Book List

<h2 style="text-align: center;">​အခန်း ၁၀၈၈</h2> <h2 style="text-align: center;">စနစ်တာဝန်ပေါ်လာခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>​ချန်လုံနန်းဆောင်။</p> <p> </p> <p>​"အကယ်၍ နယ်မြေပြင်ပ နတ်ဆိုးမျိုးနွယ်စုက အနီရောင်နေမင်း နတ်မျောက်ဝံရဲ့သွေးကို ရရှိသွားပြီး ရွှမ်ယဲ့အင်ပါယာအရှင်သခင်ရဲ့ ချိတ်ပိတ်မှုကို ချိုးဖောက်လိုက်မယ်ဆိုရင် ထျန်းယောင်ကုန်းမြေတိုက်ကြီးက အန္တရာယ်ရှိသွားပါလိမ့်မယ်"</p> <p> </p> <p>​"ဒီဘုန်းကြီး ရောက်လာရတဲ့ အကြောင်းရင်းကတော့ အင်ပါယာအရှင်သခင်အနေနဲ့ လက်အောက်ခံ စွမ်းအားရှင်ကြီးကို စေလွှတ်ပြီး ထျန်းယောင်ကုန်းမြေတိုက်ကြီးကို ကပ်ဘေးကနေ ကယ်တင်ပေးဖို့ တောင်းဆိုချင်လို့ပါပဲ"</p> <p> </p> <p>​နန်းဆောင်ထဲတွင် ဝူကူတာအိုဆရာက ခန္ဓာကိုယ်ကို ကိုင်းညွှတ်ကာ အရိုအသေပေးလိုက်သည်။</p> <p> </p> <p>​ချင်ယိက နဂါးပလ္လင်ပေါ်တွင် ထိုင်နေပြီး သူ၏ မျက်လုံးများကို အနည်းငယ် မှေးချလိုက်၏။</p> <p> </p> <p>​"ဒီကိစ္စကို ကိုယ်တော် လက်ခံသင့်ပါတယ်"</p> <p> </p> <p>​အချိန်အတော်ကြာပြီးနောက် ချင်ယိက သူ၏ မျက်ခွံများကို ပင့်တင်လိုက်ပြီး တည်ငြိမ်စွာ ပြောလိုက်သည်။</p> <p> </p> <p>​ရွှမ်ယွမ်သစ်သား။</p> <p> </p> <p>​ချင်းကျိုးရှိ ယင်ယန်ဂိုဏ်းခွဲ။</p> <p> </p> <p>​အပြစ်သားကမ္ဘာထဲရှိ ယင်ယန်ဘုရင်၏ နောက်ကွယ်တွင်ပင် ယင်ယန်ဂိုဏ်း၏အရိပ်အယောင်များ မရှိဘဲ မနေနိုင်ချေ။</p> <p> </p> <p>​ဤအရာများကို တွက်ဆကြည့်မည်ဆိုလျှင် ချင်ယိသည် ယင်ယန်ဂိုဏ်းအပေါ် ကျေးဇူးကြွေးများစွာ တင်နေသည်ဟု ဆိုနိုင်ပေသည်။</p> <p> </p> <p>​နယ်မြေပြင်ပ နတ်ဆိုးများ၏ ခြိမ်းခြောက်မှုနှင့် ပတ်သက်၍ ထျန်းယောင်ကုန်းမြေတိုက်ကြီးကို ကာကွယ်ရန်အတွက် သူက ယင်ယန်ဂိုဏ်းနှင့် တစ်ဖက်တည်း ရပ်တည်သင့်ပေသည်။</p> <p> </p> <p>​ထျန်းယောင်ကုန်းမြေတိုက်ကြီးကို ချင်ယိက သူ၏ အိတ်ကပ်ထဲမှ ပစ္စည်းတစ်ခုအဖြစ် သတ်မှတ်ထားသည်မှာ ကြာမြင့်နေခဲ့ပြီဖြစ်ရာ နယ်မြေပြင်ပ နတ်ဆိုးမျိုးနွယ်စုများက ထျန်းယောင်ကုန်းမြေတိုက်ကြီးကို လာရောက် ဖျက်ဆီးမွှေနှောက်မည်ကို သူ ဘယ်လိုလုပ် သည်းခံနိုင်မည်နည်း။</p> <p> </p> <p>​ထို့အပြင် နယ်မြေပြင်ပ နတ်ဆိုးမျိုးနွယ်စုက ရှောင်ကျင်းကိုပါ တိုက်ခိုက်ချင်နေသေးသည် မဟုတ်ပါလော။</p> <p> </p> <p>​အကြောင်းပြချက်အရဖြစ်စေ၊ ခံစားချက်အရဖြစ်စေ ချင်ယိအနေဖြင့် နယ်မြေပြင်ပ နတ်ဆိုးများ၏ အကြံအစည်ကို ဖျက်ဆီးပစ်ရန် လှုပ်ရှားပေမည်။</p> <p> </p> <p>​"ဒီဘုန်းကြီးက အရှင်မင်းကြီးရဲ့ ကျေးဇူးတော်ကို အထူးပဲ ကျေးဇူးတင်ရှိပါတယ်"</p> <p> </p> <p>​ထိုစကားကို ကြားသောအခါ ဝူကူတာအိုဆရာက စိတ်သက်သာရာရစွာ သက်ပြင်းတစ်ချက် ချလိုက်၏။</p> <p> </p> <p>​ယင်ယန်ရှေးဟောင်းသူတော်စင် ချန်ရစ်ခဲ့သော ဟောကိန်းများကို အသိဆုံးသူတစ်ယောက်အနေဖြင့် သူ၏ရှေ့ရှိ အင်ပါယာအရှင်သခင်သည် အနာဂတ်တွင် မည်သို့သော အောင်မြင်မှုများ ရရှိလာမည်ကို သူ အသိဆုံးပင် ဖြစ်သည်။</p> <p> </p> <p>​ယင်ယန်ရှေးဟောင်းသူတော်စင် ချန်ရစ်ခဲ့သော ဟောကိန်းများကို ထားလိုက်လျှင်ပင် သူက ကံကြမ္မာ အရှိန်အဝါကို ကြည့်ရှုသည့် နည်းစနစ်ကို အသုံးပြုကာ အင်ပါယာအရှင်သခင်၏ ကံကြမ္မာကို စစ်ဆေးကြည့်ရှုခဲ့ဖူးလေသည်။</p> <p> </p> <p>​သူ အနည်းငယ် အာရုံလွဲသွားခဲ့ပြီး သူ၏ မျက်လုံးများပင် ကန်းသွားလုနီးပါး ဖြစ်ခဲ့ရသည်။</p> <p> </p> <p>​အရှိန်အဝါများက ရွှေနဂါးတစ်ကောင်အဖြစ် ပြောင်းလဲကာ ပန်းပွင့်ငါးလွှာအဖြစ် ရစ်ခွေနေပြီး ခရမ်းရောင်အငွေ့အသက်များက ဝင်္ကပါအစီအရင်တစ်ခုအလား ကောင်းကင်ယံအထိ ထိုးတက်နေခဲ့သည်။</p> <p> </p> <p>​ဤကဲ့သို့သော ကံကြမ္မာမျိုးရှိနေသူကို ယင်ယန် ရှေးဟောင်းသူတော်စင်၏ ဟောကိန်းသာ မရှိခဲ့လျှင်တောင်မှ သူက သွားရောက် စော်ကားရန် ရွေးချယ်မည် မဟုတ်ချေ။</p> <p> </p> <p>​ဤကဲ့သို့သော ပုဂ္ဂိုလ်မျိုးအတွက် အကောင်းဆုံး နည်းလမ်းမှာ သူ အားနည်းနေချိန်တွင် တတ်နိုင်သမျှ အမြန်ဆုံး သတ်ဖြတ်ပစ်ကာ သူ၏ ကြီးထွားမှုကို ဟန့်တားပစ်ရန်ပင် ဖြစ်သည်။</p> <p> </p> <p>​သို့သော် ယခုအခါ ချင်ယိက ကြီးထွားလာခဲ့ပြီဖြစ်ပြီး သူ၏ ကိုယ်ပိုင်တိုက်ခိုက်ရေးစွမ်းအားကလည်း သူ့ထက် အားနည်းခြင်းမရှိသည့်အပြင် မရေမတွက်နိုင်သော လျှို့ဝှက်ဖဲချပ်များနှင့်အတူ သူ၏ နောက်ကွယ်တွင် ရှေးဟောင်းသူတော်စင် ပုဂ္ဂိုလ်ကြီး တစ်ပါးပင် ရှိနေခဲ့သည်။</p> <p> </p> <p>​ထို့အပြင် ထျန်းယောင်ကုန်းမြေတိုက်ကြီး၏ အကျပ်အတည်းကို ဖြေရှင်းရန်အတွက် ဤအင်ပါယာအရှင်သခင်ကို မှီခိုနေရသေးသည် မဟုတ်ပါလော။</p> <p> </p> <p>​အခြေအနေကို ခန့်မှန်းရခက်လှသော ဤအင်ပါယာအရှင်သခင်နှင့် ပတ်သက်၍ ဝူကူတာအိုဆရာ၏ စိတ်ထဲတွင် လုံးဝ ရေရာမှုမရှိချေ။</p> <p> </p> <p>​အကယ်၍ တစ်ဖက်လူကသာ ဤတောင်းဆိုမှုကို သဘောမတူပါက သူ ဘာမှလုပ်နိုင်မည် မဟုတ်ချေ။</p> <p> </p> <p>​ကံကောင်းထောက်မစွာဖြင့် ဤအင်ပါယာအရှင်သခင်သည် ထျန်းယောင်ကုန်းမြေတိုက်ကြီးအပေါ် သံယောဇဉ်ရှိကြောင်း ထင်ရှားနေပြီး နယ်မြေပြင်ပ နတ်ဆိုးများက ထျန်းယောင်ကို လာရောက်ဖျက်ဆီးမွှေနှောက်မည်ကို ခွင့်ပြုမည်မဟုတ်ချေ။</p> <p> </p> <p>​ဤအင်ပါယာအရှင်သခင် ဝင်ရောက်လှုပ်ရှားလိုက်သည်နှင့် နယ်မြေပြင်ပ နတ်ဆိုးမျိုးနွယ်စုများ သဘာဝကျကျပင် ကျရှုံးသွားရပေလိမ့်မည်။</p> <p> </p> <p>​"အင်ပါယာအရှင်သခင်... ကျေးဇူးပြုပြီး ပိုပြီး သတိထားပေးပါ။ နယ်မြေပြင်ပ နတ်ဆိုးမျိုးနွယ်စုရဲ့ သူတော်စင်က ဒီဘုန်းကြီးရဲ့ တွက်ချက်မှုအရ သူတော်စင် ဆဋ္ဌမအဆင့်လောက်မှာ ရှိလောက်ပြီး သူ့ရဲ့ကျင့်ကြံခြင်းက ရှေးဟောင်းသူတော်စင်အဆင့်နဲ့ နီးကပ်နေပါတယ်"</p> <p> </p> <p>​ဝူကူတာအိုဆရာက စဉ်းစားခန်းဝင်ပြီးနောက် ချင်ယိကို သတိပေးလိုက်လေသည်။</p> <p> </p> <p>​နယ်မြေပြင်ပ နတ်ဆိုးမျိုးနွယ်စု၏ ရှေးဟောင်းသူတော်စင်များက ထျန်းယောင်ကုန်းမြေတိုက်ကြီးဆီသို့ စေလွှတ်လိုက်သော သူတော်စင်သည် ရှေးဟောင်းသူတော်စင်အဆင့်သို့ ချိုးဖောက်တော့မည့် နတ်ဆိုးတစ်ကောင်ပင် ဖြစ်သည်။</p> <p> </p> <p>​ထိုအကြောင်းကြောင့်ပင် ဝူကူတာအိုဆရာက ချင်ယိထံသို့ တိုက်ရိုက် လာရောက်ရခြင်း ဖြစ်သည်။</p> <p> </p> <p>​ထျန်းယောင်ကုန်းမြေတိုက်ကြီးရှိ သူတော်စင်များစွာ၏ ကျင့်ကြံခြင်းအဆင့်များအရ ဤနတ်ဆိုးကို ဖြေရှင်းချင်ပါက ဟာဂိုရိုမိုမှလွဲ၍ အခြား ရွေးချယ်စရာ မရှိတော့ချေ။</p> <p> </p> <p>​ရီကျန့်နန်းတော်မှ ဓားသခင်ပင်လျှင် ဤ နတ်ဆိုးနှင့် ရင်ဆိုင်ရပါက အနိုင်ရမည်ဟု မသေချာလှချေ။</p> <p> </p> <p>​ထို့ကြောင့် ဘေးကင်းလုံခြုံစေရန်အတွက် ဝူကူတာအိုဆရာက ပုလော့မင်းဆက်ကို တိုက်ရိုက်ရှာဖွေခဲ့ပြီး ဟာဂိုရိုမိုကို လှုပ်ရှားပေးရန် တောင်းဆိုရခြင်း ဖြစ်သည်။</p> <p> </p> <p>​ဟာဂိုရိုမို၏ ကျင့်ကြံခြင်းအဆင့်ဖြင့်ဆိုလျှင် ထိုနတ်ဆိုးကို သဘာဝကျကျပင် အလွယ်တကူ ဖမ်းဆီးနိုင်မည် ဖြစ်သည်။</p> <p> </p> <p>​အကယ်၍ တစ်စုံတစ်ရာ လွဲချော်မှုရှိခဲ့လျှင်တောင်မှ အခြေအနေကို ပြန်လည် ထိန်းသိမ်းနိုင်စွမ်း ရှိပေသည်။</p> <p> </p> <p>​"ကိုယ်တော် သိပါပြီ"</p> <p> </p> <p>​ချင်ယိက ခေါင်းညိတ်လိုက်သည်။ ဤကိစ္စတွင် သူက ပေါ့ပေါ့ဆဆ လုပ်ဆောင်မည် မဟုတ်ချေ။</p> <p> </p> <p>​နယ်မြေပြင်ပ နတ်ဆိုးများ၏ လျှို့ဝှက်ဆန်းကြယ်မှုနှင့် ရှေးဟောင်းမှတ်တမ်းများထဲရှိ သူတို့အကြောင်း ရေးသားထားမှုများက ချင်ယိ၏စိတ်ကို လုံးဝ ပေါ့ဆခွင့် မပေးထားချေ။</p> <p> </p> <p>​ထိုနေ့က နတ်ဘုရားစာကြည့်ဆောင်ထဲတွင် သူ မြင်တွေ့ခဲ့ရသော မြင်ကွင်းက နယ်မြေပြင်ပ နတ်ဆိုးများနှင့် ပတ်သက်၍ သူ့ကို အပြည့်အဝ သတိထားမိစေခဲ့ပေသည်။</p> <p> </p> <p>​နယ်မြေပြင်ပ နတ်ဆိုးများ။</p> <p> </p> <p>​ထျန်းယောင်ကုန်းမြေတိုက်ကြီးရှိ ရှေးဟောင်းမှတ်တမ်းအများစုတွင် သူတို့အကြောင်းကို ရှင်းလင်းစွာ ရေးသားထားခြင်း မရှိချေ။</p> <p> </p> <p>​အမြင့်မြတ်ဆုံး ဂိုဏ်းကြီးခုနစ်ဂိုဏ်းနှင့် အင်ပါယာမင်းဆက်များကဲ့သို့သော အင်အားစုများတွင်သာ အသေးစိတ် မှတ်တမ်းအချို့ ရှိကြသည်။</p> <p> </p> <p>​ဟာဂိုရိုမိုက ထာ့ထျန်းဂိုဏ်းကို ဖျက်ဆီးပြီးနောက်တွင် နယ်မြေပြင်ပနတ်ဆိုးများနှင့် ပတ်သက်သော ရှေးဟောင်းမှတ်တမ်းအချို့ကို ပြန်လည်ယူဆောင်လာခဲ့သည်။</p> <p> </p> <p>​မည်သို့ပင်ဆိုစေ ထာ့ထျန်းဂိုဏ်းသည် ရှေးဟောင်းသူတော်စင်ချန်ရစ်ခဲ့သော ဂိုဏ်းကြီးတစ်ခုဖြစ်ရာ ရေခဲနန်းတော်ထက် များစွာ ပိုမိုသိရှိထားလေသည်။</p> <p> </p> <p>​ထို့ကြောင့် ချင်ယိကလည်း နယ်မြေပြင်ပ နတ်ဆိုးများအကြောင်းကို ပိုမို သိရှိလာခဲ့ခြင်းဖြစ်၏။</p> <p> </p> <p>​ရှေးဟောင်းခေတ်တွင် ထျန်းယောင်ကုန်းမြေတိုက်ကြီး၏ ကျင့်ကြံခြင်းလောကသည် အလွန်ကြီးပွားတိုးတက်ခဲ့ပြီး သူတော်စင်များစွာရှိခဲ့ကာ ရှေးဟောင်းသူတော်စင်များပင်လျှင် ချို့တဲ့မှု မရှိခဲ့ချေ။</p> <p> </p> <p>​ဤရှေးဟောင်းသူတော်စင်များသည် သူတို့၏ ကိုယ်ပိုင်ကျင့်ကြံခြင်းများအတွက် ကမ္ဘာမြေများကို အဆက်မပြတ်ဖိနှိပ်ကာ သယံဇာတများကို လုယက်ခဲ့ကြပေသည်။</p> <p> </p> <p>​ပိုမို မြင့်မားသောအဆင့်သို့ တက်လှမ်းနိုင်ရန်အတွက် ကမ္ဘာမြေများမှ သယံဇာတများကို အသုံးပြု၍ မိမိကိုယ်ကို ဖြည့်တင်းခဲ့ကြခြင်း ဖြစ်သည်။</p> <p> </p> <p>​မူလက ဤရှေးဟောင်းသူတော်စင်များ၏ အင်အားဖြင့် ကမ္ဘာမြေအများစုသည် သူတို့၏ ကျင့်ကြံခြင်းအဆင့်မြင့်တက်ရန်အတွက် နင်းခုံများ ဖြစ်လာခဲ့ကြသည်။</p> <p> </p> <p>​ထျန်းယောင်ကုန်းမြေတိုက်ကြီးတစ်ခုလုံးတွင် စွမ်းအားရှင်များ အမြောက်အမြား ပေါ်ထွက်လာခဲ့ပြီး အလွန် ကြီးပွားတိုးတက်နေသည်ဟု ဆိုနိုင်ပေသည်။</p> <p> </p> <p>​သို့သော် ရှေးဟောင်းသူတော်စင်တစ်ပါးက ကမ္ဘာမြေတစ်ခု၏ တံခါးကို ဖွင့်လှစ်လိုက်ပြီးနောက်တွင် ဤအရာအားလုံး ရုတ်တရက် ပြိုလဲပျက်စီးသွားခဲ့ရသည်။</p> <p> </p> <p>​ထိုကမ္ဘာမြေသည် နယ်မြေပြင်ပ နတ်ဆိုးမျိုးနွယ်စုများ နေထိုင်ရာ ကမ္ဘာကြီးပင် ဖြစ်နေခဲ့၏။</p> <p> </p> <p>​နယ်မြေပြင်ပ နတ်ဆိုးမျိုးနွယ်စုများသည် ရက်စက်ကြမ်းကြုတ်ကာ ကြောက်မက်ဖွယ်ကောင်းပြီး သူတို့၏ ခန္ဓာကိုယ်ကြံ့ခိုင်မှုက ပြိုင်ဘက်ကင်းလေသည်။ အရွယ်ရောက်ပြီးသော နယ်မြေပြင်ပ နတ်ဆိုးတိုင်းသည် ကောင်းကင်ဘုံအဆင့်ကျင့်ကြံသူတစ်ဦးနှင့် နှိုင်းယှဉ်နိုင်စွမ်း ရှိကြသည်။</p> <p> </p> <p>​ထိုအထဲတွင် နတ်ဆိုးစစ်သူကြီးများနှင့် နတ်ဆိုးခေါင်းဆောင်များသည် အသွင်ပြောင်းအဆင့်နှင့် သူတော်စင်အဆင့်ကျင့်ကြံသူများနှင့်ပင် နှိုင်းယှဉ်နိုင်စွမ်း ရှိကြလေသည်။</p> <p> </p> <p>​သူတို့အထဲတွင် မယုံကြည်နိုင်လောက်အောင် ကြောက်မက်ဖွယ်ကောင်းသော ရွှမ်ယဲ့အင်ပါယာအရှင်သခင်ရှိနေသည်ကို ပြောနေစရာပင် မလိုတော့ချေ။</p> <p> </p> <p>​နယ်မြေပြင်ပ နတ်ဆိုးကမ္ဘာ ပွင့်လာသောအခါ နတ်ဆိုးမီးတောက်များက ကောင်းကင်ယံအထိထိုးတက်လာပြီး မရေမတွက်နိုင်သော နယ်မြေပြင်ပ နတ်ဆိုးမျိုးနွယ်စုများက နယ်နိမိတ်ကို ဖြတ်ကျော်ကာ ထျန်းယောင်ကုန်းမြေတိုက်ကြီးကို လာရောက် သတ်ဖြတ်ခဲ့ကြသည်။</p> <p> </p> <p>​ယိုစိမ့်ထွက်လာသော နတ်ဆိုးစွမ်းအင်များတစ်ခုတည်းကပင် သန်းရာချီသော သက်ရှိများကို ပွဲချင်းပြီး သေဆုံးသွားစေခဲ့သည်။</p> <p> </p> <p>​ဤအကြောင်းကြောင့် လူသားမျိုးနွယ်စုဖြစ်စေ၊ နတ်ဆိုးမျိုးနွယ်စုဖြစ်စေ၊ ရက်စက်သော သားရဲကြီးများဖြစ်စေ ထျန်းယောင်ကုန်းမြေတိုက်ကြီး တစ်ခုလုံး၏ အင်အားစုများအားလုံး ပူးပေါင်းခဲ့ကြလေသည်။</p> <p> </p> <p>​နောက်ဆက်တွဲ ဖြစ်ရပ်များကတော့ ချင်ယိ နားလည်ထားသည့်အတိုင်းပင် ဖြစ်သည်။</p> <p> </p> <p>​ရွှမ်ယဲ့အင်ပါယာအရှင်သခင်သည် ထျန်းယောင်ကုန်းမြေတိုက်ကြီးမှ ရှေးဟောင်းသူတော်စင်များ၏ တိုက်ခိုက်မှုကြောင့် ပြင်းပြင်းထန်ထန် ဒဏ်ရာရရှိသွားခဲ့ပြီး ကနဦးစွမ်းအင် လှိုင်းတံပိုးများကြားတွင် ချိတ်ပိတ်ခံလိုက်ရသည်။</p> <p> </p> <p>​နယ်မြေပြင်ပ နတ်ဆိုးများကိုလည်း ထျန်းယောင်ကုန်းမြေတိုက်ကြီးမှ ဝင်ခွင့်မရအောင် ပိတ်ဆို့နိုင်ခဲ့သည်။ ဤသို့ လုပ်ဆောင်နိုင်ရန်အတွက် ထျန်းယောင်ကုန်းမြေတိုက်ကြီးမှ မရေမတွက်နိုင်သော စွမ်းအားရှင်များ၏ အသက်ပေါင်းများစွာကို ပေးဆပ်ခဲ့ရပြီး ထျန်းယောင်ကုန်းမြေတိုက်ကြီး၏ ကျင့်ကြံခြင်းလောကကြီး လုံးဝပြတ်တောက်သွားလုနီးပါး ဖြစ်ခဲ့ရလေသည်။</p> <p> </p> <p>​နှစ်ပေါင်း သောင်းချီကြာမြင့်ပြီးနောက်မှသာ အင်အားအနည်းငယ် ပြန်လည် နာလန်ထူလာခဲ့ခြင်းဖြစ်၏။</p> <p> </p> <p>​ဤမျှ အစွမ်းထက်သော မျိုးနွယ်စုတစ်ခုအပေါ် ချင်ယိအနေဖြင့် လုံးဝအထင်သေးရဲခြင်း မရှိချေ။</p> <p> </p> <p>​ထျန်းယောင်ကုန်းမြေတိုက်ကြီးတွင် ပုန်းအောင်းနေသော ထိုနယ်မြေပြင်ပ နတ်ဆိုးသည် သာမန် သူတော်စင် ဆဋ္ဌမအဆင့်ကျငိ့ကြံသူထက်ပင် ပို၍ အစွမ်းထက်နေလောက်ပေသည်။</p> <p> </p> <p>​ရှေးဟောင်းမှတ်တမ်းများအရ နယ်မြေပြင်ပ နတ်ဆိုးမျိုးနွယ်စုများ၏ ခန္ဓာကိုယ်ကြံ့ခိုင်မှုသည် အလွန်တရာ အစွမ်းထက်ပြီး အဆင့်တူကျင့်ကြံသူများထက်ပင် များစွာ သာလွန်နေသေးရာ သာမန် လူသားကျင့်ကြံသူများသည် နယ်မြေပြင်ပ နတ်ဆိုးများ၏ ပြိုင်ဘက် မဟုတ်ကြချေ။</p> <p> </p> <p>​အချို့သော အစွမ်းထက်နတ်ဆိုးသားရဲများ သို့မဟုတ် ရက်စက်သော သားရဲကြီးများသာလျှင် နယ်မြေပြင်ပ နတ်ဆိုးများနှင့် ခန္ဓာကိုယ်ကြံ့ခိုင်မှုချင်း ယှဉ်ပြိုင်နိုင်ကြသည်။</p> <p> </p> <p>​ဤနယ်မြေပြင်ပ နတ်ဆိုးသည် နယ်မြေပြင်ပ နတ်ဆိုးမျိုးနွယ်စုမှ ဆင်းသက်လာသူဖြစ်ရာ မည်သို့သော လျှို့ဝှက်ကျင့်စဥ်များနှင့် နတ်ဘုရားစွမ်းအားများကို ပိုင်ဆိုင်ထားမည်ကို သူ မသိချေ။</p> <p> </p> <p>​သူ၏ရှေ့တွင် ဟာဂိုရိုမို ရှိနေလျှင်တောင်မှ တစ်ဖက်လူကို သူ အထင်မသေးရဲချေ။</p> <p> </p> <p>​ခြင်္သေ့တစ်ကောင်သည် ယုန်တစ်ကောင်ကို ဖမ်းလျှင်တောင်မှ အစွမ်းကုန် ကြိုးစားရသည် မဟုတ်ပါလော။</p> <p> </p> <p>​ကြောက်မက်ဖွယ်ကောင်းသော နယ်မြေပြင်ပ နတ်ဆိုးကြီးတစ်ကောင်ကို ရင်ဆိုင်ရာတွင် မည်မျှပင် သတိထားထား လွန်သည်မရှိချေ။</p> <p> </p> <p>​'ဒါပေမဲ့ ဒီနယ်မြေပြင်ပ နတ်ဆိုးက ငါ့အတွက်တော့ မဲနှိုက်ခွင့် နှစ်ကြိမ် ယူဆောင်လာပေးတဲ့သူပဲ'</p> <p> </p> <p>​ချင်ယိက ညင်သာစွာ ပြုံးလိုက်ပြီး စနစ်မျက်နှာပြင်ကို ကြည့်လိုက်လေသည်။</p> <p> </p> <p>​တာဝန် - နယ်မြေပြင်ပ နတ်ဆိုးကို သတ်ဖြတ်ခြင်း (ခက်ခဲသော တာဝန်)</p> <p> </p> <p>​ဖော်ပြချက် - အင်ပါယာအရှင်သခင် တစ်ပါးအနေဖြင့် ထျန်းယောင်တစ်ခုလုံးကို နှလုံးသားထဲတွင် ထည့်သွင်းထားရမည်ဖြစ်ပြီး သူ၏တာဝန်မှာ အောင်နိုင်ရန်ပင် ဖြစ်သည်။ နယ်မြေပြင်ပ နတ်ဆိုးများသည် ပိုင်ရှင်၏ အနာဂတ်ပိုင်နက်ကို စူးစမ်းထောက်လှမ်းရဲကြသည်။ နယ်မြေပြင်ပ နတ်ဆိုးများကို ဖျက်ဆီးရန်အတွက် ပိုင်ရှင်က ထိုနတ်ဆိုးကို သတ်ဖြတ်ရမည်။</p> <p> </p> <p>​ဆုလာဘ် - မဲနှိုက်ခွင့်နှစ်ကြိမ်။</p> <p> </p> <p>​စနစ်၏ဆုလာဘ်ဖြစ်သော မဲနှိုက်ခွင့်နှစ်ကြိမ်ဆိုသည်မှာ အကြောင်းပြချက်မရှိဘဲ ရရှိလာခြင်း မဟုတ်ချေ။ ဤကိစ္စကို စနစ်က မည်မျှ အလေးထားကြောင်း ပြသနေပေသည်။</p> <p> </p> <p>​***</p> <p> </p>


Save