Book List

<h2 style="text-align: center;">အခန်း (၂၆၂)</h2> <h2 style="text-align: center;">မိုဘိုင်းဖုန်း</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">“ပြီးပြီဟေ့...”</p> <p style="text-align:justify"> </p> <p style="text-align:justify">လုချန် စိတ်လှုပ်ရှားစွာဖြင့် အော်ဟစ်လိုက်သည်။ သူ၏ စိတ်ထဲတွင် ပုံရိပ်ယောင် မိုဘိုင်းဖုန်းဆိုင်ကို နောက်ဆုံးတော့ တည်ဆောက်ပြီးစီးသွားခဲ့ပြီး လည်ပတ်အသုံးပြုရမည့် နည်းလမ်းများက ဉာဏ်အလင်းပွင့်လာသကဲ့သို့ သူ၏ ခေါင်းထဲသို့ ဒလဟော ဝင်ရောက်လာခဲ့သည်။</p> <p style="text-align:justify"> </p> <p style="text-align:justify">လုချန် မျက်လုံးမှိတ်လိုက်ရာ သူ၏စိတ်က မိုဘိုင်းဖုန်းဆိုင်နှင့် ချိတ်ဆက်သွားသည်။ သူ မျက်လုံးမှိတ်ထားသော်လည်း အရောင်းဝန်ထမ်းများ မရှိသည်မှအပ ၂၁ ရာစုက အထူးစတိုးဆိုင်တစ်ဆိုင်လို မြင်ကွင်းမျိုးက သူ၏ရှေ့တွင် ချက်ချင်း ပေါ်လာခဲ့သည်။</p> <p style="text-align:justify"> </p> <p style="text-align:justify">ဒီမြင်ကွင်းက လုချန်ကို အတိုင်းမသိ စိတ်လှုပ်ရှားသွားစေသည်။ ဒါက သူ၏ စိတ်ထဲက စိတ်ကူးယဉ်ပုံရိပ်ယောင်တစ်ခုသာ ဖြစ်ပေမယ့်၊ အိမ်မပြန်ရတာ ကြာပြီဖြစ်တဲ့ လူတစ်ယောက်က သူ့အိမ်တံခါးဝက ဓာတ်ပုံလေးတစ်ပုံကို မြင်လိုက်ရရင်တောင်မှ စိတ်လှုပ်ရှားပြီး ခံစားချက်တွေ ပြည့်လျှံသွားသလိုမျိုး ခံစားလိုက်ရသည်။</p> <p style="text-align:justify"> </p> <p style="text-align:justify">ယခုအချိန်တွင် လုချန်သည် ဆိုင်ထဲသို့ ဝင်လာသော ဖောက်သည်တစ်ယောက်လိုမျိုး ကောင်တာအမျိုးမျိုးရှေ့တွင် ရပ်ကာ တစ်ချိန်က သူနှင့် အရမ်းကို ရင်းနှီးကျွမ်းဝင်ခဲ့သော ဖုန်းမော်ဒယ်များကို လိုက်ကြည့်နေမိသည်။</p> <p style="text-align:justify"> </p> <p style="text-align:justify">Apple, Huawei, Samsung, Xiaomi… ဖုန်းတစ်လုံးစီ၏ အောက်တွင် စျေးနှုန်းများကို ရေးမှတ်ထားသည်။ ထိုအထဲတွင် Huawei နှင့် Xiaomi က စျေးအကြီးဆုံးဖြစ်ပြီး၊ Samsung နှင့် Apple က သူတို့နောက်မှာ ရှိနေသည်။ (တရုတ်ကြီးဇာတ်လမ်းဆိုတော့လည်း သူတို့တရုတ်ဖုန်းတွေကို ရှေ့ဆုံးက ထားတာပေါ့။ နားလည်သည်းခံပေးကြပါဗျာ)</p> <p style="text-align:justify"> </p> <p style="text-align:justify">တံတွေးတစ်ချက်ကို ခပ်ပြင်းပြင်း မျိုချလိုက်ပြီးနောက် လုချန်က အရင်က သူ အသုံးပြုခဲ့ဖူးသည့် မော်ဒယ်နှင့် တစ်ပုံစံတည်းတူသော Huawei ဖုန်းတစ်လုံးကို ဂရုတစိုက် ကောက်ကိုင်လိုက်သည်။</p> <p style="text-align:justify"> </p> <p style="text-align:justify">ဖုန်းကို ဖွင့်လိုက်သောအခါ ဖန်သားပြင်ပေါ်တွင် WeChat, QQ နှင့် Weibo အပါအဝင် သူနှင့် ရင်းနှီးကျွမ်းဝင်နေသော မရေမတွက်နိုင်သည့် အက်ပလီကေးရှင်း အိုင်ကွန်များကို တွေ့လိုက်ရသည်။</p> <p style="text-align:justify"> </p> <p style="text-align:justify">လုချန်၏ ပထမဆုံး ရွေးချယ်မှုက သူ၏ QQ အကောင့်အဟောင်းနှင့် စကားဝှက်ကို ထည့်သွင်းပြီး အကောင့်ဝင်ရန် ရွေးချယ်လိုက်ခြင်းဖြစ်သည်။</p> <p style="text-align:justify"> </p> <p style="text-align:justify">သူ့အသက်အရွယ်ရှိ လူတိုင်းနီးပါးက WeChat ကို အသုံးပြုကြသော်လည်း လုချန်က ဖုန်းနံပါတ်မရှိဘဲ အကောင့်ဝင်၍မရသဖြင့် QQ ကိုသာ ရွေးချယ်လိုက်ရသည်။</p> <p style="text-align:justify">(WeChat ဆိုတာက Facebook လိုမျိုး တရုတ် Social Media App တစ်ခုပါ။ ပုံတွေတင်လို့ရတယ်။ လိုက်ခ်ပေးလို့ရတယ်။ Comment ရေးလို့ရတယ်။ စာပို့ဖို့အတွက်ကျတော့ Facebook လိုမျိုး Messenger သက်သက် မလိုပဲ WeChat App ထဲမှာ ပဲ တစ်ခါတည်း လုပ်လို့ရတယ်။ ပြောရရင် WeChat က အစုံသုပ် App ပေါ့။ Kpay တို့လိုမျိုးပဲ WeChat ထဲမှာတင် ဘဏ်အကောင့်ထည့်ထားပြီး ငွေရှင်းလို့ပါ ရတယ်။ QQ ကတော့ Viber လိုမျိုး စာပို့တဲ့ App ထင်တယ်။ အဲ့ကောင်ကိုတော့ မသုံးဘူးတော့ သိပ်မသိဘူး)</p> <p style="text-align:justify"> </p> <p style="text-align:justify">သူ၏ မှတ်ဉာဏ်ထဲမှ ပင်ဂွင်းရုပ်လေးက 'လော့ဂ်အင် ဝင်နေသည်' ဟူသော စာတန်းလေးနှင့်အတူ ခေါင်းကို ဖြည်းညင်းစွာ ခါရမ်းပြနေသည်ကို ကြည့်ရင်း လုချန်၏ နှလုံးသားက လည်ချောင်းဝဆီသို့ ခုန်ထွက်လာမတတ် ခံစားလိုက်ရသည်။ သူ တစ်ခါမှ ဒီလောက်အထိ စိတ်မလှုပ်ရှားခဲ့ဖူးပေ။ သူ ကြွေရတဲ့ နတ်ဘုရားမလေး အွန်လိုင်းတက်လာတုန်းကတောင် ဒီလောက် မရင်ခုန်ခဲ့ဖူးချေ။</p> <p style="text-align:justify"> </p> <p style="text-align:justify">“ကျေးဇူးပြုပြီး… ကျေးဇူးပြုပြီး အကောင့်ဝင်လို့ ရပါစေ...”</p> <p style="text-align:justify"> </p> <p style="text-align:justify">သူ့နဖူးပေါ်မှ ချွေးစက်များပင် စီးကျလာသည်အထိ တီးတိုး ရေရွတ်နေမိသည်။</p> <p style="text-align:justify"> </p> <p style="text-align:justify">“ဘီ ဘီ ဘီ...”</p> <p style="text-align:justify"> </p> <p style="text-align:justify">လုချန်၏ နားထဲတွင် ကောင်းကင်ဘုံမှ တေးသံသာတစ်ခုလို ကြည်လင်ပြတ်သားသော အသံလေးတစ်ခု ထွက်ပေါ်လာသည်။</p> <p style="text-align:justify"> </p> <p style="text-align:justify">QQ လော့ဂ်အင် မျက်နှာပြင်ပေါ်တွင် မှိတ်တုတ်မှိတ်တုတ် ဖြစ်နေသော ပရိုဖိုင်ပုံများကို သူ မြင်လိုက်ရပြီး မက်ဆေ့ချ်များကို တစ်ခုပြီးတစ်ခု လက်ခံရရှိနေသည်။</p> <p style="text-align:justify"> </p> <p style="text-align:justify">“ငါ မက်ဆေ့ချ်တွေ လက်ခံရရှိနေတယ်ဟေ့...”</p> <p style="text-align:justify">ဒါက သူ့အတွက် ကြီးမားသော ဝမ်းမြောက်မှုတစ်ခု ဖြစ်နေသည်မှာ သေချာသည်။</p> <p style="text-align:justify"> </p> <p style="text-align:justify">ကံမကောင်းစွာဖြင့် အချက်တစ်ချက်က သူ့ကို စိတ်ပျက်သွားစေသည်။ ဒီမက်ဆေ့ချ်တွေ အားလုံးက QQ System ဆီက မက်ဆေ့ချ်တွေ၊ သတင်းတွေနဲ့ အီးမေးလ်တွေဆီက အမှိုက်သတိပေးချက်တွေသာ ဖြစ်ပြီး၊ သူ့ဆီ ပို့ထားတဲ့ စာတစ်စောင်မှ မပါဝင်ပေ။</p> <p style="text-align:justify"> </p> <p style="text-align:justify">“ဟူး… ကြည့်ရတာ ငါ့ရဲ့ တည်ရှိမှုက အရမ်းကို မှေးမှိန်လွန်းနေပုံရတယ်။ လပေါင်းများစွာ မက်ဆေ့ချ် မပို့ဘဲ နေတာတောင် ငါ့ကို ဘယ်သူမှ သတိတရ မရှိကြဘူးပဲ”</p> <p style="text-align:justify"> </p> <p style="text-align:justify">လတ်တလော ဘာတွေဖြစ်ပျက်နေလဲဆိုတာ သိချင်သဖြင့် သတင်းများကို သူ နှိပ်ကြည့်လိုက်သည်။</p> <p style="text-align:justify"> </p> <p style="text-align:justify">“တုန်လှုပ်ဖွယ်ရာ... အနောက်မြောက်ပိုင်း ကောင်းကင်ယံတွင် ကျင့်ကြံသူများ ပေါ်လာ၍ တစ်နိုင်ငံလုံးရှိ လူ ၁.၃ ဘီလီယံကို အံ့အားသင့်စေခဲ့သည်...”</p> <p style="text-align:justify"> </p> <p style="text-align:justify">“ဘာ......”</p> <p style="text-align:justify"> </p> <p style="text-align:justify">လုချန်က ခေါင်းစဉ်ကို ကြည့်လိုက်သည်။</p> <p style="text-align:justify"> </p> <p style="text-align:justify">အနောက်မြောက်ပိုင်း... အဲဒါက သူ့အိမ် မဟုတ်ဘူးလား။</p> <p style="text-align:justify"> </p> <p style="text-align:justify">ကျင့်ကြံသူတွေ... သူ ကူးပြောင်းလာတဲ့ အချိန်မှာပဲ ဒီကမ္ဘာက တစ်ယောက်ယောက်က ၂၁ ရာစုဆီကို ကူးပြောင်းသွားတာများလား။</p> <p style="text-align:justify"> </p> <p style="text-align:justify">သူ သတင်းကို အမြန် နှိပ်ဝင်ကြည့်လိုက်သည်။</p> <p style="text-align:justify"> </p> <p style="text-align:justify">“ဟူး...”</p> <p style="text-align:justify"> </p> <p style="text-align:justify">လုချန်၏ မျက်လုံးရှေ့တွင် ပေါ်လာသည်က 'ကျင့်ကြံသူ' ဟု စာတန်းရေးထားသော စွန်တစ်ကောင်ကို လွှတ်နေသည့် လူတစ်ယောက်၏ ပုံဖြစ်သည်။</p> <p style="text-align:justify"> </p> <p style="text-align:justify">“အိုကေ… ဒါက ဂျင်းသတင်းကြီးပဲ...”</p> <p style="text-align:justify"> </p> <p style="text-align:justify">သို့သော် သူ သတင်းကို ပိတ်လိုက်တော့မည့် ဆဲဆဲမှာပင် မည်းမှောင်သော အရိပ်တစ်ခုက သူ၏ အမြင်အာရုံထဲသို့ ဝင်ရောက်လာသည်။</p> <p style="text-align:justify"> </p> <p style="text-align:justify">'ကျင့်ကြံသူ' ဟု ရေးထားသော စွန်၏အနောက်ဘက်တွင် အမည်းစက်လေးတစ်ခု ရှိနေသည်။ ထိုအမည်းစက်လေးက အရမ်းကို သေးငယ်ပြီး မည်းမှောင်နေသောကြောင့် အခြားသူများ သတိမထားမိနိုင်သော်လည်း လုချန်ကတော့ ရှင်းရှင်းလင်းလင်း မြင်လိုက်ရသည်။</p> <p style="text-align:justify"> </p> <p style="text-align:justify">သူ ပုံကို ဆွဲချဲ့လိုက်ပြီး အမည်းစက်လေးကို စူးစိုက်ကြည့်လိုက်သည်။</p> <p style="text-align:justify"> </p> <p style="text-align:justify">တဖြည်းဖြည်းနှင့် ထိုအမည်းစက်လေးက သူ၏ မျက်လုံးထဲတွင် ရှင်းလင်းသော ပုံသဏ္ဍာန်တစ်ခုအဖြစ် ထွက်ပေါ်လာသည်။ ထိုခဏမှာပင် လုချန်၏ သူငယ်အိမ်များ ပြင်းထန်စွာ ကျုံ့ဝင်သွားတော့သည်။ အကြောင်းမှာ ထိုအမည်းစက်လေးသည် လေထုထဲတွင် ဖြတ်သန်းပျံသန်းနေသော ရထားလုံးတစ်စီး ဖြစ်နေသည်မှာ သိသာထင်ရှားလွန်းနေသောကြောင့်ပင်...</p> <p style="text-align:justify"> </p> <p style="text-align:justify">နောက်တစ်စက္ကန့်တွင် လုချန် သူ၏ သူငယ်အိမ်များအတွင်းမှ ပူလောင်သော ခံစားချက်ကို ခံစားလိုက်ရပြီး သူ၏ လက်များကလည်း လျှပ်စစ်စီးသွားသလို ထုံကျဉ်သွားသည်။ တုန်ယင်နေသော လက်အစုံဖြင့် ကိုင်ထားသော ဖုန်းက မြေပြင်ပေါ်သို့ ပြင်းထန်စွာ ပြုတ်ကျသွားတော့သည်။ လုချန် ဖုန်းကို ပြန်ကောက်ယူလိုက်သောအခါ အရင်က သူမြင်ခဲ့ရသော အိုင်ကွန်များအားလုံး ပျောက်ကွယ်သွားပြီး ဖန်သားပြင်ပေါ်တွင် ဘာမှမရှိတော့ဘဲ လုံးဝ ဗလာကျင်းနေတော့သည်။</p> <p style="text-align:justify"> </p> <p style="text-align:justify">“ဘာဖြစ်သွားတာလဲ။ ငါ နယ်နိမိတ်ကို ကျော်လွန်သွားမိလို့လား”</p> <p style="text-align:justify"> </p> <p style="text-align:justify">ထို့နောက် လုချန်က အခြားဖုန်းမော်ဒယ်များကို တစ်လုံးပြီးတစ်လုံး ဖွင့်ကြည့်လိုက်သော်လည်း သူတို့၏ ဖန်သားပြင်များကလည်း အားလုံး ဗလာကျင်းနေကြသည်။</p> <p style="text-align:justify"> </p> <p style="text-align:justify">ခဏတာမျှ လုချန်၏ စိတ်ထဲတွင် မေးခွန်းပေါင်းများစွာ ပေါ်ထွက်လာသည်။ အခုချိန်မှာ သူ ဘယ်နေရာကို ရောက်နေတာလဲ။ ပုံစံကြမ်းမှာ ဖော်ပြထားသလိုမျိုး သူက ပုံရိပ်ယောင် မိုဘိုင်းဖုန်းဆိုင်ထဲကို တကယ်ပဲ ရောက်နေတာလား။</p> <p style="text-align:justify"> </p> <p style="text-align:justify">ဒါပေမဲ့ တကယ်လို့ ဒါက ပုံရိပ်ယောင်သက်သက်သာဆိုရင် သူ့ရဲ့ QQ က ဘယ်လိုလုပ် အကောင့်ဝင်လို့ ရသွားတာလဲ။ ခုနက သတင်းကို သူ ဘယ်လိုမြင်လိုက်ရတာလဲ။ ဆစ်ဂနယ်က ဘယ်ကနေ ရောက်လာတာလဲ။</p> <p style="text-align:justify"> </p> <p style="text-align:justify">ဒီမိုဘိုင်းဖုန်းဆိုင်က ၂၁ ရာစုမှာ တကယ်ပဲ တည်ရှိနေတာများလား။ မဟုတ်ရင် ဆစ်ဂနယ် ပြဿနာကို ဘယ်လို ရှင်းပြမလဲ။</p> <p style="text-align:justify"> </p> <p style="text-align:justify">ထိုသို့ တွေးမိလိုက်သောအခါ သူ ဖုန်းကို ချက်ချင်းချထားခဲ့ပြီး မိုဘိုင်းဖုန်းဆိုင်၏ တံခါးဆီသို့ ပြေးသွားလိုက်သည်။</p> <p style="text-align:justify"> </p> <p style="text-align:justify">ကြီးမားသော တံခါးကြီးက အရှေ့တည့်တည့်မှာ ရှိနေသည်။ တံခါးနှင့် သုံးမီတာအကွာသို့ ရောက်ရှိသွားချိန်တွင် လုချန်က ကားဟွန်းသံကို တကယ်ပဲ ကြားလိုက်ရသည်။</p> <p style="text-align:justify"> </p> <p style="text-align:justify">“ငါ ပြန်ရောက်လာပြီလား”</p> <p style="text-align:justify"> </p> <p style="text-align:justify">သူ တံခါးအပြင်ဘက်သို့ လှမ်းကြည့်လိုက်သော်လည်း အရာအားလုံးက ဖရိုဖရဲဖြစ်နေပြီး ဘာတစ်ခုမှ ရှင်းရှင်းလင်းလင်း မမြင်ရပေ။ သို့သော် ကားဟွန်းသံကတော့ ပြတ်သားနေသည်။ ဒါက စိတ်ကူးယဉ် ထင်ယောင်ထင်မှား ဖြစ်နေတာ မဟုတ်ဘူးဆိုတာ သူ သေချာပေါက် သိသည်။</p> <p style="text-align:justify"> </p> <p style="text-align:justify">သူ တံခါးကို ဆွဲဖွင့်ရန် လက်လှမ်းလိုက်သော်လည်း တံခါးက မြဲမြံစွာ ပိတ်ဆို့နေသည်။</p> <p style="text-align:justify"> </p> <p style="text-align:justify">“တကယ်ပဲ ဘာတွေ ဖြစ်နေတာလဲ”</p> <p style="text-align:justify"> </p> <p style="text-align:justify">လုချန်၏ အသိစိတ်က တဖြည်းဖြည်းနှင့် သူ၏ ပင်မခန္ဓာကိုယ်ဆီသို့ ပြန်လည်ရောက်ရှိလာသည်။ နောက်တစ်စက္ကန့်တွင် သူ မျက်လုံးဖွင့်လိုက်ရာ တည်းခိုခန်းထဲမှာပဲ ရှိနေသေးကြောင်း တွေ့လိုက်ရသည်။ ခုနက ဖြစ်ပျက်သွားခဲ့သော မြင်ကွင်းက ဝိညာဉ်ထွက်သွားသလိုမျိုးဖြစ်ပြီး အစားအသောက်နယ်မြေဆီသို့ သွားရတဲ့ ခံစားချက်နဲ့ လုံးဝကို ကွာခြားနေသည်။</p> <p style="text-align:justify"> </p> <p style="text-align:justify">အစားအသောက်နယ်မြေဆိုတာက သူ၏ ပင်မခန္ဓာကိုယ်က အခြားသော ဘုံတစ်ခုဆီသို့ ကူးပြောင်းသွားတာဖြစ်ပြီး၊ ခုနက ဖြစ်ပျက်သွားခဲ့တာက စိတ်ပိုင်းဆိုင်ရာ ဝိညာဉ်ခန္ဓာကိုယ်သာ ဖြစ်သည်မှာ ရှင်းလင်းနေသည်။</p> <p style="text-align:justify"> </p> <p style="text-align:justify">“ဟူး”</p> <p style="text-align:justify"> </p> <p style="text-align:justify">လုချန် ခေါင်းခါလိုက်ပြီး တည်းခိုခန်း ကောင်တာနောက်တွင် ထိုင်ချလိုက်သည်။</p> <p style="text-align:justify"> </p> <p style="text-align:justify">“ငါ တွေးလွန်နေတာ နေမှာပါ။ ငါ ဒီကို ကူးပြောင်းလာပြီး ကမ္ဘာ့အမြင်ကို ဖွင့်ဖို့ မစ်ရှင်တွေနဲ့ 'အိမ်အပြန်လမ်း' တိုးတက်မှုတွေ ရှိနေမှတော့ အလွယ်တကူ ပြန်သွားလို့ ရမှာမဟုတ်ဘူးလေ”</p> <p style="text-align:justify"> </p> <p style="text-align:justify">မျက်လုံးမှိတ်လိုက်ပြီးနောက် သူ ပုံရိပ်ယောင်နယ်မြေထဲသို့ ပြန်လည်ဝင်ရောက်သွားသည်။ လုချန် ဖုန်းတစ်လုံးကို ကောက်ကိုင်လိုက်သည်။ ၎င်း၏ စျေးနှုန်းက မကြီးပါ၊ အကောင်းဆုံးဖုန်းကမှ ထိပ်တန်းအဆင့် စိတ်ဝိညာဉ်ကျောက်တုံး တစ်ရာသာ ကျသင့်သည်။</p> <p style="text-align:justify"> </p> <p style="text-align:justify">သေချာတာပေါ့… ဒါက လုချန်အတွက်တော့ စျေးမကြီးပေ။ သို့သော် သာမန်ပြည်သူတွေအတွက်ကတော့ ထိပ်တန်းအဆင့် စိတ်ဝိညာဉ်ကျောက်တုံး တစ်ရာဆိုတာ မပြောနဲ့၊ အဆင့်နိမ့် စိတ်ဝိညာဉ်ကျောက်တုံး တစ်တုံးကတောင် သာမန်မိသားစုတွေအတွက် တတ်နိုင်ဖို့ မလွယ်ကူပေ။ ဘာဖြစ်လို့လဲဆိုတော့ အဲဒါက ဒုတိယအဆင့်ဂိုဏ်းက တပည့်တစ်ယောက်ရဲ့ တစ်လစာ ကျင့်ကြံခြင်း အရင်းအမြစ်နဲ့ ညီမျှနေလို့ပင်။</p> <p style="text-align:justify"> </p> <p style="text-align:justify">လုချန်မှာလည်း အခြေခံအဖြစ် စိတ်ဝိညာဉ်ကျောက်တုံးတွေ ရှိနေတာကြောင့် ဖုန်းအလုံးရေ အတော်များများကို ဝယ်ယူလိုက်သည်။ သူ တည်းခိုခန်းထဲသို့ ပြန်ရောက်လာချိန်တွင် မိုဘိုင်းဖုန်း ခြောက်လုံးက ကောင်တာပေါ်တွင် တိတ်ဆိတ်စွာ ရှိနေကြသည်။</p> <p style="text-align:justify"> </p> <p style="text-align:justify">လုချန် တစ်လုံးကို ကောက်ကိုင်လိုက်ရာ ဖုန်းကို ချိတ်ဆက်မှု ပြုလုပ်ချင်သလားဆိုသည့် မေးခွန်းက ချက်ချင်း ပေါ်လာသည်။ အကယ်၍ ချိတ်ဆက်ချင်ပါက လတ်ဆတ်သော သွေးတစ်စက် ချပေးရန် လိုအပ်သည်။</p> <p style="text-align:justify"> </p> <p style="text-align:justify">ထိုသို့ ပြုလုပ်ပြီးနောက်။</p> <p style="text-align:justify"> </p> <p style="text-align:justify">“ချိတ်ဆက်မှု အောင်မြင်ပါသည်။ ချိတ်ဆက်မှု အကျိုးသက်ရောက်မှုက တစ်ဦးတည်းအတွက်သာ သီးသန့်ဖြစ်ပါသည်။ အကယ်၍ ပျောက်ဆုံးသွားပါက မိုဘိုင်းဖုန်းက သူ့အလိုလို ဖျက်ဆီးပစ်မည်ဖြစ်ပြီး ဝိညာဉ်နှင့် ပေါင်းစပ်သွားပါလိမ့်မည်”</p> <p style="text-align:justify"> </p> <p style="text-align:justify">ထိုနည်းတူစွာပင် မိုဘိုင်းဖုန်းနှင့် ပတ်သက်သော ရှင်းလင်းချက်များကလည်း လုချန်၏ စိတ်ထဲတွင် ပေါ်လာခဲ့သည်။</p> <p style="text-align:justify"> </p> <p style="text-align:justify">ချိတ်ဆက်ပြီးသည်နှင့် ၎င်းသည် သီးသန့် မိုဘိုင်းဖုန်းနံပါတ်တစ်ခုနှင့် ညီမျှသွားသည်။ တစ်စုံတစ်ယောက်နှင့် ဆက်သွယ်ချင်ပါက သင်၏ စိတ်ထဲတွင် တွေးလိုက်ရုံဖြင့် အလိုအလျောက် ဆက်သွယ်ပေးသွားမည်ဖြစ်သည်။</p> <p style="text-align:justify"> </p> <p style="text-align:justify">ယခုအချိန်တွင် မိုဘိုင်းဖုန်းတွင် အပိုလုပ်ဆောင်ချက်များ မရှိသေးဘဲ ဖုန်းခေါ်ဆိုသည့် လုပ်ဆောင်ချက် တစ်ခုတည်းသာ ပါဝင်သေးသည်။</p> <p style="text-align:justify"> </p> <p style="text-align:justify">“ကမ္ဘာ့အမြင် မစ်ရှင် (၁) ရဲ့ ပထမအဆင့် ပြီးဆုံးသွားပါပြီ။ ဆုလာဘ် - အက်ပလီကေးရှင်း တစ်ခု ဖန်တီးခွင့်။ ကျေးဇူးပြုပြီး ရွေးချယ်ပါ”</p> <p style="text-align:justify"> </p> <p style="text-align:justify">လုချန်၏ စိတ်ထဲတွင် အသံတစ်သံ ထပ်မံပေါ်လာပြီး မရေမတွက်နိုင်သော အက်ပလီကေးရှင်း ရွေးချယ်စရာများက သူ၏ရှေ့တွင် ပေါ်လာသည်။</p> <p style="text-align:justify"> </p> <p style="text-align:justify">“WeChat...”</p> <p style="text-align:justify"> </p> <p style="text-align:justify">လုချန် ဘာမှမစဉ်းစားဘဲ ၂၁ ရာစု၏ အသုံးအများဆုံး လူမှုကွန်ရက် ဆော့ဖ်ဝဲလ်ကို ပထမဆုံး ထည့်သွင်းလိုက်သည်။</p> <p style="text-align:justify"> </p> <p style="text-align:justify">WeChat သည် ထိုအချိန်က အသက်ဆယ့်သုံးနှစ်မှ ခုနစ်ဆယ့်သုံးနှစ်အထိ ၂၁ ရာစုရှိ လူတိုင်းနီးပါးအတွက် မရှိမဖြစ် လိုအပ်သော အရာတစ်ခုဖြစ်ပြီး နိုင်ငံခြားရှိ လူအတော်များများကလည်း WeChat ကို အသုံးပြုကြသည်။</p> <p style="text-align:justify"> </p> <p style="text-align:justify">App ကို ရွေးချယ်ပြီးသည်နှင့် ရင်းနှီးကျွမ်းဝင်နေသော WeChat အိုင်ကွန်လေးက မိုဘိုင်းဖုန်း မျက်နှာပြင်ပေါ်တွင် ပေါ်လာသည်။ လုချန်က ၎င်းကို ကျွမ်းကျင်စွာ ဖွင့်လိုက်သည်။ လော့ဂ်အင်ဝင်ရသည့် လုပ်ငန်းစဉ်က ရိုးရှင်းပါသည်။ ၎င်းက သူ၏ ဝိညာဉ်နှင့် ချိတ်ဆက်ပြီးသား ဖြစ်နေသည်။ လော့ဂ်အင် ဝင်ပြီးနောက် သူတစ်ယောက်တည်းသာ ရှိနေပြီး သူငယ်ချင်းတစ်ယောက်မှ မရှိသေးပေ။</p> <p style="text-align:justify"> </p> <p style="text-align:justify">*</p> <p style="text-align:justify"> </p>


Save