Book List

<h2 style="text-align: center;">အခန်း (၃၉၄)</h2> <h2 style="text-align: center;">မြူခိုးဂိုဏ်း၏ ပထမဆုံးသော ဝိညာဉ်ပင်လယ်အဆင့်</h2> <h2 style="text-align: center;">*</h2> <p> </p> <p> </p> <p>~ဆေးရနံ့များက လေထုထဲတွင် သင်းပျံ့မွှေးကြိုင်နေ၏။</p> <p> </p> <p>လီဇီလုံ မျက်လုံးများကို ဖွင့်လိုက်ပြီး သူ့ရှေ့ရှိ ဆေးလုံး (၃) လုံးကို စိုက်ကြည့်လိုက်၏။ သူ့မျက်ဝန်းများထဲတွင် အံ့သြမှင်သက်မှုများနှင့် ပြည့်နှက်နေသည်။</p> <p> </p> <p>“ဒါတွေက... အံ့ဖွယ် အသွင်ပြောင်း ဝိညာဉ်ဆေးလုံး တွေပဲ... ဝိညာဉ်ပင်လယ်အဆင့် ကို ချိုးဖြတ်မယ့် သူတွေနဲ့ ဝိညာဉ်ပင်လယ်အဆင့် အတွင်းမှာ ကျင့်ကြံခြင်း အဆင့်တက်ချင်သူတွေအတွက် သီးသန့် ဖော်စပ်ထားတဲ့ အဆင့်မြင့် ဆေးလုံးတွေ...”</p> <p> </p> <p>ယဲ့ဖုန်း က စကားကို အပိုအလိုမရှိ ပြတ်သားစွာ ပြောလိုက်သည်။</p> <p> </p> <p>“ကောင်းကင်နှင်းရည် ကျဆင်းလာတာနဲ့အမျှ အင်အားကြီး ဂိုဏ်းတွေအားလုံးက လူတွေ အဆင့်ချိုးဖြတ်နေကြပြီ... ငါတို့ မြူခိုးဂိုဏ်း လည်း နောက်ကျကျန်နေခဲ့လို့ မဖြစ်ဘူး...”</p> <p> </p> <p>လီဇီလုံသည် ဆေးလုံးများကို လှမ်းယူလိုက်ပြီး ကျေးဇူးတင်စကား ဆိုရန် ပြင်လိုက်သည်။</p> <p> </p> <p>“ကျေးဇူးတင်နေစရာ မလိုပါဘူး... ခင်ဗျား ဝိညာဉ်ပင်လယ်အဆင့် ကို အောင်မြင်စွာ ချိုးဖြတ်နိုင်ရင် အဲဒါက ကျုပ်အတွက် အကြီးမားဆုံး ကျေးဇူးဆပ်ခြင်းပါပဲ...”</p> <p> </p> <p>ထိုသို့ပြောပြီးနောက် ယဲ့ဖုန်း လှည့်ထွက်သွား၏။</p> <p> </p> <p>ထွက်ခွာသွားသော ကျောပြင်ကို ကြည့်ရင်း လီဇီလုံသည် အံ့ဖွယ် အသွင်ပြောင်း ဝိညာဉ်ဆေးလုံး များကို တင်းကျပ်စွာ ဆုပ်ကိုင်လိုက်မိသည်။ သူ အသက်ပြင်းပြင်း ရှူလိုက်ပြီး မျက်နှာထား တည်ကြည်လေးနက်သွားတော့သည်။</p> <p> </p> <p>‘ဂိုဏ်းချုပ်... စိတ်ချပါ... ဒီ ကောင်းကင်နှင်းရည် ရယ်... အံ့ဖွယ် အသွင်ပြောင်း ဝိညာဉ်ဆေးလုံး (၃) လုံးရယ်... ပြီးတော့ အဆင့်ချိုးဖြတ်နိုင်စွမ်းကို မြှင့်တင်ပေးတဲ့ စွမ်းအား ခိုင်မာစေခြင်း နည်းစနစ် ကို မကြာသေးမီက ကြိုးကြိုးစားစား ကျင့်ကြံထားတာရယ် ပေါင်းစပ်လိုက်ရင်... ကျွန်တော် ဝိညာဉ်ပင်လယ်အဆင့် ကို သေချာပေါက် တက်လှမ်းနိုင်ရမယ်...’</p> <p> </p> <p>သူ မော့ကြည့်လိုက်ပြီး ဆေးလုံး (၃) လုံးစလုံးကို ပါးစပ်ထဲသို့ ပစ်ထည့်လိုက်၏။</p> <p> </p> <p>သူ့ခန္ဓာကိုယ်မှ အရှိန်အဝါများ ပေါက်ကွဲထွက်ပေါ်လာပြီး သွေးကြောများတစ်လျှောက် အဆက်မပြတ် စီးဆင်းသွားကာ ဝိညာဉ်ပင်လယ်အဆင့် သို့ ချိုးဖြတ်ဝင်ရောက်ရန် အားဖြည့်ပေးနေတော့သည်။</p> <p> </p> <p>‘ဝိညာဉ်ပင်လယ်အဆင့် ဆိုတာ ခန္ဓာကိုယ်ထဲက အစစ်အမှန်ယွမ်တွေကို ပင်လယ်ကြီးတစ်စင်းလို ကျယ်ပြောလာအောင် လုပ်ဆောင်ရတာ... ဒါမှ အစစ်အမှန်ယွမ် တွေကို ပိုမို သိုလှောင်နိုင်မယ်... ပြီးတော့ ဝိညာဉ်ပင်လယ် က မျက်ခုံးနှစ်ခုကြားက ဝိညာဉ်အသိပင်လယ် နဲ့ ချိတ်ဆက်ပြီး အဆက်မပြတ် အားဖြည့်ပေးရမယ်... နောက်ဆုံးမှာ အဆင့်မြင့်မားတဲ့ ဝိညာဉ်အာရုံ ကို မွေးဖွားပေးပြီး မူလဝိညာဉ် စုစည်းဖို့အတွက် ခိုင်မာတဲ့ အုတ်မြစ်ချပေးရမယ်...’</p> <p> </p> <p>လီဇီလုံ သည် အဆင့်ချိုးဖြတ်ခြင်း၏ အဓိက သော့ချက်များကို တိတ်တဆိတ် ရွတ်ဆိုလိုက်ပြီး အဆင့်တိုင်းကို အလွန် သတိထားကာ လှမ်းတက်နေ၏။</p> <p> </p> <p>သူ ကျရှုံး၍ မဖြစ်ပေ။</p> <p> </p> <p>အကြောင်းမှာ သူ့ပုခုံးပေါ်တွင် မျှော်လင့်ချက်များစွာကို ထမ်းပိုးထားရသောကြောင့်ပင်။</p> <p> </p> <p>ရန်ယွင် (၁၃) မြို့ မှ သန်းနှင့်ချီသော ပြည်သူများ၏ ပြင်းပြသော မျှော်လင့်ချက်များ၊ ဂိုဏ်းသားများ၏ စောင့်ကြည့်မှုများနှင့် ဂိုဏ်းချုပ် ၏ မှာကြားချက်များ ရှိနေသည်။</p> <p> </p> <p>ထို့ပြင် သွေးနတ်ဆိုး ခန်းမဆောင် ၏ ဖိအားကလည်း ရှိနေသေးသည်။</p> <p> </p> <p>ထိုအချက်များ အားလုံးပေါင်းစပ်လိုက်သောအခါ လီဇီလုံ တစ်ယောက် အခြေအနေကို ပေါ့ပေါ့တန်တန် သဘောမထားရဲတော့ပေ။</p> <p> </p> <p>အဆင့်ချိုးဖြတ်နေသူမှာ လီဇီလုံ တစ်ယောက်တည်း မဟုတ်ပေ။</p> <p> </p> <p>ဟိုယွင်ကျဲ လည်း ပါဝင်သည်။</p> <p> </p> <p>သူသည် ဓာတ်ကြီးငါးပါး စုစည်းခြင်း အဆင့် (၂) အထွတ်အထိပ်သို့ ရောက်ရှိထားပြီး ဖြစ်သည်။ ယခုအခါ (၃) ရက်ဆက်တိုက် ရွာသွန်းနေသော ကောင်းကင်နှင်းရည် ၏ အကူအညီဖြင့် သူ့ကန့်သတ်ချက်ကို စိန်ခေါ်ကာ ဓာတ်ကြီးငါးပါး စုစည်းခြင်း အဆင့် (၃) သို့ တက်လှမ်းရန် ကြိုးစားနေ၏။</p> <p> </p> <p>ကုန်းချင်းချိုး လည်း တံခါးပိတ် ကျင့်ကြံနေ၏။</p> <p> </p> <p>သူမသည် ဓာတ်ကြီးငါးပါး စုစည်းခြင်း အဆင့် (၆) အထွတ်အထိပ်သို့ ရောက်ရှိနေပြီ ဖြစ်ရာ နှစ်တစ်ထောင်မှ တစ်ခါသာ ကြုံရသော ဤအခွင့်အရေးကို အသုံးချပြီး ဓာတ်ကြီးငါးပါး စုစည်းခြင်း အဆင့် (၇) သို့ ထိုးဖောက်ဝင်ရောက်လိုနေသည်။</p> <p> </p> <p>မိုယင်၊ ရှီလေ့၊ ယန်ရူယွီ၊ ချောင်ကျားရှီး၊ လီကျောက်ကျောက်၊ လုံထျန်ရှင်း၊ ကျီဇီလင်း၊ ဝမ်ဖင်းအန်း၊ ရွှီတာလေ...</p> <p> </p> <p>အစ်ကိုကြီး ခေါင်းပြား၊ သံမဏိလက်သည်း နဂါးလင်းယုန်၊ မြေခွေးတာ့ဟုန်...</p> <p> </p> <p>တောင်ထိပ်တွင် စိုက်ပျိုးထားသော နှစ်တစ်ထောင် မီးနဂါးသစ်သီး ကိုင်းဆက် နှင့် ကောင်းကင်ထိ နွယ်ပင်စိမ်း အပါအဝင် အခြားသော ဝိညာဉ်အပင်များကလည်း ကောင်းကင်နှင်းရည် ကို လောဘတကြီး စုပ်ယူနေကြ၏။</p> <p> </p> <p>ဤသည်ကား မည်သူမျှ လက်လွတ်မခံနိုင်သော အခွင့်အရေးကြီး ဖြစ်ပေသည်။</p> <p> </p> <p>ကောင်းကင်ဝါးမြို နတ်ဆိုးဂိုဏ်း တွင် ဖြစ်သည်။</p> <p> </p> <p>နတ်ဆိုးဂိုဏ်းချုပ်ဟောင်း၊ အထွတ်အထိပ် အကြီးအကဲ (၁၂) ဦး၊ လီမိုဟွမ် နှင့် အခြားသူများသည်လည်း မြေပြင်ပေါ်သို့ တက်လာကြပြီး ကောင်းကင်နှင်းရည် ကို စုပ်ယူနေကြသည်။</p> <p> </p> <p>*</p> <p> </p> <p>ထိုစဉ်၊ ချိုင့်ဝှမ်းတစ်ခုတွင် ဖြစ်သည်။</p> <p> </p> <p>ဝိညာဉ်နှုတ် ဆရာသခင် ၏ လူဝင်စား ဖြစ်သော ကျူးယောင်ဖူ သည် ယဇ်ပလ္လင်ပေါ်တွင် တင်ပျဉ်ခွေ ထိုင်နေ၏။ သူ့ဘေးပတ်လည်တွင် ကောင်းကင်နှင်းရည် များ ပြည့်နေသော ကန်များ ဝိုင်းရံထားပြီး သူ့အရှိန်အဝါများက ရူးသွပ်မတတ် မြင့်တက်လာနေသည်။</p> <p> </p> <p>လျူယွင်ဂိုဏ်း တွင် ဖြစ်သည်။</p> <p> </p> <p>တုန်းချန် သည် သူ့ခြံဝင်းထဲတွင် တင်ပျဉ်ခွေ ထိုင်နေသည်။ တုန်းတုန်းချန် ၏ အကူအညီဖြင့် သူ့ပတ်လည်တွင် ဝိညာဉ်ဆွဲဆောင် ဝင်္ကပါ တစ်ခု တည်ဆောက်ထားပြီး အနီးနားရှိ ကောင်းကင်နှင်းရည် အားလုံးကို သူ့ခန္ဓာကိုယ်ထဲသို့ ဆွဲယူနေသဖြင့် ကျင့်ကြံခြင်း အဆင့်များ ပေါက်ကွဲထွက်မတတ် တိုးတက်လာနေ၏။</p> <p> </p> <p>မိုယင် ၏ အိမ်ဟောင်း၊ ရှေးဟောင်း ဝိညာဉ် မျိုးနွယ်စု ၏ ကျွန်းပေါ်တွင် ဖြစ်သည်။</p> <p> </p> <p>ယဇ်ပုရောဟိတ်အိုကြီး နှင့် အခြားသော ဝိညာဉ်သတ္တဝါများသည် ကောင်းကင်နှင်းရည် ဖြင့် ရေချိုးနေကြပြီး သူတို့၏ စွမ်းအားများ အနည်းငယ် တိုးတက်လာသည်ကို တွေ့ရှိလိုက်ကြ၏။</p> <p> </p> <p>“ဒါက သူတော်စင် တစ်ပါးရဲ့ လက်ရာပဲ...”</p> <p> </p> <p>ယဇ်ပုရောဟိတ်အိုကြီး သည် ကောင်းကင်ကို မော့ကြည့်ပြီး အသက်ပြင်းပြင်း ရှူလိုက်သည်။ သူ့မျက်နှာတွင် မိန်းမောနေသော အမူအရာများ ပေါ်နေ၏။</p> <p> </p> <p>ဝိညာဉ်သတ္တဝါများ ဖြစ်လာကတည်းက သူတို့သည် ကျွန်းမှ ထွက်ခွာ၍ မရတော့သလို စွမ်းအားလည်း တိုးတက်လာခြင်း မရှိတော့ပေ။</p> <p> </p> <p>သို့သော် ယခုအခါ သူတော်စင် တစ်ပါးက ကောင်းကင်နှင့် မြေကြီး၏ အနှစ်သာရကို ကောင်းကင်နှင်းရည် အဖြစ် ချပေးလိုက်သဖြင့် သူတို့ မခံစားရသည်မှာ ကြာပြီဖြစ်သော စွမ်းအားတိုးတက်မှု အရသာကို မြည်းစမ်းခွင့် ရလိုက်ကြသည်။</p> <p> </p> <p>မလှမ်းမကမ်းရှိ မြေအောက်လိုဏ်ဂူ တံဆိပ်ခတ်ရာ နေရာတွင် ဖြစ်၏။</p> <p> </p> <p>ကောင်းကင်နှင်းရည် ကျဆင်းလာသည်နှင့်အမျှ အချို့သော ရေများသည် မရေမတွက်နိုင်သော အတားအဆီးများကို ဖြတ်ကျော်ပြီး မြေအောက်လိုဏ်ဂူထဲသို့ စိမ့်ဝင်သွားရာ အချို့သော မြေကမ္ဘာခြား မျိုးနွယ် များ၏ စွမ်းအားကို မြှင့်တင်ပေးလိုက်သလို ဖြစ်သွားသည်။</p> <p> </p> <p>သူတို့သည် ရူးသွပ်သွားကြပြီး အတားအဆီး တံဆိပ်များကို မနားတမ်း ရိုက်နှက် တိုက်ခိုက်နေကြတော့သည်။</p> <p> </p> <p>"ဝုန်း"</p> <p>နောက်ဆုံးတွင် မသိမသာ အက်ကွဲကြောင်းလေးတစ်ခု တံဆိပ်မျက်နှာပြင်ပေါ်တွင် ပေါ်လာခဲ့ပြီး မြေကမ္ဘာခြား မျိုးနွယ် များ၏ တိုက်ခိုက်မှုကြောင့် တဖြည်းဖြည်း ကျယ်ပြန့်လာ၏။</p> <p> </p> <p>တံဆိပ် အက်ကွဲသွားခြင်းသည် အချိန်ကိစ္စသာ ဖြစ်တော့သည်။</p> <p> </p> <p>ခရိုင်ဘုရင်မြို့တော် တွင် ဖြစ်သည်။</p> <p> </p> <p>ယဇ်ပလ္လင် တစ်ခုပေါ်တွင်၊</p> <p> </p> <p>ခရိုင်ဘုရင် သည် လက်ကွက်ဖော်ကာ တင်ပျဉ်ခွေ ထိုင်နေ၏။ သူ့အရှိန်အဝါသည် ကြံ့ခိုင်သန်စွမ်းပြီး စကားဖြင့် ဖော်ပြ၍ မရနိုင်သော လျှို့ဝှက်ဆန်းကြယ်မှုများကို ထုတ်လွှတ်နေသည်။</p> <p> </p> <p>သူ့ခေါင်းအထက်တွင် မှေးမှိန်သော အပြာရင့်ရောင် လူပုံသဏ္ဌာန် အရိပ်တစ်ခု စုစည်းနေသည်။ ပိုမို ခိုင်မာလာသည်နှင့်အမျှ ခရိုင်ဘုရင် ၏ မျက်နှာနှင့် ထပ်တူကျသော မျက်နှာတစ်ခု ပေါ်လာ၏။</p> <p> </p> <p>*</p> <p> </p> <p>မိုင်ရာချီ ဝေးကွာသော နေရာတွင် ဖြစ်သည်။</p> <p> </p> <p>စံအိမ်ကြီးတစ်ခု အတွင်း၌၊</p> <p> </p> <p>ဟန်ရီ နှင့် ဟန်အာ တို့သည် ကောင်းကင်နှင်းရည် ဖြင့် ရေချိုးနေကြပြီး သူတို့၏ မျက်နှာများတွင် ရက်စက်သော အပြုံးများ ပေါ်နေကြသည်။</p> <p> </p> <p>“သိပ်ကောင်းတာပဲကွာ... ကောင်းကင်နှင်းရည် တွေ ကျလာပြီ... ငါတို့ ဒါတွေကို စုဆောင်းပြီး ပြင်ပကမ္ဘာက အစွမ်းထက် နတ်ဆိုးမိစ္ဆာ ကို ဆင့်ခေါ်မယ်... ခရိုင်ဘုရင်မြို့တော် ကို သွေးချောင်းစီးစေမယ်... ပြီးရင် မြူခိုးဂိုဏ်း က အဲဒီ စိတ်ပျက်စရာကောင်းတဲ့ ယဲ့ဖုန်း ကို သွားသတ်ကြတာပေါ့...”</p> <p> </p> <p>ဟန်ရီ သည် ကောင်းကင်ကို မော့ကြည့်လိုက်ပြီး မျက်လုံးများ တဖြည်းဖြည်း မည်းမှောင်လာ၏။</p> <p> </p> <p>မိုင်ထောင်ချီ ဝေးကွာသော နေရာတွင် ဖြစ်သည်။</p> <p> </p> <p>မိုမင်ရှီ သည် မျက်နှာဖုံးပဝါကို ချွတ်လိုက်ပြီး ကောင်းကင်ယံတွင် တင်ပျဉ်ခွေ ထိုင်နေသော ပုံရိပ်ကို ကြည့်ကာ သူမဘေးရှိ နဂါးပြာဘုရင် ကို ပြောလိုက်၏။</p> <p> </p> <p>“အဖေက မူလနတ်ဘုရား အဆင့် ကို ချိုးဖြတ်ဖို့ အရေးကြီးတဲ့ အချိန်ရောက်နေပြီ... ကျွန်မတို့ မကျင့်ကြံရင်တောင် အဖေ့ကို ကာကွယ်ပေးရမယ်...”</p> <p> </p> <p>“မဟာမိတ်ခေါင်းဆောင်ငယ် စိတ်မပူပါနဲ့... မဟာမိတ်ခေါင်းဆောင်ကြီး က အစွမ်းထက်ပြီးသားပါ... အဆင့်ချိုးဖြတ်နေချိန်မှာတောင် သူ့ကို စစ်မှန်သော နဂါးအရှိန်အဝါ က လွှမ်းခြုံထားမှာ... သာမန်ရိုင်းပင် သားရဲလောက်က သူ့ကို ခြိမ်းခြောက်နိုင်မှာ မဟုတ်ပါဘူး...”</p> <p>ဟု နဂါးပြာဘုရင် က လေးနက်သော အသံဖြင့် ပြန်ဖြေလိုက်၏။</p> <p> </p> <p>*မိုင်သောင်းချီ ဝေးကွာသော နေရာ၊</p> <p> </p> <p>မြင့်မြတ်သော လေဓားဂိုဏ်း ၌ ဖြစ်သည်။</p> <p> </p> <p>ဓားကလေး မူရူရွှယ် သည် ဓားကို ကိုင်ဆောင်ကာ ကောင်းကင်ထက်တွင် ကခုန်နေ၏။ သူမ၏ အရှိန်အဝါသည် တရိပ်ရိပ် မြင့်တက်လာနေ၏။ ပေါ့ပေါ့ပါးပါး ဓားဝှေ့ယမ်းမှု တစ်ချက်ကပင် ကောင်းကင်ကို ခွဲခြမ်းနိုင်ပြီး လူကို တုန်လှုပ်သွားစေနိုင်သော စူးရှအေးစက်သည့် ဓားအလင်းတန်းကို ဖြစ်ပေါ်စေသည်။</p> <p> </p> <p>ခဏအကြာတွင် သူမ ကခုန်ခြင်းကို ရပ်တန့်လိုက်ပြီး လေနှင့် မိုးရေများကြားတွင် မတ်တပ်ရပ်နေလိုက်သည်။</p> <p> </p> <p>“ကောင်းကင်နဲ့ မြေကြီးရဲ့ ထူးခြားဖြစ်စဉ်က နောက်ဆုံးတော့ ရောက်လာခဲ့ပြီပဲ... ဂိုဏ်းချုပ်၊ အထွတ်အထိပ် အကြီးအကဲ၊ မဟာအကြီးအကဲ နဲ့ တခြားသူတွေ အားလုံး အဆင့်ချိုးဖြတ်ဖို့ တံခါးပိတ် ကျင့်ကြံနေကြပြီ... ဒီအချိန်မှာ အစွမ်းထက်တဲ့သူ တစ်ယောက်ယောက်ကများ လာတိုက်ခိုက်ရင် တောင်ပိုင်းမြစ်ဝှမ်း ဒေသ တစ်ခုလုံး အန္တရာယ် ရှိနိုင်တယ်...”</p> <p> </p> <p>မူရူရွှယ် ညင်သာစွာ သက်ပြင်းချလိုက်သည်။</p> <p> </p> <p>ထို့နောက်၊ မြူခိုးဂိုဏ်း ရှိရာဘက်သို့ လှမ်းမျှော်ကြည့်ရင်း ပုံရိပ်တစ်ခုကို မြင်ယောင်လိုက်မိသည်။</p> <p> </p> <p>မြူခိုးတောင်ထိပ် ပေါ်တွင် တိတ်ဆိတ်စွာ ရပ်လျက် တပည့်များကို လေဒဏ်မိုးဒဏ်မှ ကာကွယ်ပေးနေသော မြင့်မားသည့် ပုံရိပ်တစ်ခု။</p> <p> </p> <p> </p> <p> “ဒီမိုး ရွာပြီးရင်... သူ့ရဲ့ စွမ်းအားတွေက ပိုပြီး ခန့်မှန်းရခက်လာတော့မှာပဲ...”</p> <p> </p> <p>သူမ တီးတိုးရေရွတ်လိုက်ပြီးနောက် အမြင့်ဆုံးအဆင့်သို့ ချိုးဖြတ်ဝင်ရောက်ရန် အပြစ်ပေးခုံရုံး တောင်ထိပ် ပေါ်တွင် တင်ပျဉ်ခွေ ထိုင်ကာ တံခါးပိတ် ကျင့်ကြံလိုက်လေတော့သည်။</p> <p> </p> <p>ကောင်းကင်နှင်းရည် သည် (၃) ရက် (၃) ည တိုင်တိုင် ရွာသွန်းခဲ့၏။</p> <p> </p> <p>လျှို့ဝှက်ဆန်းကြယ် နိုင်ငံတော် အတွင်းရှိ တောင်များနှင့် မြစ်များအားလုံး ကောင်းကင်နှင်းရည် များနှင့် ပြည့်လျှံနေပြီး ပေါများကြွယ်ဝသော ဝိညာဉ်စွမ်းအင်များကို ထုတ်လွှတ်နေကြသည်။</p> <p> </p> <p>ကောင်းကင်နှင်းရည် ကို မျိုချမိသော သာမန်ငါးအချို့၏ မျက်လုံးများမှာ တက်ကြွလာကြသည်။ သူတို့၏ မှတ်ဉာဏ်သည် (၇) စက္ကန့်မျှသာ မဟုတ်တော့ဘဲ ပိုမို များပြားသော အရာများကို မှတ်မိလာကြသည်။</p> <p> </p> <p>အချို့သော ငါးများမှာမူ အသွင်ပြောင်းလဲမှုကို ကြုံတွေ့ရပြီး ရေပန်းများ မှုတ်ထုတ်ကာ သားကောင်များကို ထိုးဖောက်တိုက်ခိုက်နိုင်လာကြသည်။ အခြေခံအားဖြင့် အဆင့်နိမ့် နတ်ဆိုးသားရဲ များ ဖြစ်လာကြခြင်းပင်။</p> <p> </p> <p>မြူခိုးဂိုဏ်း တွင် ဖြစ်သည်။</p> <p> </p> <p>ပတ်ဝန်းကျင်ရှိ တောင်များနှင့် မြစ်များတွင် ဝိညာဉ်သွေးကြော အသစ်များ မွေးဖွားလာခြင်း မရှိသော်လည်း ဝိညာဉ်စွမ်းအင် ဝဲကတော့ များ သိသိသာသာ ကျယ်ပြန့်လာကြောင်း ယဲ့ဖုန်း တွေ့ရှိလိုက်ရသည်။ ၎င်းတို့ ထုတ်လွှတ်သော ဝိညာဉ်စွမ်းအင် သိပ်သည်းဆသည် အသေးစား ဝိညာဉ်သွေးကြော များထက် မလျော့နည်းပေ။</p> <p> </p> <p>မြူခိုးဂိုဏ်း အတွင်းရှိ ဝိညာဉ်သွေးကြော (၄) ခုစလုံးပင်လျှင် အသွင်ပြောင်းလဲမှုကို ကြုံတွေ့ခဲ့ရပုံရပြီး ထုတ်လွှတ်သော ဝိညာဉ်စွမ်းအင် သိပ်သည်းဆ များစွာ မြင့်တက်လာ၏။</p> <p> </p> <p>အသေးစား ဝိညာဉ်သွေးကြော (၂) ခု၏ ဝိညာဉ်စွမ်းအင် သိပ်သည်းဆသည် နှစ်ဆ တိုးလာသည်။</p> <p> </p> <p>ကျန်ရှိသော ဝိညာဉ်စမ်းရေတွင်း (၂) ခုသည်လည်း ဝိညာဉ်စွမ်းအင် အရည်အသွေးနှင့် သိပ်သည်းဆ တိုးတက်လာခဲ့သည်။ နှစ်ဆ မတိုးသော်လည်း များစွာ ကွာခြားခြင်း မရှိတော့ပေ။</p> <p> </p> <p>ဤအရာအားလုံးသည် ရှေးဟောင်း သူတော်စင် ကျောင်းယန် ၏ ကောင်းချီးပေးမှုကြောင့်ပင် ဖြစ်သည်။</p> <p> </p> <p>“သိပ်ကောင်းတာပဲ...”</p> <p> </p> <p>ယဲ့ဖုန်း ပြုံးလိုက်သည်။</p> <p> </p> <p>“ဝှစ်...”</p> <p> </p> <p>ထိုအချိန်မှာပင် ဖေးလိုင်တောင်ထိပ် ပေါ်မှနေ၍ လီဇီလုံ ၏ ခန္ဓာကိုယ်သည် လေထဲသို့ ပျံတက်လာ၏။ သူ့ပတ်လည်တွင် ကျဆင်းနေသော ကောင်းကင်နှင်းရည် များသည် တုန်ခါသွားပြီး မြူခိုးများအဖြစ် ပြောင်းလဲကာ သူ့ဘေးပတ်လည်တွင် လျင်မြန်စွာ လည်ပတ်နေကြသည်။ သူ့ကို ပိုမို မြင့်မားသော နေရာသို့ မ,တင်ပေးနေသကဲ့သို့ ပတ်ဝန်းကျင်ရှိ ဝိညာဉ်စွမ်းအင်များလည်း ပိုမို သိပ်သည်းလာ၏။</p> <p> </p> <p>“သူ အဆင့်ချိုးဖြတ်တော့မှာလား...”</p> <p> </p> <p>ယဲ့ဖုန်း အစပိုင်းတွင် အံ့သြသွားသော်လည်း ချက်ချင်းပင် ဝမ်းသာသွား၏။</p> <p> </p> <p>သူ စနစ် ကို အမြန် မေးမြန်းကြည့်လိုက်ရာ လီဇီလုံ ၏ အောင်မြင်နိုင်ချေသည် (၉၀) ရာခိုင်နှုန်းကျော်အထိ ရောက်ရှိနေကြောင်း သိလိုက်ရသည်။</p> <p> </p> <p>“ကောင်းကင်နှင်းရည် ကျဆင်းလာတာနဲ့အမျှ ကျင့်ကြံခြင်း အဆင့်ချိုးဖြတ်နိုင်တဲ့ အောင်မြင်နိုင်ချေက အများကြီး တိုးတက်လာတာပဲ... ပုံမှန်အချိန်ဆိုရင် လီဇီလုံ ရဲ့ အောင်မြင်နိုင်ချေက (၅၀) ရာခိုင်နှုန်းတောင် ကျော်မှာ မဟုတ်ဘူး...”</p> <p> </p> <p>ယဲ့ဖုန်း တောင်ထိပ်ပေါ်တွင် ရပ်လျက် လီဇီလုံ ၏ အဆင့်ချိုးဖြတ်မှုကို စောင့်ကြည့်နေလိုက်သည်။</p> <p> </p> <p>*</p> <p> </p> <p>မိုင်ပေါင်း ဒါဇင်ချီ ဝေးကွာသော နေရာတွင် ၊</p> <p> </p> <p>သွေးနီရောင် ဝတ်ရုံကို ဝတ်ဆင်ထားသော လူတစ်ယောက်သည် မော့ကြည့်လိုက်ရာ ဖေးလိုင်တောင်ထိပ် ဆီမှ ပေါက်ကွဲထွက်ပေါ်လာသော အားကောင်းသည့် အရှိန်အဝါကို သတိပြုမိလိုက်သဖြင့် မျက်လုံးအိမ်များ ကျဉ်းမြောင်းသွား၏။</p> <p> </p> <p>“မြူခိုးဂိုဏ်း က တစ်ယောက်ယောက် ဝိညာဉ်ပင်လယ်အဆင့် ကို တက်လှမ်းသွားတာလား...”</p> <p> </p> <p>ထိုလူသည် မျက်မှောင်ကြုတ်လိုက်မိသည်။ ပြဿနာတက်တော့မည့် အငွေ့အသက်ကို ခံစားလိုက်ရသောကြောင့် ဖြစ်ပေသည်။</p> <p> </p> <p> </p> <p> </p> <p> </p>


Save