Book List

<h2 style="text-align: center;">အခန်း (၁၇၂၀)</h2> <h2 style="text-align: center;">ပြိုင်ဘက်ကင်းသော စွမ်းအင်</h2> <h2 style="text-align: center;"> အထွတ်အထိပ်ဝိညာဉ်လက်နက်ကို ဖျက်ဆီးခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>"ချူးယွင်ဖန်း၊ ဒီနေ့ ဘယ်သူမှ မင်းကို ကယ်နိုင်မှာ မဟုတ်ဘူး"</p> <p> </p> <p>သူပုန်ခေါင်းဆောင်က ဒေါသတကြီး အော်ဟစ်လိုက်သည်။ သူ၏စွမ်းအင်များ ချက်ချင်းပင် ပေါက်ကွဲထွက်လာ၍ ပတ်ဝန်းကျင်ရှိ ကျင့်ကြံသူအားလုံးကို ဖိနှိပ်လိုက်သည်။ ယူချူးယွင်နှင့် အခြားလူများသည် ရွှံ့နွံထဲတွင် ရောက်နေသကဲ့သို့ ခံစားလိုက်ရကာ အသက်ရှူရန်ပင် ခက်ခဲလာသည်။ သူပုန်ခေါင်းဆောင်သည် အခြားသူပုန်များထက် များစွာသန်မာပေသည်။</p> <p> </p> <p>"သူက ဒြပ်မဲ့ကျွမ်းကျင်အဆင့် အထွတ်အထိပ်ပဲ" ယူချူးယွင်၏ မျက်လုံးများထဲတွင် ကြောက်ရွံ့မှုနှင့် မျှော်လင့်ချက်ကင်းမဲ့မှု အရိပ်အမြွက်များ ပေါ်ပေါက်လာသည်။</p> <p> </p> <p>ဒြပ်မဲ့ကျွမ်းကျင်အဆင့်ဟူသည် သာမန်လူမဟုတ်ပေ။ အကယ်၍ ဤနေရာတွင် သာမန် ဒြပ်မဲ့ကျွမ်းကျင်အဆင့်တစ်ဦးသာဆိုလျှင် ၎င်းတို့တွင် လွတ်မြောက်ရန် အခွင့်အရေးရှိသေးသည်။ သို့သော် ဒြပ်မဲ့ကျွမ်းကျင်အဆင့် အထွတ်အထိပ်သို့ ရောက်ရှိနေသူသည် ကြယ်ကြွေကောင်းကင်ဂိုဏ်းရှိ တပည့်များကြား၌ အကောင်းဆုံးဟု ဆိုနိုင်၍ အစစ်အမှန်တပည့်များနှင့် အနည်းငယ်သာ ကွာခြားပေသည်။ ၎င်းတို့သည် ဒဏ္ဍာရီလာ အစစ်အမှန်တပည့်များဖြစ်လာ၍ စကြဝဠာအဆင့်သို့ တက်လှမ်းနိုင်သည့် အခွင့်အရေးပင် ရှိကြသည်။ ထိုသို့သောသူများသည် ထိပ်တန်းတပည့်များကြားတွင် ဩဇာအာဏာကြီးမားသူများဖြစ်သည်။</p> <p>၎င်းတို့သည် ကမ္ဘာလှည့်နေသည့် ကျော်ကြားသူများလည်းဖြစ်ကြသည်။ ၎င်းတို့၏ စွမ်းအင်နှင့် အဆင့်အတန်းသည် လုံးလုံးလျားလျား ကွဲပြားခြားနားပေသည်။ ချူးယွင်ဖန်းကို သတ်ဖြတ်ရန် ရောက်လာသူသည် ဒြပ်မဲ့ကျွမ်းကျင်အဆင့် အထွတ်အထိပ် ကျင့်ကြံသူဖြစ်နေလိမ့်မည်ဟု ၎င်းတို့ မထင်မှတ်ထားခဲ့ပေ။  နောက်ကွယ်မှ အမိန့်ပေးသူသည် ချူးယွင်ဖန်းကို အလွန်မုန်းတီးနေ၍ အနည်းငယ်မျှ လွတ်မြောက်ခွင့် မပေးလိုကြောင်း သိသာထင်ရှားပေသည်။</p> <p> </p> <p>"နှမြောစရာပဲ"</p> <p> </p> <p>ချူးယွင်ဖန်း၏ မျက်နှာအမူအရာသည် အနည်းငယ်မျှ မပြောင်းလဲခဲ့ပေ။ သူပုန်ခေါင်းဆောင်သည် အခြားလူများကို ကြောက်လန့်အောင် ပြုလုပ်နိုင်သော်လည်း သူ့အပေါ်တွင် အနည်းငယ်မျှ မသက်ရောက်နိုင်ပေ။ ချူးယွင်ဖန်းကို တိုက်ခိုက်ခိုင်းခဲ့သူသည် အခြေအနေအားလုံးကို အလွန်ဂရုတစိုက် တွက်ဆထားသော်လည်း ချူးယွင်ဖန်း၏ စွမ်းအင်သည် ၎င်းတို့စိတ်ကူးထားသည်ထက် များစွာသာလွန်နေလိမ့်မည် ထင်မှတ်ထားမည် မဟုတ်ပေ။</p> <p> </p> <p>"သေလိုက်တော့" သူပုန်ခေါင်းဆောင်က အော်ဟစ်လိုက်သည်။</p> <p> </p> <p>ရုတ်တရက်ဆိုသလိုပင် ကောင်းကင်တစ်ခုလုံးတွင် သရဲတစ္ဆေများ၏ အော်ဟစ်သံများဖြင့် ပြည့်နှက်သွားသည်။ ကမ္ဘာကြီး ချက်ချင်းပင် ပြောင်းလဲသွားကာ နေသာသည့်နေ့တစ်နေ့သည် တစ္ဆေနယ်မြေအဖြစ် ရုတ်ချည်း ပြောင်းလဲသွားပုံပေါ်သည်။ ချူးယွင်ဖန်းက မော့ကြည့်လိုက်သောအခါ ကောင်းကင်တွင် ကြီးမားသည့် စည်းတံဆိပ်တစ်ခု လွင့်ပျံနေကြောင်း မြင်တွေ့လိုက်ရသည်။ ထိုစည်းတံဆိပ်သည် သာမန်စည်းတံဆိပ်များနှင့် မတူဘဲ မီးခိုးရောင်နှင့် အနက်ရောင်များ ရောစပ်နေကာ တစ္ဆေတစ်ရာည ပန်းချီကားကဲ့သို့ ကြောက်မက်ဖွယ် တစ္ဆေပုံများဖြင့် ရေးဆွဲထားသည်။</p> <p> </p> <p>ယခုအခါ တစ္ဆေပေါင်းများစွာသည် ပန်းချီကားထဲမှ ထွက်ပေါ်လာ၍ မိုင်ပေါင်းများစွာခန့်ကို တစ္ဆေနယ်မြေအဖြစ် ဖန်တီးပစ်လိုက်သည်။ တစ္ဆေတစ်ကောင်ချင်းစီတွင် အစိမ်းရောင်မျက်နှာနှင့် အစွယ်များ ရှိနေသည်။ ၎င်းတို့၏ မျက်နှာပေါ်တွင် သွေးမျက်ရည်များ စီးကျနေ၍ လွတ်မြောက်ရန် ရုန်းကန်နေကြသော်လည်း အတားအဆီးမှ မလွတ်မြောက်နိုင်ကြပေ။ ဤစည်းတံဆိပ်၏ စွမ်းအားရင်းမြစ်သည် ထိုအငြိုးအတေးများ စုစည်းရာမှ ဖြစ်ပေါ်လာခြင်းဖြစ်သည်။</p> <p> </p> <p>"ဟားဟားဟား ချူးယွင်ဖန်း၊ မင်း ဘယ်လိုသေမလဲဆိုတာ ကြည့်ရအောင်။ ကျုပ်ရဲ့ တစ္ဆေတစ်ရာညကနေ ဘယ်သူမှ မလွတ်မြောက်နိုင်ဘူး ကွ။ ကျုပ်ပန်းချီကားထဲမှာ တစ္ဆေဘုရင်တစ်ကောင် လိုအပ်နေတာနဲ့ အတော်ပဲ။ အခု ကျုပ် ဆုံးဖြတ်ချက်ကို ပြောင်းလိုက်ပြီ။ မင်းရဲ့ဝိညာဉ်ကို ထုတ်ယူပြီး ကျုပ်လက်နက်ရဲ့ တစ္ဆေဘုရင်အဖြစ် ဖန်တီးပစ်မယ်။ အခုကစပြီး မင်း ပြန်လည်မမွေးဖွားနိုင်ဘဲ ကျုပ်အတွက် ထာဝရအသုံးတော်ခံဖြစ်သွားစေရမယ်"</p> <p>သူပုန်ခေါင်းဆောင်က ချူးယွင်ဖန်းကို သေလူတစ်ယောက်ကဲ့သို့ ကြည့်ကာ ရယ်မောနေသည်။ ဤသည်မှာ စစ်သည်တစ်ယောက်အတွက် အဆိုးရွားဆုံးသော ပြစ်ဒဏ်ဖြစ်သည်။ အသက်ရှင်စဉ်တွင် ရှုံးနိမ့်၍ သေဆုံးရုံသာမကဘဲ သေပြီးနောက်တွင်လည်း ရန်သူက မိမိ၏ ဝိညာဉ်ကို ထုတ်ယူကာ အသုံးချခြင်းသည် အလွန်ရက်စက်သော နည်းလမ်းဖြစ်သည်။</p> <p> </p> <p>‘’ဒီတစ္ဆေတစ်ရာညကို ဖန်တီးဖို့ အပြစ်မဲ့တဲ့လူဘယ်နှစ်ယောက်ကို သတ်ထားလဲဆိုတာတောင် ကျုပ် မသိနိုင်ဘူး။ ခင်ဗျားအပြစ်တွေက အရမ်းကြီးလွန်းတယ် ကျုပ် ဒီနေ့ခင်ဗျားကို သတ်ပြီး အပြစ်တွေ ဆေးကြောဖို့ လူပြန်ဝင်စားခိုင်းရမယ်’’ ချူးယွင်ဖန်းက အော်ပြောလိုက်သည်။</p> <p> </p> <p>တစ္ဆေတစ်ရာညဟု ခေါ်ဆိုသော်လည်း ၎င်းအတွင်းတွင် တစ္ဆေပေါင်း တစ်သောင်းကျော် တည်ရှိနေသည်။ ဤသူပုန်များသည် ၎င်းတို့သတ်ဖြတ်ခဲ့သူများ၏ ဝိညာဉ်များကို ထုတ်ယူထားခြင်းဖြစ်သည်။ အပြစ်မဲ့သူများကို ရက်စက်စွာ သတ်ဖြတ်ထားသဖြင့် ဝိညာဉ်တိုင်းတွင် အငြိုးအတေးများ တွယ်ကပ်နေ၍ ၎င်းတို့သည် ထိုအငြိုးများကို အသုံးချနေခြင်းဖြစ်သည်။ ဤနည်းလမ်းသည် အလွန်ရက်စက်ဖွယ်ကောင်းလှသည်။ ဤအကြောင်းရင်းကြောင့် နတ်ဆိုးလမ်းစဉ်သည် မြန်ဆန်သော်လည်း လူအများအပြားက လက်မခံခြင်းဖြစ်သည်။</p> <p> </p> <p>"မင်းက ကျုပ်ကို သတ်မယ် ဟုတ်လား" သူပုန်ခေါင်းဆောင်က ဒေါသတကြီး အော်ဟစ်လိုက်သည်။</p> <p>ချူးယွင်ဖန်း၏ ခေါင်းပေါ်ရှိ တစ္ဆေတစ်ရာည ပန်းချီကားသည် ပိုမိုကြီးမားလာပြီးနောက် တစ္ဆေများစွာသည် ချူးယွင်ဖန်းထံသို့ အရှိန်အဟုန်ဖြင့် ပြေးဝင်လာသည်။ နောက်တစ်စက္ကန့်တွင် ချူးယွင်ဖန်း၏ ကိုယ်ခန္ဓာတစ်ဝိုက်၌ လျှပ်စီးစွမ်းအင်များ ပေါက်ကွဲထွက်လာ၍ တစ်မိုင်ပတ်လည်ခန့် လျှပ်စီးပင်လယ်အဖြစ် ပြောင်းလဲသွားလေသည်။ ချူးယွင်ဖန်းထံ ချီတက်လာသည့် တစ္ဆေများအားလုံး ချက်ချင်းပင် ပေါက်ကွဲပျက်စီးသွား၍ ဤနီးအနားသို့ပင် မချဉ်းကပ်နိုင်ကြပေ။ ချူးယွင်ဖန်း၏ မိုးကြိုးကိုယ်ခန္ဓာမှ ထွက်ပေါ်လာသော လျှပ်စီးစွမ်းအင်သည် တစ္ဆေများ၏ သဘာဝရန်သူဖြစ်သည်။ ထိုတစ္ဆေများသည် ချက်ချင်းပင် အပြီးသတ် ချေမှုန်းခံလိုက်ရသည်။</p> <p> </p> <p>"ထူးခြားတဲ့ ရုပ်ခန္ဓာပိုင်ရှင်လား" သူပုန်ခေါင်းဆောင်၏ မျက်လုံးများ ပြူးကျယ်သွားသည်။</p> <p>ထိုကြောက်မက်ဖွယ် စွမ်းအင်သည် သူ၏လက်နက်အတွက် အဆိုးရွားဆုံး ရန်သူဖြစ်သည်။ ထိုသို့သော ထူးခြားသည့် ခန္ဓာကိုယ်ပိုင်ရှင်များသည် ကြီးပြင်းလာသောအခါ ထိပ်တန်းကျွမ်းကျင်သူများဖြစ်လာလေ့ရှိသည်။ ထို့ကြောင့် လူအများစုသည် ထိုလူများကို ရန်မစလိုကြပေ၊ သို့သော် မိမိတွင် ရွေးချယ်စရာမရှိတော့ပေ။</p> <p> </p> <p>"သွားသေလိုက်" သူပုန်ခေါင်းဆောင်သည် အံကြိတ်၍ အော်ဟစ်လိုက်သည်။ သူသည် ချူးယွင်ဖန်းကို ရန်စမိသွားပြီဖြစ်သဖြင့် အပြီးတိုင် သတ်ဖြတ်ရမည်ဖြစ်သည်။ အကယ်၍ မသတ်ဖြတ်နိုင်ခဲ့ပါက သူသည် အနာဂတ်တွင် ချူးယွင်ဖန်း၏ လက်ချက်ဖြင့် သေဆုံးပေလိမ့်မည်။</p> <p>ထိုအချိန်တွင် ကောင်းကင်ရှိ ကြီးမားလှသော ပန်းချီကားသည် အရှိန်အဟုန်ဖြင့် ထိုးဆင်းလာသည်။ အထွတ်အထိပ်ဝိညာဉ်လက်နက်၏ ကြောက်မက်ဖွယ် ဖိအားကို လူတိုင်း ချက်ချင်း ခံစားလိုက်ရသည်။</p> <p>"ပျက်စီး" ချူးယွင်ဖန်းက အော်ဟစ်လိုက်သည်။</p> <p>ချူးယွင်ဖန်း၏ အရေပြားများမှ ရွှေရောင်အမွေးများ ပေါက်ထွက်လာခဲ့ရာ သူသည် ခဏအတွင်း တောင်ငယ်တစ်ခု အရွယ်အစားခန့် မွန်းစတားတစ်ကောင်အဖြစ် ပြောင်းလဲသွားသည်။ ရိုင်းစိုင်းကြမ်းတမ်းသည့် အရှိန်အဝါများ ပေါက်ကွဲထွက်လာ၍ မိုင်အနည်းငယ်အထိ လွှမ်းခြုံသွားလေသည်။</p> <p> </p> <p>"ဘာတွေဖြစ်နေတာလဲ"</p> <p> </p> <p>ယူချူးယွင်နှင့် အခြားလူများသည် မွန်းစတားအသွင် ပြောင်းလဲသွားသည့် ချူးယွင်ဖန်းကို ကြည့်ကာ အံ့အားသင့်သွားကြသည်။ အထူးသဖြင့် ယူချူးယွင်က ပို၍ပင် အံ့အားသင့်နေသည်။ ချူးယွင်ဖန်းသည် ဝမ်ယိဖန်နှင့် လီချန်းယွမ်တို့ကို ရင်ဆိုင်စဉ်ကတည်းက မည်သို့ကြောင့် အားနည်းချက်မပြခဲ့သည်ကို သူ ယခုအချိန်မှ နားလည်သွားသည်။ ချူးယွင်ဖန်းသည် ဤကဲ့သို့သော ဝှက်ဖဲကို ၎င်းတို့အရှေ့တွင် တစ်ခါမျှ မထုတ်ပြခဲ့သည့်အပြင် အတွင်းစည်းတပည့် ပြိုင်ပွဲတွင်ပင် အသုံးမပြုခဲ့ပေ။</p> <p>အသုံးပြုလိုက်သည်နှင့် ပတ်ဝန်းကျင်တစ်ခုလုံး ထိုရက်စက်ကြမ်းတမ်းသည့် အရှိန်အဝါဖြင့် လွှမ်းခြုံသွားပေလိမ့်မည်။ သူပုန်ခေါင်းဆောင်ပင် ဤမြင်ကွင်းကို မြင်လိုက်ရသောအခါ ထိတ်လန့်တုန်လှုပ်သွားသည်။ ထိုအချိန်တွင် ချူးယွင်ဖန်းသည် လက်သီးနှစ်ဖက်စလုံးဖြင့် ထိုးလိုက်ရာ လေထုတစ်ခုလုံး ပျက်စီးပြိုကွဲသွားခဲ့သည်။ သူ၏ဧရာမ ခန္ဓာကိုယ်သည် လေထုထဲသို့ မြင့်တက်သွား၍ တစ္ဆေတစ်ရာည ပန်းချီကားနှင့် ရိုက်ခတ်မိသွားလေသည်။</p> <p> </p> <p>ဘုံး</p> <p> </p> <p>တောင်နှစ်လုံး ရိုက်ခတ်မိသကဲ့သို့ ကျယ်လောင်သော ပေါက်ကွဲသံကြီး ထွက်ပေါ်လာသည်။ ဟော့သည် ပန်းချီကားကို ၎င်း၏လက်သည်းဖြင့် ဖမ်းဆုပ်လိုက်ကြောင်း လူတိုင်း မြင်တွေ့လိုက်ရသည်။ ဟော့သည် ဒေါသတကြီး အော်ဟစ်လိုက်သောအခါ ပန်းချီကားတစ်ခုလုံး စုတ်ပြဲသွားလေသည်။</p> <p> </p> <p>ဘန်း</p> <p> </p> <p>ထိုအခါ ကြီးမားလှသော စည်းတံဆိပ်ကြီး နှစ်ခြမ်းကွဲထွက်သွားခဲ့သည်။ ပန်းချီကားတွင် ချုပ်နှောင်ခံထားရသည့် တစ္ဆေပေါင်းများစွာ နောက်ဆုံးတွင် လွတ်မြောက်သွားကြ၍ ချူးယွင်ဖန်းကို အရိုအသေပေးပြီးနောက် တဖြည်းဖြည်း ပျောက်ကွယ်သွားကြသည်။</p> <p> </p> <p> </p> <p> </p> <p> </p> <p style="text-align: center;">***</p>


Save