Book List

<h2 style="text-align: center;">အခန်း (၆၉၁)</h2> <h2 style="text-align: center;">ပိုင်ချင်းကျွယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ဝင်္ကပါပင်လယ်နယ်မြေ၊ ကျူးကော့မိသားစု။</p> <p> </p> <p>ယနေ့တွင် ကျူးကော့မိသားစု၏ စံအိမ်တော်ကြီးမှာ ထူးခြားဆန်းပြားသော လေထုဖြင့် ဖုံးလွှမ်းနေ၏။</p> <p> </p> <p> </p> <p> </p> <p> </p> <p>အကြောင်းမူကား ၊ အလွန်တရာမှ အဆင့်အတန်းမြင့်မားသော ဂုဏ်သရေရှိ ဧည့်သည်တော် တစ်ဦးကို ကြိုဆိုနေရခြင်းကြောင့်ပင် ဖြစ်သည်။</p> <p> </p> <p> </p> <p> </p> <p>ထိုဧည့်သည်တော် ရောက်ရှိလာမှုမှာ ကျူးကော့မြို့အတွင်းရှိ ကျင့်ကြံသူများ အားလုံးအတွက် ပြောစမှတ်တွင်စရာ မြင်ကွင်းကြီးတစ်ခု ဖြစ်သွားခဲ့ရ၏။</p> <p> </p> <p> </p> <p>ကျူးကော့မိသားစု စံအိမ်တော်အပြင်ဘက်ရှိ လမ်းမကြီးပေါ်တွင်လည်း စပ်စုချင်ကြသော လူအုပ်ကြီးမှာ ပုရွက်ဆိတ်အုံသဖွယ် ပြည့်နှက်နေတော့သည်။</p> <p> </p> <p>ကျူးကော့မိသားစုသို့ ကြွရောက်လာသော ထိုဂုဏ်သရေရှိ ဧည့်သည်တော်မှာ အခြားသူမဟုတ်၊ နတ်ဘုရားဘုရင်နန်းတော်၏ တတိယမြောက် အကြီးအကဲ ပိုင်ချင်းကျွယ် ပင် ဖြစ်၏။</p> <p> </p> <p>နတ်ဘုရားဘုရင်နန်းတော်၏ တတိယအကြီးအကဲ ဖြစ်သကဲ့သို့ အဆင့် (၇) လက်နက်သွန်းလုပ်ခြင်း သခင်ကြီးတစ်ဦးလည်း ဖြစ်သည့်အပြင်၊ သူ၏ ကျင့်ကြံခြင်းမှာ နတ်ဘုရားအသွင်ပြောင်းဘုံ တတိယအလွှာသို့ပင် ရောက်ရှိနေပြီ ဖြစ်သည်။</p> <p> </p> <p> </p> <p> </p> <p>ပိုင်ချင်းကျွယ်၏ ခွန်အားမှာ ကြီးမြတ်သလို.. တိုက်ကြီးပေါ်ရှိ ထိပ်တန်းပုဂ္ဂိုလ်ကြီးများထဲမှ တစ်ဦးလည်း ဖြစ်သည်။ သူသည် ခြေတစ်ချက် ဆောင့်လိုက်ရုံနှင့်ပင် တိုက်ကြီးတစ်ခုလုံးကို လှုပ်ခါစေသော ဖြစ်တည်မှုမျိုးပင်။</p> <p> </p> <p>ဤမျှ မြင့်မြတ်လှသော ပုဂ္ဂိုလ်ကြီး ကျူးကော့မြို့ရှိ ကျူးကော့မိသားစုသို့ ရောက်ရှိလာခြင်းမှာ တစ်မြို့လုံးကို ရုတ်ရုတ်သဲသဲ ဖြစ်သွားစေခဲ့ခြင်း ဖြစ်သည်။ သို့သော် ပိုင်ချင်းကျွယ်၏ ဟန်ပန်မှာမူ အလွန်ပင် ယဉ်ကျေးပျူငှာလှသည်။</p> <p> </p> <p>ကျူးကော့မိသားစု၏ မိသားစုခေါင်းဆောင်နှင့် အကြီးအကဲများမှာမူ ယခင်က အိပ်မက်ပင် မမက်ဝံ့ခဲ့သော ကိစ္စကြီး ပေါ်ပေါက်လာသဖြင့် အံ့အားသင့်မှု၊ တုန်လှုပ်မှုတို့နှင့်အတူ  ဝမ်းသာပီတိဖြစ်နေကြရ၏။ သူတို့သည် မြို့အတွင်းရှိ မရေမတွက်နိုင်သော လူအုပ်ကြီး၏ ရှေ့မှောက်တွင် ပိုင်ချင်းကျွယ်ကို ကိုယ်တိုင်ကိုယ်ကျ ထွက်၍ ကြိုဆိုခဲ့ကြ၏။ ဒါက  ကျူးကော့မိသားစုအတွက် တကယ့်ကို မျက်နှာပွင့်စရာ ကိစ္စကြီးတစ်ခုပင်။</p> <p> </p> <p>ကျူးကော့မြို့ရှိ အင်အားကြီးမိသားစုများနှင့် ကျင့်ကြံသူများ အားလုံးမှာလည်း မနာလိုအားကျနေသော အကြည့်များဖြင့် ငေးကြည့်နေကြရတော့သည်။ နတ်ဘုရားဘုရင်နန်းတော်နှင့် ပတ်သက်ခွင့် ရလိုက်သည်ဆိုကတည်းက ဤဘဝတွင် ထိပ်တန်းသို့ တက်လှမ်းရန် အခွင့်အရေးကို လက်ဝယ်ပိုင်ပိုင် ရရှိသွားပြီဟု လူတိုင်းက သိရှိထားကြသောကြောင့်ပင်။</p> <p> </p> <p>ကျူးကော့မိသားစု၏ ခန်းမဆောင်ကြီးအတွင်း၌ မိသားစု ခေါင်းဆောင်သည် ပိုင်ချင်းကျွယ်ကို အစွန်းရောက်သော ရိုသေမှုများဖြင့် ဧည့်ခံနေပြီး စပါးလုံး တစ်ထောက်စာမျှပင် အမှားအယွင်းမရှိစေရန် ဂရုစိုက်နေလေ၏။ သို့ဖြစ်သော်ငြားလည်း မိသားစုခေါင်းဆောင်မှာ လူနုံတစ်ယောက် မဟုတ်ပါချေ။ မိမိတို့ ကျူးကော့မိသားစုနှင့် နတ်ဘုရားဘုရင်နန်းတော်မှာ မည်သည့် ပတ်သက်မှုမျှ မရှိခဲ့ဘဲ ပိုင်ချင်းကျွယ် ရုတ်တရက် ရောက်လာခြင်းမှာ တစ်စုံတစ်ခုသော ရည်ရွယ်ချက် ရှိလိမ့်မည်ဟု သူကောင်းစွာ ရိပ်မိထားသည်။</p> <p> </p> <p>မိသားစု ခေါင်းဆောင်က ရိုသေစွာဖြင့် ဆိုလိုက်၏။</p> <p>"တတိယအကြီးအကဲ... လက်ဖက်ရည်လေး သောက်ပါဦး ခင်ဗျာ"</p> <p> </p> <p>ပိုင်ချင်းကျွယ်က ခပ်ပြုံးပြုံးဖြင့် တုံ့ပြန်လိုက်သည်။</p> <p>"ခေါင်းဆောင်ကြီး... အဲဒီလောက်အထိ အားနာနေဖို့ မလိုပါဘူး။ တခြားအကြီးအကဲတွေလည်း ထိုင်ကြပါဦးဗျာ။ အရမ်းကြီး စည်းကမ်းကြီးနေဖို့ မလိုပါဘူး"</p> <p> </p> <p>သူ၏ ဟန်ပန်မှာ အလွန်ပင် ယဉ်ကျေးသိမ်မွေ့နေပြီး အဆင့်မြင့်အကြီးအကဲတစ်ဦး၏ မာန်မာနများ လုံးဝ မပါဝင်ချေ။</p> <p> </p> <p>"တတိယအကြီးအကဲကို ကျေးဇူးအများကြီး တင်ပါတယ် ခင်ဗျာ"</p> <p>အကြီးအကဲများမှာ အံ့အားသင့်မှုနှင့်အတူ ကျေးဇူးတင်စကား ဆိုလိုက်ကြရသည်။ ပိုင်ချင်းကျွယ်၏ ရှေ့မှောက်တွင် သူတို့မှာ အကြီးအကျယ် ရိုသေနေကြရရုံသာမက အနည်းငယ်မျှပင် မပေါ့ဆရဲကြပါချေ။</p> <p> </p> <p>ကျူးကော့မိသားစုခေါင်းဆောင်က ပွင့်ပွင့်လင်းလင်းပင် မေးမြန်းလိုက်၏။</p> <p>"တတိယအကြီးအကဲ ခင်ဗျာ... ကျွန်တော်တို့ ကျူးကော့မိသားစုကို ခုလို ကြွရောက်ချီးမြှင့်တာ ဘာကိစ္စများ ရှိလို့လဲဆိုတာ သိပါရစေ။ ကျွန်တော်တို့ တတ်နိုင်တဲ့ ဘယ်ကိစ္စကိုမဆို ငြင်းမှာ မဟုတ်ပါဘူး ခင်ဗျာ"</p> <p> </p> <p>ပိုင်ချင်းကျွယ်က ခေါင်းကို အသာအယာ ညိတ်ပြရင်း ၊</p> <p>"တကယ်တော့ တခြားတော့ မဟုတ်ပါဘူးဗျာ။ ကျွန်တော် ဒီကိုလာတာက မော့လင်အာ ကို လာခေါ်တာပါ။ နန်းတော်သခင်ကိုယ်တိုင်က မော့လင်အာ ကို တော်တော်လေး သဘောကျနေတာမို့လို့... ဒီကိစ္စကို ခေါင်းဆောင်ကြီးနဲ့ ဆွေးနွေးဖို့ ကျွန်တော့်ကို လွှတ်လိုက်တာပါ"</p> <p> </p> <p>"မော့လင်အာ ဟုတ်လား..."</p> <p>ထိုစကားကို ကြားလိုက်ရသောအခါ မိသားစုခေါင်းဆောင်နှင့် အကြီးအကဲများမှာ  တုန်လှုပ်သွားကြရသည်။ နတ်ဘုရားဘုရင်နန်းတော်၏ မိသားစုခေါင်းဆောင်ကိုယ်တိုင်က မော့လင်အာကို သတိပြုမိနေသည် တဲ့လား။</p> <p> </p> <p>"ဟုတ်ပါတယ်... သခင်လေးကျူးကော့နဲ့ အတူတူရှိနေတဲ့ မိန်းကလေးလေ။ နန်းတော်သခင်က ပြောလိုက်ပါသေးတယ်။ ခေါင်းဆောင်ကြီးဘက်ကသာ သဘောတူမယ်ဆိုရင်... သခင်လေးကျူးကော့ကိုလည်း နတ်ဘုရားဘုရင်နန်းတော်ရဲ့ တပည့်တစ်ယောက်အဖြစ် လက်ခံပေးမယ်တဲ့ဗျာ"</p> <p> </p> <p>ကျူးကော့မိသားစုခေါင်းဆောင်မှာ ချက်ချင်းပင် အတိုင်းအဆမဲ့သော ဝမ်းသာအားရမှုများဖြင့် မျက်နှာတစ်ခုလုံး ဝင်းပသွားတော့သည်။</p> <p>"ကောင်းလိုက်လေဗျာ... တကယ့်ကို ကောင်းတဲ့သတင်းပဲ။ နန်းတော်သခင်ကိုယ်တိုင်က မိန့်ကြားသလို... တတိယအကြီးအကဲ ကိုယ်တိုင်လည်း ကြွလာတာဆိုတော့... ကျွန်တော့်ဘက်က ငြင်းစရာ အကြောင်း လုံးဝ မရှိပါဘူး ခင်ဗျာ"</p> <p> </p> <p>ပိုင်ချင်းကျွယ်ကလည်း 'မင်း လူတတ်ပဲ' ဆိုသည့် အကြည့်မျိုးဖြင့် ခေါင်းညိတ်ပြ၏။ အကယ်၍ ကျူးကော့လျန်ချန်သာ နတ်ဘုရားဘုရင်နန်းတော်၏ တပည့် ဖြစ်သွားမည်ဆိုပါက ကျူးကော့မိသားစု၏ အဆင့်အတန်းမှာ ကောင်းကင်ယံအထိ ထိုးတက်သွားမည်မှာ မြေကြီးလက်ခတ်မလွဲပင်။</p> <p> </p> <p>အကြီးအကဲများမှာလည်း အိပ်မက် မက်နေသည့်အလား ခံစားနေကြရရင်း ဝမ်းသာပီတိ ဖြစ်နေကြတော့သည်။</p> <p> </p> <p>"တတိယအကြီးအကဲ ခင်ဗျာ... ခဏလေး စောင့်ပေးပါဦး။ ကျွန်တော် အခုချက်ချင်းပဲ လင်အာ နဲ့ လျန်ချန် ကို လာခိုင်းလိုက်ပါ့မယ်"</p> <p>မိသားစုခေါင်းဆောင်က စိတ်လှုပ်ရှားစွာဖြင့် အော်ဟစ်လိုက်၏။ ဒါက  ကျူးကော့မိသားစုအတွက် ရခဲလှသော အခွင့်အရေးကြီး ဖြစ်သဖြင့် လုံးဝ အလွတ်မခံနိုင်ပါချေ။</p> <p> </p> <p>ထိုအခိုက်အတန့်၌ အခန်းအတွင်း ကျင့်ကြံနေသော မော့လင်အာမှာ နတ်ဘုရားဘုရင်နန်းတော်၏ တတိယအကြီးအကဲ ကိုယ်တိုင် ရောက်ရှိနေကြောင်း ကြားလိုက်ရသဖြင့် အလွန် အံ့အားသင့်သွားရ၏။</p> <p> </p> <p> </p> <p> </p> <p> </p> <p> ဤမျှ အစွမ်းထက်လှသော အင်အားစုကြီးက သူမကို အဘယ်ကြောင့် စိတ်ဝင်စားရသနည်း ဆိုသည်မှာ သူမအတွက်တော့ ပဟေဠိပင်။ သို့သော်လည်း လျှို့ဝှက်ပုဂ္ဂိုလ်ကြီး ပြောခဲ့သော စကားများကို သတိရလိုက်သည်နှင့် တစ်ပြိုင်နက် သူမ၏ မျက်ဝန်းများ ဝင်းပသွားကာ အပြင်သို့ အပြေးအလွှား ထွက်လာခဲ့တော့သည်။</p> <p> </p> <p>တစ်ဖက်တွင်လည်း ကျူးကော့လျန်ချန်မှာ နတ်ဘုရားဘုရင်နန်းတော်၏ တပည့်အဖြစ် လက်ခံခြင်း ခံရမည်ကို သိလိုက်ရသဖြင့် ဝမ်းသာအားရ ခုန်ပေါက်နေတော့သည်။ လူတိုင်း အိပ်မက်မက်နေရသော အခွင့်အရေးကြီးက သူ၏ လက်ထဲသို့ အလိုအလျောက် ကျရောက်လာခြင်းပင် မဟုတ်ပါလော။</p> <p> </p> <p>ခန်းမဆောင်ကြီးအတွင်းသို့ ကျူးကော့လျန်ချန်နှင့် မော့လင်အာတို့ ဝင်ရောက်လာကြ၏။</p> <p> </p> <p>"မော့လင်အာနဲ့ ကျူးကော့လျန်ချန်... တတိယအကြီးအကဲကို ဂါရဝပြုပါတယ် ခင်ဗျာ"</p> <p>သူတို့နှစ်ဦးစလုံးမှာ ရိုသေစွာဖြင့် ဦးညွှတ်နှုတ်ဆက်လိုက်ကြ၏။ ပိုင်ချင်းကျွယ်ကို ကိုယ်တိုင် မြင်တွေ့လိုက်ရသောအခါမှသာ အရာအားလုံးမှာ အစစ်အမှန် ဖြစ်ကြောင်း သူတို့ အပြည့်အဝ ယုံကြည်သွားကြလေတော့သည်။</p> <p> </p> <p>ပိုင်ချင်းကျွယ်က သူတို့နှစ်ဦးကို အကဲခတ်ကြည့်ရင်း ကျေနပ်သည့်ဟန်ဖြင့် ခေါင်းညိတ်လိုက်ပြီး သူ၏ အိုမင်းနေသော မျက်နှာပေါ်တွင် အပြုံးတစ်ခု ပေါ်လွင်လာသည်။</p> <p> </p> <p> </p> <p>သို့သော် သူ၏ အကြည့်များက မော့လင်အာထံသို့ ကျရောက်သွားသည့်အခါတွင်မူ... ပိုင်ချင်းကျွယ်၏ မျက်ဝန်းများထဲတွင် မသိမသာသော ရိုသေမှု အရိပ်အယောင်တစ်ခု ဖြတ်ပြေးသွားသည်။</p> <p> </p> <p>"မင်းတို့လည်း အကုန်လုံး ကြားပြီးလောက်ပြီ ထင်ပါတယ်။ ဒါပေမဲ့ ငါကတော့ မင်းတို့ရဲ့ ဆုံးဖြတ်ချက်ကို ကိုယ်တိုင် မေးချင်သေးတယ်။ မင်းတို့ရဲ့ ရွေးချယ်မှုကို ငါကတော့ အလေးထားပါတယ်"</p> <p>ပိုင်ချင်းကျွယ်က ခပ်ပြုံးပြုံးဖြင့် ဆိုလိုက်၏။</p> <p> </p> <p>ကျူးကော့လျန်ချန်က သူ၏ စိတ်လှုပ်ရှားမှုများကို မထိန်းနိုင်တော့ပေ။</p> <p> </p> <p> </p> <p>"လက်ခံပါတယ် ခင်ဗျာ။ နတ်ဘုရားဘုရင်နန်းတော်မှာ ပညာသင်ခွင့် ရတာက ကျွန်တော်တို့အတွက်တော့ ဂုဏ်ယူစရာကြီးပါပဲ"</p> <p> </p> <p>"တတိယအကြီးအကဲ... လင်အာလည်း ဆုံးဖြတ်ချက် ချပြီးပါပြီ"</p> <p>မော့လင်အာကလည်း ခေါင်းညိတ်ပြလိုက်၏။</p> <p> </p> <p>"ကောင်းပြီလေ..."</p> <p>ပိုင်ချင်းကျွယ်က ထပ်မံ၍ ခေါင်းညိတ်လိုက်သည်။</p> <p> </p> <p>ထို့နောက် သူက ကျူးကော့မိသားစုခေါင်းဆောင်ဘက်သို့ လှည့်ကာ ပစ္စည်းအချို့ကို စားပွဲပေါ်တွင် တင်လိုက်ရင်း ပြုံးကာ ပြောလိုက်၏။</p> <p> </p> <p>"ခေါင်းဆောင်ကြီး... ဒီစာလိပ်  သုံးခုကတော့ မြေကမ္ဘာအဆင့် ကျင့်စဉ်တွေနဲ့ သိုင်းကွက်တွေပါ။ ပြီးတော့ ဒါက အဆင့်နိမ့် အင်မော်တယ်လက်နက် တစ်ခုပေါ့။ ဒါတွေကို ခေါင်းဆောင်ကြီး သေသေချာချာ သိမ်းထားလိုက်ပါ။ ဒါက ကျုပ်တို့ နန်းတော်သခင်ရဲ့ စေတနာပဲ"</p> <p> </p> <p>"မြေကမ္ဘာအဆင့် ကျင့်စဉ်တွေနဲ့... အင်မော်တယ်လက်နက် တစ်ခု ဟုတ်လား..."</p> <p>မိသားစုခေါင်းဆောင်နှင့် အကြီးအကဲများမှာ အကြီးအကျယ် တုန်လှုပ်သွားကြပြီး နေရာတင် မှင်သက်သွားကြလေတော့သည်။ အင်မော်တယ်လက်နက်ကို ဆုလာဘ်အဖြစ် ပေးသနားသည် တဲ့လား။</p> <p> </p> <p>ကျူးကော့လျန်ချန်နှင့် မော့လင်အာတို့မှာလည်း ဆွံ့အသွားကြရ၏။ မြေကမ္ဘာအဆင့် ကျင့်စဉ်ဆိုသည်မှာပင် ခဲယဉ်းလှသော်လည်း... အင်မော်တယ်လက်နက်ကိုပါ လက်ဆောင်ပေးသည်ဆိုခြင်းမှာ တကယ့်ကို မယုံနိုင်စရာပင်။ ၎င်းမှာ တိုက်ကြီးပေါ်ရှိ ကျင့်ကြံသူတိုင်း အိပ်မက်မက်နေကြရသော ရတနာကြီး မဟုတ်ပါလော။ တိုက်ကြီး၏ အစွမ်းအထက်ဆုံး အင်အားစု ဖြစ်သည့်အတိုင်း သူတို့၏ ရက်ရောမှုမှာ တကယ့်ကို ကြီးမားလှသည်။</p> <p> </p> <p>"နတ်ဘုရားဘုရင်နန်းတော်သခင်ကို ကျေးဇူးအများကြီး တင်ပါတယ် ခင်ဗျာ။ ကျေးဇူးအထူး တင်ရှိပါတယ်"</p> <p>မိသားစုခေါင်းဆောင်က အဆက်မပြတ် ကျေးဇူးတင်စကား ဆိုနေမိတော့သည်။</p> <p> </p> <p> </p> <p>သူ အိပ်မက်ထဲတွင်ပင် မမျှော်လင့်ရဲခဲ့သော အင်မော်တယ်လက်နက်ကို ယခုအခါ ပိုင်ဆိုင်ခွင့် ရလိုက်ပြီ မဟုတ်ပါလော။ သူသည် အိပ်မက် မက်နေသည်ဟုသာ ခံစားနေရပြီး အကယ်၍ အိပ်မက်ဖြစ်လျှင်ပင် မနိုးထချင်တော့ပါချေ။</p> <p> </p> <p>"ခေါင်းဆောင်ကြီး... ကျွန်တော် သူတို့ကို ခေါ်ပြီး ပြန်သွားရဦးမယ်။ အချိန် သိပ်မရလို့ ဒီမှာ အကြာကြီး မနေတော့ဘူးနော်"</p> <p>ပိုင်ချင်းကျွယ်က ညင်သာစွာ ဆိုလိုက်၏။</p> <p> </p> <p>"ဟုတ်ကဲ့... ဟုတ်ကဲ့ပါ ခင်ဗျာ။ တတိယအကြီးအကဲ... ကြွပါ ခင်ဗျာ"</p> <p>မိသားစုခေါင်းဆောင်က အကြီးအကျယ် ရိုသေစွာဖြင့် ခေါင်းကို တရစပ် ညိတ်ပြနေလေတော့သည်။ ပိုင်ချင်းကျွယ် ရောက်ရှိလာမှုကပင် ကျူးကော့မိသားစုအတွက် ကြီးမားလှသော ဂုဏ်ကျက်သရေကို ရရှိစေခဲ့ပြီ ဖြစ်ရာ မိသားစုခေါင်းဆောင်က အကြာကြီး မနေခိုင်းရဲတော့ပါချေ။</p> <p> </p> <p>"လျန်ချန်... တတိယအကြီးအကဲရဲ့ ယုံကြည်မှုကို အလွဲသုံးစား မလုပ်နဲ့နော်။ ပြဿနာတွေလည်း မရှာနဲ့ဦး"</p> <p>မိသားစုခေါင်းဆောင်က သူ၏သားကို အသည်းအသန် မှာကြားလိုက်၏။</p> <p> </p> <p>"အဖေ စိတ်ချပါ။ ကျူးကော့မိသားစုရဲ့ မျက်နှာကိုလည်း အပျက်မခံသလို... တတိယအကြီးအကဲကိုလည်း စိတ်ပျက်အောင် မလုပ်ပါဘူး"</p> <p>ကျူးကော့လျန်ချန်က ခိုင်မာစွာ အာမခံလိုက်လေ၏။ ဒါက  သူ၏ ဘဝအတွက် အကောင်းဆုံးသော အခွင့်အရေးကြီး ဖြစ်ကြောင်း သူကောင်းစွာ သိရှိထားသည်။</p> <p> </p> <p>"မင်းရဲ့ ပါရမီနဲ့ဆိုရင်... နောင်တစ်ချိန်မှာ ကြီးကျယ်တဲ့ ပုဂ္ဂိုလ်တစ်ယောက် ဖြစ်လာမှာပါ"</p> <p>ပိုင်ချင်းကျွယ်က ချီးကျူးစကား ဆိုလိုက်၏။</p> <p> </p> <p>"တတိယအကြီးအကဲ စိတ်ချပါ။ ကျွန်တော် ကြိုးစားပြီး ကျင့်ကြံပါ့မယ်"</p> <p>ကျူးကော့လျန်ချန်က ရိုသေစွာ တုံ့ပြန်လိုက်သည်။</p> <p> </p> <p>သို့သော် ကျူးကော့လျန်ချန်၏ ရင်ထဲတွင်မူ ကောက်ကျစ်လှသော အပြုံးတစ်ခုနှင့်အတူ အမုန်းတရားများက တောက်လောင်နေ၏။</p> <p>'ဖုန်းဝူချန်... မင်း ဒါမျိုး ဖြစ်လာမယ်လို့ ထင်မထားဘူးမလား။ ငါ ကျူးကော့လျန်ချန် အတွက် အခွင့်အရေး ရောက်လာပြီကွ။ မင်း စောင့်နေလိုက်စမ်းပါ' ဟု  တိတ်တဆိတ် ကြွေးကြော်နေလေသည်။</p> <p> </p> <p> </p>


Save