Book List

<h2 style="text-align: center;">အခန်း ၂၃၉</h2> <h2 style="text-align: center;">စားတော်ဆက်အသင်း (၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ကျနော့်စကားကြောင့် အဖိုးအို၏ မျက်နှာအမူအရာမှာ ပြောင်းလဲသွားသည်။</p> <p>"…ကယ်တင်ခြင်း၏ မိစ္ဆာဘုရင်… လား"</p> <p>အဖိုးအို၏ ရှုပ်ထွေးပွေလီလှသော မျက်နှာအရေးအကြောင်း များကြောင့် သူ၏ စိတ်ခံစားချက်အတိအကျကို ခန့်မှန်းရန် ခက်ခဲလှသည်။ အဖိုးအိုသည် ပထမဦးစွာ အံ့သြသွားပြီးနောက် ဒေါသထွက်ဟန်ပြကာ နောက်ဆုံးတွင်မူ ချီးကျူးအံ့သြသော အရိပ်အယောင်များ ပေါ်လာ၏။ အတိအကျပြောရလျှင် စိတ်ခံစားချက်အားလုံးမှာ မျက်နှာအမူအရာတစ်ခုတည်းတွင် စုပြုံပါဝင်နေခြင်း ဖြစ်လေသည်။</p> <p>"ဒါပေါ့လေ... မင်းက... ဟားဟား… အခုမှပဲ သဘောပေါက်တော့တယ်"</p> <p>အဖိုးအိုသည် ကျနော့်ကို သိနေပုံရသည်။ ပါစီဖုန်းမှလွဲ၍ စားတော်ဆက်အသင်းတွင် ကျနော့်အကြောင်း သိမည့်သူ ရှိလိမ့်မည်ဟု မမျှော်လင့်ထားခဲ့မိသော်လည်း... သူက သိသိသာသာကြီးကို သတိထားမိနေခြင်းဖြစ်ပုံရ၏။</p> <p>"အဖိုးရဲ့ ဘွဲ့အမည်ကို မေးလို့ရမလားခင်ဗျာ"</p> <p>အဖိုးအိုသည် ကျနော့်မေးခွန်းကို ပြန်မဖြေဘဲ အဓိပ္ပာယ်ဖော်ရခက်သော အပြုံးတစ်ခုကိုသာ ပြုံးလိုက်သည်။</p> <p>"ငါလုပ်ထားတဲ့ ဝတ်ရုံကို မင်းကြိုက်ရဲ့လား"</p> <p>"…ဗျာ"</p> <p>"မင်း အခုဝတ်ထားတဲ့ ဝတ်ရုံလေ"</p> <p>ကျနော်သည် ဝတ်ထားသော အဖြူရောင်ဝတ်ရုံကို ငုံ့ကြည့်မိသည်။</p> <p>[အနန္တနယ်ပယ် အာကာသဝတ်ရုံ]</p> <p>ဤဝတ်ရုံမှာ မြုံအီဆန်ကို အနိုင်ယူပြီးနောက် ကျနော် ရရှိခဲ့သည့် ဆုလာဘ်ဝတ်ရုံ ဖြစ်သည်။ ဤဝတ်ရုံကို ဖန်တီးခဲ့သည့် နက္ခတ်၏ အမည်မှာ...</p> <p>"…ထုတ်လုပ်ရေး လုပ်ငန်းရှင် လား"</p> <p>ကျနော်၏ အံ့သြတကြီး ရေရွတ်သံကြောင့် အဖိုးအိုက ရယ်မောလိုက်သည်။</p> <p>"ငါ့ကို အဲဒီလိုပဲ ခေါ်ကြတာတော့ အမှန်ပဲ"</p> <p>သူက လက်မထောင်ပြလိုက်သဖြင့် ကျနော် အနည်းငယ် စိတ်ဓာတ်ကျသွားမိသည်။ ‘ထုတ်လုပ်ရေး လုပ်ငန်းရှင်’။ သူသည် ကြယ်တာရာ ရုပ်သံထုတ်လွှင့်မှု၏ ဇာတ်ဝင်ခန်းများအပေါ် သြဇာအရှိဆုံး နက္ခတ်များစာရင်းတွင် ပါဝင်သူ ဖြစ်၏။</p> <p>သူ၏ တိုက်ခိုက်နိုင်စွမ်းကို အမြင့်ဆုံးအဆင့်ဟု သတ်မှတ်ရန် ခက်ခဲသော်လည်း သူသည် နက်ဗျူလာများစွာနှင့် စီမံခန့်ခွဲရေးဌာနတို့အကြား နီးကပ်သော ဆက်နွယ်မှုရှိသည့် ပုဂ္ဂိုလ်တစ်ဦး ဖြစ်သည်။ ပို၍ ဆိုးသည်မှာ ကျနော်သည် ပဉ္စမမြောက် ဇာတ်ဝင်ခန်းတွင် ထုတ်လုပ်ရေး လုပ်ငန်းရှင်၏ ကိုယ်စားလှယ်ဖြစ်သူ မြုံအီဆန်ကို သတ်ဖြတ်ခဲ့မိခြင်းပင်။</p> <p>"ဟားဟား… အဲဒီလို မျက်နှာပေးနဲ့ ကြည့်မနေပါနဲ့။ ငါ မင်းကို ကိုက်မစားပါဘူးကွာ"</p> <p>ထုတ်လုပ်ရေး လုပ်ငန်းရှင်သည် ကျနော် ဘာပြောချင်နေသည်ကို ရိပ်မိပုံရသည်။</p> <p>"မင်း ဘာတွေးနေလဲဆိုတာ ငါသိပါတယ်။ စိုးရိမ်မနေပါနဲ့။ ဒါက ကြယ်တာရာ ရုပ်သံထုတ်လွှင့်မှုမှာ ဖြစ်နေကျအရာတွေပဲလေ။ ဘယ်လိုပဲဖြစ်ဖြစ် သူက ငါစိတ်ဝင်စားရမယ့် လူစားမျိုးလည်း မဟုတ်ပါဘူး"</p> <p>"…"</p> <p>"သူက သတ္တိလည်းမရှိ၊ စိတ်ဓာတ်လည်း အားနည်းပြီး အမြဲတမ်း လွယ်ကူတဲ့ လမ်းကိုပဲ ရှာနေတဲ့သူလေ"</p> <p>ကျနော့်စိတ်ထဲတွင် ခံစားချက်ပေါင်းစုံ ရောယှက်သွား၏။ ထုတ်လုပ်ရေး လုပ်ငန်းရှင်က ထိုကိစ္စကို ဂရုမစိုက်သည့်အတွက် စိတ်သက်သာရာရမိသလို၊ တစ်ဖက်တွင်လည်း ထုတ်လုပ်ရေး လုပ်ငန်းရှင်ကဲ့သို့သော နက္ခတ်မျိုးကပင် ကိုယ်စားလှယ်များကို ကိရိယာတန်ဆာပလာများအဖြစ်သာ သဘောထားခြင်းအပေါ် စိတ်ပျက်မိသွား၏။</p> <p>ကျနော်က တည်ငြိမ်ဟန်ဆောင်လိုက်ရင်း "ကျေးဇူးတင်ပါတယ်" ဟု ပြောလိုက်သည်။</p> <p>" ကျေးဇူးတင်မနေစမ်းနဲ့။ ဘယ်လောက်ပဲ ညံ့ဖျင်းပါစေ သူက ငါ့ရဲ့ ကိုယ်စားလှယ်ပဲလေ... ဒါနဲ့… မင်းဖန်တီးထားတဲ့ ဇာတ်လမ်းကို ငါတွေ့တယ်"</p> <p>"ကျနော့်ရဲ့ ဇာတ်လမ်းကိုတွေ့တယ် ဟုတ်လား"</p> <p>"ဟုတ်တယ်။ မင်းက ဇာတ်ဝင်ခန်းကို မျှော်လင့်မထားတဲ့ ဘက်တွေကို ဦးတည်အောင် လုပ်နိုင်စွမ်းရှိပြီး အုတ်အော်သောင်းနင်းဖြစ်အောင်လုပ်ဆောင်ခြင်းမှာလည်း တော်သားပဲ။ မင်းကြောင့် ငါ ခဏလောက်တော့ မပျင်းရတော့ဘူး။ ငါ မင်းကို ကြယ်ငါးပွင့် ပေးထားတယ်"</p> <p>ထိုစကားက ချီးကျူးစကားလား၊ လှောင်ပြောင်စကားလားဆိုသည်ကို ကျနော် မသေချာသော်လည်း သူ့ကို ကျေးဇူးတင်စကား ပြောလိုက်၏။</p> <p>"မင်း ဒီကိုလာတာ ပထမဆုံးအကြိမ်မလား။ ဘယ်သူက မိတ်ဆက်ပေးလိုက်တာလဲ"</p> <p>"မရဏလောကရဲ့ ဘုရင်မ ပါ"</p> <p>ထုတ်လုပ်ရေး လုပ်ငန်းရှင်၏ မျက်ဝန်းများ ဝင်းလက်သွားသည်။</p> <p>"အဲဒီအဖွားကြီးကတော့ကွာ...ဟားဟား… နည်းလမ်းပေါင်းစုံကို သုံးနေတာပဲ။ ဒီလိုအချိန်မျိုးမှာ မင်းလို လူသစ်တစ်ယောက်ကို ခေါ်လာရတယ်လို့..."</p> <p>သူ ဆိုလိုသည့်အရာကို ကျနော် သိနေသော်လည်း တမင်တကာ တုန်လှုပ်ဟန်ပြလိုက်သည်။</p> <p>"စားတော်ဆက်အသင်းမှာ ဘာတွေဖြစ်နေလို့လဲခင်ဗျာ"</p> <p>"သူတို့ကတော့ အမြဲတမ်း တစ်ခုခု လုပ်နေကြတာကွ။ အဲဒါထက်စာရင် အဲဒီအဖွားကြီးက မင်း ဘာလုပ်နိုင်မလဲဆိုတာ ကြည့်ဖို့အတွက် မင်းကို ပစ်ထားခဲ့တာလား။ ကျွတ်ကျွတ်... ဘယ်လိုပဲဖြစ်ဖြစ် အဲ့ဒီအဖွားကြီးက အိုလံပတ်စ်ကပဲလေ။ လာခဲ့။ ငါ မင်းကို အကျဉ်းချုံးပြီး မိတ်ဆက်ပေးမယ်"</p> <p>မျှော်လင့်မထားဘဲ အရာအားလုံး အဆင်ပြေချောမွေ့နေသည်။ ထုတ်လုပ်ရေး လုပ်ငန်းရှင်၏ နောက်ကနေ လိုက်သွားရင်း ပတ်ဝန်းကျင်ကို ကျနော် အကဲခတ်လိုက်သည်။ ကြည့်စရာ ခမ်းနားထည်ဝါမှုတွေ များနေသော်လည်း ဤနေရာကို လာရသည့် ရည်ရွယ်ချက်ကိုတော့ ကျနော် မမေ့လျော့ပေ။ ကယ်တင်ခြင်း၏ မိစ္ဆာဘုရင် အနေဖြင့် ကျနော့်ကို ကူညီပေးနိုင်မည့် နက္ခတ်များကို စည်းရုံးရန် လာခဲ့ခြင်း ဖြစ်၏။</p> <p>ကြည့်ရအောင်။ ပထမဆုံးအဆင့်က နက္ခတ်တွေကို စကားပြောဖို့ပဲ...</p> <p>"ဟိုဘက်မှာ အရက်မူးနေတဲ့သူက ဘယ်သူလဲဆိုတာ မင်းသိတယ်မလား။ သူက သော်(Thor) လေ။ ဟိုဘက်က တက်ကြွပြီး တင်းမာတဲ့ ပုံစံရှိတဲ့ အမျိုးသမီးကတော့ ဗကာရင်း(Vakarine) ပဲ..."</p> <p>ထုတ်လုပ်ရေး လုပ်ငန်းရှင်က နက္ခတ်တစ်ပါးချင်းစီ၏ အမည်ကို ခေါ်လိုက်တိုင်း ကျနော် ရင်တဖိုဖို ခံစားရသည်။ နက္ခတ်များ၏ အမည်ရင်းများမှာ သူတို့၏ အာရုံစိုက်မှုကို ဆွဲဆောင်နိုင်သော စွမ်းအား ရှိ၏။ ပြဿနာမှာ သူတို့က ထိုသို့ခေါ်သည်ကို နှစ်သက်ကြမည်လား သို့မဟုတ် ဒေါသထွက်ကြမည်လား ဆိုသည်ပင်။ ကျနော်သည် ပါစီဖုန်းကဲ့သို့သော နက္ခတ်များကို တစ်ခါတစ်ရံ အမည်ခေါ်ဖူးသော်လည်း ယခုကဲ့သို့တော့ မဟုတ်ခဲ့ပေ...</p> <p>"သူတို့က ငါ့ကို သိပ်မကြည်ကြဘူး၊ ဒါကြောင့် မင်းကို သူတို့နဲ့ မိတ်ဆက်မပေးနိုင်ဘူး။ ငါ အနားကပ်သွားတာနဲ့တင် သူတို့က ကြောက်နေကြတာလေ"</p> <p>အမှန်စင်စစ် ‘ကြာသပတေးနေ့၏ မိုးကြိုး’ နှင့် ‘မိုးသောက်ကြယ် နတ်ဘုရားမ’ တို့မှာ ထုတ်လုပ်ရေး လုပ်ငန်းရှင်ကို ရှောင်ဖယ်နေကြပုံရသည်။ အကြောင်းရင်းကို ကျနော် အကြမ်းဖျင်း သိနေ၏။</p> <p>"ကျွတ်ကျွတ်… သူတို့က ဇာတ်လမ်းကောင်းဆိုတာ ဘာလဲဆိုတာ မသိကြဘူး..."</p> <p>မည်သို့ပင်ဖြစ်စေ ထုတ်လုပ်ရေး လုပ်ငန်းရှင်နှင့်အတူ လှုပ်ရှားနေရုံဖြင့် နက္ခတ်များ၏ တုံ့ပြန်မှုမှာ သိသိသာသာ ကွဲပြားသွားသည်ကို ကျနော် ခံစားရသည်။ ယခင်က ဝင်ရောက်ရန် ခက်ခဲခဲ့သော စားသောက်ပွဲခမ်းမ၏ ဗဟိုချက်မသို့လည်း လွယ်ကူစွာ ရောက်ရှိသွား၏။ သို့သော်လည်း ယခုတော့ ကျနော် စကားမပြောရသေးခင်မှာပင် လူတိုင်းက ထွက်ပြေးနေကြလေသည်...</p> <p>အာ…</p> <p>အက်စ်မိုးဒီအက်စ် ကလည်း စားတော်ဆက်အသင်းဝင် တစ်ယောက်ဆိုတာကို ကျနော် သတိရသွားသည်။</p> <p>သူ ဘယ်မှာပါလိမ့်။</p> <p>"အဓိက အခမ်းအနား စတော့မယ့်ပုံပဲ"</p> <p>ထုတ်လုပ်ရေး လုပ်ငန်းရှင်သည် တစ်ကိုယ်တည်း ပြုံးလိုက်ရင်း ကျနော့်လက်ကို ဆွဲလိုက်သည်။ ကျနော် ဘေးနားရှိ စားပွဲတစ်ခုတွင် ထိုင်လိုက်သည့်အခါ လမ်းညွှန်သူက အစားအစာများကို ချက်ချင်း ချပေးလေသည်။</p> <p>[ကိုးဆင့်မြောက် စက်ဝိုင်း မဟာသူတော်စင်ကြီး မာဘာတိုးစ်၏ မျက်လုံးများ]</p> <p>ကျနော် အစားအစာကို တစ်ချက်ကြည့်လိုက်ပြီးနောက် ခက်ရင်းကို ပြန်ချလိုက်သည်။ ဘေးနားရှိ နက္ခတ်အချို့က ကျနော့်ကို လှောင်ရယ်ကြသည်။ ကျနော် အစားအစာကို မထိရဲမကိုင်ရဲဖြစ်ပြီး မစားနိုင်သည်ကို သူတို့က အထင်သေးနေကြပုံရသည်။ ထုတ်လုပ်ရေး လုပ်ငန်းရှင်ကတော့ ထိုအကြည့်များကို လျစ်လျူရှုထားပြီး မျက်လုံးများကို ဝါးစားနေလေသည်။</p> <p>"ဒါက အရသာရှိသားပဲ။ ဟိုမှာကြည့်လိုက်။ အဲဒီမိတ်ဆွေက ဒီနေ့ရဲ့ အခမ်းအနားမှူးပဲ"</p> <p>စင်မြင့်ပေါ်တွင် အလင်းရောင်များ လင်းထိန်သွားပြီး အခမ်းအနားမှူး ထွက်ပေါ်လာသည်။ ထိုမျက်နှာမှာ ရင်းနှီးနေသည်။ သူသည် စောစောက ကျနော့်ကို တွန်းတိုက်သွားခဲ့သော နက္ခတ်ပင် ဖြစ်သည်။ ထိုနက္ခတ်မသည် လှပသော ဂေါသစ်အငွေ့အသက်ရှိသည့် ဂါဝန်ဝတ်စုံကို ဝတ်ဆင်ထားပြီး ချစ်စရာကောင်းသော မျက်နှာရှိသည့် အမျိုးသမီးငယ်တစ်ဦး ဖြစ်သည်။</p> <p>[စားတော်ဆက်အသင်းဝင်များရှင့်။ မင်္ဂလာပါ~ ကျမကတော့ ဒီနေ့ရဲ့ အခမ်းအနားမှူး ယူဖရိုဆီနီပါ]</p> <p>အမည်ကို ကြားလိုက်ရုံဖြင့် သူသည် မည်သူဖြစ်သည်ကို ကျနော် သိလိုက်သည်။ ပျော်ရွှင်ခြင်းနှင့် ပွဲတော်များ၏ နတ်ဘုရားမ ယူဖရိုဆီနီ။ သူသည် အိုလံပတ်စ် နက်ဗျူလာတွင် ပါဝင်သော နက္ခတ်တစ်ပါး ဖြစ်၏။</p> <p>လက်ခုပ်သံများနှင့်အတူ အချို့သော နက္ခတ်များမှာ သူတို့၏ သိက္ခာကိုပင် မငဲ့ကွက်နိုင်တော့ဘဲ အော်ဟစ်အားပေးကြသည်။</p> <p>"အိုးးး… ယူဖလေးရေ… ဒီဘက်ကို ကြည့်ပါဦး"</p> <p>အတိအကျပြောရလျှင် ကျနော့်ဘေးနားရှိ ထုတ်လုပ်ရေး လုပ်ငန်းရှင်ပင် ဖြစ်သည်။ ရုတ်တရက် Ways of Survival ထဲမှ မှတ်ဉာဏ်တစ်ခု ခေါင်းထဲသို့ ရောက်လာသည်။ မူရင်းဝတ္ထုထဲတွင် ယူဖရိုဆီနီသည် စားတော်ဆက်အသင်း ပွဲတော်၏ အခမ်းအနားမှူးအဖြစ် ထွက်ပေါ်လာသည့် အချိန်တစ်ခု ရှိခဲ့သည်။ ထိုစဉ်က ယူဂျွန်ဟော့က...</p> <p>[အလုပ်များနေတဲ့ကြားက တက်ရောက်ပေးကြလို့ ကျေးဇူးတင်ပါတယ်။ ဒီနေရာကို ငှားရမ်းပေးတဲ့ အိုရိုရဲတိုက်ရဲ့ အရှင်သခင်၊ ‘အတိုင်းအဆမဲ့ ခြိုးခြံချွေတာသူ’ နက္ခတ်ကိုလည်း ကျေးဇူးတင်ပါတယ်]</p> <p>မဟုတ်မှလွဲရော၊ ယူဂျွန်ဟော့က ယူဖရိုဆီနီကို မူရင်းဝတ္ထုထဲမှာ သတ်ခဲ့တာများလား။</p> <p>[ဒီနေ့မှာ အဓိက အစီအစဉ် နှစ်ခု ရှိပါတယ်။ အဲဒီမတိုင်ခင်မှာ အထူးဧည့်သည်တစ်ဦးနဲ့ မိတ်ဆက်ပေးချင်ပါတယ်။ အဲ့ဒီနက္ခတ်တွေအကြောင်း ရှင်တို့ ကြားဖူးကြမှာပါ။ ဒီနေ့ရဲ့ ဧည့်သည်ကတော့ ခုတလော ရေပန်းအစားဆုံး ဖြစ်နေတဲ့ ဂြိုဟ်တစ်ခုက လာတာပဲ ဖြစ်ပါတယ်]</p> <p>စင်မြင့်ထောင့်တစ်နေရာတွင် မီးရှူးမီးပန်းများ ပေါက်ကွဲသွားသည့်အခါ ကျနော့်တွင် မကောင်းသော ခံစားချက်တစ်ခု ဖြစ်ပေါ်လာသည်။</p> <p>[ကမ္ဘာမြေမှ ပရောဟိတ်မ၊ အန်နာ ခရော့ဖ် ကို လက်ခုပ်တီးပြီး ကြိုဆိုပေးကြပါဦး]</p> <p>ဆူညံနေသော နက္ခတ်များမှာ တစ်ပြိုင်နက်တည်း တိတ်ဆိတ်သွားကြသည်။ အန်နာ ခရော့ဖ် သည် အဓိကစင်မြင့်ဆီသို့ လှေကားထစ်များအတိုင်း တက်လှမ်းသွားသည်ကို ကျနော် မြင်လိုက်ရသည်။</p> <p>…ဒါကြောင့်ကိုး။</p> <p>အန်နာ ခရော့ဖ် သည် အဘယ်ကြောင့် ယခုအချိန်တွင် စားတော်ဆက်အသင်းသို့ ရောက်ရှိလာသနည်းဆိုသည်ကို ကျနော် သိလိုက်ရသလိုပင်။ အန်နာ ခရော့ဖ် သည် တကယ်ကို ကျနော် မနှစ်သက်နိုင်သော အမျိုးသမီးတစ်ဦး ဖြစ်လေသည်။</p> <p>အန်နာ ခရော့ဖ် သည် ထူးခြားတည်ငြိမ်သည့် အကြည့်များဖြင့် ပရိသတ်ကို ကြည့်လိုက်ပြီး တောက်ပသော အပြုံးဖြင့် နှုတ်ဆက်လိုက်သည်။</p> <p>"စားတော်ဆက်အသင်းက နက္ခတ်များရှင်၊ တွေ့ရတာ ဝမ်းသာပါတယ်။ ကျမကတော့ အက်စ်ဂတ် နက်ဗျူလာရဲ့ ကိုယ်စားလှယ် အန်နာ ခရော့ဖ် ပါ"</p> <p>အန်နာ ခရော့ဖ်သည် သိက္ခာရှိရှိ ရပ်တည်နေသော်လည်း နက္ခတ်များမှာမူ အန်နာ ခရော့ဖ် ပါးစပ်ဟလိုက်သည့် အချိန်မှစ၍ မျက်မှောင်ကြုတ်နေကြပြီ ဖြစ်သည်။</p> <p>"စားတော်ဆက်အသင်းလည်း တကယ်ကို နိမ့်ကျသွားပြီပဲ။ အစားအစာတစ်ခုက စင်ပေါ်မှာ စကားပြောနေတာကို ငါ မယုံနိုင်ဘူး"</p> <p>"ဒီဘက်ခေတ် ကြယ်တာရာ ရုပ်သံထုတ်လွှင့်မှုတွေကတော့ ပျက်စီးနေပြီ"</p> <p>ဤနေရာမှာ စားတော်ဆက်အသင်း ဖြစ်သည်။ ဤပွဲမှာ အစားအသောက် ဝါသနာပါသော နက္ခတ်များအတွက် ဂရုတစိုက် ရွေးချယ်ထားသော ‘ဇာတ်လမ်းများ’ ၏ စားသောက်ပွဲ ဖြစ်၏။ မည်မျှပင် သဘာဝကျသော ဇာတ်လမ်းတစ်ပုဒ် ဖြစ်နေပါစေ ‘လတ်ဆတ်သော ကိုယ်စားလှယ်များ’ မှာမူ ထိုဇာတ်လမ်း၏ အဓိက ပါဝင်ပစ္စည်းများသာ ဖြစ်ကြသည်။</p> <p>အန်နာ ခရော့ဖ် သည် ထိုအချက်ကို သိလျက်နှင့် ဤနေရာသို့ လာခဲ့ခြင်း ဖြစ်၏။</p> <p>"ကျမမှာ လိုအပ်ချက်တွေ ရှိကောင်းရှိနိုင်ပေမဲ့ ကျမက ပထမဆုံး အစီအစဉ်ရဲ့ တင်ဆက်သူပါ"</p> <p>ထို့ကြောင့်ပင် ဤအမျိုးသမီးမှာ ကြောက်စရာကောင်းလှသည်။</p> <p>"နင် ဘယ်လို အစားအစာမျိုး ပြင်ဆင်ထားလဲဆိုတာ ငါတို့ မသိဘူး"</p> <p>"အခုချက်ချင်း ထုတ်ပြလိုက်တော့"</p> <p>ပတ်ဝန်းကျင် အခြေအနေမှာ တင်းမာလာပြီး ယူဖရိုဆီနီက အမြန်ကြားဝင်ဖြန်ဖြေရန် ကြိုးစားလိုက်သည်။</p> <p>[ကဲ… အားလုံးပဲ။ အရမ်း စိတ်မလှုပ်ရှားကြပါနဲ့ဦး... သားကောင်ရဲ့ စကားကို နားထောင်ပေးတာလည်း အဆင်ပြေတာပဲမဟုတ်လား။ ရှင်တို့ရဲ့ အစားအစာအပေါ်မှာ အနည်းငယ်တော့ စိတ်ရှည်ပေးသင့်တာပေါ့]</p> <p>ယူဖရိုဆီနီက တက်ကြွသော ဟန်ပန်ဖြင့် ပြုံးလိုက်သည့်အခါ ဆူပူနေသော နက္ခတ်များမှာ ခေတ္တခဏမျှ ငြိမ်ကျသွားသည်။ ပါးနပ်လှသော အန်နာ ခရော့ဖ် ကလည်း ဤအခွင့်အရေးကို လက်လွတ်မခံခဲ့ပေ။</p> <p>"မကြာသေးမီနှစ်တွေအတွင်းမှာ ကြယ်တာရာ ရုပ်သံထုတ်လွှင့်မှုဟာ ရိုးအီနေတဲ့ ဇာတ်လမ်းတွေနဲ့ ပြည့်နှက်နေပါတယ်"</p> <p>စိန်ခေါ်မှုဆန်သော အစပြုမှုကြောင့် နက္ခတ်များမှာ သူမအပေါ် အာရုံစိုက်လာကြသည်။ အန်နာ ခရော့ဖ် က ဆက်ပြောသည်။</p> <p>"ပြန်လာသူတွေ၊ လူဝင်စားတွေ၊ ဓားသခင်တွေ၊ ကိုးဆင့်မြောက် စက်ဝိုင်း မှော်ဆရာတွေ... ပရောဟိတ်တွေတောင် တူနေကြပြီ။ အဲဒါတွေ အားလုံးက တခြားသူတွေထက် ပိုပြီး အစွမ်းထက်လာဖို့ကနေပဲ စတင်တာပါ..."</p> <p>အန်နာ ခရော့ဖ် ၏ မျက်နှာပေါ်တွင် မှေးမှိန်သော အပြုံးတစ်ခု ပေါ်လာ၏။</p> <p>"ဒါဟာ ခဏတာ ပျော်ရွှင်မှုအတွက်ပဲ ဖန်တီးထားတဲ့ ဇာတ်လမ်းတွေနဲ့ ပြည့်နှက်နေတဲ့ ဒီနေ့ခေတ် ကြယ်တာရာ ရုပ်သံထုတ်လွှင့်မှုရဲ့ လက်တွေ့ဘဝပါပဲ"</p> <p>နက္ခတ်များမှာ အံ့သြသွားပုံရသည်။ သူတို့၏ အစားအစာက ဇာတ်လမ်းတစ်ပုဒ်ကို ပြောပြနေခြင်းအပေါ် အံ့အားသင့်နေကြ သလိုပင်။ သို့သော် အန်နာ ခရော့ဖ် ၏ ဇာတ်လမ်းမှာ အစပျိုးရုံသာ ရှိသေးသည်။</p> <p>"အရင်က ဒီလိုမျိုး မဟုတ်ခဲ့ပါဘူး။ အနည်းဆုံးတော့ ပထမမျိုးဆက် ဇာတ်လမ်းတွေတုန်းက လမ်းကြောင်းက တခြားစီပါပဲ"</p> <p>နက္ခတ်များမှာ မူးယစ်သွားသလိုဖြစ်နေကြပြီး အန်နာ ခရော့ဖ် ၏ နောက်ထပ်စကားလုံးများကို စောင့်ဆိုင်းနေကြသည်။</p> <p>"အဲဒီတုန်းက နက္ခတ်တွေဟာ ဇာတ်လမ်းတွေကို မြတ်နိုးခဲ့ကြတယ်။ ဘာလို့လဲဆိုတော့ ဇာတ်လမ်းတွေက တန်ဖိုးရှိလို့ပဲ။ ဒိုကဲဘီတွေက အကြောင်းအရာတစ်ခု ပေးတယ်၊ နက္ခတ်တွေက အဲဒီအကြောင်းအရာရဲ့ ပုံသဏ္ဍာန်နဲ့ အလှတရားကို ရှာဖွေကြတယ်။ အဲဒီအချိန်တုန်းက ဇာတ်လမ်းတွေဟာ ‘အနုပညာ’ နယ်ပယ်ကို အမှန်တကယ် ရောက်ရှိခဲ့ကြတာပါ"</p> <p>…အနုပညာ။ အန်နာ ခရော့ဖ်သည် တကယ်ကို ကြောက်စရာကောင်းသော အမျိုးသမီး ဖြစ်၏။ ကိုယ်စားလှယ်တစ်ဦး၏ အနေအထားမှနေ၍ ဤသို့ ပြောနိုင်ခြင်းပင်။ နက္ခတ်များမှာ အန်နာ ခရော့ဖ် ၏ စကားကြောင့် အတိတ်ကို လွမ်းဆွတ်နေကြပုံရသည်။ သူတို့ထဲတွင် ပါစီဖုန်းကိုလည်း မြင်လိုက်ရသည်။ သူတို့အားလုံးမှာ ထိုခေတ်ကာလများမှ ရှင်သန်ကျန်ရစ်ခဲ့ကြသော နက္ခတ်များ ဖြစ်ကြ၏။</p> <p>"စိတ်ဝင်စားစရာပဲ။ ဒါဆို ငါတို့ရဲ့ ဆန္ဒကို ဖြည့်ဆည်းပေးနိုင်မယ့် ဇာတ်လမ်းမျိုး နင့်မှာ ရှိလို့လား"</p> <p>စကားပြောလိုက်သူမှာ ခမ်းမထောင့်ကို မှီရပ်နေသော မိစ္ဆာဘုရင် တစ်ပါး ဖြစ်သည်။ အန်နာ ခရော့ဖ် သည် ထိုစိန်ခေါ်မှုကြောင့် ထိတ်လန့်မသွားဘဲ ပြုံးလိုက်သည်။</p> <p>"မှန်ပါတယ်။ ပျောက်ဆုံးသွားတဲ့ ‘ပထမမျိုးဆက်’ ဇာတ်လမ်းတွေကို ရှင်တို့ဆီ ကျမက ပြန်ယူဆောင်လာပေးတော့မှာပါ"</p> <p> </p> <p>နက္ခတ်များ၏ မျက်နှာအမူအရာများ ပြောင်းလဲသွားသည်။ လူတိုင်း မိမိနားကိုပင် မိမိ မယုံနိုင်ဖြစ်နေကြသည်။</p> <p>"ရှင်တို့က ဓားသခင်တွေ ဒါမှမဟုတ် ကိုးဆင့်မြောက် စက်ဝိုင်း မှော်ဆရာတွေကို မကြိုက်ကြဘူး။ သွေး၊ ချွေး၊ မျက်ရည်နဲ့ ကြိုးစားအားထုတ်မှုတွေ ပါဝင်တဲ့ ဇာတ်လမ်းတွေကိုပဲ ခင်ဗျားတို့ ကြိုက်ကြတာ။ အဲဒီလို ဇာတ်လမ်းမျိုးကို တင်ဆက်ဖို့အတွက် ကျမ ဒီနေ့ ဒီကို လာခဲ့တာပါ"</p> <p>အန်နာ ခရော့ဖ် ၏ စကားအပေါ် နက္ခတ်များမှာ ပုံစံအမျိုးမျိုးဖြင့် တုံ့ပြန်ကြသည်။ အချို့က ကိုယ်စားလှယ်တစ်ဦးက သူတို့ကို လှောင်ပြောင်နေသည်ဟု အော်ဟစ်ကြသလို၊ အချို့ကလည်း အန်နာ ခရော့ဖ် ပြောနေသည့်အရာကို စိတ်ဝင်စားနေကြ၏။ ကျနော့်ဘေးနားရှိ ထုတ်လုပ်ရေး လုပ်ငန်းရှင်ကဲ့သို့ပင် သံသယဖြင့် တုံ့ပြန်သော နက္ခတ်များလည်း ရှိသည်။</p> <p>"…အဲ့ကောင်မကတော့ အဓိပ္ပာယ်မရှိတာတွေ ပြောနေတာပဲ။ အခုခေတ် စားတော်ဆက်အသင်းက အဲဒီလို ဇာတ်လမ်းတွေကို စိတ်ဝင်စားမှာ မဟုတ်ဘူးလေ။ ဟုတ်တယ်မလား"</p> <p>"ဟုတ်ပါတယ်"</p> <p>ပထမမျိုးဆက်ထဲတွင် တကယ့်ကို ကောင်းမွန်သော ဇာတ်လမ်းအချို့ ရှိခဲ့သည်မှာ မှန်သော်လည်း ခေတ်ကာလက ပြောင်းလဲသွားပြီ ဖြစ်သည်။ စိတ်လှုပ်ရှားဖွယ်ရာ ဇာတ်လမ်းများကို တွေ့ကြုံဖူးပြီးသား နက္ခတ်များသည် ပထမမျိုးဆက်ကို အတုယူထားသော ဇာတ်လမ်းများအပေါ် စိတ်လှုပ်ရှားကြလိမ့်မည် မဟုတ်ပေ။</p> <p>သို့သော်လည်း... အန်နာ ခရော့ဖ် သည် ဤအချက်ကို မသိဘဲ မနေပေ။ အန်နာ ခရော့ဖ်သည် Ways of Survival တစ်ခုလုံးတွင် အရည်အချင်းအရှိဆုံး ကိုယ်စားလှယ် ဖြစ်၏။</p> <p>Ways of Survival ထဲမှ အန်နာ ခရော့ဖ်နှင့် ပတ်သက်သည့် အစိတ်အပိုင်းများကို ကျနော် ပြန်လည်စဉ်းစားကြည့်လိုက်သည်။ မူရင်းဝတ္ထုထဲတွင် အန်နာ ခရော့ဖ် သည် စားတော်ဆက်အသင်း ပွဲတော်၌ ဤကဲ့သို့သော အစီအစဉ်မျိုးကို တစ်ခါမျှ မကျင်းပခဲ့ဖူးပေ။ သို့သော်လည်း ဤအရာနှင့် ဆင်တူသော တစ်စုံတစ်ခုတော့ ရှိရမည်။</p> <p>ထိုအချိန်မှာပင် တစ်စုံတစ်ဦးက ကျနော့်ပုခုံးကို လှမ်းကိုင်လိုက်သည်။</p> <p>"ကယ်တင်ခြင်း၏ မိစ္ဆာဘုရင်"</p> <p> </p> <p>***</p> <p> </p>


Save