Book List

<h2 style="text-align: center;">အခန်း (၃၉)</h2> <h2 style="text-align: center;">နယ်ပယ်၏ ပထမဆုံး စစ်မှန်သော တိုက်ပွဲ</h2> <h2 style="text-align: center;">*</h2> <p> </p> <p> </p> <p> </p> <p>[လမ်းညွှန်တာဝန်ကို အောင်မြင်စွာ ပြီးမြောက်သွားတဲ့အတွက်ဂုဏ်ယူပါတယ် ပိုင်ရှင်...။ ခရမ်းရောင် အရည်အသွေး ဆုလာဘ် 'အသားကို အပြည့်အဝ အသုံးချခြင်း' ကို သင် ရရှိပါပြီ...။]</p> <p> </p> <p>စနစ်၏ အသိပေးသံက သူ၏ စိတ်ထဲတွင် မြည်ဟည်းသွားခဲ့၏။</p> <p> </p> <p>နင်းဖန်သည် ထိုအသိပေးသံကို လျစ်လျူရှုကာ သူ၏ ချိုးဖောက်ဝင်ရောက်မှု ဝမ်းသာမှုတွင် နစ်မြုပ် နေဆဲပင် ဖြစ်လေသည်။</p> <p> </p> <p>သူ၏ တစ်ကိုယ်လုံး တုန်ခါသွားပြီး မျက်စိတစ်မှိတ်အတွင်း သူ၏ ကြွက်သားများနှင့် အရိုးများက အတူ တကွ မြည်ဟည်းသွားခဲ့၏။ နဂါးကဲ့သို့ ကျောရိုးက သူ၏ ကျောဘက်တစ်လျှောက် အက်ကွဲသံများ ထွက်ပေါ်လာပြီး သူ့ကို ယုံကြည်နိုင်စရာ မရှိလောက်အောင် လန်းဆန်းသွားစေခဲ့သည်။</p> <p> </p> <p>မကြာမီမှာပင် ကြီးမားသော မောပန်းနွမ်းနယ်မှု လှိုင်းတံပိုးတစ်ခုက သူ့အပေါ် ဖုံးလွှမ်းလာခဲ့လေ၏။</p> <p> </p> <p>ဗိုက်ဝအောင် စားသောက်ထားပြီး နယ်မြေ ချိုးဖောက်ဝင်ရောက်ကာ ကြွက်သားစွမ်းအားများ ထိုးတက် သွားသဖြင့် သူ၏ စိတ်ဝိညာဉ်နှင့် စွမ်းအင်များကို ပြန်လည်ရရှိရန် အိပ်စက်ခြင်းကို အလွန်အမင်း လိုအပ် နေခဲ့သည်ပင်။</p> <p> </p> <p>ကုတင်ရှာရန်ပင် ပျင်းရိနေသဖြင့် သူသည် နောက်သို့ ပက်လက်လန်ကာ သိုင်းပညာ လေ့ကျင့်ရေးကွင်း ပေါ်တွင် ခြေကားယား လက်ကားယား အနေအထားဖြင့် လဲလျောင်းလိုက်၏။ ကောင်းကင်ကို စောင် အဖြစ် အသုံးပြုပြီး မြေကြီးကို ဖျာအဖြစ် အသုံးပြုကာ သူ လျင်မြန်စွာ အိပ်ပျော်သွားခဲ့လေတော့သည်။</p> <p> </p> <p>တိတ်ဆိတ်နေသော တောင်ထိပ်တစ်လျှောက် စည်းချက်ကျကျ ဟောက်သံများသာ ပဲ့တင်ထပ်နေခဲ့၏။</p> <p> </p> <p>တစ်ချိန်တည်းမှာပင်။</p> <p> </p> <p>ထိုက်ရီအကြွင်းအကျန်နယ်မြေ အတွင်း၌။</p> <p> </p> <p>တောင်ထိပ်အရှင်သခင်အဆင့် အကြီးအကဲများစွာသည် ဤမြင်ကွင်းကို ကြည့်နေကြပြီး တစ်ယောက် ကိုတစ်ယောက် ကြည့်ကာ အချင်းချင်း၏ မျက်လုံးများထဲရှိ အံ့အားသင့်မှုများကို မြင်တွေ့နေရ၏။</p> <p> </p> <p>"ရုပ်ခန္ဓာကိုယ်သန့်စင်ခြင်း ဒုတိယအလွှာမှာ လက်တစ်ဖက်တည်း အင်အား ဂျင် သုံးသောင်းသုံးထောင် ရှိတယ်ပေါ့...။"</p> <p> </p> <p>"ဒါက သေမျိုးခန္ဓာကိုယ် ဟုတ်သေးလို့လား... ။"</p> <p> </p> <p>ရှေးခေတ်ကတည်းက ရုပ်ပိုင်းဆိုင်ရာ ကျင့်ကြံခြင်းကို အထူးပြုသော ထိုဘုရင် ခန္ဓာကိုယ်များနှင့် အရှင်သခင် ခန္ဓာကိုယ်များပင်လျှင် ဤမျှ မြင့်မားသော အဆင့်သို့ မရောက်ခဲ့ဖူးချေ။</p> <p> </p> <p>"ရုပ်ခန္ဓာကိုယ်သန့်စင်ခြင်း နယ်မြေရဲ့ တတိယ၊ ဆဋ္ဌမနဲ့ နဝမ အလွှာတွေကို ချိုးဖောက်ဝင်ရောက်တဲ့အခါ ကြီးမားတဲ့ မြှင့်တင်မှုတစ်ခု ရရှိပြီး ရုပ်ခန္ဓာကိုယ်ရဲ့ စွမ်းအားကို နှစ်ဆ ဖြစ်စေတယ်...။"</p> <p> </p> <p>"နင်းဖန်ရဲ့ အခြေခံအုတ်မြစ်က အရမ်း နက်ရှိုင်းတယ်...။ တကယ်လို့ သူက နောက်ထပ် နှစ်ဆတိုးတဲ့ မြှင့်တင်မှု သုံးကြိမ်ကို တွေ့ကြုံရရင် သူ ရုပ်ခန္ဓာကိုယ်သန့်စင်ခြင်း ပြီးပြည့်စုံတဲ့ အခြေအနေကို ရောက် တဲ့အခါ သူ့ရဲ့ ရုပ်ခန္ဓာကိုယ်က ဘယ်အဆင့်အထိ ရောက်မလဲဆိုတာ စိတ်ကူးကြည့်ဖို့တောင် ခက် တယ် ..."</p> <p> </p> <p>ရွှီယိုဝေသည် စိတ်လှုပ်ရှားစွာဖြင့် ပြောလိုက်ပြီး သူ၏ မျက်နှာမှာ တောက်ပနေခဲ့၏။</p> <p> </p> <p>ချွမ်းကုန်းတောင်ထိပ်၏ တောင်ထိပ်အရှင်သခင်အနေဖြင့် သူသည် အခြားသူများထက် ကျင့်ကြံခြင်းကို ပိုမို လေ့လာခဲ့ပြီး နယ်ပယ်တိုင်းကို သေချာစွာ ကျွမ်းကျင်ထားသူ ဖြစ်သည်။</p> <p> </p> <p>ထို့ကြောင့် နင်းဖန်၏ လက်ရှိ စတင်မှုမှာ အမှန်တကယ်ပင် အိပ်မက်တစ်ခုနှင့် တူနေခဲ့၏။</p> <p> </p> <p>ပထမဦးစွာ သူသည် အကန့်အသတ်မဲ့ တာအိုကျမ်းစာ ကို ကျင့်ကြံခဲ့ပြီး ရုပ်ခန္ဓာကိုယ်သန့်စင်ခြင်း အဆင့်သို့ ဝင်ရောက်သည်နှင့် တစ်ပြိုင်နက် ဂျင် တစ်သောင်းရှစ်ထောင်ရှိသော ကြီးမားသည့် အင်အားကို ရရှိခဲ့လေသည်။</p> <p> </p> <p>ထို့နောက် သူသည် တောင်ငါးလုံး စစ်မှန်သော ပုံစံ လက်သီး ကို ကျွမ်းကျင်ခဲ့ပြီး ထိပ်တန်းအဆင့် ယွင်မုန့် ငါးကြင်း တစ်ကောင်လုံးကို စားသုံးကာ ထိုသန့်စင်သော စွမ်းအင်များအားလုံးကို တစ်စက်မျှ မဖြုန်းတီးဘဲ အစာချေဖျက်ခဲ့၏။</p> <p> </p> <p>ဤအချက်က ရုပ်ခန္ဓာကိုယ်သန့်စင်ခြင်း ဒုတိယအလွှာသို့ ချိုးဖောက်ဝင်ရောက်ပြီးနောက် သူ၏ အင်အားကို နောက်တစ်ကြိမ် ထိုးတက်သွားစေခဲ့ပြီး ဂျင် သုံးသောင်းသုံးထောင်အထိ ရောက်ရှိသွား စေခဲ့သည်ပင်။</p> <p> </p> <p>ဤအခြေခံအုတ်မြစ်ကို ယုံကြည်နိုင်စရာ မရှိလောက်အောင် ခိုင်မာစွာ တည်ဆောက်ထားသည်ဟု ဆိုနိုင်ပေသည်။</p> <p> </p> <p>ကျင့်ကြံခြင်း သမိုင်းတစ်လျှောက်လုံးကို ကြည့်လျှင် အခြား မည်သူကမျှ ဤကဲ့သို့ အောင်မြင်ခဲ့ဖူးပုံ မရချေ။</p> <p> </p> <p>သို့သော် ပြဿနာအချို့ နောက်ဆက်တွဲ ပါလာခဲ့၏။</p> <p> </p> <p>ဆိုလိုသည်မှာ နင်းဖန်သည် ဤနေရာမှ သူ၏ ကျင့်ကြံခြင်းကို မည်သို့ ဆက်လက် လုပ်ဆောင်သင့် သနည်း။</p> <p> </p> <p>ရုပ်ခန္ဓာကိုယ်သန့်စင်ခြင်း အဆင့်တွင် ရုပ်ပိုင်းဆိုင်ရာ စွမ်းအားကို မြှင့်တင်ရန် အထောက်အကူပြု နည်းလမ်း ရေတွက်မရနိုင်အောင် ရှိကြောင်း သင် သိထားရမည် ဖြစ်သည်။ နာမည်ကြီး ဆရာတစ်ဦး၏ လမ်းညွှန်မှု မပါဘဲ ပြည့်စုံသော ညွှန်ကြားချက်များ ရရှိရန် ခက်ခဲပေသည်။</p> <p> </p> <p>နင်းဖန် ဤတစ်ကြိမ် ယွင်မုန့် ငါးကြင်း ကို စားသုံးခဲ့ခြင်းမှာ မျက်ကန်း ကံကောင်းမှုတစ်ခုသာ ဖြစ်၏။</p> <p> </p> <p>ထို့ပြင် သတ္တမအဆင့် သွေးမျိုးဆက် ရှိသော ဤကဲ့သို့သော နတ်ဆိုးသားရဲမှာ အလွန် ရှားပါးလှသည်။ သားရဲတစ်သောင်း တောင်ထိပ် ထမင်းစားဆောင်၏ သိုလှောင်ရုံ တစ်ခုလုံးတွင် ထိုတစ်ကောင်သာ ရှိပေသည်။</p> <p> </p> <p>ကျန်ရှိနေသော နတ်ဆိုးသားရဲ အသားများမှာ ဤမျှ မြင့်မားသော အဆင့် မရှိကြချေ။</p> <p> </p> <p>သဘာဝကျစွာပင် ထိုအသားများ၏ အကျိုးသက်ရောက်မှုများမှာ ယွင်မုန့် ငါးကြင်း ထက် များစွာ နိမ့်ကျ ပေလိမ့်မည်။</p> <p> </p> <p>ထို့ကြောင့် နင်းဖန်သည် သူ၏ ခန္ဓာကိုယ်ကို သန့်စင်ရန် သတ္တမအဆင့် သွေးမျိုးဆက် နတ်ဆိုးသားရဲ များကို စားသုံးခြင်း တစ်ခုတည်းအပေါ် လုံးဝ မှီခိုနေရန် မဖြစ်နိုင်ချေ။</p> <p> </p> <p>သူသည် အခြားသော ရုပ်ခန္ဓာကိုယ် သန့်စင်ခြင်း နည်းလမ်းများကို ရှာဖွေရမည်ပင် ဖြစ်၏။</p> <p> </p> <p>ဤအချက်က အကြီးအကဲများအုပ်စုကို စိုးရိမ်စေသောအရာလည်း ဖြစ်သည်။ နင်းဖန်တွင် မိသားစု နောက်ခံ မရှိ၊ အဆက်အသွယ် မရှိ၊ ဗဟုသုတလည်း နည်းပါးပေသည်။</p> <p> </p> <p>ဤမျှလောက်များပြားသော အထောက်အကူပြု နည်းလမ်းများကို သူ ဘယ်လိုလုပ် သိနိုင်ပါမည်နည်း။</p> <p> </p> <p>အကယ်၍ သူသည် သူ့ဘာသာသူ စမ်းတဝါးဝါး ရှာဖွေခြင်းကိုသာ အားကိုးနေပါက ဤအလွန်ကောင်း မွန်သော စတင်မှုကို သူ အလကား ဖြုန်းတီးပစ်လိုက်နိုင်ပေသည်။</p> <p> </p> <p>"ငါတို့ သူ့ကို အမြန်ဆုံး ဆက်သွယ်ဖို့ လိုအပ်နေသေးတယ် ဂျူနီယာညီလေးချီ...။"</p> <p> </p> <p>ဂိုဏ်းချုပ်က သက်ပြင်းချကာ ပြောလိုက်ပြီး သူ၏ အကြည့်များက သူ့ဘေးရှိ ချီလဲ့ကွမ်ထံသို့ ရွေ့သွား ခဲ့၏။</p> <p> </p> <p>"စီနီယာအစ်ကို...။ ငါ အကောင်းဆုံး ကြိုးစားနေပါတယ် ဒါပေမယ့် ချုံးချီလေးက ဘာပဲဖြစ်ဖြစ် ကျရှုံးထားတဲ့ ရုပ်သေးတစ်ခုပါ...။ သူ့ကို အချိန်ပိုပေးမှ ရမယ်...။"</p> <p> </p> <p>နောက်ဆုံးသူက ခါးသီးသော မျက်နှာဖြင့် ပြန်ဖြေလိုက်၏။</p> <p> </p> <p>အမှိုက်သံတုံး ချုံးချီလေး သည် သူတို့အားလုံး၏ မျှော်လင့်ချက် ဖြစ်သည်ပင် မဟုတ်ပါလား။</p> <p> </p> <p>အခြား ရုပ်သေးများကဲ့သို့ ဖြစ်နေမည်ဟု သူတို့ မမျှော်လင့်ကြချေ။ ခေါင်းညိတ်ခြင်းနှင့် ခေါင်းခါခြင်း လုပ်ဆောင်ချက် နှစ်ခုကိုသာ လုပ်ဆောင်နိုင်မည်ဆိုလျှင်ပင် ထိုအရာက အခြေအနေကို ကိုင်တွယ်ရန် များစွာ လွယ်ကူသွားစေမည် ဖြစ်၏။</p> <p> </p> <p>ထို့ကြောင့် နင်းဖန် အနားယူနေသည့် အချိန်ကို အခွင့်ကောင်းယူကာ ချီလဲ့ကွမ်သည် သူ၏ နတ်ဘုရား စိတ်အာရုံကို လျှို့ဝှက်စွာ ပို့လွှတ်နေပြီး ချုံးချီလေးကို ထိန်းချုပ်ကာ အဆင့်မြှင့်တင်ရန် ကြိုးစားနေ ခဲ့၏။</p> <p> </p> <p>အချိန်များ ဖြည်းညင်းစွာ ကုန်လွန်သွားခဲ့သည်။</p> <p> </p> <p>မျက်စိတစ်မှိတ်အတွင်းမှာပင် နေမင်းကြီး ကောင်းကင်ယံတွင် နောက်တစ်ကြိမ် မြင့်တက်လာခဲ့၏။</p> <p> </p> <p>နင်းဖန်သည် သူ၏ ရင်ဘတ်ပေါ်တွင် တစ်ခုခု လာနင်းနေသည်ကို ခံစားလိုက်ရပြီး မူးဝေစွာဖြင့် မျက်လုံး များကို ဖွင့်ကြည့်လိုက်လေသည်။</p> <p> </p> <p>ထို့နောက် သံချေးတက်နေသော ခေါင်းသေးသေးလေးတစ်ခု သူ၏ အမြင်အာရုံနယ်ပယ်တွင် ပေါ်လာပြီး ပတ္တမြားဖြင့် ပြုလုပ်ထားသော မျက်လုံးနှစ်လုံးက သူ့ကို စိုက်ကြည့်နေသည်ကို သူ မြင်တွေ့လိုက်ရ၏။</p> <p> </p> <p>"မင်းပဲကို သံတုံးလေး...။"</p> <p> </p> <p>နင်းဖန်သည် သမ်းဝေလိုက်ပြီး သူ၏ ရင်ဘတ်ပေါ်တွင် ရပ်နေသော ကောင်လေးကို မြေကြီးပေါ်သို့ အသာအယာ ချလိုက်ကာ အကြောလျှော့ရန် ထလာခဲ့လေသည်။</p> <p> </p> <p>တစ်ညတာ နှစ်နှစ်ခြိုက်ခြိုက် အိပ်စက်ခြင်းက သူ၏ အသား၊ ကြွက်သားများနှင့် အရိုးများကို ကြီးမား သော အနားယူမှု ရရှိစေခဲ့ပြီး သူ၏ အခြေအနေ တစ်ခုလုံးကို အထွတ်အထိပ်သို့ ပြန်လည် ရောက်ရှိ သွားစေခဲ့၏။</p> <p> </p> <p>မနက်စာအတွက် အများကြီး မစားသင့်ချေ။ သူသည် ထမင်းစားဆောင်သို့ ရောက်ရှိလာပြီး ဟင်းကိုး ခွက်နှင့် ဟင်းချိုတစ်ခွက် ပါဝင်သော ရိုးရှင်းသည့် အစားအစာတစ်ခုကို စားသုံးကာ ယုံကြည်မှု အပြည့် ဖြင့် ထွက်လာခဲ့လေသည်။</p> <p> </p> <p>သားရဲတစ်သောင်း တောင်ထိပ်သည် သားရဲ ယဉ်ပါးအောင် သင်ကြားခြင်းနှင့် ဝိညာဉ်ထိန်းချုပ်ခြင်း တို့ကို အဓိက တာဝန်ယူထားသဖြင့် ထိုတောင်ထိပ်၏ မြေနေရာမှာ ကြီးမားလှပြီး အဓိက တောင်ထိပ် ဆယ့်နှစ်ခုအနက် ပထမနေရာတွင် ရှိပေသည်။</p> <p> </p> <p>ပုံမှန် သုံ့ပန်း မွေးမြူရေး ဧရိယာများအပြင် အမဲလိုက် ဧရိယာ အချို့ကိုလည်း ခွဲခြားထား၏။</p> <p> </p> <p>နင်းဖန်သည် လမ်းလျှောက်ရင်း ဟိုဟိုဒီဒီ ကြည့်ရှုနေပြီး နောက်ဆုံးတွင် သူနှင့် အသင့်တော်ဆုံးဖြစ်မည့် သားရဲတစ်သောင်း တောင်ထိပ်၏ နက်ရှိုင်းသော တောင်ခြေရှိ တောင်ကြားတစ်ခုကို ရှာတွေ့ခဲ့သည်။</p> <p> </p> <p>[လိဖုန်း တောင်ကြား...။ အတွင်းရှိ နတ်ဆိုးသားရဲများ၏ အင်အားသည် အများဆုံး ရုပ်ခန္ဓာကိုယ်သန့်စင် ခြင်း နယ်မြေထက် မပိုပါ... ။သို့သော် အားကောင်းသော စွမ်းရည်များရှိသည့် အဆင့်မြင့် သွေးမျိုးဆက် သားရဲများစွာ ရှိပြီး အများစုမှာ တောင်ကြား၏ နောက်တစ်ဝက်တွင် နေထိုင်ကြပါသည်...။ တောင်ကြား အတွင်းသို့ ဝင်ရောက်သူများသည် မိမိတို့၏ စွမ်းရည်များအတိုင်း ပြုမူသင့်ပါသည်...။]</p> <p> </p> <p>တောင်ကြား အဝင်ဝတွင် တောင်ကြားနှင့် ပတ်သက်သည့် မိတ်ဆက်စကား အချို့ ရေးသားထားသော ကျောက်စာတိုင် တစ်ခု ရှိနေခဲ့၏။</p> <p> </p> <p>ဤသည်မှာ ရုပ်ခန္ဓာကိုယ်သန့်စင်ခြင်း အဆင့်ရှိ တပည့်များအတွက် ဂိုဏ်းက အထူး သတ်မှတ်ပေးထား  သော စမ်းသပ်မှု ကွင်းပြင်တစ်ခု ဖြစ်ကြောင်း ထင်ရှားပေသည်။</p> <p> </p> <p>ခဏတာ ကြည့်ရှုပြီးနောက် နင်းဖန်သည် မကြောက်မရွံ့ ပြုံးလိုက်ပြီး အတွင်းသို့ တိုက်ရိုက် ဝင်သွား ခဲ့လေသည်။</p> <p> </p> <p>[ဒင်... အိမ်ရှင်ဟာ လိဖုန်း တောင်ကြား သို့ ရောက်ရှိလာကြောင်း တွေ့ရှိပါသည်။ အပိုလမ်းညွှန်တာဝန် တစ်ခုကို အစပျိုးလိုက်ပါသည်။   မည်သည့် နတ်ဆိုးသားရဲကိုမဆို တစ်ကြိမ် သတ်ဖြတ်ခြင်းကို ပြီး မြောက်အောင် လုပ်ဆောင်ပါ...။]</p> <p> </p> <p>[အောင်မြင်ပါက ရွှေရောင် အရည်အသွေး ဆုလာဘ် ၊ တိုက်ပွဲဝိညာဉ် ကို ရရှိပါမည်...။]</p> <p> </p> <p>['တိုက်ပွဲ ဝိညာဉ်' - အဆက်မပြတ် တိုက်ပွဲများမှတစ်ဆင့် တိုက်ခိုက်ရေး ဉာဏ်ရည်ကို အဆုံးမရှိ တိုးတက်စေနိုင်စွမ်း ရှိပါသည်...။]</p> <p> </p> <p>တောင်ကြားမှာ အလွန် ကြီးမားလှ၏။ နွေရာသီအလယ် ဖြစ်ပြီး တောင်ကြားအတွင်းရှိ အပင် များမှာ စိမ်းလန်းစိုပြေနေခဲ့သည်။</p> <p> </p> <p>နင်းဖန် အတွင်းသို့ ဝင်ရောက်သွားပြီးနောက် ရှုခင်းများကို ခံစားရန် အချိန်ပင် မရမီ သူ၏ အာရုံစိုက်မှု သည် စနစ်၏ အသိပေးချက်ကြောင့် ဆွဲဆောင်ခံလိုက်ရ၏။</p> <p> </p> <p>"ရွှေရောင် အရည်အသွေး ဆုလာဘ်လား...။"</p> <p> </p> <p>"တိုက်ပွဲဝိညာဉ် တဲ့လား...။"</p> <p> </p> <p>"တော်တော် ကောင်းမယ့်ပုံပဲ...။"</p> <p> </p> <p>ထို့အပြင် နတ်ဆိုးသားရဲများကို တိုက်ခိုက်ခြင်းနှင့် လေ့ကျင့်ခြင်းမှာ ဤနေရာသို့ သူ လာရောက်ရသည့် မူလ ရည်ရွယ်ချက် ဖြစ်၏။</p> <p> </p> <p>ခဲတစ်လုံးတည်းနဲ့ ငှက်နှစ်ကောင် ပစ်ခြင်းဟုပင် ဆိုနိုင်ပေသည်။</p> <p> </p> <p>နင်းဖန်သည် သူ့ကိုယ်သူ ကျေနပ်နေချိန်တွင် လမ်းဘေး သစ်ပင်အုပ်များ၏ အရိပ်တွင် ပုန်းအောင်းနေ ခဲ့သော မြွေစိမ်းကြီး တစ်ကောင်ကိုတော့ သူ သတိမထားမိခဲ့ချေ။</p> <p> </p> <p>သက်ရှိတစ်ဦး ချဉ်းကပ်လာသည့် အရှိန်အဝါကို ခံစားလိုက်ရပြီး မြွေကြီး၏ ခန္ဓာကိုယ်သည် မြှားတစ် စင်းကဲ့သို့ တင်းမာဖြောင့်တန်းသွားကာ နောက်စက္ကန့်တွင် ရုတ်တရက် ခုန်အုပ်လာခဲ့၏။</p> <p> </p> <p>"ဟင်..."</p> <p> </p> <p>စနစ် အသိပေးချက်ကြောင့် အာရုံလွင့်နေသော နင်းဖန်သည် အန္တရာယ် ဤမျှ လျင်မြန်စွာ ရောက်လာ လိမ့်မည်ဟု မမျှော်လင့်ထားခဲ့ချေ။</p> <p> </p> <p>သို့သော် မြွေကြီးကို သူ မမြင်ခဲ့ရသော်လည်း မြွေကြီး ခုန်အုပ်လာသည့် အခိုက်အတန့်တွင် သူ၏ ခန္ဓာကိုယ်မှ အလိုအလျောက် တုံ့ပြန်မှုများက သူ့ကို ချက်ချင်း ရှောင်တိမ်းနိုင်စေခဲ့၏။</p> <p> </p> <p>အနောက်သို့ ယိမ်းကာ ဘေးသို့ ခြေတစ်လှမ်း ဆုတ်လိုက်ခြင်းဖြင့် သူသည် ချောင်းမြောင်း တိုက်ခိုက်မှု ကို ပေါ့ပါးစွာ ရှောင်တိမ်းလိုက်လေသည်။</p> <p> </p> <p>မြွေစိမ်းကြီးသည် ကျောက်တုံးကြီး တစ်တုံးကို တိုက်ရိုက် ဝင်တိုက်မိသွား၏။ "ဒိုင်း" ဟူသော အသံ ကျယ်ကြီးနှင့်အတူ ခိုင်မာပုံရသော ကျောက်တုံးကြီးသည် ချက်ချင်းပင် အစိတ်စိတ်အမြွှာမြွှာ အက်ကွဲ သွားခဲ့လ​ေသည်။</p> <p> </p> <p>ဤအချက်က နတ်ဆိုးသားရဲ၏ ခန္ဓာကိုယ် မည်မျှ သန်မာကြောင်း ပြသရန် လုံလောက်ပေသည်။ မြွေကြီး၏ သတ်ဖြတ်နိုင်စွမ်းမှာ အမှန်တကယ်ပင် အံ့မခန်း ဖြစ်၏။</p> <p> </p> <p>အကယ်၍ ချောင်းမြောင်း တိုက်ခိုက်မှုသာ အောင်မြင်သွားပါက ဂိုဏ်းကြီးတစ်ခုမှ တပည့်တစ်ဦးပင် လျှင် ကြီးမားသော ဆုံးရှုံးမှုကို ခံစားရပေလိမ့်မည်။</p> <p> </p> <p>နင်းဖန်ကို ပြန်ကြည့်လိုက်လျှင် သူသည် ဒေါသမထွက်ဘဲ ပြုံးလိုက်ကာ သူ၏ မျက်လုံးများတွင် စိတ်အားထက်သန်သော အလင်းရောင်တစ်ခု ပေါ်လာခဲ့၏။</p> <p> </p> <p>"မြွေကောင်းလေး... ငါ့ဆီက လက်သီးတစ်ချက် မြည်းကြည့်လိုက်စမ်း...။"</p> <p> </p> <p>ထိုသို့ပြောပြီး သူသည် ကိုယ်နေဟန်ထား ပြင်လိုက်သည်။ ခပ်ရေးရေးအားဖြင့် တောင်ငါးလုံး ၏ ပုံသဏ္ဌာန်များ စုစည်းလာကာ မြွေစိမ်းကြီးဆီသို့ တည့်တည့် ပြေးဝင်သွားခဲ့၏...။</p> <p> </p> <p>တစ်ချိန်တည်းမှာပင်။</p> <p> </p> <p>အထက်ရှိ လျှို့ဝှက်နယ်မြေ အတွင်း၌ လေထုမှာ ယုံကြည်နိုင်စရာ မရှိလောက်အောင် ပူပြင်းနေခဲ့ပြီ ဖြစ် သည်။</p> <p> </p> <p>အမှန်တကယ်တော့ နင်းဖန် အမဲလိုက် ဧရိယာကို ရှာဖွေနေစဉ်ကတည်းက တပည့်များစွာသည် သူ ဘာလုပ်မည်ကို ခန့်မှန်းမိပြီး ဖြစ်၏။</p> <p> </p> <p>နင်းဖန် တောင်ကြားထဲသို့ အမှန်တကယ် ဝင်ရောက်သွားပြီး နတ်ဆိုးသားရဲ တစ်ကောင်နှင့် ရင်ဆိုင်နေ ရသည်ကို မြင်သောအခါ အားလုံး အလွန် စိတ်လှုပ်ရှားသွားကြသည်။</p> <p> </p> <p>မည်သို့ပင်ဆိုစေ ဤသည်မှာ မဟာအကြီးအကဲ ကိုယ်တိုင် ရွေးချယ်ထားသော တပည့်ခေါင်းဆောင်၊ ဂိုဏ်းတွင် နှစ်တစ်သန်းအတွင်း မတွေ့ခဲ့ရသော သေမျိုးခန္ဓာကိုယ် ပါရမီရှင်အနေဖြင့် သူ၏ ဘဝတွင် ပထမဆုံးသော တိုက်ပွဲပင် ဖြစ်၏။</p> <p> </p> <p>ရလဒ်က ဘယ်လိုဖြစ်မလဲ ဆိုတာကို ဘယ်သူက မကြည့်ချင်ဘဲ နေမှာလဲ။</p> <p> </p> <p>ထို့ကြောင့် သူတို့သည် အပြင်စည်း သို့မဟုတ် အတွင်းစည်း တပည့်များဖြစ်စေ၊ အစစ်အမှန်တပည့် ဂုဏ်ထူးဆောင်တပည့်များဖြစ်စေ အားလုံးက စူးစိုက်စွာ ကြည့်နေကြ၏။</p> <p> </p> <p>"ငါတို့ရဲ့ ကြီးမြတ်တဲ့ တပည့်ခေါင်းဆောင် နင်းက ဘယ်လို ရွေးရမလဲဆိုတာ တကယ် သိတာပဲ...။ သားရဲ တစ်သောင်း တောင်ထိပ်မှာ ရုပ်ခန္ဓာကိုယ်သန့်စင်ခြင်း အဆင့် တပည့်တွေ ကျင့်ကြံဖို့ သင့်တော်တဲ့ အမဲလိုက် ဧရိယာ သုံးခု ရှိပေမယ့် လိဖုန်း တောင်ကြား ထဲက နတ်ဆိုးသားရဲတွေက အကြမ်းတမ်းဆုံး ပဲ...။"</p> <p> </p> <p>"တကယ်ပါပဲ... ဒါက သံမြှီးမြွေစိမ်း... တတိယအဆင့် သွေးမျိုးဆက် နတ်ဆိုးသားရဲ တစ်ကောင်ပဲ...။ သူ့ရဲ့ အမြီးမှာ အကြေးခွံ ငါးခု ရှိတယ် ဆိုလိုတာက သူ့ရဲ့ တိုက်ခိုက်မှု စွမ်းအားဟာ အနည်းဆုံး ရုပ်ခန္ဓာ ကိုယ်သန့်စင်ခြင်း ပဉ္စမအလွှာ ကျင့်ကြံသူတစ်ယောက်ရဲ့ အစွမ်းကုန် တိုက်ခိုက်မှုနဲ့ ညီမျှတယ်...။"</p> <p> </p> <p>"သံမြှီးမြွေစိမ်းက ပြေးနိုင်တယ်၊ တိုက်နိုင်တယ် ပြီးတော့ ပုန်းအောင်းတာလည်း တော်တယ်...။ လွန်ခဲ့တဲ့ ကိုးနှစ်က ငါ ဂိုဏ်းကို စဝင်တုန်းက တောင်ကြား အဝင်ဝမှာ မြွေစိမ်းကြီးကို မြင်ခဲ့ဖူးတယ်...။ ဒီနှစ်တွေ အကုန်လုံး ကြာပြီးတဲ့အထိကို အဲဒီမြွေကြီး အသက်ရှင်နေဦးမယ်လို့ ငါ မထင်ထားခဲ့ဘူး...။"</p> <p> </p> <p>"လိဖုန်း တောင်ကြား ထဲမှာ ကိုးနှစ်တိုင်တိုင် ရှင်သန်နိုင်တာ ဒီမြွေက တကယ်ကို ရိုးရှင်းမနေဘူး...။"</p> <p> </p> <p>အစစ်အမှန်တပည့် အချို့သည် အောက်ဘက်ရှိ တောင်ကြားအတွင်းမှ မြွေစိမ်းကြီး၏ မူလဇာစ်မြစ်ကို တစ်ချက်ကြည့်ရုံဖြင့် သိရှိသွားကြပြီး စိတ်ခံစားမှုများဖြင့် သက်ပြင်းမချဘဲ မနေနိုင်ကြချေ။</p> <p> </p> <p>အမှန်တကယ်တော့ အဓိက တောင်ထိပ် ဆယ့်နှစ်ခုထဲမှ တစ်ခုအနေဖြင့် သားရဲများကို အမဲလိုက်ရန် သားရဲတစ်သောင်း တောင်ထိပ်သို့ ပုံမှန် လာရောက်လေ့ရှိသူများမှာ အတွင်းစည်း သို့မဟုတ် ထို့ထက် ပိုမြင့်သော တပည့်များ ဖြစ်ကြ၏။</p> <p> </p> <p>ထို့အပြင် အန္တရာယ်အများဆုံးနှင့် အခက်ခဲဆုံး ရုပ်ခန္ဓာကိုယ်သန့်စင်ခြင်း စမ်းသပ်မှု ဧရိယာအနေဖြင့် လိဖုန်း တောင်ကြား သို့ အတွင်းစည်း ပါရမီရှင် အနည်းငယ်နှင့် အစစ်အမှန်တပည့် များသာ လာရောက် လေ့ ရှိကြပေသည်။</p> <p> </p> <p>ထို့ကြောင့် သိန်းနှင့်ချီသော တပည့်များ ယခု အသံကျယ်ကျယ်ဖြင့် ပြောဆိုနေကြသော်လည်း သူတို့ထဲမှ အများစုမှာ တောင်ကြားအတွင်းရှိ မြင်ကွင်းများကို ပထမဆုံးအကြိမ် မြင်တွေ့နေရခြင်း ဖြစ်၏။</p> <p> </p> <p>ထို့ပြင် တပည့် တစ်သိန်းကျော်တို့ အချင်းချင်း ဆွေးနွေးနေကြစဉ်မှာပင်...။</p> <p>***</p> <p> </p>


Save