Book List

<h2 style="text-align: center;">အခန်း (၅၂၃)</h2> <h2 style="text-align: center;">ဟွန်ချွမ်ဘိုးဘေး၏ ဆက်ခံသူလား</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>ချန်ယွမ်၏ဓားက လီလဲ့၏ရင်ဘတ်ကိုထိုးဖောက်တော့မည့်ဆဲဆဲတွင် ဖြစ်လေသည်၊ အကယ်၍ ထိုဓားသာလီလဲ့၏ရင်ဘတ်ကိုထိုးဖောက်သွားပါက ထိုနေရာတွင်ရပ်နေသော ရန်ရှောက် ထျန်းကိုလည်းထိမှန်သွားပေလိမ့်မည်။</p> <p>ချန်ယွမ်၏ဓားက လီလဲ့၏နှလုံးသားကိုထိုးဖောက်သွားပြီး သူသေဆုံးတော့မည်ဟု အားလုံး ကထင်မှတ်နေကြစဉ်မှာပင် ရုတ်တရက်ချန်ယွမ်၏ဓားမှာ လေထဲတွင်ရပ်တန့်သွားခဲ့လေသည်။</p> <p>အားလုံးမှာဆွံ့အသွားကြတော့သည်။</p> <p>ဘယ်အချိန်ကတည်းကလဲမသိသော်လည်း ချန်ယွမ်၏ဓားကို လက်ချောင်းနှစ်ချောင်းကြား တွင်ညှပ်ထားသည်ကို သူတို့ မြင်တွေ့လိုက်ရခြင်းဖြစ်လေသည်။</p> <p>ချန်ယွမ်နှင့် လီလဲ့တို့ နှစ်ဦးစလုံးမှာ ရန်ရှောက်ထျန်းကို ကြောင်စီစီဖြင့်ကြည့်နေမိကြသည်။</p> <p>အထူးသဖြင့် ချန်ယွမ်ဖြစ်လေသည်၊ သူ၏ ရှည်လျားသောဓားကိုညှပ်ထားသူမှာ အသက် တစ်ဆယ့်ခြောက်၊ တစ်ဆယ့်ခုနစ်နှစ်အရွယ်ကောင်လေးတစ်ယောက်ဖြစ်နေသည်ကို မြင်လိုက်ရ သဖြင့် သူပို၍ပင် အံ့အားသင့်သွားတော့သည်။</p> <p>သူက ဘယ်သူလဲ။</p> <p>သူသည် ချန်တိုက်ကြီး၏ လူငယ်ဧကရာဇ်ကိုးပါးထဲမှ တစ်ဦးဖြစ်လေသည်။</p> <p>မျိုးဆက်သစ်လူငယ်များကိုမဆိုထားနှင့်၊ လီလဲ့ကဲ့သို့သောရှေးဟောင်းမျိုးဆက် ပညာရှင် များပင်လျှင် သူ၏ ပြိုင်ဘက်မဟုတ်ကြပေ။</p> <p>ယခုလေးတင် သူ အစွမ်းကုန်ထိုးနှက်လိုက်သောဓားချက်မှာ ကောင်လေးတစ်ယောက်၏ ညှပ်ခြင်းကို ခံလိုက်ရသည်တဲ့လား။</p> <p>လူအများ၏ စောင့်ကြည့်နေသောမျက်လုံးများအောက်တွင် ချန်ယွမ်အနည်းငယ် အရှက်ရ သွားသလိုခံစားလိုက်ရသည်။ သူ၏မျက်နှာမှာမှောင်မိုက်သွားပြီး သူ၏စစ်မှန်သောစွမ်းအားများကို အပြည့်အဝအသက်သွင်းလိုက်ရာ သူ၏လက်ထဲမှဓားထံမှ အံ့ဩဖွယ်ကောင်းသောဓားချီစွမ်းအင် များ ပေါက်ကွဲထွက်လာတော့သည်။</p> <p>“လွှတ်စမ်း” ဟု သူက ဟိန်းဟောက်လိုက်သည်။</p> <p>ဤဓားချက်၏တုန်ခါမှုက ထိုကောင်လေးကိုသေချာပေါက် လွင့်ထွက်သွားစေလိမ့်မည်ဟု သူက မူလကထင်မှတ်ထားခဲ့ခြင်းဖြစ်လေသည်။</p> <p>သို့သော် သူအံ့အားသင့်သွားသည်မှာ သူ၏ရှည်လျားသောဓားမှာ လုံးဝလှုပ်ရှားမှုမရှိဘဲ ရှိနေခြင်းပင်ဖြစ်လေသည်။</p> <p>ပတ်ဝန်းကျင်ရှိ အစွမ်းထက်သိုင်းပညာရှင်များမှာ ဤမြင်ကွင်းကိုကြည့်ကာ အံ့အားသင့် လွန်းသဖြင့် အသက်ရှူမှားသွားကြလေသည်။</p> <p>ပတ်ဝန်းကျင်ရှိ လူအုပ်ကြီးထံမှဆူညံသံများကိုကြားလိုက်ရသဖြင့် ချန်ယွမ်မှာပို၍ပင် ဒေါသ ထွက်သွားပြီး သူ၏နတ်ဘုရားပင်လယ်စစ်မှန်သောစွမ်းအားများကို အသက်သွင်းလိုက်လေသည်။ သူ၏ လက်ထဲမှဓားမှာဝီဝီနှင့်မြည်ကာ တုန်ခါနေသော်လည်း ဤအချိန်တွင် ရန်ရှောက်ထျန်းက သူ၏ လက်ချောင်းကို တစ်ချက်မျှသာ ခါယမ်းလိုက်ရာ ချန်ယွမ်၏ ဓားမှာ လွင့်ထွက်သွားခဲ့လေပြီ။</p> <p>ချန်ယွမ်မှာလည်း နောက်သို့လွင့်ထွက်သွားခဲ့ပြီး မထိန်းနိုင်မသိမ်းနိုင်ဖြင့် ယိမ်းယိုင်သွားခဲ့ လေသည်။</p> <p>သူသည် မီတာဒါဇင်ပေါင်းများစွာအထိ နောက်သို့ ဆုတ်ခွာခဲ့ရလေသည်။</p> <p>အားလုံးမှာ ပို၍ပင်ထိတ်လန့်သွားကြတော့သည်။</p> <p>“ဒီကောင်လေးက တကယ်ပဲ ဘယ်သူလဲ။ သူက တော်တော်အစွမ်းထက်တာပဲ”</p> <p>လူတိုင်း အံ့အားသင့်နေကြစဉ်မှာပင် လီလဲ့သည်ရန်ရှောက်ထျန်း၏ လက်ချောင်းပေါ်ရှိ လက်စွပ်ကိုမြင်လိုက်ရသောအခါ သူ၏မျက်နှာမှာသိသိသာသာပြောင်းလဲသွားပြီးနောက် အလွန် အမင်းစိတ်လှုပ်ရှားသွားတော့သည်။</p> <p> “ဟွန်ချွမ်လက်စွပ်”</p> <p>လီလဲ့စကားပြောလိုက်သည်နှင့်တစ်ပြိုင်နက် အားလုံးမှာအကြီးအကျယ်တုန်လှုပ်သွား ကြ ပြီး ရန်ရှောက်ထျန်း၏လက်ပေါ်ရှိ ဟွန်ချွမ်လက်စွပ်ကို ဝိုင်းကြည့်လိုက်ကြလေသည်။</p> <p>“ဟွန်ချွမ်လက်စွပ် ဒါကအမှန်တကယ်ပဲဟွန်ချွမ်မိစ္ဆာဂိုဏ်းရဲ့ ဟွန်ချွမ်လက်စွပ်နဲ့ တူနေတာ ပဲ”</p> <p>“ဟွန်ချွမ်လက်စွပ် ပေါ်လာပြီ၊ ဒီကောင်လေးကဟွန်ချွမ်ဘိုးဘေးရဲ့ ဆက်ခံသူများလား”</p> <p>ရောက်ရှိနေသူ အားလုံး၏မျက်နှာအမူအရာမှာ အကြီးအကျယ်ပြောင်းလဲသွားကြတော့ သည်။</p> <p>ဟွန်ချွမ်ဘိုးဘေးမှာ ရှေးဟောင်းကာလတွင် ချန်စံတိုက်ကြီး၌သာမက ဝမ်ကျန့်တိုက်ကြီး တွင်ပါ ကြောက်မက်ဖွယ်ကောင်းသောမိစ္ဆာဂုဏ်သတင်းရှိခဲ့သူဖြစ်လေသည်။ ဟွန်ချွမ်ဘိုးဘေး ဆိုသည်မှာ ဝမ်ကျန့်တိုက်ကြီးတွင် အမြင့်မြတ်ဆုံးထိတ်လန့်ဖွယ်ရာအဖြစ် လူသိများလေသည်။</p> <p>နောက်သို့ လွင့်ထွက်သွားသဖြင့်ဒေါသထွက်နေဆဲဖြစ်သော ချန်ယွမ်သည် လူတိုင်းက “ဟွန်ချွမ်လက်စွပ်” ဟု အော်ဟစ်နေကြသည်ကိုကြားလိုက်ရသဖြင့် ထိတ်လန့်သွားတော့သည်။ သူသည်လည်း ရန်ရှောက်ထျန်း၏လက်ပေါ်ရှိ ဟွန်ချွမ်လက်စွပ်ကို ကြည့်လိုက်လေသည်။</p> <p>သူက ချက်ချင်းပင် မျက်မှောင်ကြုတ်လိုက်ကာ။</p> <p> “မဆန်းတော့ပါဘူး၊ မင်းကဟွန်ချွမ်မိစ္ဆာဂိုဏ်းရဲ့အကြွင်းအကျန်တစ်ယောက်ကိုး။ ဟွန်ချွမ် မိစ္ဆာဂိုဏ်းရဲ့ အကြွင်းအကျန်တွေကို လူတိုင်းကရှင်းလင်းရမယ်။ ဒီနေ့တော့ ငါက တရားဓမ္မအတွက် ကိုယ်စားပြုပြီး ဟွန်ချွမ်မိစ္ဆာဂိုဏ်းရဲ့ အကြွင်းအကျန်ဖြစ်တဲ့ မင်းကိုသတ်ပစ်မယ်”</p> <p>ထိုသို့ပြောပြီးနောက် သူသည်သူ၏တစ်ကိုယ်လုံးရှိစစ်မှန်သောစွမ်းအားများကို အသက် သွင်းလိုက်ရာ တောက်ပသောအလင်းတန်းတစ်ခုမှာ ကောင်းကင်ယံသို့ပျံတက်သွားပြီး သူ၏ကိုယ် တွင်းမှ ဧရာမကောင်းကင်ကံကြမ္မာလွှာကြီးတစ်ခု ပျံထွက်လာခဲ့လေသည်။</p> <p>“သတ္တမအဆင့် ကောင်းကင်ကံကြမ္မာလွှာ”</p> <p>ချန်ယွမ်၏ ကောင်းကင်ကံကြမ္မာလွှာကိုမြင်လိုက်ရသဖြင့် လူအုပ်ကြီးမှာထိတ်လန့်တကြား အော်ဟစ်လိုက်ကြလေသည်။</p> <p>သိုင်းပညာရှင် အများအပြားအတွက် ကောင်းကင်ကံကြမ္မာလွှာတစ်ခုကို စုစည်းနိုင်ခြင်း မှာပင် အလွန်တရာပါရမီရှင်ဆန်လှပေပြီ။</p> <p>သတ္တမအဆင့် ကောင်းကင်ကံကြမ္မာလွှာဆိုလျှင် ပြောနေစရာပင် မလိုတော့ပေ။</p> <p>သတ္တမအဆင့် ကောင်းကင်ကံကြမ္မာလွှာမှာ ဝမ်ကျန့်တိုက်ကြီးတွင်ပင်အလွန်တရာ ရှားပါး လှပေသည်။</p> <p>ချက်ချင်းဆိုသလိုပင် ချန်ယွမ်၏ကိုယ်ပေါ်မှကောင်းကင်ကံကြမ္မာလွှာများ တစ်ခုပြီးတစ်ခု ထွက်ပေါ်လာခဲ့လေသည်။</p> <p>စုစုပေါင်း ကောင်းကင်ကံကြမ္မာလွှာခုနစ်ခုရှိနေပြီး အားလုံးမှာသတ္တမအဆင့်များ ဖြစ်ကြ လေသည်။</p> <p>ချန်ယွမ်၏ သတ္တမအဆင့်ကောင်းကင်ကံကြမ္မာလွှာခုနစ်ခုမှာ အလင်းတန်းများဖြာထွက်နေ ပြီး ကြောက်မက်ဖွယ်ကောင်းသောစွမ်းအားများဖြင့်ဖုံးလွှမ်းနေသဖြင့် လူတိုင်းမှာသူတို့၏ ခန္ဓာကိုယ် များ လေးလံသွားသလိုခံစားလိုက်ရလေသည်။</p> <p>“သေစမ်း”</p> <p>သူက ဓားဖြင့်ရန်ရှောက်ထျန်းဆီသို့ ပြေးဝင်လာခဲ့လေသည်။</p> <p>သတ္တမအဆင့်ကောင်းကင်ကံကြမ္မာလွှာခုနစ်ခု၏စွမ်းအားအောက်တွင် သူ၏ရှည်လျား သောဓားထံမှဓားချီစွမ်းအင်များမှာယခင်ကထက် ဆယ်ဆမကပိုမိုပြင်းထန်လာခဲ့လေသည်။</p> <p>သူ အသုံးပြုလိုက်သည်မှာ ထုန်းထျန်းနတ်ဘုရားဂိုဏ်း၏စိန့်ဘုရင်ဓားသိုင်းပင်ဖြစ်လေ သည်။</p> <p>ဓားတစ်ချက် ဝှေ့ယမ်းလိုက်သည်နှင့် စိန့်ဘုရင်တစ်ပါး ပေါ်ထွက်လာသလိုပင်။</p> <p>ကြောက်မက်ဖွယ်ကောင်းသော ဓားချီစွမ်းအင်များကြားတွင်စိန့်ဘုရင်တစ်ပါး၏ ပုံရိပ် ယောင်မှာ မထင်မရှားပေါ်ထွက်နေလေသည်။</p> <p>ထို့ပြင် ချန်ယွမ်၏စိန့်ဘုရင်ဓားသိုင်းမှာလည်း အထွတ်အထိပ်သို့ရောက်ရှိနေပြီ ဖြစ်လေ သည်။</p> <p>ဓားတစ်ချက်တည်းနှင့်ပင် သူသည်ရန်ရှောက်ထျန်း၏ထွက်ပြေးနိုင်သော လမ်းကြောင်း အားလုံးကို ပိတ်ဆို့လိုက်လေသည်။</p> <p>သတ်ဖြတ်လိုစိတ်များ ပြည့်နှက်နေသော မျက်လုံးများဖြင့် ဓားကိုကိုင်ကာ ပြေးဝင်လာသော ချန်ယွမ်ကိုကြည့်ရင်း ရန်ရှောက်ထျန်းကလက်ညှိုးကိုဓားကဲ့သို့အသုံးပြုကာ တစ်ချက်ဝှေ့ယမ်း လိုက်လေသည်။ ချက်ချင်းဆိုသလိုပင် သက်တံတစ်ခုအလားအလွန်တရာထက်ရှလှသော ဓားချီစွမ်း အင်မှာ တစ်ဖက်လူ၏စိန့်ဘုရင်ဓားချီကို ချက်ချင်း ဖြတ်တောက်သွားခဲ့လေသည်။</p> <p>မိမိထံသို့ ဦးတည်လာသောထက်ရှသည့်ဓားချီကိုကြည့်ကာ ချန်ယွမ်၏မျက်နှာမှာ ပျက်သွား သော်လည်း သူရှောင်တိမ်းရန်အချိန်မရှိတော့ဘဲ ဓားချီ၏ထိမှန်ခြင်းကိုခံလိုက်ရကာ သူ၏တစ်ကိုယ် လုံးမှာ သစ်ရွက်ခြောက်တစ်ခုအလား နောက်သို့လွင့်ထွက်သွားခဲ့ပြီး တစ်ဖက်ရှိတောင်ထိပ်ပေါ်သို့ ပြင်းထန်စွာ ကျဆင်းသွားခဲ့လေတော့သည်။</p> <p>ဧရာမ ပေါက်ကွဲသံကြီး ထွက်ပေါ်လာလေသည်။</p> <p>ကျောက်တုံးများ ပြိုကျလာခဲ့လေသည်။</p> <p>ချန်ယွမ်မှာ သွေးများ အဆက်မပြတ် အန်ထုတ်နေတော့သည်။</p> <p>ချန်ယွမ်၏ ရင်ဘတ်ချပ်ဝတ်တန်ဆာမှာအစိပ်စိပ်အမြွှာမြွှာဖြစ်သွားပြီး သူ၏ ရင်ဘတ်မှ သွေးများ အဆက်မပြတ်စီးကျနေသည်ကိုမြင်လိုက်ရသဖြင့် လူအုပ်ကြီးမှာ အလွန်တရာအံ့အားသင့် သွားကြတော့သည်၊ အကယ်၍သာဓားချီက ပို၍နက်သွားခဲ့မည်ဆိုပါက ချန်ယွမ်၏ ရင်ဘတ်မှာ ပြတ်ထွက်သွားနိုင်လေသည်။</p> <p>လူတိုင်းမှာ အေးစက်သော လေကို ရှူသွင်းလိုက်မိကြသည်။</p> <p>ချန်ယွမ်... ချန်တိုက်ကြီး၏လူငယ်ဧကရာဇ်ကိုးပါးထဲမှတစ်ဦးဖြစ်သော လူငယ်ဧကရာဇ် ချန်၊ သတ္တမအဆင့် ကောင်းကင်ကံကြမ္မာလွှာခုနစ်ခုကိုပိုင်ဆိုင်ထားသူမှာ ဤမျှလောက်အလွယ်တကူ ဖြင့် အနိုင်ယူခံလိုက်ရသည်တဲ့လား။</p> <p>ဤဟွန်ချွမ်ဘိုးဘေးဆက်ခံသူ၏အစွမ်းမှာ လူတိုင်း၏စိတ်ကူးထားသည်ထက် များစွာကျော် လွန်နေခြင်းဖြစ်လေသည်။</p> <p>ချန်ယွမ်သည်လည်း ရန်ရှောက်ထျန်းကို ကြောက်လန့်တကြား ကြည့်နေမိသည်။</p> <p>“မင်းက ထုန်းထျန်းနတ်ဘုရားဂိုဏ်းရဲ့တပည့်တစ်ယောက်ဖြစ်နေလို့ ဒီနေ့ငါမင်းကို အသက်ချမ်းသာပေးလိုက်မယ်။ နောက်တစ်ကြိမ်ဆိုရင်တော့မင်းသေရမယ်”</p> <p> ရန်ရှောက်ထျန်းက တစ်ဖက်လူကိုအေးစက်စွာကြည့်လိုက်သည်။</p> <p>ချန်ယွမ်၏မျက်နှာမှာ ဖြူဖျော့လိုက်၊ နီမြန်းလိုက်နှင့် ဖြစ်နေတော့သည်။</p> <p>ရန်ရှောက်ထျန်းသည် ထိုနေရာမှ ထွက်ခွာသွားခဲ့လေသည်။</p> <p>သူ ဖြတ်သန်းသွားသောနေရာတိုင်းတွင် လူတိုင်းမှာကြောက်လန့်တကြား ဖဲပေးလိုက်ကြ လေသည်။</p> <p>လီလဲ့သည် ဤမြင်ကွင်းကိုမြင်သောအခါ သူ၏ထိတ်လန့်မှုမှနိုးထလာပြီး သူ၏ နောက်သို့ အမြန်လိုက်သွားခဲ့လေသည်။</p> <p>ချန်ယွမ်သည် ထွက်ခွာသွားသောရန်ရှောက်ထျန်း၏ကျောပြင်ကို သတ်ဖြတ်လိုစိတ်များ ပြည့်နှက်နေသော မျက်လုံးများဖြင့်ကြည့်နေခဲ့လေသည်။</p> <p>သူသည် ဂုဏ်သိက္ခာရှိသော လူငယ်ဧကရာဇ်ကိုးပါးထဲမှတစ်ဦးဖြစ်ပြီး လူငယ်မျိုးဆက် များကြားတွင် ပြိုင်ဘက်ရှားပါးသူဖြစ်လေသည်။ သူသည်ဘယ်တုန်းက ဤကဲ့သို့အရှက်ရစရာ ကောင်းသောရှုံးနိမ့်မှုကို ခံစားခဲ့ဖူးလို့လဲ။</p> <p>ထိုနေရာရှိ ပညာရှင်များကြားတွင်လည်း ဆူညံသံများ ပေါက်ကွဲထွက်ပေါ်လာတော့သည်။</p> <p>ရန်ရှောက်ထျန်းသည် တော်တော်ဝေးဝေးသို့ရောက်ရှိသွားသောအခါ လီလဲ့ကသူ၏နောက် သို့ လိုက်နေဆဲဖြစ်သည်ကို မြင်လိုက်ရသဖြင့် သူ၏ မျက်နှာမှာ ပျက်သွားကာ။</p> <p> “ဘာလို့ ငါ့နောက်ကို လိုက်နေတာလဲ”</p> <p>သို့သော် လီလဲ့မှာမူအလွန်တရာထိတ်လန့်သွားသဖြင့် ချက်ချင်းဒူးထောက်လိုက်ပြီး စိတ်လှုပ် ရှားမှုနှင့်ထိတ်လန့်မှုများကြားမှ ပြောလိုက်သည်။</p> <p> “ကျွန်တော်မျိုးက ဂိုဏ်းချုပ်ကိုဂါရဝပြုပါတယ်။ ကျွန်တော်မျိုး မရဲဝံ့ပါဘူး”</p> <p>“ငါက မင်းတို့ရဲ့ ဂိုဏ်းချုပ် မဟုတ်ဘူး”</p> <p> ရန်ရှောက်ထျန်းက မျက်မှောင်ကြုတ်ကာပြောလိုက်ပြီး ရှေ့သို့ဆက်လက်ပျံသန်းသွားခဲ့ လေသည်။</p> <p>သို့သော် ရန်ရှောက်ထျန်းဝေးဝေးသို့ရောက်သွားသောအခါ လီလဲ့ကပြန်ထလာပြီး ရန်ရှောက် ထျန်း၏နောက်ကွယ်မှပင် ကြောက်ကြောက်ရွံ့ရွံ့ဖြင့်လိုက်နေဆဲဖြစ်လေသည်၊ သူသည် ရန်ရှောက် ထျန်းကို ဟွန်ချွမ်မိစ္ဆာဂိုဏ်း၏ ဂိုဏ်းချုပ်အဖြစ်သေချာပေါက်ဆုံးဖြတ်ထားပုံရလေသည်။</p> <p>လီလဲ့က သူ၏နောက်သို့ ဇွဲနပဲဖြင့်လိုက်နေဆဲဖြစ်သည်ကို မြင်သောအခါ ရန်ရှောက်ထျန်း လှည့်ကြည့်လိုက်ရာ လီလဲ့မှာထိတ်လန့်တကြားဖြင့် နောက်တစ်ကြိမ်ဒူးထောက်လိုက်ပြန်သည်။ သူက ပြာပြာသလဲဖြင့်။</p> <p> “ကျေးဇူးပြုပြီးဂိုဏ်းချုပ်... ကျွန်တော်တို့ကို ခွင့်ပြုပေးပါ၊ ကျွန်တော်တို့ ဂိုဏ်းချုပ်နောက်ကို လိုက်ပြီး ကျွန်တော်တို့ဟွန်ချွမ်မိစ္ဆာဂိုဏ်းရဲ့ရှေးဟောင်းဂုဏ်ကျက်သရေကို ပြန်လည်ထူထောင်ပါရ စေ”</p> <p>ထိုသို့ပြောရင်း သူက ဦးချနေခဲ့လေသည်၊ သူ၏ဦးခေါင်းမှသွေးများထွက်လာသည်အထိ ဦးချနေသော်လည်း သူပြန်မထခဲ့ပေ။</p> <p>ရန်ရှောက်ထျန်းမှာ ထိုနေရာတွင်ရပ်နေပြီးလီလဲ့ကလည်းထပ်ခါတလဲလဲဦးချနေခဲ့လေ သည်။</p> <p>ခဏအကြာတွင် ရန်ရှောက်ထျန်းခြေတစ်လှမ်းလှမ်းလိုက်ပြီး ထွက်ခွာသွားခဲ့လေသည်။ သူ တော်တော်ဝေးဝေးသို့ ရောက်ရှိသွားသောအခါမှ သူကပြောလိုက်သည်။</p> <p>“လိုက်ခဲ့တော့”</p> <p>ရန်ရှောက်ထျန်း၏ အသံပျံ့လွင့်လာသောအခါ လီလဲ့မှာဆွံ့အသွားပြီးစိတ်လှုပ်ရှားစွာဖြင့် တုန်ယင်နေတော့သည်။</p> <p> “ဟုတ်ကဲ့ပါ ဂိုဏ်းချုပ်”</p> <p> သူသည် အမြန် လိုက်သွားခဲ့လေသည်။</p> <p>“မင်း ထုန်းထျန်းနတ်ဘုရားဂိုဏ်းအကြောင်းနားလည်လား” ဟု ရန်ရှောက်ထျန်းက ရုတ်တရက်မေးလိုက်သည်။</p> <p>လီလဲ့မှာခဏမျှမှင်တက်သွားပြီးနောက် ထုန်းထျန်းနတ်ဘုရားဂိုဏ်းနှင့်ပတ်သက်ပြီး သူ သိသမျှအားလုံးကို ရန်ရှောက်ထျန်းအား အမြန်ပြောပြလိုက်လေသည်။</p> <p>သို့သော် ချန်ယွမ်၏ဘိုးဘေးဖြစ်သောကျောက်ရုန်မှာ ထုန်းထျန်းနတ်ဘုရားဂိုဏ်း၏ ဂိုဏ်း ချုပ် ဖြစ်လာကြောင်းကို သူပြောလိုက်သောအခါ ရန်ရှောက်ထျန်းကအံ့အားသင့်စွာ မေးလိုက်သည်။</p> <p>“မင်း ဘာပြောလိုက်တာလဲ။ ထုန်းထျန်းနတ်ဘုရားဂိုဏ်းရဲ့ ဂိုဏ်းချုပ်ဟုတ်လား”</p> <p>လီလဲ့မှာ ရန်ရှောက်ထျန်း၏ တုံ့ပြန်မှုကြောင့် အနည်းငယ်အံ့အားသင့်သွားပြီး အမှန်အတိုင်း ပြောလိုက်သည်။</p> <p> “ဟုတ်ပါတယ်၊ နတ်ဘုရားအရှင်သခင် ဘိုးဘေးဟုန်ဖုန်းပျောက်ဆုံးနေတာ နှစ်ပေါင်းများ စွာကြာခဲ့ပါပြီ၊ ထုန်းထျန်းနတ်ဘုရားဂိုဏ်းမှာလည်းနှစ်ပေါင်းထောင်ချီကြာအောင် အုပ်ချုပ်သူမရှိခဲ့ တာကြောင့်ပြည်တွင်းစစ်တွေဖြစ်ပွားခဲ့ပါတယ်။ ဒါကြောင့်လွန်ခဲ့တဲ့လဝက်ခန့်က ထုန်းထျန်းနတ် ဘုရားဂိုဏ်းဟာ ယာယီဂိုဏ်းချုပ်တစ်ဦးကို ရွေးချယ်ခဲ့ကြတာပါ”</p> <p>“ယာယီဂိုဏ်းချုပ်လား” ဟု ရန်ရှောက်ထျန်းကမေးလိုက်သည်။</p> <p>“ဟုတ်ပါတယ်၊ ကျောက်ရုန်မှာထုန်းထျန်းနတ်ဘုရားဓားမရှိတာကြောင့် သူကယာယီဂိုဏ်း ချုပ်ပဲ ဖြစ်ပါသေးတယ်” ဟု လီလဲ့ကပြောလိုက်သည်။</p> <p> “သူက ထုန်းထျန်းနတ်ဘုရားဓားကိုရှာတွေ့ပြီး အောင်နိုင်မှသာထုန်းထျန်းနတ်ဘုရား ဂိုဏ်း ရဲ့ စစ်မှန်တဲ့ ဂိုဏ်းချုပ်ဖြစ်လာနိုင်မှာပါ။”</p> <p>“ဒါမှမဟုတ် တစ်စုံတစ်ယောက်ကထုန်းထျန်းနတ်ဘုရားဓားကိုရရှိပြီး အောင်နိုင်သွားခဲ့ မယ်ဆိုရင်လည်း ကျောက်ရုန်ကရာထူးကနေဆင်းပေးရမှာပါ”</p> <p>“ဒီကျောက်ရုန်ရဲ့ အခြေအနေကို ငါ့ကိုပြောပြဦး” ဟု ရန်ရှောက်ထျန်းက လေးနက်သော အသံဖြင့်ပြောလိုက်သည် ။</p> <p>“ကျောက်ရုန်က အင်မတန်အစွမ်းထက်ပါတယ်၊ သူကလက်ရှိထုန်းထျန်းနတ်ဘုရားဂိုဏ်း မှာ အစွမ်းထက်ဆုံးသိုင်းပညာရှင်ပါပဲ” ဟု လီလဲ့က ပြောလိုက်သည် ။</p> <p> “သူက ဓားအသိ (၁၄) မျိုးအထိကျင့်ကြံထားပြီးပါပြီ”</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save