Book List

<h2 style="text-align: center;">အခန်း (၁၇၂၃)</h2> <h2 style="text-align: center;">ရက်စက်သော ရှင်းလင်းမှု</h2> <h2 style="text-align: center;">သွေးမြစ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>စစ်တပ်၏ စည်ကို သုံးကြိမ်တီးခတ်ပြီးနောက် ချူးယွင်ဖန်း၏ ရုံးခန်းအရှေ့တွင် လူတစ်ဒါဇင်ခန့်သာ ရပ်တန့်နေကြသည်။ ၎င်းတို့သည် တပ်ကြပ်များသာဖြစ်ကြကာ တပ်မှူးအဆင့်ရှိသူဟူ၍ တစ်ဦးသာ ပါဝင်သည်။</p> <p>"ဒီလောက်ပဲ ရောက်လာကြတာလား" ချူးယွင်ဖန်းသည် သူ့အရှေ့ရှိ ငေးငိုင်နေသော လူတစ်ဒါဇင်ခန့်ကို တစ်ချက်ကြည့်လိုက်သည်။</p> <p> </p> <p>အဆိုပါအရာရှိများသည် ချူးယွင်ဖန်းကို အနည်းငယ် ကြောက်ရွံ့စွာ ကြည့်နေကြသည်။ ဤဗိုလ်မှူးကြီးအသစ်သည် မကောင်းသောရည်ရွယ်ချက်ဖြင့် ရောက်ရှိလာပုံရသည်။ ယခင်က ရောက်ရှိလာသည့် ဗိုလ်မှူးကြီးများသည် ဂိုဏ်းအသီးသီးမှ ဆင်းသက်လာကြ၍ အချို့သည် တော်ဝင်နန်းတော်၏ အဓိကအင်အားစုများဖြင့်ပင် ဆက်နွယ်နေကြသည်။ ၎င်းတို့သည် ကြီးမားသော ပံ့ပိုးမှုများ လုပ်ဆောင်ရန် ရောက်ရှိလာကြခြင်းဖြစ်သည်။</p> <p> </p> <p>"သိပ်ကောင်းတယ်" ချူးယွင်ဖန်းက လှောင်ရယ်လိုက်သည်။</p> <p>"ယုချူးယွမ်၊ စည်းကမ်းအတိုင်း စည် သုံးကြိမ်တီးပြီးတဲ့အထိ မလာရောက်သူတွေကို ကျုပ်တို့ ဘယ်လိုကိုင်တွယ်ကြမလဲ"</p> <p> </p> <p>"ခေါင်းဖြတ်ကွပ်မျက်ရမှာပါ စီနီယာချူး" ယုချူးယွမ်က ကျယ်လောင်စွာ ပြန်ပြောလာသည်။</p> <p> </p> <p>အရာရှိများ၏ မျက်နှာများ ဖြူဖျော့သွားကြသည်။ စစ်ဥပဒေအရ ခေါင်းဖြတ်သတ်နိုင်သော အခြေအနေပေါင်း ဒါဇင်နှင့်ချီရှိသည်။ ၎င်းတို့အနက် တစ်ခုသည် သတ်မှတ်ချိန်အတွင်း မရောက်ရှိလျှင် ခေါင်းဖြတ်ခံရနိုင်ခြင်းဖြစ်သည်။ သို့သော်လည်း ဤဒုတိယတန်းစားတပ်များ အမြဲတစေ ပေါ့လျော့စွာ ပြုမူတတ်ကြ၍ ပေါင်ထိုက်မြို့၏ ကာကွယ်ရေးတပ်သားများသည်လည်း အချိန်ကြာမြင့်စွာ စည်းကမ်းမဲ့စွာ နေထိုင်ခဲ့ကြသည်။ ၎င်းတို့သည် မိမိကိုယ်ကို ကာကွယ်နိုင်စွမ်းရှိသော်လည်း အခြားသူများ ကျဆုံးခြင်းကိုမူ တားဆီးနိုင်စွမ်း မရှိပေ။</p> <p> </p> <p>"ဗိုလ်မှူးကြီး၊ ဒုဗိုလ်မှူးကြီးကို အကြောင်းကြားသင့်ပါမလား" ထိုနေရာတွင်ရှိနေသည့် တစ်ဦးတည်းသော တပ်မှူးက သတိကြီးစွာ မေးလိုက်သည်။</p> <p> </p> <p>"မလိုဘူး ကျုပ်က ဒီတပ်စခန်းရဲ့ဗိုလ်မှူးကြီးပဲ။ အမိန့်ပေးလိုက်၊ မလာရောက်တဲ့ လူအားလုံးကို ခေါင်းဖြတ်သတ်ပြီး သူတို့ခေါင်းတွေကို စခန်းအရှေ့မှာ သတိပေးချက်အနေနဲ့ ချိတ်ဆွဲထားလိုက်" ချူးယွင်ဖန်းက အေးစက်စွာ ရယ်မောလိုက်သည်။</p> <p> </p> <p>ရှုပ်ထွေးနေသော ကမ္ဘာကြီးတွင် ပြင်းထန်သော ဥပဒေများကို အသုံးပြုရမည်ဖြစ်ရာ အထူးသဖြင့် စစ်တပ်အတွင်း ပို၍ပင် ပြင်းထန်စွာ ဆောင်ရွက်ရမည်ဖြစ်သည်။ သနားညှာတာမှု ပြသလိုက်ပါက ဤပျက်စီးနေသော စစ်သားများသည် ၎င်းတို့​၏ခေါင်းပေါ်သို့ တက်နင်းသွားပေလိမ့်မည်။</p> <p> </p> <p>"ယုချူးယွမ်၊ ကျုပ်တို့ လူတွေကို ခေါ်သွားပြီး အားလုံးကို ဖမ်းလာခဲ့"</p> <p> </p> <p>"ဟုတ်ကဲ့၊ စီနီယာချူး" ယုချူးယွမ်က ပြန်ဖြေပြီးနောက် ကြယ်ကြွေကောင်းကင်ဂိုဏ်း၏ တပည့်ဆယ်ဦးကို ခေါ်ဆောင်ကာ တောင်ပေါ်မှ ဆင်းလာသည့် ကျားများကဲ့သို့ ရုံးခန်းအပြင်ဘက်သို့ ထွက်ခွာသွားသည်။</p> <p> </p> <p>အမွေးတိုင်တစ်တိုင်စာမျှသာ ကြာမြင့်ချိန်တွင် စခန်းအတွင်းရှိ တာဝန်ပျက်ကွက်ခဲ့သော အရာရှိများအားလုံးကို ဖမ်းဆီး၍ ဗိုလ်မှူးကြီး ရုံးခန်းအရှေ့တွင် ဒူးထောက်စေခိုင်းလိုက်ကြသည်။ အဆိုပါအရာရှိများသည် စစ်တပ်တွင် အကောင်းဆုံးများဖြစ်ကြသော်လည်း ၎င်းတို့၏ ကျင့်ကြံမှုသည် ယုချူးယွမ်တို့နှင့် မယှဉ်နိုင်ပေ။ ခုခံသူများကို သေလုမျောပါးဖြစ်သည်အထိ ရိုက်နှက်ပြီးနောက် ခွေးသေကောင်များကဲ့သို့ ဆွဲခေါ်လာကြသည်။</p> <p> </p> <p>"ခင်ဗျား ကျုပ်ကို မသတ်ရဲပါဘူး။ ကျုပ်က တော်ဝင်နန်းတော်က အရာရှိပဲ"</p> <p> </p> <p>"ကျုပ်ကို မသတ်ပါနဲ့။ ကျုပ်က ချန်မိသားစုဝင်ပါ။ ခင်ဗျား ကျုပ်ကို သတ်ရင် ချန်မသားစုက ခင်ဗျားကို ဘယ်တော့မှ လွှတ်ပေးမှာ မဟုတ်ဘူး"</p> <p> </p> <p>"ကျေးဇူးပြုပြီး ကျွန်တော့်ကို အသက်ချမ်းသာပေးပါ။ ဗိုလ်မှူးကြီး"</p> <p> </p> <p>ဤလူများသည် ဆဲဆိုခြင်း သို့မဟုတ် အသက်ချမ်းသာပေးရန် တောင်းဆိုနေကြသော်လည်း ချူးယွင်ဖန်း၏ ဆုံးဖြတ်ချက်ကို မလှုပ်ခတ်နိုင်ကြပေ။ သူ၏အမိန့်ဖြင့် အဆိုပါအရာရှိများ ခေါင်းဖြတ်ခံလိုက်ရသည်။ ထိတ်လန့်နေသော အမူအရာများ ပါရှိနေသည့် ၎င်းတို့၏ ဦးခေါင်းများကို စခန်းအတွင်းရှိ စစ်သားအားလုံး မြင်နိုင်စေရန် အလံတိုင်များတွင် ချိတ်ဆွဲထားလိုက်သည်။ စစ်တပ်စခန်းလုံး ချက်ချင်းပင် တုန်လှုပ်သွားကြသည်။ ဤတစ်ကြိမ်တွင် ခက်ထန်သော ဗိုလ်မှူးကြီးတစ်ဦးရောက်ရှိလာကြောင်း လူတိုင်း သိရှိသွားကြသည်။ ယခင် ဗိုလ်မှူးကြီးများသည် သန်မာသူများဖြစ်ကြသော်လည်း ချူးယွင်ဖန်းကဲ့သို့ အခြေအတင် ပြောဆိုရန် အခွင့်အရေးမပေးဘဲ ခေါင်းဖြတ်ကွပ်မျက်ခြင်း မရှိခဲ့ဖူးပေ။ ချူးယွင်ဖန်းကို အလွယ်တကူ အနိုင်ကျင့်နိုင်မည်ဟု မည်သူမျှ  မထင်ရဲတော့ပေ။</p> <p> </p> <p>ဤအရာရှိများကို သတ်ဖြတ်ပြီးနောက် ချူးယွင်ဖန်းသည် စိတ်မကျေနပ်သေးပေ။ သူသည် ယုချူးယွမ်နှင့် အခြားလူများကို စတင်လှုပ်ရှားရန် အမိန့်ပေးလိုက်သည်။ အခြားအရာရှိများ၏ လမ်းညွှန်မှုဖြင့် ကျန်ရှိနေသော စစ်သား ဒါဇင်ခန့်ကို ပြည့်တန်ဆာအိမ်များနှင့် လောင်းကစားရုံများမှ ဆွဲထုတ်လာသည်။ ၎င်းတို့သည်လည်း ဖမ်းဆီးခံရပြီးနောက် ခေါင်းဖြတ်ကွပ်မျက်ခံလိုက်ရသည်။</p> <p> </p> <p>ချူးယွင်ဖန်း ဖန်တီးလိုက်သော မုန်တိုင်းသည် စစ်စခန်းကိုသာမကဘဲ ပေါင်ထိုက်မြို့ရှိ အဓိကအင်အားစုများကိုပင် တုန်လှုပ်သွားစေသည်။ ချူးယွင်ဖန်းသည် တိတ်တဆိတ် ရောက်ရှိလာခြင်း ဖြစ်သည်။ မြို့သို့ ရောက်ရှိပြီးနောက် ဒုဗိုလ်မှူးကြီး၏ နေအိမ်သို့ မသွားဘဲ စစ်စခန်းသို့ တိုက်ရောက်သွားရောက်ခဲ့သည်။ လူများစွာသည် ဗိုလ်မှူးကြီးအသစ် ရောက်ရှိလာခြင်းကို မသိကြသော်လည်း ယခုအခါ ချူးယွင်ဖန်းသည် သူ၏ဖြစ်တည်မှုကို ပြင်းထန်သော နည်းလမ်းဖြင့် ကြေညာလိုက်သည်။ ဤပြင်းထန်သော နည်းလမ်းဟူသည် စီတန်းနေသော ဦးခေါင်းများဖြစ်သည်။</p> <p> </p> <p>အဆိုပါအရာရှိများကို သတ်ဖြတ်ပြီးနောက် ချူးယွင်ဖန်းသည် ကျန်ရှိသော စစ်သားများအနက် တပ်ကြပ်နှင့် တပ်စုမှူးကဲ့သို့သော အဆင့်နိမ့်အရာရှိများ ရွေးချယ်ရန် စီစဉ်လိုက်သည်။ ချူးယွင်ဖန်းသည် ပြည်ထာင်စုတွင် စစ်တပ်ကို ဦးဆောင်ခဲ့သူဖြစ်သည့်အတွက် ဤကိစ္စများနှင့် အလှမ်းဝေးသူ မဟုတ်ပေ။</p> <p> </p> <p>သူ၏ ထိန်းချုပ်မှုအောက်တွင် ကိစ္စရပ်များ အလွယ်တကူ ဖြေရှင်းသွားသည်။ စစ်စခန်းတစ်ခုလုံး ယခင်ကဲ့သို့ အသက်မမဲ့တော့ဘဲ ချက်ချင်းပင် သက်ဝင်လှုပ်ရှားလာသည်။ တစ်ချိန်တည်းမှာပင် သူသည် သူ၏လက်အောက်ငယ်သားများကို တပ်မှူးနှင့် လက်ထောက်တပ်မှူးများအဖြစ် ခန့်အပ်လိုက်သည်။ ယုချူးယွမ်ကို ဒုဗိုလ်မှူးကြီးအဖြစ် ခန့်အပ်လိုက်သောကြောင့် ချူးယွင်ဖန်းပြီးလျှင် စစ်တပ်၏ ဒုတိယမြောက် အာဏာဩဇာအရှိဆုံးလူဖြစ်လာသည်။ ပြီးနောက် ချူးယွင်ဖန်းသည် ယခင် ဒုဗိုလ်မှူးကြီးကို ရာထူးမှ ထုတ်ပယ်ကြောင်း ကြေညာလိုက်သည်။</p> <p> </p> <p>ဤအရာရှိများသည် အဆင့်နိမ့် အရာရှိများဖြစ်သောကြောင့် ချူးယွင်ဖန်း စိတ်ကြိုက် စီစဉ်နိုင်သည့်အပြင် ကြီးမြတ်သော တရှ၏ စစ်ရေးဝန်ကြီးဌာနသည် ဤကိစ္စများကို အာရုံစိုက်မည် မဟုတ်ပေ။ ၎င်းတို့သည် မိမိတန်ဖိုးကို သက်သေပြရန်သာ လိုအပ်သည်။ ဗိုလ်မှူးကြီးတစ်ဦးဆိုသည် ကြီးမြတ်သောတရှရှိ စစ်ရေးဝန်ကြီးဌာန၏ အမြင်တွင် အရာရှိငယ်တစ်ဦးသာဖြစ်သည်။ လီချန်းယွမ်ကြောင့်သာ မဟုတ်လျှင် မည်သူမျှ သူ့ကို ဂရုစိုက်မည် မဟုတ်ပေ။</p> <p> </p> <p>သို့သော်လည်း ပေါင်ထိုက်မြို့၏ ဒုဗိုလ်မှူးကြီးသည် သူ့အရှေ့တွင် ပေါ်မလာခဲ့ပေ။ ချူးယွင်ဖန်းသည် ထိုကိစ္စအတွက် အနည်းငယ်မျှ အလျင်စလိုမဖြစ်မိပေ။ သူသည် ဤနေရာရှိ လူများကို ဖိနှိပ်ရန် သူ၏ အကြွင်းမဲ့ အာဏာကို အသုံးပြုနေခြင်းဖြစ်သည်။ ထိုလူ ပေါ်မလာပါက ချူးယွင်ဖန်းသည် သူ့ကို စစ်ပြေးတစ်ဦးအဖြစ် တိုင်ကြားမည်ဖြစ်၍ ထိုဒုဗိုလ်မှူးကြီးသည် အဆိုးရွားဆုံး သေခြင်းတရားနှင့် ကြုံတွေ့ရပေလိမ့်မည်။ ကြီးမြတ်သော တရှသည် စစ်ပြေးများကို အလွန်ပြင်းထန်စွာ အပြစ်ပေးလေ့ရှိ၍ ၎င်းတို့၏ မိသားစုများပင် ထောင်ထဲသို့ ရောက်သွားနိုင်သည်။</p> <p> </p> <p>ထိုအချိန် ချူးယွင်ဖန်းသည် ဗိုလ်မှူးကြီး ရုံးခန်းရှိ ထိုင်ခုံတွင် ထိုင်နေ၍ ယုချူးယွမ်နှင့် အခြားလူများသည် သူ့နံဘေးတွင် ထိုင်နေကြသည်။</p> <p>"ရှင်းလင်းရေးလုပ်ရင်းက စစ်သားတွေရဲ့ လစာတွေကို သူတို့အထက်က အရာရှိတွေ အလွဲသုံးစားလုပ်ထားတာကို တွေ့ထားပါတယ်။ ကြံ့ခိုင်တဲ့ တပ်သား ၅၀၀ ရှိရမှာဆိုပေမယ့် တပ်စခန်းမှာ စစ်သား ၃၀၀ ပဲ ရှိပါတယ်။ အရာရှိတွေက စစ်သား ၂၀၀ ရဲ့  လစာကို ယူပြီး စာရင်းမတင်ဘဲ ထုတ်ပယ်ထားတာပါ။ အဓိကတရားခံက အရင် ဒုဗိုလ်မှူးကြီး တင်းချန်ဆိုပေမယ့် အခု သူ့ကို ဘယ်နေရာမှာမှ ရှာမတွေ့ပါဘူး" ယုချူးယွမ်က အစီရင်ခံလိုက်သည်။</p> <p> </p> <p>"ရပါတယ်။ နောက်မှ စစ်ရေးဝန်ကြီးဌာနကို အစီရင်ခံစာ ပေးပို့ပြီး စစ်ပြေးတစ်ယောက်အဖြစ် တိုင်လိုက်မယ်။ သူ အခြားလူတွေရဲ့ လစာကို ထပ်ပြီး စားရဲမှာ မဟုတ်တော့ဘူး။ သူ ပေါ်လာတာ မပေါ်လာတာက အရေးမကြီးပါဘူး" ချူးယွင်ဖန်းသည် တင်းချန်ကို အနည်းငယ်မျှ အာရုံမထားပေ။ တင်းချန်သည် ဒုဗိုလ်မှူးကြီးအဆင့်ရှိ ပုရွက်ဆိတ်တစ်ကောင်သာ ဖြစ်သည်။</p> <p> </p> <p>"အခု စခန်းမှာ စစ်သား ၃၀၀ လောက်ပဲ ရှိနေတာက လက်ရှိ အကြီးဆုံး ပြဿနာပဲ။ မြို့ထဲက အဓိကအင်အားစုတွေအားလုံးက အလုပ်ကြမ်းခိုင်းဖို့ စစ်တပ်ကနေ လူ ၁၀၀ ကျော်လောက် ငှားထားပြီး တင်းချန်ရဲ့ တင်းမိသားစုက စစ်သားတွေကို အများဆုံး ငှားထားတယ်" ယုချူးယွမ်က သူစုဆောင်းထားသော အချက်အလက်များကို ဆက်လက်ပြောပြလာသည်။ "တင်းမိသားစုက ပေါင်ထိုက်မြို့မှာ ရာစုနှစ်ပေါင်းများစွာ အခြေချနေထိုင်နေခဲ့တာ။ သူတို့မိသားစုရဲ့ အခြေခံအုပ်မြစ်က တော်တော်လေး နက်ရှိုင်းတယ်။ ဒေသခံစစ်သားတွေက သူတို့မိသားစုအတွက် အလှည့်ကျ အလုပ်ကြမ်းလုပ်ပေးရပြီး တချို့ဆို သူတို့လက်အောက်မှာ အလုပ်ကြမ်းလုပ်ရင်း သေကုန်ကြတာ"</p> <p> </p> <p>ချူးယွင်ဖန်း၏ မျက်လုံးများတွင် အေးစက်စက် အလင်းရောင်တစ်ခု ပေါ်ပေါက်လာသည်။</p> <p>"ဘယ်လောက်တောင် ရဲတင်းလိုက်သလဲလို့။ ဒီဒေသခံ သူဌေးတွေက တစ်ဦးထက် တစ်ဦး ပိုပြီးရဲတင်းနေကြတာပဲ"</p> <p> </p> <p>ကြီးမြတ်သော တရှသည် အပြင်ပန်းတွင် တင်းကျပ်သော်လည်း အတွင်းပိုင်းတွင် လျော့ရဲနေသည်ဟု ချူးယွင်ဖန်း တွေးလိုက်သည်။ နေရာပေါင်းများစွာအနက် ထိန်းချုပ်မှုသည် အတော်လျော့ရဲနေခဲ့သည်။</p> <p> </p> <p> </p> <p> </p> <p> </p> <p style="text-align: center;">***</p>


Save