Book List

<h2 style="text-align: center;">အခန်း (၁၆၂)</h2> <h2 style="text-align: center;">နှစ်ပေါင်းရှစ်ရာသက်တမ်းရှိ မြေကမ္ဘာအမြစ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>လော့ချန်သည် ဖိုရှန်းဂိုဏ်း၏ ဂိုဏ်းချုပ်ဖြစ်သူ မီရှုဟွာ၏ လမ်းညွှန်မှုအောက်တွင် အချိန်အတော်ကြာ နေထိုင်လာခဲ့သူ ဖြစ်သည်။</p> <p> </p> <p>ထိုမြေခွေးအိုကြီးထံမှ သူရရှိခဲ့သည်မှာ မှော်အတတ်များသာမကဘဲ ကျယ်ပြောလှသော လောကီဗဟုသုတ၊ ကျင့်ကြံခြင်းလောက၏ အတွေ့အကြုံများနှင့် လက်တွေ့အသုံးချ သင်ခန်းစာ အမြောက်အမြားလည်း အပါအဝင် ဖြစ်သည်။</p> <p> </p> <p>ဥပမာအားဖြင့် လေလံပွဲတစ်ခုတွင် မည်သို့အသာစီးရအောင် ကစားရမည်ဟူသော နည်းဗျူဟာများမှာ မီရှုဟွာကိုယ်တိုင် လော့ချန်တို့တစ်စုကို အသေးစိတ် ရှင်းပြခဲ့ဖူးသည့် အဓိက အကြောင်းအရာများအနက် တစ်ခုပင် ဖြစ်သည်။</p> <p> </p> <p>လေလံဆွဲရတော့မည် ဆိုလျှင် ပထမဆုံး စဉ်းစားရမည့်အချက်မှာ ၎င်း၏ အရေးပါမှုဖြစ်သည်။ မိမိအနေဖြင့် မရမက ရယူရန် လိုအပ်ခြင်း ရှိ၊ မရှိကို ဦးစွာ ဆုံးဖြတ်ရမည်။</p> <p> </p> <p>ဒုတိယအချက်မှာ ပြိုင်ဘက် မည်မျှရှိသနည်းဟူသည်ကို တွက်ဆရန်ဖြစ်ပြီး နောက်ဆုံးအချက်မှာမူ မိမိ၏ လက်ဝယ်ရှိသော ဘဏ္ဍာရေး အင်အားပင် ဖြစ်သည်။</p> <p> </p> <p>လော့ချန်၏ စုစုပေါင်း ကြွယ်ဝမှုမှာ ဝိညာဉ်ကျောက်တုံး ငါးထောင်ခန့်သာ ရှိသဖြင့် ဤကဲ့သို့သော ထိပ်တန်းမှောင်ခိုဈေးကွက်၌ အလွန်အမင်း များပြားသည်ဟု မဆိုနိုင်သော်လည်း နိုးထခြင်းဆေးရည်၏ အခြေခံလေလံဈေးနှင့် နှိုင်းယှဉ်လျှင်မူ လုံလောက်သည်ထက်ပင် ပိုနေပေသည်။</p> <p> </p> <p>လေလံပွဲတွင် ပါဝင်ဆင်နွှဲသူ အများအပြား ရှိနေသဖြင့် ပြိုင်ဆိုင်မှုမှာ အစပိုင်းတွင် အလွန် ပြင်းထန်မည့်ပုံ ပေါက်နေသည်။ သို့သော် လေလံဈေးများမှာ တဖြည်းဖြည်းချင်းသာ မြင့်တက်နေပြီး အချို့မှာ နောက်ပြောင်သည့်အလား ဝိညာဉ်ကျောက်တုံး တစ်တုံးချင်းသာ တိုးပေးနေကြသည်။ ဤသည်ကပင် ပြိုင်ဆိုင်မှုမှာ ထင်သလောက် မခက်ခဲကြောင်း ပြသနေသည်။</p> <p> </p> <p>အကြောင်းရင်းမှာ နောက်ထပ် နှစ်ပုလင်း ကျန်ရှိနေသေးသဖြင့် လေလံဆွဲသူတို့က အင်အားချန်ထားပြီး နောက်မှ အခွင့်အရေးကို မျှော်ကိုးကာ ထိန်းထားကြခြင်းကြောင့် ဖြစ်နိုင်သည်။</p> <p> </p> <p>သို့သော် လော့ချန်အတွက်မူ ဤ နိုးထခြင်းဆေးရည်မှာ သူ၏ ရှေ့ဆက်မည့် ကျင့်ကြံခြင်းခရီးအတွက် မရမက ရယူရမည့် ရတနာတစ်ပါး ဖြစ်သည်။ ထို့ကြောင့် သူသည် မီရှုဟွာ၏ လေလံဗျူဟာကို ထုတ်သုံးရန် ဆုံးဖြတ်လိုက်သည်။ ၎င်းမှာ ပြိုင်ဘက်အားလုံး၏ ပါးစပ်ကို ပိတ်သွားစေမည့် ပြတ်သားလွန်းသော လေလံဈေးတစ်ခုပင်။</p> <p> </p> <p>“ဝိညာဉ်ကျောက်တုံး တစ်ထောင်”</p> <p> </p> <p>ဝိညာဉ်ကျောက်တုံး တစ်ထောင်ဟု ကြေညာလိုက်ချိန်တွင် ခန်းမတစ်ခုလုံး ခဏတာ တိတ်ဆိတ်သွားပြီးနောက် စိတ်လှုပ်ရှားမှုနှင့် အငြင်းပွားသံများ ဆူညံထွက်ပေါ်လာတော့သည်။</p> <p> </p> <p>"ကျင့်ကြံဖော်…. ဒါက အလွန်အကျွံကြီး ဖြစ်မနေဘူးလား၊ ဒီပစ္စည်းက ဝိညာဉ်ဆေးနန်းဆောင်မှာ ငါးရာပဲ ပေးရတာလေ၊ မင်းက တကယ်ပဲ အလိမ်ခံချင်လို့ ဈေးပိုပေးနေတာလား"</p> <p> </p> <p>“သောက်ရူးပဲကွာ.... အဲ့လောက် အကုန်ခံမယ့်အစား ဝိညာဉ်ဆေးနန်းဆောင်မှာ နောက်ထပ် နှစ်နှစ်လောက် စောင့်တာကမှ တန်ဦးမယ်” ဟု နောက်တစ်ဦးကလည်း သူ၏ ထင်မြင်ချက်ကို မဲ့ကာရွဲ့ကာ ပြောဆိုနေပြန်သည်။</p> <p> </p> <p>"ထားလိုက်ပါ…. ဒီတစ်ပုလင်းတည်းနဲ့ ငြင်းမနေကြနဲ့ဦး၊ နောက်ထပ် နှစ်ပုလင်း ကျန်သေးတာပဲ" ဟု အလျှော့ပေးလိုသူအချို့က ဆိုကြသည်။</p> <p> </p> <p>“သူက အသစ်လေးဖြစ်ရမယ်…. လက်ထဲ ပိုက်ဆံလေး နည်းနည်းရှိတာနဲ့တင် ဘဝင်မြင့်နေတာ၊ နောက်ပိုင်းမှာ ပိုအဖိုးတန်တဲ့ ရတနာတွေ လာဦးမှာကို ဒီကောင် သိပုံမရဘူး” ဟုလည်း အခြားတစ်ဖက်မှ ခနဲ့သံများ ထွက်ပေါ်လာတော့သည်။</p> <p> </p> <p>ထိုသို့သော စောင်းမြောင်းပြောဆိုသံများ ရင်ဆိုင်ရသော်လည်း လော့ချန် တည်ငြိမ်စွာဖြင့် ရှိနေသည်။ သူသည် ထျန်းရှင်းကျီ၏ လှုပ်ရှားမှုကိုသာ အာရုံစိုက်ထားသည်။</p> <p> </p> <p>ထျန်းရှင်းကျီ ချောင်းအသာဟန့်လိုက်သည်။</p> <p> </p> <p>"ဝိညာဉ်ကျောက်တုံး တစ်ထောင်... တစ်ကြိမ်"</p> <p> </p> <p>"ဝိညာဉ်ကျောက်တုံး တစ်ထောင်... နှစ်ကြိမ်”</p> <p> </p> <p>“အခြေခံတည်ဆောက်ခြင်းအဆင့်ကို အထောက်အကူပြုတဲ့ ဒီနိုးထခြင်းဆေးရည်ကို စိတ်ဝင်စားတဲ့ ကျင့်ကြံဖော်များ ရှိသေးလားဗျာ"</p> <p> </p> <p>“ဟဲဟဲ... မရှိတော့ပုံပဲ၊ ဝိညာဉ်ကျောက်တုံး တစ်ထောင်... သုံးကြိမ် ”</p> <p> </p> <p>"ရောင်းချလိုက်ပါပြီ "</p> <p> </p> <p>ငွေပေးချေပြီးနောက် ထိုနိုးထခြင်းဆေးရည်ပုလင်းမှာ သူ့အပိုင်ဖြစ်သွားခဲ့သည်။ လော့ချန်၏ တင်းမာနေသော ခန္ဓာကိုယ်မှာ နောက်ဆုံးတွင်မှ ပြေလျော့သွားတော့သည်။ ပုလင်းငယ်လေးကို ကြည့်ရင်း လော့ချန်သည် မျက်နှာဖုံးအောက်တွင် မပြုံးဘဲ မနေနိုင်တော့ပေ။</p> <p> </p> <p>နိုးထခြင်းဆေးရည်သည် ဆေးဘုရင်ဂိုဏ်းမှ ထွက်ရှိသော အခြေခံတည်ဆောက်ခြင်းဆိုင်ရာ အထူးဆေးရည် ဖြစ်သည်။ သို့သော် ၎င်း၏ စစ်မှန်သော အာနိသင်မှာ ထျန်းရှင်းကျီ ပြောသကဲ့သို့ အခြေခံတည်ဆောက်ခြင်းကို အထောက်အကူပြုရုံမျှ မဟုတ်ပေ။</p> <p> </p> <p>အမှန်စင်စစ် ထျန်းရှင်းကျီ လိမ်ပြောနေခြင်း မဟုတ်ပေ။ အခြေခံတည်ဆောက်ခြင်းအတွက် အကျိုးကျေးဇူး အနည်းငယ် ပေးသည်မှာ မှန်သော်လည်း ၎င်း၏ ပင်ကိုယ်ရည်ရွယ်ချက်မှာ အခြေခံတည်ဆောက်ခြင်းအဆင့်သို့ တက်လှမ်းရာတွင် ကျရှုံးခဲ့ပါက ကျင့်ကြံသူ၏ ဇီဝစွမ်းအားကို ထိန်းသိမ်းပေးရန် ဖြစ်သည်။</p> <p> </p> <p>ထိုခဏတာအတွင်း ကျင့်ကြံသူသည် ကျရှုံးမှုကြောင့် ထိန်းမနိုင်သိမ်းမရ ဖြစ်နေသော ချီစွမ်းအင်များကို ပြန်လည်စုစည်းကာ မိမိ၏ ဝိညာဉ်နှင့် ခန္ဓာကိုယ်ကို တည်ငြိမ်အောင် လုပ်ဆောင်နိုင်သည်။</p> <p> </p> <p>အကယ်၍ အခြေခံတည်ဆောက်ခြင်း ကျရှုံးသွားလျှင်ပင် ခန္ဓာကိုယ်ကို အမြဲ ထိခိုက်ပျက်စီးသွားခြင်းမျိုး မဖြစ်စေပေ။ အချိန်အနည်းငယ်ယူပါက ချီသန့်စင်အဆင့် အထွတ်အထိပ်သို့ ပြန်လည်ရောက်ရှိနိုင်ပြီး အခြေခံတည်ဆောက်ခြင်းအဆင့်သို့ ထပ်မံကြိုးစားနိုင်မည် ဖြစ်သည်။ ဤဆေးရည်မှာ ဝိညာဉ်ဆေးနန်းဆောင်တွင် တစ်ပုလင်းလျှင် ဝိညာဉ်ကျောက်တုံး ငါးရာသာ ရှိသဖြင့် မဈေးကြီးလှပေ။</p> <p> </p> <p>သို့သော် ဤဆေးရည်မှာ ဝယ်လိုအား အလွန်များပြီး ရရှိရန် ခက်ခဲသော အမျိုးအစားထဲတွင် ပါဝင်သည်။</p> <p> </p> <p>ဝိညာဉ်ဆေးနန်းဆောင်သို့ ပစ္စည်းရောက်တိုင်း တစ်ကိုယ်တော်ကျင့်ကြံသူများက ချက်ချင်း လက်ဦးမှုယူ ဝယ်ယူကြလေ့ရှိသည်။ ဆေးဘုရင်ဂိုဏ်းသည် ဤဆေးရည် ထောက်ပံ့မှုကို တင်းကျပ်စွာ ထိန်းချုပ်ထားသည်။ ဝိညာဉ်ဆေးနန်းဆောင်တွင် နှစ်စဉ် ရရှိသည်ဟု ဆိုသော်လည်း တစ်ကိုယ်တော်ကျင့်ကြံသူ အများအပြားမှာမူ ဝယ်ယူခွင့် မရကြပေ။</p> <p> </p> <p>လော့ချန်သည် မိမိ၏ ဝိညာဉ်အမြစ်ငါးခုကြောင့် အခြေခံတည်ဆောက်ခြင်းအဆင့်သို့ တက်လှမ်းရာတွင် အခက်အခဲရှိမည်ကို အမြဲစိုးရိမ်နေခဲ့သည်။</p> <p> </p> <p>အခြေတည်ဆေးလုံး တစ်လုံး၊ နှစ်လုံးနှင့်ပင် အောင်မြင်ရန် အာမခံချက် မရှိပေ။ ကျရှုံးခဲ့လျှင် ဖြစ်ပေါ်လာမည့် အကျိုးဆက်များကို ခန့်မှန်းရခက်သလို ခံနိုင်ရည်ရှိရန်လည်း ခက်ခဲလှသည်။</p> <p> </p> <p>ယခုမူ နိုးထခြင်းဆေးရည် တစ်ပုလင်း လက်ဝယ်ရှိနေပြီဖြစ်ရာ အနည်းဆုံး ကျရှုံးမှုတစ်ကြိမ်ကိုမူ သူ ခံနိုင်ရည်ရှိသွားပြီ ဖြစ်သည်။ မိမိအသက်ကို ကာကွယ်ရန် အခွင့်အရေးအတွက် ဝိညာဉ်ကျောက်တုံး တစ်ထောင် အကုန်ခံရခြင်းမှာ တန်လွန်းလှသည်။</p> <p> </p> <p>ဤသည်မှာ အရှုံး လုံးဝ မဟုတ်ပေ။ မအောင်မြင်မီ ကျရှုံးခြင်းအတွက် ကြိုတင်ပြင်ဆင်နေသော သူ၏ ချဉ်းကပ်ပုံကို အခြားသူများက မည်သို့ မြင်မည်ကို သူ မသိချေ။</p> <p> </p> <p>မည်သို့ပင်ဖြစ်စေ ဤသည်မှာ သူ၏ သဘာဝအတိုင်း အသေးစိတ် ပြင်ဆင်တတ်ခြင်းပင် ဖြစ်သည်။</p> <p> </p> <p>လော့ချန်သည် ဝိညာဉ်ကျောက်တုံး တစ်ထောင်ဖြင့် အမှန်ပင် ဈေးပိုပေးလိုက်ရခြင်းလော။</p> <p> </p> <p>နောက်ထပ် နိုးထခြင်းဆေးရည် နှစ်ပုလင်း၏ လေလံစျေးများကို ကြားရသောအခါ လော့ချန်၏ နှုတ်ခမ်းထောင့်တွင် အပြုံးလေးတစ်ပွင့် ပေါ်လာတော့သည်။</p> <p> </p> <p>"ဝိညာဉ်ကျောက်တုံး တစ်ထောင်နှစ်ရာ... တစ်ကြိမ် "</p> <p> </p> <p>"ဝိညာဉ်ကျောက်တုံး တစ်ထောင်နှစ်ရာ... နှစ်ကြိမ် "</p> <p> </p> <p>"ဝိညာဉ်ကျောက်တုံး တစ်ထောင်နှစ်ရာ... သုံးကြိမ်  ရောင်းချလိုက်ပါပြီ "</p> <p> </p> <p>နောက်ဆုံး ပုလင်းကို ရရှိသွားသူမှာ အံ့ဩစရာကောင်းလောက်အောင်ပင် ‘ငါနဲ့ ပြိုင်တဲ့သူ ဘယ်သူမှ ဒီအခန်းထဲက အသက်ရှင်လျက် ထွက်မသွားရစေရဘူး’ ဟု ကြိမ်းဝါးခဲ့သည့် အဆင့်ကိုး ကျင့်ကြံသူပင် ဖြစ်သည်။</p> <p> </p> <p>ယခုအချိန်တွင် သူ၏ မျက်နှာမှာ မဲမှောင်နေပြီး ဝိညာဉ်ကျောက်တုံး တစ်ထောင်တစ်ရာဖြင့် တစ်ပုလင်း ရရှိသွားသော အခြားတစ်ဦးနှင့် လော့ချန်ကို ဒေါသတကြီး စိုက်ကြည့်နေသည်။</p> <p> </p> <p>လော့ချန် အထင်အမြင်သေးစွာဖြင့် နှုတ်ခမ်းကို တွန့်လိုက်သည်။</p> <p> </p> <p>‘သူများနဲ့ လိုက်တုချင်တယ်ဆိုရင်လည်း ရဲရင့်တဲ့ ဈေးနှုန်းလေးတော့ ပေးလေ၊ ခြိမ်းခြောက်စကားတွေ ပြောနေရုံနဲ့ ဘယ်သူက ကြောက်မှာလဲ၊ နောက်ဆုံးတော့လည်း အံကြိတ်ပြီး ဝယ်ခဲ့ရတာပဲ မဟုတ်လား၊ တကယ်လို့ တစ်ယောက်ယောက်ကသာ စိတ်ဝင်တစားနဲ့ တစ်တုံး နှစ်တုံးလောက် တိုးပေးလိုက်ရင် ရူးသွားလောက်တယ်’</p> <p> </p> <p>ထို့နောက်တွင် ထျန်းရှင်းကျီသည် နဂါးရတနာ မှောင်ခိုဈေးကွက်ကို ကိုယ်စားပြု၍ ပစ္စည်းများကို တစ်ခုပြီးတစ်ခု ထုတ်ပြတော့သည်။ အဆင့်မြင့် မှော်လက်နက်များ၊ အဆင့်မြင့် မှော်စာရွက်များ၊ အဆင့်လတ် မြူသန့်စင်ဆေးလုံးများ၊ ကျင့်စဉ်ကျမ်းများနှင့် ရုပ်သေးရုပ် တစ်ခုပင် ပါဝင်သည်။</p> <p> </p> <p>ချီသန့်စင်အဆင့် အထွတ်အထိပ်နှင့် ညီမျှသော တိုက်ခိုက်ရေးစွမ်းအားရှိသည့် ရုပ်သေးရုပ်ကို ထုတ်ပြလိုက်ချိန်တွင် လူတိုင်း၏ နှလုံးသားများ တုန်လှုပ်သွားကြသည်။ ဈေးနှုန်းမှာ ဝိညာဉ်ကျောက်တုံး တစ်သောင်းနီးပါးအထိ မြင့်တက်သွားခဲ့သည်။</p> <p> </p> <p>ထိုအချိန်တွင် လော့ချန် အနည်းငယ် မိန်းမောသွားမိသည်။</p> <p> </p> <p>သူသည် မှောင်ခိုဈေးကွက် လေလံပွဲတစ်ခုတွင် ရှိနေခြင်းလော သို့မဟုတ် ဓားနန်းဆောင်မှ စီစဉ်သော ပွဲတစ်ခုတွင် ရှိနေခြင်းလော။ ယနေ့ခေတ် တစ်ကိုယ်တော် ကျင့်ကြံသူတို့မှာ ဤမျှအထိ ကြွယ်ဝနေကြပါသလော။ လော့ချန် မိမိ၏ ချမ်းသာသော ဆေးဖော်ဆရာ ဟူသော ဂုဏ်သတင်းနှင့် အမှန်တကယ် ထိုက်တန်ခြင်း ရှိ၊ မရှိကိုပင် သံသယဝင်လာမိသည်။</p> <p> </p> <p>သို့သော် နောက်ဆုံးဈေးနှုန်းကို အိုမင်းနေသော အခြေခံတည်ဆောက်ခြင်းအဆင့် ကျင့်ကြံသူတစ်ဦးက အော်ဟစ်လိုက်ခြင်းဖြစ်ကြောင်း သိလိုက်ရသောအခါမှ အားလုံးမှာ အဓိပ္ပာယ်ရှိသွားတော့သည်။</p> <p> </p> <p>လော့ချန်သည် ထိုရုပ်သေးရုပ်အတွက် ဝင်ရောက်မပြိုင်ဆိုင်ခဲ့ပေ။ ၎င်းမှာ တိမ်ပြိုဂိုဏ်း အကြီးအကဲကိုယ်တိုင် ဖန်တီးခဲ့ခြင်းဟု ဆိုသော်လည်း သူ စိတ်မဝင်စားပေ။ သူသည် ဝိညာဉ်ကျောက်တုံး ၉၀၀ ပေးကာ ကျင့်စဉ်ကျမ်းတစ်စောင်ကိုသာ လေလံဆွဲခဲ့သည်။</p> <p> </p> <p>ကျင့်ကြံခြင်းလောကတွင် အခြေခံကျင့်စဉ်များကို ဂိုဏ်းကြီးများက တင်းကျပ်စွာ ထိန်းချုပ်ထားပြီး အပြင်၌ ပျံ့နှံ့နေသည်မှာ အကျဉ်းချုပ် များသာ ဖြစ်သည်။</p> <p> </p> <p>သို့သော် မှော်အတတ်များမှာမူ ကျယ်ကျယ်ပြန့်ပြန့် ပျံ့နှံ့နေသည်။ အကြောင်းမှာ မှော်အတတ်များသည် သင်ယူရန် လွယ်ကူသော်လည်း ကျွမ်းကျင်ရန် ခက်ခဲခြင်း၊ အသက်သွင်းရန် နှေးကွေးခြင်းနှင့် စွမ်းအင် အမြောက်အမြား စားသုံးခြင်း စသည့် အားနည်းချက်များ ရှိသောကြောင့် ဖြစ်သည်။ ထို့ကြောင့်ပင် မှော်မှော်အတတ်ကျမ်းများ၏ ဈေးနှုန်းမှာ အမြဲတမ်း နိမ့်ပါးနေလေ့ရှိသည်။</p> <p> </p> <p>တစ်ခါက လော့ချန်သည် ဝမ်ယွမ်ထံမှ ချီသန့်စင်အဆင့် အခြေခံမှော်အတတ် ၅ မျိုး ကို ဝိညာဉ်ကျောက်တုံး ၂၀၀ ဖြင့် ရရှိခဲ့သည်။ ဈေးကြီးသော မှော်အတတ်များမှာ များသောအားဖြင့် ဓာတ်ကြီးငါးပါးဂိုဏ်းမှ ရောင်းချသော အဆင့်မြှင့်တင်ထားသည့်အတတ်များသာ ဖြစ်သည်။</p> <p> </p> <p>လော့ချန် ဤကျမ်းအတွက် ဝိညာဉ်ကျောက်တုံး ၉၀၀ အကုန်ခံရခြင်းမှာ ၎င်း၏ အဆင့်အတန်းကြောင့် ဖြစ်သည်။</p> <p> </p> <p>၎င်းမှာ ဒုတိယအဆင့် မီးဓာတ် မှော်အတတ် မြေပြိုခြင်း ဖြစ်သည်။</p> <p> </p> <p>‘မြေဓာတ်အမည်ပေးထားတဲ့ မီးဓာတ်မှော်အတတ်တစ်ခုလား….’</p> <p> </p> <p>လော့ချန် ဝေခွဲမရဖြစ်နေစဉ်မှာပင် နောက်ဆုံး လေလံပစ္စည်း ထွက်ပေါ်လာတော့သည်။</p> <p> </p> <p>"မြေကမ္ဘာအမြစ်"</p> <p> </p> <p>လော့ချန် ရုတ်တရက် ခေါင်းမော့ကြည့်လိုက်သည်။ စန္ဒကူးသားစားပွဲပေါ်တွင် လူ့လျှာနှင့် တူသော အရာတစ်ခုမှာ ငြိမ်သက်စွာ ရှိနေသည်။ သူသာမက လူတိုင်း၏ အကြည့်များမှာလည်း ထိုအရာပေါ်သို့ ကျရောက်နေကြပြီ ဖြစ်သည်။</p> <p> </p> <p>ထျန်းရှင်းကျီက သိမ်မွေ့စွာ ပြုံးလိုက်သည်။</p> <p> </p> <p>"ကျင့်ကြံဖော် အများအပြားဟာ ဒီပစ္စည်းအတွက်နဲ့ တမင်သက်သက် လာကြတာလို့ ကျွန်တော် ယုံကြည်ပါတယ်၊ နှစ်ရှစ်ရာသက်တမ်းရှိတဲ့ မြေကမ္ဘာအမြစ်ပါ၊ ဒါကို တိုက်ရိုက် စားသုံးမယ်ဆိုရင် အခြေခံတည်ဆောက်ခြင်း အောင်မြင်နိုင်ခြေကို ၂၀ ရာခိုင်နှုန်း တိုးစေနိုင်ပါတယ်၊ ဒါဟာ အဆင့်နိမ့် အခြေတည်ဆေးလုံးထက် ၁၀ ရာခိုင်နှုန်းပဲ လျော့နည်းတာပါ"</p> <p> </p> <p>“သြော်.... တကယ်လို့ ခင်ဗျားတို့အနေနဲ့ ဆေးဖော်ဆရာကြီးတစ်ဦးကို ဖိတ်ခေါ်ပြီး အဆင့်လတ် အခြေတည်ဆေး အဖြစ် ဖော်စပ်နိုင်မယ်ဆိုရင်တော့ အောင်မြင်မှုနှုန်းဟာ ၄၀ ရာခိုင်နှုန်းအထိ ရှိလာမှာပါ၊ ကျွန်တော် အများကြီး ထပ်မပြောတော့ပါဘူး၊ အခြေခံဈေးကတော့ ဝိညာဉ်ကျောက်တုံး တစ်ထောင်ကနေ စပါမယ်….”</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save