Book List

<h2 style="text-align: center;">အခန်း ၁၃၄၃</h2> <h2 style="text-align: center;">နက္ခတ်တာရာ ပင်လယ်ပြင် (၁၄၈)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ဝုန်း...။</p> <p>မရေမတွက်နိုင်သော အမြောက်ဆန်များ၏ ဒဏ်ကြောင့် နက်သာမျိုးနွယ်စု၏ အခြေစိုက်စခန်းအတွင်း၌ ပြင်းထန်သော ပေါက်ကွဲမှုကြီးတစ်ခု ဖြစ်ပွားလေတော့သည်။</p> <p> </p> <p>ယင်းကား ပြည်တည်နေသော အနာစိမ်းတစ်ခုအား အားဖြင့် ညှစ်ထုတ်လိုက်သကဲ့သို့ ရှိချေရာ အတွင်းရှိ နီမြန်းသော အရည်များမှာ မီးတောင်ပေါက်ကွဲသကဲ့သို့ အမြင့်ပေသောင်းချီသော လေထုအတွင်းသို့ ပန်းထွက်သွားတော့သည်။</p> <p> </p> <p>ထိုစဉ် နက်သာနဂါးတစ်ကောင်သည် ကောင်းကင်ယံသို့ ပျံတက်လာချေသည်။ နက်သာမျိုးနွယ်စုတို့၏ အစွမ်းထက်ဆုံးသော ဤလက်နက်မှာ ပြည့်စုံမှုမရှိသေးသည်မှာ ထင်ရှားလှပေသည်။</p> <p> </p> <p> ယင်းသည် ဝေဟင်သို့ ပျံတက်ပြီးသည်နှင့် တစ်ပြိုင်နက် စစ်သင်္ဘော ရာပေါင်းများစွာ၏ စုပြုံပစ်ခတ်မှုကို ရင်ဆိုင်လိုက်ရပြီး ခဏချင်းမှာပင် အပိုင်းပိုင်းအပြတ်ပြတ် ဖြစ်သွားရလေတော့သည်။</p> <p>မီးလျှံဂြိုဟ်ပေါ်၌ နီရဲသော သွေးမိုးများ ရွာသွန်းဖြိုးလျက် ရှိချေသည်။</p> <p> </p> <p>ဆက်လက်၍ ဖျက်ဆီးခြင်းအလင်းတန်းတစ်ခုသည် အခြေစိုက်စခန်း၏ ဗဟိုချက်သို့ ကျရောက်ပြန်သည်။ ဂုဏ်သိက္ခာရှင် တော်ဝင်စစ်သင်္ဘော၏ အစွမ်းထက်အမြောက်ကြီးမှာ ဒုတိယအကြိမ် စွမ်းအင်ဖြည့်တင်းပြီးနောက် ဤဂြိုဟ်ပြင်ပ အခြေစိုက်စခန်းအား သေစေနိုင်သော ဒဏ်ချက်ကို ထပ်မံပေးလိုက်ခြင်းပင် ဖြစ်သည်။</p> <p> </p> <p>ဤပစ်ခတ်မှုသည် နက်သာအခြေစိုက်စခန်းအား ထွင်းဖောက်သွားပြီးနောက် အချင်းသုံးကီလိုမီတာကျော်နှင့် အနက်ပေသောင်းချီသော တွင်းကြီးတစ်ခုကို ဖြစ်ပေါ်စေခဲ့သည်။</p> <p> </p> <p>ဂြိုဟ်၏ လေးပုံတစ်ပုံခန့်ကို ဖုံးလွှမ်းထားသော နက်သာအခြေစိုက်စခန်းမှာ ခုခံနိုင်စွမ်း မရှိတော့ပေ။ ယင်းသည် ဆောင်းဦးရွက်ကြွေများကဲ့သို့ အလွှာလိုက် ကွာကျလျက် လျင်မြန်စွာပင် ညှိုးနွမ်းပျက်စီးသွားတော့သည်။</p> <p> </p> <p>တစ်ချိန်တည်းမှာပင် အခြေစိုက်စခန်း၏ ထိန်းချုပ်မှုအောက်ရှိ ဂိုးစ်တိုက်လေယာဉ်များမှာလည်း တစ်စင်းပြီးတစ်စင်း ပျက်ကျကုန်ကြချေသည်။</p> <p> </p> <p>ပူးပေါင်းတပ်ဖွဲ့ကြီးအတွက် အောင်ပွဲကား သေချာသွားပြီဖြစ်ရာ စစ်သင်္ဘောများအတွင်း၌ အောင်ပွဲခံသံများ ညံစီသွားတော့သည်။</p> <p> </p> <p>မီးလျှံကြယ်စုတန်းအတွက် တိုက်ပွဲရလဒ်မှာ ထင်မှတ်ထားသည်ထက် ပိုမိုကောင်းမွန်ခဲ့ပြီး အနန္တကြယ်ပျက်သင်္ဘော တစ်စင်းမျှ ဆုံးရှုံးမှုမရှိဘဲ ထိခိုက်ပျက်စီးမှုများမှာလည်း ထိန်းချုပ်နိုင်သော အခြေအနေတွင်သာ ရှိချေသည်။</p> <p> </p> <p>အမြင့်ဆုံးတပ်မှူး၏ အမိန့်နှင့်အတူ ပူးပေါင်းတပ်ဖွဲ့မှာ အကြီးစား ကုန်းပြင်စစ်ဆင်ရေးများကို စတင်လေတော့သည်။ ကုန်းယာဉ်များမှာ ဂြိုဟ်၏ မျက်နှာပြင်သို့ တစ်စင်းပြီးတစ်စင်း ဆင်းသက်လာကြသည်။</p> <p> </p> <p> ထိုစဉ် စစ်နတ်ဘုရား မက်ကာကို မောင်းနှင်နေသော ဝမ်ချန်မှာ မီးလျှံဂြိုဟ်ပေါ်သို့ ပထမဆုံး ဆင်းသက်လာသူ ဖြစ်ချေသည်။</p> <p>သူသည် ယခင်တိုက်ပွဲများတွင် ပါဝင်ခဲ့သော်လည်း အခြားသော ပိုင်းလော့များကဲ့သို့ပင် နောက်ခံလူမျှသာ ဖြစ်ခဲ့သည်။</p> <p> </p> <p>စစ်မှန်သော ဇာတ်လိုက်များကား အနန္တကြယ်ပျက်သင်္ဘောကြီးများပင် ဖြစ်ချေသည်။ ဝမ်ချန်သည် ဂိုးစ်တိုက်လေယာဉ် အများအပြားနှင့် နက်သာစစ်သင်္ဘော နှစ်စင်းကို ချေမှုန်းနိုင်ခဲ့သော်လည်း ယင်းအောင်မြင်မှုများမှာ ယခင်ကထက် ထူးခြားမှု မရှိလှပေ။</p> <p> </p> <p>ဂြိုဟ်ဖျက်အမြောက်က နက်သာအခြေစိုက်စခန်းကို ပစ်ခတ်ချိန်၌ ဝမ်ချန်မှာ ဘေးကြည့်ကြည့်နေသူမျှသာ ဖြစ်သည်။ သူသည် နောက်ဆက်တွဲ ရှင်းလင်းရေး စစ်ဆင်ရေးများတွင် ပါဝင်ရန် အစီအစဉ် မရှိခဲ့ပေ။</p> <p> </p> <p> သို့သော်လည်း မမျှော်လင့်ထားသော အခြေအနေတစ်ခုက ဝမ်ချန်၏ စိတ်ကူးကို ချက်ချင်းပင် ပြောင်းလဲသွားစေခဲ့သည်။</p> <p> </p> <p>နက်သာအခြေစိုက်စခန်း၏ ဗဟိုချက်ကို ထွင်းဖောက်သွားသော တော်ဝင်စစ်သင်္ဘော၏ ဒုတိယအကြိမ် ပစ်ခတ်မှုအပြီးတွင် သူသည် လောကအမြူတေ၏ တည်ရှိမှုကို ခံစားလိုက်ရခြင်းပင် ဖြစ်သည်။</p> <p> </p> <p>ထိုအရှိန်အဝါမှာ နက်သာအခြေစိုက်စခန်း၏ အတွင်းပိုင်းမှ ထွက်ပေါ်လာခြင်း ဖြစ်ချေသည်။</p> <p>ထို့ကြောင့် ဝမ်ချန်သည် တုံ့ဆိုင်းမနေတော့ဘဲ မက်ကာ၏ အင်ဂျင်ကို အစွမ်းကုန်မြှင့်ကာ အမြောက်ဒဏ်ကြောင့် ဖြစ်ပေါ်နေသော တွင်းနက်ကြီးအတွင်းမှတစ်ဆင့် အခြေစိုက်စခန်း၏ ဗဟိုချက်ဆီသို့ အရှိန်အဟုန်ဖြင့် ပြေးဝင်သွားတော့သည်။</p> <p> </p> <p>သူသည် အင်ပါယာ နဂါးမြင်းတပ်ဖွဲ့ဝင် ဖြစ်သလို ဂုဏ်သိက္ခာရှိသော မှူးမတ်မျိုးနွယ်လည်း ဖြစ်ရာ သူ၏ လုပ်ဆောင်ချက်များမှာ လွတ်လပ်မှုအပြည့် ရှိချေသည်။</p> <p> </p> <p>သို့သော်လည်း ထိုကဲ့သို့သော လွတ်လပ်မှု၏ တန်ဖိုးကား အသက်နှင့်ပင် လဲရနိုင်ပေသည်။ အနန္တကြယ်ပျက်သင်္ဘော၏ ဂြိုဟ်ဖျက်အမြောက် ဒဏ်ချက်မှာ အလွန်ပင် ကြောက်မက်ဖွယ် ကောင်းလှသည်။</p> <p> </p> <p> မိနစ်အနည်းငယ် ကြာမြင့်သွားပြီ ဖြစ်သော်လည်း တွင်းကြီးအတွင်းရှိ အပူချိန်မှာ အလွန်မြင့်မားနေဆဲ ဖြစ်ပြီး အရည်ပျော်နေသော နံရံများနှင့် အဆိပ်ငွေ့များမှာလည်း ဖုံးလွှမ်းလျက် ရှိချေသည်။</p> <p> </p> <p> မက်ကာ၏ ကာကွယ်မှုသာ မရှိပါက သာမန်လူနေနေသာသာ A- အဆင့် စစ်သည်တော် တစ်ဦးပင်လျှင် ဤနေရာ၌ တစ်မိနစ်မျှ ခံနိုင်ရည် ရှိမည်မဟုတ်ပေ။</p> <p> </p> <p>ဝမ်ချန်သည် စစ်နတ်ဘုရား မက်ကာကို ထိန်းချုပ်ကာ အောက်သို့ ဆင်းသက်ရင်း ရှာဖွေရေးမီးများကို ဖွင့်လိုက်သည်။ နက်သာအခြေစိုက်စခန်းတွင် သက်ရှိအသိဉာဏ် ရှိချေသည်။</p> <p> </p> <p>ယင်းသည် ဘုရင်မပျားကြီးနှင့် ဆင်တူပြီး လုပ်သားပျားများ၏ ထောက်ပံ့မှုဖြင့် နက်သာမုဆိုး၊ နက်သာမျက်လုံး၊ နက်သာနဂါး စသော တိုက်ခိုက်ရေး ယူနစ်များကို ဖန်တီးပေးခြင်း ဖြစ်သည်။</p> <p> </p> <p>နက်သာအခြေစိုက်စခန်း၏ ကိုယ်ပိုင်အသိဉာဏ်မှာ အလွန်စွမ်းထက်ပြီး နက်သာစစ်တပ်ကို စစ်မြေပြင်တွင် ကွပ်ကဲနိုင်သော မြင့်မားသည့် ဉာဏ်ရည်ကို ပိုင်ဆိုင်ထားသည်။</p> <p> </p> <p> အင်ပါယာ၏ လျင်မြန်ပြင်းထန်သော တန်ပြန်တိုက်စစ်သာ မရှိခဲ့ပါက ဤအခြေစိုက်စခန်းအား အလွယ်တကူ သိမ်းပိုက်နိုင်ရန် ဖြစ်တန်ရာ မရှိပေ။</p> <p> </p> <p> ဤသည်မှာ ဝမ်ချန်အနေဖြင့် နက်သာအခြေစိုက်စခန်းနှင့် ပထမဆုံးအကြိမ် အနီးကပ် ထိတွေ့ဖူးခြင်းပင် ဖြစ်သည်။</p> <p> </p> <p>ယင်းမှာ သေအံဆဲဆဲ အခြေအနေသို့ ရောက်ရှိနေပြီ ဖြစ်သော်လည်း ဝမ်ချန်သည် သတိမပေါ့ဘဲ ရှာဖွေမှုများကို ဆက်လက်လုပ်ဆောင်နေလေသည်။</p> <p> </p> <p>စစ်နတ်ဘုရား မက်ကာသည် အနက်ပေ တစ်သောင်းခန့်အထိ ဆင်းသက်လာချိန်တွင် ဝမ်ချန်သည် ညာဘက်ရှိ ဥမင်နံရံဆီသို့ ရုတ်တရက်ပင် ဓားဖြင့် ခုတ်ပိုင်းလိုက်သည်။</p> <p> </p> <p>ဓားအလင်းတန်းမှာ လက်ခနဲ ဖြစ်သွားပြီး ခဲနေသော ချော်ရည်များကို အပိုင်းပိုင်း ဖြစ်သွားစေကာ မှောင်အတိကျနေသော ဥမင်လမ်းတစ်ခုကို ပေါ်လာစေသည်။</p> <p> </p> <p>အချင်း ပေ ၄၀၊ ၅၀ ခန့်ရှိသော ထိုဥမင်မှာ မက်ကာ တစ်စီး ဝင်ဆံ့နိုင်ရန် လုံလောက်ချေရာ ဝမ်ချန်သည် အတွင်းသို့ တိုက်ရိုက်ပင် ဝင်ရောက်သွားတော့သည်။ လောကအမြူတေစွမ်းအင်၏ အရှိန်အဝါမှာ ထိုဥမင်၏ နက်ရှိုင်းသော နေရာမှ ထွက်ပေါ်နေခြင်းပင် ဖြစ်သည်။</p> <p> </p> <p>ရှာဖွေရေးမီးများ၏ အလင်းအောက်တွင် ဝမ်ချန်သည် ဥမင်၏ ထူးခြားသော ဝိသေသများကို တွေ့ရှိခဲ့သည်။</p> <p> </p> <p>ယင်း၏ နံရံများမှာ ဧရာမ စက်လွန်ကြီးတစ်ခုဖြင့် ဖောက်ထွင်းထားသကဲ့သို့ ရှိပြီး သတ္တုရောင် တဖိတ်ဖိတ်တောက်နေသော အဝိုင်းပုံစံ အစင်းကြောင်းများမှာ အဆုံးမရှိသော အနက်ပိုင်းဆီသို့ ဦးတည်နေချေသည်။</p> <p> </p> <p>ဝမ်ချန်သည် အရှိန်ကို လျှော့ချလိုက်ပြီး မက်ကာ၏ ရေဒါစနစ်ဖြင့် ပတ်ဝန်းကျင်ကို စမ်းသပ်ကြည့်သည်။ သို့သော်လည်း ပြင်းထန်သော နှောင့်ယှက်မှုများကြောင့် ကြည်လင်သော ပုံရိပ်များကို မရရှိခဲ့ပေ။</p> <p> </p> <p> ထို့ကြောင့် သူသည် ရေဒါကို ပိတ်လိုက်ပြီး မိမိ၏ စိတ်အာရုံစွမ်းအားဖြင့်သာ စူးစမ်းရန် ဆုံးဖြတ်လိုက်သည်။ စွမ်းအင်၏ အရှိန်အဝါမှာ ပိုမိုပြင်းထန်လာပြီး သူ့အား ဥမင်လမ်းအတိုင်း ဆက်လက်ဝင်ရောက်ရန် ဆွဲဆောင်နေသကဲ့သို့ ရှိချေသည်။</p> <p> </p> <p>ဝမ်ချန်သည် ကီလိုမီတာ တစ်ရာခန့်အထိ မောင်းနှင်လာပြီးနောက် ထိုထူးဆန်းသော ဥမင်၏ အဆုံးသတ်သို့ ရောက်ရှိခဲ့သည်။ ဧရာမ မြေအောက်လိုဏ်ဂူကြီးတစ်ခုက သူ၏ မျက်စိရှေ့တွင် ပေါ်လာတော့သည်။</p> <p> </p> <p> လိုဏ်ဂူမှာ စက်ဝိုင်းပုံစံဖြစ်ပြီး မြေအောက်နက်နက်တွင် မြှုပ်နှံထားသော လုံးဝန်းသည့် အရာတစ်ခုနှင့် တူလှပေသည်။ ငွေမှင်ရောင်ရှိသော နံရံများမှာ ချောမွေ့နေပြီး စစ်နတ်ဘုရား မက်ကာ၏ ပုံရိပ်ကို ထင်ဟပ်နေချေသည်။</p> <p> </p> <p>ဝမ်ချန် လိုဏ်ဂူအတွင်းသို့ ဝင်ရောက်လိုက်သည်နှင့် နောက်ဘက်ရှိ ဥမင်လမ်းမှာ အသံတိတ်ပင် ပိတ်သွားတော့သည်။</p> <p>သို့သော်လည်း ဝမ်ချန်မှာ ဂရုမထားနိုင်အားပေ။</p> <p> </p> <p>အကြောင်းမှာ သူ၏ အာရုံစိုက်မှုအားလုံးမှာ လိုဏ်ဂူအလယ်တွင် ဝဲပျံနေသော မီးလျှံတစ်ခုဆီသို့ ရောက်ရှိနေသောကြောင့် ဖြစ်သည်။ ယင်းကား မူလမီးလျှံပင် ဖြစ်ချေသည်။</p> <p> </p> <p>ဤသည်မှာ ဝမ်ချန်အနေဖြင့် နက္ခတ်တာရာ ပင်လယ်ပြင်အတွင်း ရှာဖွေတွေ့ရှိခဲ့သော ဒုတိယမြောက် မူလမီးလျှံဖြစ်ပြီး ယင်း၏ လောကအမြူတေစွမ်းအင်မှာ ပိုမိုအားကောင်းလှပေသည်။</p> <p> </p> <p>သို့သော် ထူးဆန်းသည်မှာ စွမ်းအင်၏ ဒဏ်ကြောင့် စစ်နတ်ဘုရား မက်ကာ၏ ခုခံစွမ်းအားမှာ ပျက်ပြားသွားပြီး ပြင်ပချပ်ဝတ်များမှာ တိုက်စားခံရသည့် လက္ခဏာများ ပြလာခြင်းပင် ဖြစ်သည်။</p> <p> </p> <p>ထိုတိုက်စားမှုများမှာလည်း သိသိသာသာပင် ပိုမိုကျယ်ပြန့်လာချေသည်။ အဆင့်မြင့် မက်ကာတစ်စီးဖြစ်သော စစ်နတ်ဘုရား မက်ကာသည် ခိုင်ခံ့သော သတ္တုများဖြင့် တည်ဆောက်ထားခြင်း ဖြစ်သော်လည်း လောကအမြူတေစွမ်းအင်၏ ရှေ့မှောက်တွင်မူ အလွန်ပင် နုနယ်နေပုံ ရချေသည်။</p> <p> </p> <p> မက်ကာ၏ ထိန်းချုပ်ခန်းအတွင်း၌လည်း ပျက်စီးမှုများအတွက် သတိပေးချက်များ တောက်လျှောက် ပေါ်လာတော့သည်။</p> <p> </p> <p> </p> <p>ဝမ်ချန်သည် သူ၏ စိတ်အာရုံစွမ်းအားများကို ချက်ချင်းပင် ထုတ်ဖော်လိုက်ပြီး မက်ကာ၏ ပြင်ပ၌ မမြင်နိုင်သော အကာအကွယ်တစ်ခုကို တည်ဆောက်ကာ စွမ်းအင်၏ တိုက်စားမှုကို ဟန့်တားလိုက်သည်။</p> <p> </p> <p>သူသည် မူလမီးလျှံကို မည်ကဲ့သို့ ဘေးကင်းစွာ ဖမ်းယူရမည်ကို စဉ်းစားနေစဉ်မှာပင် ထိုမီးလျှံမှာ ရုတ်တရက် တုန်ခါသွားပြီးနောက် သူ၏ ရှေ့မှောက်၌ သေးငယ်သော ပုံရိပ်တစ်ခု ပေါ်လာလေသည်။</p> <p> </p> <p>ယင်းမှာ ဝတ်စုံဖြူလေး ဝတ်ဆင်ထားသော မိန်းကလေးငယ်တစ်ဦးပင် ဖြစ်ချေသည်။ နက်မှောင်သော ဆံပင်၊ ဖြူဖွေးသော အသားအရေနှင့် အပြစ်ကင်းသော မျက်ဝန်းများကို ပိုင်ဆိုင်ထားသည့် ထိုကလေးမလေးမှာ လူသားတစ်ဦးနှင့် လုံးဝပင် မခြားနားလှပေ။</p> <p> </p> <p>ထိုခဏ၌ ဝမ်ချန်၏ သတိထားမှုမှာ အမြင့်ဆုံးသို့ ရောက်ရှိသွားတော့သည်။</p> <p>"နှုတ်ခွန်းဆက်ပါတယ်... အင်ပါယာက ရဲရင့်တဲ့ စစ်သည်တော်ကြီး"</p> <p>ထိုမိန်းကလေးငယ်မှာ စကားစလိုက်ချေသည်။</p> <p>"ကျွန်မရဲ့ နာမည်က ရှန်လန်ပါ... ကျွန်မရဲ့ အိမ်ကို ကြိုဆိုပါတယ်"</p> <p>***</p> <p> </p>


Save