချပါ အဖေ ရယ်... ရုံအာမှာ ကိုယ်ပိုင် အသိဉာဏ် ရှိပါတယ်။ အဲဒီလို မိန်းမလိုက်စားတဲ့ ယောကျ်ား မျိုးကို ဘယ်လိုလုပ် ရွေးချယ်ပါ့မလဲ " တစ်ချိန်တည်းမှာပင် စိတ်ထဲတွင် တိတ်တဆိတ် ကျိန်ဆဲလိုက်မိသည်။ 'လီမော့ချိုးကိုတောင် သွားမြှူဆွယ်သေးတယ်... တကယ့် အရှက်မရှိတဲ့ ခွေးကောင် ပဲ။'</p> <p>***</p> <p> </p>


Save