Book List

<h2 style="text-align: center;">အခန်း ၂၃၇</h2> <h2 style="text-align: center;">စားတော်ဆက်အသင်း (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>အိုရိုရဲတိုက်သို့ သွားရာလမ်းတစ်လျှောက်တွင် အန်နာ ခရော့ဖ်သည် တိတ်ဆိတ်နေခဲ့သည်။ ကျနော်တို့ချင်း မျက်လုံးချင်း ဆုံသည့်အခါတိုင်း အန်နာ ခရော့ဖ်သည် တစ်ခါတစ်ရံ ထူးဆန်းစွာ ပြုံးပြတတ်သော်လည်း စကားကိုတော့ အရင်စမပြောခဲ့ပေ။</p> <p>အန်နာ ခရော့ဖ်၏ အတွေးများကို ဖတ်ရှုနိုင်ရန် ကျနော် ဆန္ဒရှိသော်လည်း အန်နာ ခရော့ဖ်အပေါ် ကျနော်၏ နားလည်နိုင်စွမ်းမှာ အလွန်နိမ့်ပါးနေသဖြင့် 'အနှိုင်းမဲ့စာဖတ်သူ၏ရှုထောင့်' ဒုတိယအဆင့်ကို အသက်မသွင်းနိုင်ခဲ့ပေ။</p> <p>မူရင်းဝတ္ထုထဲက အန်နာ ခရော့ဖ်ကို ကျနော်သဘောမကျခဲ့ဟု ပြော၍ရ၏။ အန်နာ ခရော့ဖ်သည် ယူဂျွန်ဟော့ကို သတ်ခဲ့ဖူးသလို၊ နောက်ကျောကို ဓားဖြင့်ထိုးခဲ့ဖူးသည့် အကြိမ်ပေါင်းမှာ ၁၀ခါမက ရှိခဲ့၏။</p> <p>ရထားလုံးအတွင်းတွင် အန်နာ ခရော့ဖ်ရော၊ ကျနော်ပါ စကားမပြောကြသဖြင့် ရထားလုံးအတွင်းရှိ အငွေ့အသက်မှာ အနေရခက်လှသည်။ ဆယ်လီနာ ကင်မှာမူ ချွေးပြန်နေချေပြီ။</p> <p>" အက်စ်ဂတ်ရဲ့ ကိုယ်စားလှယ်တွေ ဖိတ်ကြားခံရတာမလို့ ကျမတို့ အတူတူ လာဖြစ်ခဲ့ကြတာပါ "</p> <p>ဆယ်လီနာ ကင်သည် ကြင်နာတတ်သော သဘာဝရှိသောကြောင့် ဤကဲ့သို့ တိတ်ဆိတ်နေသော အခြေအနေကို မခံရပ်နိုင်ဘဲ မမေးမြန်းသည့် အချက်အလက်များကိုပါ တတွတ်တွတ် ပြောပြနေခဲ့သည်။ ဘာပဲဖြစ်ဖြစ် အချက်အလက်များစွာ သိရခြင်းက ကျနော့်အတွက်တော့ ကောင်းလှပေသည်။</p> <p>"ဟုတ်ကဲ့။ နင်တို့က အက်စ်ဂတ် နက်ဗျူလာထဲကပေါ့နော်"</p> <p>"ဟုတ်ပါတယ်၊ အန်နာ စီစဉ်ပေးတာပါ"</p> <p>"နက်ဗျူလာကောင်းတစ်ခုကို ရွေးချယ်ခဲ့တာပဲ"</p> <p>"အဟီး... ကျမ ကံကောင်းသွားလို့ပါ။ ဒါကြောင့်လည်း အခုလို ခမ်းနားတဲ့ အခွင့်အရေးမျိုးကို ခံစားခွင့်ရတာပေါ့။ တခြား ကိုယ်စားလှယ်တွေတောင် ဖိတ်ကြားမခံရဘူးလေ..."</p> <p>ဆယ်လီနာ ကင်သည် အနည်းငယ် စိတ်လှုပ်ရှားနေပုံရသည်။ စားတော်ဆက်အသင်း၏ ဖိတ်ကြားချက်မှာ နက္ခတ်များ၏ စားသောက်ပွဲထက် အဓိပ္ပာယ် ပိုလေးနက်၏။ နက္ခတ်များ၏ စားသောက်ပွဲမှာ တော်ဝင်မျိုးနွယ် အားလုံး၏ စုဝေးပွဲဆိုလျှင် စားတော်ဆက်အသင်းမှာ အထက်တန်းလွှာများ၏ စုဝေးပွဲနှင့် တူသည်။</p> <p>သို့သော် မုချကောင်းသောအရာဟုတော့ မဆိုနိုင်ပေ။ ဆယ်လီနာ ကင် တစ်ယောက် ဟိုရောက်သွားသည့်အခါတွင်လည်း ယခုလို ဆက်တွေးနိုင်ပါဦးမလား ကျနော် သိချင်မိသည်။</p> <p>"အိုင်းရစ်။ ဘာလို့ ဘာမှမပြောတာလဲ။ ဒေါ့ဂျာ နဲ့ ထပ်တွေ့ချင်တယ်လို့ နင်ပဲ ပြောခဲ့တာ မဟုတ်ဘူးလား"</p> <p>" "Блин (ချီးပဲ)။ ဘယ်တုန်းက အဲဒီလို ပြောလို့လဲ"</p> <p>"ဒီကလေးမကတော့လေ... ပြီးခဲ့တဲ့ စားသောက်ပွဲတုန်းကတည်းက ကင်ဒေါ့ဂျာအကြောင်းပဲ ပြောနေခဲ့တာ မဟုတ်ဘူးလား။ မတွေ့ရတာ ကြာပြီဆိုတော့ စကားလေး ဘာလေး ပြောဦးလေ"</p> <p>ဆယ်လီနာ ကင်၏ စနောက်မှုကြောင့် အိုင်းရစ်၏ မျက်နှာမှာ နီရဲသွားသည်။ အိုင်းရစ်သည် ကျနော့်၏ အကြည့်ကို သတိပြုမိသွားပြီးမှ စကားကို ဂရုတစိုက် စပြော၏။</p> <p>"ရှင်က... ကယ်တင်ခြင်း၏ မိစ္ဆာဘုရင်... ဟုတ်တယ်မလား"</p> <p>ဒီကလေးက ဟိုတုန်းက ခပ်ရိုင်းရိုင်း ကလေးမလေး ဟုတ်ပါလေစဟု ကျနော် သံသယဖြစ်မိသော်လည်း ယဉ်ကျေးစွာပင် ပြန်ဖြေလိုက်သည်။</p> <p>"မှန်ပါတယ်"</p> <p>"…ကျမတို့နဲ့ အတူရှိနေရတာ အဆင်မပြေဖြစ်နေလားဟင်"</p> <p>"ဘာဖြစ်လို့ အဆင်မပြေဖြစ်ရမှာလဲ"</p> <p>"ကျမတို့က ကိုယ်စားလှယ်တွေပဲလေ။ ကယ်တင်ခြင်း၏ မိစ္ဆာဘုရင်ကတော့..."</p> <p>ဆယ်လီနာ ကင်၏ မျက်နှာထားမှာလည်း ပြောင်းလဲသွားသည်။ ကျနော် ခေတ္တခဏမျှ မေ့နေမိသော်လည်း ကျနော်က သူတို့နှင့် မတူတော့ပေ။ ကိုယ်စားလှယ်နှင့် နက္ခတ်တို့၏ ကွာဟချက်မှာ ကောင်းကင်နှင့် မြေကြီးကဲ့သို့ပင်။</p> <p>တခြားနက္ခတ်များသာဆိုလျှင် "ဒီပိုးမွှားလေးတွေက သူတို့ ဘယ်သူနဲ့ စကားပြောနေရလဲဆိုတာ အခုမှ သိကြတော့တယ်ပေါ့" ဟု ပြောပေလိမ့်မည်။ ကျနော်ကတော့ ထိုသို့သောလူမျိုး မဟုတ်ချေ။</p> <p>"ရပါတယ်။ ငါလည်း တစ်ချိန်တုန်းက ကိုယ်စားလှယ် ဖြစ်ခဲ့ဖူးတာပဲ"</p> <p>ကျနော့်စကားကြောင့် ဆယ်လီနာ ကင်သည် စိတ်သက်သာရာရသွားဟန်ဖြင့် သက်ပြင်းချလိုက်သည်။ အိုင်းရစ်မှာလည်း သတ္တိအနည်းငယ် ရလာပြီး ထပ်မေးပြန်သည်။</p> <p>"ဒါဆို... မေးခွန်းတစ်ခုလောက် မေးလို့ရမလား"</p> <p>"မေးပါ"</p> <p>"ရှင်နဲ့ ထောက်ပံ့သူ ကတိကဝတ် ချုပ်ဆိုထားတဲ့ ကိုယ်စားလှယ် ရှိလားဟင်"</p> <p>"ဘာလို့ မေးတာလဲ"</p> <p>"အဲဒါက... ဟိုလေ..."</p> <p>ဆယ်လီနာက တွန့်ဆုတ်နေသော အိုင်းရစ်အတွက် အရိပ်အယောင်တစ်ခု ပေးလိုက်သည်။</p> <p>"အိုင်းရစ်။ နင့်မှာ ထောက်ပံ့သူ မရှိသေးဘူး မဟုတ်လား"</p> <p>"ကျ... ကျမက သိချင်လို့ မေးကြည့်ရုံပါ"</p> <p>အိုင်းရစ်က အကြည့်လွှဲလိုက်သည့်အခါ သူ၏ ဆံပင်နှစ်ဖက်မှာ လှုပ်ခါသွားပြီး ကမ္ဘာမြေပေါ်ရှိ ရှင်ယူဆောင်းနှင့် လီဂီယောင်တို့ကို ကျနော် သတိရသွားသည်။</p> <p>အဲဒီကလေးတွေ... နေကောင်းကြပါစေ။</p> <p>ကျနော်သည် လွမ်းဆွတ်သော စိတ်ဖြင့် ပြောလိုက်သည်။</p> <p>"ကိုရီးယားကျွန်းဆွယ်မှာ ငါ့ရဲ့ ကိုယ်စားလှယ် တစ်ယောက် ရှိပါတယ်"</p> <p>ကျနော့်စကားကြောင့် အိုင်းရစ်၏ မျက်နှာထားမှာ ပြောင်းလဲသွားသည်။</p> <p>"ဪ... မဟုတ်မှလွဲရော ဟိုကလေးလေးလား..."</p> <p>ကျနော် ခေါင်းညိတ်ပြလိုက်သည်။ ရှင်ယူဆောင်း၏ ကောလဟာလမှာ နေရာအနှံ့ ပျံ့နှံ့နေပုံရသည်။ နက္ခတ်များက သူတို့၏ ကိုယ်စားလှယ်များကို ပြောပြထားပြီးသား ဖြစ်ပေလိမ့်မည်။</p> <p>ထိုအချိန်တွင် အန်နာ ခရော့ဖ်က စကားပြောလာသည်။</p> <p>"နင့်ရဲ့ ကိုယ်စားလှယ်ကို ပြောင်းဖို့ စဉ်းစားဖူးလား"</p> <p>ဆယ်လီနာ ကင်နှင့် အိုင်းရစ်တို့က အန်နာ ခရော့ဖ်ကို အံ့သြတကြီး ကြည့်လိုက်ကြသည်။ အန်နာ ခရော့ဖ်က ဆက်ပြောသည်။</p> <p>"အက်စ်ဂတ် နက်ဗျူလာထဲမှာ တကယ့်ကို တော်တဲ့ ကိုယ်စားလှယ်တွေ အများကြီး ရှိတယ်။ အရည်အချင်းရှိတဲ့ သူငယ်ချင်းလေးတွေလည်း အများကြီးပဲ။ အိုင်းရစ်ကလည်း သူတို့ထဲက တစ်ယောက်ပေါ့"</p> <p>လုံးဝမျှော်လင့်မထားသော ကမ်းလှမ်းချက်တစ်ခုပင်။ အန်နာ ခရော့ဖ်က အဘယ်ကြောင့် ရုတ်တရက် ဤသို့ ကမ်းလှမ်းရသနည်း။ အက်စ်ဂတ်က ကျနော့်အကြောင်းကို ပြောနေကြခြင်း ဖြစ်လောက်သည်။ ကျနော်သည် တရားဝင် နက်ဗျူလာတစ်ခု မတည်ထောင်ရသေးသောကြောင့် ဖြစ်မည်ပင်။</p> <p>"ငါ့ကို အက်စ်ဂတ် နက်ဗျူလာထဲ ဝင်ခိုင်းတာလား"</p> <p>"အဲဒါကိုပဲ ဆိုလိုတာတော့ မဟုတ်ပါဘူး။ အက်စ်ဂတ်မှာ ကိုယ်စားလှယ်ကောင်းတွေ အများကြီး ရှိတယ်ဆိုတာပါ။ သူတို့ထဲက တစ်ယောက်ကို လက်ခံလိုက်တာက မဆိုးဘူးလို့ ငါ ပြောချင်တာပါ။ ထောက်ပံ့သူ ကတိကဝတ်ကို အချိန်မရွေး ဖျက်သိမ်းလို့ရတာပဲလေ။ ဟုတ်တယ်မလား"</p> <p>စိတ်ပျက်သွားသော အိုင်းရစ်သည် တစ်ကျော့ပြန် တောက်ပသော မျက်ဝန်းများဖြင့် ကျနော့်ကို စိုက်ကြည့်လာသည်။ ကျနော်ကတော့ မည်သည့် ခံစားချက်မျှမရှိသော မျက်နှာဖြင့် ပြန်ဖြေလိုက်သည်။</p> <p>"ငါ့ရဲ့ ထောက်ပံ့သူ ကတိကဝတ်ကို ဖျက်သိမ်းဖို့ အစီအစဉ် မရှိပါဘူး"</p> <p>"နင်က အဲဒီကလေးမလေးကို အဲဒီလောက်တောင် သဘောကျလို့လား။ သူ့နာမည်က ရှင်ယူဆောင်း ဆိုတာမလား"</p> <p>ကျနော် ပြန်မဖြေခဲ့ပေ၊ အိုင်းရစ်၏ မျက်နှာမှာ ပြင်းထန်သော စိတ်ပျက်မှုများဖြင့် ပြည့်နှက်သွားသည်။ အိုင်းရစ်အပေါ် ကျနော့်၏ နားလည်နိုင်စွမ်းမှာ အလွန်နိမ့်ပါးသော်လည်း ခံစားချက် ပြောင်းလဲသွားမှုများကိုမူ အလွယ်တကူ သိနိုင်လေသည်။</p> <p>ထိုသို့ရှိစဉ်မှာပင် အန်နာ ခရော့ဖ်က ထူးဆန်းသော စကားတစ်ခွန်းကို ပြောလိုက်သည်။</p> <p>"ဥပမာအားဖြင့် ကိုယ်စားလှယ်တစ်ယောက်က ရုတ်တရက် သေဆုံးသွားတယ် ဆိုပါစို့..."</p> <p>အန်နာ ခရော့ဖ်၏ မျက်နှာတွင် အဓိပ္ပာယ်ဖော်မရသော အပြုံးတစ်ခု ရှိနေသည်။</p> <p>"အဲဒီလောက်ကြီး အံ့သြမသွားပါနဲ့။ ဒါက ဥပမာတစ်ခု ပြောတာပါ။ ဖြစ်နိုင်ခြေ တစ်ခုပေါ့။ မမျှော်လင့်ဘဲ ဖြစ်တတ်တဲ့ မတော်တဆမှု ဒါမှမဟုတ် ရုတ်တရက် ကျရောက်လာတဲ့ ကပ်ဘေးတွေက ကိုယ်စားလှယ်တစ်ယောက်ကို သေစေနိုင်တာပဲလေ... ဒါက သာမန်ကိစ္စတစ်ခုပါ။ အဲဒီလို ဖြစ်လာခဲ့ရင် နင့်ရဲ့ ကိုယ်စားလှယ်ကို ပြောင်းဖြစ်မယ်မလား"</p> <p>"မမျှော်လင့်ဘဲ ဖြစ်တတ်တဲ့ မတော်တဆမှု ဟုတ်လား"</p> <p>"ဟုတ်ပါတယ်၊ မမျှော်လင့်ဘဲ ဖြစ်တတ်တဲ့ မတော်တဆမှုပါ။ တိုက်တိုက်ဆိုင်ဆိုင် ဖြစ်လာမယ့် မတော်တဆမှုမျိုးပေါ့"</p> <p>ကျနော် အန်နာ ခရော့ဖ်ကို စိုက်ကြည့်လိုက်သည်။ ရှင်ယူဆောင်း၏ သေဆုံးမှု... ကျနော် ထိုအကြောင်းကို တစ်ခါမျှ မတွေးဖူးခဲ့ပေ။</p> <p>"ငါ အသက်ရှင်နေသရွှေ့ အဲဒီလိုမျိုး ဖြစ်လာမှာ မဟုတ်ဘူး"</p> <p>"နင် မသိနိုင်ပါဘူး။ ကံကြမ္မာက ဘယ်အချိန်၊ ဘယ်လို အလုပ်လုပ်မလဲဆိုတာ မသေချာဘူးလေ"</p> <p>…ကံကြမ္မာ ဟုတ်လား။ လေထုမှာ ခေတ္တခဏမျှ တုန်ခါသွားသည်။ ပတ်ဝန်းကျင် အငွေ့အသက်တစ်ခုလုံးမှာ နိမိတ်မကောင်းသော အငွေ့အသက်များဖြင့် ပြည့်နှက်သွားပြီး ရထားလုံးတစ်ခုလုံးမှာလည်း တုန်ခါလာခဲ့သည်။ အိုင်းရစ်နှင့် ဆယ်လီနာ ကင်တို့၏ မျက်နှာများမှာ တင်းမာသွား၏။ သူတို့သည် ကျနော့်ကို ကြောက်လန့်တကြား ကြည့်ရင်း သူတို့၏ လက်မောင်းများတွင် ကြက်သီးမွေးညင်းများ ထနေကြသည်။</p> <p>ကျနော် ဤသို့ မလုပ်ချင်ခဲ့ပေ။ သူတို့ကို ဗီလိန်တစ်ယောက်လို ခြောက်လှန့်ဖို့လည်း ကျနော် မရည်ရွယ်ခဲ့။ သို့သော် အန်နာ ခရော့ဖ်သည် မကျော်သင့်သော စည်းကို ကျော်လာခဲ့သည်။</p> <p>[တကယ်လို့ အဲဒီလိုမျိုးသာ တကယ် ဖြစ်လာခဲ့မယ်ဆိုရင်…]</p> <p>ကျနော် ကျနော့်၏ စစ်မှန်သော အသံကို အသုံးပြုလိုက်သည့်အခါ ဖြစ်နိုင်စွမ်း၏ လျှပ်စစ်မီးပွားများမှာ ပေါ်လာခဲ့သည်။</p> <p>[နက်ဗျူလာ ‘အက်စ်ဂတ်’ က စိုးရိမ်နေပါသည်။]</p> <p>[‘အက်စ်ဂတ်’ နက်ဗျူလာ၏ နက္ခတ်များက သင့်ကို သတိပေးနေပါသည်။]</p> <p>ကျနော့်နားထဲသို့ အက်စ်ဂတ် နက္ခတ်များ၏ သွယ်ဝိုက်သော မက်ဆေ့ချ်များ ဝင်လာသည်ကို ကြားလိုက်ရသော်လည်း ကျနော် မရပ်တန့်ခဲ့ပေ။</p> <p>[အဲဒီလိုသာ ဖြစ်လာခဲ့ရင် အဲဒီ ကံကြမ္မာကို ဖြစ်စေတဲ့ ကမ္ဘာအားလုံးကို ငါ သုတ်သင်ပစ်မယ်]</p> <p>ရိုက်ခတ်မှုကြောင့် ဖြစ်ပေါ်လာသော အရှိန်ကြောင့် ရထားလုံး၏ ပြတင်းပေါက်များမှာ တစ်ပြိုင်နက်တည်း ကွဲအက်သွားသည်။ ထိတ်လန့်သွားသော မောင်းနှင်သူမှာ ကျနော်တို့ဘက်သို့ လှည့်ကြည့်လာသည်။ အမြဲတမ်း တည်ငြိမ်နေတတ်သော အန်နာ ခရော့ဖ်၏ မျက်နှာပေါ်တွင်ပင် ဝေဝါးသော အံ့သြမှုများ ရှိနေ၏။ ကျနော့်တွင် မည်မျှလောက်သော ‘အဆင့်အတန်း’ ရှိနေသည်ကို အန်နာ ခရော့ဖ် သေချာ မသိခဲ့ခြင်း ဖြစ်ပေလိမ့်မည်။</p> <p>မကြာမီမှာပင် ရထားလုံး ရပ်တန့်သွားပြီး လမ်းညွှန်၏ အသံကို ကြားလိုက်ရတော့သည်။</p> <p>[အိုရိုရဲတိုက်သို့ ရောက်ရှိပါပြီ]</p> <p>တောင့်တောင့်ကြီး ဖြစ်နေကြဆဲဖြစ်သော လူသုံးဦးကို ကြည့်ပြီး ကျနော်ပြုံးလိုက်သည်။</p> <p>"သွားကြရအောင်"</p> <div> </div> <p> </p> <p> </p> <p> </p> <p> </p> <p> </p> <p>ရထားလုံးပေါ်မှ ကျနော်တို့ ဆင်းခဲ့ကြပြီးနောက် အိုရိုရဲတိုက်အတွင်းသို့ လမ်းပြသည့်အတိုင်း လိုက်သွားခဲ့သည်။</p> <p>အိုရိုရဲတိုက်။ ဤရဲတိုက်သည် ကမ္ဘာအနှံ့ ပျံ့နှံ့နေသော စားတော်ဆက်အသင်း၏ အဓိက အခြေစိုက်စခန်းများထဲမှ တစ်ခုဖြစ်ပြီး စားတော်ဆက်အသင်းဝင် တစ်ဦးက တိုက်ရိုက်ပိုင်ဆိုင်ထားခြင်း ဖြစ်သည်။ ပိုင်ရှင်ဖြစ်သူသည် မိစ္ဆာဘုရင် ၇၂ ပါးထဲမှ တစ်ပါး ဖြစ်လိမ့်မည်ဟု ကျနော် မှတ်မိနေသည်။</p> <p>ပိုင်ရှင်က ‘အတိုင်းအဆမဲ့ ခြိုးခြံချွေတာသူ’များလား။</p> <p>[သူတို့ကို ဝင်ရောက်ခွင့် ပြုလိုက်ပါပြီ]</p> <p>[အတည်ပြုပြီးပြီ။ ဝင်ခဲ့ပါ]</p> <p>ရဲတိုက်၏ အတွင်းပိုင်းမှာ အလယ်ခေတ်ပုံစံထက် ပိုမိုခေတ်မီသော ပုံစံမျိုး ရှိနေသည်။ အတွင်းပိုင်းသည် ခမ်းနားထည်ဝါသော ဟိုတယ်ဧည့်ခန်းမကြီးတစ်ခုနှင့် ဆင်တူနေသည်။ အလယ်အလတ်အဆင့် သင်္ကေတခန္ဓာကိုယ်များမှာလည်း နေရာအနှံ့ ပျံ့နှံ့နေသည်ကို မြင်တွေ့ရသည်။</p> <p>[နက္ခတ်အချို့က သင်၏တည်ရှိမှုကို အာရုံစိုက်နေကြပါသည်။]</p> <p>ကျနော်တို့ကို ပထမထပ် ဧည့်ခန်းမ၏ ထောင့်စွန်းတွင်ရှိသော စောင့်ဆိုင်းခန်းတစ်ခုသို့ လမ်းညွှန်ပေးခဲ့သည်။ အချို့လူများ မရောက်သေးခြင်းကြောင့် ဖြစ်ပေလိမ့်မည်။ အက်စ်ဂတ်၏ ကိုယ်စားလှယ် သုံးဦးနှင့် ကျနော်သာ ထိုနေရာတွင် ရှိနေခဲ့၏။</p> <p>[ဒီစောင့်ဆိုင်းခန်းမှာ ခဏစောင့်ပေးပါ။ နောက်ထပ် ရောက်လာမယ့် ကိုယ်စားလှယ်တွေ ရှိသေးလို့ပါ... အာ… ကယ်တင်ခြင်း၏ မိစ္ဆာဘုရင်က နက္ခတ်တစ်ပါးဆိုတာ မေ့သွားတယ်။ လူကြီးမင်းအတွက် သီးခြားစောင့်ဆိုင်းခန်းတစ်ခု ကျနော် စီစဉ်ပေးပါ့မယ်]</p> <p>"ရပါတယ်။ ငါအဆင်ပြေပါတယ်။ ဒီမှာပဲ နေပါ့မယ်"</p> <p>လမ်းညွှန်သည် ကျနော့်ကို ထူးဆန်းသလို စိုက်ကြည့်နေသော်လည်း မကြာမီမှာပင် ပျောက်ကွယ်သွားသည်။ အမှန်အတိုင်းပြောရလျှင် ဤနေရာတွင် နေရခြင်းက ပို၍ သက်သောင့်သက်သာ ရှိလေသည်။ ကျနော့်စိတ်ကို ပြင်ဆင်ရန် အချိန်အနည်းငယ် လိုအပ်နေသောကြောင့် ဖြစ်၏။</p> <p>စောင့်ဆိုင်းခန်း၏ နံရံတွင် ပြကွက်များ ချိတ်ဆွဲထားသည်။ လက်ရှိ ဒိုင်မင်းရှင်း အသီးသီး၌ ဖြစ်ပေါ်နေသော ဘေးထွက်ဇာတ်ဝင်ခန်းများကို ပြသနေခြင်း ဖြစ်၏။</p> <p>"ဟိုလေ… ခုနတုန်းက..."</p> <p>ဆယ်လီနာ ကင်က စကားစလိုက်ခြင်း ဖြစ်သည်။ ဆယ်လီနာ ကင်သည် ရထားလုံးပေါ်တွင် ဖြစ်ပျက်ခဲ့သည့် ကိစ္စများကြောင့် တွန့်ဆုတ်နေပုံရ၏။</p> <p>ကျနော်က ငြင်သာစွာ ပြုံးပြပြီး ပြန်ဖြေလိုက်သည်။</p> <p>"ရပါတယ်။ ငါ နည်းနည်း လွန်သွားခဲ့တာပါ"</p> <p>ဆယ်လီနာ ကင်၏ မျက်နှာထားမှာ အနည်းငယ် ပြေလျော့သွားသည်။</p> <p>"မဟုတ်ပါဘူး၊ ကျမတို့ဘက်က ရိုင်းပျမိသွားတာပါ။ တောင်းပန်ပါတယ်၊ ကယ်တင်ခြင်း၏ မိစ္ဆာဘုရင်"</p> <p>ဆယ်လီနာ ကင်၏ စကားလုံးများမှာ ယခင်ကထက် ပို၍ စနစ်တကျ ဖြစ်နေလေသည်။ ကျနော်သည် တောင်းပန်မှုကို ငြင်းပယ်လိုခြင်း မဟုတ်သော်လည်း တစ်ခုခုကိုတော့ စိတ်မကောင်း ဖြစ်မိ၏။ ဆယ်လီနာ ကင်တွင် အမှားမရှိပေ။ ဆယ်လီနာ ကင်သည် Ways of Survival ထဲတွင် ကျနော် သဘောကျသော လူအနည်းငယ်ထဲမှ တစ်ဦး ဖြစ်သည်။ ကျနော် မုန်းတီးသည်မှာ ထိုမြင်ကွင်းကို ထောင့်တစ်နေရာမှ ရပ်ကြည့်နေသော အရှက်မရှိသည့် လူကိုသာ ဖြစ်သည်။</p> <p>ထိုအချိန်တွင် စောင့်ဆိုင်းခန်းတံခါး ပွင့်လာပြီး နောက်ထပ် လမ်းညွှန်တစ်ဦး ပေါ်လာ၏။</p> <p>[အက်စ်ဂတ်ရဲ့ ကိုယ်စားလှယ်များခင်ဗျာ။ ကျေးဇူးပြုပြီး ကျနော့်နောက်ကို လိုက်ခဲ့ပါ]</p> <p>အက်စ်ဂတ်၏ နက္ခတ်များက သူတို့ကို ရှာနေကြခြင်း ဖြစ်ပေလိမ့်မည်။ ဆယ်လီနာ ကင်နှင့် အိုင်းရစ်တို့သည် ကျနော့်ကို ခေါင်းညိတ်နှုတ်ဆက်ပြီးနောက် ထွက်ခွာသွားကြသည်။</p> <p>အခြားတစ်ဖက်တွင်မူ အန်နာ ခရော့ဖ်သည် အခန်းထဲမှ မထွက်ဘဲ ကျနော့်ကို ကြည့်နေဆဲ ဖြစ်သည်။</p> <p>"နင့်မှာ ရန်သူဖြစ်နေတဲ့ နက္ခတ်တွေ အများကြီး ရှိနေတယ်နော်"</p> <p>"ဒါက နင် စိုးရိမ်ရမယ့် ကိစ္စ မဟုတ်ပါဘူး"</p> <p>ကျနော့်၏ ပြတ်သားသော စကားကြောင့် အန်နာ ခရော့ဖ်မှာ မျက်မှောင်အနည်းငယ် ကြုတ်သွားသည်။ အန်နာ ခရော့ဖ်သည် စောစောက ဖြစ်ပျက်ခဲ့သည့် ကိစ္စများ ရှိနေသော်လည်း ကြောက်ရွံ့ပုံမရပေ။ သူသည် သာမန်ကိုယ်စားလှယ်တစ်ဦးသာ ဖြစ်သော်လည်း နက်ဗျူလာတစ်ခုလုံးနှင့် ကတိကဝတ် ပြုထားသူ ဖြစ်၏။ အထက်တန်းအဆင့် အက်စ်ဂတ်သားများက ကျနော့်၏ ‘အဆင့်အတန်း’မှ သူ့ကို ကာကွယ်ပေးထားခြင်းကြောင့် မကြောက်ရွံ့ခြင်း ဖြစ်ပေလိမ့်မည်။</p> <p>"ပန်းတိုင်တစ်ခုတည်းကို သွားနေကြတဲ့ အပေါင်းအဖော်တွေအနေနဲ့ ငါ နင့်ကို အလေးအနက် အကြံပေးချင်တယ်။ နင် သဘောမကျရင်တောင်မှ တခြားနက္ခတ်တွေနဲ့ ပူးပေါင်းဆောင်ရွက်ရမယ့် အချိန်ရောက်နေပြီ"</p> <p>ပန်းတိုင်တစ်ခုတည်း တဲ့လား...။</p> <p>"နင့်ရဲ့ ပန်းတိုင်က ဘာလဲဆိုတာ ငါ မသိတဲ့အတွက် နင်ပြောတာကို ငါပြန်မဖြေနိုင်ပါဘူး"</p> <p>"ဒီကမ္ဘာကြီးကို ကာကွယ်ဖို့လေ။ နင်လည်း ဒါအတွက်ပဲ တိုက်ပွဲဝင်နေတာ မဟုတ်ဘူးလား"</p> <p>ထိုမေးခွန်းကို ပြန်ဖြေမည့်အစား ကျနော်သည် စောင့်ဆိုင်းခန်း နံရံရှိ ပြကွက်ကို တစ်ချက် ကြည့်လိုက်သည်။ ထိုနေရာတွင် ကပ်ဘေးများနှင့် နက္ခတ်များ၏ ဖျက်ဆီးခြင်းကို ခံနေရသော ကိုယ်စားလှယ်များ၏ ပုံရိပ်များ ရှိနေ၏။ ကျနော် ပြန်မဖြေဘဲ နေလိုက်သည့်အခါ အန်နာ ခရော့ဖ်သည် ကျနော့်ဘေးမှ ဖြတ်သွားခဲ့သည်။</p> <p>ထိုအခိုက်အတန့်တွင် ကျနော် စကားစလိုက်သည်။</p> <p>"ဒီကမ္ဘာကြီးက ကာကွယ်ဖို့ ထိုက်တန်သလား၊ မထိုက်တန်ဘူးလား ဆိုတာကို ငါ အရင်ကြည့်ရဦးမယ်"</p> <p>ကျနော့်စကားကြောင့် အန်နာ ခရော့ဖ်၏ မျက်နှာထားမှာ တင်းမာသွားသည်။ သူသည် စိုးရိမ်နေသော လမ်းညွှန်နှင့် ကျနော့်ကို တစ်လှည့်စီ ကြည့်ပြီးနောက် သက်ပြင်းအနည်းငယ် ချလိုက်၏။</p> <p>"…နောက်ထပ် စကားပြောဖို့ အခွင့်အရေး ရှိဦးမယ်လို့ မျှော်လင့်ပါတယ်"</p> <p>အန်နာ ခရော့ဖ် ပျောက်ကွယ်သွားပြီးနောက် စောင့်ဆိုင်းခန်းထဲတွင် ကျနော် တစ်ဦးတည်းသာ ကျန်ရစ်ခဲ့သည်။ တစ်ကိုယ်တည်း ကျန်ခဲ့သည့်အခါ ကျနော်သည် အတွေးများကို တိတ်ဆိတ်စွာ စုစည်းလိုက်မိသည်။</p> <p>Ways of Survival ထဲတွင် ဖော်ပြထားသော စားတော်ဆက်အသင်းမှ နက္ခတ်များကို ကျနော် ပြန်လည် စဉ်းစားကြည့်ပြီး ဖျောင်းဖျနားချ၍ ရနိုင်မည့် နက္ခတ်များအကြောင်းကိုလည်း တွေးတောနေမိ၏။ သူတို့၏ ဝိသေသ လက္ခဏာများနှင့် ဘွဲ့အမည်များကိုလည်း ကျနော် မမေ့ခဲ့ပေ။</p> <p>နက္ခတ်များ၏ စားသောက်ပွဲတုန်းက ကျနော် ကံကောင်းခဲ့သော်လည်း ယခုတစ်ကြိမ်မှာလည်း ထိုသို့ ထပ်ဖြစ်လာမည်ဟု အာမ မခံနိုင်ပေ။ အကယ်၍ စားတော်ဆက်အသင်းကို လူမှုရေးအသိုင်းအဝိုင်း တစ်ခုအနေဖြင့် ဖော်ပြရမည်ဆိုလျှင် ဤသည်မှာ ကျနော့်အတွက် တရားဝင် ပွဲဦးထွက်ခြင်းပင် ဖြစ်ပေလိမ့်မည်။</p> <p>ဤနေရာတွင် ကျနော် မည်သို့သော အထင်အမြင်မျိုး ပေးနိုင်မည်၊ မည်သည့်အကြောင်းအရာများကို ပြောဆိုမည် ဆိုသည့်အပေါ် မူတည်ပြီး နောက်ထပ် ဇာတ်ဝင်ခန်းများ၏ ဦးတည်ချက်မှာ ပြောင်းလဲသွားပေလိမ့်မည်။</p> <p>ထိုအခိုက်အတန့်တွင် စောင့်ဆိုင်းခန်း တံခါး ပွင့်လာခဲ့သည်။</p> <p>ကျနော်က လမ်းညွှန်တစ်ဦးဟု ထင်မှတ်ထားခဲ့သော်လည်း ယခုတစ်ကြိမ်တွင်မူ မျှော်လင့်မထားသော တည်ရှိမှုတစ်ခုက ကျနော့်ကို စောင့်ကြိုနေခဲ့သည်။ ကျနော် တစ်ခုခု ပြောရန် ပြင်လိုက်သည့် ခဏမှာပင် တစ်ဖက်လူက အရင်စပြောသည်။</p> <p>[မတွေ့ရတာ ကြာပြီနော်၊ ကင်ဒေါ့ဂျာ။ ငါ စောင့်နေရတာ တော်တော် ကြာသွားပြီ]</p> <p>ကျနော်သည် စစ်မှန်သော အသံ၏ တောက်ပသော လေယူလေသိမ်းကို ကြားလိုက်ရသဖြင့် တစ်ဖက်လူမှာ မည်သူဖြစ်သည်ကို သိလိုက်ရသည်။ မရဏလောက၏ ဘုရင်မမှာ တကယ့်ကို နောက်ပြောင်တတ်လွန်းလှသည်။</p> <p>ကျနော် သက်ပြင်းချလိုက်ပြီး မေးလိုက်သည်။</p> <p>"…နေပါဦး၊ ခင်ဗျား ဘာဖြစ်လို့ အဲဒီလို ပုံစံမျိုး ဖြစ်နေရတာလဲ"</p> <p>***</p> <p> </p>


Save