Book List

<h2 style="text-align: center;">အခန်း( ၁၆၀၃ )</h2> <h2 style="text-align: center;">စီကုန်းယုဖုန်းကို မည်သူက အတင့်ရဲစေသနည်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ကောင်းကင်ဝံပုလွေမြို့၏ ပြင်ပဝေဟင်တွင် ဆံပင်အနည်းငယ် ဖြူနေသော အဖိုးအိုတစ်ဦး ဝဲပျံနေ၏။ ရဲရဲနီသော ဝတ်ရုံကို ဆင်မြန်းထားသည့် သူ၏ ကိုယ်၌လည်း ပြင်းထန်သော မီးလျှံများ တောက်လောင်နေသည်။</p> <p> </p> <p>နတ်ဘုရင်ခံ လင်ရင် နှင့်အတူ  ကောင်းကင်ဝံပုလွေမြို့၏ ပြင်ပသို့ လုချန်း ရောက်ရှိလာ၏။</p> <p> </p> <p>နတ်ဘုရင်ခံ လင်ရင်ကို မြင်လျှင် နတ်ဘုရင်ခံ တိမ်နက် အနည်းငယ် ဇဝေဇဝါ ဖြစ်သွား၏။</p> <p> </p> <p>သူမက သူနှင့် အဘယ်ကြောင့် တွေ့ဆုံလိုရ သနည်း။</p> <p> </p> <p>ချီယန်ဂိုဏ်းနှင့် လျှို့ဝှက်လဝန်းနန်းတော်သည် နယ်နိမိတ်ချင်း ထိစပ်နေသော်လည်း ဂိုဏ်း၏ အကြီးပိုင်း အချင်းချင်း ဆက်ဆံရေးကတော့ နည်းပါးလှ၏။ထို့ကြောင့် သူမထံ၌ သူနှင့် တွေ့ဆုံရန် အရေးကြီးသော အကြောင်းအရာတစ်ခုခု ရှိနေလိမ့်မည်။</p> <p> </p> <p>ထိုအခိုက်အတန့်တွင် သူမ၏ ဝတ်ရုံနေရာ အတွင်းမှ လူအားလုံးကို နတ်ဘုရင်ခံ လင်ရင် ထုတ်လိုက်၏။ ထို့နောက် သူမက နတ်ဘုရင်ခံ တိမ်နက်ကို</p> <p> </p> <p> “နတ်ဘုရင်ခံ တိမ်နက်... ရှင် သူတို့ကို အရင်ဆုံး ဝိညာဉ်ရှာဖွေကြည့်သင့်တယ်”</p> <p> </p> <p>ဒါက...</p> <p> </p> <p> </p> <p>ထို ရုတ်တရက် တောင်းဆိုချက်ကို ကြားလျှင် နတ်ဘုရင်ခံ တိမ်နက်၏ မျက်နှာထက်၌ ရှုပ်ထွေးသော အရိပ်အယောင်များ အနည်းငယ် ဖြတ်သန်းသွားသည်။</p> <p> </p> <p>အနီးအနားရှိ လူများကို နတ်ဘုရင်ခံ တိမ်နက် ကြည့်လိုက်၏။ ထို့နောက် သူ၏ နတ်အငွေ့အသက်များကို ထုတ်ဖော်လိုက်ပြီး တိန့်ချင်းဖုန်းနှင့် ဩဇာကြီး မိသားစုများမှ လူစုကို တိုက်ရိုက် ဝိညာဉ်ရှာဖွေလိုက်တော့သည်။</p> <p> </p> <p>ဝိညာဉ်ရှာဖွေခြင်းမှတစ်ဆင့် တိန့်ချင်းဖုန်းနှင့် စီကုန်းယုဖုန်းတို့၏ စကားပြောဆိုမှုကို သူ မြင်လိုက်ရလျှင် မှင်တက်သွား၏။</p> <p> </p> <p>အတွင်းစည်းအကြီးအကဲ တစ်ဦးဖြစ်သော စီကုန်းယုဖုန်းသည် သူသဘောနှင့်သူ လျှို့ဝှက်လဝန်းနန်းတော်သခင်၏ တပည့်ရင်းကို လုပ်ကြံရန် သွားရောက်လိမ့်မည်ဟု သူ လုံးဝ ထင်မထားခဲ့ပေ။</p> <p> </p> <p>ဤကဲ့သို့ အရေးပါသော ပုဂ္ဂိုလ်ကို လုပ်ကြံခြင်းက စစ်ကြေညာခြင်းနှင့် အတူတူပင် ဖြစ်သည်။ လျှို့ဝှက်လဝန်းနန်းတော်သခင်၏ တပည့်ရင်းသာ တကယ် သေဆုံးသွားခဲ့လျှင် ထိုနတ်ဂိုဏ်းကြီးနှစ်ဂိုဏ်း ထာဝရ ရန်သူများ ဖြစ်သွားကြပေလိမ့်မည်။</p> <p> </p> <p>ထို့ကြောင့် အခြေအနေ၏ ပြင်းထန်မှုကို နတ်ဘုရင်ခံ တိမ်နက် ချက်ချင်းသဘောပေါက်သွားသည်။</p> <p> </p> <p>ကောင်းကင်ဝံပုလွေမြို့က သူတို့ထံ ခိုလှုံလိုသည်ကို ချီယန်ဂိုဏ်း၏ အကြီးပိုင်းများ သိထားကြသော်လည်း လျှို့ဝှက်လဝန်းနန်းတော်နှင့် ထိပ်တိုက်မတွေ့လိုသဖြင့် ထိုမြို့ကို လက်အောက်ခံအဖြစ် မသိမ်းပိုက်ပဲ ထားခဲ့ခြင်း ဖြစ်၏။</p> <p> </p> <p>အတွင်းစည်းအကြီးအကဲ တစ်ဦးဖြစ်သော စီကုန်းယုဖုန်း အနေနှင့် ချီယန်ဂိုဏ်း ခေါင်းဆောင်ပိုင်း၏ ရပ်တည်ချက်ကို မသိပဲ မနေနိုင်ပေ။</p> <p> </p> <p>ဝိညာဉ်ရှာဖွေခြင်း ပြီးဆုံးသွားလျှင် နတ်ဘုရင်ခံ တိမ်နက်က နတ်ဘုရင်ခံ လင်ရင်ကို အလျင်အမြန် ပြောလိုက်၏။</p> <p> </p> <p> “နတ်ဘုရင်ခံ လင်ရင်... ခင်ဗျားတို့ နန်းတော်သခင်ရဲ့ တပည့်ရင်းကို လုပ်ကြံဖို့ ကြိုးစားတာက ကျုပ် တို့ ဂိုဏ်းရဲ့ အမိန့်မဟုတ်ပါဘူး။ ဒါဟာ စီကုန်းယုဖုန်း တစ်ယောက်တည်းရဲ့ လုပ်ရပ်ပါ။”</p> <p> </p> <p>ထိုသို့ပြောရင်း နတ်ဘုရင်ခံ တိမ်နက်၏ အကြည့်က လုချန်းထံသို့ ကျရောက်သွား၏။ ထို့နောက် သူက လုချန်းကို</p> <p> </p> <p>“ဒီမိတ်ဆွေငယ်လေးက လျှို့ဝှက်လဝန်း နန်းတော်သခင်ရဲ့ တပည့်ရင်း ဖြစ်ရမယ်။ ချီယန်ဂိုဏ်းကိုယ်စား ဒီဖြစ်ရပ်အတွက် ကျုပ် တောင်းပန်ပါတယ်။ ချီယန်ဂိုဏ်းအနေနှင့် လျော်ကြေးအဖြစ် မြေအဆင့် နတ်ရတနာတစ်ခု ပေးအပ်လိုပါတယ်။”</p> <p> </p> <p>“မိတ်ဆွေအနေနှင့် ချီယန်ဂိုဏ်းရဲ့ ပေါ့လျော့မှုကို ခွင့်လွှတ်ပေးနိုင်လိမ့်မယ်လို့ ကျုပ် မျှော်လင့်ပါတယ်။”</p> <p> </p> <p>ထိုစဉ် နတ်ဘုရင်ခံ လင်ရင်က နတ်ဘုရင်ခံ တိမ်နက်ကို</p> <p> “ရှင်တို့ဂိုဏ်းရဲ့ အတွင်းစည်းအကြီးအကဲက ကျွန်မတို့ နန်းတော်သခင်ရဲ့ တပည့်ရင်းကို ဘာကြောင့် တိုက်ခိုက်ရတာလဲဆိုတာ နတ်ဘုရင်ခံ တိမ်နက် မသိချင်ဘူးလား။”</p> <p> </p> <p>နတ်ဘုရင်ခံ လင်ရင်၏ စကားကို ကြားလျှင် နတ်ဘုရင်ခံ တိမ်နက် အနည်းငယ် အံ့အားသင့်သွား၏။ သူသည်လည်း စီကုန်းယုဖုန်း၏ လုပ်ရပ်ကို အမှန်တကယ် နားမလည်နိုင် ဖြစ်နေခဲ့သည်။</p> <p> </p> <p>နတ်ဘုရင်ခံ တိမ်နက်က</p> <p> “ဒီမိတ်ဆွေနဲ့ စီကုန်းယုဖုန်းကြားမှာ တစ်ခုခု နားလည်မှုလွဲတာမျိုး ရှိလို့လား။”</p> <p> </p> <p>နတ်ဘုရင်ခံ လင်ရင်က</p> <p> </p> <p>“မဟုတ်ပါဘူး”</p> <p> </p> <p>ထိုအခါ လင်ရင်က</p> <p> </p> <p>“ရှင်တို့ရဲ့ အကြီးအကဲက သွေးလင်းယုန်ခန်းမက လွှတ်လိုက်တဲ့ သူလျှိုတစ်ယောက် ဖြစ်နေလို့ပဲ။ လုချန်းကို သူ တိုက်ခိုက်ရတာက နတ်ဂိုဏ်းကြီး နှစ်ဂိုဏ်းကြား စစ်ပွဲဖြစ်အောင် သွေးထိုးပေးဖို့ပဲ။ ပြီးတော့ ကျွန်မတို့ နှစ်ဖက်စလုံး အင်အားနည်းသွားတဲ့အချိန်မှာ အမြစ်ပြတ်ချေမှုန်းဖို့ ကြံစည်ထားတာ။”</p> <p> </p> <p>နတ်ဘုရင်ခံ လင်ရင်၏ စကားကို ကြားလျှင် နတ်ဘုရင်ခံ တိမ်နက် လုံးဝ မှင်တက်သွား၏။</p> <p> </p> <p>သတိပြန်ဝင်လာ သောအခါ သူက မယုံကြည်နိုင်စွာဖြင့်</p> <p> </p> <p>“ဒီစကားအတွက် သက်သေရှိလို့လား  နတ်ဘုရင်ခံ လင်ရင်... “</p> <p> </p> <p>နတ်ဘုရင်ခံ လင်ရင်က</p> <p> </p> <p>“လုချန်းမှာ ကောင်းကင်လျှို့ဝှက်ချက်တွေသိနိုင်တဲ့ ပညာ အချို့ရှိတယ်။ အဲဒါကြောင့် သူက လူတစ်ယောက်ရဲ့ သရုပ်မှန် ကို တွက်ချက်ဖော်ထုတ်နိုင်တယ်။ စီကုန်းယုဖုန်းကို သူ မြင်လိုက်တာနဲ့  သူက သွေးလင်းယုန်ခန်းမကဆိုတာ သူ သိလိုက်တယ်။”</p> <p> </p> <p>စီကုန်းယုဖုန်းကို ရတနာတစ်ခုဖြင့် ဖော်ထုတ်ခဲ့သည်ဟု လုချန်းက ဆိုခဲ့သော်လည်း ရတနာအကြောင်းကို ထည့်ပြောလိုက်လျှင် နတ်ဘုရင်ခံ တိမ်နက်က ထိုရတနာကို ထုတ်ပြရန် တောင်းဆိုလာမည်ကို နတ်ဘုရင်ခံ လင်ရင် စိုးရိမ်မိ၏။</p> <p> </p> <p>လုချန်း၌ ထိုကဲ့သို့သော ရတနာ တကယ် ရှိ မရှိ သူမ မသေချာပေ။ ထို့ကြောင့် လူတစ်ယောက်၏ သရုပ်မှန်ကို အလွယ်တကူ တွက်ချက်နိုင်သော ကောင်းကင်လျှို့ဝှက်ချက်ပညာဟုသာ နတ်ဘုရင်ခံ လင်ရင်က ရိုးရှင်းစွာ ပြောဆိုလိုက်ခြင်း ဖြစ်၏။</p> <p> </p> <p>နတ်အများစု၌ တွက်ချက်ခြင်းအတတ်ပညာများ ရှိကြသော်လည်း များသောအားဖြင့် သူထက် အဆင့်နိမ့်သော နတ်များ မတွက်ချက်နိုင်အောင် သူတို့၏ လျှို့ဝှက်ချက်များကို ဖုံးကွယ်ထားနိုင်ကြသည်။ သို့သော် ကောင်းကင်လျှို့ဝှက်ချက်ပညာတွင် အထူးကျွမ်းကျင်သူများကတော့ ခြွင်းချက် ဖြစ်၏။</p> <p> </p> <p>ကောင်းကင်လျှို့ဝှက်ချက်ပညာတွင် ကျွမ်းကျင်သူတစ်ဦးအတွက်မူ လူတစ်ယောက် မည်သူမည်ဝါဖြစ်ကြောင်း ဖော်ထုတ်ရန်က အလွန်လွယ်ကူသော အလုပ်တစ်ခုပင်။</p> <p> </p> <p>နတ်ဘုရင်ခံ လင်ရင်၏ စကားကို ကြားပြီးနောက် နတ်ဘုရင်ခံ တိမ်နက်လည်း သံသယ မရှိတော့ပေ။ သူက လုချန်းကို ကြည့်ကာ</p> <p> </p> <p> “ဒီမိတ်ဆွေလေးက လျှို့ဝှက်လဝန်းနန်းတော်သခင်ရဲ့ တပည့်ရင်း ဖြစ်ရကျိုးနပ်ပါတယ်။ ကောင်းကင်လျှို့ဝှက်ချက်ပညာမှာတောင် ကျွမ်းကျင်နေတာပဲ။”</p> <p> </p> <p>“ကျုပ် ပြန်ရောက်ရင် ဒီကိစ္စကို ဂိုဏ်းချုပ်ဆီ အစီရင်ခံပါ့မယ်။”</p> <p> </p> <p>နတ်ဘုရင်ခံ လင်ရင်၏ စကားကို နတ်ဘုရင်ခံ တိမ်နက် အနေနှင့် မယုံကြည်ပဲ မနေနိုင်ပေ။ အဘယ့်ကြောင့်ဆိုသော် စီကုန်းယုဖုန်း၏ လုပ်ရပ်က တကယ်ပင် ပုံမှန်မဟုတ်သောကြောင့် ဖြစ်၏။</p> <p> </p> <p>အတွင်းစည်းအကြီးအကဲ တစ်ဦးဖြစ်သော စီကုန်းယုဖုန်းသည် ဂိုဏ်း၏ အမိန့်တစ်စုံတစ်ရာ မရှိပဲ လျှို့ဝှက်လဝန်းနန်းတော်သခင်၏ တပည့်ရင်းကို သွားရောက်လုပ်ကြံခြင်းက အဓိပ္ပာယ်မရှိပေ။</p> <p> </p> <p>အကယ်၍ လျှို့ဝှက်လဝန်းနန်းတော်သခင်၏ တပည့်ရင်းသာ တကယ် သေဆုံးသွားခဲ့လျှင် ထိုနတ်ဂိုဏ်းကြီးနှစ်ဂိုဏ်းဂိုဏ်း ထာဝရ ရန်သူများ ဖြစ်သွားကြပေလိမ့်မည်။</p> <p> </p> <p>ဤအချက်ကို နတ်ဘုရင်ခံ တိမ်နက်သာမက ချီယန်ဂိုဏ်းမှ အခြားသော အကြီးအကဲများအားလုံးလည်း ကောင်းစွာ နားလည်ထားကြသည်။</p> <p> </p> <p>မျိုးဆက်ပြန့်ပွားခြင်း လမ်းစဉ် ပိတ်စို့နေပြီး လူဦးရေ လျော့နည်းလာသော ယခုကဲ့သို့ ခေတ်ကာလတွင် ဂိုဏ်းအချင်းချင်း စစ်ပွဲဖြစ်ခြင်းမှ ဖြစ်ပေါ်စေမည့် မရေမတွက်နိုင်သော သေဆုံးမှုများကို အစားထိုးရန် မလွယ်ကူပေ။ ထို့ကြောင့် ဂိုဏ်းအများစုသည် ငြိမ်းချမ်းစွာ အတူယှဉ်တွဲနေထိုင်ခြင်းကိုသာ နှစ်သက်ကြ၏။</p> <p> </p> <p>တစ်ခါတစ်ရံတွင် ဂိုဏ်းအချို့ သာမန်လူသား ကျေးရွာများကို သိမ်းပိုက်ခြင်းက ပြဿနာမဟုတ်သော်လည်း အင်အားချင်း မကွာသော ဂိုဏ်းကြီးနှစ်ဂိုဏ်းကြား အလုံးစုံ စစ်ပွဲဖြစ်ပွားခြင်းကတော့ စဉ်းစား၍ပင် မရနိုင်သော ကိစ္စဖြစ်၏။</p> <p> </p> <p>နတ်ဘုရင်ခံ တိမ်နက်က</p> <p> </p> <p> “နတ်ဘုရင်ခံ လင်ရင်... ကောင်းကင်ဝံပုလွေမြို့မှာ ရက်အနည်းငယ်လောက် ထပ်စောင့်ပေးနိုင်မလား။ ကျုပ်တို့ ချီယန်ဂိုဏ်းအနေနှင့် ခင်ဗျားတို့ နန်းတော်နဲ့ ဒီမိတ်ဆွေလေးအတွက် သင့်တော်တဲ့ ရှင်းပြချက်တစ်ခု ဧကန်မုချ ပေးပါ့မယ်။”</p> <p> </p> <p>နတ်ဘုရင်ခံ လင်ရင်က</p> <p> </p> <p> “ကောင်းပါပြီ”</p> <p> </p> <p>နတ်ဘုရင်ခံ တိမ်နက်လည်း ဘာမျှထပ်မပြောတော့ဘဲ ကောင်းကင်ဝံပုလွေမြို့မှ ချက်ချင်းပင် လှည့်ထွက်သွားတော့၏။</p> <p> </p> <p>ခဏချင်းတွင်ပင် နတ်ဘုရင်ခံ တိမ်နက် ချီယန်ဂိုဏ်းသို့ ပြန်လည်ရောက်ရှိသွား၏။ ထိုအခါ သူ၏ အရှေ့၌ နီရဲသော ဝတ်ရုံကို ဆင်မြန်းထားသည့် အမျိုးသားတစ်ဦး ပေါ်လာ၏။</p> <p> </p> <p>“ဘာဖြစ်လို့လဲ”</p> <p> </p> <p>ကောင်းကင်ဝံပုလွေမြို့သည် ချီယန်ဂိုဏ်း ပိုင်နက်နှင့် အလွန်နီးကပ်လှရာ</p> <p>နတ်ဘုရင်ခံ တိမ်နက် ထိုမြို့သို့ သွားသည်ကိုလည်းကောင်း၊ ထိုမြို့တွင် အခြားသော နတ်ဘုရင်ခံတစ်ဦး၏ အငွေ့အသက် ရှိနေသည်ကိုလည်းကောင်း နတ်ဘုရင် ဝေဖူရှန်း ချက်ချင်းပင် အာရုံခံမိလိုက်၏။</p> <p> </p> <p>ကောင်းကင်ဝံပုလွေမြို့သည် လျှို့ဝှက်လဝန်းနန်းတော်၏ နယ်မြေဖြစ်၏။ နတ်ဘုရင်ခံ တိမ်နက်သည် အကြောင်းအရင်း မရှိပဲ ထိုနေရာသို့ သွားမည် မဟုတ်ပေ။</p> <p> </p> <p>ကောင်းကင်ဝံပုလွေမြို့က လူများ သူတို့ထံ ခိုလှုံလိုလျှင်ပင် လျှို့ဝှက်လဝန်းနန်းတော်နှင့် ပဋိပက္ခမဖြစ်စေရန် ထိုမြို့ကို မသိမ်းပိုက်ဖို့ နတ်ဘုရင်ခံ တိမ်နက်နှင့် အခြားသော အကြီးအကဲများကို ဝေဖူရှန်း ကြိုတင်ညွှန်ကြားထားပြီး ဖြစ်၏။</p> <p> </p> <p>ဝေဖူရှန်းကို မြင်လိုက်ရလျှင် နတ်ဘုရင်ခံ တိမ်နက်က အလျင်အမြန် ဂါရဝပြုလိုက်၏။</p> <p> </p> <p>“ဂိုဏ်းချုပ်ကြီးကို ဂါရဝပြုပါတယ်”</p> <p> </p> <p>“ဂိုဏ်းချုပ်ကြီး... အခုလေးတင် လျှို့ဝှက်လဝန်းနန်းတော်က နတ်ဘုရင်ခံ လင်ရင် ကျုပ် ကို လာရှာသွားပါတယ်။”</p> <p> </p> <p>“အတွင်းစည်းအကြီးအကဲ စီကုန်းယုဖုန်းက သူ့သဘောနဲ့သူ ကောင်းကင်ဝံပုလွေမြို့ကို သွားပြီး လျှို့ဝှက်လဝန်း နတ်ဘုရင်ရဲ့ တပည့်ရင်းကို လုပ်ကြံဖို့ ကြိုးစားခဲ့ပါတယ်။ ကံကောင်းလို့ အဲ့ဒီတပည့်က အစွမ်းအစရှိလို့ အသက်ရှင်သွားတာပါ။”</p> <p> </p> <p>ထိုအရာကို ကြားလျှင် ဝေဖူရှန်း၏ မျက်ခုံးများ ချက်ချင်းပင် တွန့်သွား၏။ သူကိုယ်တိုင်ပင် ကောင်းကင်ဝံပုလွေမြို့ကို မသိမ်းပိုက်ရဲခဲ့ပေ။</p> <p> </p> <p>သို့သော် စီကုန်းယုဖုန်းကတော့ လျှို့ဝှက်လဝန်းနန်းတော်သခင်၏ တပည့်ရင်းကို လုပ်ကြံရန်အထိပင် အတင့်ရဲနေခဲ့သည်။</p> <p> </p> <p>ဝေဖူရှန်းက ဒေါသတကြီးဖြင့် ဟစ်အော်လိုက်၏။</p> <p> </p> <p> “စီကုန်းယုဖုန်းကို ဘယ်သူက ဒီလောက်အထိ အတင့်ရဲ စေလိုက်တာလဲ။”</p> <p> </p> <p>“အခု စီကုန်းယုဖုန်း ဘယ်မှာလဲ”</p> <p> </p> <p>နတ်ဘုရင်ခံ တိမ်နက်က</p> <p> </p> <p> “နတ်ဘုရင်ခံ လင်ရင်ကပဲ သူ့ကို ရှင်းပစ်လိုက်ပြီ ထင်ပါတယ်။”</p> <p> </p> <p>ဝေဖူရှန်းက</p> <p> </p> <p> “လျှို့ဝှက်လဝန်းနန်းတော်ဘက်က ဘာပြောလဲ”</p> <p> </p> <p>စီကုန်းယုဖုန်းသည် ချီယန်ဂိုဏ်း၏ အတွင်းစည်းအကြီးအကဲတစ်ဦး ဖြစ်နေသလို လုပ်ကြံရန် ပစ်မှတ်ထားခံရသူ၏ အဆင့်အတန်းကလည်း များစွာ ရှုပ်ထွေးလှသည်။ လျှို့ဝှက်လဝန်းနန်းတော်က ထိုကိစ္စကို ဤအတိုင်း လွှတ်ထားမည် မဟုတ်ဟု</p> <p>ဝေဖူရှန်း နားလည်၏။</p> <p> </p> <p>ဤပြဿနာကို ဖြေရှင်းရန် ချီယန်ဂိုဏ်းဘက်မှ ကြီးမားသော အလျှော့ပေးမှုများ ပြုလုပ်ရပေလိမ့်မည်။</p> <p> </p> <p>ဝေဖူရှန်း တွေးတောနေစဉ်မှာပင် နတ်ဘုရင်ခံ တိမ်နက်က</p> <p> </p> <p> “ဂိုဏ်းချုပ်ကြီး... နတ်ဘုရင်ခံ လင်ရင်ရဲ့ အပြောအရဆိုရင် လျှို့ဝှက်လဝန်းနတ်ဘုရင်ရဲ့ တပည့်ရင်းဟာ ကောင်းကင်လျှို့ဝှက်ချက် ပညာမှာ ကျွမ်းကျင်ပြီး စီကုန်းယုဖုန်းဟာ ကျုပ်တို့ ချီယန်ဂိုဏ်းက မဟုတ်ပဲ သွေးလင်းယုန်ခန်းမက လွှတ်လိုက်တဲ့ သူလျှိုဖြစ်ကြောင်းကို ဖော်ထုတ်နိုင်ခဲ့တယ်လို့ ဆိုပါတယ်။”</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save