Book List

<h2 style="text-align: center;">အခန်း (၁၆၀၅ )</h2> <h2 style="text-align: center;">ဝေဖူရှန်း၏ အစီအစဉ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ဝေဖူရှန်း အတွေးထဲနစ်မြောနေစဉ်မှာပင် လေ့ကျင့်ရေးကွင်းအတွင်းရှိ လူတစ်ယောက်သည် သူဦးခေါင်းကို ကိုင်ကာ နာကျင်စွာ အော်ဟစ်မြည်တမ်းလာ၏။</p> <p> </p> <p>“အားးး”</p> <p> </p> <p>ထိုအော်ဟစ်သံကို ကြားလျှင် လူတိုင်း၏ အကြည့်များလည်း အသံလာရာ အရပ်သို့ တစ်ပြိုင်နက်တည်း ရောက်ရှိသွားကြသည်။ အသံ၏ ပြင်းထန်မှုကို ကြားရသည်နှင့် ပုံမှန်မဟုတ်သော အရာတစ်ခု ဖြစ်နေကြောင်း လူတိုင်း သိလိုက်ကြသည်။</p> <p> </p> <p>နတ်အလင်း မီးအိမ်တစ်ထောင်ကျမ်းစာကို လုချန်း အသုံးပြုလိုက်သော်လည်း မည်သူတစ်ဦးတစ်ယောက်ကိုမှ တိုက်ရိုက် သတ်ဖြတ်ခြင်း မရှိခဲ့ပေ။ နတ်အလင်း မီးအိမ်တစ်ထောင်ကျမ်းစာ၏ နတ်အလင်းနှင့် ထိတွေ့ရရုံမျှဖြင့် လျှိုယဲ့၏ ခန္ဓာကိုယ်မှ အမည်းရောင် မြူခိုးများ စတင် ထွက်ပေါ်လာ၏။</p> <p> </p> <p>ဤအမည်းရောင် မြူခိုးများသည် သာမန်နတ်အငွေ့အသက်များနှင့် လုံးဝ ကွဲပြားနေသည်။</p> <p> </p> <p>လျှို့ယဲ့ထံမှ ထူးဆန်းသော အပြောင်းအလဲကို မြင်တွေ့ရလျှင် လူတိုင်း မျက်မှောင်ကြုတ်သွားကြသည်။</p> <p> </p> <p>ဒါက...</p> <p> </p> <p>ဝေဖူရှန်းကို လုချန်းက</p> <p> “သူတို့ကို ခေါ်လာတုန်းက ဝိညာဉ်ကို စစ်ဆေးတာမျိုး မလုပ်ခဲ့ဘူးလား...ချီယန် နတ်ဘုရင်။”</p> <p> </p> <p>ဝေဖူရှန်းက</p> <p> “ဒီလူတွေက သာမန်လူတွေပဲ။ သူတို့ကို ဝိညာဉ် စစ်ဆေးလိုက်ရင် တစ်ခါတည်း သေသွားနိုင်တယ်။”</p> <p> </p> <p>ထိုသူများသည် လျှို့ဝှက်လဝန်းနန်းတော်၏ သစ္စာဖောက်များ ဖြစ်ကြ၏။ သူ၏ ရိုးသားမှုကို ပြသရန်အတွက် ဝေဖူရှန်းက ၎င်းတို့ကို ဖမ်းဆီးကာ လျှို့ဝှက်လဝန်းနန်းတော်သို့ လွှဲပြောင်းပေးအပ်ခဲ့ခြင်း ဖြစ်သည်။ အကယ်၍ ဝိညာဉ်စစ်ဆေးမှုကြောင့် ၎င်းတို့အားလုံး သေဆုံးသွားခဲ့လျှင် လျှို့ဝှက်လဝန်းနန်းတော်က မည်သို့ စီရင်နိုင်တော့မည်နည်း။</p> <p> </p> <p>သို့သော် လျှိုယဲ့တွင် ထူးခြားသော အရာတစ်ခု ရှိနေကြောင်း လုချန်း၏ အပြုအမူက ဖော်ပြနေသည်။</p> <p> </p> <p>အော်ဟစ်နေသည့် လျှိုယဲ့ကို လုချန်း လက်ညှိုးညွှန်ပြကာ</p> <p> </p> <p> “ ဒီလူ့ရဲ့ နတ်အာရုံကို စစ်ဆေးကြည့်ပါလား ချီယန် နတ်ဘုရင်။ မျှော်လင့်မထားတဲ့ တွေ့ရှိမှုတစ်ခု ရှိလာလိမ့်မယ်လို့ ကျုပ် ယုံကြည်တယ်။”</p> <p> </p> <p>ထိုသို့ ပြောပြီးနောက် လုချန်း လက်ယမ်းလိုက်ရာ နတ်အငွေ့အသက်တစ်ရပ် ထွက်ပေါ်လာပြီး လျှို့ယဲ့၏ ခန္ဓာကိုယ်ကို ဝေဖူရှန်း၏ ရှေ့မှောက်သို့ ပျံသန်းရောက်ရှိသွားစေ၏။</p> <p> </p> <p>လုချန်း၏ စကားကို ကြားလျှင် ဝေဖူရှန်းက ဇဝေဇဝါဖြင့် လျှိုယဲ့ကို ကြည့်လိုက်သည်။</p> <p> </p> <p>သာမန်လူတစ်ယောက်၏ ဝိညာဉ်ကို စစ်ဆေးရမှာလား။</p> <p> </p> <p>သာမန်ကျင့်ကြံသူတစ်ဦးတွင် မည်သည့် လျှို့ဝှက်ချက်များ ရှိနိုင်မည်နည်း။</p> <p> </p> <p>သို့သော် ဤအရာက ယွမ်ယုတိ၏ တပည့်ရင်း ပြောဆိုသော စကားဖြစ်သဖြင့် ဤလူတွင် တစ်ခုခု ထူးခြားနေလိမ့်မည်ဟု တွေးတောကာ ဝေဖူရှန်းလည်း ဝိညာဉ်ရှာဖွေခြင်း အတတ်ပညာကို လျှို့ယဲ့အပေါ် တိုက်ရိုက် အသုံးပြုလိုက်၏။</p> <p> </p> <p>သို့သော် ဝေဖူရှန်း၏ နတ်အငွေ့အသက်များလျှိုယဲ့၏ ခန္ဓာကိုယ်နှင့် ထိတွေ့လိုက်သည်နှင့် သူ၏ နတ်အငွေ့အသက်များ ပြန်ကန်ထွက်သွားသည်ကို အသေအချာ ခံစားလိုက်ရ၏။</p> <p> </p> <p>  လျှိုယဲ့အပေါ် ဝိညာဉ်ရှာဖွေခြင်း အတတ်ပညာ အသုံးပြုရန် နတ်အငွေ့အသက် အနည်းငယ်သာ လိုအပ်သင့် သော်လည်း ယခုတော့ လျှို့ယဲ့နှင့် ထိတွေ့လိုက်သည်နှင့် ဝိညာဉ်ရှာဖွေခြင်း အတတ်ပညာ ပျက်ပြယ်သွားသည်ကို သူ တွေ့ရှိလိုက်ရသည်။</p> <p> </p> <p>ထိုအချက်က လျှိုယဲ့၏ ခန္ဓာကိုယ်အတွင်း၌ ပုံမှန်မဟုတ်သော အကာအကွယ်တစ်ခု ရှိနေကြောင်း ထင်ရှားစေသည်။</p> <p> </p> <p>ဝေဖူရှန်း ခဏခန့် တုံ့ဆိုင်းသွားပြီးနောက် မျက်မှောင်ကြုတ်ကာ ပြဿနာကို ရိပ်မိသွား၏။ ယွမ်ယုတိ၏ တပည့်ရင်းက လျှို့ယဲ့၏ ဝိညာဉ်ကို အဘယ်ကြောင့် စစ်ဆေးရန် တိုက်တွန်းခဲ့သည်ကို သူ နားလည်သွားပြီ ဖြစ်သည်။</p> <p> </p> <p>ထိုအခိုက်တွင် ဝေဖူရှန်းလည်း အင်တိုက်အားတိုက် လုပ်ဆောင်ကာ လျှိုယဲ့၏ ခန္ဓာကိုယ်အတွင်းသို့ နတ်အငွေ့အသက် အမြောက်အမြား ထည့်သွင်းလိုက်ပြီး ဝိညာဉ်ရှာဖွေခြင်း အတတ်ပညာကို တစ်ဖန် ပြန်လည် အသုံးပြုလိုက်၏။</p> <p> </p> <p>ထိုခဏ၌ လျှို့ယဲ့၏ မှတ်ဉာဏ်အားလုံးကို ဝေဖူရှန်း ဖတ်ရှုနိုင်ခဲ့၏။ လျှို့ယဲ့၏ မှတ်ဉာဏ်အရ စီကုန်းယုဖုန်းသည် လျှို့ယဲ့အား မိစ္ဆာနတ်ကျမ်းအချို့ကို မကြာခဏ သင်ကြားပေးခဲ့ကြောင်း ဝေဖူရှန်း တွေ့ရှိလိုက်ရသည်။</p> <p> </p> <p>ထိုမိစ္ဆာနတ်ကျမ်း အမြောက်အမြားသည် သွေးလင်းယုန်ခန်းမမှ မိစ္ဆာနတ်များ အသုံးပြုသည့် နတ်ကျမ်းများနှင့် ဆင်တူနေ၏။ ဤအချက်အရ စီကုန်းယုဖုန်းသည် သူလျှိုတစ်ဦး ဖြစ်ကြောင်းကို အခြေခံအားဖြင့် အတည်ပြုနိုင်ခဲ့ပြီ ဖြစ်သည်။</p> <p> </p> <p>ဝေဖူရှန်း နှာခေါင်းရှုံ့လိုက်ကာ လက်ကို ဝှေ့ယမ်းလိုက်လျှင် လျှိုယဲ့၏ ခန္ဓာကိုယ်လည်း သွေးမြူခိုးများအဖြစ် ချက်ချင်း ပြောင်းလဲသွားတော့၏။</p> <p> </p> <p>ထိုအခိုက်အတန့်တွင် ဝေဖူရှန်းက</p> <p> </p> <p> “မောင်ရင် ချန်းလုကို ကျေးဇူးတင်ရမယ်။ မဟုတ်ရင် သွေးလင်းယုန်ခန်းမက တို့ဂိုဏ်းရဲ့ အတွင်းဆောင်အကြီးအကဲ တစ်ယောက်ကို စည်းရုံးသွားတာကို သိလိုက်မှာမဟုတ်ဘူး။”</p> <p> </p> <p>နတ်ဘုရင်ခံ လင်ရင်က</p> <p> “ချီယန် နတ်ဘုရင်အနေနဲ့ သွေးလင်းယုန်ခန်းမက နောက်ကွယ်ကနေ ပြဿနာရှာနေတာကို အတည်ပြုပြီးပြီဆိုတော့ နောက်ထပ် ဘာတွေ ဆက်လုပ်ဖို့ အစီအစဉ် ရှိပါသလဲ။”</p> <p> </p> <p>ဝေဖူရှန်းက ထိုမေးခွန်းကို မဖြေပဲ</p> <p> </p> <p> “လျှို့ဝှက်လဝန်း နတ်ဘုရင် အခု ဘယ်မှာလဲ။”</p> <p> </p> <p>ဝေဖူရှန်း ဘာလုပ်ချင်သည်ကို နတ်ဘုရင်ခံ လင်ရင် ချက်ချင်း ခန့်မှန်းမိသွားသဖြင့်</p> <p> </p> <p> “ကျွန်မတို့ နန်းတော်သခင်က တံခါးပိတ် ကျင့်စဉ်စခန်း ဝင်သွားပါပြီ။”</p> <p> </p> <p>ထိုအရာကို ကြားလျှင် ဝေဖူရှန်း အနည်းငယ် အံ့အားသင့်သွားပြီးနောက်</p> <p>“သွေးလင်းယုန်ခန်းမက စတင် လှုပ်ရှားနေပြီဆိုတော့ သူတို့က ကျုပ်တို့နတ်ဂိုဏ်း နှစ်ဂိုဏ်းလုံးကို ပစ်မှတ်ထားနေပြီလို့ ဆိုလိုတာပဲ။ ဒီအစီအစဉ် ပျက်သွားပြီးတဲ့နောက် သွေးလင်းယုန်ခန်းမက တို့နတ်ဂိုဏ်း နှစ်ဂိုဏ်းလုံးကို တိုက်ရိုက် တိုက်ခိုက်လာနိုင်တယ်။”</p> <p> </p> <p>“သွေးလင်းယုန်ခန်းမမှာ နတ်ဘုရင် သုံးပါး ရှိတယ်။ ကျုပ်တို့နတ်ဂိုဏ်း နှစ်ဂိုဏ်းလုံးမှာတော့ နတ်ဘုရင် တစ်ပါးစီပဲ ရှိတာ။ လျှို့ဝှက်လဝန်းနန်းတော် ဖြစ်ဖြစ်၊ ကျုပ်တို့ရဲ့ ချီယန်ဂိုဏ်း ဖြစ်ဖြစ် သွေးလင်းယုန်ခန်းမကို တစ်ဦးတည်း ရင်ဆိုင်ဖို့ မဖြစ်နိုင်ဘူး။”</p> <p> </p> <p>“ကျုပ်တို့နတ်ဂိုဏ်း နှစ်ဂိုဏ်း မဟာမိတ်ဖွဲ့သင့်တယ်။ သွေးလင်းယုန်ခန်းမက တစ်ဖက်ဖက်ကို တိုက်ခိုက်လာခဲ့ရင် ကျန်တဲ့ တစ်ဖက်က မဟာမိတ်အဖြစ် ကူညီ ကာကွယ်ပေးကြတာပေါ့။”</p> <p> </p> <p>နတ်ဘုရင်ခံ လင်ရင်က</p> <p> “ဒီကိစ္စကိုတော့ လျှို့ဝှက်လဝန်းနန်းတော်က တခြား အကြီးအကဲတွေနဲ့ ကျွန်မ ဆွေးနွေးကြည့်ဖို့ လိုပါလိမ့်မယ်။”</p> <p> </p> <p>ဝေဖူရှန်းက</p> <p> “လျှို့ဝှက်လဝန်း နတ်ဘုရင်က ဘယ်အချိန်လောက်မှ ကျင့်စဉ်စခန်းက ထွက်လာမှာလဲ။”</p> <p> </p> <p>နတ်ဂိုဏ်းချင်း မဟာမိတ်ဖွဲ့မည့် ကိစ္စမှာ တစ်ဖက်ဂိုဏ်း၏ ခေါင်းဆောင်နှင့် ဆွေးနွေးရမည့် အရာ ဖြစ်သည်။</p> <p> </p> <p>နတ်ဘုရင်ခံ လင်ရင်က</p> <p>“ကျွန်မတို့ နန်းတော်သခင်က အခုမှ ကျင့်စဉ်စခန်း ဝင်သွားတာပါ။”</p> <p> </p> <p>နတ်ဘုရင်ခံ လင်ရင်၏ အဖြေကို ကြားလျှင် ဝေဖူရှန်းက မတတ်သာသည့် အမူအရာဖြင့်</p> <p> </p> <p> “ဒါဆို အခု လျှို့ဝှက်လဝန်းနန်းတော်ကို ဘယ်သူ တာဝန်ယူထားလဲ။”</p> <p> </p> <p>နတ်ဘုရင်ခံ လင်ရင်က</p> <p> </p> <p>“ကျွန်မတို့ နန်းတော်ရဲ့ နန်းတော်သခင်ငယ်ပါ။”</p> <p> </p> <p>ဝေဖူရှန်းက</p> <p> “သူက မဟာမိတ်ဖွဲ့မယ့် ကိစ္စကို ဆုံးဖြတ်နိုင်လား။”</p> <p> </p> <p>နတ်ဘုရင်ခံ လင်ရင်က</p> <p>“ကျင့်စဉ်စခန်း မဝင်ခင်မှာ နန်းတော်သခင်က လျှို့ဝှက်လဝန်းနန်းတော်ရဲ့ ကိစ္စအရပ်ရပ်ကို နန်းတော်သခင်ငယ်ကပဲ ဆုံးဖြတ်လိမ့်မယ်လို့ မှာသွားခဲ့ပါတယ်။”</p> <p> </p> <p>“လျှို့ဝှက်လဝန်း နတ်ဘုရင်က အဲဒီလို ပြောသွားခဲ့တယ်ဆိုရင် သူက မဟာမိတ်ကိစ္စကို ဆုံးဖြတ်နိုင်မှာပါ။ နောက်နှစ်လကြာရင် ကျုပ်တို့ရဲ့ ချီယန်ဂိုဏ်းက မဟာမိတ်ကိစ္စ ဆွေးနွေးဖို့ လျှို့ဝှက်လဝန်းနန်းတော်ဆီ လာရောက်မယ်လို့ နန်းတော်သခင်ငယ်ကို ပြောပြပေးပါဦး။”</p> <p> </p> <p>သူ၏ ဂိုဏ်းကို သွေးလင်းယုန်ခန်းမက ပစ်မှတ်ထားနေကြောင်း သိလိုက်ရပြီးနောက်  ကြီးမားသော ဖိအားများကို ဝေဖူရှန်း ခံစားလိုက်ရ၏။ သွေးလင်းယုန်ခန်းမက ကျင့်ကြံသည့် မိစ္ဆာနတ်ကျမ်းများသည် သာမန်နတ်များ၏ နတ်အငွေ့အသက်များကို ဖိနှိပ်နိုင်သည် ဆိုသည့်အချက်အပြင် ၎င်းတို့တွင် နတ်ဘုရင် သုံးပါးရှိသည်ကိုပါ ထည့်သွင်းစဉ်းစားရပေမည်။</p> <p> </p> <p>အကယ်၍ သွေးလင်းယုန်ခန်းမမှ နတ်ဘုရင် သုံးပါးလုံးက ချီယန်ဂိုဏ်းကို တစ်ပြိုင်နက်တည်း တိုက်ခိုက်လာခဲ့လျှင် ချီယန်ဂိုဏ်းအနေနှင့် ခုခံနိုင်စွမ်း ရှိမည်မဟုတ်ပေ။</p> <p> </p> <p>သွေးလင်းယုန်ခန်းမသည် အစကတည်းက ချီယန်ဂိုဏ်းနှင့် လျှို့ဝှက်လဝန်းနန်းတော်ကြား ပဋိပက္ခဖြစ်အောင် ကြံစည်နေခဲ့ခြင်းဖြစ်ရာ ၎င်းတို့သည် ချီယန်ဂိုဏ်းကိုသာမက လျှို့ဝှက်လဝန်းနန်းတော်ကိုပါ ပစ်မှတ်ထားနေကြောင်း သိသာလှ၏။ ထို့ကြောင့် နတ်ဂိုဏ်း နှစ်ဂိုဏ်း မဟာမိတ်ဖွဲ့ကာ သွေးလင်းယုန်ခန်းမကို အတူတကွ တိုက်ထုတ်သင့်သည်။</p> <p> </p> <p>ဝေဖူရှန်းက</p> <p> “တခြားကိစ္စ မရှိတော့ရင် ကျုပ်ကို ပြန်ခွင့်ပြုပါဦး။”</p> <p> </p> <p>နတ်ဘုရင်ခံ လင်ရင်က</p> <p> “ကောင်းကောင်းသွားပါ ... ချီယန် နတ်ဘုရင်။”</p> <p> </p> <p>ထိုစကားများနှင့်အတူ ဝေဖူရှန်းလည်း နတ်ဘုရင်ခံ တိမ်နက်နှင့်အတူ ကောင်းကင်ဝံပုလွေမြို့မှ ထွက်ခွာသွားတော့သည်။</p> <p> </p> <p>ဝေဖူရှန်း ထွက်ခွာသွားပြီးနောက် နတ်ဘုရင်ခံ လင်ရင်သည် ထိုနေရာရှိ သစ္စာဖောက် မိသားစုဝင်များကို တစ်ချက် ကြည့်လိုက်ပြီးနောက် လုချန်းကို</p> <p> </p> <p> “ချန်းလု...ဒီလူတွေကို ဘယ်လို လုပ်ဖို့ စိတ်ကူးထားလဲ။”</p> <p> </p> <p>လုချန်းက ခပ်အေးအေးပင်</p> <p>“အခု ကောင်းကင်ဘုံ လမ်းစဉ်တွေ တဖြည်းဖြည်း ကွယ်ပျောက်နေပြီး လူဦးရေလည်း လျော့နည်းလာနေတာမို့ ဒီလူတွေကို အကုန် သတ်လိုက်ရင် နှမြောစရာပဲ။ သူတို့ကို အကျဉ်းချထားပြီး ကလေးတွေ ပိုမွေးခိုင်းတာ ပိုကောင်းလိမ့်မယ်။ ပြီးရင် သူတို့ရဲ့ ကလေးတွေကို တခြား မိသားစုတွေဆီမှာ ကျွေးမွေးခိုင်းတာပေါ့။”</p> <p> </p> <p>နတ်ဘုရင်ခံ လင်ရင်က</p> <p> </p> <p> “ကျွန်မ နားလည်ပါပြီ။”</p> <p> </p> <p>ထိုစကားများနှင့်အတူ နတ်ဘုရင်ခံ လင်ရင် လက်မြှောက်လိုက်ရာ ထိုနေရာရှိ အသက်ငါးဆယ်ကျော် သာမန်လူများ အားလုံး သွေးမြူခိုးများအဖြစ်သို့ ချက်ချင်း ပြောင်းလဲသွားကြ၏။</p> <p> </p> <p>ထို့နောက် ကျန်ရှိနေသည့် လူများကို ဖမ်းဆီးကာ အကျဉ်းချထားရန် စစ်သည်များကို အမိန့်ပေးလိုက်၏။</p> <p> </p> <p>အားလုံး ပြီးစီးသွားသောအခါ နတ်ဘုရင်ခံ လင်ရင်က လုချန်းကို</p> <p> </p> <p>“ချန်းလု...  မဟာမိတ်ကိစ္စကို တခြား အကြီးအကဲတွေနဲ့ ဆွေးနွေးဖို့ လျှို့ဝှက်လဝန်းနန်းတော်ဆီ ကျွန်မ ပြန်ရလိမ့်မယ်။ ရှင် ကျွန်မနဲ့အတူ ပြန်လိုက်ခဲ့ပါလား။”</p> <p> </p> <p>“သွေးလင်းယုန်ခန်းမရဲ့ အစီအစဉ် ပျက်သွားပြီဆိုတော့ သူတို့ ရှင့်ကို ရန်မူဖို့ လူလွှတ်လာနိုင်တယ်။”</p> <p> </p> <p>လုချန်း ခဏခန့် တွေးတောလိုက်ပြီးနောက်</p> <p> </p> <p> “မလိုပါဘူး... ကျုပ် လျှို့ဝှက်လဝန်းနန်းတော်ကနေ ထွက်လာတာက စမ်းသပ်မှုတွေကနေတစ်ဆင့် အဆင့်တက်ဖို့ အခွင့်အရေး ရှာချင်လို့ပဲ။ အခု ပြန်သွားရင် ကျုပ်ရဲ့ လေ့ကျင့်မှုကို အနှောင့်အယှက် ဖြစ်စေလိမ့်မယ်။”</p> <p> </p> <p>နတ်ဘုရင်ခံ လင်ရင်က</p> <p> “ကျွန်မ နားလည်ပါပြီ... ဒါဆိုရင်လည်း ဂရုစိုက်ပါဦး”</p> <p> </p> <p>ထိုစကားများနှင့်အတူ နတ်ဘုရင်ခံ လင်ရင်၏ ခန္ဓာကိုယ်မှာ ပျောက်ကွယ်သွား၏။</p> <p> </p> <p>နတ်ဘုရင်ခံ လင်ရင် ထွက်ခွာသွားပြီးနောက် လုချန်း၏ အကြည့်က ရှောင်ရွှီရင်နှင့် ကောက်ရှီယွမ်တို့အပေါ်သို့ ကျရောက်သွား၏။</p> <p> </p> <p>ရှောင်ရွှီရင်က သူ့ကို စိတ်ဝင်စားနေပြီ ဖြစ်သဖြင့် နောက်တစ်ခေါက်က ကောက်ရှီယွမ်၏ အလှည့် ဖြစ်၏။ ကောက်ရှီယွမ်၏ သူ့အပေါ်ထားသည့် နှစ်သက်မှုက သိပ်မမြင့်မားသေးပေ။</p> <p> </p> <p> သူ၏ မည်သူဖြစ်ကြောင်းကို ယခုနေ တိုက်ရိုက် ထုတ်ဖော်လိုက်လျှင် သူမနှင့် ချက်ချင်း နီးစပ်နိုင်မည် မဟုတ်ပေ။</p> <p> </p> <p>နှစ်သက်မှု အဆင့် ကိုးဆယ်သို့ မရောက်ရှိမီအထိ သူ၏ သရုပ်မှန်ကို သူမအား အသိမပေးခြင်းက ပို၍ ကောင်းပေလိမ့်မည်။</p> <p> </p> <p>ထိုအချိန်တွင် ကောက်ရှီယွမ်က</p> <p> “မောင်လေးချန်း... အခု ကောင်းကင်ဝံပုလွေမြို့က ကိစ္စတွေလည်း ပြီးသွားပြီဆိုတော့ ကျွန်မတို့ တခြား မြို့တွေကို ဆက်သွားကြမလား။”</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save