Book List

<h2 style="text-align: center;">အခန်း (၇၄၅) ဆွဲဆောင်မှု ရှိပြီး ရက်စက်သော အစီအစဉ်</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>စုန့်ချင်းရှု၏ လက်ရှိ ကိုယ်ဖော့ပညာဖြင့် ဆိုလျှင် တံခါးဝရှိ အစောင့်များက တစ်ယောက်ယောက် ဝင်လာမည်ကို ကြိုတင် သိရှိမထားပါက၊ ထို လျှပ်တစ်ပြက် အချိန်လေး အတွင်း သူ၏ ဝင်ရောက်မှုကို သတိထားမိရန် ဆိုသည်မှာ လုံးဝ မဖြစ်နိုင်ပေ၊  ထို့အပြင် တံခါးဝရှိ အစောင့်များမှာ ဝမ်ယန်ပင်းကို အလွန် ကြောက်ရွံ့ နေပုံ ရပြီး အားလုံးက မြေကြီးကိုသာ ငုံ့ကြည့်နေကြရာ၊ စုန့်ချင်းရှုကို သတိထားမိရန် ပို၍ပင် မဖြစ်နိုင်တော့ပေ</p> <p>စုန့်ချင်းရှုသည် တံခါးထဲသို့ ဝင်သည်နှင့် တစ်ပြိုင်နက် ခြေဖျားကို တစ်ချက် ထောက်ကာ၊ သူ၏ လူရိပ် တစ်ခုလုံး ခေါင်မိုး အရိပ် ထဲသို့ ရောက်ရှိသွားတော့သည်။ လုပ်ငန်းစဉ် တစ်ခုလုံးမှာ ရေစီးကြောင်း လို ချောမွေ့ နေသည်။ သိုင်းလောကတွင် ကိုယ်ဖော့ပညာဖြင့် နာမည်ကြီးသော ထိပ်သီး သိုင်းပညာရှင်များသာ ဤ မြင်ကွင်းကို ဘေးမှ မြင်တွေ့လိုက်ရမည် ဆိုပါက... အားလုံးက ရှက်ရွံ့စွာဖြင့် ကိုယ့်ကိုယ်ကိုယ် အရှုံးပေးသွားကြမည်မှာ သေချာသည်။</p> <p>"ဟင် " ဝမ်ယန်ပင်းက ရုတ်တရက် တစ်ခုခုကို ခံစားမိသွားသကဲ့သို့ နောက်သို့ ရုတ်တရက် လှည့်ကြည့်လိုက်သည်။ သို့သော် သူမ၏ မျက်စိရှေ့တွင် ရိုသေ ကိုင်းရှိုင်းစွာ ရပ်နေသော လက်အောက်ငယ်သား များကိုသာ မြင်တွေ့လိုက်ရသဖြင့်၊ မျက်မှောင် အနည်းငယ် ကြုတ်သွားပြီး လျင်မြန်စွာပင် မိမိကိုယ်ကို အတွေးလွန်နေသည်ဟု ပြန်လည် လှောင်ပြောင်လိုက်မိသည်။ အဝတ်လျှော်ဆောင် ဆိုသည်မှာ လောက လူသားများ မသိရှိသော နေရာ တစ်ခု ဖြစ်ပြီး အစောင့်အကြပ် ထူထပ်သော နန်းတော်၏ အနက်ရှိုင်းဆုံး နေရာတွင် တည်ရှိရာ၊ တစ်ယောက်ယောက်က ဤနေရာကို ရှာတွေ့ရန် ဆိုသည်မှာ မည်သို့ ဖြစ်နိုင်မည်နည်း။</p> <p>ဝမ်ယန်ပင်းတို့ လူစု၏ ကျောပြင် ပျောက်ကွယ်သွားသည်ကို ကြည့်ရင်း စုန့်ချင်းရှု၏ ရင်ထဲတွင် တိတ်တဆိတ် သက်ပြင်းချနိုင်သွားသည်။ 'ဒီ ခယ်မလေးရဲ့ ဆဋ္ဌမ အာရုံက တကယ်ကို ကြောက်စရာ ကောင်းလွန်းတယ်။'</p> <p>ထို့နောက် သူ၏ လှုပ်ရှားမှုများအား ပိုမို သတိထား လာတော့သည်။ ကံကောင်းထောက်မစွာဖြင့် အခန်းထဲတွင် တံခါး နောက်ရှိ အစောင့်များ မှလွဲ၍ အခြား လူများ မရှိတော့ပေ  အပြင်ဘက်ကို တင်းကျပ်ထားပြီး အတွင်းဘက်ကို လျှော့ထားသည့် အစောင့်အကြပ် ပုံစံ မျိုးကို အသုံးပြုထားခြင်း ဖြစ်မည်ဟု သူ ခန့်မှန်းလိုက်သည်။ ထို့ကြောင့်သာ စုန့်ချင်းရှု အနေဖြင့် ဝမ်ယန်ပင်းတို့ လူစု၏ နောက်မှ အေးအေးဆေးဆေး လိုက်ပါ သွားနိုင်ခြင်း ဖြစ်သည်။ မဟုတ်လျှင် သူ၏ ကိုယ်ဖော့ပညာက ဘယ်လောက်ပဲ မြင့်မားနေပါစေ လူအများ မျက်စိရှေ့တွင် ဟာကွက် မပေါ်အောင် ဖုံးကွယ်ရန် ဆိုသည်မှာ အလွန် ခက်ခဲလှသည်။</p> <p>ဝမ်ယန်ပင်း၏ နောက်မှ လိုက်သွားရင်း မကြာမီ အခန်း တစ်တန်း၏ ရှေ့သို့ ရောက်ရှိသွားသည်။ အခန်းများ ဟု ဆိုခြင်းထက် အကျဉ်းခန်း များဟု ခေါ်ဆိုလျှင် ပို၍ သင့်တော်မည် ထင်သည်။ နံရံများကို ရွှံ့ သို့မဟုတ် အုတ်များဖြင့် တည်ဆောက်ထားခြင်း မဟုတ်ဘဲ သံမဏိများဖြင့် ပြုလုပ်ထားသော သံတိုင် ခြံစည်းရိုးများ ဖြစ်သည်။ သံတိုင်များ ကြားမှတဆင့် အတွင်းတွင် တင်ပျဉ်ခွေ ထိုင်နေသော လူအနည်းငယ်ကို မြင်တွေ့နိုင်သည်။</p> <p>စုန့်ချင်းရှု၏ မျက်လုံးများက အလွန် စူးရှ ထက်မြက်ရာ ပထမဆုံး မြင်လိုက်ရသည်နှင့် တစ်ပြိုင်နက် ကျန်းစုန့်ရှီနှင့် ယင်လိထင်တို့ကို ချက်ချင်း မှတ်မိသွားသည်။ သူတို့၏ ဘေးတွင် နောက်ထပ် လူတစ်ယောက် လည်း ရှိနေသေးသည်။ ထိုလူမှာ လေးထောင့်ကျကျ မျက်နှာ၊ ပြန့်ကားသော နှာခေါင်း ရှိပြီး မျက်နှာပေါ်ရှိ အမူအရာမှာ အလွန် တည်ငြိမ် အေးချမ်းနေသည်။ နားထင် ဘေးရှိ ဆံပင်များ အနည်းငယ် ဖြူနေပြီး ခန့်ညား ထည်ဝါကာ ဆွဲဆောင်မှု ရှိသော ပညာတတ် ပုဂ္ဂိုလ်ကြီး တစ်ဦး၏ အသွင်အပြင် ရှိသည်။ အကယ်၍ အနည်းငယ် ပိုပိန်မည် ဆိုရင်... ပိုပြီး ကြည့်ကောင်းမှာ သေချာသည်။</p> <p>စုန့်ချင်းရှုသည် သူ့ကို အရင်က တစ်ခါမှ မမြင်ဖူးခဲ့သော်လည်း အရိုးတွင်းထဲမှ စိမ့်ထွက်လာသော ရိုသေ လေးစားမှုနှင့် ကြောက်ရွံ့မှု ရောယှက်နေသည့် ခံစားချက် ကြောင့်၊ ဤလူမှာ စုန့်ယွမ်ချောင် ဖြစ်ကြောင်း သူ ချက်ချင်း သဘောပေါက်သွားတော့သည်။</p> <p>ဤ အမည်ခံ ဖခင်ကြီးကို ကြည့်ရင်း စုန့်ချင်းရှု၏ ယခုအချိန် စိတ်ခံစားချက်မှာ အရသာ ငါးမျိုး ရောနှောနေသကဲ့သို့ အလွန် ရှုပ်ထွေးနေတော့သည်။ တကယ်လို့များ သူက စုန့်ယွမ်ချောင် အပေါ်မှာ အဖေနှင့် သား သံယောဇဉ် ရှိနေသလား လို့ မေးရင်၊ ဒါက လုံးဝ အဓိပ္ပါယ် မရှိတဲ့ စကားပဲဖြစ်မည်  မည်သို့ပင်ဖြစ်စေ သူသည် အနာဂတ်မှ ကူးပြောင်းလာသော ဝိညာဉ် တစ်ခုသာ ဖြစ်သည် မဟုတ်ပါလား။</p> <p>သို့သော် သူ့ကို လမ်းသွားလမ်းလာ တစ်ယောက်လို သဘောထားဖို့ ဆိုတာကလည်း စုန့်ချင်းရှု အတွက် အလွန် ခက်ခဲနေပြန်သည်။ မည်သို့ပင်ဖြစ်စေ ဤကမ္ဘာ ကြီးထဲတွင် သူသည် အလွန် အထီးကျန် ဆန်နေသူ တစ်ယောက် ဖြစ်ရာ စုန့်ယွမ်ချောင်မှာ ဘယ်လိုပဲ ပြောပြော သူ၏ ဆွေမျိုး တစ်ယောက် ဖြစ်နေဆဲပင်  ထို့အပြင် တစ်ဖက်လူ၏ သားဖြစ်သူ ခန္ဓာကိုယ်ကို အသုံးပြုထားသည် မဟုတ်ပါလား။ (သူ၏ တကယ့် သား အရင်းမှာ ခြင်္သေ့ သတ်ပွဲတွင် ဝူတန်ဂိုဏ်း၏ လက်ချက်ဖြင့် သေဆုံးသွားခဲ့ပြီ ဖြစ်သော်လည်း) စုန့်ချင်းရှု၏ ရင်ထဲတွင် အလိုအလျောက် အပြစ်ရှိစိတ် တစ်ခု ဖြစ်ပေါ်နေမိသည်။</p> <p>"စုန့်သူရဲကောင်းကြီး... ဒီလောက် အချိန်တွေ ကြာသွားပြီ ခင်ဗျားတို့ သေချာ စဉ်းစားပြီးပြီလား " စုန့်ချင်းရှု တွေးတော နေစဉ် မှာပင် ဝမ်ယန်ပင်းက စကားစ ပြောလိုက်သည်။</p> <p>စုန့်ယွမ်ချောင်က မျက်လုံး ဖွင့်ကာ သူမကို ခပ်ဖျော့ဖျော့ တစ်ချက် ကြည့်လိုက်ပြီးနောက် မျက်လုံး ပြန်မှိတ်သွားသည်။ သူမ၏ မေးခွန်းကို လုံးဝ မကြားသည့် အတိုင်းပင် ပြုမူနေသည်။ သို့သော် ဘေးရှိ ယင်လိထင်ကတော့ ဒေါသတကြီး ပြောလိုက်သည်။ "မိစ္ဆာမ... မင်း ဘယ်လောက်ပဲ ပြောပြော အလကားပဲ  ငါတို့က ဝူတန်ရဲ့ ထိပ်တန်း သိုင်းပညာတွေကို လုံးဝ ထုတ်ပြောမှာ မဟုတ်ဘူး "</p> <p>အမှောင်ထဲတွင် ပုန်းကွယ်နေသော စုန့်ချင်းရှုလည်း ရင်ထဲတွင် တိတ်တဆိတ် ခေါင်းညိတ်လိုက်မိသည်။ မိမိ၏ ဤ အမည်ခံ ဖခင်ကြီးမှာ ဝူတန်ဂိုဏ်းချုပ် လုပ်ခဲ့ဖူးသူ ပီပီ သူ၏ တည်ငြိမ်မှုကတော့ တကယ်ကို အပြစ်တင်စရာ မရှိပေ  ဆန့်ကျင်ဘက် အနေဖြင့် ယင်လိထင်ကတော့ သိသိသာသာ ငယ်ရွယ်ပြီး စိတ်မြန်လွန်းနေကာ အနည်းငယ် စိတ်မရှည်နိုင် ဖြစ်နေသည်။</p> <p>သို့သော် ယင်လိထင်၏ စိတ်မရှည်နိုင်မှုကိုလည်း သူ ကျေးဇူးတင်ရမည် ဖြစ်သည်။ ဤစကား ကြောင့်သာ ဝမ်ယန်ပင်းက သူတို့ ထံမှ ဘာကို လိုချင်နေသလဲ ဆိုတာကို သူ နားလည်သွားရခြင်း ဖြစ်သည်။</p> <p>"ဝူတန်ရဲ့ ထိပ်တန်း သိုင်းပညာ" ဝမ်ယန်ပင်းက မထီမဲ့မြင် ဖြင့် နှာခေါင်းရှုံ့လိုက်သည်။ "ရှင်တို့ ဝူတန်ရဲ့ သိုင်းပညာက တကယ်ပဲ အဲဒီလောက် အစွမ်းထက်နေတယ် ဆိုရင်၊ ငါတို့ ဖမ်းတာကို ခံရပြီး ဒီကို ရောက်လာစရာ အကြောင်း မရှိဘူးလေ "</p> <p>"မိစ္ဆာမ... မင်း ဘာပြောလိုက်တာလဲ " ယင်လိထင်မှာ ဒေါသလည်း ထွက်၊ လန့်လည်း လန့်သွားသည်။ သိုင်းလောကရှိ ဂိုဏ်း အသီးသီးသည် ဂိုဏ်း၏ ဂုဏ်သိက္ခာကို အလွန် တန်ဖိုးထားကြသည် မဟုတ်ပါလား။ ယခုလို အကျဉ်းချ ခံနေရသည့် အခြေအနေ မျိုး မဟုတ်ပါက သူမ၏ ခုနက စကား တစ်ခွန်းတည်း နှင့်ပင် သေရာပါ ရန်သူ ဖြစ်သွားလောက်အောင် အရေးကြီးသည်။</p> <p>"ကြည့်ရတာ ဝူတန်ရဲ့ သိုင်းပညာက သိပ်ပြီး မကောင်းလှဘူး ထင်တယ်။ ဆဋ္ဌမသူရဲကောင်းယင်က ဝူတန်သူရဲကောင်း ခုနစ်ယောက် ထဲက တစ်ယောက် ဖြစ်ပြီးတော့၊ အသက်လည်း သိပ်မကြီးသေးဘဲ နားတွေတောင် ကန်းနေပြီပဲ... အင်း... အင်း..." ဝမ်ယန်ပင်းက ခြေဖျား တစ်ချက် ထောက်ကာ အနီးအနားရှိ ခုံရှည် တစ်လုံးကို ဆွဲယူ ထိုင်လိုက်ပြီး၊ မေးကို လက်ဖြင့် ထောက်ကာ ယင်လိထင်ကို အပြုံးဖြင့် ကြည့်နေတော့သည်။</p> <p>ယင်လိထင်၏ မျက်နှာ တစ်ခုလုံး နီရဲသွားပြီး တစ်ခုခု ပြန်ပြောရန် ပြင်လိုက်စဉ်၊ စုန့်ယွမ်ချောင်က မျက်လုံး ဖွင့်လာပြီး သူ့ကို ခေါင်းခါပြလိုက်သည်။ ထို့နောက် တည်ငြိမ်စွာ ဖြင့် ပြောလိုက်သည်။ "မိန်းကလေးက ဝူတန်ရဲ့ သိုင်းပညာကို အထင်မကြီးဘူး ဆိုမှတော့၊ ဘာဖြစ်လို့ ငါတို့ ဆီကနေ အတင်းအကျပ် မေးမြန်းနေဖို့ လိုသေးလို့လဲ "</p> <p>ဝမ်ယန်ပင်းက နှာခေါင်းရှုံ့လိုက်သည်။ "ရှင်တို့ ဝူတန်ရဲ့ သိုင်းပညာက အရမ်းကြီး နက်နဲတဲ့ အဆင့် တော့ မဟုတ်ပေမယ့်... အားသာချက်က သင်ယူရ လွယ်ကူတယ်။ စစ်တပ် ထဲမှာ ဖြန့်ဝေပြီး သာမန် စစ်သားတွေကို လေ့ကျင့်ပေးဖို့ အတွက် အရမ်း သင့်တော်တယ်။"</p> <p>"မိစ္ဆာမ... စုန့်နဲ့ ကျင်းက ရန်သူတွေပဲ ငါတို့က ဝူတန်ရဲ့ သိုင်းပညာတွေကို နင်တို့ကို ပေးပြီး နင်တို့ရဲ့ စစ်သားတွေကို လေ့ကျင့်ပေးဖို့ ခွင့်ပြုမယ် လို့ ထင်နေတာလား၊ ပြီးတော့ နောင်တစ်ချိန်မှာ တောင်ပိုင်းကို စစ်ချီပြီး စုန့်လူမျိုးတွေကို ပြန်တိုက်ခိုက်ဖို့ အသုံးချခံမယ်လို့ မင်း ထင်နေတာလား။"</p> <p>"စတုတ္ထသူရဲကောင်းကျန်း... ကျွန်မ အရင်ကလည်း ပြောပြီးပြီလေ  ဒီ စစ်သားတွေက မွန်ဂိုတွေကို တိုက်ဖို့ အတွက်ပဲ။ ရှင်တို့ တောင်ပိုင်းစုန့်ကလည်း ဒီနှစ်တွေအတွင်း မွန်ဂိုတွေနဲ့ စစ်ပွဲတွေ အများကြီး ဆင်နွှဲခဲ့ရတော့၊ ရန်ငြိုးတွေက ပင်လယ်လောက် နက်ရှိုင်းနေတာပဲလေ။ ရန်သူရဲ့ ရန်သူက မိတ်ဆွေပဲဆိုတဲ့ စကားလည်း ရှိတာပဲ။ ကျွန်မတို့ ကျင်းနိုင်ငံက ရှင့်တို့အစား မွန်ဂိုတွေရဲ့ အင်အားကို လျော့ကျအောင် ကူညီပေးမယ်ဆိုတော့ ဘာလို့ မလုပ်ချင်ရမှာလဲ။" ဝမ်ယန်ပင်း မျက်မှောင် အနည်းငယ် ကြုံသွားသော်လည်း စိတ်ရှည်လက်ရှည် ဖြင့် ဆက်လက် ရှင်းပြနေဆဲ ဖြစ်သည်။</p> <p>စုန့်ချင်းရှုလည်း အစကတော့ အနည်းငယ် အံ့သြနေခဲ့သော်လည်း သူမ ဤသို့ ပြောလိုက်သည်ကို ကြားသောအခါ ချက်ချင်း သဘောပေါက်သွားတော့သည်။ ဤနှစ်ပိုင်းများ အတွင်း ကျင်းနိုင်ငံနှင့် မွန်ဂိုတို့၏ စစ်ပွဲများ ကြောင့် ဂျူချန်၏ အတော်ဆုံး စစ်သည် အမြောက်အမြား သေဆုံး သို့မဟုတ် ဒဏ်ရာ ရခဲ့မည်မှာ သေချာသည်။ ထို့ကြောင့် ယခုအခါ ပြည်တွင်းရှိ ဟန် လူမျိုးများကို စစ်သား အဖြစ် အမြောက်အမြား စုဆောင်းနေရခြင်း ဖြစ်မည်။ သို့သော် သာမန် ဟန် စစ်သားများမှာ ဂျူချန် စစ်သားများ ကဲ့သို့ ရဲရင့် ကျွမ်းကျင်မှု မရှိရာ မွန်ဂို စစ်တပ်ကို ရင်ဆိုင်ရန် အသုံးပြု၍ ရမည် မဟုတ်ပေ  ဝူတန်၏ သိုင်းပညာများမှာ သင်ယူရ လွယ်ကူသဖြင့် သာမန် စစ်သားများ၏ ခန္ဓာကိုယ် ကြံ့ခိုင်မှုကို မြှင့်တင်ရန် အတွက် အလွန် သင့်တော်လှသည်။ အကယ်၍ စစ်တပ် အတွင်း အမြောက်အမြား ဖြန့်ဝေ သင်ကြားပေးနိုင်မည် ဆိုပါက အချိန်တို အတွင်းမှာပင် ကြီးမားသော တိုက်ခိုက်ရေး စွမ်းအား တစ်ခု အဖြစ်သို့ ပြောင်းလဲသွားနိုင်မည် မဟုတ်ပါလား</p> <p>ကျန်းစုန့်ရှီက အေးစက်စွာ ပြန်ဖြေလိုက်သည်။ "မင်းရဲ့ စကားတွေ ဘယ်လောက်ပဲ ကောင်းနေပါစေ... ငါတို့ကတော့ ဝူတန်ရဲ့ ထိပ်တန်း သိုင်းပညာတွေကို လုံးဝ ထုတ်ပြောမှာ မဟုတ်ဘူး "</p> <p>ဝမ်ယန်ပင်း၏ မျက်နှာပေါ်ရှိ အပြုံးများ ချက်ချင်း ပျောက်ကွယ်သွားပြီး မတ်တတ် ရပ်လိုက်သည်။ "ဒီရက်ပိုင်းတွေမှာ ကျွန်မ ကောင်းကောင်းမွန်မွန် ပြောဆို စည်းရုံး နေခဲ့တာ... နှစ်ဖက်စလုံး အကျိုးရှိမယ့် ပူးပေါင်း လုပ်ဆောင်မှု တစ်ခု ဖြစ်လာမယ် လို့ မျှော်လင့်လို့ပဲ။ နောင်တစ်ချိန် ကျွန်မတို့ မဟာ ကျင်းနိုင်ငံက လောက တစ်ခုလုံးကို အုပ်စိုးတဲ့ အခါကျရင်... ရှင်တို့ ဝူတန်ဂိုဏ်းက နိုင်ငံတော် ဘာသာတရား ဖြစ်လာမှာပဲ  ဒါပေမယ့် ရှင်တို့ အားလုံးက ကောင်းကောင်း ပြောတာကို လက်မခံဘဲ အကြမ်းဖက် မှ ရမယ့် သူတွေပဲ  ကျွန်မမှာ ရှင်တို့ ပါးစပ် ဟလာအောင် လုပ်ဖို့ နည်းလမ်း မရှိဘူး လို့ တကယ်ပဲ ထင်နေတာလား "</p> <p>စုန့်ယွမ်ချောင်က တည်ငြိမ်စွာ ဖြင့် ပြောလိုက်သည်။ "ငါတို့က မင်းတို့ လက်ထဲ ရောက်လာကတည်းက အသက်ရှင်လျက် ထွက်သွားဖို့ လုံးဝ မတွေးထားဘူး  သတ်ချင် သတ်၊ ဖြတ်ချင် ဖြတ်... မင်း သဘောပဲ "</p> <p>"သတ်ချင် သတ်၊ ဖြတ်ချင် ဖြတ် ဟုတ်လား " ဝမ်ယန်ပင်းက မထီမဲ့မြင် ဖြင့် ရယ်မောလိုက်သည်။ "ဒီလောက ကြီးထဲမှာ သေရတာထက် ပိုပြီး နာကျင်ရတဲ့ ကိစ္စတွေ အများကြီး ရှိပါသေးတယ်။"</p> <p>အမှောင်ထဲတွင် ပုန်းကွယ်နေသော စုန့်ချင်းရှုသည် သူ၏ အတွင်းအားများကို တိတ်တဆိတ် စုစည်းလိုက်သည်။ အကယ်၍ သူ၏ ဤ အမည်ခံ ခယ်မလေးက တကယ်ပဲ သတ်ဖြတ်ရန် သို့မဟုတ် ရက်စက်သော နှိပ်စက်မှုများ ပြုလုပ်ရန် ကြံရွယ်မည် ဆိုပါက သူ၏ သရုပ်မှန် ပေါ်သွားမည်ကို ဂရုမစိုက်နိုင်တော့ဘဲ ချက်ချင်း ဝင်ရောက် တားဆီးရတော့မည် ဖြစ်သည်။</p> <p>"ရှင်တို့ အားလုံး ဒီ နေရာက ဘယ်နေရာလဲ ဆိုတာ သိကြရဲ့လား " ဝမ်ယန်ပင်းက ရုတ်တရက် မေးလိုက်သည်။ သူတို့ သုံးယောက်၏ မျက်နှာပေါ်တွင် ဇဝေဇဝါ ဖြစ်နေသည့် အမူအရာ များကို မြင်သောအခါ သူမက ခပ်ဟဟ ရယ်မောလိုက်သည်။ "ဒီ နေရာကို အဝတ်လျှော်ဆောင် လို့ ခေါ်တယ်။ အမည်ခံ အားဖြင့်တော့ နန်းတွင်းက မိဖုရားတွေ၊ မှူးမတ်တွေရဲ့ အဝတ်အစား တွေကို လျှော်ဖွပ်ပေးတဲ့ နေရာပေါ့  ဒါပေမယ့် ရှင်တို့ သိလား... ဒီ အဝတ်လျှော်တဲ့ နန်းတွင်း အစေခံမ တွေရဲ့ ဇာတိက ဘာလဲ ဆိုတာကို "</p> <p>ဝမ်ယန်ပင်းက လက်နောက်ပစ်ကာ အကျဉ်းခန်း ရှေ့တွင် လမ်းလျှောက်ရင်း ပိုမို အဓိပ္ပါယ်ပါသော အပြုံးဖြင့် ဆက်ပြောသည်။ "ရှင်တို့က စုန့်နိုင်ငံသားတွေ ဆိုတော့... 'ကျင်းခန်း အရှက်ကွဲမှု' အကြောင်းကို အရိုးစွဲအောင် မှတ်မိနေကြမှာပေါ့ အဲဒီတုန်းက ဒုတိယ မင်းသားနဲ့ ကျင်းယွမ် မြို့စားတို့က တုန်းကျင်းမြို့ကို သိမ်းပိုက်နိုင်ခဲ့တယ်။ ဟွေးဧကရာဇ်နဲ့ ချင်ဧကရာဇ် နှစ်ပါးကို ဖမ်းဆီးခဲ့တဲ့ အပြင်... မိဖုရားတွေ၊ မင်းသမီးတွေ၊ တော်ဝင် မိသားစုက အမျိုးသမီးတွေ ထောင်နဲ့ချီပြီး ဖမ်းဆီးခဲ့တယ်။ အဲဒီထဲက သေသွားတဲ့ သူတွေနဲ့ မင်းသားတွေ၊ စစ်သူကြီးတွေရဲ့ အိမ်တော်တွေကို ရောက်သွားတဲ့ သူတွေ ကလွဲရင်... ကျန်တဲ့ သူတွေ အားလုံးက ဒီ အဝတ်လျှော်ဆောင် ထဲမှာ အကျဉ်းချ ခံထားရတာပဲ "</p> <p>"ဒါပေါ့... နှစ်တွေ ဒီလောက် ကြာသွားပြီ ဆိုတော့ အဲဒီ အမျိုးသမီးတွေ လည်း တော်တော်များများ သေကုန်ကြပြီ  ဒါပေမယ့် အဲဒီ အချိန်တုန်းက ငယ်ငယ်လေးတွေ ဖြစ်နေသေးတဲ့... နို့စို့အရွယ်ပဲ ရှိနေသေးတဲ့ မင်းသမီးလေးတွေ ကတော့... အခုဆို အရွယ် ရောက်လာကြပြီ..." ဝမ်ယန်ပင်း၏ အသံက ရုတ်တရက် အေးစက်သွားသည်။ "တကယ်လို့များ... တောင်ပိုင်းစုန့်က လူတွေ သာ... ဖြောင့်မတ် တည်ကြည်ပါတယ် ဆိုပြီး နာမည်ကြီး နေတဲ့ ဝူတန်သူရဲကောင်းကြီးတွေက ကျင်းနိုင်ငံရဲ့ အဝတ်လျှော်ဆောင် ထဲမှာ... အဲဒီ တော်ဝင် မင်းသမီးလေး တွေကို အဓမ္မ ကျင့်ခဲ့ကြတယ် ဆိုတာကို သိသွားရင်၊ ရှင်တို့ ဘယ်လိုထင်လဲ... ဝူတန်ဂိုဏ်းက တောင်ပိုင်းစုန့်မှာ ဆက်ပြီး ရပ်တည်ခွင့် ရပါဦးမလား"</p> <p>***</p> <p> </p>


Save