Book List

<h2 style="text-align: center;">အပိုင်း ၅၃၈</h2> <h2 style="text-align: center;">မြွေဆိုးနှင့် လယ်သမားပုံပြင်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ယဲ့ချန်းက မေးလိုက်သည်။</p> <p> </p> <p>"သဲလွန်စ တစ်ခုလေးတောင် မရသေးဘူးလား"</p> <p> </p> <p>ကျိုးစုစုကလည်း ခေါင်းယမ်းလိုက်၏။</p> <p> </p> <p>"ဒီလူရဲ့ လူသတ်နည်းလမ်းက အရမ်းပရိယာယ်ကြွယ်လွန်းတယ်။ ပြီးတော့ သူက သဲလွန်စတစ်ခုလေးတောင် ချန်မထားခဲ့ဘူး"</p> <p> </p> <p>"လူသတ်သမားရဲ့ နည်းလမ်းက အရမ်းကျွမ်းကျင်လွန်းတယ်။ ရာဇဝတ်မှုတွေကို ကျူးလွန်နေကျ လူဆိုးတစ်ယောက်လိုပဲ။ ပြီးတော့ သူ့လုပ်ရပ်က အရမ်းရက်စက်တယ်။ အရေးအကြီးဆုံးကတော့ ပြစ်မှုကျူးလွန်တဲ့နေရာမှာ ဒီလူက သဲလွန်စတစ်ခုမှ ချန်မထားခဲ့ဘူး။ စုံစမ်းထောက်လှမ်းရေးကို တန်ပြန်ရှောင်တိမ်းနိုင်တဲ့ စွမ်းရည်ကလည်း အရမ်းမြင့်တယ်"</p> <p> </p> <p>ယဲ့ချန်းက ​ပြောလိုက်လေသည်။</p> <p> </p> <p>"မိန်းကလေးရဲ့မျက်နှာက ဖျက်ဆီးခံထားရတယ်လို့ ကြားတယ်"</p> <p> </p> <p>ကျိုးစုစုကလည်း ခေါင်းညိတ်ပြသည်။</p> <p> </p> <p>"ဟုတ်တယ်။ အဲဒီမြင်ကွင်းက အရမ်းကြောက်စရာကောင်းတယ်။ အဲဒါကိုမြင်ပြီးကတည်းက ကျွန်မ ထမင်းကောင်းကောင်း မစားနိုင်တာ ရက်တော်တော်ကြာပြီ"</p> <p> </p> <p>"အသေးစိတ်ပြောပြလေ။ ကိုယ် ခွဲခြမ်းစိတ်ဖြာဖို့ ကူညီပေးမယ်"</p> <p> </p> <p>နတ်ဘုရားအဆင့်စုံထောက်စနစ်ကြောင့် ယဲ့ချန်းအနေနှင့် ကျိုးစုစုပြောပြသည့် စကားများကတစ်ဆင့် သဲလွန်စတစ်ခုခုများ ရှာတွေ့နိုင်မလားဆိုသည်ကို သိချင်လှသည်။</p> <p> </p> <p>ယဲ့ချန်းမှာ ကားမောင်းရင်း ကျိုးစုစုပြောပြသော အမှုအကြောင်း နားထောင်နေလိုက်သည်။</p> <p> </p> <p>"အဲဒီမိန်းကလေးက အတန်းထဲမှာ အရမ်းအေးဆေးတဲ့ စရိုက်ရှိတယ်။ သူ့မှာ ရန်သူဆိုတာလည်း မရှိသလို အတန်းဖော်တွေနဲ့လည်း အဆင်ပြေပြေနေတတ်တယ်"</p> <p> </p> <p>"အခင်းဖြစ်ပွားတဲ့အချိန်မှာ အဲဒီမိန်းကလေးက သူဘယ်သွားမလဲ ဒါမှမဟုတ် ဘာလုပ်မလဲဆိုတာကို တစ်ယောက်ယောက်ကိုများ ပြောပြခဲ့သေးလား"</p> <p> </p> <p>ယဲ့ချန်း မေးခွန်းထုတ်လိုက်သည်။</p> <p> </p> <p>"မပြောခဲ့ဘူး။ သူ့အိမ်က ဒီနားမှာပဲလေ။ ကောင်မလေးက ကျောင်းမှာနေနေပေမဲ့ အိမ်ကိုပဲ ပြန်သွားသင့်တာလေ။ ဒါပေမဲ့ အကြောင်းတစ်ခုခုကြောင့် ဘေးနားက အိမ်ရာဝင်းထဲကိုသွားပြီး ဒီလိုအဖြစ်ဆိုးနဲ့ ကြုံခဲ့ရတာပဲ"</p> <p> </p> <p>ယဲ့ချန်းက ဆို၏။</p> <p> </p> <p>"မူလပြစ်မှုကျူးလွန်ခဲ့တဲ့နေရာကို ရှာတွေ့ပြီလား"</p> <p> </p> <p>ကျိုးစုစုကလည်း ခေါင်းညိတ်ပြသည်။</p> <p> </p> <p>"ကောင်မလေးက အိမ်ကို ကားစီးပြီး ပြန်လာတယ်။ ပြီးတော့ မြေအောက်ထပ်ကို သွားပြီးနောက်ပိုင်း ပျောက်သွားတာပဲ။ ကျွန်မတို့ စောင့်ကြည့်ကင်မရာမှတ်တမ်းမှာ သံသယဖြစ်ဖွယ်လူတစ်ယောက်ကို တွေ့ခဲ့ပေမယ့် ရုပ်ဖျက်ထားလို့ သူ့ရုပ်ကို သေချာမမြင်ရဘူး"</p> <p> </p> <p>"တရားခံက သေသွားအောင် ခေါင်းကို တူနဲ့ ထုရိုက်ခဲ့တယ်။ ဒါပေမဲ့ စဉ်းစားရခက်တာက တရားခံဟာ ကောင်မလေးရဲ့ မျက်နှာကို ဆယ်ကြိမ်ထက်မက ထုရိုက်ထားခဲ့တာပဲ"</p> <p> </p> <p>ကျိုးစုစုက ဆက်ပြောလိုက်၏။</p> <p> </p> <p>"စောင့်ကြည့်ကင်မရာမှတ်တမ်းတွေအရ အဲဒီလူ ပြစ်မှုကျူးလွန်ခဲ့တဲ့အချိန်က အရမ်းတိုတောင်းတယ်။ ပြစ်မှုကျူးလွန်ပြီးတာနဲ့ အမြန်ထွက်ပြေးသွားတာ သေချာတယ်"</p> <p> </p> <p>ဤအချိန်တွင် ယဲ့ချန်း၏စိတ်ထဲတွင် အကြမ်းဖျင်းခွဲခြမ်းစိတ်ဖြာမှုတစ်ခု ရှိနေပြီဖြစ်၏။</p> <p> </p> <p>"ပထမဆုံးအနေနဲ့ ပြစ်မှုကျူးလွန်သူက အရမ်းရက်စက်တယ်။ ဒီလူနှစ်ယောက်က သိပ်ရင်းနှီးပုံမပေါ်ဘူး။ တကယ်လို့ သူတို့သာ တစ်ယောက်ကိုတစ်ယောက် သိနေခဲ့မယ်ဆိုရင် နှုတ်မဆက်ဘဲ ဒီအတိုင်းဖြတ်သွားကြမှာ မဟုတ်ဘူးလို့ ခံစားမိတယ်"</p> <p> </p> <p>ကျိုးစုစုက ခွဲခြမ်းစိတ်ဖြာပြသည်။</p> <p> </p> <p>ယဲ့ချန်းက ရုတ်တရက်ပြောလိုက်၏။</p> <p> </p> <p>"တစ်ဖက်လူက ရုပ်ဖျက်ထားလို့ ကောင်မလေးက သူ့ကို မမှတ်မိတာများလား"</p> <p> </p> <p>ယဲ့ချန်း၏စကားကို ကြားသောအခါ ကျိုးစုစု၏ မျက်လုံးများ အရောင်လက်သွားချေသည်။</p> <p> </p> <p>ယဲ့ချန်းက ဆို၏။</p> <p> </p> <p>"ဒီအမှုမှာ သံသယဖြစ်စရာကောင်းတဲ့အချက်တွေက ဒီလိုရှိတယ်။ ကောင်မလေးက ဘာလို့ သူတို့အိမ်နားက အိမ်ရာဝင်းထဲကို သွားခဲ့ရတာလဲ။ တကယ်လို့ ကောင်မလေးက အကြောင်းတစ်ခုခုကြောင့် အဲဒီကိုသွားဖို့ သွေးဆောင်ခံခဲ့ရတာဆိုရင် ဒါက ကြိုတင်ကြံစည်ထားတဲ့ လူသတ်မှု ဖြစ်နိုင်ခြေများတယ်။ ကျပန်းလူသတ်မှုရဲ့ ဖြစ်နိုင်ခြေကိုတော့ ပယ်ဖျက်လို့ရသွားပြီ"</p> <p> </p> <p>"ကျွန်မတို့လည်း စုံစမ်းကြည့်ခဲ့ပါတယ်။ အဲဒီအိမ်ရာဝင်းထဲမှာ ကောင်မလေးနဲ့ခင်တဲ့လူ တစ်ယောက်မှမရှိဘူး။ ပြီးတော့ ကျွန်မတို့ရဲ့ စုံစမ်းစစ်ဆေးမှုအရ ကောင်မလေးက ပုံမှန်ဆိုရင် အရမ်းသဘောကောင်းပြီး ဘယ်သူ့ကိုမှ ပြစ်မှားစော်ကားတာမျိုးလည်း မရှိခဲ့ဘူး။ တစ်ဖက်လူက မိန်းကလေးတစ်ယောက်အပေါ် ဘာလို့ ဒီလောက်တောင် ရက်ရက်စက်စက်လုပ်ရသလဲဆိုတာ နားမလည်နိုင်ဘူး"</p> <p> </p> <p>ယဲ့ချန်းက ဆို၏။</p> <p> </p> <p>"မဟုတ်ဘူး။ ကောင်မလေးကို အဲဒီအိမ်ရာဝင်းထဲလာခဲ့ဖို့ တစ်ယောက်ယောက်က ချိန်းထားတာပဲဖြစ်မယ်။ တစ်ဖက်လူက ရုပ်ဖျက်ထားပေမဲ့ ရင်းနှီးကျွမ်းဝင်မှုတော့ ရှိနိုင်တယ်။ ကောင်မလေးက တစ်ဖက်လူကို မသိတာဖြစ်နိုင်ပေမဲ့ တစ်ဖက်လူကတော့ ကောင်မလေးကို သိတယ်"</p> <p> </p> <p>ယဲ့ချန်း၏စကားကို ကြားလိုက်ရချိန်ဝယ် ကျိုးစုစုခမျာ ခဏမျှမှင်တက်သွားသည်။</p> <p> </p> <p>ယဲ့ချန်းက ဆက်ပြောလိုက်သည်။</p> <p> </p> <p>"ဒီကောင်မလေးရဲ့မျက်နှာက တစ်ယောက်ယောက်ကို မကျေမနပ်ဖြစ်အောင်လုပ်ခဲ့တာဖြစ်မယ်"</p> <p> </p> <p>ယဲ့ချန်း၏စကားကို ကြားသောအခါ ကျိုးစုစု အလွန်အံ့သြသွားသည်။</p> <p> </p> <p>ယဲ့ချန်းက ပြောလိုက်သည်။</p> <p> </p> <p>"မင်းရဲ့ပြောစကားအရ ပထမတစ်ချက် တူနဲ့ထုလိုက်ကတည်းက ကောင်မလေးက သေသွားခဲ့ပြီလေ။ ဘာလို့ တစ်ဖက်လူက ကောင်မလေးရဲ့မျက်နှာကို အကြိမ်ကြိမ် ထုရိုက်ခဲ့ရတာလဲ။ အကြောင်းပြချက်ကတော့ တစ်ခုတည်းပဲ ရှိနိုင်တယ်။ အဲဒါက တစ်ဖက်လူက ကောင်မလေးရဲ့ ဒီမျက်နှာကို အရမ်းမုန်းတီးနေလို့ပဲ"</p> <p> </p> <p>ထိုစကားကိုကြားပြီးနောက် ကျိုးစုစု၏ မျက်လုံးအစုံကား အရောင်လက်သွားလေသည်။</p> <p> </p> <p>"ရှင် ဆိုလိုချင်တာက အဲဒီလူကို လူသတ်ချင်စိတ်ဖြစ်အောင် လုပ်ခဲ့တာက ကောင်မလေးရဲ့မျက်နှာကြောင့်လို့ ပြောချင်တာလား"</p> <p> </p> <p>ယဲ့ချန်းက ခေါင်းညိတ်လိုက်၏။</p> <p> </p> <p>"မင်းရဲ့စကားတွေကို ကြည့်ရင် တစ်ဖက်လူက ယောကျ်ားလေးဖြစ်နိုင်တယ်။ လက်နက်ပါတဲ့ ယောကျ်ားတစ်ယောက်အတွက် မိန်းမတစ်ယောက်ကိုသတ်ဖို့ဆိုတာ အရမ်းလွယ်တယ်။ ဒါပေမဲ့ အဲဒီမိန်းမကို သတ်ပြီးနောက်မှာတောင် သူ့မျက်နှာကို ထပ်ပြီး ထုရိုက်ခဲ့တယ်ဆိုတာကျတော့ တစ်ဖက်လူက ဒီမျက်နှာကို အရမ်းမုန်းတီးနေတယ်ဆိုတာ သိသာလွန်းတယ်"</p> <p> </p> <p>ကျိုးစုစုကလည်း ခေါင်းညိတ်ထောက်ခံလိုက်သည်။</p> <p> </p> <p>"ဒါပေမဲ့ ကျွန်မတို့ ကောင်မလေးရဲ့ ကျောင်းနဲ့ ဆွေမျိုးတွေကို စုံစမ်းကြည့်ပြီးပြီ။ အားလုံးက သူနဲ့ ဆက်ဆံရေးအဆင်ပြေကြတာချည်းပဲ"</p> <p> </p> <p>ထိုအချိန်တွင် ကျိုးစုစု၏ဖုန်းက မြည်လာခဲ့သည်။</p> <p> </p> <p>"စုစု.. အမှုက တိုးတက်မှုရှိလာပြီ။ ကောင်မလေးရဲ့ဦးလေးက အဓိကသံသယတရားခံပဲ"</p> <p> </p> <p>ထိုစကားကို ကြားသောအခါ ကျိုးစုစု၏ မျက်လုံးများ အရောင်လက်သွားလေသည်။</p> <p> </p> <p>"ယဲ့ချန်း.. သဲလွန်စရပြီ။ ကျူးလွန်သူက သူ့ဦးလေးဖြစ်နိုင်တယ်"</p> <p> </p> <p>ထိုစကားကို ကြားသောအခါ ယဲ့ချန်း မှင်တက်သွားခဲ့သည်။</p> <p> </p> <p>ဒီအမှုက ဒီလိုနဲ့ပဲ ဖြေရှင်းပြီးသွားပြီလား။</p> <p> </p> <p>သို့သော် ယဲ့ချန်းကတော့ စနစ်ကတစ်ဆင့် တာဝန်ပြီးမြောက်ကြောင်း အသိပေးချက်တစ်စုံတစ်ရာ မတွေ့ရပေ။</p> <p> </p> <p>ဆိုလိုသည်မှာ ကောင်မလေး၏ဦးလေးက လူသတ်သမား မဟုတ်နိုင်ချေ။</p> <p> </p> <p>"ကိုယ် မင်းနဲ့အတူ စစ်ကြောရေးခန်းကို လိုက်ခဲ့လို့ရမလား"</p> <p> </p> <p>ယဲ့ချန်းက မေးလိုက်သည်။</p> <p> </p> <p>"ရတာပေါ့"</p> <p> </p> <p>ကျိုးစုစုက ယဲ့ချန်း မည်သူမည်ဝါဖြစ်ကြောင်း သိထားသည်။</p> <p> </p> <p>သူသည် ရဲတပ်ဖွဲ့ကိုပင် စည်းရုံးလှုပ်ရှားပိုင်ခွင့် အာဏာရှိပေသည်။</p> <p> </p> <p>ယဲ့ချန်းလည်း ကျိုးစုစုနှင့်အတူ ရဲစခန်းသို့ လိုက်သွားခဲ့သည်။</p> <p> </p> <p>စစ်ကြောရေးခန်းထဲတွင် ကျိုးစုစုနှင့် ရဲအရာရှိတစ်ဦးက ကောင်မလေး၏ ဦးလေးကို စစ်ဆေးမေးမြန်းနေကြသည်။</p> <p> </p> <p>ကျိုးစုစု : "ကျွန်မတို့ စုံစမ်းစစ်ဆေးပြီးပြီ။ တလောတုန်းက ရှင် လောင်းကစားကြောင့် ငွေအများကြီးဆုံးရှုံးခဲ့ရပြီး အကြွေးဆပ်ဖို့အတွက် အိမ်နဲ့ကားကိုတောင် ရောင်းချခဲ့ရတယ်ဆိုတာ ဟုတ်လား"</p> <p> </p> <p>"ဟုတ်ပါတယ်။ ဒါပေမဲ့ ရှောင်ကျားရဲ့ သေဆုံးမှုက ကျွန်တော်နဲ့ ဘာမှမဆိုင်ပါဘူး"</p> <p> </p> <p>ကောင်မလေး၏ ဦးလေးက ပြောလေသည်။</p> <p> </p> <p>"မိသားစုတွေ့ဆုံပွဲမှာ ရှင့်တူမက ရှင့်ကို ဆူပူကြိမ်းမောင်းခဲ့လို့ ရှင်တို့နှစ်ယောက် စကားများခဲ့ကြတယ်လို့ ကျွန်မတို့ကြားထားတယ်"</p> <p> </p> <p>"ဟုတ်ပါတယ်။ အဲဒါက တကယ်ဖြစ်ခဲ့တာပါ။ ဒါပေမဲ့ ရှောင်ကျားက ကျွန်တော့်အပေါ် စေတနာထားတယ်ဆိုတာ ကျွန်တော် သိပါတယ်။ သူက ကျွန်တော့်ကို ဆူပူခဲ့ပေမဲ့ တိတ်တဆိတ်ကူညီပေးခဲ့ပြီး အကြွေးတချို့ကိုတောင် ဆပ်ပေးခဲ့ပါသေးတယ်။ ကျွန်တော့်မှာ ကျေးဇူးတင်လို့တောင် မဆုံးနိုင်တာ။ သူ့ကို ဘယ်လိုလုပ်ပြီး သတ်ရက်မှာလဲ။ ကျွန်တော် ရှောင်ကျားကို ငယ်ငယ်ကတည်းက ချစ်ခဲ့တာ။ ဘယ်ခွေးကောင်ကများ သူ့ကို ဒီလောက် ရက်ရက်စက်စက် သတ်သွားလဲမသိဘူး"</p> <p> </p> <p>ထိုသို့ပြောရင်း ကောင်မလေး၏ ဦးလေးမှာ အသံထွက်ကာ ငိုကြွေးလေတော့သည်။</p> <p> </p> <p>ဤမြင်ကွင်းကိုကြည့်ရင်း ယဲ့ချန်း ခေါင်းယမ်းလိုက်မိသည်။ ကောင်မလေး၏ ဦးလေးမှာ လူသတ်သမား မဟုတ်ပေ။</p> <p> </p> <p>လူသတ်သမားက ဘယ်သူများ ဖြစ်နိုင်မလဲ။</p> <p> </p> <p>ထိုအချိန်တွင် စစ်ကြောရေးခန်းထဲရှိ ကောင်မလေး၏ဦးလေးက ပြောလိုက်၏။</p> <p> </p> <p>"ဟူး... ကျွန်တော့်အစ်ကိုက ပရဟိတလုပ်ရတာကို အရမ်းသဘောကျတာ။ ကလေးတွေအများကြီးကိုလည်း ထောက်ပံ့ပေးခဲ့တယ်။ အခုတော့ သူ့ကလေးအရင်းက ဒီလို အဖြစ်ဆိုးနဲ့ ဆုံးပါးသွားရရှာတယ်"</p> <p> </p> <p>ယဲ့ချန်း၏စိတ်ထဲတွင် စနစ်၏ အသိပေးချက်တစ်ခုကို ရုတ်တရက်ကြားလိုက်ရသည်။</p> <p> </p> <p>"သေဆုံးသူရဲ့ဖခင်က တက္ကသိုလ်ကျောင်းသားတွေကို ထောက်ပံ့ပေးခဲ့ဖူးပါတယ်။ မကြာသေးခင်က စီးပွားရေးအရှုံးပေါ်မှုတွေကြောင့် အလှူငွေတွေကို အဆုံးအထိ မထောက်ပံ့နိုင်တော့ဘဲ အားလုံးကို ရပ်ဆိုင်းလိုက်ပါတယ်"</p> <p> </p> <p>ထိုစကားကို ကြားလိုက်ရသောအခါ ယဲ့ချန်း တစ်စုံတစ်ခုကို ရုတ်တရက်စဉ်းစားမိသည်။</p> <p> </p> <p>စစ်ကြောရေးအပြီးတွင် ကျိုးစုစုက သက်ပြင်းချလိုက်၏။</p> <p> </p> <p>"ကောင်မလေးရဲ့ဦးလေး မဟုတ်ဘူးလို့ ကျွန်မရဲ့အလိုလိုသိစိတ်က ပြောနေတယ်"</p> <p> </p> <p>ယဲ့ချန်းက ကျိုးစုစုကို ပြောလိုက်၏။</p> <p> </p> <p>"ကောင်မလေးရဲ့အဖေ ထောက်ပံ့ပေးထားတဲ့ တက္ကသိုလ်ကျောင်းသားတွေကို ချက်ချင်းစစ်ဆေးကြည့်လိုက်။ မကြာသေးခင်က သူတို့ထဲက တစ်ယောက်ယောက်များ ကောင်မလေး ဒါမှမဟုတ် သူ့အဖေနဲ့ အဆက်အသွယ်ရှိခဲ့သလားဆိုတာလည်း ကြည့်လိုက်ပါ"</p> <p> </p> <p>မကြာခင်မှာပင် စုံစမ်းစစ်ဆေးမှုရလဒ်များ ထွက်ပေါ်လာခဲ့သည်။ မကြာသေးခင်က ချန်းခွမ်းအမည်ရ ကျောင်းသားတစ်ဦးသည် ကောင်မလေး၏ဖခင်က ထောက်ပံ့ငွေ ရပ်ဆိုင်းလိုက်သောကြောင့် ကုမ္ပဏီသို့ အကြိမ်ကြိမ်သွားရောက်ကာ ပြဿနာရှာခဲ့သည်။ တစ်ကြိမ်တွင် ထိုနေရာ၌ ကောင်မလေးကလည်း ရှိနေခဲ့သဖြင့် သူ့ကို လူပုံအလယ်မှာပင် ဆူပူကြိမ်းမောင်းခဲ့ဖူးသည်။</p> <p> </p> <p>ခဏအကြာတွင် ထိုကောင်လေးနှင့် ပတ်သက်သည့် အချက်အလက်အားလုံးကို ဆွဲထုတ်နိုင်ခဲ့သည်။</p> <p> </p> <p>အံ့သြစရာကောင်းသည်မှာ ထိုကောင်လေး၏ ခန္ဓာကိုယ်ဖွဲ့စည်းပုံက ဗီဒီယိုထဲရှိ ထိုလူနှင့် အလွန်တူညီနေခြင်းပင်။</p> <p> </p> <p>ယဲ့ချန်း အသက်ပြင်းပြင်းရှူသွင်းလိုက်သည်။</p> <p> </p> <p>"ဒီချန်းခွမ်းက လူသတ်သမားပဲ"</p> <p> </p> <p>ယဲ့ချန်း၏စကားကို ကြားသော် ကျိုးစုစု အံ့သြမှင်တက်သွားသည်။</p> <p> </p> <p>"ဒါပေမဲ့ ကောင်မလေးရဲ့ အဖေက ဒီကလေးကို ထောက်ပံ့ပေးခဲ့တာလေ။ သူက ဘယ်လိုလုပ်ပြီးတော့များ ဒီလောက်အထိ ရက်စက်နိုင်ရတာလဲ"</p> <p> </p> <p>ယဲ့ချန်းက ခပ်ပြတ်ပြတ်ပြောလိုက်လေသည်။</p> <p> </p> <p>"မြွေဆိုးနဲ့လယ်သမားပုံပြင်ကို ကြားဖူးလား"</p> <p> </p> <p>မကြာခင်မှာပင် ချန်းခွမ်းနှင့် ပတ်သက်သည့် သတင်းအချက်အလက်များမှာ ဆက်တိုက် ဝင်ရောက်လာသည်။</p> <p> </p> <p>ချန်းခွမ်းက အမှန်စင်စစ် အကြီးစားသံသယတရားခံဖြစ်နေပေသည်။</p> <p> </p> <p>ညဘက်တွင် ကောင်လေးတစ်ယောက်က အငှားအိမ်တစ်လုံးထဲမှ စိုးရိမ်တကြီးဖြင့် အလျင်စလို ထွက်လာခဲ့သည်။</p> <p> </p> <p>တံခါးဝတွင်မူ ကျီလိကားတစ်စီး ရပ်ထားသည်။</p> <p> </p> <p>ကားပေါ်သို့ တက်ပြီးနောက် ထိုကောင်လေးက ပြောလိုက်သည်။</p> <p> </p> <p>"ဒရိုင်ဘာအစ်ကို... စုမြို့ ရထားဘူတာရုံကို သွားပေးပါ"</p> <p> </p> <p>ယာဉ်မောင်းက ခေါင်းညိတ်ပြလိုက်ပြီးနောက် ကားစက်နှိုးလိုက်၏။</p> <p> </p> <p>ကောင်လေးလည်း နောက်ဆုံးတွင် ဤနေရာမှ ထွက်ခွာနိုင်ပြီဖြစ်၍ စိတ်သက်သာရာရဟန်ဖြင့် သက်ပြင်းချလိုက်တော့သည်။</p> <p> </p> <p> </p> <p> </p> <p> </p> <p>••••••••••••••••</p> <p> </p>


Save