Book List

<h2 style="text-align:center">အခန်း (၁၅၉၂)</h2> <h2 style="text-align:center">ချီယန်ဂိုဏ်းက ဖြစ်ချင်မှ ဖြစ်မယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>စားသောက်ပွဲ ပြီးဆုံးသွားပြီးနောက် တိန့်ချင်းဖုန်း စီစဉ်ပေးထားသော အဆောင်အတွင်းသို့ လုချန်း ဝင်ရောက်နားနေလိုက်၏။ ရှောင်ရွှီရင်နှင့် ကောက်ရှီယွမ်တို့လည်း ထိုဆောင်အတွင်း၌ပင် တည်းခိုကြသည်။</p> <p> </p> <p>ထိုစဉ် လုချန်း၏ အခန်းထဲသို့ အမျိုးသမီးနှစ်ဦး တိုက်ရိုက်ဝင်လာကြပြီး အသံလုံ နည်းဗျူဟာပုံစံတစ်ခုကို ခင်းကျင်းလိုက်ကြ၏။</p> <p> </p> <p>ရှောင်ရွှီရင်က</p> <p> </p> <p> “ချီယန်ဂိုဏ်းက လူတွေ ကျောက်နက်တောင်ကြားမှာ တို့ကို ချုံခိုတိုက်ဖို့ လူကြိုလွှတ်ထားလောက်ပြီလို့ ထင်တယ်။ ဒါပေမဲ့ သူတို့က ဘာလို့ ကောင်းကင်ဝံပုလွေမြို့ထဲမှာပဲ တိုက်ရိုက်မတိုက်တာလဲ။ ဘာလို့ ဒီလို အပိုအဆင့်တွေ လုပ်နေရတာလဲ။”</p> <p> </p> <p>ကောက်ရှီယွမ်က</p> <p> “ကျောက်နက်တောင်ကြားက ကောင်းကင်ဝံပုလွေမြို့နဲ့ဆိုရင် တစ်ရက်ခရီးလောက် ဝေးတယ်။ လုချန်းကို တိုက်ခိုက်တာ သူတို့လက်ချက်ဆိုတာ လျှို့ဝှက်လဝန်းနန်းတော်က သိသွားမှာ ချီယန်ဂိုဏ်းက မလိုလားလို့ နေမှာပေါ့။”</p> <p> </p> <p>လုချန်းက ပြုံးလျက်</p> <p> “ကျောက်နက်တောင်ကြားက ကောင်းကင်ဝံပုလွေမြို့ကနေ တစ်ရက်ခရီး ဝေးတယ်ဆိုပေမဲ့ ချီယန်ဂိုဏ်းနဲ့ ကပ်လျက်ရှိနေတယ်လို့ပဲ သတ်မှတ်လို့ရတယ်။ ကျုပ် တစ်ခုခုဖြစ်သွားခဲ့ရင် လျှို့ဝှက်လဝန်းနန်းတော်က ချီယန်ဂိုဏ်းလက်ချက်လို့ပဲ ဧကန်မုချ ထင်မှာပဲ။”</p> <p> </p> <p>“ဒါကြောင့် ဘယ်နေရာမှာ တိုက်ခိုက်တိုက်ခိုက် မထူးခြားပါဘူး။ ကောင်းကင်ဝံပုလွေမြို့ထဲမှာ မတိုက်တာက ချီယန်ဂိုဏ်းနဲ့ အရမ်းနီးနေလို့လို့ ကျုပ် သံသယဖြစ်မိတယ်။ ကျုပ်ကို ချက်ချင်း အပြတ်မရှင်းနိုင်ခဲ့ရင် တခြား ချီယန်ဂိုဏ်းသားတွေကို ဆွဲဆောင်မိသလို ဖြစ်သွားနိုင်လို့ပါ။”</p> <p> </p> <p>ထိုအရာကို ကြားလျှင် ဇဝေဇဝါဖြစ်သွားသော ကောက်ရှီယွမ်က</p> <p> </p> <p> “မောင်လေး... ချီယန်ဂိုဏ်းက မောင်လေးကို အန္တရာယ်ပြုချင်နေတာ မဟုတ်ဘူးလား။ တိုက်ခိုက်မယ့်လူတွေက တခြား ချီယန်ဂိုဏ်းသားတွေ ရောက်လာမှာကို ဘာလို့ စိုးရိမ်နေရတာလဲ။”</p> <p> </p> <p>လုချန်းက ရယ်မောကာ</p> <p> </p> <p> “ကျုပ်ကို ပစ်မှတ်ထားနေတဲ့သူတွေက ချီယန်ဂိုဏ်းက ဖြစ်ချင်မှ ဖြစ်မှာပါ။”</p> <p> </p> <p>ထိုစကားကြောင့် အမျိုးသမီးနှစ်ဦး မှင်တက်သွားကြ၏။</p> <p> </p> <p>ချီယန်ဂိုဏ်းက မဟုတ်ဘူးတဲ့လား။</p> <p> </p> <p>ချီယန်ဂိုဏ်းနယ်မြေနှင့် လျှို့ဝှက်လဝန်းနန်းတော်နယ်မြေတို့သည် ကပ်လျက်တည်ရှိနေပြီး ယခု ချီယန်ဂိုဏ်းက ကောင်းကင်ဝံပုလွေမြို့ကိုပါ ထိန်းချုပ်ထား၏။ လုချန်းကို ပစ်မှတ်ထားနေသူက ချီယန်ဂိုဏ်းမှ မဟုတ်ပါက အခြား မည်သူ ဖြစ်နိုင်ဦးမည်နည်း။</p> <p> </p> <p>တစ်စုံတစ်ဦး၏ သရုပ်မှန်ကို ခွဲခြားသိမြင်နိုင်သည့် စနစ်သာ မရှိခဲ့ပါက ချီယန်ဂိုဏ်းက သူကို အန္တရာယ်ပြုလိုသည်ဟု လုချန်း တကယ်ပဲ ထင်မှတ်မိပေလိမ့်မည်။</p> <p> </p> <p>ကောင်းကင်ဝံပုလွေမြို့သို့ လာရာလမ်းတွင် တွေ့ခဲ့ရသော ရွှေနတ်ကို လုချန်း ပြန်လည်အမှတ်ရလိုက်၏။ ထိုရွှေနတ် မည်သူဖြစ်ကြောင်း သတ်မှတ်ချက် နှစ်မျိုး ရှိနေသည်က ထင်ရှားလှသည်။</p> <p> </p> <p>သူသည် ချီယန်ဂိုဏ်းအတွင်းသို့ ထိုးဖောက်ဝင်ရောက်ရန် သွေးလင်းယုန်ခန်းမမှ စေလွှတ်လိုက်သောသူ ဖြစ်နိုင်‌ကြောင်း သိသာထင်ရှား၏။</p> <p> </p> <p> လုချန်းကို သတ်ဖြတ်ခြင်းဖြင့် လျှို့ဝှက်လဝန်းနန်းတော်နှင့် ချီယန်ဂိုဏ်းကြားတွင် စစ်ပွဲတစ်ပွဲ ဖြစ်ပွားအောင် သွေးထိုးပေးကာ ကြားကနေ အကျိုးအမြတ် ထုတ်ယူဖို့ ရည်ရွယ်နေပုံရ၏။</p> <p> </p> <p>ထိုကဲ့သို့ လှည့်ကွက်မျိုးက ထျန်းရန် နတ်ဘုရား နယ်မြေ၌ ထူးဆန်းလှသည်တော့ မဟုတ်ချေ။</p> <p> </p> <p>လုချန်းက</p> <p> “တစ်ယောက်ယောက်က ကျုပ်ကို သတ်ပြီး လျှို့ဝှက်လဝန်းနန်းတော်နဲ့ ချီယန်ဂိုဏ်းကြားမှာ စစ်မီးမွှေးချင်နေတာ။”</p> <p> </p> <p>မျက်ခုံးနှစ်ဖက်ကို စုကြုတ်လျက် ရှောင်ရွှီရင်က</p> <p> “မောင်လေးချန်း... ဒါကို မောင်လေး ဘယ်လိုသိတာလဲ”</p> <p> </p> <p>လုချန်းက</p> <p>“ကောင်းကင်ဝံပုလွေမြို့ကို လာတဲ့လမ်းမှာ ကျုပ် တို့တွေ့ခဲ့တဲ့ ရွှေနတ်ကို မှတ်မိသေးလား။”</p> <p> </p> <p>ရှောင်ရွှီရင်က</p> <p> </p> <p> “မှတ်မိတာပေါ့... သူက ချီယန်ဂိုဏ်းကလို့ မောင်လေး ပြောခဲ့တယ်လေ”</p> <p> </p> <p>လုချန်းက</p> <p> </p> <p> “တရားဝင်အနေနှင့် သူက ချီယန်ဂိုဏ်းရဲ့ အကြီးအကဲ တစ်ယောက်ပဲ။ ဒါပေမဲ့ သူ့မှာ သွေးလင်းယုန်ခန်းမရဲ့ အကြီးအကဲဆိုတဲ့ တခြား အဆင့်အတန်း တစ်ခုလည်း ရှိနေသေးတယ်။”</p> <p> </p> <p>ထိုစဉ်</p> <p>“သွေးလင်းယုန်ခန်းမ”</p> <p>ဟု အမျိုးသမီးနှစ်ဦးလုံးထံမှ ပြိုင်တူ အာမေဍိတ်သံ ထွက်သွား၏။</p> <p> </p> <p>သူတို့၏ အံ့အားသင့်နေသော တုံ့ပြန်မှုကို မြင်လျှင် စပ်စုလိုသော စိတ်ဖြင့် လုချန်းက</p> <p> </p> <p> “အစ်မတို့ရဲ့ တုံ့ပြန်မှုကို ကြည့်ရတာ သွေးလင်းယုန်ခန်းမအကြောင်း သိထားပုံပဲ။”</p> <p> </p> <p>ထျန်းရန် နတ်ဘုရား နယ်မြေသို့ လုချန်း ပြန်မလာခဲ့သည်မှာ နှစ်ပေါင်း ကုဋေကုဋာ ကြာခဲ့ဖြစ်သဖြင့် အင်းအား တည်ဆောက်ပုံများလည်း သိသိသာသာ ပြောင်းလဲသွားခဲ့ပြီဖြစ်၏။</p> <p> </p> <p>အင်အားစု အသစ်များ ပေါ်ပေါက်လာသကဲ့သို့ အဟောင်းများလည်း ပျောက်ကွယ်သွားခဲ့ကြ၏။ ထို့ကြောင့် သွေးလင်းယုန်ခန်းမ အကြောင်းကို သူ တစ်ခါမှ မကြားဖူးခဲ့ချေ။</p> <p> </p> <p>လုချန်း၏ မျက်လုံးများကို စိုက်ကြည့်လျက် ကောက်ရှီယွမ်က</p> <p> </p> <p> “မောင်လေးချန်း... အဲ့ဒီလူက တကယ်ပဲ သွေးလင်းယုန်ခန်းမရဲ့ အကြီးအကဲလား။”</p> <p> </p> <p>လုချန်းက</p> <p> “ဟုတ်တယ်... ကျုပ်မှာ လူတစ်ယောက်ရဲ့ သရုပ်မှန်ကို ခွဲခြားနိုင်တဲ့ ရတနာတစ်ခု ရှိတယ်။ အစ်မ ကောက်... သွေးလင်းယုန်ခန်းမက ဘယ်လို အင်အားစုမို့လို့ အစ်မတို့ ဒီလောက်တောင် အံ့သြနေရတာလဲ။”</p> <p> </p> <p>ကောက်ရှီယွမ်က</p> <p> “သွေးလင်းယုန်ခန်းမဆိုတာ လွန်ခဲ့တဲ့ နှစ်ပေါင်း တစ်သောင်းလောက်ကမှ ပေါ်လာတဲ့ အင်အားစုတစ်ခုပါ။ သူတို့က တို့ဆီက နတ်အငွေ့အသက်တွေကို နှိမ်နှင်းနိုင်တဲ့ ထူးဆန်းတဲ့ နတ်နိယာမတွေကို သုံးတဲ့ မိစ္ဆာနတ်ဂိုဏ်းတစ်ခုပဲ။ သွေးလင်းယုန်ခန်းမရဲ့ ဖွံ့ဖြိုးတိုးတက်မှုက အရမ်းကို မြန်တယ်။ အခုဆိုရင် သူတို့ဆီမှာ နတ်ဘုရင် သုံးပါးတောင် ရှိနေပြီလို့ သတင်းတွေ ထွက်နေတယ်။ တစ်ပါးဆိုရင် နတ်သခင် အဆင့်ကိုတောင် တက်လှမ်းဖို့ ကြိုးစားနေပြီတဲ့။”</p> <p> </p> <p>ထိုအရာကို ကြားလျှင် နတ်ဆိုးကျင့်ကြံသူများကို လုချန်း သတိရသွားမိ၏။ သူသည် ကစဉ့်ကလျား သားရဲ၏ ဝမ်းဗိုက်ထဲ၌ ဖရိုဖရဲနတ်ဆိုးသတ်ကျင့်စဉ်ကို တစ်ချိန်က ကျင့်ကြံခဲ့ဖူးသော်လည်း သွေးလင်းယုန်ခန်းမမှ မိစ္ဆာနတ်များအပေါ် ထိရောက်မှု ရှိမရှိကိုတော့ မသေချာနိုင်ပေ။</p> <p> </p> <p>လုချန်းက</p> <p> “စနစ်... ငါ ကျင့်ထားတဲ့ ဖရိုဖရဲနတ်ဆိုးသတ်ကျင့်စဉ်က မိစ္ဆာနတ်တွေအပေါ် နှိမ်နှင်းနိုင်စွမ်း ရှိလား”</p> <p>ဟု စိတ်ထဲမှ မေးမြန်းလိုက်၏။</p> <p> </p> <p>စနစ်က</p> <p>“အတိုင်းအတာ တစ်ခုအထိတော့ နှိမ်နှင်းနိုင်စွမ်း ရှိပါတယ်။ ဒါပေမဲ့ ဖရိုဖရဲနတ်ဆိုးသတ်ကျင့်စဉ်နဲ့ ယှဉ်ရင် နတ်အလင်း မီးအိမ်တစ်ထောင်ကျမ်းစာက မိစ္ဆာနတ်တွေအပေါ် ပိုပြီး အစွမ်းထက်ပါတယ်”</p> <p> </p> <p>လုချန်း စိတ်လှုပ်ရှားသွား၏။</p> <p> </p> <p>စနစ်က သူ့အတွက် တန်ပြန်နည်းလမ်းကို ကြိုတင်ပြင်ဆင်ပေးထားခဲ့သည် မဟုတ်ပါလား။</p> <p> </p> <p>ဤစနစ် အနာဂတ်ကို ကြိုတင်မြင်နိုင်သလားဟုပင် သူ တွေးတောမိသွားတော့သည်။</p> <p> </p> <p>ရှောင်ရွှီရင်က</p> <p> “မောင်လေး... အဲဒီလူက တကယ်ပဲ သွေးလင်းယုန်ခန်းမရဲ့ အကြီးအကဲဆိုရင်တော့ ဒီကိစ္စကို အစီရင်ခံမှ ဖြစ်မယ်။ သွေးလင်းယုန်ခန်းမက လျှို့ဝှက်လဝန်းနန်းတော်နဲ့ ချီယန်ဂိုဏ်းကြားမှာ စစ်မီးမွှေးချင်နေတာက တို့ နတ်ဂိုဏ်းနှစ်ဂိုဏ်းလုံး အားနည်းသွားတဲ့အချိန်မှာ အမြစ်ပြတ်ရှင်းဖို့အတွက် ဖြစ်မှာပဲ။ သွေးလင်းယုန်ခန်းမက နှစ်တော်တော်များများ နယ်မြေချဲ့ထွင်လာခဲ့တာဆိုတော့ ပေါ့ပေါ့ဆဆ သဘောထားလို့ မရဘူး။”</p> <p> </p> <p>လုချန်းက</p> <p> “ကောင်းပါပြီ... အခုဖြစ်နေတဲ့ အခြေအနေတွေကို လျှို့ဝှက်လဝန်းနန်းတော်ဆီ အစ်မတို့ နှစ်ယောက် အစီရင်ခံလိုက်ပါ။”</p> <p> </p> <p>အသံလုံ အကာအကွယ်ကို ဖယ်ရှားလိုက်ပြီး ရိပ်မိသွားနိုင်သည့် အန္တရာယ်ကြားမှပင် လုချန်း တွေ့ရှိထားသည်များကို လျှို့ဝှက်လဝန်းနန်းတော်သို့ အစီရင်ခံရန် အသံလွှင့် အင်းစာလိပ်တစ်ခုကို ကောက်ရှီယွမ် ထုတ်ယူလိုက်၏။ သို့သော် ခဏအကြာတွင် အသံလွှင့် အင်းစာလိပ် အလုပ်မလုပ်တော့သည်ကို ကောက်ရှီယွမ် တွေ့လိုက်ရသည်။</p> <p> </p> <p>သူမ၏ မျက်နှာအမူအရာ ချက်ချင်း ပြောင်းလဲသွားပြီး ရှောင်ရွှီရင်နှင့် လုချန်းကို</p> <p> </p> <p> “တစ်ခုခုတော့ မှားနေပြီ... အသံလွှင့် အင်းစာလိပ်က အလုပ်မလုပ်တော့ဘူး”</p> <p> </p> <p> ဟု အလျင်အမြန် ပြောလိုက်၏။</p> <p> </p> <p>အသံလွှင့် အင်းစာလိပ် အလုပ်မလုပ်ခြင်း အကြောင်းအရင်းက စီကုန်းယုဖုန်းသည် ကြီးမားသော နည်းဗျူဟာပုံစံတစ်ခုကို ခင်းကျင်းထားပြီး အင်းစာလိပ်များကို အသုံးမပြုနိုင်အောင် ပြုလုပ်ထားခြင်းကြောင့် ဖြစ်သည်။</p> <p> </p> <p>ရှောင်ရွှီရင်က</p> <p> </p> <p>“အခု ဘာဆက်လုပ်ကြမလဲ”</p> <p> </p> <p>ရှောင်ရွှီရင်နှင့် ကောက်ရှီယွမ်ကို တစ်ချက်ကြည့်လိုက်ပြီး လုချန်းက</p> <p> </p> <p>“အစ်မကောက်... ဒီကိစ္စကို လျှို့ဝှက်လဝန်းနန်းတော်က အကြီးအကဲတွေဆီ အစ်မ ကိုယ်တိုင်သွားပြီး အစီရင်ခံရင် ဘယ်လိုလဲ။”</p> <p> </p> <p>ရှောင်ရွှီရင်က</p> <p>“အဲဒီလူက တို့နောက်ကို အရိပ်လို လိုက်ကြည့်နေလောက်တယ်။ အခုထွက်သွားရင် အန္တရာယ်ရှိနိုင်တယ်။ အစီရင်ခံဖို့ ပြန်သွားတာကို သူ ခွင့်ပြုမှာ မဟုတ်ဘူး။”</p> <p> </p> <p>လုချန်းက</p> <p>“ဒါက လွယ်ပါတယ်။ မနက်ဖြန် ကျောက်နက်တောင်ကြားကို သွားတဲ့အခါ အဲ့ဒီလူကို အပြင်ရောက်အောင် ဆွဲထုတ်ပြီးရင် အစ်မကောက်က လျှို့ဝှက်လဝန်းနန်းတော်ကို ပြန်သွားလို့ ရပြီလေ။”</p> <p> </p> <p>ကောက်ရှီယွမ်က</p> <p>“ဒါဆို မင်းတို့နှစ်ယောက်ကရော။ သွေးလင်းယုန်ခန်းမက လျှို့ဝှက်လဝန်းနန်းတော်နဲ့ ချီယန်ဂိုဏ်းကြားမှာ စစ်မီးမွှေးချင်နေတာဆိုတော့ မင်းတို့ကိုလည်း အလွှတ်ပေးမှာ မဟုတ်ဘူး။”</p> <p> </p> <p>လုချန်းက ပြုံးလျက်</p> <p> “ကျောက်စိမ်းလိပ်အပြင် ဆရာက ကျုပ် အတွက် တခြား အသက်ကယ် ရတနာတွေလည်း ပေးထားပါသေးတယ်။ အစ်မကောက် စိတ်မပူပါနဲ့။”</p> <p> </p> <p>ခဏခန့် တွေးတောပြီးနောက် ကောက်ရှီယွမ်က</p> <p>“ကောင်းပါပြီ... သူ့ရဲ့ နည်းဗျူဟာပုံစံ အကွာအဝေးကနေ ကျော်တာနဲ့ လျှို့ဝှက်လဝန်းနန်းတော်ဆီ ဒီကိစ္စကို အစီရင်ခံဖို့ အသံလွှင့် အင်းစာလိပ်ကို အစ်မ ချက်ချင်း သုံးလိုက်ပါ့မယ်။”</p> <p> </p> <p>လုချန်းက</p> <p> “ကောင်းပါပြီ... ဒီနေ့တော့ နားကြတာပေါ့”</p> <p> </p> <p>“ဟုတ်ကဲ့”</p> <p>ဟု အမျိုးသမီးနှစ်ဦးလုံးက ပြိုင်တူပြောကာ လုချန်း၏ အခန်းထဲမှ ထွက်ခွာသွားကြ တော့သည်။</p> <p> </p> <p> </p> <p>…….</p> <p> </p> <p>ညအမှောင်ရိပ် အောက်တွင်။</p> <p> </p> <p>မြို့တော်ဝန်စံအိမ်ရှိ စာကြည့်ခန်းအတွင်းသို့ အရိပ်ပုံသဏ္ဌာန် တစ်ခု ရောက်ရှိလာခဲ့၏။</p> <p> </p> <p>တိန့်ချင်းဖုန်းက စီကုန်းယုဖုန်းကို ရိုသေစွာဖြင့်</p> <p>“နတ်စွမ်းအားရှင်... အစီအစဉ်က အောင်မြင်ပါတယ်။ လျှို့ဝှက်လဝန်းနန်းတော်က သံတမန်တွေက မနက်ဖြန် ကျောက်နက်တောင်ကြားကို သွားဖို့ ပြင်ဆင်နေကြပါပြီ။”</p> <p> </p> <p>စီကုန်းယုဖုန်းက ခပ်အေးအေးပင်</p> <p>“ခင်ဗျား ကောင်းကောင်း လုပ်နိုင်ခဲ့တယ်။ ဒီကိစ္စတွေအားလုံး ပြီးသွားရင် ခင်ဗျား ကျုပ်နောက်ကို လိုက်ခဲ့လို့ ရပြီ။”</p> <p> </p> <p>တိန့်ချင်းဖုန်းက စိတ်လှုပ်ရှားစွာဖြင့် မြေပြင်ပေါ်သို့ ဒူးထောက်ကာ</p> <p> </p> <p>“နတ်စွမ်းအားရှင်ကို ကျေးဇူးတင်ပါတယ်”</p> <p> </p> <p>ဟု တတွတ်တွတ်ပြောလျက် အကြိမ်ကြိမ် ဦးချလိုက်၏။</p> <p> </p> <p>ထို့နောက် လုချန်း တည်းခိုရာ အဆောင်ဘက်သို့ စီကုန်းယုဖုန်း တစ်ချက် လှမ်းကြည့်လိုက်ရာ သူ၏ နှုတ်ခမ်းအစုံ အနည်းငယ် ကွေးညွှတ်သွားပြီး လျှို့ဝှက်သော အပြုံးတစ်ခု ပေါ်ပေါက်လာသည်။</p> <p> </p> <p>လျှို့ဝှက်လဝန်းနန်းတော် သခင်၏ တိုက်ရိုက်တပည့် သေဆုံးသွားသည်နှင့် လျှို့ဝှက်လဝန်းနန်းတော်က ချီယန်ဂိုဏ်းအပေါ် စစ်ပွဲ ဆင်နွှဲလာမှာ ဧကန်မုချ ဖြစ်သည်။ ထိုအခါ ဤနတ်ဂိုဏ်းကြီး နှစ်ခု ပျောက်ကွယ်သွားရန် အချိန်များစွာ လိုအပ်တော့မည် မဟုတ်ချေ။</p> <p> </p> <p> </p> <p> </p> <p style="text-align:center">***</p>


Save