Book List

<h2 style="text-align: center;">အခန်း (၁၇၁၁)</h2> <h2 style="text-align: center;">တစ်နှစ်အတွင်း မရဏတိုက်ပွဲ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>၎င်းတို့နှစ်ဦးကြားရှိ တိုက်ပွဲရလဒ်သည် ထွက်ပေါ်လာခဲ့ပြီဖြစ်သည်။ ယီယွင်ယောင်သည် ဂုဏ်သရေရှိစွာ တည်ငြိမ်နေဆဲဖြစ်သော်လည်း တစ်ဖက်ရှိ ဝမ်ယိဖန်သည် ဆံပင်များ ရှုပ်ပွနေ၍ သူ၏ အသွင်အပြင်၌ မူလမာန်မာနများ မရှိတော့ပေ။</p> <p>"ဂျူနီယာညီမလေးယီ၊ ဒီနေ့တော့ မင်းမျက်နှာကို ထောက်ထားပြီး ချူးယွင်ဖန်းကို သည်းခံပေးလိုက်မယ်။ ဒါပေမယ့် နတ်ဖြတ်ဓားက ကျုပ်ပစ္စည်းမလို့ ကျုပ် အဲဒါကို ပြန်လိုချင်တယ်" ဝမ်ယိဖန်က ပြောသည်။</p> <p> </p> <p>ဝမ်ယိဖန်သည် ရှုံးနိမ့်ကြောင်း ဝန်ခံလိုက်ပြီဖြစ်ကြောင်း လူတိုင်း သဘောပေါက်လိုက်သည်။ ယီယွင်ယောင် ဂိုဏ်းသို့ ဝင်ရောက်လာသည့် သက်တမ်းသည် ဝမ်ယိဖန်ထက် ပို၍နည်းပါးသော်လည်း ဝမ်ယိဖန်ကို ဖိနှိပ်နိုင်ခဲ့ခြင်းကြောင့် အဖြစ်မှန်ကို သိထားသူအားလုံး အံ့အားသင့်သွားကြသည်။</p> <p> </p> <p>ယီယွင်ယောင်က ချူးယွင်ဖန်းကို လှည့်ကြည့်၍ ပြောလိုက်သည်။</p> <p>"ဒီနတ်ဖြတ်ဓားက ဂျူနီယာချူး တိုက်ပွဲနိုင်လို့ ရရှိလာတဲ့ ပစ္စည်းပါ။ အဲဒီအတွက် ကျွန်မမှာ ဆုံးဖြတ်ပိုင်ခွင့်မရှိဘူး"</p> <p> </p> <p>လူတိုင်း၏ အကြည့်များ ချူးယွင်ဖန်းထံ ရောက်ရှိသွားကြစဉ် မထင်မှတ်ထားသော အရာတစ်ခုကို မြင်တွေ့လိုက်ရသည်။</p> <p> </p> <p>"ဒါက ကျုပ်ရဲ့ အောင်နိုင် ဘဏ္ဍာပဲ။ ခင်ဗျား ဒါကို ပြန်လိုချင်ရင် ယူလို့ရပါတယ်။ ဒါပေမယ့် အရင်ဆုံး ကျုပ်ကို အနိုင်ယူဖို့တော့ လိုလိမ့်မယ်" ချူးယွင်ဖန်းက အရှေ့တိုးကာ ပြောလိုက်သည်။</p> <p> </p> <p>"ဘာကွ" ဝမ်ယိဖန်ဒေါသထွက်လွန်းသဖြင့် ရယ်မိသွားသည်။ ချူးယွင်ဖန်းသည် မိမိကို မည်သည့်အတွင်းစည်းတပည့်မဆို စိန်ခေါ်နိုင်သည့် လမ်းဘေးခွေးတစ်ကောင်ဟု ထင်မှတ်နေခြင်းဖြစ်လေသလော။ ချူးယွင်ဖန်းသည် ကောင်းကင်နှင့် မြေကြီး၏ ကျယ်ပြောမှုကို မသိနားမလည်သူဖြစ်သည်။</p> <p> </p> <p>"တစ်နှစ်ကြာရင် မရဏပြိုင်ကွင်းမှာ တွေ့ကြမယ်။ ခင်ဗျား အနိုင်ရရင် ဒီနတ်ဖြတ်ဓားကို ယူသွားနိုင်တယ်" ချူးယွင်ဖန်းက တည်ငြိမ်စွာ ပြောသည်။</p> <p> </p> <p>လူတိုင်း အံ့အားသင့်သွားကြသည်။</p> <p>"သူ အရူးထနေတာလား။ တစ်နှစ်အတွင်း စီနီယာဝမ်ကို တိုက်ခိုက်ဖို့ စိန်ခေါ်လိုက်တာတဲ့လား"</p> <p> </p> <p>"တစ်နှစ်ဆိုတာ ဘယ်လောက်မှ မကြာဘူး။ ဖြစ်နိုင်ပါ့မလား"</p> <p> </p> <p>"တစ်နှစ်အတွင်း သူက ရုတ်တရက်ကြီး ဉာဏ်လင်းပွင့်သွားမယ်လို့ ထင်နေတာလား"</p> <p> </p> <p>"စီနီယာဝမ်က သူပြောတာကို ဂရုစိုက်လိမ့်မယ်လို့ မထင်ဘူး"</p> <p> </p> <p>"ဟုတ်တယ်လေ။ စီနီယာဝမ်ဆိုတာ ဘယ်လိုလူမျိုးမို့လို့လဲ။ သူက အဆင့်မြင့်ပြီး အထူးဂရုစိုက်ခံရတဲ့ တပည့်ရင်းတစ်ယောက်၊ ချူးယွင်ဖန်းကတော့ အတွင်းစည်း တပည့်တစ်ယောက်ပဲ ရှိသေးတာ။ သူက ဘာအရည်အချင်းနဲ့များ စီနီယာဝမ်ကို စိန်ခေါ်ရဲရတာလဲ။ တကယ်လို့ စီနီယာဝမ်သာ အဲဒီလိုစိန်ခေါ်မှုတွေကို လက်ခံမယ်ဆိုရင် တစ်နေ့လုံး စိန်ခေါ်သမျှတွေကိုပဲ လိုက်ဖြေရှင်းနေရမှာပေါ့"</p> <p> </p> <p>"မှန်တယ်၊ ကျုပ် အထင်တော့ ချူးယွင်ဖန်းက လူတွေကြားထဲမှာ ဟိတ်ဟန်ထုတ်ပြီး နာမည်ကြီးချင်နေတာပဲဖြစ်မယ်။ သူ့ ကျင့်ကြံမှုအဆင့်နဲ့ဆိုရင် စီနီယာဝမ်ကို ဘယ်လိုလုပ် ယှဉ်နိုင်မှာလဲ။ နောက်ထပ် တစ်နှစ်ကြာသွားရင်တောင် သူ အခုအတိုင်းပဲ ဖြစ်နေဦးမှာပဲ"</p> <p> </p> <p>"စီနီယာယီရဲ့ အထောက်အပံ့ကို ရထားတယ်ဆိုရင်တောင် ဒီအတိုင်းဆို သူ ကိုယ့်ကိုယ်ကိုတောင် ကာကွယ်နိုင်ပါ့မလား မသိဘူး"</p> <p> </p> <p>"ကျုပ်ကတော့ အဲ့လိုမထင်ဘူး။ ချူးယွင်ဖန်းက လိမ္မာပါးနပ်တဲ့လူ။ တကယ်လို့ စီနီယာဝမ်ကသာ ဒီစိန်ခေါ်မှုကို လက်ခံလိုက်မယ်ဆိုရင် အနည်းဆုံး တစ်နှစ်တာကာလအတွင်း သူ ချူးယွင်ဖန်းကို လူသိရှင်ကြား ဒုက္ခပေးလို့မရတော့ဘူးလေ"</p> <p> </p> <p>"တစ်နှစ်ကြာမှ တိုက်ခိုက်တော့ရော ဘာထူးမှာလဲ။ နောက်ထပ်ဆယ်နှစ်လောက်မှ အခွင့်အရေးရနိုင်လောက်တယ်"</p> <p> </p> <p>လူအများ ဆူညံစွာ ဆွေးနွေးနေကြသော်လည်း ချူးယွင်ဖန်းကို ယုံကြည်သူ တစ်ဦးတစ်ယောက်မျှ မရှိကြပေ။ ၎င်းတို့၏ အကြည့်များသည် အရူးတစ်ယောက်ကို ကြည့်နေသည့်အလား ထင်မှတ်ရစေသည်။ ယီယွင်ယောင်ပင် မျက်မှောင်ကြုတ်လျက် အံ့အားသင့်နေသည့် အရိပ်အမြွက်များဖြင့် ကြည့်နေသည်။ ချူးယွင်ဖန်းက ထိုသို့ တောင်းဆိုလိမ့်မည်ဟု သူမ မထင်မှတ်ထားခဲ့ပေ။</p> <p> </p> <p>"အင်းပေါ့၊ ခင်ဗျား သတ္တိမရှိဘူးဆိုရင်တော့ ကျုပ်ပြောတာကို လျစ်လျူရှုလိုက်ပါ။ ဒီကြားထဲမှာ လူတွေလွှတ်ပြီး ကျုပ်ကို သတ်ချင်ရင်လည်း သတ်နိုင်ပါတယ်။ ကိစ္စမရှိပါဘူး" ချူးယွင်ဖန်းက တည်ငြိမ်စွာ ဆက်ပြောလိုက်သည်။</p> <p> </p> <p>"ကျုပ်ကတော့ အချိန်တစ်နှစ်ပဲ လိုတာ။ တစ်နှစ်ပြည့်ရင် ကျုပ် ခင်ဗျားကို သတ်နိုင်ပြီ"</p> <p> </p> <p>"ကောင်းလိုက်တဲ့ စိန်ခေါ်မှုပဲ" ဝမ်ယိဖန်က ဒေါသစိတ်ကြောင်း ရယ်မောနေမိသည်။</p> <p>"ကျုပ်သာ သဘောမတူရင် လူတွေက ကျုပ်ကို ကြောက်နေတယ်လို့ ထင်ကြမှာပေါ့။ တစ်နှစ်နေရင် ကျုပ်ကို သတ်မယ်တဲ့လား။ မင်းကိုယ်မင်း ဘာထင်နေတာလဲ။ ကောင်းပြီလေ၊ မင်းကို တစ်နှစ်အချိန်ပေးလိုက်မယ်။ တစ်နှစ်ပြည့်ရင် ကျုပ် မင်းကို သတ်ပစ်မယ်။ အဲဒီအခါကျရင်တော့ မင်း ဘာမှ ပြန်ပြောနိုင်မှာ မဟုတ်တော့ဘူး"</p> <p> </p> <p>ဝမ်ယိဖန်သည် ပြောပြီးသည်နှင့် အင်္ကျီလက်စကို ဝှေ့ယမ်းကာ ဒေါသတကြီး ထွက်ခွာသွားသည်။ လူတိုင်းသည် ဒေါသထွက်နေသော ဝမ်ယိဖန်ကို ကြည့်ကာ အံ့အားသင့်နေကြသည်။ ဝမ်ယိဖန်က အမှန်တကယ် သဘောတူလိမ့်မည်ဟု မည်သူမျှ မမျှော်လင့်ထားကြပေ။ မရဏပြိုင်ကွင်းဆိုသည် ဂိုဏ်းသားများ၏ ရန်ငြိုးကို ရှင်းလင်းသည့် နေရာဖြစ်သည်။ မရဏပြိုင်ကွင်းသို့ ရောက်ပြီဆိုလျှင် သေရေး ရှင်ရေးနှင့်သာ သက်ဆိုင်တော့သည်။</p> <p> </p> <p>လူအများသည် ချူးယွင်ဖန်းကို လှည့်ကြည့်လိုက်ကြသည်။ ချူးယွင်ဖန်းသည် ဝမ်ယိဖန်ကို တစ်နှစ်အတွင်း အနိုင်ယူရန် မည်မျှသော ယုံကြည်မှုများ ရှိနေသနည်း။ ချူးယွင်ဖန်းသည် အနည်းဆုံးလျှင် ဝမ်ယိဖန်ထံမှ အသက်ကို ကာကွယ်နိုင်မည်ဟု ၎င်းတို့ တွေးလိုက်ကြသည်။ သို့သော် အချို့သည် ပိုမိုဆိုးရွားသော ဘက်မှ တွေးတောနေကြသည်။</p> <p> </p> <p>"သူက အချိန်ဆွဲပြီး တစ်နှစ်ပြည့်တာနဲ့ ရှောင်ပြေးမလို့များလား"</p> <p> </p> <p>"ဟုတ်တယ်... ဖြစ်နိုင်တယ်။ သူ့စွမ်းရည်နဲ့ဆိုရင် ပြိုင်ကွင်းကို မလာဘဲ နေလိုက်ရင် အရှက်ကွဲရုံလောက်ပဲ ရှိမှာ"</p> <p> </p> <p>"ဒါက အဲ့လောက်ရိုးရှင်းပါ့မလား။ သူကိုယ်တိုင် စိန်ခေါ်ထားတာလေ။ စီနီယာဝမ်ကတော့ သူ့ကို လွှတ်ပေးမှာ မဟုတ်ဘူး။ အချိန်ကျလာရင် သူမှာ ဒီလိုဆုံးဖြတ်ပိုင်ခွင့်ရှိပါ့မလား"</p> <p> </p> <p>လူတိုင်းသည် တစ်နှစ်အကြာ၌ ကျရောက်လာမည့် တိုက်ပွဲကို စိတ်ဝင်တစား စောင့်ဆိုင်းနေကြသည်။ သို့သော် ချူးယွင်ဖန်းက ဝမ်ယိဖန်ကို အနိုင်ယူနိုင်လိမ့်မည်ဟု မည်သူမျှ ယုံကြည်ချက်မရှိကြပေ။ အတွင်းစည်းတပည့်များ၏ ပြိုင်ပွဲ ပြီးဆုံးသွားပြီဖြစ်သော်လည်း ဤတိုက်ပွဲသတင်းသည် ဂိုဏ်းတစ်ခုလုံးကို တုန်လှုပ်သွားစေသည်။ ဂိုဏ်းအတွင်းမှ မည်သူမဆို ဤသတင်းကို ကြားသိသွားကြသည်။</p> <p> </p> <p>ဂိုဏ်းသို့ အသစ်ရောက်ရှိလာသည့် တပည့်တစ်ဦးက ကောင်းကင်ကို ဖီဆန်ကာ ပထမနေရာကို ရရှိသွားခြင်းသည် အံ့ဩဖွယ် ရလဒ်ဖြစ်သော်လည်း ယခုမူ အဆိုပါ အသစ်တပည့်သည် အစစ်အမှန်တပည့် ဝမ်ယိဖန်ကို စိန်ခေါ်လိုက်သည့် သတင်းသည် ပို၍ပင် မယုံကြည်နိုင်ဖွယ်ကောင်းလှသည်။ တစ်နှစ်အကြာတွင် ၎င်းတို့နှစ်ဦးသည် သေရေး ရှင်ရေးကို ဆုံးဖြတ်ပေးမည့် မရဏပြိုင်ကွင်းတွင် တိုက်ခိုက်ကြတော့မည်ဖြစ်သည်။</p> <p> </p> <p>ဤသတင်းကြောင့် အချိန်အတိုင်းအတာတစ်ခုအထိ လူတိုင်း ရုတ်ရုတ်သဲသဲဖြစ်သွားကြသည်။ အစပိုင်းတွင် မည်သူမျှ မယုံကြည်ကြပေ။ ပထမအချက်ကပင် မယုံကြည်နိုင်ဖွယ်ကောင်းလှရာ အတွင်းစည်းတပည့်တစ်ဦးက အစစ်အမှန်တပည့် ဝမ်ယိဖန်ကို စိန်ခေါ်ရဲခြင်းဟူသည် ပို၍ပင် မဖြစ်နိုင်သော အကြောင်းအရာဖြစ်သည်။ ဤကိစ္စသည် လူအများအပြားကြားတွင် ဂယက်ထသွား၍ အစစ်အမှန်တပည့် အများအပြားပင် စိတ်ဝင်စားလာကြသည်။ အစစ်အမှန်တပည့်များပင် ချူယွင်ဖန်အပေါ် စိတ်ဝင်စားမှုများ ပြသလာကြသည်။</p> <p> </p> <p>တစ်နှစ်ဆိုသည့် အချိန်သည် မရှည်လျားသကဲ့သို့ တိုတောင်းသည်ဟုလည်း မဆိုလိုနိုင်ပေ။ ချူယွင်ဖန်း အနိုင်ရလိမ့်မည်ဟု မည်သူမျှ မထင်မှတ်ကြသော်လည်း၊ တစ်နှစ်ပြည့်သည့်အခါ ဤတိုက်ပွဲ မည်သို့အဆုံးသတ်မည်ကို လူတိုင်း ပို၍သိချင်လာကြသည်။ ယင်းသတင်းကြောင့် ဤတပည့်သစ်သည် တစ်ညတည်းဖြင့် ဂိုဏ်းတစ်ခုလုံးတွင် ထင်ရှားကျော်ကြားသွားလေသည်။</p> <p> </p> <p>ကြယ်ကြွေကောင်းကင်ဂိုဏ်းရှိ အရှေ့ပိုင်းဒေသ၌ လမင်းကြည့်မျှော်ခြင်း စံအိမ်ခန်းမဆောင်သည် ယီယွင်ယောင်၏ စံအိမ်ဖြစ်သည်။ ခန်းမဆောင်သည် ခံ့ညားထည်ဝါလှ၍ ပန်းပုထုထားသော တိုင်လုံးများဖြင့် တည်ဆောက်ထားသည်။ ၎င်းအနက် နတ်သမီး နတ်သားဖြင့် ထွင်းထုထားသောကြောင့် အလွန်ထူးခြားဆန်းကြယ်လှသည်။ ယီယွင်ယောင်က အဓိကထိုင်ခုံတွင် ထိုင်နေ၍ ချူးယွင်ဖန်းသည် သူမ အောက်ခြေရှိ ထိုင်ခုံတွင် ထိုင်နေသည်။</p> <p> </p> <p>"ကူညီပေးတဲ့အတွက် ကျေးဇူးတင်ပါတယ် စီနီယာယီ။ ကျွန်တော် အမြဲတမ်း ကျေးဇူးတင်နေမှာပါ" ချူးယွင်ဖန်းက လက်နှစ်ဖက်ဖြင့် လက်သီးဆုပ်ကာ အရိုအသေပေးလိုက်သည်။</p> <p> </p> <p>ယီယွင်ယောင်က ချူးယွင်ဖန်းကို စိုက်ကြည့်ကာ နီးမြန်းနေသော သူမ​၏ နှုတ်ခမ်းနီများကို တင်းတင်းစေ့လိုက်သည်။</p> <p>"ကျွန်မ ရှင့်ကို ထောက်ခံပေးခဲ့တယ်။ ဝမ်ယိဖန်ရှင့်ကို ဒုက္ခပေးနေတာက ကျွန်မကြောင့်ပဲ။ အမှန်တော့ သူ တကယ် ဒုက္ခပေးချင်တာက ကျွန်မကိုပဲ"</p> <p>"ပြီးတော့ ရှင်က... ဂိုဏ်းကို ရောက်တာ ခြောက်လပဲ ရှိသေးပေမယ့် ဒီလောက်တောင် တိုးတက်နေပြီကိုး"</p> <p> </p> <p>ယီယွင်ယောင်သည် စကားပြောနေစဉ် သူမ၏ လှပသော မျက်ဝန်းများတွင် အံ့အားသင့်မှုများဖြင့် တောက်ပနေသည်။ ချူးယွင်ဖန်း၏ ခြောက်လအတွင်း တိုးတက်မှုများကို သိလိုက်ရသည့်အခါ သူမ၏ စိတ်နေသဘောထားဖြင့်ပင် မနာလိုဖြစ်နေမိသည်။</p> <p> </p> <p> </p> <p> </p> <p style="text-align: center;">***</p>


Save