Book List

<h2 style="text-align: center;">အခန်း (၁၇၁၂)</h2> <h2 style="text-align: center;">ဘယ်သူက ဘယ်သူ့ကို သတ်မလဲဆိုတာကတော့ ကြိုတင်ဆုံးဖြတ်လို့ မရသေးပါဘူး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ယီယွင်ယောင်သည်လည်း ပါရမီရှင်တစ်ယောက်ဖြစ်သည်။ ထိုသို့မဟုတ်လျှင် တပည့်အရင်းဖြစ်လာသည်မှာ မကြာသေးသော်လည်း ဝမ်ယိဖန်ကို အနိုင်ယူနိုင်လိမ့်မည် မဟုတ်ပေ။ သို့သော်လည်း သူမ၏ ပါရမီနှင့် ဗဟုသုတများဖြင့်ပင် ထိုကဲ့သို့ အံ့ဩဖွယ် တိုးတက်နှုန်းမျိုးကို တစ်ခါမျှ မကြားဖူးခဲ့ပေ။ တစ်နှစ်ခွဲအတွင်း သာမန်ပါရမီရှင်တစ်ဦးပင် အဆင့်အနည်းငယ်သာ တိုးတက်နိုင်မည်ဖြစ်သည်။ ချူးယွင်ဖန်း၏ တိုးတက်နှုန်းသည် ခုန်ပျံကျော်လွှား၍ တိုးတက်လာသောကြောင့် သူမကို အလွန်အမင်း တုန်လှုပ်ချောက်ချားသွားစေသည်။</p> <p> </p> <p> </p> <p>"ကျွန်တော် ကံကောင်းသွားလို့ပါ" ချူးယွင်ဖန်းက ပြုံး၍ ပြောလိုက်သည်။</p> <p> </p> <p>"ကံကောင်းလို့တဲ့လား။ ကံကောင်းတာချည်းပဲလို့တော့ ကျွန်မ မထင်ဘူး"</p> <p> </p> <p>ယီယွင်ယောင်သည် ချူးယွင်ဖန်း၏ ကံကောင်းခြင်းဟူသော အကြောင်းပြချက်ကို မယုံကြည်ပေ။ ကံကောင်း၍ ရတနာတချို့ သုံးစွဲမိကာ တစ်နှစ်ခွဲအတွင်း ကျင့်စဥ်များစွာ မြင့်တက်သွားသည့်သူများ အမှန်တကယ် ရှိခဲ့ဖူးသည်။ သို့သော်လည်း ထိုသို့ဖြစ်ရပ်များသည် ကျင့်စဥ်နိမ့်နေချိန်တွင်သာဖြစ်၍ ယခုကဲ့သို့သော ကျင့်စဥ်မျိုးတွင် မဖြစ်နိုင်ပေ။ ထို့အပြင် ချူးယွင်ဖန်း၏ အခြေခံအုတ်မြစ်သည် အလွန်ခိုင်မာကြောင်း သူမ တစ်ချက်ကြည့်ရုံဖြင့် သိလိုက်သည်။ ချူးယွင်ဖန်းသည် ရုတ်တရက် အဆင့်မြင့်တက်သွားပုံမပေါ်ဘဲ တစ်ဆင့်ချင်းစီ လေ့ကျင့်လာခဲ့ပုံရသည်။ ထိုအချက်သည် သူမကိုပင် အနည်းငယ် အံ့ဩသွားစေသည်။</p> <p> </p> <p>သို့သော်လည်း ယီယွင်ယောင်သည် ထိုကိစ္စကို ဆက်လက်မမေးမြန်းတော့ပေ။ အကြောင်းမှာ လူတိုင်းတွင် ကိုယ်ပိုင်ကံကြမ္မာနှင့် လျှို့ဝှက်ချက်များရှိကြသောကြောင့်ဖြစ်သည်။ သူမနှင့် ချူးယွင်ဖန်းတို့၏ ဆက်ဆံရေးသည် ထိုသို့သောကိစ္စများကို ပေါ့ပေါ့တန်တန် မေးမြန်းနိုင်သည်အထိ မရင်းနှီးကြပေ။ ဤသည်မှာ သိုင်းပညာရှင်များအတွက် ကြီးမားသည့် တားမြစ်ချက်တစ်ခုဖြစ်သည်။</p> <p> </p> <p>"ဒါပေမယ့် ရှင်က တော်တော်ရဲတင်းတာပဲ။ ဝမ်ယိဖန်က တပည့်အရင်းဖြစ်လာတာ မကြာသေးပေမယ့် သိုင်းပညာအဆင့်က ရှင့်ထက် အများကြီး သာတယ်" ယီယွင်ယောင်က ချူးယွင်ဖန်းကို ခပ်ဖျော့ဖျော့ ပြုံး၍ ကြည့်လိုက်သည်။</p> <p> </p> <p>"သူဘယ်သူပဲဖြစ်ဖြစ် ကျွန်တော် ဂရုမစိုက်ဘူး။ လီချန်းယွမ် ကိုယ်တိုင်ရောက်လာရင်တောင် ကျွန်တော် အရှုံးပေးမှာ မဟုတ်ဘူး" ချူးယွင်ဖန်းက ပြတ်သားစွာ ပြောလိုက်သည်။</p> <p>"ကျွန်တော့်အဘိဓာန်မှာ အရှုံးပေးတယ်ဆိုတဲ့ စကားလုံးမျိုး မရှိဘူး"</p> <p> </p> <p>"ရှင် တော်တော် ရဲတင်းပါလား ချူးယွင်ဖန်း" ယီယွင်ယောင်က လက်ခုပ်တီး၍ ရယ်မောလိုက်သည်။</p> <p>"ရှင့် ခွန်အားကြောင့် ကျွန်မ ရှင့်ကို လေးစားတာ မဟုတ်ဘူး။ အခုထိတော့ ရှင့်ခွန်အားက ကျွန်မ မျက်စိထဲမှာ အဲ့လောက်မဟုတ်သေးဘူး။ အရေးအကြီးဆုံးအချက်က ရှင့်ထက် အင်အားကြီးသူကို ရင်ဆိုင်ဖို့ သတ္တိရှိတာကြောင့်ပဲ"</p> <p> </p> <p>ချူးယွင်ဖန်းကို အစောပိုင်းက အဘယ်ကြောင့်ကူညီရန် သဘောတူခဲ့မိသည်ကို သူမ နောက်ဆုံးတွင် နားလည်သွားသည်။ သူမသည် ချူးယွင်ဖန်း၏ မောက်မာ၍ ရဲတင်းသည့် စိတ်ဓာတ်ကို သဘောကျမိသောကြောင့်ဖြစ်သည်။ ရှုံးနိမ့်မည်မှန်း သိလျက်နှင့် စိန်ခေါ်ဝံ့ခြင်းသည် လူတိုင်း ပြုလုပ်နိုင်သော အပြုအမူ မဟုတ်ပေ။</p> <p> </p> <p>"ချီးကျူးစကားအတွက် ကျေးဇူးတင်ပါတယ် စီနီယာယီ" ချူးယွင်ဖန်းက ပြုံး၍ ပြောလိုက်သည်။</p> <p> </p> <p>"ဒါပေမယ့် ရှင် စိန်ခေါ်တာကို ဝမ်ယိဖန်က ဘာလို့လက်ခံလိုက်တာလဲဆိုတာ သိလား" ယီယွင်ယောင်က မေးလိုက်သည်။</p> <p> </p> <p>"ကျွန်တော် ခန့်မှန်းမိတာတွေ ရှိပါတယ်" ချူးယွင်ဖန်းက ဘာသိဘာသာ ပြောလိုက်သည်။</p> <p> </p> <p> "ကျွန်မ သူနဲ့ ရန်ဘက်တွေဖြစ်လာတာ နှစ်တော်တော်ကြာပြီဆိုတော့ သူ့စိတ်ကို ကျွန်မ သိတာပေါ့။ သူ ရှင့်ကို သတ်ဖို့ ကြံစည်နေတာ ကြာပြီ။ ရေစီးကြောင်းအတိုင်း ပဲ့ကိုင်လိုက်ဖို့ သူ စီစဥ်နေတာ။ ရှင့်ရဲ့ အဆိုပြုချက်က သူ့ကို အခွင့်အရေး ပေးလိုက်သလို ဖြစ်သွားတာပေါ့" သူ၏ ဘာသိဘာသာအမူအရာကို မြင်သောအခါ ယီယွင်ယောင်က ပြောလိုက်သည်။</p> <p> </p> <p> </p> <p>"ကျွန်တော် သိပါတယ်" ချူးယွင်ဖန်းက ခေါင်းညိတ်လိုက်သည်။</p> <p> </p> <p>မှန်သည်၊ ချူးယွင်ဖန်းသည်လည်း ထိုအချက်ကို သတိထားမိသည်။ ဝမ်ယိဖန်သည် ကြမ်းတမ်း၍ မောက်မာတတ်သော်လည်း မိုက်မဲသူ မဟုတ်ပေ။ ချူးယွင်ဖန်းသည် သူ၏ ဒေါသကို နှိုးဆွနေမှန်း သိသော်လည်း စိန်ခေါ်ပွဲကို လက်ခံခဲ့သည်။ သူသည် ချူးယွင်ဖန်းကို လူသိရှင်ကြား သတ်ဖြတ်နိုင်မည့် အခွင့်အရေးကို စောင့်နေခြင်းဖြစ်သည်။ ချူးယွင်ဖန်း၏ တန်ပြန်တိုက်ခိုက်မှုအတွက်မူ ချူးယွင်ဖန်းသည် အတွင်းစည်းတပည့်တစ်ယောက်သာဖြစ်သည်။ ချူးယွင်ဖန်းတွင် အတောင်ပံပေါက်လာလျှင်ပင် တစ်နှစ်အတွင်း မည်မျှအထိ အစွမ်းထက်လာနိုင်မည်နည်း။</p> <p> </p> <p>"ရှင် တည်ငြိမ်တယ်ဆိုတာ ကျွန်မ သိပေမယ့် တပည့်အရင်းတွေကိုတော့ အထင်မသေးသင့်ဘူး။ ရှင်က အရမ်းသန်မာပြီး မသုံးရသေးတဲ့ ဝှက်ဖဲတွေ ရှိနေသေးတယ်ဆိုတာလည်း ကျွန်မ သိပါတယ်။ သာမန် ထူးချွန်တပည့်တွေကတောင် ရှင့်ကို မယှဉ်နိုင်လောက်ဘူး။ ဒါပေမယ့် တပည့်အရင်းတွေက ထူးချွန်တပည့်တွေထက် နည်းနည်းပဲ ပိုသာတယ်လို့ ထင်ရင်တော့ ရှင် အကြီးအကျယ် မှားသွားလိမ့်မယ်"</p> <p> </p> <p>ချူးယွင်ဖန်း၏ သာမန်ကာလျှံကာ အမူအရာကို မြင်လိုက်ရသဖြင့် ယီယွင်ယောင်က မျက်မှောင်ကြုတ်လိုက်သည်။</p> <p>"သာမန် ဒြပ်မဲ့ကျွမ်းကျင်အဆင့် အထွတ်အထိပ် ကျင့်ကြံသူတွေက အယောက်တစ်ရာလောက် စုလာရင်တောင် ကျွန်မရဲ့တိုက်ခိုက်မှုကို တားနိုင်မှာ မဟုတ်ဘူး။ ဝမ်ယိဖန်ရဲ့ ခွန်အားက ကျွန်မ ထက် လျော့နည်းပေမယ့် ရှင်စိတ်ကူးနိုင်မယ့်အဆင့်မျိုး မဟုတ်ဘူး"</p> <p> </p> <p>"ကျွန်တော် နားလည်ပါတယ်။ အကြံပေးတာ ကျေးဇူးတင်ပါတယ် စီနီယာယီ" ချူးယွင်ဖန်းက ခေါင်းညိတ်၍ အရိုအသေပေးကာ မတ်မတ်ထိုင်လိုက်သည်။</p> <p> </p> <p>ချူးယွင်ဖန်းသည် သူမကို မပြောပြခဲ့သည့် အချက်တစ်ခုရှိသေးသည်။ ဝမ်ယိဖန်က ချူးယွင်ဖန်းကို သတ်ဖြတ်ရန် အခွင့်အရေးယူနေသည်ကို ယီယွင်ယောင် သိသော်လည်း ချူးယွင်ဖန်းသည်လည်း ဝမ်ယိဖန်ကို သတ်ဖြတ်ရန် ထိုအခွင့်အရေးကို အသုံးပြုနေကြောင်း သူမ မသိခဲ့ပေ။ လီချန်းယွမ်နှင့် နှိုင်းယှဉ်လျှင် ဝမ်ယိဖန်သည် လမ်းပေါ်က အတားအဆီးတစ်ခုသာဖြစ်သည်။ သူသည် လီချန်းယွမ်နှင့် အဆင့်အတန်းခြင်း မတူညီပေ။ သို့သော် ဝမ်ယိဖန်၏ ဖြစ်တည်မှုသည် ချူးယွင်ဖန်း၏ ရှင်သန်မှုအတွက် ခြိမ်းခြောက်မှုတစ်ခုဖြစ်နေသည်။ ထို့ကြောင့် သူသည် ဝမ်ယိဖန်ကို ဖယ်ရှားရန် နည်းလမ်းရှာရမည်ဖြစ်သည်။</p> <p> </p> <p>"ဒါပေမယ့် အနည်းဆုံးတော့ တစ်နှစ်အချိန်ရလိုက်တယ် မဟုတ်လား" ချူးယွင်ဖန်းက ပြုံးလိုက်သည်။</p> <p> </p> <p>တစ်နှစ်အကြာတွင် အနိုင်ရရှိလာမည့်သူကို မည်သူမျှ သေချာ မသိကြပေ။ တစ်နှစ်အတွင်း လီချန်းယွမ်ကို သတ်ဖြတ်နိုင်မည်ဟု ယုံကြည်မှု မရှိသော်လည်း ဝမ်ယိဖန်ကိုဆိုလျှင် ပြဿနာရှိမည် မဟုတ်ပေ။ သူ၏ အနာဂတ် ရည်မှန်းချက်သည် သိုင်းပညာ၏ အထွတ်အထိပ်သို့ တက်လှမ်းရန်နှင့် မသေမျိုးတစ်ဦးဖြစ်လာရန်ဖြစ်သည်။</p> <p> </p> <p>‘ဝမ်ယိဖန်ဆိုတာ ဘာမို့လို့လဲ’</p> <p> </p> <p>"တစ်နှစ်လား။ ဝမ်ယိဖန်ရဲ့ စိတ်နေသဘောထားကို ကျွန်မ ကောင်းကောင်း သိတယ်။ သူက ရက်စက်ကြမ်းကြုတ်တဲ့လူမျိုး၊ တစ်နှစ်အချိန်ပေးမယ်လို့ ပြောပေမယ့် တကယ်တမ်း ကတိတည်မယ့်လူ မဟုတ်ဘူး။ သူ ရုတ်တရက် တိုက်ခိုက်လာနိုင်တယ်" ယီယွင်ယောင်က သတိပေးလိုက်သည်။</p> <p>"သူနဲ့ ကျွန်မနဲ့ကြားက ရန်ငြိုးကို ရှင် သိလား။ အဲ့ဒီတုန်းက ကျွန်မ တပည့်အရင်း မဖြစ်ခင်ပဲ သူ တပည့်အရင်းဖြစ်သွားတာ။ နောက်ပိုင်း ကျွန်မကို လူတစ်ယောက် လိုက်သတ်ဖြတ်လို့ အသက်လုနီးပါးပြီး ထွက်ပြေးခဲ့ရတယ်။ ကျွန်မမှာသာ ဝှက်ဖဲတွေ မရှိရင် သေသွားလောက်ပြီ။ အဲ့ဒီလူက ဘယ်သူလဲဆိုတာ အထောက်အထား မရှာတွေ့သေးပေမယ့် ဝမ်ယိဖန်နဲ့ ပတ်သက်နေတာကို ကျွန်မ သိတယ်။ အဲ့ဒီတုန်းက ကျွန်မ ခွန်အားနဲ့ဆိုရင် သာမန် ဒြပ်မဲ့ကျွမ်းကျင်အဆင့်ရဲ့အထွတ်အထိပ် ကျင့်ကြံသူတွေ ကျွန်မကို မယှဉ်နိုင်ဘူး"</p> <p> </p> <p>ယီယွင်ယောင်နှင့် ဝမ်ယိဖန်တို့ကြားက ရန်ငြိုးကို ချူးယွင်ဖန်း တစ်ခါမှ မကြားဖူးသေးပေ။</p> <p>"ဒါကြောင့် ရှင့်မှာ အချိန်တစ်နှစ်ရှိသေးတယ်လို့ မတွေးလိုက်နဲ့" ယီယွင်ယောင်က သတိပေးလိုက်သည်။</p> <p> </p> <p>"ကျေးဇူးတင်ပါတယ် စီနီယာယီ၊ ဒါပေမယ့် ကျွန်တော် ပြောရဲတဲ့အတွက် အဆင်သင့်ပြင်ထားပြီးသားပါ။ သူပဲ လာလာ၊ တခြားလူကိုပဲ လွှတ်လွှတ် ကျွန်တော် လွတ်မြောက်နိုင်မယ်လို့ ယုံကြည်ချက်ရှိတယ်။ သူကိုယ်တိုင် လာသတ်ရင်တော့ အကောင်းဆုံးပေါ့။ အဲ့ဒါဆိုရင် တစ်နှစ်စောင့်စရာ မလိုတော့ဘဲ သူ့ကို ကျွန်တော် အရင်သတ်ပစ်မယ်"</p> <p> </p> <p>ချူးယွင်ဖန်း၏ အသံသည် ပဲ့တင်ထပ်၍ ပြတ်သားနေသည့်အပြင် အမူအရာသည်လည်း ခိုင်မာနေသည်။ ယီယွင်ယောင်ပင် တုန်လှုပ်သွားလေသည်။ မည်သို့သော ဝှက်ဖဲများရှိနေသည်ကို မသိသော်လည်း သူမ ဝင်မစွက်ဖက်မီ အစွမ်းကုန် ရင်ဆိုင်ရန် ကြိုးစားနေသော ချူးယွင်ဖန်း​၏ လုပ်ဆောင်ချက်များအရ သူသည် ဝမ်ယိဖန်ကို သတ်ဖြတ်ရန် ပြင်ဆင်ထားပြီးဖြစ်ကြောင်း ခန့်မှန်းနိုင်သည်။</p> <p> </p> <p>"ရှင့်မှာ ဘာနည်းလမ်းတွေပဲရှိရှိ နောက်ဆုံးအချိန်အထိ သိမ်းထားတာ အကောင်းဆုံးပဲ" ယီယွင်ယောင်က ချူးယွင်ဖန်းကို အဓိပ္ပာယ်ရှိစွာ စိုက်ကြည့်လိုက်သည်။ "ဒါပေမယ့် ခုလောလောဆယ်မှာ အခက်အခဲတစ်ခု ရှိနေသေးတယ်။ ရှင့်ရဲ့ ခန့်အပ်လွှာက မကြာခင် ရောက်လာတော့မယ်"</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save