Book List

<h2 style="text-align: center;">အခန်း (၁၇၂၁)</h2> <h2 style="text-align: center;">ကျုပ် ဝမ်ယိဖန်ကို အသက်တစ်ရှိုက်အတွင်း သတ်နိုင်တယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>"ဘုံး" ဟူသော ကျယ်လောင်သည့်အသံနှင့်အတူ တစ္ဆေတစ်ရာည စည်းတံဆိပ်သည် ချူးယွင်ဖန်း၏ ဖျက်ဆီးမှုကြောင့် ကောင်းကင်ယံတွင် ပေါက်ကွဲသွားလေသည်။</p> <p> </p> <p>သူပုန်ခေါင်းဆောင်သည် သွေးများ အန်ထုတ်လိုက်သည်။ ပြန်လည်တုံ့ပြန်မှုဒဏ်ကြောင့် ပြင်းထန်စွာ ဒဏ်ရာရရှိသွားခဲ့သဖြင့် သူပုန်ခေါင်းဆောင်၏မျက်လုံးများတွင် ထိတ်လန့်မှုများဖြင့် ပြည့်နှက်နေသည်။ သူသည် ချူးယွင်ဖန်းကြောင့် အသက်ထွက်မတတ် ကြောက်ရွံ့နေမိသည်။ သူ၏ဘဝတွင် ရန်သူများစွာနှင့် တိုက်ခိုက်ဖူးသော်လည်း ချူးယွင်ဖန်းကဲ့သို့ ကျိုးကြောင်းမဲ့စွာ ရက်စက်သူကို တစ်ခါမှ မမြင်တွေ့ဖူးပေ။ မည်သည့်ရန်သူမျိုးဖြစ်ပါစေ ချူးယွင်ဖန်းသည် တစ်ချက်တည်း သတ်ဖြတ်နိုင်ဟန်ရှိသည်။ ရိုးရှင်း၍ ကြမ်းတမ်းလှသော်လည်း အလွန်အမင်း ထိရောက်ပေသည်။</p> <p> </p> <p>"သေစမ်း"</p> <p> </p> <p>သူပုန်ခေါင်းဆောင်သည် တစ်စုံတစ်ခုကို ရိပ်မိသွားပုံရသည်။ သူသည် ချက်ချင်းပင် မီတာတစ်ထောင်ကျော်အကွာသို့ စတင်ထွက်ပြေးလေသည်။ သူ၏အရှိန်အဟုန်သည် တယ်လီပို့မှု ပြုလုပ်နေသကဲ့သို့ အလွန်မြန်ဆန်လှသည်။ နောက်တစ်ခဏတွင် ဧရာမလက်သည်းကြီးတစ်ခု ကောင်းကင်ယံမှ ကျဆင်းလာ၍ သူပုန်ခေါင်းဆောင်ကို နေရာတွင်ပင် အမှုန့်ချေပစ်လိုက်သည်။</p> <p> </p> <p>"ထွက်ပြေးမလို့လား" ဟော့သားရဲသည် ၎င်း၏ သွေးရောင်သမ်းနေသော ပါးစပ်ကြီးကို ဖွင့်ဟ၍ ကျယ်လောင်စွာ ဟိန်းဟောက်လိုက်သည်။ ၎င်း၏ခန္ဓာကိုယ်သည် အလွန်ကြီးမားသော်လည်း အရှိန်အဟုန်သည် သူပုန်ခေါင်းဆောင်ထက်ပင် ပိုမိုမြန်ဆန်နေသည်။</p> <p> </p> <p>ချက်ချင်းဆိုသလိုပင် ဟော့သားရဲသည် သူပုန်ခေါင်းဆောင်၏ အရှေ့သို့ ရောက်ရှိလာသည်။ ၎င်းသည် ပါးစပ်ကိုဖွင့်ဟကာ သူပုန်ခေါင်းဆောင်ထံ ကြောက်မက်ဖွယ် မီးတောက်များဖြင့် မှုတ်ထုတ်လိုက်သည်။</p> <p> </p> <p>"အား…."</p> <p>သူပုန်ခေါင်းဆောင်သည် မီးတောက်များဖြင့် လောင်ကျွမ်းနေစဥ် အော်ဟစ်ကာ ထွက်ပြေးနေသည်။ ရုတ်တရက်ဆိုသလိုပင် မီးတောက်များကြားမှ သွေးရောင်အရိပ်တစ်ခု ထွက်ပြေးသွားသည်။ သူပုန်ခေါင်းဆောင်သည် မြွေတစ်ကောင်ကဲ့သို့ အရေခွံချွတ်ပြီးနောက် သွေးရောင်အလင်းတန်းအဖြစ် ပြောင်းလဲကာ အဝေးသို့ ထွက်ပြေးသွားသည်။ ထိုအခါ ချူးယွင်ဖန်းသည် လှောင်ပြုံးပြုံးကာ ရိုက်ချလိုက်သည်။</p> <p> </p> <p>"ဘန်း"</p> <p> </p> <p>သူပုန်ခေါင်းဆောင်သည် လက်ဖဝါးဖြင့် ရိုက်နှက်ခံလိုက်ရသည်။ ထိုအခါ သူပုန်ခေါင်းဆောင်သည် မြေပြင်ပေါ်သို့ ကြယ်တံခွန်တစ်စင်း ကျရောက်လာသကဲ့သို့ မြေပြင်နှင့် ပြင်းထန်စွာ ရိုက်ခတ်ပြီးနောက် အရိုးများ အစိပ်စိပ်အမွှာမွှာ ကျိုးကြေကာ အဆက်မပြတ် အော်ဟစ်နေတော့သည်။ ကောင်းကင်မှ ဓားအလင်းတန်းတစ်ခု ကျဆင်းလာပြီးနောက် သူပုန်ခေါင်းဆောင်ကို မြေပြင်တွင် ထိုးစိုက်လိုက်သည်။ ဤသည်မှာ နတ်ဖြတ်ဓားဖြစ်သည်။ သူပုန်ခေါင်းဆောင်သည် ထိုနေရာတွင် အဆုံးသတ်သွားလေသည်။</p> <p> </p> <p>ယုချူးယွမ်နှင့် အခြားလူတို့သည် ဤမြင်ကွင်းကို ကြည့်၍ မှင်သက်နေကြသည်။ ဤသူပုန်အဖွဲ့ ပေါ်လာသည့်အချိန်မှစ၍ ၎င်းတို့သည် သေဆုံးရတော့မည်ဟု ထင်မှတ်ထားခဲ့ကြသည်။ သို့သော် ချူးယွင်ဖန်းက ၎င်းတို့အားလုံးကို အလွယ်တကူ သတ်ဖြတ်နိုင်ခဲ့သည်။</p> <p> </p> <p>"ဒါ စီနီယာချူးရဲ့ စွမ်းအင်အစစ်လား။ တော်တော်သန်မာတာပဲ"</p> <p> </p> <p>အခြားလူများသည် ချူးယွင်ဖန်း ဟော့သားရဲအဖြစ် ပြောင်းလဲသွားခြင်းကို မြင်သောအခါ ကြောက်ရွံ့ခြင်းမရှိဘဲ အလွန်ပျော်ရွှင်နေကြသည်။ ၎င်းတို့သည် ချူးယွင်ဖန်း၏ လှေပေါ်တွင် စီးနင်းလာသူများဖြစ်ကြသည်။ ချူးယွင်ဖန်း ပို၍သန်မာလေ၊ ၎င်းတို့ရရှိမည့် အကျိုးအမြတ်များ ပို၍များပြားလေဖြစ်သည်။ မူလတွင် ချူးယွင်ဖန်းသည် ဝမ်ယိဖန်နှင့် အခြားသူများ၏လက်ချက်ဖြင့် သေဆုံးသွားမည်ကို ၎င်းတို့ စိုးရိမ်ထိိတ်လန့်နေကြသည်။ အကယ်၍ ထိုသို့ဖြစ်ခဲ့လျှင် ၎င်းတို့၏ အနာဂတ်သည်လည်း ပျက်သုဉ်းသွားပေလိမ့်မည်။ သို့သော် ချူးယွင်ဖန်း၏ အံ့မခန်းစွမ်းအင်ကို မြင်တွေ့ပြီးနောက် ၎င်းတို့တွင် အဆုံးမရှိသော ယုံကြည်မှုများရရှိလာသည်။</p> <p> </p> <p>ကောင်းကင်ယံရှိ ဟော့သားရဲ၏ အမွေးများ တဖြည်းဖြည်း လျော့နည်းလာ၍ လူပုံစံသို့ ပြောင်းလဲသွားသည်။ ဤသည်မှာ ချူးယွင်ဖန်းမဟုတ်လျှင် ဘယ်သူဖြစ်မည်နည်း။ လက်ကိုဝှေ့ယမ်းလိုက်သောအခါ နတ်ဖြတ်ဓားသည် အလင်းတန်းအဖြစ် ပြောင်းလဲကာ ချူးယွင်ဖန်း၏လက်ထဲသို့ ရောက်ရှိသွားသည်။ ခဏအကြာတွင် ၎င်းသည် သူ၏ကိုယ်ခန္ဓာထဲတွင် ပျောက်ကွယ်သွားသည်။ ဤသည်မှာ ဓားသမားတစ်ယောက်၏ နည်းလမ်းဖြစ်သည်။ ဓားကို ကိုယ်ခန္ဓာအတွင်း သိမ်းဆည်းကာ မိမိ၏ သွေးများ၊ အသက်ဓာတ်များဖြင့် ကျွေးမွေးပြုစုခြင်းဖြင့် ဓားစွမ်းအင်များ နေ့စဉ်တိုးတက်လာကာ အလွန် ကြောက်မက်ဖွယ်ကောင်းလာမည်ဖြစ်သည်။</p> <p> </p> <p>ချူးယွင်ဖန်းသည် ဟော့အဖြစ် ပြောင်းလဲရန် သူ၏ နတ်စွမ်းအင်အများအပြားကို သုံးစွဲခဲ့သော်လည်း ခဏအတွင်း အများစု ပြန်လည်သက်သာလာသည်။ ဧကရာဇ်ခန္ဓာကိုယ်နည်းစနစ်၏ ကြောက်မက်ဖွယ်စွမ်းအင်သည် ဤအချိန်တွင် အလွန် သိသာထင်ရှားလာသည်။ တူညီသော အဆင့်၌ပင် ချူးယွင်ဖန်း၏ တိုက်ခိုက်ရေးစွမ်းရည်ကို အခြားသူများ သံသယဝင်လာကြသည်။</p> <p> </p> <p>ယုချူးယွမ်နှင့် အခြားလူများသည် ဤမြင်ကွင်းကို မြင်သောအခါ အံ့အားသင့်စွာ စုတ်သပ်နေမိသည်။ ချူးယွင်ဖန်းသည် လူပုံစံသို့ ပြောင်းလဲချိန်တွင် အနည်းငယ် မောဟိုက်နေကြောင်း ၎င်းတို့အားလုံး ရှင်းလင်းစွာ မြင်တွေ့လိုက်ရသော်လည်း ခဏအတွင်း လုံးလုံးလျားလျား ပြန်လည်ကောင်းမွန်လာသည်။ ချူးယွင်ဖန်း၏ စွမ်းအင်သည် ခန့်မှန်းရခက်သည်ဟု ၎င်းတို့ ပိုမိုခံစားလာရသည်။ သူသည် ကြောက်မက်ဖွယ်ကောင်းသော မွန်းစတားတစ်ကောင်ဖြစ်သည်။</p> <p> </p> <p>"သူတို့ အထောက်အထားတွေကို စစ်ဆေးဖို့ ခေါင်းတွေ ဖြတ်ပြီး စစ်ရေးဝန်ကြီးဌာနကို ပို့လိုက်" ချူးယွင်ဖန်းက ညွှန်ကြားလိုက်သည်။</p> <p> </p> <p>သူသည် ၎င်းတို့မည်သူမည်ဝါဖြစ်ကြောင်း မေးမြန်းခြင်းမရှိခဲ့ပေ၊ အကြောင်းမှာ မေးမြန်းရန်မလိုသောကြောင့်ဖြစ်သည်။ မည်သို့ပင်ဆိုစေကာမူ စစ်ရေးဝန်ကြီးဌာနရှိနေသဖြင့် ၎င်းတို့မည်သူမည်ဝါဖြစ်ကြောင်း အလွယ်တကူ ရှာဖွေနိုင်မည်ဖြစ်သည်။ ယခုအခါ ချူးယွင်ဖန်းတွင် ဧကရာဇ်နန်းတော်မှ ပေးအပ်ထားသည့် ဗိုလ်မှူးကြီးဟူသော ရာထူးတစ်ခုရှိနေသည်။ ဤလူများသည် ဧကရာဇ်နန်းတော်၏ ဗိုလ်မှူးကြီးတစ်ဦးကို တိုက်ခိုက်ခဲ့ခြင်းဖြစ်သည်။ လီချန်းယွမ်၏ လူများဖြစ်လျှင်ပင် ခေါင်းထွက်လာဝံ့မည် မဟုတ်ပေ။</p> <p> </p> <p>"သူတို့အတွက် သတ်မှတ်ထားတဲ့ ဆုလာဘ်တွေကို သေချာရှာဖွေပြီး အကုန်စုဆောင်းထားလိုက်"</p> <p> </p> <p>ဤလူများသည် လူပေါင်းများစွာကို သတ်ဖြတ်ခဲ့သော ရာဇဝတ်သားဟောင်းများဖြစ်ကြောင်း သိသာထင်ရှားသည်။ စစ်ရေးဝန်ကြီးဌာန၌ ၎င်းတို့၏ရာဇဝင်များ ရှိနေပေလိမ့်မည်။ ထိုကဲ့သို့သောလူများကို သတ်ဖြတ်နိုင်လျှင် ဆုလာဘ်များ အလွန်များပြားပေလိမ့်မည်။ အကြောင်းမှာ ၎င်းတို့သည် ဒြပ်မဲ့ကျွမ်းကျင်အဆင့် ကျင့်ကြံသူများဖြစ်၍ ရာဇဝတ်သားများစွာအနက် ထူးချွန်သူများဟု သတ်မှတ်ခံထားရသောကြောင့်ဖြစ်သည်။</p> <p> </p> <p>ယုချူးယွမ်နှင့် အခြားလူများသည် ဤစကားကို ကြားသောအခါ ခေါင်းများ အမြန်ဖြတ်၍ စုဆောင်းလိုက်ကြသည်။ ပြီးနောက် ၎င်းတို့ကို နေရာလွတ်အိတ်ထဲသို့ ထည့်လိုက်ကြသည်။ ပေါင်ထိုက်မြို့သို့ ရောက်သောအခါ ၎င်းတို့၏ အထောက်အထားများကို စစ်ဆေးရန် တရားဝင်လမ်းကြောင်းမှတစ်ဆင့် စစ်ရေးဝန်ကြီးဌာနသို့ ထိုခေါင်းများ ပေးပို့ရပေလိမ့်မည်။</p> <p> </p> <p>"စီနီယာချူး၊ စီနီယာရဲ့ သိုင်းပညာက တကယ့်ကို ပြိုင်ဘက်ကင်းတာပဲ။ မကြာခင် ဝမ်ယိဖန်တောင် စီနီယာကို မယှဥ်နိုင်လောက်တော့ဘူး" ချူးယွင်ဖန်း၏ လက်အောက်ငယ်သားတစ်ဦးက ပြောလာသည်။ သူ၏အသံတွင် စိတ်လှုပ်ရှားမှုများဖြင့် ပြည့်နှက်နေသည်။ ချူးယွင်ဖန်းသည် ဤရာဇဝတ်သားများကို မည်မျှလွယ်ကူစွာ သတ်ဖြတ်လိုက်ခြင်းကို တွေးမိသောအခါ သူ အလွန်စိတ်လှုပ်ရှားနေမိသည်။</p> <p> </p> <p>"ကျုပ်က ဝမ်ယိဖန်လို လူကို ဘာလို့ ဂရုစိုက်ရမှာလဲ။ သူ ကျုပ်ကို နောက်ကွယ်ကနေ လုပ်ကြံရင် ကိစ္စမရှိပေမယ့် ကျုပ် အရှေ့ထွက်လာရဲရင်တော့ ကျုပ် သူ့ကို အသက်တစ်ရှိုက်အတွင်းတောင် သတ်ပစ်နိုင်တယ်" ချူးယွင်ဖန်းက လှောင်ရယ်၍ ပြောလိုက်သည်။</p> <p> </p> <p>သူ၏စိတ်ထဲတွင် ရှိနေသော အစစ်အမှန် ရန်သူသည် လီချန်းယွမ်ဖြစ်သည်။ ဝမ်ယိဖန်ဟူသည် မပြောပါ့လောက်ပေ။ သူ၏လက်ထဲတွင်ရှိသော ဓားအလင်းရောင်မန္တန်ဖြင့်ဆိုလျှင် ဝမ်ယိဖန်ကို သတ်ဖြတ်ခြင်းသည် ဖုန်မှုန့်များ မှုတ်ထုတ်သကဲ့သို့ လွယ်ကူပေလိမ့်မည်။ ဝမ်ယိဖန်မဆိုနှင့် လီချန်းယွမ်ပင် ဓားအလင်းရောင်မန္တန်ကြောင့် အကြီးအကျယ် ထိခိုက်ခဲ့ရသည်။</p> <p> </p> <p>သို့သော် ချူးယွင်ဖန်းသည် လီချန်းယွမ်ကို ရင်ဆိုင်ရာတွင် ဓားအလင်းရောင်မန္တန်ကို အသုံးပြုရန် စီစဉ်ထားသဖြင့် ၎င်းကို အခြားနေရာတွင် အသုံးမပြုခြင်းက အကောင်းဆုံးဖြစ်ပေလိမ့်မည်။ သို့သော် ဝမ်ယိဖန်သာ ကိုယ်တိုင်လှုပ်ရှားဝံ့ပါက ချူးယွင်ဖန်းက သူ့ကို အဆုံးသတ်ရပေလိမ့်မည်။ ချူးယွင်ဖန်း၏ အမူအရာကို မြင်လိုက်ရသောအခါ သူသည် ကြွားဝါခြင်းမဟုတ်ကြောင်း လူတိုင်း သိလိုက်ကြသည်။ ၎င်းတို့အားလုံးသည် ချူးယွင်ဖန်း၏ ယုံကြည်မှုကြောင့် စိတ်ဓာတ်တက်ကြွလာကြသည်။ သူသည် ရထားလုံးထဲတွင် ကျင့်ကြံနေခဲ့ကြောင်း ၎င်းတို့ နားလည်သွားကြသည်။ ယခုအခါ သူ၏ကျင့်ကြံမှု အောင်မြင်စွာပြီးဆုံး၍ သီးသန့်ကျင့်ကြံရာမှ ထွက်လာလေသည်။</p> <p> </p> <p>"အကုန်သိမ်းဆည်းပြီး ပေါင်ထိုက်မြို့ကို ဆက်သွားကြစို့။ ဒီနေရာက ဘယ်လိုနဂါးတွင်း၊ ကျားတွင်းဖြစ်မလဲဆိုတာ ကျုပ် ကြည့်ချင်သေးတယ်" ချူးယွင်ဖန်းက အေးစက်စက် အပြုံးတစ်ခုဖြင့် ကျယ်လောင်စွာ ပြောလိုက်သည်။</p> <p> </p> <p>"ဟုတ်ကဲ့ပါ၊ စီနီယာချူး"</p> <p>လူတိုင်းသည် ၎င်းတို့၏ ပစ္စည်းများကို အမြန်သိမ်းဆည်းကာ မြင်းများအပေါ် ပြန်တက်သွားကြသည်။ ၎င်းတို့၏ စီးတော်မြင်းများသည် တိမ်တိုက်များကို စီးနင်း၍ ပေါင်ထိုက်မြို့ဆီ ဦးတည် ပျံသန်းသွားလေသည်။ မကြာမီတွင် လူတိုင်း အရှေ့တွင် မြို့တစ်မြို့ ပေါ်ပေါက်လာသည်။</p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save