Book List

<h2 style="text-align: center;">အခန်း( ၁၆၀၀ )</h2> <h2 style="text-align: center;">နတ်ဘုရင်ခံတစ်ဦး စေလွှတ်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>နောက်တစ်လတာကာလအတွင်း ကစဉ့်ကလျား ပင်လယ်၌ ကြုံတွေ့ခဲ့ရသော အတွေ့အကြုံများကို ဝေမျှရင်း ရှောင်ရွှီရင်နှင့် ဆက်ဆံရေးကို လုချန်း ပျိုးထောင်နေခဲ့သည်။</p> <p> </p> <p>စနစ်အကြောင်းကိုတော့ ရှောင်ရွှီရင်အား လုချန်း မပြောပြခဲ့ချေ။ အတိတ်ဘဝမှ ဇနီးများကို မည်သို့ ဆုံတွေ့ခဲ့ကြောင်းနှင့် တစ်ဦးချင်းစီကို မည်သို့ တစ်ယောက်ပြီးတစ်ယောက် ရှာဖွေတွေ့ရှိခဲ့ကြောင်းကိုသာ သူမအား သူ ပြောပြခဲ့၏။</p> <p> </p> <p>လုချန်း ဇနီးတစ်ဦးကို ရှာတွေ့သည့်အကြောင်း ကြားတိုင်း ရှောင်ရွှီရင်၏ စိတ်ထဲတွင် ခံစားချက်ကလေးတစ်ခု နိုးထလာပြီး သူမ၏ ခန္ဓာကိုယ်ကို ထိန်းချုပ်နိုင်စွမ်း ကင်းမဲ့သွားတတ်သည်။</p> <p> </p> <p>ထိုအရာက လုချန်းအား အလွန်စိတ်ဝင်စားသွားစေ၏။ ပုံပြင်များကို နားထောင်ရုံမျှဖြင့် ရှောင်ရွှီရင်စိတ်ထဲ ခံစားချက်များ ဖြစ်ပေါ်လာလိမ့်မည်ဟု သူ လုံးဝ မမျှော်လင့်ထားခဲ့ပေ။</p> <p> </p> <p>မျက်စိတစ်မှိတ်အတွင်းမှာပင် တစ်လတာ အချိန်ကာလ ကုန်ဆုံးသွားခဲ့ပြီ ဖြစ်သည်။</p> <p> </p> <p>အတူတကွ အချိန်ကုန်ဆုံးခဲ့ပြီးနောက် ရှောင်ရွှီရင်လည်း စတင်ဆုံတွေ့စဉ်ကကဲ့သို့ ရှက်ရွံ့မနေတော့ပဲ တဖြည်းဖြည်း ပွင့်လင်းလာခဲ့၏။ နှစ်ပေါင်း သန်းသောင်းချီ၍ အသက်ရှင်ခဲ့သူဖြစ်ရာ အခြေအနေနှင့် လိုက်လျောညီထွေဖြစ်အောင် သူမ လျင်မြန်စွာ ပြောင်းလဲနိုင်စွမ်း ရှိသည်။</p> <p> </p> <p>အထူးသဖြင့် လုချန်းသည် သူမ အလွန် လေးစားကြည်ညိုရသည့် အမျိုးသား မဟုတ်ပါလား။</p> <p> </p> <p>ထိုအခိုက်အတန့်တွင် လုချန်းဘေး၌ ရှောင်ရွှီရင် ထိုင်နေရင်း စူးစမ်းစွာ မေးမြန်းလိုက်၏။</p> <p> </p> <p> “အင်း... ရှင်က ဖန်တီးခြင်း လမ်းစဉ်ကို ကျင့်ကြံတာဆိုတော့ သက်ရှိတွေကို ဖန်တီးတဲ့နေရာမှာ အရမ်း တော်မှာပဲနော်။”</p> <p> </p> <p>ထိုအရာကို ကြားလျှင် လုချန်းက ပြုံးလျက် ရှောင်ရွှီရင်ကို</p> <p> </p> <p>“ဘယ်လိုသက်ရှိမျိုးကို အစ်မက ဆိုလိုတာလဲ”</p> <p> </p> <p>နတ်မိမယ်က အရှက်အကြောက်မရှိပဲ</p> <p> </p> <p> “သဘာဝအတိုင်း... လူသားမျိုးနွယ်ပေါ့”</p> <p> </p> <p>လုချန်းက</p> <p> “လောလောဆယ် ထျန်းရန် နတ်ဘုရား နယ်မြေရဲ့ မျိုးပွားခြင်းလမ်းစဉ်က စွမ်းအားတစ်စုံတစ်ခုရဲ့ ကန့်သတ်တာ ခံထားရသလိုပဲ။ ကျုပ်က ဖန်တီးခြင်း လမ်းစဉ်ကို ကျင့်ကြံတယ်ဆိုပေမဲ့ ရင်သွေးတွေ ဖန်တီးဖို့က အရမ်းခက်ခဲနေတုန်းပဲ။”</p> <p> </p> <p>ထိုအချိန်တွင် ရှောင်ရွှီရင်၏ ရီဝေနေသော မျက်ဝန်းများကို လုချန်း ကြည့်လိုက်သည်။</p> <p> </p> <p>လုချန်းကဆက်လက်၍</p> <p> </p> <p> “ဒါပေမဲ့ နတ်တွေရဲ့ သက်တမ်းက ရှည်လျားတာကြောင့် ဒီလိုကိစ္စတွေအတွက် လောစရာမလိုပါဘူး။”</p> <p> </p> <p>ဂုဏ်ယူနေသည့် ဗျိုင်းမလေးကဲ့သို့ သူမ၏ ဖြူဝင်းသော လည်တိုင်ကို မော့ရင်း ရှောင်ရွှီရင် အသက်ပြင်းပြင်းရှူလိုက်သည်။ ထို့နောက် လုချန်းကို</p> <p> </p> <p> “ရှင်... ပြောတာက...”</p> <p> </p> <p>……</p> <p> </p> <p> </p> <p>တစ်ချိန်တည်းမှာပင်။</p> <p> </p> <p>ကောင်းကင်ဝံပုလွေမြို့ရှိ တည်းခိုခန်းတစ်ခုအတွင်း။</p> <p> </p> <p>အနီရောင် ဝတ်ဆင်ထားသော အမျိုးသမီးတစ်ဦးသည် ကုတင်ပေါ်တွင် မတ်မတ်ထိုင်နေ၏။ သူမသည် သူမ၏ နတ်အာရုံကို အပြင်ဘက်သို့ ဖြန့်ကြက်ကာ လမ်းမများ၊ အရက်ဆိုင်များနှင့် အပျော်ဂေဟာများမှ ဆွေးနွေး ပြောဆိုနေမှု အမျိုးမျိုးကို နားထောင်နေသည်။</p> <p> </p> <p>“အဲဒီ တိန့်မျိုးနွယ် လူကို ကျုပ် ကြည့်မရတာ ကြာပြီ။ သူက လျှို့ဝှက်လဝန်းနန်းတော်ကို သစ္စာဖောက်ရဲတယ်... အထူးသံတမန်ရဲ့ ဖမ်းဆီးတာ ခံရတာ ထိုက်တန်ပါတယ်။”</p> <p> </p> <p>“တိန့်ချင်းဖုန်းရဲ့ ဝိညာဉ်က အခုလောက်ဆို ပျက်စီးသွားပြီလို့ ခင်ဗျား ထင်လား။”</p> <p> </p> <p>“မပျက်စီးသေးဘူး။ သူနဲ့အတူ ချီယန်ဂိုဏ်းဘက်က ပါဝင်ခဲ့တဲ့ မိသားစုကြီး အားလုံးကိုလည်း အထူးသံတမန်က ဖမ်းဆီးထားတယ်။”</p> <p> </p> <p>“တိန့်ချင်းဖုန်းနဲ့ အဲဒီမိသားစုကြီးတွေက လျှို့ဝှက်လဝန်းနန်းတော်ကို သစ္စာဖောက်ခဲ့တာဆိုတော့ သတ်ပစ်ရမှာ မဟုတ်လား။ ဘာလို့ တစ်လကြာတဲ့အထိ အကျဉ်းချထားရတာလဲ”</p> <p> </p> <p>“ဘယ်သူသိမှာလဲ။ ဒါက ချီယန်ဂိုဏ်းနဲ့ ပတ်သက်နေတာဆိုတော့ အထူးသံတမန်က သူတို့ကို သက်သေအဖြစ် လိုချင်နေတာလည်း ဖြစ်နိုင်တယ်။”</p> <p> </p> <p>“ဒီအထူးသံတမန်က သာမန်ပုဂ္ဂိုလ်မဟုတ်ဘူးလို့ ကျုပ်ကြားတယ်...လျှို့ဝှက်လဝန်းနန်းတော် သခင်ရဲ့ တပည့်ရင်းတဲ့။”</p> <p> </p> <p>“တကယ်လား”</p> <p> </p> <p>…..</p> <p> </p> <p>ကီလိုမီတာ အမြောက်အမြား အကွာအဝေးမှ ဆွေးနွေးမှုများကို ကြားလျှင် ရှုကျင့်ရှူး၏ အေးစက်သော မျက်နှာထက်၌ ဇဝေဇဝါဖြစ်သော အရိပ်အ‌ယောင်များ ပေါ်လာခဲ့၏။</p> <p> </p> <p>ချီယန်ဂိုဏ်းနှင့် လျှို့ဝှက်လဝန်းနန်းတော်တို့စစ်ဖြစ်တော့မည်ဟု ဝိညာဉ်ဆိုး နတ်ဘုရင်က သူမအား ပြောခဲ့သည်။ သို့သော် ကောင်းကင်ဝံပုလွေမြို့၏ အခြေအနေအရ စစ်ပွဲတစ်ပွဲ ဖြစ်ပွားတော့မည့်ပုံ လုံးဝမပေါ်ပေ။</p> <p> </p> <p>အကယ်၍ ကြီးကျယ်သော နတ်ဂိုဏ်းကြီး နှစ်ခုသည် စစ်ဖြစ်ရန် တကယ်တမ်း နီးကပ်နေပါက ကောင်းကင်ဝံပုလွေမြို့၏ အခြေအနေက ယခုထက် များစွာ ကွဲပြားနေပေလိမ့်မည်။</p> <p> </p> <p>တကယ်တမ်း ဘာတွေ ဖြစ်ပျက်နေသနည်း။</p> <p> </p> <p>ကောင်းကင်ဝံပုလွေမြို့၏ လက်ရှိအခြေအနေကို အစီရင်ခံရန် အင်းစာရွက်တစ်ရွက်ကို ရှုကျင့်ရှူး ချက်ချင်းထုတ်ယူကာ ဝိညာဉ်ဆိုး နတ်ဘုရင်နှင့် ဆက်သွယ်လိုက်သည်။</p> <p> </p> <p> </p> <p>…….</p> <p> </p> <p>တစ်ရက်အကြာ။</p> <p> </p> <p>သွေးလင်းယုန်ခန်းမ၏ အလောင်းတောင်ထိပ်တစ်ခုပေါ်တွင်။</p> <p> </p> <p>ဝိညာဉ်ဆိုး နတ်ဘုရင်သည် အဝေးမှ သွေးပင်လယ်ပြင်ကြီးကို ကြည့်ရင်း တောင်ထိပ်တွင် ရပ်နေ၏။ ထိုစဉ် သူ၏ရှေ့၌ အလင်းစက်တစ်စက် ပေါ်လာသည်။</p> <p> </p> <p>လက်ကို သာမန်ကာလျှံကာ မြှောက်လိုက်သည်နှင့် အလင်းစက်ထဲမှ သတင်းစကား သူ၏ စိတ်ထဲသို့ ရောက်ရှိသွားသည်။</p> <p> </p> <p>ရှုကျင့်ရှူး၏ အစီရင်ခံစာကို နားထောင်ပြီးနောက် ဝိညာဉ်ဆိုး နတ်ဘုရင်၏ မျက်ခုံးများ တွန့်သွားခဲ့၏။</p> <p> </p> <p>လျှို့ဝှက်လဝန်းနန်းတော် သခင်၏ တပည့်ရင်းက အသက်ရှင်နေသေးတာလား။</p> <p> </p> <p>ဒါက ဘယ်လိုလုပ် ဖြစ်နိုင်မည်နည်း။</p> <p> </p> <p>စီကုန်းယုဖုန်းက သူ့ကို သတ်ဖို့ သွားပြီဟု ပြောခဲ့တာ မဟုတ်ပါလား။</p> <p> </p> <p>လုချန်းသည် မြေနတ်အဆင့်သာရှိပြီး သူ့ကို ကာကွယ်ပေးနေသည့် တပည့်မနှစ်ဦးမှာလည်း ကောင်းကင်နတ်အဆင့်တွင်သာ ရှိကြောင်း စီကုန်းယုဖုန်းက ပြောခဲ့သည်။</p> <p> </p> <p>စီကုန်းယုဖုန်းကဲ့သို့ ရွှေနတ်အဆင့် တစ်ဦးအတွက် ကောင်းကင်နတ် နှစ်ဦးနှင့် မြေနတ်တစ်ဦးကို သတ်ရန် မည်သည့် အခက်အခဲမှ ရှိမနေသင့်ပေ။</p> <p> </p> <p>ထို့ပြင် သူတို့၏ နတ်အငွေ့အသက်သည် သာမန်နတ်များအပေါ် ကြောက်မက်ဖွယ်ကောင်းသော ဖိနှိပ်မှု အာနိသင် ရှိသည်။</p> <p> </p> <p>လုချန်းက ဘယ်လိုလုပ် အသက်ရှင်နေရသေးသနည်း။</p> <p> </p> <p>ကြီးကျယ်သော နတ်ဂိုဏ်းကြီး နှစ်ဂိုဏ်း စစ်ဖြစ်မည့် လက္ခဏာလည်း လုံးဝမတွေ့ရပေ။</p> <p> </p> <p>ဝိညာဉ်ဆိုး နတ်ဘုရင်၏ ပုံရိပ် ဝေဝါးသွားပြီးနောက် သွေးမီးအိမ်ပေါင်းများစွာ ထွန်းညှိထားသည့် ဂူအတွင်းသို့ ချက်ချင်း ရောက်ရှိသွား၏။ ထို့နောက် စီကုန်းယုဖုန်း၏ သွေးမီးအိမ်အား သူ ကြည့်လိုက်ရာ ငြိမ်းသတ်ခြင်း ခံထားရသည်ကို တွေ့လိုက်ရသည်။</p> <p> </p> <p>သွေးမီးအိမ် ငြိမ်းသွားခြင်းက ပိုင်ရှင်ဖြစ်သူ သေဆုံးသွားပြီဖြစ်ကြောင်း ဖော်ပြနေသည်။</p> <p> </p> <p>ဒါက...</p> <p> </p> <p>ရွှေနတ်အဆင့်ဖြစ်သော စီကုန်းယုဖုန်းသည် မြေနတ်တစ်ဦးနှင့် ကောင်းကင်နတ် နှစ်ဦးကို ချောင်းမြောင်း တိုက်ခိုက်ခဲ့သော်လည်း ရှုံးနိမ့်ကာ အသတ်ခံလိုက်ရတာလား။</p> <p> </p> <p>ဝိညာဉ်ဆိုး နတ်ဘုရင် အေးစက်စွာ နှာခေါင်းရှုံ့လိုက်၏။</p> <p> </p> <p> “အသုံးမကျတဲ့ကောင်”</p> <p> </p> <p>ထို့နောက် ရှုကျင့်ရှူးထံသို့ သူ ဆက်သွယ်ကာ လောလောဆယ်တွင် ဘာမှ မဆင်မခြင် မလုပ်ရန် ညွှန်ကြားလိုက်သည်။</p> <p> </p> <p>ရှုကျင့်ရှူးသည် သွေးလင်းယုန်ခန်းမ၏ သူတော်စင်မ ဖြစ်ရာ မည်သည့် အမှားအယွင်းမှ ဖြစ်၍ မရပေ။</p> <p> </p> <p> သို့သော် လုချန်းဆိုသူကတော့ ဧကန်မုချ သေရမည်သာ ဖြစ်သည်။</p> <p> </p> <p>သို့သော် ထိုအတွက် ရှုကျင့်ရှူး ကိုယ်တိုင် ပါဝင်လုပ်ဆောင်ရန် မလိုအပ်ပေ။</p> <p> </p> <p>ရွှေနတ်အဆင့်က လုချန်းကို မသတ်နိုင်ပါက နတ်ဘုရင်ခံတစ်ဦးကို စေလွှတ်ရုံသာ ရှိသည်။</p> <p> </p> <p>သို့သော် နတ်ဘုရင်ခံတစ်ဦး ကောင်းကင်ဝံပုလွေမြို့သို့ ရောက်ရှိလာလျှင် လျှို့ဝှက်လဝန်းနန်းတော် သခင် သို့မဟုတ် ချီယန်ဂိုဏ်းချုပ်၏ အာရုံကို ဆွဲဆောင်မိသွားနိုင်သည်။</p> <p> </p> <p>ထို့နောက် တစ်စုံတစ်ဦးကို ဝိညာဉ်ဆိုး နတ်ဘုရင် ဆက်သွယ်လိုက်သည်။</p> <p> </p> <p> “ထျန်းရှောင်... ကျုပ်ဆီ လာခဲ့”</p> <p> </p> <p>ထိုစကားများနှင့်အတူ သွေးစွန်းနေသော အမျိုးသားတစ်ဦး ဝိညာဉ်ဆိုး နတ်ဘုရင်၏ ရှေ့၌ ပေါ်လာ၏။</p> <p> </p> <p> ထျန်းရှောင်က</p> <p> </p> <p> “သခင်... ကျုပ်ကို ဘာခိုင်းဖို့ ရှိလို့လဲ”</p> <p> </p> <p>ဝိညာဉ်ဆိုး နတ်ဘုရင်က</p> <p> “လျှို့ဝှက်လဝန်းနန်းတော် သခင်ရဲ့ တပည့်ရင်းက ကောင်းကင်ဝံပုလွေမြို့မှာ ရှိနေတယ်။ သူ့ကို သွားသတ်ပြီး လျှို့ဝှက်လဝန်းနန်းတော်နဲ့ ချီယန်ဂိုဏ်းကြား စစ်ပွဲဖြစ်အောင် ချီယန်ဂိုဏ်းကို အပြစ်ပုံချလိုက်။”</p> <p> </p> <p>ထိုအရာကို ကြားလျှင် နတ်ဘုရင်ခံ ထျန်းရှောင်၏ နှုတ်ခမ်းများ အနည်းငယ် ကွေးညွှတ်သွားသည်။</p> <p> </p> <p>ထို့နောက် ထျန်းရှောင်က</p> <p> </p> <p> “ကျုပ် အခုချက်ချင်း သွားလိုက်မယ်”</p> <p> </p> <p>နတ်ဘုရင်ခံ ထျန်းရှောင်သည် လုချန်း၏ စွမ်းအားနှင့် ပတ်သက်၍ပင် မမေးမြန်းခဲ့ပေ။ ဝိညာဉ်ဆိုး နတ်ဘုရင်က သူ့အား သတ်ခိုင်းသည်ဆိုမှတော့ ထိုပစ်မှတ် သူ့ထက် အားနည်းရမည်ဟု သူ ယူဆထား၏။ ပစ်မှတ်၏ အစွမ်းကို မေးမြန်းနေခြင်းက အပိုသာ ဖြစ်လိမ့်မည်။</p> <p> </p> <p>ထိုသို့ပြောပြီးနောက် နတ်ဘုရင်ခံ ထျန်းရှောင်လည်း အလင်းစက်တစ်ခုအဖြစ် ပြောင်းလဲသွားကာ ကောင်းကင်ဝံပုလွေမြို့ဆီသို့ ပျံသန်းသွားခဲ့သည်။</p> <p> </p> <p>ဝိညာဉ်ဆိုး နတ်ဘုရင်က အဝေးသို့ ပျံသန်းသွားသော သွေးရောင်အလင်းစက်ကို ကြည့်လိုက်ကာ</p> <p> </p> <p> “နတ်ဘုရင်ခံတစ်ဦးတောင် ခင်ဗျားကို မသတ်နိုင်ဘူးဆိုတာ ကျုပ် လုံးဝ မယုံဘူး”</p> <p> </p> <p> </p> <p>ထိုအခိုက်အတန့်တွင် ဝိညာဉ်ဆိုး နတ်ဘုရင်က နတ်ဘုရင်ခံတစ်ဦးကို စေလွှတ်လိုက်ကြောင်း လုချန်းနှင့် ရှောင်ရွှီရင်တို့ သိထားခြင်း မရှိသေးပေ။ ဖန်တီးခြင်း လမ်းစဉ်ကိုသာ သူတို့ ဆက်လက် ရှာဖွေကျင့်ကြံနေကြသည်။</p> <p> </p> <p> </p> <p>………</p> <p> </p> <p> </p> <p>တစ်ချိန်တည်းမှာပင်။</p> <p> </p> <p>လျှို့ဝှက်လဝန်းနန်းတော်။</p> <p> </p> <p>ပြန်လည်ရောက်ရှိလာသည်နှင့် ကောင်းကင်ဝံပုလွေမြို့တွင် ဖြစ်ပျက်ခဲ့သည့် အရာများကို ယဲ့ချူယောင်ထံသို့ ကောက်ရှီယွမ် ချက်ချင်း အစီရင်ခံလိုက်သည်။ ထို့ကြောင့် အခြေအနေကို ဆွေးနွေးရန် လျှို့ဝှက်လဝန်းနန်းတော်ရှိ အတွင်းစည်း အကြီးအကဲ အားလုံးကို အလျင်အမြန် စုဝေးစေခဲ့၏။</p> <p> </p> <p>အတွင်းစည်း အကြီးအကဲ အားလုံးကို ယဲ့ချူယောင်က အရေးတကြီး ခေါ်ယူခြင်းအပေါ် အကြီးအကဲများ ဇဝေဇဝါ ဖြစ်နေကြသည်။ ပုံမှန်အားဖြင့် လျှို့ဝှက်လဝန်းနန်းတော်သို့ ရန်သူများ ကျူးကျော်လာခြင်းမျိုး မရှိပါက  အတွင်းစည်း အကြီးအကဲ အားလုံးကို စုဝေးလေ့ မရှိပေ။</p> <p> </p> <p>သို့သော် ယခု လျှို့ဝှက်လဝန်းနန်းတော်အပေါ် မည်သည့် ရန်သူ၏ တိုက်ခိုက်မှုကိုမှ သူတို့ မတွေ့ရှိခဲ့ကြပေ။</p> <p> </p> <p>နတ်ဘုရင်ခံ အဆင့်ရှိကြသော အတွင်းစည်း အကြီးအကဲများသည် လျှို့ဝှက်လဝန်းနန်းတော်၏ နယ်မြေအတွင်း ဖြစ်ပျက်သမျှကို ကောင်းစွာ ခံစားသိနိုင်စွမ်း ရှိကြ၏။ အကယ်၍ တိုက်ခိုက်မှု တစ်စုံတစ်ရာ ရှိခဲ့လျှင် သူတို့ ဧကန်မုချ သိကြမည် ဖြစ်သည်။</p> <p> </p> <p>နန်းတော်သခင်၏ ရေခဲကျောက်ဖျာ ထိုင်ခုံပေါ်တွင် ထိုင်ရင်း အောက်ရှိ အတွင်းစည်း အကြီးအကဲများကို ယဲ့ချူယောင် ကြည့်လိုက်သည်။</p> <p> </p> <p>ယဲ့ချူယောင်က</p> <p> </p> <p> “အားလုံး စုံပြီဆိုတော့... ကောင်းကင်ဝံပုလွေမြို့မှာ ဘာတွေ ဖြစ်ခဲ့သလဲဆိုတာ ညီမ ကောက် ရှင်းပြလိုက်ပါဦး။”</p> <p> </p> <p>“ကောင်းကင်ဝံပုလွေမြို့” ဟူသော အမည်ကို ကြားလိုက်ရသည်နှင့် အချို့သော အတွင်းစည်း အကြီးအကဲများ၏ စိတ်ထဲ မကောင်းသော အငွေ့အသက်များကို ချက်ချင်း ခံစားလိုက်ရသည်။</p> <p> </p> <p>ကောက်ရှီယွမ်က</p> <p> “မောင်လေး လုချန်းနဲ့အတူ လေ့ကျင့်ဖို့ ကောင်းကင်ဝံပုလွေမြို့ကို ကျွန်မ လိုက်သွားခဲ့ပါတယ်။ အဲဒီကို ရောက်ရောက်ချင်းမှာပဲ ကောင်းကင်ဝံပုလွေ မြို့တော်ဝန်နဲ့ မိသားစုကြီး တွေဟာ ချီယန်ဂိုဏ်းနဲ့ ပူးပေါင်းနေကြတာကို တွေ့ခဲ့ရတယ်...”</p> <p> </p> <p>ထိုအခိုက်တွင် အကြီးအကဲတစ်ဦးက ချက်ချင်း ဖြတ်မေးလိုက်သည်။</p> <p> </p> <p> “ခင်ဗျား ဘာလို့ တစ်ယောက်တည်း ပြန်လာတာလဲ ... ရှီယွမ်။ လုချန်း ဘာဖြစ်သွားလို့လဲ။” </p> <p> </p> <p> </p> <p> </p> <p> </p> <p style="text-align: center;">***</p>


Save