Book List

<h2 style="text-align:center">အခန်း (၁၅၉၃)</h2> <h2 style="text-align:center">လျှို့ဝှက်ချက်ကို သိနေသူ</h2> <h2 style="text-align:center">*</h2> <p> </p> <p> </p> <p> </p> <p> </p> <p> </p> <p> </p> <p>ထျန်းရှ နတ်ဘုရား နိုင်ငံတော်။</p> <p> </p> <p>ကွမ်းရန်ဘုရင်၏ ပိုင်နက်နယ်။</p> <p> </p> <p>ကွမ်းရန်ဘုရင် လုကျင့်ဖူသည် အဆောင်ငယ်တစ်ခုအတွင်းရှိ ကျောက်သားခုံတန်းတစ်ခုပေါ်တွင် ထိုင်လျက် ဝတ်စုံနီဝတ် အမျိုးသားတစ်ဦးနှင့် စစ်တုရင် ကစားနေ၏။</p> <p> </p> <p>ထိုအခိုက်အတန့်တွင် ဝတ်စုံနီဝတ် အမျိုးသားက စကားစလာ၏။</p> <p> </p> <p>“မကြာသေးခင်က ကွမ်းရန်ဘုရင်ဟာ လျှို့ဝှက်လဝန်းနန်းတော်ရဲ့ နန်းတော်သခင်နှင့် မဟာမိတ်ဖွဲ့ဖို့ စဉ်းစားနေတယ်လို့ ကြားမိတယ်။ ဒါပေမဲ့ ကံမကောင်းတာက သူက ခင်ဗျားအပေါ် စိတ်ဝင်စားပုံမရဘူး။ ခင်ဗျားရဲ့ လည်ပတ်ခွင့်တောင်းခံလွှာကိုတောင် လက်မခံဘူးလေ။”</p> <p> </p> <p>ထိုစကားကို ကြားလျှင် လုကျင့်ဖူက အေးစက်စွာ တုံ့ပြန်လိုက်၏။</p> <p> </p> <p>“သူက နတ်ဘုရင်တစ်ပါးပဲလေ... နည်းနည်းပါးပါး မာနကြီးတာက သဘာဝပါပဲ။”</p> <p> </p> <p>ဝတ်စုံနီဝတ် အမျိုးသားက ရယ်မောကာ</p> <p> </p> <p> “ကွမ်းရန်ဘုရင်က ကိုယ့်ကိုယ်ကို နှစ်သိမ့်တတ်တာပဲ”</p> <p> </p> <p>“လျှို့ဝှက်လဝန်းနန်းတော်က ခင်ဗျားကို ထောက်ခံဖို့ ဆန္ဒမရှိတာ ထင်ရှားနေတာပဲကို... ဘာလို့များ ဒီလို တုံ့ပြန်မှုမျိုးကိုတောင် အကောင်းမြင်နေရတာလဲ။”</p> <p> </p> <p>လုကျင့်ဖူက</p> <p> “ခင်ဗျား ဒီနေ့လာတာ ကျုပ်ကို လှောင်ပြောင်ဖို့ သက်သက်ပဲလား။”</p> <p> </p> <p>ဝတ်စုံနီဝတ် အမျိုးသားက</p> <p> </p> <p> “ဒီလိုတော့... မဟုတ်ပါဘူး”</p> <p> </p> <p>“ထျန်းရန် နတ်ဘုရား နယ်မြေမှာ နတ်ဘုရင်တွေ ဒီလောက်တောင် များနေတာကို ဘာလို့ သစ်ပင်တစ်ပင်တည်းကိုပဲ စွဲလမ်းနေရမှာလဲဆိုတာ ကွမ်းရန်ဘုရင်ကို သတိပေးချင်ရုံသက်သက်ပါ။”</p> <p> </p> <p>ထိုအရာကို ကြားလျှင် လုကျင့်ဖူက နှာခေါင်းရှုံ့လျက်</p> <p> “ကျုပ်က နတ်ဘုရင်တစ်ပါးတည်းရဲ့ ထောက်ခံမှုကိုပဲ ရှာနေတယ်လို့ ခင်ဗျား တကယ်ထင်နေတာလား။”</p> <p> </p> <p> ထျန်းရန် နတ်ဘုရား နယ်မြေတွင် နတ်ဘုရင်များစွာ ရှိသော်လည်း သူ လျှို့ဝှက်လဝန်းနန်းတော်နှင့် မဟာမိတ်ဖွဲ့လိုသည်က ထောက်ခံမှုရရန်သာမကပဲ ယွမ်ယုတိနှင့် နီးစပ်ခွင့်ရရန်လည်း ဖြစ်သည်။</p> <p> </p> <p>ဝတ်စုံနီဝတ် အမျိုးသားက</p> <p> “သဘောပေါက်ပါပြီ... ဒါကြောင့်လည်း ကွမ်းရန်ဘုရင်က လျှို့ဝှက်လဝန်းနန်းတော်ကို အကြိမ်ကြိမ် လူလွှတ်နေတာကိုး။”</p> <p> </p> <p>“ဒါပေမဲ့ နတ်ဘုရင်တစ်ပါးရဲ့ စိတ်နှလုံးကို သိမ်းပိုက်ဖို့ဆိုတာ မလွယ်ကူပါဘူး။”</p> <p> </p> <p>“လက်ရှိမှာ ကွမ်းရန်ဘုရင်က ရွှေနတ်အဆင့်ပဲ ရှိသေးတာလေ။ ပြီးတော့ ထျန်းရှ နတ်ဘုရား နိုင်ငံတော်ရဲ့ အုပ်စိုးသူလည်း မဟုတ်သေးဘူး။ နတ်ဘုရင်တစ်ပါးဖြစ်တဲ့ ယွမ်ယုတိက ခင်ဗျားကို ဘယ်လိုလုပ် သဘောကျနိုင်မှာလဲ။”</p> <p> </p> <p>ကွမ်းရန်ဘုရင်က သူ၏ မျက်ဝန်းများကို မှေးလျက် ရှေ့မှ ဝတ်စုံနီဝတ် အမျိုးသားကို အေးစက်စွာ စိုက်ကြည့်လိုက်၏။</p> <p> </p> <p>“ခင်ဗျားက ကျုပ်ကို လှောင်ပြောင်ဖို့ ရောက်လာတာလား။”</p> <p> </p> <p>ထိုအခါ ဝတ်စုံနီဝတ် အမျိုးသားက</p> <p>“ခင်ဗျားသာ နတ်ဘုရင်အဆင့်ကို ရောက်ပြီး ထျန်းရှ နတ်ဘုရား နိုင်ငံတော်ရဲ့ ဧကရာဇ် ဖြစ်လာခဲ့ရင် ခင်ဗျားအလိုရှိတဲ့ ဘယ်အမျိုးသမီးကိုမဆို ရနိုင်မှာပဲ။ ဘာလို့ ယွမ်ယုတိအပေါ်မှာပဲ စိတ်စွဲနေရမှာလဲ။”</p> <p> </p> <p>“ခင်ဗျားသာ အဲဒီနေရာကို တကယ်လိုချင်တယ်ဆိုရင် ကျုပ်တို့ သွေးလင်းယုန်ခန်းမက ခင်ဗျားကို ကူညီနိုင်ပါတယ်။”</p> <p> </p> <p>ထိုစကားကြောင့် ကွမ်းရန်ဘုရင် လန့်သွားကာ</p> <p>“သွေးလင်းယုန်ခန်းမလား။ ခင်ဗျားက သွေးလင်းယုန်ခန်းမကလား”</p> <p> </p> <p>ဝတ်စုံနီဝတ် အမျိုးသားက</p> <p> </p> <p>“ဟုတ်ပါတယ်”</p> <p> </p> <p>“ကျုပ်တို့ သွေးလင်းယုန်ခန်းမမှာ နတ်ဘုရင် သုံးပါး ရှိတယ်။ ဒီနတ်ဘုရင် သုံးပါးရဲ့ ထောက်ခံမှုနှင့်ဆိုရင် အဲ့ဒီနေရာကို ရဖို့က အများကြီး ပိုလွယ်ကူသွားလိမ့်မယ်။”</p> <p> </p> <p>ထိုအရာကို ကြားလျှင် လုကျင့်ဖူ ခဏခန့် မှင်တက်သွားပြီးမှ ရယ်မောလျက်</p> <p> </p> <p> “ကျုပ်ကို ထောက်ခံပေးတဲ့အတွက် သွေးလင်းယုန်ခန်းမက အလဲအလှယ်အနေနှင့် ဘာလိုချင်တာလဲ။”</p> <p> </p> <p>ဝတ်စုံနီဝတ် အမျိုးသားက</p> <p>“ကျုပ်တို့က ထျန်းရှ နတ်ဘုရား နိုင်ငံတော်ရဲ့ ကံစွမ်းအားကို လိုချင်တယ်။ ခင်ဗျား အဲဒီနေရာကို တက်လှမ်းပြီးတာနဲ့ သွေးလင်းယုန်ခန်းမကို နိုင်ငံတော်ဘာသာရေးအဖွဲ့အဖြစ် သတ်မှတ်ပေးရမယ်။”</p> <p> </p> <p>ဝတ်စုံနီဝတ် အမျိုးသားက အလွန် ပွင့်လင်းလှ၏။ သူက အခြေအနေများကို တိုက်ရိုက် တောင်းဆိုလာခြင်းဖြစ်သည်။</p> <p> </p> <p>ဤအခြေအနေများက ထျန်းရှ နတ်ဘုရား နိုင်ငံတော်အတွက် ထိခိုက်နစ်နာမှု ရှိနိုင်သည်ဟု ထင်ရသော်လည်း လုကျင့်ဖူ၏ စရိုက်ကို သူ ကောင်းကောင်းသိ၏။ သူ ဧကရာဇ် ဖြစ်လာနိုင်ပါက  ဤအချက်များကို လုကျင့်ဖူ ဧကန်မုချ သဘောတူမည်သာ ဖြစ်သည်။</p> <p> </p> <p>လုကျင့်ဖူ မျက်မှောင်ကြုတ်သွား၏။  သူ၏ အမူအရာကလည်း အလွန် လေးနက်သွားခဲ့သည်။</p> <p> </p> <p>ဤဆုံးဖြတ်ချက်၏ အကျိုးအမြတ်နှင့် ရင်းနှီးရမည့်အရာများကို သူ ချိန်ဆနေခြင်းဖြစ်၏။</p> <p> </p> <p>ခဏခန့်အကြာတွင် လုကျင့်ဖူက</p> <p> </p> <p> “ကောင်းပြီ... ကျုပ် သဘောတူတယ်”</p> <p> </p> <p>လုကျင့်ဖူ သဘောတူသည်ကို မြင်လျှင် ဝတ်စုံနီဝတ် အမျိုးသားက ပြုံးလျက်</p> <p> </p> <p> “ခင်ဗျား မှန်ကန်တဲ့ ရွေးချယ်မှု လုပ်လိုက်တာပဲ။”</p> <p> </p> <p>“ကဲ... ဒီနေ့အတွက်တော့ ဒါပါပဲ။ ကျုပ် ပြန်ပြီး အစီရင်ခံရဦးမယ်။ ခင်ဗျား တစ်ခုခု လိုအပ်တာရှိရင် ကျုပ်ပေးထားတဲ့ ကျောက်စိမ်းဆွဲပြားကတစ်ဆင့်  ဆက်သွယ်လိုက်ပါ။”</p> <p> </p> <p>ထိုသို့ပြောပြီးနောက် အမျိုးသား၏ ပုံရိပ်  ပျောက်ကွယ်သွားတော့သည်။ အမျိုးသား ထွက်ခွာသွားပြီးနောက် လုကျင့်ဖူ၏ မျက်နှာ  မှောင်မည်းသွားခဲ့၏။</p> <p> </p> <p>သွေးလင်းယုန်ခန်းမဆိုသည်က သူ ကောင်းကောင်းသိထားသော အင်အားစုတစ်ခု ဖြစ်သည်။ သွေးလင်းယုန်ခန်းမသည် သတ်ဖြတ်ခြင်းနှင့် သွေးစွမ်းအားများဖြင့် ကျင့်ကြံသည့် မိစ္ဆာနတ်ဂိုဏ်းတစ်ခု ဖြစ်သည်။</p> <p> </p> <p>သွေးလင်းယုန်ခန်းမ ထျန်းရှ နတ်ဘုရား နိုင်ငံတော်၏ နိုင်ငံတော်ဘာသာအဖွဲ့ ဖြစ်ချင်နေခြင်းက နိုင်ငံတော်၏ ကံစွမ်းအားအတွက်သာမက လူသားများအတွက်ပါ ဖြစ်နိုင်ခြေ ရှိသည်။</p> <p> </p> <p>သွေးလင်းယုန်ခန်းမ၏ မကောင်းသော ရည်ရွယ်ချက်များကို သိထားသော်လည်း သူ့၌ သဘောတူရန်မှတစ်ပါး အခြားရွေးချယ်စရာ မရှိချေ။ သူ မရွေးပါက သူ၏ပြိုင်ဘက်များ  သို့မဟုတ် သူ၏ မောင်နှမများက ရွေးချယ်နိုင်သည်။</p> <p> </p> <p> </p> <p>သူ ငြင်းပယ်လိုက်ပါက သွေးလင်းယုန်ခန်းမက  အခြားသူများနှင့် ဧကန်မုချ ပူးပေါင်းသွားပေလိမ့်မည်။</p> <p> </p> <p>သွေးလင်းယုန်ခန်းမတွင် နတ်ဘုရင် သုံးပါး ရှိသည်။ သူတို့၏ အကူအညီနှင့်ဆိုလျှင် ထျန်းရှ နတ်ဘုရား နိုင်ငံတော်၏ မည်သည့်မင်းသားအတွက်မဆို ထိုနေရာသို့ ရောက်ရန် အလှမ်းမဝေးတော့ချေ။</p> <p> </p> <p>…..</p> <p> </p> <p>နံနက်စောစောအချိန်။</p> <p> </p> <p>မနက်စာ စားပြီးနောက် လုချန်းနှင့် အဖွဲ့သားများသည် ကျောက်နက်တောင်ကြားသို့ ဦးတည်ထွက်ခွာလာကြ၏။</p> <p> </p> <p>ထိုအချိန်တွင် စီကုန်းယုဖုန်းက ကျောက်နက်တောင်ကြား၌ အသင့်စောင့်ဆိုင်းနေပြီဖြစ်သည်။ လုချန်းနှင့် အဖွဲ့သားများ ရောက်ရှိလာသည်နှင့် သူ အလွယ်တကူ ကိုင်တွယ်နိုင်ပေလိမ့်မည်။</p> <p> </p> <p>လုချန်းနှင့် အဖော်များ၏ အင်အားကို မနေ့ညကတည်းက သူ ကြိုတင် စူးစမ်းထားပြီး ဖြစ်သည်။</p> <p> </p> <p>ကောင်းကင်နတ် နှစ်ပါးနှင့် မြေနတ် တစ်ပါး။</p> <p> </p> <p>ရွှေနတ်တစ်ပါးဖြစ်သော သူ့အတွက် ထိုသုံးယောက်ကို သတ်ဖြတ်ရန်က ငှက်ပျောသီး အခွံနွှာရသကဲ့သို့ပင် လွယ်ကူလှသည်။</p> <p> </p> <p>တစ်ရက်ကြာပြီးနောက် လုချန်းနှင့် အဖွဲ့သားများသည် နေရာအနှံ့၌ ကျောက်နက်များ ရှိနေသော ကျောက်နက်တောင်ကြားသို့ ရောက်ရှိလာကြ၏။</p> <p> </p> <p> မြေကမ္ဘာမှ လာသူတစ်ဦးအနေနှင့် ဤကျောက်တုံးများ ကျောက်မီးသွေးများဖြစ်ကြောင်း လုချန်း သိသော်လည်း ထျန်းရန် နတ်ဘုရား နယ်မြေရှိ လူများကတော့ ၎င်းတို့ကို ကျောက်နက်များဟုသာ ခေါ်ဆိုကြသည်။</p> <p> </p> <p>ကျောက်နက်တောင်ကြားသို့ ရောက်လျှင်  နတ်အာရုံကို အသုံးပြု၍ ထိုဒေသကို လုချန်း စူးစမ်းလိုက်သော်လည်း အခြားမည်သည့် နတ်ကိုမှ မတွေ့ရချေ။</p> <p> </p> <p>တစ်ဖက်က သူတို့၏ အငွေ့အသက်ကို ဖုံးကွယ်ထားကြောင်း လုချန်း သိထားပြီး ဖြစ်သဖြင့် အချိန်မဖြုန်းတော့ပဲ ရှောင်ရွှီရင်နှင့် ကောက်ရှီယွမ်တို့ကို တောင်ကြားထဲသို့ တိုက်ရိုက် ခေါ်ဆောင်သွားလိုက်သည်။</p> <p> </p> <p>သို့သော် ကျောက်နက်တောင်ကြားသို့ ဝင်ဝင်ချင်းမှာပင် သူတို့၏ ခြေဖဝါးအောက်၌ နည်းဗျူဟာပုံစံတစ်ခု ပေါ်လာပြီး သွေးနီရောင် အကာအကွယ်တစ်ခုအတွင်း ပိတ်မိသွားကြ၏။</p> <p> </p> <p>နောက်တစ်ခဏတွင် ကျောက်နက်တောင်ကြား၌ ပုံရိပ်တစ်ခု ပေါ်လာတော့သည်။</p> <p> </p> <p>“သခင်လေးချန်း... မတွေ့ရတာ ကြာပြီပဲ”</p> <p> </p> <p>ထိုသူကို လုချန်း လှည့်ကြည့်လိုက်ရာ ထိုသူသည် တကယ်ပင် စီကုန်းယုဖုန်း ဖြစ်နေ ကြောင်း တွေ့လိုက်ရ၏။</p> <p> </p> <p>စီကုန်းယုဖုန်းကို မြင်လျှင် ရှောင်ရွှီရင်နှင့် ကောက်ရှီယွမ်တို့လည်း ၎င်းကို သတိကြီးစွာဖြင့် စောင့်ကြည့်ရင်း ဓားများကို ချက်ချင်း ဆွဲထုတ်လိုက်ကြသည်။ လုချန်းကတော့ တည်ငြိမ်စွာဖြင့်</p> <p> </p> <p> “ဒီစီနီယာက ကျုပ် ဆီက ဘာလိုချင်လို့လဲဆိုတာ သိပါရစေဦး။”</p> <p> </p> <p>စီကုန်းယုဖုန်းက နှာခေါင်းရှုံ့လျက်</p> <p> </p> <p>“ခင်ဗျားကိုယ် ခင်ဗျား ထျန်းရှ နတ်ဘုရား နိုင်ငံတော်ကလို့ ပြောခဲ့တယ် မဟုတ်လား။”</p> <p> </p> <p>လုချန်းက</p> <p> “ကျုပ် ထျန်းရှ နတ်ဘုရား နိုင်ငံတော်မှာ ခဏနေခဲ့ဖူးတယ်လေ... ဒါကြောင့် အဲဒီက လူတစ်ယောက်လို့ သတ်မှတ်လို့ရပါတယ်။”</p> <p> </p> <p>စီကုန်းယုဖုန်းက လှောင်ပြောင်လျက် “ခင်ဗျားက သတ္တိရှိတာလား ဒါမှမဟုတ် အတယ်လို့ပဲ ပြောရမလား။ ကောင်းကင်ဝံပုလွေမြို့ကို ကျုပ်တို့ရဲ့ ချီယန်ဂိုဏ်းက ထိန်းချုပ်ထားတယ်ဆိုတာ သိသိကြီးနှင့် ခင်ဗျားက လာရဲသေးတယ်ပေါ့။”</p> <p> </p> <p>“ခင်ဗျားက သေဖို့ စိတ်ပိုင်းဖြတ်ထားမှတော့ ခင်ဗျားရဲ့ ဆန္ဒကို ကျုပ် ဖြည့်ဆည်းပေးရတာပေါ့။”</p> <p> </p> <p>ထိုသို့ပြောပြီးနောက် လုချန်းနှင့် အဖွဲ့သားများကို တိုက်ခိုက်ရန် စီကုန်းယုဖုန်း ပြင်ဆင်လိုက်သော်လည်း လုချန်းကတော့ အလောမကြီးပဲ စကားဆက်လိုက်သည်။</p> <p> </p> <p>“ကျုပ် ထင်တာ မမှားဘူးဆိုရင် ခင်ဗျားက ချီယန်ဂိုဏ်းက မဟုတ်ဘူး မဟုတ်လား။”</p> <p> </p> <p>စီကုန်းယုဖုန်း မျက်ခုံးတွန့် သွား၏။ သူ၏ သရုပ်မှန်ကို ဘယ်သူမှ မသိဟု သူ ထင်ခဲ့သော်လည်း သူ့ကို နှစ်ကြိမ်ခန့်သာ တွေ့ဖူးသည့် ဤလူက သူ ချီယန်ဂိုဏ်းမှ မဟုတ်ကြောင်းကို မည်သို့ သိမြင်နိုင်ရသနည်း။</p> <p> </p> <p>စီကုန်းယုဖုန်းက</p> <p> “ရယ်စရာပဲ... ကျုပ်က ချီယန်ဂိုဏ်းရဲ့ အတွင်းစည်း အကြီးအကဲ တစ်ယောက်ပဲ။”</p> <p> </p> <p>“ကျုပ်က လျှို့ဝှက်လဝန်း နန်းတော်သခင်ရဲ့ တပည့်ရင်းပါ။ ခင်ဗျားသာ တကယ်ပဲ ချီယန်ဂိုဏ်းရဲ့ အကြီးအကဲ ဖြစ်မယ်ဆိုရင် ကျုပ်ကို ဖမ်းဆီးရင်တောင် သေတဲ့အထိတော့ လုပ်မှာ မဟုတ်ဘူး။”</p> <p> </p> <p>“ကျုပ် သေသွားခဲ့လျှင် နတ်ဂိုဏ်းကြီး နှစ်ဂိုဏ်းကြားမှာ စစ်ပွဲကြီးတစ်ခု ဧကန်မုချ ဖြစ်လာလိမ့်မယ်။”</p> <p> </p> <p>“ကျုပ် အမြင်အရတော့ ခင်ဗျားက သွေးလင်းယုန်ခန်းမကပဲ။ ခင်ဗျားက နတ်ဂိုဏ်းနှစ်ဂိုဏ်းကြားမှာ ပဋိပက္ခဖြစ်အောင် သွေးထိုးပေးချင်တာ မဟုတ်လား။ နှစ်ဖက်စလုံး အားနည်းသွားတဲ့အချိန်ကျမှ သွေးလင်းယုန်ခန်းမက ချီယန်ဂိုဏ်းနှင့် လျှို့ဝှက်လဝန်းနန်းတော်ကို အမြစ်ပြတ်ရှင်းဖို့ပေါ့။”</p> <p> </p> <p>လုချန်း၏ စကားကို ကြားလျှင် စီကုန်းယုဖုန်း မှင်တက်သွားတော့သည်။ သွေးလင်းယုန်ခန်းမ၏ ကြံစည်မှုကို ဤလူ အလွယ်တကူ သိမြင်နိုင်လိမ့်မည်ဟု သူ လုံးဝ မမျှော်လင့်ထားခဲ့ချေ။</p> <p> </p> <p>ဒါက ဘယ်လိုလုပ် ဖြစ်နိုင်မှာလဲ။</p> <p> </p> <p>သူ့ကို သူတို့၏ ခန်းမသခင်က ချီယန်ဂိုဏ်းထဲသို့ သူလျှိုအဖြစ် စေလွှတ်ခဲ့ခြင်းဖြစ်ပြီး ယင်းက သူတို့သာ သိသည့် လျှို့ဝှက်ချက် ဖြစ်သည်။</p> <p> </p> <p>လူတစ်ယောက်က ထိုအရာကို ချက်ချင်း ဘယ်လိုလုပ် ထွင်းဖောက်မြင်နိုင်ရသနည်း။</p> <p> </p> <p>စီကုန်းယုဖုန်းက လုချန်းကို သတိဖြင့် စောင့်ကြည့်လိုက်ပြီး</p> <p> “ခင်ဗျားက ဘယ်သူလဲ။ ဒါကို ခင်ဗျား ဘယ်လိုလုပ် သိနိုင်ရတာလဲ။”</p> <p> </p> <p>လျှို့ဝှက်လဝန်းနန်းတော် နန်းတော်သခင်၏ တပည့်ရင်းဟူသော လုချန်းဆိုသူက ထင်သလောက် မရိုးရှင်းကြောင်း ယခု သူ တွေ့ရှိသွားပြီဖြစ်သည်။</p> <p> </p> <p> </p> <p> </p> <p style="text-align:center">***</p>


Save