Book List

<h2 style="text-align: center;">အခန်း (၅၂၆)</h2> <h2 style="text-align: center;">ဒီနေ့ မင်း သေရမယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ကံကြမ္မာနတ်ဘုရားကျောက်တုံးမှာ ဧကရာဇ်အဆင့်ပညာရှင်များအတွက် သူတို့၏ နတ်ဘုရားပင်လယ်ကမ္ဘာကို ခိုင်မာစေရန်အရေးအကြီးဆုံးသောရတနာဖြစ်သဖြင့် ရန်ရှောက်ထျန်း တောင်ဘက်တောင်တန်းရှိကောင်းကင်ကံကြမ္မာနတ်ဘုရားတောင်ဆီသို့ ပျံသန်းသွားစဉ်မှာပင် မိသားစုအသီးသီးမှပညာရှင်များစွာသည်လည်း ကောင်းကင်ကံကြမ္မာနတ်ဘုရားတောင်ဆီသို့ ပျံသန်းသွားနေကြလေသည်။</p> <p>သို့သော်လည်း ကောင်းကင်ကံကြမ္မာနတ်ဘုရားတောင်၏အနီးတွင် တားမြစ်ချက်များ ရှိနေပြီး ဧကရာဇ်အဆင့်ပညာရှင်များသာဝင်ရောက်နိုင်သဖြင့် ကောင်းကင်ကံကြမ္မာနတ်ဘုရား တောင်ဆီသို့ ပျံသန်းသွားသူအားလုံးနီးပါးမှာ ဧကရာဇ်အဆင့်ပညာရှင်များ ဖြစ်ကြလေသည်။</p> <p>ရန်ရှောက်ထျန်းမှာ အလွန်တရာမြန်ဆန်လှသဖြင့်မကြာမီမှာပင် တောင်တန်းများကြားတွင် မြင့်မားစွာရပ်တည်နေသော ကောင်းကင်ကံကြမ္မာနတ်ဘုရားတောင်ကို မြင်တွေ့လိုက်ရလေသည်။</p> <p>ကောင်းကင်ကံကြမ္မာနတ်ဘုရားတောင်မှာ အလွန်တရာမြင့်မားလှပြီး ပတ်ဝန်းကျင်ရှိ တောင်ထိပ်များထက် ပိုမိုကြီးမားလှသဖြင့် လူအုပ်ကြားတွင်ထင်ရှားနေသလိုပင် ခံစားရလေသည်။</p> <p>ထို့အပြင် ကောင်းကင်ကံကြမ္မာနတ်ဘုရားတောင်မှာ အမျိုးမျိုးသောအလင်းတန်းများကို ထုတ်လွှတ်နေသဖြင့် အဝေးမှပင်မြင်တွေ့နိုင်လေသည်။</p> <p>ရန်ရှောက်ထျန်း ကောင်းကင်ကံကြမ္မာနတ်ဘုရားတောင်ရှေ့ရှိမြေပြင်ပေါ်သို့ ဆင်းသက် လိုက်သောအခါ လူပေါင်းရာနှင့်ချီ၍ ထိုနေရာတွင်ရပ်နေကြသည်ကို မြင်တွေ့လိုက်ရလေသည်။</p> <p>ဤလူများမှာ အမျိုးမျိုးသောဂိုဏ်းများနှင့် မိသားစုများမှဖြစ်ကြလေသည်။</p> <p>ရန်ရှောက်ထျန်းသည် ထုန်းထျန်းနတ်ဘုရားဂိုဏ်းမှ လူငယ်ဧကရာဇ်ချန်ယွမ်ကိုပင် မြင်တွေ့ လိုက်ရလေသည်။</p> <p>ချန်ယွမ်မှာလူငယ်၊ လူရွယ်လေးဦးနှင့်အတူရပ်နေပြီး နောက်မှကောင်းကင်ကံကြမ္မာ နတ်ဘုရားတောင်ပေါ်သို့ မည်သို့ တက်ရမည်ကို စိတ်ဝင်တစားဆွေးနွေးနေကြပုံရလေသည်။</p> <p>ကံကြမ္မာနတ်ဘုရားကျောက်တုံးကိုရရှိရန်အတွက် ကောင်းကင်ကံကြမ္မာနတ်ဘုရားတောင် ပေါ်သို့တက်ရမည်ဖြစ်သော်လည်း ကောင်းကင်ကံကြမ္မာနတ်ဘုရားတောင်ပေါ်သို့ တက်ရန်မှာ မလွယ်ကူလှပေ။</p> <p>ကောင်းကင်ကံကြမ္မာ နတ်ဘုရားတောင်၏ပိုမိုမြင့်မားသောနေရာသို့ ရောက်လေလေ ကံကြမ္မာနတ်ဘုရားကျောက်တုံးများ ပိုမိုထွက်ပေါ်လေလေဖြစ်သော်လည်း ပိုမိုမြင့်မားသော နေရာသို့ရောက်လေလေ တားမြစ်ချက်စွမ်းအားမှာ ပိုမိုပြင်းထန်လာလေလေဖြစ်ပြီး တောင်တက်ရန် ပိုမို ခက်ခဲလာလေလေဖြစ်လေသည်။</p> <p>ကောင်းကင်ကံကြမ္မာ နတ်ဘုရားတောင်မှာ အမြင့်ပေတစ်သောင်း ရှိလေသည်။</p> <p>သာမန် ဧကရာဇ်အဆင့်ဒသမအလွှာအထွတ်အထိပ်ပညာရှင်တစ်ဦးမှာ ပေတစ်ထောင် အမြင့်ရှိသော နေရာသို့သာတက်နိုင်လေသည်။</p> <p>အချို့သော အစွမ်းထက်သည့်ဧကရာဇ်အဆင့်ဒသမအလွှာ အထွတ်အထိပ်ပညာရှင်များ သည် ပေနှစ်ထောင်အထိထိုးဖောက်နိုင်သော်လည်း ပေသုံးထောင်အထိတက်နိုင်သူများမှာမူ အလွန် တရာရှားပါးလှပေသည်။</p> <p>ပေလေးထောင်အမြင့်ဆိုလျှင် ပို၍ပင်ရှားပါးလှလေသည်။</p> <p>ကံကြမ္မာနတ်ဘုရားနန်းတော်မှာ ဆယ်နှစ်လျှင်တစ်ကြိမ်ပွင့်လေ့ရှိပြီး နှစ်ပေါင်းတစ်သန်း အတွင်း ပေငါးထောင်အထိတက်နိုင်သူများကို လက်ချိုးရေတွက်နိုင်လေသည်။</p> <p>ပေခြောက်ထောင်အမြင့်သို့မူ မည်သူမျှမရောက်ဖူးခဲ့ပေ။</p> <p>နှစ်ပေါင်း တစ်သန်းအတွင်း မည်သူမျှပေခြောက်ထောင်သို့ မရောက်ဖူးခဲ့ပေ။</p> <p>ပေခုနစ်ထောင်၊ ရှစ်ထောင်သို့မဟုတ်တောင်ထိပ်သို့ရောက်ရန်မှာ ပြောနေစရာပင် မလိုတော့ ပေ။</p> <p>ကံကြမ္မာနတ်ဘုရားနန်းတော်၏ ရှေးဟောင်းမှတ်တမ်းများအရ ကောင်းကင်ကံကြမ္မာ နတ်ဘုရားတောင်၏ထိပ်တွင် ပေါင်းစပ်ကောင်းကင်ကံကြမ္မာနတ်ဘုရားကျောက်တုံး ရှိနိုင်သည်ဟု ဆိုလေသည်။</p> <p>သို့သော်လည်း ပေါင်းစပ်ကောင်းကင်ကံကြမ္မာနတ်ဘုရားကျောက်တုံးမှာ မည်သို့ရှိသည်ကို မည်သူမျှမမြင်ဖူးခဲ့ကြသလို၊ တောင်ထိပ်သို့လည်း မည်သူမျှမရောက်ဖူးခဲ့ကြသဖြင့် ထိုမှတ်တမ်းများ မှာ အမှန်လား၊ အမှားလားဆိုသည်ကို မည်သူမျှမသိကြပေ။</p> <p>ရန်ရှောက်ထျန်းသည် ကောင်းကင်ကံကြမ္မာနတ်ဘုရားတောင်ကို စိုက်ကြည့်လိုက်ပြီး တောင်ထိပ်ဆီသို့ လှမ်းကြည့်လိုက်လေသည်။</p> <p>ယခုတစ်ကြိမ်တွင် သူသည် ကံကြမ္မာနတ်ဘုရားကျောက်တုံးအတွက်သာမက ပေါင်းစပ် ကောင်းကင်ကံကြမ္မာ နတ်ဘုရားကျောက်တုံးအတွက်ပါလာခဲ့ခြင်း ဖြစ်လေသည်။</p> <p>အကယ်၍ သူသာပေါင်းစပ်ကောင်းကင်ကံကြမ္မာ နတ်ဘုရားကျောက်တုံးကို အသုံးပြုပြီး သူ၏ နတ်ဘုရားပင်လယ်ကမ္ဘာကို သန့်စင်နိုင်ခဲ့မည်ဆိုပါက သူ၏နတ်ဘုရားပင်လယ်ကမ္ဘာမှာ သေချာပေါက် အလွန်တရာခိုင်မာသွားပေလိမ့်မည်ဖြစ်ပြီး မကြုံစဖူးသော ပေါင်းစပ်နတ်ဘုရား ပင်လယ်အဖြစ်သို့ပင် ပြောင်းလဲသွားနိုင်လေသည်။</p> <p>တိုင်အရှင်သခင်က သူ၏နတ်ဘုရားပင်လယ်မှာပေါင်းစပ်နတ်ဘုရားပင်လယ်အဖြစ်သို့ ပြောင်းလဲနိုင်မှသာ သူသည်တစ်ဆယ့်ငါးခုမြောက်သော ပေါင်းစပ်ကောင်းကင်ကံကြမ္မာကို တောင့်ခံနိုင်ရန် အခွင့်အရေး ရှိမည်ဟု ပြောခဲ့ဖူးလေသည်။</p> <p>မဟုတ်လျှင် သူသည်အများဆုံးပေါင်းစပ်ကောင်းကင်ကံကြမ္မာ ဆယ့်လေးခုကိုသာ တောင့်ခံ နိုင်ပေလိမ့်မည်။</p> <p>အကယ်၍ သူသာတစ်ဆယ့်ငါးခုမြောက်သော ပေါင်းစပ်ကောင်းကင်ကံကြမ္မာကို အတင်း အကျပ်တောင့်ခံရန် ကြိုးစားခဲ့မည်ဆိုပါက သူ၏ နတ်ဘုရားပင်လယ်မှာ ပေါက်ကွဲသွားနိုင်လေသည်။</p> <p>ထို့ကြောင့် ယခုတစ်ကြိမ်တွင် သူသည်လုံလောက်သော ပေါင်းစပ်ကောင်းကင်ကံကြမ္မာ နတ်ဘုရားကျောက်တုံးများကို သေချာပေါက်ရရှိရမည် ဖြစ်လေသည်။</p> <p>သို့သော်လည်း ရန်ရှောက်ထျန်းမှာ တောင်ပေါ်သို့တက်ရန်မလောသေးပေ၊ ဤအချိန်တွင် ကောင်းကင်ကံကြမ္မာနတ်ဘုရားတောင်ကိုဖုံးလွှမ်းထားသော တားမြစ်ချက်အလင်းတန်းမှာ အလွန် တရာ ပြင်းထန်နေဆဲဖြစ်ကာ အကယ်၍သူသာ ယခုအတင်းတက်ရန် ကြိုးစားခဲ့မည်ဆိုပါက တားမြစ်ချက် တိုက်ခိုက်မှု စွမ်းအားမှာ အပြင်းထန်ဆုံး ဖြစ်နေပေလိမ့်မည်။</p> <p>ထို့ကြောင့် ရောက်ရှိလာကြသောတပည့်အများအပြားမှာ တားမြစ်ချက်အလင်းတန်းများ အားနည်းသွားမည့် အချိန်ကိုစောင့်ဆိုင်းနေကြခြင်း ဖြစ်လေသည်။</p> <p>“နဂါးဆင်လူငယ်ဧကရာဇ်ရောက်လာပြီ”</p> <p> ရုတ်တရက် လူအုပ်ထဲမှတပည့်တစ်ဦးက အံ့အားသင့်စွာအော်ဟစ်လိုက်လေသည်။</p> <p>ရန်ရှောက်ထျန်းနှင့် အခြားသူများလှမ်းကြည့်လိုက်ကြလေသည်။</p> <p>အဝေးတွင်လူငယ်၊ လူရွယ်ခြောက်ဦးလေထဲတွင်ပျံသန်းလာသည်ကို သူတို့ မြင်တွေ့လိုက် ရလေသည်။</p> <p>ရှေ့မှ ဦးဆောင်လာသောလူငယ်မှာ အလွန်တရာအရပ်ရှည်ပြီး သူသည်လူငယ်ဧကရာဇ် ကိုးပါး၏ခေါင်းဆောင် နဂါးဆင်လူငယ်ဧကရာဇ်လုံရှန့်တုန်းပင် ဖြစ်လေသည်။</p> <p>နဂါးဆင် လူငယ်ဧကရာဇ်လုံရှန့်တုန်းမှာဝမ်ကျန့်တိုက်ကြီးပေါ်ရှိ နတ်ဘုရားနဂါးမျိုးနွယ်မှ ပါရမီရှင်တစ်ဦးဖြစ်လေသည်။</p> <p>လုံရှန့်တုန်းမှာ နတ်ဘုရားနဂါးမျိုးနွယ်၏ အလွန်တရာရှားပါးလှသော မင်နဂါးသွေး မျိုးဆက်ကိုပိုင်ဆိုင်ထားသူဖြစ်လေသည်၊ ဤသွေးမျိုးဆက်မှာ ရှေးဟောင်းကာလတွင်သာ ထွက် ပေါ် ခဲ့ဖူးခြင်း ဖြစ်လေသည်။</p> <p>သို့သော်လည်း လုံရှန့်တုန်းမှာ မင်နဂါးသွေးမျိုးဆက်ကိုသာမက နတ်ဘုရားဆင်မျိုးနွယ်၏ အမြင့်မြတ်ဆုံးသော ကောင်းကင်ဆင်သွေးမျိုးဆက်ကိုလည်း ပိုင်ဆိုင်ထားသူ ဖြစ်လေသည်။</p> <p>ထို့ကြောင့်လည်း လုံရှန့်တုန်းမှာ နတ်ဘုရားနဂါးမျိုးနွယ်၏လူငယ်မျိုးဆက်များကြားတွင် နံပါတ်တစ် ပါရမီရှင်ဖြစ်သလို၊ ချန်ကျိုးရှိလူငယ်မျိုးဆက်များကြားတွင်လည်း နံပါတ်တစ် ပါရမီရှင် ဖြစ်နေခြင်း ဖြစ်လေသည်။</p> <p>လုံရှန့်တုန်း၏ ဘေးတွင်မူဖီးနစ်ဝတ်စုံကိုဝတ်ဆင်ထားသော အလွန်တရာ လှပသော အမျိုးသမီးတစ်ဦး ရှိနေလေသည်၊ သူမ၏လှုပ်ရှားမှုတိုင်းတွင် မြင့်မြတ်သောအရှိန်အဝါများမှာ အပြည့်အဝ ထင်ဟပ်နေလေသည်။</p> <p>“ဒါ ကောင်းကင်ပျံဖီးနစ်အမျိုးသမီးပဲ”</p> <p> တပည့်တစ်ဦးက လုံရှန့်တုန်းဘေးရှိ လှပသော အမျိုးသမီးကို မှတ်မိသွားပြီး စိတ်လှုပ်ရှားစွာ အော်ဟစ်လိုက်လေသည်။</p> <p>ရန်ရှောက်ထျန်း အံ့အားသင့်သွားသည်။</p> <p>ကောင်းကင်ပျံဖီးနစ်အမျိုးသမီးမှာ ဝမ်ကျန့်တိုက်ကြီးရှိဖီးနစ်မျိုးနွယ်စုခေါင်းဆောင်၏ သမီး ဖြစ်ပြီး ချန်ကျိုးရှိဖီးနစ်ကိုးပါးထဲမှ တစ်ဦးလည်းဖြစ်လေသည်။</p> <p>ဖီးနစ်ကိုးပါးမှာ လူငယ်ဧကရာဇ်ကိုးပါးနှင့်အဆင့်တူညီသောတည်ရှိမှုများ ဖြစ်ကြလေ သည်။</p> <p>ထို့ပြင် ကောင်းကင်ပျံဖီးနစ်အမျိုးသမီးမှာဖီးနစ်ကိုးပါး၏ ခေါင်းဆောင်လည်းဖြစ်လေသည်။</p> <p>လုံရှန့်တုန်းနှင့် ကောင်းကင်ပျံဖီးနစ်အမျိုးသမီးတို့ရောက်ရှိလာသည်ကို မြင်သောအခါ ချန်ယွမ်မှာ အခြားသူများနှင့်အတူ သူတို့ကိုကြိုဆိုရန် ရှေ့သို့ ထွက်လာခဲ့လေသည်။</p> <p>“လုံအစ်ကိုနဲ့ ဖီးနစ်အမျိုးသမီးတို့လည်းလာကြမယ်လို့ မထင်ထားခဲ့ဘူး” ဟု ချန်ယွမ်က လုံရှန့်တုန်းနှင့် ကောင်းကင်ပျံဖီးနစ်အမျိုးသမီးတို့ကို ပြုံးလျက်နှုတ်ဆက်လိုက်သည်။</p> <p>သူတို့မှာ တစ်ဦးနှင့်တစ်ဦး အတော်လေး ရင်းနှီးပုံ ရလေသည်။</p> <p>လုံရှန့်တုန်းက ချန်ယွမ်ကိုပြုံးပြလိုက်ပြီး ပြောလိုက်သည်။</p> <p> “ကံကြမ္မာနတ်ဘုရားနန်းတော်ပွင့်တာက ရှားရှားပါးပါးဆိုတော့ ငါလည်းလာကြည့်ရ တာ ပေါ့။ လမ်းမှာဖီးနစ်အမျိုးသမီးနဲ့ ဆုံတာနဲ့ အတူတူလာခဲ့ကြတာ”</p> <p>ချန်ယွမ် စကားပြောတော့မည့်ဆဲဆဲတွင် သူ၏အကြည့်ကအဝေးတစ်နေရာသို့ ရောက်ရှိ သွားပြီး ပုံရိပ်တစ်ခုကိုတွေ့လိုက်ရလေသည်။ သူခေတ္တမျှမှင်တက်သွားပြီးနောက် သူ၏ မျက်လုံး များတွင် သတ်ဖြတ်လိုစိတ်များနှင့် အေးစက်မှုများပြည့်နှက်သွားတော့သည်။</p> <p>“မင်းကိုး”</p> <p> သူက သွားကြိတ်ပြီး ရန်ရှောက်ထျန်းကို စိုက်ကြည့်လိုက်သည်။</p> <p>လုံရှန့်တုန်း၊ ကောင်းကင်ပျံဖီးနစ်အမျိုးသမီးနှင့် အခြားသူများသည် ချန်ယွမ်၏ အမူအရာကို မြင်သောအခါ ရန်ရှောက်ထျန်းဆီသို့အကြည့်လွှဲလိုက်ကြလေသည်။ လုံရှန့်တုန်းသည် ရန်ရှောက် ထျန်းမှာလူငယ်လေးတစ်ဦးသာဖြစ်နေသည်ကို မြင်သောအခါ ချန်ယွမ်ကဘာကြောင့် ဤလူငယ် လေးကို ဤမျှလောက်အထိ မုန်းတီးနေရသလဲဆိုသည်ကို ဇဝေဇဝါဖြစ်သွားပြီး နားမလည်နိုင်ဘဲ ရှိနေတော့သည်။</p> <p>“ချန်ယွမ်အစ်ကို... သူကဘယ်သူလဲ” ဟု လုံရှန့်တုန်းက မေးလိုက်သည်။</p> <p>“ဟွန်ချွမ်ဘိုးဘေးရဲ့ဆက်ခံသူပဲ”</p> <p>ချန်ယွမ်က ရန်ရှောက်ထျန်းကို စိုက်ကြည့်ရင်း အေးစက်စွာ ပြောလိုက်သည်။</p> <p>“ဘာ... သူကဟွန်ချွမ်ဘိုးဘေးရဲ့ ဆက်ခံသူ ဟုတ်လား”</p> <p>“လူငယ်ဧကရာဇ်ချန်ကို တစ်ကွက်တည်းနဲ့အနိုင်ယူခဲ့တဲ့ဟွန်ချွမ်ဘိုးဘေးရဲ့ ဆက်ခံသူ လား”</p> <p>ချန်ယွမ် စကားပြောလိုက်သည်နှင့်တစ်ပြိုင်နက် ရောက်ရှိနေသောပညာရှင်များကြားတွင် အကြီးအကျယ်တုန်လှုပ်မှုနှင့် ဆူညံမှုများဖြစ်ပေါ်သွားတော့သည်။</p> <p>လုံရှန့်တုန်းနှင့် ကောင်းကင်ပျံ ဖီးနစ်အမျိုးသမီးတို့ပင်လျှင် ရန်ရှောက်ထျန်းကို အံ့အားသင့်စွာ ကြည့်လိုက်ကြလေသည်။</p> <p>ရန်ရှောက်ထျန်းနှင့် ချန်ယွမ်တို့၏ တိုက်ပွဲအကြောင်းမှာပျံ့နှံ့နေခဲ့ပြီဖြစ်သဖြင့် လူအတော် များများသိကြလေသည်။ လုံရှန့်တုန်းသည်လူငယ်လေးတစ်ဦးကချန်ယွမ်ကို တစ်ကွက်တည်းနှင့် အနိုင်ယူခဲ့ကြောင်း၊ ထိုလူငယ်လေးမှာ အသက်တစ်ဆယ့်ခြောက်၊ တစ်ဆယ့်ခုနစ်နှစ်သာ ရှိသေးကြောင်း သိလိုက်ရသောအခါ သူ အကြီးအကျယ် အံ့အားသင့်သွားခဲ့လေသည်။</p> <p>ချန်ယွမ်မှာ လူငယ်ဧကရာဇ်ကိုးပါးထဲတွင် နောက်ဆုံးအဆင့်၌ရှိသော်လည်း ချန်ယွမ်ကို တစ်ကွက်တည်းနှင့် အနိုင်ယူနိုင်ခြင်းမှာ အလွန်တရာထူးခြားလှပေသည်။</p> <p>ယခုတစ်ကြိမ် သူ ထွက်လာခဲ့ရသည့်အကြောင်းရင်းတစ်ခုမှာလည်း ဤလူငယ်လေးက ဘယ်လိုလူမျိုးလဲဆိုသည်ကို မြင်တွေ့လိုသောကြောင့်လည်းဖြစ်လေသည်။</p> <p>ချန်ယွမ်မှာ ပတ်ဝန်းကျင်ရှိဆွေးနွေးမှုများကိုကြားလိုက်ရသဖြင့် သူ၏မျက်နှာမှာ နီမြန်းသွား တော့သည်။</p> <p>ရန်ရှောက်ထျန်း၏ တစ်ကွက်တည်းနှင့်အနိုင်ယူခံလိုက်ရခြင်းမှာ သူ၏ဘဝတွင် အကြီးမား ဆုံးသော အရှက်ရမှုပင်ဖြစ်လေသည်။</p> <p>ဂုဏ်သိက္ခာရှိသောလူငယ်ဧကရာဇ်ကိုးပါးထဲမှတစ်ဦးဖြစ်သူ သူသည်သူ့ထက် အများကြီး ငယ်သော လူငယ်လေးတစ်ဦး၏တစ်ကွက်တည်းနှင့်အနိုင်ယူခြင်းကိုခံလိုက်ရပြီး ယခုအခါ သူ၏ အရှက်ရဖွယ်ရာမှာ လမ်းတကာတွင်ပြောစရာဖြစ်နေခဲ့လေပြီ။</p> <p>“ကောင်လေး... မင်းလည်း ဒီကို လာမယ်လို့ ငါ မထင်ထားခဲ့ဘူး”</p> <p> ချန်ယွမ်က မျက်နှာနီမြန်းလျက် ရန်ရှောက်ထျန်းကိုသတ်ဖြတ်လိုစိတ်များဖြင့် စိုက်ကြည့် လိုက်ပြီးနောက် ရန်ရှောက်ထျန်းဆီသို့လမ်းလျှောက်လာခဲ့လေသည်။</p> <p> “ပြီးခဲ့တဲ့ အခေါက်က ငါကပေါ့ဆသွားလို့၊ ငါ့ရဲ့ နတ်ဘုရားခန္ဓာကိုယ် စွမ်းအားကိုတောင် အသုံးမပြုခဲ့လို့ မင်းကို ရှုံးခဲ့တာ။ ဒီတစ်ခါတော့ ငါ မင်းကို သေချာပေါက် အနိုင်ယူပြမယ်”</p> <p>ထိုသို့ပြောရင်း သူ၏ တစ်ကိုယ်လုံးရှိ အရှိန်အဝါများမှာ ပေါက်ကွဲထွက်လာတော့သည်။</p> <p>သူ၏ ခန္ဓာကိုယ်မှ နတ်ဘုရားအလင်းတန်းများစွာ ထွက်ပေါ်လာခဲ့လေသည်။</p> <p>မထင်မရှားဖြင့် ဧရာမခြင်္သေ့ကြီးတစ်ကောင်၏ပုံရိပ်မှာ ပေါ်ထွက်လာခဲ့လေသည်။</p> <p>ခြင်္သေ့ကြီးက ဟိန်းဟောက်လိုက်ရာ ကောင်းကင်နှင့် မြေကြီးမှာ တုန်ခါသွားတော့သည်။</p> <p>ဒါဟာ ချန်ယွမ်၏ နတ်ဘုရားခန္ဓာကိုယ်ဖြစ်သော ကောင်းကင်ခြင်္သေ့ နတ်ဘုရားခန္ဓာကိုယ်ပင် ဖြစ်လေသည်။</p> <p>ကောင်းကင်ခြင်္သေ့နတ်ဘုရားခန္ဓာကိုယ်မှာ ရှေးဟောင်းခြင်္သေ့ဘုရင်မျိုးနွယ်စု ငါးခု၏ အစွမ်း ထက်ဆုံးသော နတ်ဘုရားခန္ဓာကိုယ်များထဲမှ တစ်ခုဖြစ်လေသည်။</p> <p>ချန်ယွမ်က သူ၏ကောင်းကင်ခြင်္သေ့နတ်ဘုရားခန္ဓာကိုယ်ကို အသက်သွင်းလိုက်သည်နှင့် သူ၏ ခန္ဓာကိုယ်မှပြင်းထန်သောစွမ်းအားတစ်ခု ထွက်ပေါ်လာခဲ့လေသည်။</p> <p>ချန်ယွမ်၏ လက်ထဲတွင်ဓားတစ်လက်ရှိနေလေသည်၊ ဤဓားမှာလွန်ခဲ့သောအခေါက်က ဓားမဟုတ်ဘဲ မီးတောက်များကဲ့သို့နီမြန်းနေကာ သူ၏စစ်မှန်သောစွမ်းအားများကို အသက်သွင်း လိုက်သည်နှင့် ဓား၏ မီးတောက်ချီစွမ်းအင်မှာ အလွန်တရာအံ့ဩဖွယ်ကောင်းလှပေသည်။</p> <p>ဒေါသထွက်နေသော ချန်ယွမ်ကိုကြည့်ရင်း ရန်ရှောက်ထျန်းက တည်ငြိမ်သောအမူအရာဖြင့် အေးစက်စွာပြောလိုက်သည်။</p> <p> “ပြီးခဲ့တဲ့ အခေါက်က မင်းကထုန်းထျန်းနတ်ဘုရားဂိုဏ်းရဲ့ တပည့်တစ်ယောက်ဖြစ်နေလို့ ငါ မင်းကို အသက်ချမ်းသာပေးခဲ့တာ။ ဒီတစ်ခါတော့ မင်းထပ်ပြီးတိုက်ခိုက်ရဲရင် မင်း သေရမယ်”</p> <p>ချန်ယွမ် ခဏမျှမှင်တက်သွားပြီးနောက် ရက်စက်စွာရယ်မောလိုက်သည်။</p> <p>“ကြွားလွန်းလိုက်တာ၊ ဒီနေ့တော့မင်းပဲသေရမှာ”</p> <p> ထိုသို့ပြောရင်း သူ၏ကြီးမြတ်သောကောင်းကင်ကံကြမ္မာလွှာခုနစ်ခုမှာ ပျံထွက်လာခဲ့ပြီး ကြီးမြတ်သော ကောင်းကင်ကံကြမ္မာလွှာ ခုနစ်ခုပြီးနောက်တွင် အဋ္ဌမမြောက် ကောင်းကင်ကံကြမ္မာ လွှာမှာလည်း ပျံထွက်လာခဲ့လေသည်။</p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save