Book List

<h2 style="text-align:center">အခန်း (၁၅၉၁)</h2> <h2 style="text-align:center">ကျောက်နက်တောင်ကြားသို့ မျှားခေါ်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ထိုအခိုက်အတန့်တွင် တိန့်ချင်းဖုန်းက စီကုန်းယုဖုန်း၏ ရည်ရွယ်ချက်ကို စူးစမ်းချင်သောကြောင့်</p> <p> </p> <p> “နောက်ထပ် ဘာများလုပ်ပေးရမလဲ နတ်စွမ်းအားရှင်”</p> <p> </p> <p>စီကုန်းယုဖုန်း ခဏခန့် အတွေးထဲနစ်မြောသွား၏။ လျှို့ဝှက်လဝန်းနန်းတော်နှင့် ချီယန်ဂိုဏ်းကြားတွင် စစ်ပွဲတစ်ခု ဖြစ်ပွားစေရန်သာ သူ အလိုရှိသည်။</p> <p> </p> <p> လျှို့ဝှက်လဝန်းနန်းတော် သခင်၏ တပည့်ရင်းကို သတ်လိုက်ရုံနှင့်ပင် စစ်ပွဲ အလိုအလျောက် ဖြစ်ပေါ်လာမည် ဖြစ်၏။</p> <p> </p> <p>သို့သော် ကောင်းကင်ဝံပုလွေမြို့သည် ချီယန်ဂိုဏ်းနှင့် အတန်ငယ် နီးကပ်လွန်းနေပြီး ချီယန်ဂိုဏ်းမှ လူအချို့လည်း အနီးအနားတွင် ရှိနေနိုင်သည်။ ထိုသူကို မဖြေရှင်းနိုင်ခဲ့ပါက ချီယန်ဂိုဏ်းမှ လူများကို ဆွဲဆောင်မိ သွားနိုင်ခြေ ရှိနေပြန်သည်။</p> <p> </p> <p>ချီယန်ဂိုဏ်းသားများ ဤနေရာသို့ ရောက်ရှိလာခဲ့လျှင် သူ၏ အစီအစဉ် ပျက်စီးသွားပေလိမ့်မည်။ ချီယန်ဂိုဏ်းမှ လူများသည် လူအများ မဟုတ်ကြရာ လျှို့ဝှက်လဝန်းနန်းတော် သခင်၏ တပည့်ရင်းကို သတ်ဖြတ်သည်အထိတော့ သူကို ခွင့်ပြုမည် မဟုတ်ချေ။</p> <p> </p> <p>ထိုသို့ တွေးတောရင်း သူ၏အစီအစဉ်ကို အန္တရာယ်မဖြစ်စေမည့် နည်းလမ်းကိုသာ အလေးအနက်ထား ဆုံးဖြတ်လိုက်၏။</p> <p> </p> <p>စီကုန်းယုဖုန်းက</p> <p> </p> <p> “အရင်ဆုံး သူ့ကို ခဏ ထိန်းထားပြီး‌ ကျောက်နက်တောင်ကြားကို ခေါ်ထုတ်လာနိုင်မယ့် နည်းလမ်း ရှာပါ။”</p> <p> </p> <p>စီကုန်းယုဖုန်း၏ ရည်ရွယ်ချက်ကို တိန့်ချင်းဖုန်း ချက်ချင်းပင် နားလည်သွား၏။ ထိုသူကို ကျောက်နက်တောင်ကြားတွင် အစဖျောက်ရန် စီကုန်းယုဖုန်း ကြံစည်ထားခြင်း ဖြစ်သည်။</p> <p> </p> <p>တိန့်ချင်းဖုန်းအတွက်လည်း ဤအစီအစဉ်သည် သူ၏ အသက်အန္တရာယ်ကို စွန့်စားရမှု အနည်းဆုံးဖြစ်၏။</p> <p> </p> <p>တိန့်ချင်းဖုန်းက</p> <p> </p> <p> “ဟုတ်ကဲ့ပါ နတ်စွမ်းအားရှင်”</p> <p> </p> <p>တိန့်ချင်းဖုန်း၏ စကားအဆုံးတွင် စီကုန်းယုဖုန်း၏ ပုံရိပ် ပျောက်ကွယ်သွားခဲ့သည်။ ထို့နောက် လုချန်းကို ကြိုဆိုရန်အတွက် ကောင်းကင်ဝံပုလွေမြို့ရှိ မိသားစု ခေါင်းဆောင်များကို တိန့်ချင်းဖုန်း ဦးဆောင်ကာ မြို့တံခါးသို့ ထွက်လာခဲ့လေသည်။</p> <p> </p> <p>ထိုအချိန်တွင် မြို့တံခါးအတွင်းသို့ လုချန်း ရောက်ရှိနေပြီ ဖြစ်၏။ ရှောင်ရွှီရင်က လုချန်းထံသို့ အသံလှိုင်းမှတစ်ဆင့်</p> <p> </p> <p> “မောင်လေးချန်း... အန္တရာယ် တစ်ခုခု ရှိလာရင် နန်းတော်သခင်ရဲ့ ကျောက်စိမ်းလိပ်ကို ချက်ချင်း အသုံးပြုလိုက်နော်။”</p> <p> </p> <p>လုချန်းက ရှောင်ရွှီရင်ကို</p> <p> </p> <p>“ကောင်းပါပြီ အစ်မ”</p> <p> </p> <p>မြို့တံခါးအတွင်းသို့ ဝင်ရောက်လာသည်နှင့် စစ်သည်များ၏ အကြည့်များ ပုံမှန်မဟုတ်သည်ကို သူတို့ သိသိသာသာ ခံစားမိလိုက်၏။ သူတို့ကို အထက်ဂိုဏ်းမှ သံတမန်များကဲ့သို့ ကြည့်နေခြင်း မဟုတ်သလို မျက်လုံးထဲတွင်လည်း ကြောက်ရွံ့ရိုသေမှုများ ကင်းမဲ့နေသည်။</p> <p> </p> <p>ကောင်းကင်ဝံပုလွေမြို့ တကယ်ပင် သစ္စာဖောက်သွားပြီဖြစ်ကြောင်း ထင်ရှားနေသည်။ မည်မျှအထိ သစ္စာဖောက်သွားသည်ကိုသာ မသိရသေးခြင်းပင်။</p> <p> </p> <p>မကြာမီမှာပင် တိန့်ချင်းဖုန်းသည် ကောင်းကင်ဝံပုလွေမြို့မှ မိသားစုခေါင်းဆောင်များနှင့်အတူ  လုချန်း၏ အရှေ့သို့ ရောက်ရှိလာပြီး</p> <p> “အထက်ဂိုဏ်းက သံတမန်ကြီးကို ဂါရဝပြုပါတယ်”</p> <p> </p> <p>ရောက်ရှိနေသူများကို လုချန်း တစ်ချက်ကြည့်လိုက်ပြီး ၎င်းတို့၏ အချက်အလက်များကို စနစ်ဖြင့် စစ်ဆေးကြည့်လိုက်၏။ သူတို့၏ သစ္စာစောင့်သိမှု သုညဖြစ်နေသည်ကို တွေ့လိုက်ရသဖြင့် စိတ်ထဲမှ လုချန်း  လှောင်ပြုံး ပြုံးလိုက်မိသည်။</p> <p> </p> <p>လုချန်းက</p> <p> </p> <p> “အားလုံး ထကြပါ”</p> <p> </p> <p>တိန့်ချင်းဖုန်း မတ်တတ်ရပ်လိုက်ပြီးနောက် လုချန်းကို ပြုံးလျက်</p> <p> </p> <p>“သံတမန်... ကျုပ်ကတော့ ကောင်းကင်ဝံပုလွေမြို့ရဲ့ မြို့တော်ဝန် တိန့်ချင်းဖုန်း ဖြစ်ပါတယ်။ သံတမန် ရောက်လာမယ့်အကြောင်းကို သိထားရလို့ တည်းခိုဖို့ နေရာများကိုလည်း အဆင်သင့် ပြင်ထားပြီးပါပြီ။ ကျုပ်နောက်ကို လိုက်ခဲ့ပေးပါ။”</p> <p> </p> <p>လုချန်းက</p> <p> </p> <p>“ကောင်းပါပြီ”</p> <p> </p> <p>ဤလူများ မည်သည့်လှည့်ကွက်များကို အသုံးပြုဦးမလဲ ကြည့်လိုက်ဦးမည်ဟု လုချန်း စိတ်ထဲ တွေးလိုက်၏။ သစ္စာစောင့်သိမှု သုညဖြစ်နေခြင်းကြောင့် သူတို့အားလုံး သစ္စာဖောက်ထားကြကြောင်း ထင်ရှားလှပေသည်။</p> <p> </p> <p>ယခင်က သူနှင့်တွေ့ခဲ့သော ရွှေနတ်က သူတို့ထက်ဦးအောင် ကောင်းကင်ဝံပုလွေမြို့သို့ ရောက်နှင့်နေပြီလား ဆိုတာကိုသာ သေချာမသိရသေးပေ။</p> <p> </p> <p>တိန့်ချင်းဖုန်း၏ လမ်းပြမှုနှင့်အတူ မြို့တော်ဝန်စံအိမ်ရှိ အစည်းအဝေးခန်းမသို့ မကြာမီမှာပင် လုချန်း ရောက်ရှိသွားခဲ့သည်။ မြို့တော်ဝန်၏ နေရာကို လုချန်းထံ ပေးအပ်လိုက်ပြီး တိန့်ချင်းဖုန်းကတော့ ညာဘက်အောက်ပိုင်းရှိ နေရာတွင် ဝင်ထိုင်လိုက်၏။</p> <p> </p> <p>စံအိမ်၏ အစေခံကို တိန့်ချင်းဖုန်း မျက်ရိပ်ပြလိုက်သည်နှင့် မြို့တော်ဝန်စံအိမ်အတွင်းသို့ မြိန်ရှက်ဖွယ် စားသောက်ဖွယ်ရာများ ရောက်ရှိလာခဲ့ပြီး လှပသော အမျိုးသမီး အုပ်စုတစ်စုကိုလည်း ခေါ်ဆောင်လာခဲ့ကြသည်။</p> <p> </p> <p>တိန့်ချင်းဖုန်းက လုချန်းကို</p> <p> </p> <p>“သံတမန်... ဒီအမျိုးသမီးလေးတွေကတော့ မိသားစုကြီးအသီးသီးက အမျိုးသမီးလေးတွေပါ။ သူတို့အားလုံးက စင်ကြယ်ကြသူတွေဖြစ်လို့ သံတမန် စိတ်ချမ်းသာအောင် ပြုစုပေးနိုင်ပါလိမ့်မယ်။”</p> <p> </p> <p>ထိုအမျိုးသမီးများ၏ အချက်အလက်များကို လုချန်း တစ်ချက်ကြည့်လိုက်ပြီး စိတ်ထဲမှ လှောင်ရယ်လိုက်မိသည်။</p> <p> </p> <p>တကယ်တော့ ဤအမျိုးသမီးများသည် သာမန်မိသားစုများမှသာ ဖြစ်ကြသည်။</p> <p> </p> <p>ထိုအခိုက်အတန့်တွင် အမျိုးသမီးနှစ်ဦး လုချန်း၏ အနီးသို့ တိုးကပ်လာရန် ပြင်လိုက်စဉ် ရှောင်ရွှီရင်က မနေနိုင်တော့ပဲ</p> <p> </p> <p> “မြို့တော်ဝန်တိန့်... ဒါက ဘာသဘောလဲ။ ကျွန်မရဲ့ မောင်လေးက ကျင့်စဉ်ကိုပဲ အာရုံစိုက်နေတဲ့ လူမျိုးပါ။ အခုလို အမျိုးသမီးတွေကို လွှတ်ပေးပြီး သူ့ရဲ့ ကျင့်စဉ်လမ်းကို ဖျက်ဆီးဖို့ စဉ်းစားနေတာလား။”</p> <p> </p> <p>ရှောင်ရွှီရင်၏ စကားသံနှင့်အတူ ဖိအားလှိုင်းတစ်ခုလည်း ပြန့်လွင့်ထွက်ပေါ်လာခဲ့သည်။ ချီယန်ဂိုဏ်းမှ နတ်စွမ်းအားရှင် သူတို့ကို အရိပ်ထဲမှ စောင့်ကြည့်နေနိုင်သည်ကို သိသော်လည်း တိန့်ချင်းဖုန်း၏ မျက်နှာ အနည်းငယ် ပျက်ယွင်းသွားခဲ့၏။</p> <p> </p> <p>ဤမျှနီးကပ်သော အကွာအဝေးတွင် ရှောင်ရွှီရင်က သူ့ကို သတ်ချင်ပါက ချီယန်ဂိုဏ်းမှ နတ်စွမ်းအားရှင်ပင်လျှင် အချိန်မီ တားဆီးနိုင်မည် မဟုတ်ချေ။</p> <p> </p> <p>တိန့်ချင်းဖုန်းက</p> <p> “နတ်မိမယ်လေး... ကျုပ်ကို ခွင့်လွှတ်ပေးပါ။ ဒါက ကျုပ်ရဲ့ ပေါ့ဆမှုပါ။”</p> <p> </p> <p>တိန့်ချင်းဖုန်း၏ စကားကို ကြားလိုက်ရသဖြင့် ခန်းမအတွင်းရှိ အမျိုးသမီးများ အလျင်အမြန်ပင် ထွက်ခွာသွားကြ တော့သည်။</p> <p> </p> <p>အမျိုးသမီးများ ထွက်သွားသည်ကို မြင်သောအခါမှ လုချန်းက</p> <p> </p> <p> “ကဲ... မသိလို့လုပ်တာဆိုတော့လည်း အပြစ်မရှိပါဘူး”</p> <p> </p> <p>တိန့်ချင်းဖုန်းက</p> <p> </p> <p> “သံတမန်ရဲ့ သဘောထားကြီးမှုအတွက် ကျေးဇူးတင်ပါတယ်။”</p> <p> </p> <p>လုချန်းက</p> <p> “မိသားစုခေါင်းဆောင် နှစ်ယောက် လိုနေသလိုပဲ”</p> <p> </p> <p>“ကျုပ် သိသလောက်ဆိုရင် ကောင်းကင်ဝံပုလွေမြို့မှာ လျှိုမိသားစုနဲ့ ဝမ်မိသားစုလည်း ရှိသေးတာပဲ။ အဲ့ဒီမိသားစုက ခေါင်းဆောင်တွေရော ဘယ်မှာလဲ။”</p> <p> </p> <p>ထိုအရာကို ကြားလျှင် လျှို့ဝှက်လဝန်းနန်းတော်က ကောင်းကင်ဝံပုလွေမြို့၌ ဖြစ်ပျက်နေသည့် အကြောင်းအရာများကို အစောကတည်းက သိနေခဲ့သဖြင့် ဤမိသားစုနှစ်စုအကြောင်းကို အရင်ဦးဆုံး မေးမြန်းခြင်းဖြစ်နိုင်သည်။</p> <p> </p> <p>ဤမေးခွန်းသည် စမ်းသပ်မေးမြန်းခြင်းမျှသာဖြစ်ပြီး အမှန်တကယ် သိရှိထားပြီးသား အချက်အလက်များကို အတည်ပြုခြင်းသာ ဖြစ်သည်ဟု တိန့်ချင်းဖုန်း နားလည်လိုက်သည်။</p> <p> </p> <p>သူတို့က ထိုမိသားစုများနှင့် စာရင်းရှင်းရန် ကြံစည်နေခြင်း ဖြစ်လိမ့်မည်။ ကံကောင်းသည်က သူတို့အခု ချီယန်ဂိုဏ်းနှင့် ပူးပေါင်းပြီး ဖြစ်နေခြင်းပင်။</p> <p> </p> <p>ခန်းမ၏ အလယ်သို့ တိန့်ချင်းဖုန်း ချက်ချင်းပင် လျှောက်လှမ်းလာပြီး ဒူးထောက်လျက်</p> <p> </p> <p> “သံတမန်... လျှိုမိသားစုနဲ့ ဝမ်မိသားစုက လျှို့ဝှက်လဝန်းနန်းတော်ကို သစ္စာဖောက်ပြီး  တစ်မျိုးလုံး ချီယန်ဂိုဏ်းဆီကို ပြောင်းရွှေ့သွားကြပါပြီ။”</p> <p> </p> <p>ထိုအရာကို ကြားလျှင် လုချန်း၏ မျက်နှာ ချက်ချင်းပင် ညိုမှောင်သွားခဲ့ပြီး</p> <p> </p> <p> “လျှိုမိသားစုနဲ့ ဝမ်မိသားစုက သတ္တိတော်တော်ရှိကြတာပဲ။”</p> <p> </p> <p>“လျှို့ဝှက်လဝန်းနန်းတော်သာ မရှိခဲ့ရင် သူတို့မှာ အခုလို အဆင့်အတန်းမျိုး ရှိလာမှာ မဟုတ်ဘူး။ ဒါတောင် သူတို့က လျှို့ဝှက်လဝန်းနန်းတော်ကို သစ္စာဖောက်ရဲကြတယ်ပေါ့။”</p> <p> </p> <p>လုချန်းက ဆက်လက်၍</p> <p> “သူတို့ ကောင်းကင်ဝံပုလွေမြို့ကနေ ဘယ်တုန်းက ထွက်သွားတာလဲ”</p> <p> </p> <p> </p> <p>တိန့်ချင်းဖုန်းက</p> <p> </p> <p> “မကြာသေးခင်ကမှပါ သံတမန်”</p> <p> </p> <p>ထိုအရာကို ကြားလျှင် လုချန်း၏ ဖိအားများ  ရုတ်တရက် ပွင့်ထွက်လာခဲ့ရာ တိန့်ချင်းဖုန်းနှင့် မိသားစုခေါင်းဆောင်များလည်း ဖိအားကို မတောင့်ခံနိုင်ပဲ မြေပြင်ပေါ်သို့ တိုက်ရိုက် ဒူးထောက်ကျသွားခဲ့ကြ၏။</p> <p> </p> <p>လုချန်းက</p> <p> “တိန့်ချင်းဖုန်း... ခင်ဗျား မြို့တော်ဝန် တစ်ယောက်အနေနဲ့ ဘယ်လိုတွေ လုပ်နေတာလဲ။”</p> <p> </p> <p> “သူတို့ ကောင်းကင်ဝံပုလွေမြို့နဲ့ လျှို့ဝှက်လဝန်းနန်းတော်ကို သစ္စာဖောက်နေတာကို ခင်ဗျားက ဒီအတိုင်းပဲ ကြည့်နေခဲ့တာလား”</p> <p> </p> <p>တိန့်ချင်းဖုန်းက</p> <p> </p> <p> “ကျုပ်ကို ခွင့်လွှတ်ပေးပါ။ ကျုပ် မတားခဲ့တာ မဟုတ်ပါဘူး။ အဲဒီမိသားစု နှစ်စုရဲ့ အင်အားက အရမ်းကြီးလွန်းလို့ မြို့တော်ဝန်စံအိမ်က သူတို့ကို မယှဉ်နိုင်ခဲ့လို့ပါ။”</p> <p> </p> <p>“ဒါ့ပြင် သူတို့နောက်မှာ ချီယန်ဂိုဏ်းက ကျောထောက်နောက်ခံ ပေးထားတာကြောင့် ကျုပ်တို့ ဘာမှ မတတ်နိုင်ခဲ့ပါဘူး။”</p> <p> </p> <p>ထိုစကားကို ကြားသောအခါ လုချန်းက</p> <p> </p> <p> “ဩော်... ဒါဆို ချီယန်ဂိုဏ်းက လူတွေက လျှို့ဝှက်လဝန်းနန်းတော်ရဲ့ နယ်မြေထဲကို ကျူးကျော်ဝင်ရောက်လာတယ်လို့ ဆိုချင်တာလား။”</p> <p> </p> <p>တိန့်ချင်းဖုန်း၏ ကျောရိုးတစ်လျှောက် စိမ့်ခနဲ ခံစားလိုက်ရပြီး ချီယန်ဂိုဏ်းမှ နတ်စွမ်းအားရှင်အကြောင်း သူ သိသွားပြီလားဟု တွေးလိုက်မိသည်။</p> <p> </p> <p>သို့သော် သူ ယခုပြောလိုက်သော စကားများသည် လုချန်းကို ကျောက်နက်တောင်ကြားသို့ ဆွဲဆောင်ရန် တစ်ခုတည်းသော နည်းလမ်းဖြစ်သည်ကိုလည်း တိန့်ချင်းဖုန်း သိ၏။</p> <p> </p> <p>တစ်ခုခုကို သတိရသွားဟန်ဖြင့် တိန့်ချင်းဖုန်းက</p> <p> </p> <p> “သံတမန်... ချီယန်ဂိုဏ်းက သူခိုးတွေက လျှို့ဝှက်လဝန်းနန်းတော် နယ်မြေထဲကို တကယ် ကျူးကျော်ဝင်ရောက်နေတာပါ။ သူတို့က ကျောက်နက်တောင်ကြားမှာ စိတ်ဝိညာဉ်ကြောတစ်ခုကို တွေ့ရှိထားပုံရပြီး တောင်ကြားတစ်ခုလုံးကို သိမ်းပိုက်ဖို့ ကြံစည်နေကြပါတယ်။ ဒါတင်မကသေးဘဲ ကောင်းကင်ဝံပုလွေမြို့ တစ်မြို့လုံးကိုပါ ချီယန်ဂိုဏ်း လက်အောက်ကို သွတ်သွင်းဖို့ ကြိုးစားနေကြပါတယ်။”</p> <p> </p> <p>“ချီယန်ဂိုဏ်းက အဲဒီလူယုတ်မာတွေကို ကျောက်နက်တောင်ကြားကနေ နှင်ထုတ်ပေးဖို့ သံတမန်ကို ကျုပ် တောင်းဆိုပါတယ်။”</p> <p> </p> <p>တိန့်ချင်းဖုန်း၏ စကားကို ကြားလိုက်ရသောအခါ လုချန်း၏ နှုတ်ခမ်းအစုံ အနည်းငယ် ကွေးညွှတ်သွားခဲ့၏။</p> <p> </p> <p>သူတို့က သူ့ကို ထိုနေရာသို့ ခေါ်ဆောင်ချင်နေကြခြင်း ဖြစ်သည်။</p> <p> </p> <p>ဤလူများ ချက်ချင်း အရေးမယူရခြင်းမှာ သူတို့ကို ကျောက်နက်တောင်ကြားသို့ ရောက်မှသာ တိုက်ခိုက်ရန် ကြံစည်ထားကြသောကြောင့် ဖြစ်ကြောင်း လုချန်း နားလည်သွားခဲ့သည်။</p> <p> </p> <p>လုချန်းက</p> <p> “ချီယန်ဂိုဏ်းက လူတွေက တကယ့်ကို သတ္တိကောင်းကြတာပဲ။ ကောင်းကင်ဝံပုလွေမြို့ရဲ့ အကြောင်းအရာတွေကို ကျုပ်ရဲ့ ဆရာထံ အစီရင်ခံရမယ်။”</p> <p> </p> <p>ထိုစကားကြောင့် တိန့်ချင်းဖုန်း မှင်တက်သွားခဲ့ပြီး သတိပြန်ဝင်လာသောအခါ</p> <p> </p> <p> “သံတမန်... ဒီလိုကိစ္စလေးတွေနဲ့ နန်းတော်သခင်ကို ဒုက္ခပေးနေဖို့ မလိုပါဘူး”</p> <p> </p> <p>“ချီယန်ဂိုဏ်းက နတ်စွမ်းအားရှင်တွေက ကျုပ်တို့လို သာမန်လူတွေထက် စွမ်းအားကြီးတယ်ဆိုပေမဲ့ သူတို့က ချီယန်ဂိုဏ်းက သာမန် တပည့်အဆင့်တွေပဲ ရှိတာပါ။ သံတမန်ကို ယှဉ်နိုင်မှာ မဟုတ်ပါဘူး။ သံတမန်သာ ကိုယ်တိုင်ဦးဆောင်မယ်ဆိုရင် သူတို့ကို ကျောက်နက်တောင်ကြားကနေ နှင်ထုတ်နိုင်မှာ အသေအချာပါပဲ။”</p> <p> </p> <p>လုချန်းက</p> <p>“အဲ့ဒီလိုလား... ဒါဆိုရင်တော့ မနက်ဖြန်ကျရင် ကျောက်နက်တောင်ကြားကို ကျုပ် သွားမယ်။”</p> <p> </p> <p>လုချန်း သဘောတူလိုက်သည်ကို မြင်သောအခါမှ တိန့်ချင်းဖုန်း စိတ်သက်သာရာ ရသွားတော့၏။ လုချန်းကို ကျောက်နက်တောင်ကြားသို့ အောင်မြင်စွာ ဆွဲဆောင်နိုင်ခဲ့ပြီဖြစ်၍ သူ၏တာဝန် ကျေပွန်သွားပြီဖြစ်သည်။</p> <p> </p> <p>သို့သော် ယခုအချိန်တွင် ကောင်းကင်ဝံပုလွေမြို့၏ အကြောင်းအရာများကို လျှို့ဝှက်လဝန်းနန်းတော် သခင်အား လုံးဝ မသိစေရပေ။</p> <p> </p> <p>သူမ၏ နတ်ဘုရင် အဆင့် စွမ်းအားနှင့်ဆိုလျှင် ကောင်းကင်ဝံပုလွေမြို့သို့ ရောက်ရှိရန် အချိန်ခဏလေးသာ လိုအပ်မည် ဖြစ်သည်။</p> <p> </p> <p>သူမ ကိုယ်တိုင်သာ ရောက်လာခဲ့လျှင် အားလုံး ဒုက္ခရောက်ကုန်ပေလိမ့်မည်။</p> <p> </p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center">***</p>


Save