Book List

<h2 style="text-align: center;">အပိုင်း ၅၃၇</h2> <h2 style="text-align: center;">နတ်ဘုရားအဆင့်စုံထောက်စွမ်းရည်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>နောက်တစ်နေ့ ယဲ့ချန်းသည် ကားပြပွဲသို့သွားရန် ဖုတန်တက္ကသိုလ်ဂိတ်ပေါက်တွင် ထန်ရှောင်ဖေးကို သွားကြိုခဲ့သည်။</p> <p> </p> <p>"ယဲ့ချန်း.. ရှင် ဟိုတလောကမှ ကားဝယ်ထားတာ မဟုတ်ဘူးလား"</p> <p> </p> <p>ထန်ရှောင်ဖေးခမျာ ဆွံ့အသွားချေသည်။</p> <p> </p> <p>လူကုံထံများက စိုးမိုးခြယ်လှယ်လွန်းသည်မဟုတ်လော။ ဤအချိန်တိုလေးအတွင်း နောက်ထပ်ကားတစ်စီး ဝယ်မည်တဲ့။ ယဲ့ချန်းအနေနှင့် ယခင်တစ်စီးတုန်းက ယွမ်ဆယ်သန်းကျော် သုံးခဲ့သည်မဟုတ်လော။</p> <p> </p> <p>ယဲ့ချန်းက ပြုံးလျက် ပြောလိုက်၏။</p> <p> </p> <p>"ဒီကားက အဖေ့အတွက် မွေးနေ့လက်ဆောင်ပါ။ သူ့အတွက် ပိုတည်ငြိမ်တဲ့ကားမျိုး ပေးချင်လို့လေ။ ပြီးတော့ မင်းက ကားရောင်းတဲ့ အတွေ့အကြုံရှိတော့ ကိုယ့်ကို အကြံဉာဏ်တချို့ ပေးနိုင်မယ်ထင်လို့"</p> <p> </p> <p>သူတို့နှစ်ယောက်သား ကားပြပွဲစင်တာထဲသို့ ဝင်သွားကြသည်။</p> <p> </p> <p>စင်တာထဲတွင် လူများ စည်ကားနေချေသည်။</p> <p> </p> <p>ယဲ့ချန်းမှာ ဘန်ထလေအရောင်းပြခန်းသို့ ရောက်သွားသည်။</p> <p> </p> <p>ထိုစဉ် အရောင်းဝန်ထမ်းတစ်ယောက် ရောက်လာလေသည်။</p> <p> </p> <p>"လူကြီးမင်း ကားတွေကြည့်မလို့လား"</p> <p> </p> <p>ယဲ့ချန်းက ခေါင်းညိတ်ပြလိုက်ပြီး ဘန်ထလေကားတစ်စီးကို လက်ညှိုးထိုးပြလေသည်။</p> <p> </p> <p>"အဲဒီကားက ဘယ်လောက်လဲ"</p> <p> </p> <p>ဤကား၏ပုံစံမှာ အလွန်တည်ငြိမ်ပြီး ကားကိုယ်ထည်ကလည်း လေးလံသဖြင့် သူ့ဖခင်၏အရွယ်နှင့် အလွန်လိုက်ဖက်ပေသည်။</p> <p> </p> <p>“လူကြီးမင်းက အမြင်ရှိတယ်နော်။ ဒီကားက ဘန်ထလေက အသစ်ထွက်ထားတဲ့ ကန့်သတ်ထုတ်ကုန်စီးပွားရေးသုံးကားပါ"</p> <p> </p> <p>အရောင်းဝန်ထမ်းက စိတ်အားထက်သန်စွာ မိတ်ဆက်ပေးလေသည်။</p> <p> </p> <p>ချန်းမင်ဟု အမည်ရသော ထိုအရောင်းဝန်ထမ်းသည် ဤကားပြပွဲအတွက် အရောင်းမန်နေဂျာဖြစ်၏။</p> <p> </p> <p>ချန်းမင်သည် များပြားလှသော သူ့အတွေ့အကြုံများဖြင့် ယဲ့ချန်း၏လက်ကောက်ဝတ်ထက်ရှိ ပါတက်ခ်ဖီလစ်နာရီနှင့် ဟားမက်စ်ဝတ်စုံတို့ကို မြင်လိုက်ရသည်နှင့် ဤလူငယ်မှာ သာမန်လူမဟုတ်ကြောင်း တန်းသိလိုက်သည်။</p> <p> </p> <p>“ဒီကားရဲ့ဈေးနှုန်းက ယွမ်၈.၈၈သန်းဖြစ်ပြီး အဆင့်အမြင့်ဆုံး အီလက်ထရောနစ်ဘရိတ်စနစ် ပါဝင်တဲ့အတွက် အမြင့်မားဆုံး လုံခြုံရေးအဆင့်ကို ပေးစွမ်းနိုင်ပါတယ်။ ကားကိုယ်ထည်ကို ကာဗွန်ကုန်ကြမ်းပစ္စည်းနဲ့ ပြုလုပ်ထားတဲ့အတွက် ကမ္ဘာတစ်ဝန်းမှာ ပထမတန်းစားထိခိုက်မှုကာကွယ်ရေးကို ပေးစွမ်းနိုင်ပြီး 4.8Tတာဘိုအင်ဂျင် ပါဝင်ပါတယ်။ ကားကိုယ်ထည်က လေးလံပေမဲ့ ၃.၈စက္ကန့်အတွင်း အရှိန်တင်နိုင်ပါတယ်"</p> <p> </p> <p>ချန်းမင်က ဆက်ပြောပြန်သည်။</p> <p> </p> <p>"စီးပွားရေးသုံးကားဖြစ်တဲ့အတွက် လမ်းကြောင်းပြစနစ်၊ ယာဉ်ကြောသွေဖည်မှုသတိပေးစနစ်၊ ညကြည့်စနစ်တွေ ပါဝင်ပြီး လူကြီးမင်းရဲ့ လိုအပ်ချက်တိုင်းကို အပြည့်အဝဖြည့်ဆည်းပေးနိုင်ပါတယ်"</p> <p> </p> <p>...</p> <p> </p> <p>ချန်းမင်က ကား၏ လုပ်ဆောင်ချက်အားလုံးကို စိတ်ရှည်လက်ရှည် မိတ်ဆက်ပေးခဲ့သဖြင့် ယဲ့ချန်းကလည်း ကျေနပ်စွာ ခေါင်းတညိတ်ညိတ်လုပ်လိုက်သည်။</p> <p> </p> <p>"အင်း... မဆိုးဘူးပဲ။ ငါ ဒီတစ်စီးပဲယူမယ်။ ကတ်ဖြတ်လိုက်"</p> <p> </p> <p>သူက ပြောလိုက်၏။</p> <p> </p> <p>ချန်းမင်ခမျာ ချက်ချင်းဆိုသလို မှင်တက်သွားလေတော့သည်။</p> <p> </p> <p>သူသည် သူဌေးများစွာနှင့် တွေ့ဆုံဖူးသော်လည်း ဤမျှကြီးစိုးခြယ်လှယ်နိုင်စွမ်းရှိသူနှင့် တွေ့ရသည်မှာ ပထမဆုံးအကြိမ်ပင်။</p> <p> </p> <p>ချန်းမင်ခမျာ အနည်းငယ် မယုံကြည်နိုင်ဟန်ဖြင့် မေးလိုက်သည်။</p> <p> </p> <p>"လူကြီးမင်း တကယ် ဒီအတိုင်းယူလိုက်တော့မှာလား။ သေချာထပ်မကြည့်တော့ဘူးလား"</p> <p> </p> <p>ယဲ့ချန်း ခေါင်းခါယမ်းလိုက်၏။</p> <p> </p> <p>"မလိုပါဘူး။ ဒီကားက ငါ့အဖေ့အတွက် မွေးနေ့လက်ဆောင်ဆိုတော့ အချိန်မီပို့ပေးနိုင်ရင် ရပါပြီ"</p> <p> </p> <p>"ဟုတ်ကဲ့။ စိတ်မပူပါနဲ့"</p> <p> </p> <p>ချန်းမင်က စိတ်လှုပ်ရှားစွာ ခေါင်းညိတ်ပြလိုက်သည်။</p> <p> </p> <p>ဤကားက ဤနေရာတွင် ပြသထားသည်မှာ တစ်ပတ်ခန့်ရှိနေပြီဖြစ်၏။ စိတ်ဝင်စားသူများ ရှိခဲ့သော်လည်း အလွန်ဈေးကြီးသောကြောင့် မည်သူကမှ အလေးအနက်မထားခဲ့ကြပေ။</p> <p> </p> <p>ဤကားကို ရောင်းချရပါက သူလည်း ကော်မရှင်ခ အမြောက်အများရရှိမည်သာ။</p> <p> </p> <p>"ဒါနဲ့ ဒီကားက ငါ့အဖေ့အတွက် မွေးနေ့လက်ဆောင်ဆိုတော့ အချိန်ကျရင် မင်းတို့ရဲ့4S ဆိုင်က တရားဝင်အခမ်းအနားတစ်ခု စီစဉ်ပေးဖို့ မျှော်လင့်ပါတယ်"</p> <p> </p> <p>ယဲ့ချန်းက ဆက်ပြောလေသည်။</p> <p> </p> <p>"စိတ်ချပါ လူကြီးမင်း။ အဲဒီအတွက် ကျွန်တော်တို့ အကုန်စီစဉ်ပေးပါ့မယ်"</p> <p> </p> <p>ယဲ့ချန်းက ကျေကျေနပ်နပ် ခေါင်းညိတ်ပြလိုက်သည်။</p> <p> </p> <p>"ကောင်းပြီလေ။ တခြားပြဿနာမရှိရင် ကတ်ဖြတ်လိုက်ပါ"</p> <p> </p> <p>သူ့ဘေးရှိ ထန်ရှောင်ဖေးမှာမူ ကြက်သေသေသွားလေသည်။</p> <p> </p> <p>ယဲ့ချန်းက ဒေါ်လာသန်းနှင့်ချီတန်သော ကားတစ်စီးကို ဂေါ်ဖီထုပ်ဝယ်သလို ဝယ်လိုက်သည်မှာ အလွန်စိုးမိုးနိုင်လွန်းသည်။</p> <p> </p> <p>ချန်းမင်မှာ ပို၍ပင် လေးစားသွားရသည်။</p> <p> </p> <p>ပါတက်ခ်ဖီလစ်ဝတ်ဆင်ထားသည့် လူကြီးလူကောင်းတစ်ဦးက သန်းနှင့်ချီတန်သော ကတ်ကို ဖြတ်လိုက်သည်မှာ မဆန်းတော့ပေ။ သုံးနိုင်ဖြုန်းနိုင်လွန်းလှ၏။</p> <p> </p> <p>တကယ်တော့ လူကြီးများက ချွေတာခြင်းကို တန်ဖိုးထားတတ်ကြသော်လည်း ဇိမ်ခံကားမောင်းရသည်ကို မည်သူကများ မနှစ်သက်ဘဲ နေမည်နည်း။</p> <p> </p> <p>ထို့ကြောင့် ဤတစ်ကြိမ်တွင် ယဲ့ချန်းသည် သူ့အဖေကို အံ့အားသင့်သွားအောင်လုပ်ရန် ဆုံးဖြတ်ချက်ချလိုက်သည်။</p> <p> </p> <p>မည်သို့ပင်ဆိုစေကာမူ ကားကလည်း ဝယ်ပြီးသွားပြီဖြစ်ရာ သူ့အဖေအနေနှင့် သူ့ကို ပြန်သွင်းခိုင်းမည်မဟုတ်ပေ။</p> <p> </p> <p>ငွေပေးချေပြီးနောက် ယဲ့ချန်း ဝယ်ယူမှုစာချုပ်ကို ရလာခဲ့သည်။</p> <p> </p> <p>ချန်းမင်က စာချုပ်ကို ယဲ့ချန်းထံသို့ လက်နှစ်ဖက်ဖြင့် တရိုတသေ ကမ်းပေးလိုက်သည်။</p> <p> </p> <p>"မစ္စတာယဲ့.. စိတ်ချပါ။ ကျွန်တော်တို့ ကတိပေးထားတဲ့အတိုင်း ကားကို အချိန်မီပို့ပေးပါ့မယ်"</p> <p> </p> <p>ယဲ့ချန်းလည်း ခေါင်းညိတ်ပြလိုက်၏။</p> <p> </p> <p>"ကောင်းပြီလေ။ ကားရောက်လာရင် ငါ့ကိုဆက်သွယ်လိုက်ပါ"</p> <p> </p> <p>သူ့ဘေးနားရှိ ထန်ရှောင်ဖေးခမျာ ပြောစရာစကား ပျောက်ရှသွားရသည်။</p> <p> </p> <p>"ယဲ့ချန်း.. ရှင်မှာ ပိုက်ဆံ ဘယ်လောက်တောင် ရှိနေလို့များ သန်းနဲ့ချီတန်တဲ့ကားကို ဂေါ်ဖီထုပ်ဝယ်သလို ဝယ်နေရတာလဲ"</p> <p> </p> <p>ယဲ့ချန်းလည်း ခဏမျှ စဉ်းစားကြည့်လိုက်သည်။</p> <p> </p> <p>"တကယ်တော့ ကိုယ့်မှာ ငွေနဲ့ပတ်သက်တဲ့ သဘောတရား​တွေ သိပ်မရှိဘူး။ ကိုယ့်မှာ ငွေဘယ်လောက်ရှိလဲဆိုတာတောင် မသိဘူး"</p> <p> </p> <p>ယဲ့ချန်း၏စကားကို ကြားသောအခါ ထန်ရှောင်ဖေး သူ့ကို မျက်စောင်းထိုးလိုက်သည်။</p> <p> </p> <p>ဒါ သက်သက်ကြွားနေတာပဲ။</p> <p> </p> <p>"ဒါနဲ့ ကားရွေးပေးတဲ့အတွက် ကျေးဇူးတင်တဲ့အနေနဲ့ ဒီလိုလုပ်ရင်ရော ဘယ်လိုလဲ။ ဒီည ကိုယ် မင်းကို ညစာဝယ်ကျွေးမယ်လေ"</p> <p> </p> <p>ယဲ့ချန်းက ပြောလိုက်၏။</p> <p> </p> <p>ထန်ရှောင်ဖေးကလည်း ပြန်ပြောသည်။</p> <p> </p> <p>"ထားလိုက်ပါတော့။ ကျွန်မကပဲ ရှင့်ကို ဝယ်ကျွေးပါ့မယ်။ ရှင်ကမှ ကျွန်မကို အများကြီးကူညီပေးခဲ့တာ"</p> <p> </p> <p>"ကောင်းပြီလေ"</p> <p> </p> <p>ထန်ရှောင်ဖေးမှာ ယဲ့ချန်းကို အကင်စားရန် ခေါ်သွားခဲ့သည်။</p> <p> </p> <p>ဈေးမကြီးသော်လည်း ယဲ့ချန်းကတော့ ဤလေထုအခြေအနေကို တကယ်သဘောကျသည်။</p> <p> </p> <p>အဆင့်မြင့်စားသောက်ဆိုင်များမှာ ပတ်ဝန်းကျင်အနေအထား ကောင်းမွန်သော်လည်း အမြဲချုပ်ချယ်ထားသလို ခံစားရသည်။</p> <p> </p> <p>ဖီလာအားဖြင့် ဤကဲ့သို့သော ဆိုင်လေးများတွင်မူ လွတ်လွတ်လပ်လပ် စကားပြောဆိုပြီး ရယ်မောနိုင်သည်ဖြစ်ရာ အလွန်သက်သောင့်သက်သာရှိသည်ဟု ခံစားရ၏။</p> <p> </p> <p>အချိန်ကို တစ်ချက်ကြည့်ပြီးနောက် ထန်ရှောင်ဖေးက ပြောလိုက်၏။</p> <p> </p> <p>"ယဲ့ချန်း.. စောစောပြန်ကြရအောင်။ အပြင်မှာ အခု တော်တော်ဝရုန်းသုန်းကားဖြစ်နေတာ"</p> <p> </p> <p>"တကယ်လား။ ဘာဖြစ်လို့လဲ"</p> <p> </p> <p>"တလောတုန်းက ကျွန်မတို့တက္ကသိုလ်နားမှာ လူသတ်မှုတစ်ခု ဖြစ်ထားတယ်။ မိန်းကလေးတစ်ယောက် အသတ်ခံလိုက်ရတာလေ။ သူ့မျက်နှာကို ဖျက်ဆီးပစ်ခဲ့တယ်ဆိုပဲ။ အရမ်းကြောက်စရာကောင်းတယ်"</p> <p> </p> <p>"သြော်... ဟုတ်လား"</p> <p> </p> <p>ဟွားနိုင်ငံသည် ပြည်သူ့လုံခြုံရေး ကောင်းမွန်သောကြောင့် ဤသို့နှယ် ရက်စက်ကြမ်းကြုတ်သော အမှုများ ဖြစ်ပွားလေ့မရှိပေ။</p> <p> </p> <p>"ဒါဆိုလည်း ကိုယ် မင်းကို စော​စောပြန်ပို့ပေးပါ့မယ်"</p> <p> </p> <p>ယဲ့ချန်းက မိုတုတက္ကသိုလ်သို့ မောင်းလာခဲ့ပြီးနောက် ထန်ရှောင်ဖေး သူ(မ)၏အဆောင်ထဲသို့ လုံလုံခြုံခြုံရောက်သွားကြောင်း မြင်ပြီးမှသာ ပြန်ထွက်လာခဲ့သည်။</p> <p> </p> <p>ထိုအချိန်တွင် ရေဒီယိုမှ သတင်းတစ်ပုဒ် လာနေပေသည်။</p> <p> </p> <p>"မကြာသေးခင်က ကျွန်တော်တို့မြို့မှာ ကြီးမားတဲ့ ရာဇဝတ်မှုတစ်ခု ဖြစ်ပွားခဲ့ပါတယ်။ ရဲတပ်ဖွဲ့ကလည်း လက်ရှိအချိန်မှာ ပြည်သူတွေဆီက သဲလွန်စတွေကို ရှာဖွေနေပါတယ်"</p> <p> </p> <p>"သေဆုံးသူကတော့ ဝူမျိုးရိုးအမျိုးသမီး၊ အသက် ၂၃နှစ်၊ မိုတုတက္ကသိုလ်ကျောင်းသူ ဖြစ်ပါတယ်။ မနေ့က မွန်းတည့်ချိန်လောက်မှာ ကျောင်းက ထွက်သွားခဲ့ပြီး အလောင်းကိုတော့ ကျောင်းနဲ့ တစ်ကီလိုမီတာအကွာက တောအုပ်လေးထဲမှာ တွေ့ရှိခဲ့ပါတယ်။ အခုဆိုရင် ပြည်သူတွေဆီက မျက်မြင်သက်သေတွေကို ရှာဖွေနေပြီး ဆုကြေးငွေ ယွမ်တစ်သိန်းပေးအပ်သွားမှာ ဖြစ်ပါတယ်"</p> <p> </p> <p>ဤသတင်းကို ကြားသောအခါ ယဲ့ချန်း မျက်မှောင်ကြုတ်လိုက်မိသည်။</p> <p> </p> <p>ထန်ရှောင်ဖေးပြောခဲ့သော အမှုနှင့် ဤအမှုမှာ အတူတူပင်ဖြစ်ကြောင်း သိသာလှသည်။</p> <p> </p> <p>ယဲ့ချန်း ဆက်မောင်းရန် ပြင်လိုက်ချိန်မှာပင် အမှာစာတစ်ခု ဝင်လာခဲ့သည်။</p> <p> </p> <p>နေရာကား မိုတုတက္ကသိုလ်အနီးပင်။</p> <p> </p> <p>ယဲ့ချန်းလည်း ခရီးသည်တင်ရမည့်နေရာသို့ မောင်းသွားလိုက်လေရာ ယူနီဖောင်းဝတ်ထားသော ရဲမေတစ်ယောက်က ကားစောင့်နေကြောင်း တွေ့လိုက်ရသည်။ သူ(မ)မှာ အခြားသူမဟုတ်ပါချေ။ ကျိုးစုစုပင်။</p> <p> </p> <p>"စုစု တိုက်ဆိုင်လိုက်တာ"</p> <p> </p> <p>ယဲ့ချန်းက ရယ်မောလိုက်သည်။</p> <p> </p> <p>ယဲ့ချန်းကို မြင်လိုက်ရသဖြင့် ကျိုးစုစုလည်း အနည်းငယ် အံ့သြသွားသည်။</p> <p> </p> <p>"တိုက်ဆိုင်လိုက်တာ။ ကားငှားရင်း ရှင်နဲ့လာဆုံနေတယ်"</p> <p> </p> <p>ကားပေါ်သို့ တက်လာပြီးနောက် ကျိုးစုစုမှာ အလွန်ပင်ပန်းနေပုံရသည်။</p> <p> </p> <p>"ဘာဖြစ်လို့လဲ"</p> <p> </p> <p>ယဲ့ချန်းက မေးလိုက်၏။</p> <p> </p> <p>ကျိုးစုစုက သက်ပြင်းချလိုက်လေသည်။</p> <p> </p> <p>"လူသတ်မှု ဖြစ်ထားတယ်လေ။ ကျွန်မတို့ အနားမယူရဘဲ ၂၄နာရီလုံး အလုပ်လုပ်နေရတာ။ အထက်လူကြီးကလည်း ဒီအမှုကို သုံးရက်အတွင်း ဖြေရှင်းချင်နေတယ်။ ဒါပေမဲ့ ကျွန်မတို့မှာ ဘာသဲလွန်စမှ မရှိသေးဘူး"</p> <p> </p> <p>[တင်! တက္ကစီရွေးချယ်မှုစနစ် စတင်ပါပြီ။ အပတ်စဉ်တိုင်း အထူးစွမ်းရည်ရှိတဲ့ ခရီးသည်တစ်ဦးနဲ့ ကျပန်းတွေ့ဆုံရပါမယ်။ ရွေးချယ်မှုတာဝန်ကို ပြီးမြောက်အောင် ဆောင်ရွက်နိုင်ရင် ပိုင်ရှင့်အနေနဲ့ ကမ္ဘာ့အဆင့်မီ ထိပ်တန်းပုဂ္ဂိုလ်တစ်ဦးဖြစ်လာဖို့ ကူညီပေးနိုင်မယ့် အမြင့်ဆုံးဆုလာဘ်တွေကို ရရှိမှာပါ]</p> <p> </p> <p>[ခရီးသည်၏အလုပ်အကိုင် : ရဲအရာရှိ]</p> <p> </p> <p>[ရွေးချယ်စရာနံပါတ်တစ် : ရဲအရာရှိလှလှလေးကို ဟိုတယ်ခေါ်သွားပြီး ကောင်းကောင်းအနားယူခွင့်ပေးလိုက်ပါ။ စနစ်ဆုလာဘ်အဖြစ် ပိုင်တာ့လီဟိုတယ်ရဲ့ ရှယ်ယာ၃၀ရာခိုင်နှုန်းကို ရရှိမှာပါ]</p> <p> </p> <p>[ရွေးချယ်စရာနံပါတ်နှစ် : ရဲအရာရှိလှလှလေးကို သင့်အတွက် အလုပ်လုပ်ပေးဖို့နဲ့ ခက်ခဲတဲ့ ဒီအလုပ်ကထွက်ဖို့ ဖျောင်းဖျပါ။ စနစ်ဆုလာဘ်အဖြစ် နတ်ဘုရားမထိန်းချုပ်ရေးစွမ်းရည်ကို ရရှိမှာပါ]</p> <p> </p> <p>[ရွေးချယ်စရာနံပါတ်သုံး : ရဲအရာရှိလှလှလေးကို အမှုဖြေရှင်းဖို့နဲ့ ရာဇဝတ်ကောင်ကိုဖမ်းမိဖို့ ကူညီပေးပါ။ စနစ်ဆုလာဘ်အဖြစ် နတ်ဘုရားအဆင့်စုံထောက်စွမ်းရည်ကို ရရှိမှာပါ]</p> <p> </p> <p>ပထမဆုလာဘ်ဖြစ်သော ဟိုတယ်ရှယ်ယာများမှာ ယဲ့ချန်းအတွက် ဆွဲဆောင်မှုမရှိလှပေ။</p> <p> </p> <p>ဒုတိယဆုလာဘ်ဖြစ်သော နတ်ဘုရားမထိန်းချုပ်ရေးစွမ်းရည်နှင့် ပတ်သက်၍ ယဲ့ချန်းသည် အမျိုးသမီးများနှင့် ပေါင်းစည်းရာတွင် ခံစားချက်ကိုသာ အမြဲအသုံးပြုလေ့ရှိ၏။ သူတို့ကို ထိန်းချုပ်ရန် လုံးဝဆန္ဒမရှိပေ။</p> <p> </p> <p>မိန်းကလေးတစ်ယောက်က သူ့ကို သဘောကျပါက ယဲ့ချန်းအနေနှင့် သဘာဝကျကျ ဝမ်းသာပျော်ရွှင်မည်သာ။ သို့သော် သူ(မ)ဘက်က သဘောမကျလျှင်လည်း ယဲ့ချန်းကတော့ အတင်းအကျပ် ဖိအားပေးမည်မဟုတ်ပေ။</p> <p> </p> <p>နောက်ဆုံးတွင်မူ ယဲ့ချန်းလည်း ရွေးချယ်စရာနံပါတ်သုံးကို ရွေးချယ်လိုက်သည်။</p> <p> </p> <p>မည်သို့ပင်ဆိုစေကာမူ ထိုကဲ့သို့သောလူစားမျိုးမှာ အလွန်ကြောက်စရာကောင်းပြီး ပြည်သူလူထု၏ လုံခြုံရေးကို အန္တရာယ်ပြုနေသဖြင့် နိုင်ငံသားကောင်းတစ်ယောက်အနေနှင့် ရဲအရာရှိလှလှလေးကို အမှုဖြေရှင်းရာတွင် ကူညီပေးရန် ရွေးချယ်သင့်ပေသည်။</p> <p> </p> <p> </p> <p> </p> <p> </p> <p> </p> <p>•••••••••••••••••••</p> <p> </p> <p> </p>


Save