Book List

<h2 style="text-align: center;">အခန်း (၁၆၀၂)</h2> <h2 style="text-align: center;">နတ်ဘုရင်ခံ လင်ရင်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ကောက်ရှီယွမ်၏ စူးစိုက်ကြည့်မှုကို တိုက်ရိုက် ခံလိုက်ရသဖြင့် ရှောင်ရွှီရင် ရုတ်တရက် စိတ်မလုံမလဲ ဖြစ်သွား၏။ အထူးသဖြင့် သူမ၏ မျက်နှာပေါ်တွင် နီမြန်းနေဆဲဖြစ်သော အငွေ့အသက်များကြောင့် ပို၍ပင် ရှက်ရွံ့နေပုံ ပေါ်နေသည်။</p> <p> </p> <p>ကောက်ရှီယွမ်က ဇဝေဇဝါဖြစ်စွာဖြင့် ရှောင်ရွှီရင်ကို</p> <p> </p> <p>“ညီမလေးရှောင်... ဘာဖြစ်လို့လဲ။ မျက်နှာက ဘာလို့ ဒီလောက်တောင် နီနေရတာလဲ။”</p> <p> </p> <p>ရှောင်ရွှီရင်က</p> <p> “ဒါ... ဘာမှမဟုတ်ပါဘူး... ခုနက ကျွန်မ ကျင့်ကြံနေရင်း နည်းနည်း လမ်းကြောင်းလွဲသွားလို့ပါ။”</p> <p> </p> <p>ရှောင်ရွှီရင်၏ စကားကို ကြားလျှင် နတ်ဘုရင်ခံ လင်ရင်က ရှောင်ရွှီရင်၏ ခန္ဓာကိုယ်ကို စစ်ဆေးရန် နတ်အငွေ့အသက် တစ်စွန်းတစ်စကို ချက်ချင်း ထုတ်လွှတ်လိုက်၏။ နတ်အငွေ့အသက်ကို ခံစားမိလိုက်သောကြောင့် ရှောင်ရွှီရင် ခဏခန့် မှင်တက်သွားသည်။</p> <p> </p> <p>နတ်ဘုရင်ခံ အဆင့်ရှိသော တည်ရှိမှုတစ်ခုသည် သူမ၏ ခန္ဓာကိုယ် အခြေအနေကို ချက်ချင်း စစ်ဆေးနိုင်သည် မဟုတ်ပါလား။</p> <p> </p> <p>ရှောင်ရွှီရင် အမျိုးသမီးစစ်စစ် တစ်ဦး ဖြစ်သွားပြီဖြစ်ကြောင်း ခံစားမိလိုက်သဖြင့် နတ်ဘုရင်ခံ လင်ရင်က သူမ၏ လျှို့ဝှက်ချက်ကို မဖော်ထုတ်ပဲ ခပ်ဖျော့ဖျော့သာ ပြုံးလိုက်၏။</p> <p> </p> <p>လုချန်းသည် နန်းတော်သခင်၏ တပည့်ရင်းဖြစ်သည့်အပြင် အလွန် ရုပ်ရည်ချောမောသဖြင့် ရှောင်ရွှီရင် စိတ်ညွှတ်သွားခြင်းက မဆန်းပေ။ ယခင်က ဤကဲ့သို့ အတွေ့အကြုံမျိုး ရှိခဲ့ဖူးသည့် နတ်ဘုရင်ခံ လင်ရင်အတွက်တော့ ၎င်းက ထူးဆန်းသည့် အရာတစ်ခု လုံးဝ မဟုတ်ပေ။</p> <p> </p> <p>နတ်ဘုရင်ခံ လင်ရင်က ရှောင်ရွှီရင်ကို ကြည့်ကာ</p> <p> “ရွှီရင်... နောက်ဆိုရင် ကျင့်ကြံနေတုန်း ရုတ်တရက်ကြီး မရပ်လိုက်နဲ့။ အဲဒါက မင်းရဲ့ ကျန်းမာရေးအတွက် မကောင်းဘူး။”</p> <p> </p> <p>နတ်ဘုရင်ခံ လင်ရင်၏ စကားကို ကြားသောအခါ လုချန်းနှင့် သူမ၏ ကိစ္စကို ရိပ်မိသွားပြီဖြစ်ကြောင်း ရှောင်ရွှီရင် သိလိုက်၏။ သူမက မျက်နှာနီမြန်းစွာဖြင့်</p> <p> </p> <p> “ကျွန်မ... နတ်ဘုရင်ခံ လင်ရင်ရဲ့ အကြံပေးချက်ကို မှတ်သားထားပါ့မယ်။”</p> <p> </p> <p>နတ်ဘုရင်ခံ လင်ရင်က ထိုအကြောင်းအရာကို ဆက်မပြောတော့ပဲ လုချန်းကို ကြည့်ကာ</p> <p> </p> <p> “လုချန်း... ရှင့်ဆီမှာ တခြားသူတွေရဲ့ သရုပ်မှန်ကို ခွဲခြားနိုင်တဲ့ ပစ္စည်းတစ်ခု ရှိတယ်လို့ ရှီယွမ်ဆီက ကြားတယ်။ ဟုတ်လား”</p> <p> </p> <p>လုချန်းက</p> <p> </p> <p>“ဟုတ်ပါတယ်။”</p> <p> </p> <p>နတ်ဘုရင်ခံ လင်ရင်က</p> <p>“ဒါဆိုရင် ကျွန်မ ဘယ်သူ ဆိုတာကိုရော ရှင် ပြောနိုင်မလား”</p> <p> </p> <p>ဒါက...</p> <p> </p> <p>လုချန်း ခဏခန့် ဇဝေဇဝါ ဖြစ်သွား၏။</p> <p> </p> <p> သူမက လျှို့ဝှက်လဝန်းနန်းတော်မှ မဟုတ်လား။</p> <p> </p> <p>သူ ထပ်ပြောပြရန် လိုအပ်ပါသလား။</p> <p> </p> <p>စပ်စုချင်စိတ်ဖြင့် နတ်ဘုရင်ခံ လင်ရင်ကို လုချန်း စစ်ဆေးလိုက်၏။</p> <p> </p> <p> </p> <p>[အမည် : လင်ရင်]</p> <p> </p> <p>[အချက်အလက်:  လျှို့ဝှက်လဝန်းနန်းတော်၏ အတွင်းစည်းအကြီးအကဲ။ ထျန်းရှနတ်ဘုရားနိုင်ငံတော်မှ ချန်ဘုရင်၏ လက်အောက်ခံဟောင်း။]</p> <p> </p> <p>[စွမ်းအား : နတ်ဘုရင်ခံ]</p> <p> </p> <p>[သစ္စာရှိမှု : ၁၀၀]</p> <p> </p> <p>အာ...</p> <p> </p> <p>နတ်ဘုရင်ခံ လင်ရင်ကို ဘာကြောင့် ရင်းနှီးနေသလဲဟု သူ တွေးနေခဲ့ခြင်း ဖြစ်သည်။ သူမက သူ၏ အိပ်ရာနွေး အစေခံ မဟုတ်ပါလား။</p> <p> </p> <p>လုချန်းသည် ထျန်းရှနတ်ဘုရားနိုင်ငံတော်၏ တော်ဝင်မိသားစုတွင် မွေးဖွားလာခဲ့သူ ဖြစ်သည်။ သူ မွေးဖွားပြီးနောက်တွင် သူ့အား ပြုစုစောင့်ရှောက်ရန် ကောင်းကင်နတ်အဆင့်ရှိသော အစေခံ နှစ်ဦးကို သူ၏ မိခင်က ခန့်အပ်ပေးခဲ့သည်။</p> <p> </p> <p>ထိုအစေခံ နှစ်ဦးသည် သူ၏ နေ့စဉ်လိုအပ်ချက်များကို ပြုစုရုံသာမက အမျိုးသားနှင့် အမျိုးသမီးကြားရှိ ကိစ္စရပ်များ အပါအဝင် အရာများစွာကို သင်ကြားပေးရသော ကိုယ်ရံတော် အစေခံများ ဖြစ်ကြ၏။ နတ်ဘုရင်ခံ လင်ရင်သည် လုချန်း၏ ဆရာမများထဲမှ တစ်ဦး ဖြစ်သည်။</p> <p> </p> <p>သူ ရှုံးနိမ့်သွားပြီးနောက် သူမကို အမွေးဖြူမြို့တွင် ထားခဲ့ခြင်း ဖြစ်သည်။ ယခု ထိုနေရာတွင် သူမကို မတွေ့ရသဖြင့် သူမ သေဆုံးသွားပြီဟု လုချန်း ထင်မှတ်ထားခဲ့သည်။</p> <p> </p> <p>စနစ် မျက်နှာပြင်ကို ကြည့်ကာ လုချန်း အနည်းငယ် နောင်တရမိသွား၏။ သူ၏ ယခင်ဘဝမှ ဆရာမက စနစ်၏ သတ်မှတ်ချက်များကို မမှီဟု သူ မထင်ထားခဲ့ပေ။</p> <p> </p> <p>သို့သော်လည်း  နားလည်နိုင်စရာတော့ ရှိ၏။ ထျန်းရန်နတ်ဘုရားနယ်မြေတွင် သူ၏ အမျိုးသမီးများစွာ ရှိခဲ့ရာ အားလုံးက စနစ် ၏ လိုအပ်ချက်များကို ဖြည့်ဆည်းပေးနိုင်မည် မဟုတ်ပေ။</p> <p> </p> <p>လုချန်း တွေဝေပြီး တိတ်ဆိတ်နေသည်ကို မြင်သောအခါ နတ်ဘုရင်ခံ လင်ရင်က</p> <p> </p> <p> “ဘာဖြစ်လို့လဲ”</p> <p> </p> <p>လုချန်း သတိပြန်ဝင်လာကာ</p> <p> </p> <p>“နတ်ဘုရင်ခံ လင်ရင်... ခင်ဗျားက ထျန်းရှနတ်ဘုရားနိုင်ငံတော်က လာတာပါ။ ကျန်တဲ့ အကြောင်းအရာတွေကိုတော့ ပြောဖို့ မသင့်တော်ပါဘူး။”</p> <p> </p> <p>လုချန်း၏ စကားကို ကြားသောအခါ နတ်ဘုရင်ခံ လင်ရင် အနည်းငယ် မှင်တက်သွား၏။</p> <p> </p> <p>တကယ်ပဲ သူမ၏ ဇစ်မြစ်ကို သိသွားခြင်းဖြစ်နိုင်သည်။</p> <p> </p> <p>ဤချန်းလုက တကယ်ပဲ လုချန်း ဖြစ်နိုင်မလားဟု သူမ သံသယ ဝင်လာ၏။ ချန်းလုကို တွေ့ချင်သောကြောင့် ကောင်းကင်ဝံပုလွေမြို့သို့ လိုက်လာရန် သူမ စီစဉ်ခဲ့ခြင်းဖြစ်သည်။</p> <p> </p> <p>လျှို့ဝှက်လဝန်းနန်းတော်သို့ ချန်းလု ရောက်လာစဉ်က သူမ သူ့ကို အဝေးမှ လှမ်းကြည့်ခဲ့ဖူးသည်။</p> <p> </p> <p> ထိုစဉ်က နတ်ဘုရင်ခံ လင်ရင် အံ့အားသင့်ခဲ့ရ၏။ နှစ်သန်း‌ပေါင်းများစွာအတွင်း ချန်ဘုရင်နှင့် ဤမျှတူသော အမျိုးသားတစ်ဦးကို သူမ ပထမဆုံးအကြိမ် မြင်ဖူးခြင်းဖြစ်သည်။</p> <p> </p> <p> ဤချန်းလုသည် ချန်ဘုရင် ဝင်စားသူ ဖြစ်နိုင်မလားဟုပင် သူမ သံသယ ဖြစ်ခဲ့သည်။</p> <p> </p> <p>နတ်ဘုရင်ခံ လင်ရင်က</p> <p> “နောက်ဆိုရင် ဒီပစ္စည်းကို လျှော့သုံးတာ ပိုကောင်းမယ်။ လူတွေရဲ့ သရုပ်မှန်ကို သိနိုင်တဲ့ စွမ်းရည်ဟာ ကောင်းကင်ဘုံရဲ့ လျှို့ဝှက်ချက်တွေကို ဖော်ထုတ်တာမျိုး ဖြစ်တဲ့အတွက် တန်ပြန်သက်ရောက်မှုတွေ ရှိနိုင်တယ်။”</p> <p> </p> <p>လုချန်းက</p> <p> </p> <p> “သတိပေးတဲ့အတွက် ကျေးဇူးတင်ပါတယ် နတ်ဘုရင်ခံ လင်ရင်။ နောက်ဆိုရင် ကျုပ် လျှော့သုံးဖို့ ကြိုးစားပါ့မယ်။”</p> <p> </p> <p>ထို့နောက် နတ်ဘုရင်ခံ လင်ရင်က လုချန်းကို ကြည့်ကာ</p> <p> </p> <p> “ကောင်းကင်ဝံပုလွေမြို့က မြို့တော်ဝန်နဲ့ အဲ့ဒီ မိသားစုကြီးတွေကို ဘယ်လို ကိုင်တွယ်လိုက်လဲ။”</p> <p> </p> <p>“ကျုပ် သူတို့ကို မသတ်ခဲ့ပါဘူး...အားလုံးကို ဖမ်းချုပ်ထားပါတယ်။”</p> <p> </p> <p>နတ်ဘုရင်ခံ လင်ရင်က</p> <p> “ရှင် ကောင်းကောင်း လုပ်ခဲ့တာပဲ”</p> <p> </p> <p>“ကျွန်မကို အဲဒီလူတွေဆီ ခေါ်သွားပေးပါ”</p> <p> </p> <p>“ကောင်းပါပြီ”</p> <p> </p> <p>ထို့နောက် တိန့်ချင်းဖုန်းနှင့် မိသားစုကြီးများ အကျဉ်းချခံထားရသည့် နေရာသို့ နတ်ဘုရင်ခံ လင်ရင်ကို လုချန်း ခေါ်ဆောင်သွား၏။</p> <p> </p> <p> တိန့်ချင်းဖုန်းကို မြင်လျှင် နတ်ဘုရင်ခံ လင်ရင်သည် ဝိညာဉ်ရှာဖွေခြင်း အတတ်ကို တွေဝေခြင်းမရှိပဲ အသုံးပြုလိုက်၏။ တိန့်ချင်းဖုန်းသည် လူနတ်အဆင့်တစ်ဦး ဖြစ်သဖြင့် ဝိညာဉ်ရှာဖွေခြင်း ခံရသော်လည်း သေဆုံးခြင်းမရှိပဲ အသက်ရှင်နေဆဲ ဖြစ်သော်လည်း ဇဝေဇဝါဖြစ်သည့် လက္ခဏာများ စတင်ပြသလာသည်။</p> <p> </p> <p>ထို့နောက်တွင် နတ်ဘုရင်ခံ လင်ရင်က ကျန်ရှိနေသူများကိုလည်း ဝိညာဉ်ရှာဖွေခြင်း အတတ်ကို ဆက်လက် အသုံးပြုလိုက်၏။</p> <p> </p> <p>နတ်ဘုရင်ခံ လင်ရင် ဝိညာဉ်ရှာဖွေပြီးသည်ကို မြင်သောအခါ ကောက်ရှီယွမ်က</p> <p> </p> <p> “ဆရာ... ကျွန်မတို့ နောက်ထပ် ဘာဆက်လုပ်ကြမလဲ။”</p> <p> </p> <p>နတ်ဘုရင်ခံ လင်ရင်က တုံ့ပြန်မနေပဲ အင်းစာရွက်တစ်ရွက်ကို တိုက်ရိုက် ထုတ်ယူလိုက်ပြီးနောက် ရေရွတ်လိုက်သည်။</p> <p> </p> <p> “လျှို့ဝှက်လဝန်းနန်းတော်က နတ်ဘုရင်ခံ လင်ရင်ဟာ ချီယန်ဂိုဏ်းရဲ့ ဒုတိယဂိုဏ်းချုပ်ကို ကောင်းကင်ဝံပုလွေမြို့မှာ တွေ့ဆုံဖို့ ဖိတ်ကြားပါတယ်။”</p> <p> </p> <p>သူမ၏ စကားအဆုံးတွင် အင်းစာရွက်သည် အလင်းတန်းတစ်ခုအဖြစ် ပြောင်းလဲသွားကာ ချီယန်ဂိုဏ်းဆီသို့ ပျံသန်းသွားသည်။</p> <p> </p> <p>ထို့နောက် နတ်ဘုရင်ခံ လင်ရင်က ကောက်ရှီယွမ်နှင့် ရှောင်ရွှီရင်ကို လှည့်ကြည့်ကာ</p> <p> </p> <p> “မင်းတို့နှစ်ယောက် အရင်သွားပြီး ကျင့်ကြံကြတော့။ ငါ လုချန်းနဲ့ ဆွေးနွေးစရာ ကိစ္စတွေ ရှိသေးတယ်။”</p> <p> </p> <p>အမျိုးသမီး နှစ်ဦးက</p> <p> “ဟုတ်ကဲ့ပါ”</p> <p> ဟု တစ်ပြိုင်နက်တည်း တုံ့ပြန်ကြ၏။</p> <p> </p> <p>သူတို့၏ စကားအဆုံးတွင် ချင်ချင်းလှည့်ထွက်သွားကြသည်။</p> <p> </p> <p>ထိုအခိုက်အတန့်တွင် နတ်ဘုရင်ခံ လင်ရင်က လက်ကို မြှောက်ကာ သူတို့နှစ်ဦး ပတ်ပတ်လည်၌ အသံလုံ အတားအဆီးတစ်ခုကို ဖန်တီးလိုက်၏။ နတ်ဘုရင်ခံ လင်ရင် ဘာမေးချင်သည်ကို လုချန်း ကြိုသိနေပြီးသား ဖြစ်သည်။</p> <p> </p> <p>နတ်ဘုရင်ခံ လင်ရင်က လုချန်းကို ကြည့်ကာ</p> <p> </p> <p> “လုချန်း... ရှင် ဘယ်ကနေ လာတာလဲ”</p> <p> </p> <p>လုချန်းက ထိုမေးခွန်းကို မဖြေပဲ</p> <p> </p> <p> “မတွေ့တာ ကြာပြီ လင်ရင် ။ အမွေးဖြူမြို့မှာ ခင်ဗျားကို မတွေ့ရတော့ ခင်ဗျားရဲ့ သက်တမ်း ကုန်ဆုံးသွားပြီလို့ ကျုပ် ထင်နေခဲ့တာ။”</p> <p> </p> <p>လုချန်း၏ စကားကို ကြားသောအခါ အနည်းငယ် စမ်းသပ်ရန် ကြံရွယ်ထားသည့် နတ်ဘုရင်ခံ လင်ရင် ခဏခန့် မှင်တက်သွား၏။ နတ်ဘုရင်ခံ လင်ရင်က မယုံကြည်နိုင်စွာဖြင့်</p> <p> </p> <p> “တကယ်ပဲ... ရှင်လား”</p> <p> </p> <p>လုချန်းက</p> <p> “ကျုပ်ပါပဲ။ ဒါပေမဲ့ ကျုပ်ဘယ်သူ ဆိုတာကို အခုလောလောဆယ် လျှို့ဝှက်ထားပေးပါ။ ကျုပ်ရဲ့ ဆရာနဲ့ စီနီယာအစ်မ နှစ်ယောက်လုံးက ကျုပ်အပေါ် အငြိုးရှိနေကြတယ်။ အကယ်၍ သူတို့သာ ကျုပ်ဘယ်သူလဲ သိသွားရင် ကျုပ် လျှို့ဝှက်လဝန်းနန်းတော်မှာ ဆက်နေနိုင်မှာ မဟုတ်ဘူး။”</p> <p> </p> <p>နတ်ဘုရင်ခံ လင်ရင်က</p> <p> “ဒါပေမဲ့ ရှင်က ကစဉ့်ကလျား ပင်လယ်ထဲကို ဝင်သွားတယ်လို့...”</p> <p> </p> <p>ကစဉ့်ကလျား ပင်လယ်ထဲသို့ ဝင်ရောက်ခြင်းသည် ခန္ဓာကိုယ်နှင့် နတ်အာရုံကို ပျက်စီးစေသည်ဟု ကောလာဟလများ ရှိခဲ့သည်။ လုချန်း ကစဉ့်ကလျား ပင်လယ်ထဲတွင် ကျဆုံးသွားပြီဟု သူမ ထင်မှတ်ခဲ့သဖြင့် သူမ၏ ကိုယ်ပိုင်လမ်းစဉ်ကို ရှာဖွေရန် အမွေးဖြူမြို့မှ ထွက်ခွာခဲ့ခြင်း ဖြစ်သည်။</p> <p> </p> <p>ယခု မျှော်လင့်မထားပဲ လုချန်း ပြန်လည် ရောက်ရှိလာခဲ့ပြီဖြစ်သည်။</p> <p> </p> <p>လုချန်းက</p> <p> “အဲဒီအကြောင်းတွေကို နောက်မှ ပြောကြတာပေါ့။ အခုတော့ ကျုပ် အသက်ရှင်နေသေးတယ်ဆိုတာ ခင်ဗျား သိထားရင် ရပြီ။”</p> <p> </p> <p>နတ်ဘုရင်ခံ လင်ရင်က ချက်ချင်း ဂါရဝပြုကာ</p> <p>“ဘုရင်ကြီးကို ဂါရဝပြုပါတယ်”</p> <p> </p> <p>နတ်ဘုရင်ခံ လင်ရင် ဦးညွှတ်တော့မည့် အခိုက်တွင် သူမကို လုချန်းက နတ်စွမ်းအားဖြင့် ထိန်းမပေးလိုက်ကာ</p> <p> “ကျုပ်ရဲ့ စွမ်းအားတွေ ပြန်မရမချင်း ကျုပ်ဟာ လျှို့ဝှက်လဝန်းနန်းတော်ရဲ့ တပည့်တစ်ယောက်သာ ဖြစ်တယ်။ ခင်ဗျား အခုလို လုပ်ဖို့ မလိုပါဘူး။”</p> <p> </p> <p>နတ်ဘုရင်ခံ လင်ရင်က</p> <p> </p> <p> “ကျွန်မ နားလည်ပါပြီ”</p> <p> </p> <p>နတ်ဘုရင်ခံ လင်ရင်က</p> <p> </p> <p> “ရှင် နောက်ထပ် ဘာဆက်လုပ်ဖို့ စဉ်းစားထားလဲ”</p> <p> </p> <p>လုချန်းက</p> <p> “အရင်ဆုံး ကျုပ်ရဲ့ စွမ်းအားတွေကို ပြန်လည် တည်ဆောက်ရမယ်။ ကျန်တာတွေကိုတော့ နောက်မှပဲ စဉ်းစားတော့မယ်”</p> <p> </p> <p>နတ်ဘုရင်ခံ လင်ရင်က</p> <p> “ရှင် အမွေးဖြူမြို့ကို သွားခဲ့သေးလား။ အဲ့ဒီမြို့ရဲ့ အခြေအနေကိုရော ရှင် သိလား”</p> <p> </p> <p>လုချန်းက</p> <p> </p> <p> “လူသူ မကျန်သလောက် ဖြစ်နေပြီ”</p> <p> </p> <p>လုချန်း၏ စကားကို ကြားသောအခါ နတ်ဘုရင်ခံ လင်ရင်လည်း အနည်းငယ် အပြစ်မကင်းသလို ခံစားလိုက်ရ၏။ သူမသာ အမွေးဖြူမြို့တွင် ရှိနေခဲ့ပါက ချန်ဘုရင် ပြန်လာချိန်၌ ခိုကိုးရာမဲ့ ဖြစ်နေမည် မဟုတ်ပေ။</p> <p> </p> <p>ထို့နောက် လုချန်းက</p> <p> </p> <p> “ကဲ... လောလောဆယ် ဒီမှာပဲ တော်ကြဦးစို့”</p> <p> </p> <p>နတ်ဘုရင်ခံ လင်ရင်က</p> <p> </p> <p>“ကောင်းပါပြီ”</p> <p> </p> <p>ထို့နောက် နတ်ဘုရင်ခံ လင်ရင်က အသံလုံ အတားအဆီးကို ဖယ်ရှားလိုက်၏။</p> <p> </p> <p>ခဏအကြာတွင် ကောင်းကင်ဝံပုလွေမြို့ ပြင်ပမှ အမျိုးသားတစ်ဦး၏ အသံ ထွက်ပေါ်လာ၏။</p> <p> </p> <p> “နတ်ဘုရင်ခံ လင်ရင်က ဒီအဖိုးကြီးဆီက ဘာများ လိုချင်လို့ပါလိမ့်”</p> <p> </p> <p>ထိုစဉ် နတ်ဘုရင်ခံ လင်ရင်က လက်ကို မြှောက်လိုက်ကာ တိန့်ချင်းဖုန်းနှင့် ဩဇာကြီး မိသားစုဝင်အားလုံးကို သူမ၏ နတ်ဝတ်ရုံအတွင်းရှိ အာကာသထဲသို့ ပြောင်းရွှေ့လိုက်၏။</p> <p> </p> <p>မကြာမီတွင်  ကောင်းကင်ဝံပုလွေမြို့ ပြင်ပသို့ နတ်ဘုရင်ခံ လင်ရင် ရောက်ရှိသွားသည်။</p> <p> </p> <p> </p> <p> </p> <p> </p> <p style="text-align: center;">***</p>


Save