Book List

<h2 style="text-align: center;">အခန်း (၃၆)</h2> <h2 style="text-align: center;">ထိပ်တန်း ညှဉ်းပန်းနှိပ်စက်မှုထက် မလျော့ပါ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"အဲဒီ ကျိန်ဆဲခံရမယ့် အသံက ဘာလဲ..."</p> <p> </p> <p>ကျုံးတင်း ၏ နှလုံးကွဲမတတ် အော်ဟစ်သံကို ကြားပြီးနောက် ထိုက်ရီအကြွင်းအကျန်နယ်မြေ အတွင်းရှိ ရေတွက်မရနိုင်သော လူများအားလုံး တစ်ပြိုင်နက်တည်း မော့ကြည့်လိုက်ကြလေ၏။</p> <p> </p> <p>"အဲဒီအသံက... သားရဲတစ်သောင်း တောင်ထိပ်က အကြီးအကဲကျုံး ရဲ့အသံနဲ့ တူတယ်နော်...။"</p> <p> </p> <p>"သူပဲလေ...။ အကြီးအကဲကျုံး တာအို ဟောပြောတာကို ငါ တစ်ခါ ကြားဖူးတယ်...။ ငါ ဘယ်လိုလုပ် မှားနိုင်မှာလဲ...။"</p> <p> </p> <p>"အသံကို နားထောင်ရသလောက်ဆို နင်းဖန် မျက်စိကျနေတဲ့ ငါးက အကြီးအကဲကျုံးရဲ့ ချစ်ရတဲ့ ပစ္စည်း လေးများလား...။"</p> <p> </p> <p>"အဲဒါ တကယ်တော့ ဘာငါးလဲ...။"</p> <p> </p> <p>"ငါ ရှင်းပြမယ်...။ ဒါက သတ္တမအဆင့် နတ်ဆိုးသားရဲ သွေးမျိုးဆက် ရှိတဲ့ ယွင်မုန့် ငါးကြင်း ပဲ။  သူ့ရဲ့ အရည်အသွေးက လုံးဝကို အကောင်းဆုံး ထိပ်တန်းအဆင့်ပဲ...။ အဲဒါ လွန်ခဲ့တဲ့ သုံးလက အကြီးအကဲ ကျုံး သူ့ရဲ့ ခရီးစဉ်တွေကနေအပြန် ယူလာတဲ့ အရသာရှိတဲ့ အစားအစာလေ...။"</p> <p> </p> <p>"သြော်... ဒီစီနီယာအစ်ကိုက တော်တော် ဗဟုသုတ ကြွယ်ဝတာပဲ...။"</p> <p> </p> <p>"မင်း ငါ့ကို မြှောက်ပြောနေတာပါ...။ တိုက်ဆိုင်တာက ငါက သားရဲတစ်သောင်း တောင်ထိပ်က တပည့် တစ်ယောက် ဖြစ်နေလို့ ဒါကို သိနေတာပါ...။"</p> <p> </p> <p>"သတ္တမအဆင့် သွေးမျိုးဆက် နတ်ဆိုးသားရဲ တဲ့... ။ မျက်စိနဲ့ မြင်ရဖို့ နေနေသာသာ ငါ့ရဲ့ နေ့စဉ်ဘဝမှာ အဲဒီလိုအရာမျိုးကို ကြားတောင် မကြားဖူးဘူး...။"</p> <p> </p> <p>"တောင်ထိပ်အရှင်သခင် ကျုံးက အလယ်ပိုင်းကုန်းမြေရဲ့ နံပါတ်တစ် အစားအသောက်ကြိုက်သူ ဆိုတဲ့ သူ့ရဲ့ ဂုဏ်သတင်းနဲ့ တကယ်ကို ထိုက်တန်တာပဲ...။ ဒီလို သွေးမျိုးဆက် ရှိတဲ့ နတ်ဆိုးသားရဲ ကို အမှန် တကယ် စားသောက်ဖို့ဆိုတာ...။ ဒီနေ့ ကံကောင်းမှုလေးသာ မရှိရင် ကောင်းကင်နန်းတော်ရဲ့ အဲဒီလို ထောင့်တစ်နေရာကို ငါတို့ ဘယ်လိုလုပ် မြင်တွေ့နိုင်မှာလဲ...။"</p> <p> </p> <p>"အဲဒီလို မပြောပါနဲ့...။ သတ္တမအဆင့် သွေးမျိုးဆက် နတ်ဆိုးသားရဲ တွေက အရမ်း ရှားပါးတယ်...။ အဲဒါက မင်း စားချင်တိုင်း စားလို့ရတဲ့ အရာမျိုး မဟုတ်ဘူး...။ အခွင့်အရေးအပေါ်မှာ အများကြီး မူတည်တယ်...။"</p> <p> </p> <p>"တကယ်ပါပဲ...။ အထူးသဖြင့် ယွင်မုန့် ငါးကြင်း ပေါ့...။ ဒီငါးက သတ္တမအဆင့် နတ်ဆိုးသားရဲ တွေကြား မှာတောင် ထူးခြားတဲ့ တည်ရှိမှုတစ်ခုပဲ...။ သူ့ရဲ့ အသားက ယုံကြည်နိုင်စရာ မရှိလောက်အောင် ချိုမြိန် ပြီး မွှေးကြိုင်တယ် ပြီးတော့ အသားလက်မတိုင်းမှာ ကြီးမားတဲ့ ကမ္ဘာ့အနှစ်သာရတွေ ပါဝင်တယ်...။ အဲဒါက နီဗားနား နယ်မြေအောက်မှာရှိတဲ့ ကျင့်ကြံသူတွေအတွက် ကြီးမားတဲ့ အကျိုးကျေးဇူးတွေ ပေးစွမ်းနိုင်တယ်...။"</p> <p> </p> <p>"ကံကြမ္မာက လူတွေကို တကယ် ကစားတာပဲ...။ အကြီးအကဲကျုံး အများကြီး ကြိုးစားပြီး ရလာတဲ့ ယွင်မုန့် ငါးကြင်း က သူ အရသာတောင် မခံရခင် နင်းဖန်အတွက် အကျိုးရှိသွားလိမ့်မယ်လို့ ဘယ်သူ ထင်မှာလဲ...။"</p> <p> </p> <p>"..."</p> <p> </p> <p>တပည့်များစွာသည် သူတို့အချင်းချင်း ဆွေးနွေးနေကြ၏။</p> <p> </p> <p>အတွင်းစည်းနှင့် အပြင်စည်း တပည့်များကြားတွင် ဖြစ်စဉ်များကို လျင်မြန်စွာ ဆက်စပ်နိုင်သော ဗဟုသုတကြွယ်ဝသူ အမြောက်အမြား ရှိပေသည်။</p> <p> </p> <p>တပည့်များ နားလည်သွားသောအခါ သူတို့သည် အံ့သြမသွားဘဲ မနေနိုင်ကြချေ။</p> <p> </p> <p>သတ္တမအဆင့် သွေးမျိုးဆက် နတ်ဆိုးသားရဲ ကို စားသောက်ခြင်း။ မည်မျှ ဇိမ်ကျလိုက်မည် နည်း။</p> <p> </p> <p>ပို၍ ပြဇာတ်ဆန်သည်မှာ ဤနောက်ဆုံး ငါးအသားတစ်လုတ်က သူ၏ ကိုယ်ပိုင် ပါးစပ်ထဲသို့ပင် မရောက်ခဲ့ခြင်းပင် ဖြစ်၏။</p> <p> </p> <p>အကြီးအကဲ ကျုံးတင်း ဤကဲ့သို့ မိမိကိုယ်ကို မထိန်းချုပ်နိုင်တော့သည်မှာ အံ့သြစရာ မဟုတ်ပေ။</p> <p> </p> <p>တစ်ချိန်တည်းမှာပင် အဓိက စက်ဝိုင်း အတွင်း၌။</p> <p> </p> <p>ကျုံးတင်း ၏ ငိုကြွေးသံကို ကြားသောအခါ တောင်ထိပ်အရှင်သခင်အဆင့် အကြီးအကဲများစွာသည် အကူအညီမဲ့စွာဖြင့် သူတို့၏ မျက်နှာများကို တညီတညွတ်တည်း လက်ဝါးများဖြင့် အုပ်လိုက်ကြ၏။</p> <p> </p> <p>ရွှီယိုဝေသည် တစ်ဖက်လူ၏ ပခုံးကို ပုတ်ကာ နှစ်သိမ့်လိုက်လေသည်။</p> <p> </p> <p>"ဂျူနီယာညီလေး...။ အဲဒါ ငါးတစ်ကောင်ပါကွာ  ဘာလို့ ဒီလို ဖြစ်နေရတာလဲ...။ မင်း နောက်မှ နောက်တစ်ကောင် သွားဖမ်းလိုက်ပေါ့...။"</p> <p> </p> <p>"စီနီယာအစ်ကို ပြောတာက လွယ်လိုက်တာ...။"</p> <p> </p> <p>ကျုံးတင်း သည် လက်ကို ခါထုတ်ရန် သူ၏ ပခုံးကို ရမ်းလိုက်ပြီး ဒေါသတကြီး ပြောလိုက်၏။</p> <p> </p> <p>"အဲဒါ ယွင်မုန့် ငါးကြင်း ကွ...။ အလယ်ပိုင်းကုန်းမြေ တစ်ခုလုံးမှာ မျိုးတုံးနေပြီ...။ လမ်းခြောက်သွယ် ဖန်ဆင်းရှင်ဂိုဏ်း က ပြန်လည်ဝင်စားတဲ့ ဘီလူးအိုကြီး ပဲ အထီးတစ်ကောင်နဲ့ အမတစ်ကောင် မွေးထား တာ...။"</p> <p> </p> <p>"ဒီသားပေါက်လေးကို ရဖို့ ငါက ရှားပါးရတနာ အများအပြားနဲ့ လဲလှယ်ခဲ့ရုံသာမကဘူး သူ့နဲ့ သုံးရက်သုံး ည ယှဉ်ပြိုင်တိုက်ခိုက်ဖို့ပါ သဘောတူခဲ့ရသေးတယ်...။ အဲဒီ လမ်းခြောက်သွယ် တောင်ပေါ်မှာ ငါ ပင်ပန်းလွန်းလို့ သေမလိုပဲ...။"</p> <p> </p> <p>"ငါ့အတွက် လွယ်တယ်လို့ မင်း ထင်နေတာလား...။"</p> <p> </p> <p>ကျုံးတင်း ၏ နာကျင်မှုများကို ကြားသောအခါ အားလုံး တိတ်ဆိတ်သွားကြပြီး သူတို့၏ နှလုံးသားထဲ တွင် သနားစိတ် အနည်းငယ် ခံစားလိုက်ရ၏။</p> <p> </p> <p>ထို လမ်းခြောက်သွယ် ဖန်ဆင်းရှင်ဂိုဏ်း ၏ ပြန်လည်ဝင်စားသော ဘီလူးအိုကြီး သည် အလယ်ပိုင်း ကုန်းမြေတွင် ရက်စက်ကြမ်းကြုတ်သူအဖြစ် နာမည်ဆိုးဖြင့် ကျော်ကြားပြီး နတ်ဆိုးလမ်းကြောင်း ၏ ဘီလူးကြီးများထဲမှ တစ်ဦး ဖြစ်သောကြောင့်ပင်။</p> <p> </p> <p>ဂျူနီယာများကို အနိုင်ကျင့်ခြင်းနှင့် ရတနာများ လုယူရန် လူသတ်ခြင်းမှာ သူ့အတွက် ပုံမှန်ကိစ္စသာ ဖြစ်၏။</p> <p> </p> <p>ထို့ပြင် သူနှင့် တူညီသော နယ်မြေမှ ကျင့်ကြံသူ တစ်ယောက်နဲ့ တွေ့လျင် သေသည်အထိ မတိုက်ခိုက် လျင်တောင် အလွယ်တကူတော့ လွှတ်ပေးမည် မဟုတ်ပေ။</p> <p> </p> <p>သူက တစ်ပွဲနှစ်ပွဲလောက်တော့ သေချာပေါက် ယှဉ်ပြိုင် တိုက်ခိုက်ဦးမှာပင်။</p> <p> </p> <p>ကျုံးတင်း သည် အစားအစာ တစ်လုတ်အတွက် နတ်ဆိုးလမ်းကြောင်း လူဆိုးတစ်ဦးနှင့် လဲလှယ်ရန်နှင့် သုံးရက်တိတိ တိုက်ခိုက်ရန် တွန့်ဆုတ်မနေခဲ့ခြင်းက ဤငါးကို သူ မည်မျှ တန်ဖိုးထားကြောင်း ပြသရန် လုံလောက်ပေသည်။</p> <p> </p> <p>"ဂျူနီယာညီလေးကျုံး... မင်းရဲ့ အသက်ကို အဲဒီလို နောက်တစ်ကြိမ် ထပ်မစွန့်စားပါနဲ့...။ အဲဒီ ပြန်လည် ဝင်စားတဲ့ ဘီလူးအိုကြီး က ဖောက်ပြန်ပြီး ပြောင်းလဲလွယ်တဲ့ စိတ်နေသဘောထား ရှိတယ်။ တိုက်ခိုက် နေတုန်းမှာ မင်းကို တကယ်ပဲ တစ်ခုခု လုပ်သွားခဲ့ရင်...။"</p> <p> </p> <p>ဤအချိန်တွင် ဂိုဏ်းချုပ်က စိုးရိမ်သည့် အမူအရာဖြင့် စကားပြောလိုက်၏။</p> <p> </p> <p>သို့သော် ထိုစကားများ ကျုံးတင်း ၏ နားထဲသို့ ရောက်သွားသောအခါ သူ၏ နှုတ်ခမ်းများတွင် အေးစက် သော အပြုံးတစ်ခုသာ ဖြစ်ပေါ်လာစေခဲ့သည်။</p> <p> </p> <p>"စီနီယာအစ်ကိုဂိုဏ်းချုပ် အရမ်း စိတ်ပူနေတာပါ...။ သာမန် ပြန်လည်ဝင်စားတဲ့ ဘီလူးအိုကြီးပါ...။ သူ့ကို ငါ မအနိုင်ယူနိုင်ရင်တောင် ငါ့ကို ဒုက္ခပေးဖို့ သူ အိပ်မက်တောင် မမက်သင့်ပါဘူး...။"</p> <p> </p> <p>"ဒါ့အပြင် အကြီးဆုံး စီနီယာအစ်မတော် ရှိနေသရွေ့ သူတို့ရဲ့ လမ်းခြောက်သွယ် ဖန်ဆင်းရှင်ဂိုဏ်း က အမြင့်ကို မခုန်နိုင်တဲ့ နှံကောင် တစ်ကောင်ထက် ဘာမှ ပိုထူးလာမှာ မဟုတ်ဘူး...။"</p> <p> </p> <p>နောက်ဆုံး ဝါကျကို ပြောလိုက်ချိန်တွင် ကျုံးတင်း ၏ အကြည့်များသည် ဓားကို ဆုပ်ကိုင်ထားပြီး ရှေ့တွင် ရပ်နေသော ကျက်သရေရှိသည့် ပုံရိပ်ဆီသို့ ရောက်ရှိသွားခဲ့၏။</p> <p> </p> <p>သူ၏ အသံမှာ ယုံကြည်မှုများဖြင့် ပြည့်နှက်နေခဲ့သည်။ ထိုက်ရီ ကွယ်ဝှက်ဓား ၏ နာမည်ကို ကောင်းကင် အောက်ရှိ လူတိုင်း သိကြ၏။</p> <p> </p> <p>ပြီးတော့ သူမ ဤမျှ ကြီးမားသော ဂုဏ်သတင်းကို ပိုင်ဆိုင်ထားရခြင်းမှာ ဤကမ္ဘာကို မထီမဲ့မြင်ပြုသော ဓားအင်မော်တယ်အမျိုးသမီးကြောင့် အများဆုံး ဖြစ်ပေသည်။</p> <p> </p> <p>သူမသည် ဓားကျင့်ကြံသူများ၏ ဂုဏ်ကျက်သရေကို ပြန်လည်ရယူပေးခဲ့ပြီး စင်ကြယ်သောနှလုံးသား ဓားခန္ဓာကိုယ် ကို ကမ္ဘာအနှံ့ ကျော်ကြားစေခဲ့သည်။ သူမသည် အနှစ်လေးထောင်ကြာ ကျင့်ကြံခဲ့ပြီး အသက် နှစ်ထောင့်ကိုးရာတွင် မဟာတာအိုကို သိမြင်ကာ ကောင်းကင်နှင့် လူသားကြား သဟဇာတ ဖြစ်မှုကို ရရှိခဲ့ပြီး 'နင်းယွီ မြို့တော်' တွင် သူမ၏ တာအိုကို သတ်မှတ်ခဲ့၏။</p> <p> </p> <p>သဘာဝကျစွာပင် ဤအောင်မြင်မှု တစ်ခုတည်းက သူမကို ဤမျှ လေးစားဖွယ်ကောင်းသော ဂုဏ် သတင်းကို ပေးစွမ်းရန် မလုံလောက်ချေ။</p> <p> </p> <p>ခေတ်ပြိုင် ဓားအင်မော်တယ် တစ်ဦးအဖြစ် သူမ၏ အဆင့်အတန်းကို အမှန်တကယ် အသိအမှတ်ပြုစေ ခဲ့သည်မှာ လွန်ခဲ့သော နှစ်ငါးရာက ကောင်းကင်အရှင်သခင် ကျင့်ကြံသူ တစ်ဦးနှင့် တိုက်ခိုက်ခဲ့သော တိုက်ပွဲပင် ဖြစ်သည်။</p> <p> </p> <p>အချီ တစ်ရာကျော်အတွင်းမှာပင် သူမသည် ပြိုင်ဘက်၏ တာအိုကို ဖျက်ဆီးပစ်ခဲ့ပြီး သူတို့၏ နတ်ဘုရားဝိညာဉ် ကို လုံးဝ ချုပ်ငြိမ်းပစ်စေခဲ့၏။</p> <p> </p> <p>ဤသည်က နယ်မြေလေးခုကို တုန်လှုပ်သွားစေခဲ့ပြီး အလယ်ပိုင်းကုန်းမြေ မြင့်မြတ်နယ်မြေ အတွင်းရှိ အင်အားစုကြီး အားလုံး၏ လူငယ်နှင့် အလယ်အလတ် မျိုးဆက်များကို လုံးဝ ဖိနှိပ်ထားနိုင်ခဲ့သည်။</p> <p> </p> <p>ဤအချိန်တွင် ကျုံးတင်း ၏ ဂုဏ်ယူဝင့်ကြွားသော စကားများကို ကြားသောအခါ ယွီရူရွှမ်းက နူးညံ့စွာ ပြုံးရုံသာ ပြုံးလိုက်၏။</p> <p> </p> <p>သူမသည် ထိုအကြောင်းအရာကို ဆက်မပြောဘဲ သူမ၏ မျက်လုံးများကို အောက်ဘက်ရှိ ထမင်း စားဆောင် အတွင်းမှ မြင်ကွင်းပေါ်တွင် စူးစိုက်ထားကာ တိုးညင်းစွာ ပြောလိုက်သည်။</p> <p> </p> <p>"ဂျူနီယာညီလေး...။ မင်းရဲ့ ယွင်မုန့် ငါးကြင်း က အသက်မရှိတော့သလိုပဲနော်...။"</p> <p> </p> <p>ဤစကားများ ထွက်လာသည်နှင့် ကျုံးတင်း ၏ အမူအရာမှာ ချက်ချင်း ပြောင်းလဲသွားခဲ့၏။</p> <p> </p> <p>အောက်သို့ ငုံ့ကြည့်လိုက်ရာ သူ၏ခန္ဓာကိုယ်လောက်ရှိသော ငါးကြီးကို နင်းဖန်က ဝင်္ကပါတစ်ခုထဲသို့ သယ်ဆောင်သွားသည်ကို သူ အမှန်တကယ် မြင်တွေ့လိုက်ရလေသည်။</p> <p> </p> <p>"ပြီးပြီ အားလုံး ပြီးသွားပြီ...။ အခုလိုဖြစ်မယ်ဆိုတာသိခဲ့ရင် သူတော်စင်မိန်းမပျို ကျင့်ကြံနေရာက ထွက်လာတဲ့ထိကို မစောင့်ဘဲ ငါ့ဘာသာငါ စားလိုက်ပါတယ်...။"</p> <p> </p> <p>"ထင်တဲ့အတိုင်းပဲ တွေဝေခြင်းက ရှုံးနိမ့်မှုကို ဖြစ်စေတယ်...။ ပြတ်သားမှုကသာ စားခွင့်ရစေတာပဲ...။"</p> <p> </p> <p>ကျုံးတင်း သည် ထိတ်လန့်တကြားဖြင့် ဟိုဟိုဒီဒီ လမ်းလျှောက်နေပြီး သူ၏ ဗိုက်ကြီးမှာ အဆက်မပြတ် တုန်ခါနေခဲ့၏။</p> <p> </p> <p>ယွင်မုန့် ငါးကြင်း သည် နီဗားနားအဆင့်အောက်ရှိသူများ၏ ကျင့်ကြံခြင်းအပေါ် အံ့ဖွယ် အကျိုးသက် ရောက်မှုများ ရှိလေသည်။ ကျုံးတင်း သည် သူ၏ တာအိုကို သတ်မှတ်ပြီးပြီဖြစ်ရာ ဤအထောက်အပံ့ ကို သူ သဘာဝကျစွာပင် မလိုအပ်တော့ချေ။</p> <p> </p> <p>သူသည် ယွင်မုန့် ငါးကြင်း ကို ရှာဖွေရန် အလွန် ကြိုးစားခဲ့ရသည်မှာ ပထမအချက်အနေဖြင့် သူ၏ ကိုယ်ပိုင် အစားအသောက် တောင့်တမှု ဗီဇကြောင့်ဖြစ်ပြီး ဒုတိယအချက်အနေဖြင့် သူတော်စင်နှင့် သူတော်စင်မိန်းမပျိုတို့အတွက် ပွဲတစ်ပွဲ ကျင်းပပေးလိုသောကြောင့်ပင် ဖြစ်၏။</p> <p> </p> <p>သူတို့နှစ်ဦးစလုံးသည် ဂိုဏ်း၏ ထူးချွန်ဆုံး တပည့်များဖြစ်ကြပြီး နီဗားနား သည် ယခု သူတို့ မျက်စိ ရှေ့တွင် ရှိနေပြီ ဖြစ်၏။</p> <p> </p> <p>သူတို့အနက် သူတော်စင် ယွင်ကျယ် သည် သူ၏ ကြိုးပမ်းမှုတွင် တစ်ကြိမ် ကျရှုံးခဲ့ပြီးဖြစ်ကာ သူတော်စင်မိန်းမပျို ကျန်းချင်းဟန် ကမူ ကြိုးစားရန် ပြင်ဆင်နေ၏။</p> <p> </p> <p>ကံမကောင်းစွာဖြင့် ကျုံးတင်း သည် ခြေတစ်လှမ်း နောက်ကျသွားခဲ့သည်။ သူ ယွင်မုန့် ငါးကြင်း နှင့်အတူ ဂိုဏ်းသို့ ပြန်ရောက်လာသောအခါ သူတော်စင်မိန်းမပျိုသည် နဂါးသတ် ​ချောက်ကမ်းပါး အောက်တွင် ကျင့်ကြံရန် ဝင်သွားခဲ့ပြီ ဖြစ်၏။</p> <p> </p> <p>ထို့ကြောင့် သူသည် ထိုကိစ္စကို လောလောဆယ် ရပ်နားထားရပြီး သူတော်စင်မိန်းမပျို ကျင့်ကြံရာမှ ထွက်လာပြီး အတူတကွ စားသုံးနိုင်ရန် ငါးကို သိုလှောင်ရုံထဲတွင် သိမ်းထားခဲ့ရခြင်းဖြစ်လေသည်။</p> <p> </p> <p>ဤကဲ့သို့သော အချိုးအကွေ့မျိုး ဖြစ်လာလိမ့်မည်ဟု သူ ဘယ်သောအခါမျှ မမျှော်လင့်ထားခဲ့ချေ။</p> <p> </p> <p>အမှန်တကယ်တော့ နင်းဖန်က ယွင်မုန့် ငါးကြင်း ကို စားချင်နေသည့် လက်ရှိ အခြေအနေနှင့် ပတ်သက် ၍ ကျုံးတင်း တွင် ကန့်ကွက်စရာ မရှိချေ။</p> <p> </p> <p>မည်သို့ပင်ဆိုစေ သူတော်စင်နှင့် သူတော်စင်မိန်းမပျိုတို့ကို ပွဲကျင်းပပေးရခြင်း၏ ရည်ရွယ်ချက်မှာ မျိုးဆက်သစ်များကို ထောက်ပံ့ရန် ဖြစ်၏။</p> <p> </p> <p>ပြီးတော့ ယခု...</p> <p> </p> <p>အမြင့်ဆုံး ဘိုးဘေး ကိုယ်တိုင် ခန့်အပ်ထားသော တပည့်ခေါင်းဆောင်နှင့် ဂိုဏ်းတွင် ပါရမီ အကောင်းဆုံး တပည့်အနေဖြင့် နင်းဖန်တွင် သဘာဝကျစွာပင် အခွင့်အရေး ရှိပေသည်။</p> <p> </p> <p>ထို့ကြောင့် ကျုံးတင်း ဤမျှ စိုးရိမ်နေရသည့် အစစ်အမှန် အကြောင်းရင်းမှာ သူ မစားရခြင်းကြောင့်သာ ဖြစ်တော့၏။</p> <p> </p> <p>အစားအသောက်ကို သူ့အသက်လို ချစ်မြတ်နိုးပြီး အစာအိမ်မှတစ်ဆင့် တာအိုကို သတ်မှတ်ခဲ့သူ တစ်ဦး အနေဖြင့် ကျုံးတင်း ၎င်းကို မည်မျှ တောင့်တနေမည်ကို စိတ်ကူးကြည့်၍ ရနိုင်ပေသည်။</p> <p> </p> <p>အကယ်၍ သူ ထိုက်ရီအကြွင်းအကျန်နယ်မြေ မှ ထွက်ခွာနိုင်ပါက ယွင်မုန့် ငါးကြင်း ကို သူ ချက်ချင်း လွှဲယူကာ ကိုယ်တိုင် ချက်ပြုတ်ပြီးနောက် နင်းဖန်ကို လွတ်လပ်စွာ စားသောက်ရန် ဖိတ်ခေါ်ကာ သူတို့ လုံးဝ မူးယစ်သွားသည်အထိ သောက်စားကြမည် ဖြစ်၏။</p> <p> </p> <p>သို့သော် ယခုအခါ သူသည် မျက်လုံးပြူးကြီးဖြင့်  အကူအညီမဲ့စွာ ကြည့်နေရုံသာ တတ်နိုင်တော့သည်။</p> <p> </p> <p>အစားအသောက် ကြိုက်သူ တစ်ဦးအတွက် ဤသည်မှာ ထိပ်တန်း ညှဉ်းပန်းနှိပ်စက်မှုထက် မလျော့ပါ ချေ။</p> <p> </p> <p>***</p> <p> </p>


Save