Book List

<h2 style="text-align: center;">အခန်း (၁၆၀၄ )</h2> <h2 style="text-align: center;">ဝေဖူရှန်း၏ လက်ဆောင်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>နတ်ဘုရင်ခံ တိမ်နက်၏ စကားကို ကြားလျှင် ဝေဖူရှန်း အံ့အားသင့်သွား၏။</p> <p> </p> <p>ချီယန်ဂိုဏ်းအတွင်း နှစ်ပေါင်းများစွာ ရှိနေခဲ့သူ တစ်ဦးက သူလျှိုဖြစ်နိုင်မည်ဟု သူ လုံးဝ မတွေးထားခဲ့ပေ။</p> <p> </p> <p>သွေးလင်းယုန်ခန်းမမှ သူလျှိုတစ်ယောက်လား။</p> <p> </p> <p>ဝေဖူရှန်း၏ မျက်နှာမှာ ချက်ချင်း တင်းမာသွားသည်။</p> <p> </p> <p>ဒါက ဘယ်လိုလုပ် ဖြစ်နိုင်မှာလဲ။</p> <p> </p> <p>ချီယန်ဂိုဏ်းတွင် စီကုန်းယုဖုန်း ရှိနေခဲ့သည်မှာ နှစ်ပေါင်း သန်းထောင်ပေါင်းများစွာမက ကြာမြင့်နေပြီဖြစ်ပြီး သွေးလင်းယုန်ခန်းမကတော့ မကြာသေးမီကမှ ပေါ်ပေါက်လာခြင်း ဖြစ်သည်။ ထို့ကြောင့် စီကုန်းယုဖုန်းသည် ချီယန်ဂိုဏ်းအတွင်း ဝင်ရောက်လာပြီးမှ သွေးလင်းယုန်ခန်းမနှင့် လက်တွဲခဲ့ခြင်း ဖြစ်ရမည်။</p> <p> </p> <p>သတိပြန်ဝင်လာပြီးနောက် ဝေဖူရှန်းက</p> <p> </p> <p> “ဒါဆို သွေးလင်းယုန်ခန်းမက နတ်ဂိုဏ်းကြီးနှစ်ဂိုဏ်းကြား ရန်တိုက်ပေးပြီး ကျုပ် တို့နှင့် လျှို့ဝှက်လဝန်းနန်းတော်ကြား စစ်ဖြစ်အောင် ဖန်တီးချင်နေတယ်လို့ နန်းတော်ဘက်က ယုံကြည်နေတာပေါ့။”</p> <p> </p> <p>နတ်ဘုရင်ခံ တိမ်နက်က</p> <p> </p> <p>“ဟုတ်ပါတယ်။ ဒါက လျှို့ဝှက်လဝန်းနန်းတော်ဘက်က ယူဆထားတဲ့ အချက်ပါပဲ။”</p> <p> </p> <p>ခဏခန့် အတွေးထဲနစ်မြောကာ တိတ်ဆိတ်သွားပြီးနောက် ဝေဖူရှန်းက</p> <p> </p> <p> “စီကုန်းယုဖုန်း အခုတလော ဘာတွေလုပ်နေလဲဆိုတာ ချက်ချင်း လူလွှတ်ပြီး စုံစမ်းခိုင်းလိုက်။”</p> <p> </p> <p>လျှို့ဝှက်လဝန်းနတ်ဘုရင်၏ တပည့်ရင်းကို လုပ်ကြံရန် စီကုန်းယုဖုန်း ကိုယ်တိုင်ဦးဆောင်ခဲ့ခြင်းက ထူးဆန်းလွန်းလှသဖြင့် အစစအရာရာကို သတိထားရန် ဝေဖူရှန်း ဆုံးဖြတ်လိုက်၏။</p> <p> </p> <p>လျှို့ဝှက်လဝန်းနတ်ဘုရင်၏ တပည့်ရင်းကို လုပ်ကြံခြင်းက ချီယန်ဂိုဏ်းအပေါ် မည်မျှအန္တရာယ်ကြီးမားသော ပြဿနာများ သယ်ဆောင်လာနိုင်သည်ကို အတွင်းဆောင်အကြီးအကဲ တစ်ယောက်အနေနှင့် စီကုန်းယုဖုန်း မသိတာ မဖြစ်နိုင်ပေ။</p> <p> </p> <p>ထို့ကြောင့် သူ၏ ကိုယ်ပိုင် ရည်ရွယ်ချက်ဖြင့် လုပ်ဆောင်ခြင်း မဟုတ်ကြောင်း ရှင်းလင်းနေသည်။</p> <p> </p> <p>သို့သော် သူက ထိုသို့ လုပ်ခဲ့ပြီဖြစ်သဖြင့် သူ့တွင် တစ်ခုခု မှားယွင်းနေတာက အသေအချာပင်။</p> <p> </p> <p>သူသည် သွေးလင်းယုန်ခန်းမမှ သူလျှိုမဟုတ်ခဲ့လျှင်ပင် ပြောပြ၍မရသော ရည်ရွယ်ချက်အချို့ ရှိနေပေလိမ့်မည်။</p> <p> </p> <p>သူသာ သွေးလင်းယုန်ခန်းမမှ သူလျှိုအစစ်အမှန်ဖြစ်ခဲ့လျှင်တော့ သွေးလင်းယုန်ခန်းမသည် ချီယန်ဂိုဏ်းနှင့် လျှို့ဝှက်လဝန်းနန်းတော် ဟူသော နတ်ဂိုဏ်းကြီးနှစ်ဂိုဏ်းလုံးကို ပစ်မှတ်ထားနေပြီဟု ဆိုလိုခြင်း ဖြစ်၏။</p> <p> </p> <p>ထိုသို့ဆိုလျှင် သွေးလင်းယုန်ခန်းမသည် အင်အားကြီး နတ်ဂိုဏ်းနှစ်ဂိုဏ်းလုံးကို တစ်ပြိုင်နက် ဖျက်ဆီးရန် ကြံစည်နေခြင်း ဖြစ်သည်။</p> <p> </p> <p>ထို့ကြောင့် ဤကိစ္စကို သေသေချာချာ စုံစမ်းစစ်ဆေးရပေမည်။</p> <p> </p> <p>နောက်ရက်များတွင် စီကုန်းယုဖုန်း၏ လှုပ်ရှားမှုများနှင့် သူနှင့် ပတ်သက်ဆက်နွှယ်သူ အားလုံးကို လူလွှတ်ကာ စုံစမ်းစေ၏။ ထိုသို့ စုံစမ်းမှုကြောင့် ဝေဖူရှန်းအတွက် သဲလွန်စအချို့ ထွက်ပေါ်လာခဲ့သည်။</p> <p> </p> <p>ထိုသဲလွန်စများသည် စီကုန်းယုဖုန်း၏ ကွဲလွဲနေသော အပြုအမူများကို ရှင်းပြပေးနိုင်ခဲ့သည်။</p> <p> </p> <p>မကြာသေးမီကပင် စီကုန်းယုဖုန်းသည် ကိစ္စတစ်ခုအတွက် အတွင်းဆောင်အကြီးအကဲ တစ်ဦးနှင့် ပဋိပက္ခဖြစ်ပွားခဲ့ပြီး လက်ရည်စမ်း တိုက်ခိုက်ကြသည် အထိပင် ဖြစ်ခဲ့ကြသေး၏။ ထိုအတွင်းဆောင်အကြီးအကဲသည် နတ်ဘုရင်ခံ အဆင့်တစ်ဦး ဖြစ်သော်လည်း ရွှေနတ်အဆင့်သာရှိသော စီကုန်းယုဖုန်းကို အနိုင်မရခဲ့ပေ။</p> <p> </p> <p>ဤအချက်က စီကုန်းယုဖုန်းတွင် ပုံမှန်မဟုတ်သော စွမ်းအားတစ်ခု ရှိနေကြောင်း ထင်ရှားစေသည်။</p> <p> </p> <p>စီကုန်းယုဖုန်းနှင့် တိုက်ခိုက်နေစဉ်အတွင်း သူ ၏ နတ်အငွေ့အသက်များ တစ်ခုခုကြောင့် အဖိနှိပ်ခံနေရသည်ကို အသေအချာ ခံစားခဲ့ရကြောင်းနှင့် စီကုန်းယုဖုန်းက  နည်းဗျူဟာပုံစံ တစ်မျိုးကို သုံးစွဲခဲ့သည်ဟုသာ ထင်မြင်ခဲ့ကြောင်း ထိုနတ်ဘုရင်ခံက ဆို၏။</p> <p> </p> <p>စီကုန်းယုဖုန်းသည် ဂိုဏ်းအတွင်း သက်တမ်းရင့်သူ ဖြစ်သောကြောင့်သာ အတွင်းဆောင်အကြီးအကဲ ဖြစ်လာခြင်းဖြစ်၏။ ချီယန်ဂိုဏ်း၏ မူလစည်းမျဉ်းအရ နတ်ဘုရင်ခံ အဆင့်သို့ ရောက်ရှိမှသာ အတွင်းဆောင်အကြီးအကဲ ဖြစ်ခွင့်ရှိသည်။</p> <p> </p> <p>ရွှေနတ်အဆင့်သာရှိသော စီကုန်းယုဖုန်း အတွင်းဆောင်အကြီးအကဲ ဖြစ်လာခြင်းက အခြားအကြီးအကဲများအား မကျေမနပ် ဖြစ်စေသော်လည်း  အရင်က သူသည်  အေးအေးဆေးဆေး နေတတ်သူ ဖြစ်သဖြင့် ထိုနတ်ဘုရင်ခံများနှင့် ကြီးမားသော ပဋိပက္ခများကို ရှောင်လွှဲနိုင်ခဲ့၏။</p> <p> </p> <p>သို့သော် မကြာသေးမီ နှစ်များအတွင်း စီကုန်းယုဖုန်းသည် အရင်ကကဲ့သို့ မဟုတ်တော့ပဲ ပို၍ ထင်ပေါ်လိုလာကာ ရဲတင်းလာခဲ့၏။</p> <p> </p> <p>ဤပြောင်းလဲမှုသည် သူ၏ အတွင်းစိတ် သဘောထား ပြောင်းလဲသွားခြင်းကြောင့်သာမက သူ၏ စွမ်းအား တိုးပွားလာခြင်းကြောင့်လည်း ဖြစ်နိုင်သည်။</p> <p> </p> <p>ရွှေနတ်အဆင့်သာရှိပြီး အတွင်းဆောင်အကြီးအကဲ ဖြစ်လာသူတစ်ဦးက ထင်ပေါ်ကျော်ကြားအောင် နေထိုင်လာသဖြင့် နတ်ဘုရင်ခံများနှင့် ပဋိပက္ခဖြစ်ပွားလာခြင်းက အံ့ဩစရာ မဟုတ်ပေ။</p> <p> </p> <p>သို့သော် သူ၏ စွမ်းအား နတ်ဘုရင်ခံ တစ်ဦးနှင့် ယှဉ်နိုင်နေခြင်းကတော့ ထူးခြားလှသည်။</p> <p> </p> <p>ဤအချက်တစ်ခုတည်းနှင့်ပင် စီကုန်းယုဖုန်းတွင် ကြီးမားသော ပြဿနာရှိနေတာ ထင်ရှားသည်။</p> <p> </p> <p>စီကုန်းယုဖုန်းသည် ချီယန်ဂိုဏ်းကို သစ္စာဖောက်ကာ သွေးလင်းယုန်ခန်းမထဲသို့ လျှို့ဝှက်ဝင်ရောက်သွားပြီး ထိုခန်းမမှပေးသော မိစ္ဆာနတ်ကျမ်းကို ကျင့်ကြံခြင်းဖြင့် နတ်ဘုရင်ခံများကို ဖိနှိပ်နိုင်သည့် စွမ်းအားများ ရရှိနေခြင်းဖြစ်မည်ဟု ဝေဖူရှန်း သံယယဝင်လာ၏။</p> <p> </p> <p>ထို့ပြင် စီကုန်းယုဖုန်းသည် မကြာသေးမီက ကောင်းကင်ဝံပုလွေမြို့မှ လူများနှင့် ပတ်သက်မှု ရှိနေခဲ့ပြီး ကောင်းကင်ဝံပုလွေမြို့မှ မိသားစုကြီး နှစ်ခုကိုပင် ချီယန်ဂိုဏ်း၏ နယ်မြေအတွင်း လာရောက်အခြေချခွင့်ပေးရန် စဉ်းစားခဲ့သေး၏။</p> <p> </p> <p>စီကုန်းယုဖုန်းက ဤလုပ်ရပ်များအတွက် ဂိုဏ်း၏ ခွင့်ပြုချက်ကိုလည်း မတောင်းခံပဲ ကိုယ်ပိုင်သဘောဖြင့်သာ လုပ်ဆောင်ခဲ့ခြင်းဖြစ်သည်။ လျှို့ဝှက်လဝန်းနန်းတော်နှင့် ချီယန်ဂိုဏ်းကြား ဆက်ဆံရေးကို ပျက်ပြားအောင် သူ ကြံစည်နေကြောင်း သိသာလှသည်။</p> <p> </p> <p>စီကုန်းယုဖုန်းသည် သွေးလင်းယုန်ခန်းမမှ သူလျှိုဖြစ်ကြောင်း တိုက်ရိုက်သက်သေ မရှိသေးသော်လည်း ဝေဖူရှန်းကတော့ အတော်အတန် ယုံကြည်သွားပြီ ဖြစ်၏။</p> <p> </p> <p>လျှို့ဝှက်လဝန်းနန်းတော်နှင့် နားလည်မှုမလွဲစေရန် ကောင်းကင်ဝံပုလွေမြို့သို့ သူကိုယ်တိုင်သွားရောက်ရန် ဝေဖူရှန်း ဆုံးဖြတ်လိုက်၏။</p> <p> </p> <p> </p> <p>…….</p> <p> </p> <p> </p> <p>နှစ်ရက်အကြာတွင်။</p> <p> </p> <p>ကောင်းကင်ဝံပုလွေမြို့ အထက်တွင် စွမ်းအားကြီးမားသော အငွေ့အသက်တစ်ခု ရုတ်တရက် ပေါ်ပေါက်လာသည်ကို တရားထိုင်ကျင့်ကြံနေသော လုချန်း ခံစားလိုက်ရ၏။ ချက်ချင်းပင် မျက်လုံးဖွင့်လိုက်ကာ အခန်းအပြင်ဘက်သို့ လုချန်း ထွက်လာခဲ့သည်။</p> <p> </p> <p>ထိုအခိုက်အတန့်တွင် မြို့တော်ဝန်စံအိမ်၏ လေ့ကျင့်ရေးကွင်းအတွင်းသို့ ဝေဖူရှန်းနှင့် နတ်ဘုရင်ခံ တိမ်နက်တို့ ရောက်ရှိလာကြ၏။</p> <p> </p> <p>မကြာမီမှာပင် လုချန်းနှင့် နတ်ဘုရင်ခံ လင်ရင်တို့လည်း လေ့ကျင့်ရေးကွင်းသို့ ရောက်ရှိလာ၏။ နတ်ဘုရင်ခံ လင်ရင်ကို ကြည့်ကာ ဝေဖူရှန်းက</p> <p> </p> <p> “နတ်ဘုရင်ခံ လင်ရင်... ကျုပ် တို့ စုံစမ်းကြည့်ရသလောက် စီကုန်းယုဖုန်းက အခုတလောမှာ ထူးထူးခြားခြားတွေ လုပ်နေတာကို တွေ့ရပါတယ်။”</p> <p> </p> <p>“စီကုန်းယုဖုန်းရဲ့ လုပ်ရပ်တွေနဲ့ ပတ်သက်လို့ ကျုပ် တို့ အစက မသိခဲ့ပါဘူး။ ဒါပေမဲ့ ဘာပဲဖြစ်ဖြစ် သူက ချီယန်ဂိုဏ်းဝင် တစ်ယောက် ဖြစ်နေသေးတာမို့  မောင်ရင် ချန်းလုကို တောင်းပန်တဲ့ ဒီမြေအဆင့် နတ်ဓားလေးကို လက်ဆောင်အဖြစ် လက်ခံပေးပါ။”</p> <p> </p> <p>စကားအဆုံးတွင် အပြာရောင်အလင်းတန်းများ ထွက်ပေါ်နေသည့် နတ်ဓားတစ်လက် လေထုထဲတွင် ပေါ်လာပြီး လုချန်း၏ ရှေ့မှောက်သို့ ဖြည်းညှင်းစွာ လွင့်မြောလာ၏။</p> <p> </p> <p>မြေအဆင့် နတ်ဓားတစ်လက်ကို လုချန်း အထင်မကြီးသော်လည်း နတ်ဘုရင်တစ်ပါးသာရှိသည့် ချီယန်ဂိုဏ်းကဲ့သို့ ဂိုဏ်းမျိုးအတွက်တော့ လျော်ကြေးအဖြစ် ဤဓားကို ပေးအပ်ခြင်းက မဆိုးလှပေ။</p> <p> </p> <p>ထို့ကြောင့် လုချန်း ရွေးချယ်မနေတော့ပေ။</p> <p> </p> <p>လုချန်းထံ နတ်ဓားကို ပေးအပ်ပြီးနောက် ဝေဖူရှန်း လက်ဝှေ့ယမ်းလိုက်၏။ ထိုအခါ ချီယန်ဂိုဏ်းနယ်မြေသို့ မကြာသေးမီက ပြောင်းရွှေ့လာခဲ့ကြသည့် လျှိုမျိုးနွယ်နှင့် ဝမ်မျိုးနွယ်ဝင်များ လေ့ကျင့်ရေးကွင်းသို့ ရောက်ရှိလာကြ၏။</p> <p> </p> <p>ဆက်လက်၍ ဝေဖူရှန်းက</p> <p>“သူတို့က လျှို့ဝှက်လဝန်းနန်းတော်က သစ္စာဖောက်တွေဖြစ်လို့ နန်းတော်ကပဲ ကြိုက်သလို စီရင်နိုင်ပါတယ်။”</p> <p> </p> <p>ထိုအခိုက်အတန့်တွင် နတ်ဘုရင်ခံ လင်ရင်က</p> <p>“ သွေးလင်းယုန်ခန်းမနဲ့ ပတ်သက်ပြီး တစ်ခုခုများ တွေ့ထားသေးလား ချီယန် နတ်ဘုရင်။”</p> <p> </p> <p>ဝေဖူရှန်းက</p> <p> “စီကုန်းယုဖုန်းရဲ့ လုပ်ရပ်တွေက ထူးဆန်းနေပေမဲ့ သွေးလင်းယုန်ခန်းမနဲ့ ပူးပေါင်းနေတယ်ဆိုတဲ့ တိုက်ရိုက်သက်သေတော့ မတွေ့ရသေးဘူး။ ဒါပေမဲ့ ကျုပ်တို့ ဂိုဏ်းကို ပြန်ရောက်ရင်တော့ ဂရုတစိုက် စောင့်ကြည့်သွားမှာပါ။”</p> <p> </p> <p>နတ်ဘုရင်ခံ လင်ရင်က</p> <p> “သွေးလင်းယုန်ခန်းမရဲ့ အစီအစဉ် ပျက်သွားပြီဆိုတော့ သူတို့ ဒီအတိုင်း လွှတ်ထားမှာ မဟုတ်ဘူး။ နတ်ဂိုဏ်းကြီးနှစ်ဂိုဏ်းကြား ရန်ဖြစ်အောင် တခြားနည်းလမ်းတွေ သုံးဦးမှာပဲ။”</p> <p> </p> <p>ဝေဖူရှန်းက</p> <p> “ကျုပ် တို့ နတ်ဂိုဏ်းကြီးနှစ်ဂိုဏ်းဟာ စတင်တည်ထောင်ချိန်ကစလို့ ပဋိပက္ခဆိုတာ တစ်ခါမှ မရှိခဲ့ဘူးပါဘူး။ အတိတ်မှာလည်း မရှိခဲ့ဘူး။ အခုလည်း မရှိဘူး။ အနာဂတ်မှာလည်း ရှိမှာမဟုတ်ပါဘူးလို့ လျို့ဝှက်လဝန်းနတ်ဘုရင်ကို ပြန်ပြောပေးပါ။ “</p> <p> </p> <p>“သွေးလင်းယုန်ခန်းမက ဘယ်လောက်ပဲ ရန်တိုက်ပေးပါစေ ကျုပ် တို့ ချီယန်ဂိုဏ်းကတော့ စစ်ကို အရင်စမှာ မဟုတ်ပါဘူး။ အထူးသဖြင့် ကောင်းကင်ဘုံ လမ်းစဉ်တွေ တဖြည်းဖြည်း ကွယ်ပျောက်နေတဲ့ အခုလိုအချိန်မှာ နတ်ဂိုဏ်းတွေကြား စစ်ဖြစ်ရင် ကျုပ် တို့လို နတ်ဘုရင်အဆင့် ဂိုဏ်းတွေအတွက် မခံနိုင်တဲ့ အကျိုးဆက်တွေ ဖြစ်လာမှာပဲ။”</p> <p> </p> <p>နတ်ဘုရင်ခံ လင်ရင်နှင့် ဝေဖူရှန်းတို့ စကားပြောနေစဉ်အတွင်း လျှို့ဝှက်လဝန်းနန်းတော်ကို သစ္စာဖောက်ခဲ့သည့် လျှိုမျိုးနွယ်နှင့် ဝမ်မျိုးနွယ်ဝင်များအပေါ်သို့ လုချန်း၏ အကြည့်က ရောက်ရှိသွား၏။ ထိုအခိုက်တွင် လူအုပ်ထဲမှ လူတစ်ယောက်ထံမှ ထွက်ပေါ်နေသည့် စိတ်မသက်မသာဖြစ်ဖွယ် အငွေ့အသက်တစ်ခုကို လုချန်း ရုတ်တရက် သတိပြုမိလိုက်၏။</p> <p> </p> <p>ထို့နောက် ထိုသူ၏ အချက်အလက်ကို စနစ်အကူအညီဖြင့် လုချန်း ချက်ချင်း စစ်ဆေးလိုက်သည်။</p> <p> </p> <p>[အမည် : လျှိုယဲ့]</p> <p>[အဆင့်အတန်း : ချီယန်ဂိုဏ်း၏ အတွင်းဆောင်တပည့်၊ သွေးလင်းယုန်ခန်းမ၏ တပည့်]</p> <p>[စွမ်းအား : မဟယာန အဆင့်]</p> <p>[သစ္စာစောင့်သိမှု : ၀]</p> <p> </p> <p>တွန့်ဆုတ်ခြင်း မရှိပဲ နတ်အလင်း မီးအိမ်တစ်ထောင်ကျမ်းစာကို လုချန်း ချက်ချင်း ထုတ်ဖော်လိုက်၏။</p> <p> </p> <p>လုချန်း ရုတ်တရက် လှုပ်ရှားလိုက်သည်ကို မြင်လျှင် သွေးလင်းယုန်ခန်းမ၏ ကျူးကျော်မှုကို ကာကွယ်ရန် ဆွေးနွေးနေကြသည့် နတ်ဘုရင်ခံ လင်ရင်နှင့် အခြားသူများ ဇဝေဇဝါ ဖြစ်သွားကြသည်။</p> <p> </p> <p>ကောင်းကင်ယံတွင် ပေါ်ပေါက်လာသည့် မီးအိမ်များကို ကြည့်ကာ ထိုသူများသည် လျှို့ဝှက်လဝန်းနန်းတော်ကို သစ္စာဖောက်၍ ချီယန်ဂိုဏ်းနှင့် ပူးပေါင်းခဲ့သူများ ဖြစ်သောကြောင့် လုချန်းက ချီယန်ဂိုဏ်းအား ပညာပြနေခြင်းဖြစ်မည်ဟု ဝေဖူရှန်း  ထင်မှတ်လိုက်၏။</p> <p> </p> <p>သို့သော် လုချန်းက ထိုသစ္စာဖောက်များကို ချက်ချင်း သတ်ဖြတ်ခြင်းမပြုပဲ ကောင်းကင်ရှိ မီးအိမ်များမှ အနီရောင်အလင်းတန်းများသာ ထွက်ပေါ်လာစေ၏။</p> <p> </p> <p>ထိုမီးအိမ်များမှ ထွက်ပေါ်နေသည့် နတ်အငွေ့အသက်များကို ခံစားကြည့်ပြီးနောက် ဤအရာက အနည်းဆုံး ကောင်းကင်အဆင့် နတ်ကျမ်း ဖြစ်ရမည်ဟုလည်းကောင်း၊ လျှို့ဝှက်လဝန်းနတ်ဘုရင်သည် သူမ၏ တပည့်ရင်းအပေါ် အတော်အတန် တန်ဖိုးထားပုံရသည်ဟုလည်းကောင်း ဝေဖူရှန်း တွေးတောနေမိ၏။</p> <p> </p> <p>သို့သော် လျှို့ဝှက်လဝန်းနန်းတော်သည် အမျိုးသားတပည့်များကို လက်ခံလေ့မရှိဟု လူသိများသည်။ ယခုမှ အမျိုးသားတစ်ဦးကို တပည့်ရင်းအဖြစ် ယွမ်ယုတိက အဘယ်ကြောင့်လက်ခံခဲ့ရသနည်း။</p> <p> </p> <p> </p> <p> </p> <p style="text-align: center;">***</p>


Save