Book List

<h2 style="text-align: center;">အခန်း (၁၃၄၇)</h2> <h2 style="text-align: center;">ဓာတ်ငါးပါးဝိညာဉ်ပစ္စည်းများ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ဝမ်ချန်သည် တုကျိူနန်၏ အကြည့်များကို သတိပြုမိလိုက်ရာ စိတ်အစဉ်၌ ရယ်ချင်သလိုလို၊ အားမလိုအားမရဖြစ်သလိုလို ခံစားချက်တို့ ရောပြွမ်း၍ သွားချေသည်။</p> <p> </p> <p>ဝိညာဉ်သန္ဓေသားအဆင့်ရှိသော အမျိုးသမီးကျင့်ကြံသူတစ်ဦးအဖို့ ယခုကဲ့သို့ ရုတ်ချည်းပင် သံယောဇဉ်ငြိတွယ်လာခြင်းမှာ အလွန်ပင် ရှားပါးလှပေသည်။</p> <p> </p> <p>အကြောင်းမူကား ထိုသို့သော အဆင့်အတန်းသို့ ရောက်ရှိပြီးသူများသည် ရိုးသားဖြူစင်လွန်းသည့် စိတ်သဘောထားမျိုး ရှိတတ်ကြသူများ မဟုတ်ပေရာ၊ ယင်းက တုကျိူနန်၏ စိတ်နှလုံးကို 'လောကမူလအမြုတေ' ၏ တန်ဖိုးက မည်မျှပင် ကိုင်လှုပ်နိုင်ခဲ့သည်ကို ဖော်ပြနေခြင်းပင် ဖြစ်ပေတော့သည်။</p> <p> </p> <p>သို့သော်လည်း ဝမ်ချန်ကား သူမ၏ စေတနာကို ယဉ်ကျေးစွာပင် ငြင်းပယ်လိုက်၏။</p> <p>သူသည် အနည်းငယ်မျှ ချောင်းဟန့်လိုက်ပြီးလျှင် "မိတ်ဆွေတု၊ ကျွန်တော် မေးမြန်းချင်တဲ့ ကိစ္စနှစ်ရပ် ရှိတယ်" ဟု ဆိုလိုက်သည်။</p> <p> </p> <p>တုကျိူနန်သည်လည်း သာမန်မိန်းမသားတစ်ဦး မဟုတ်ပေရာ သူမ၏ ရင်ထဲ၌ ဖြစ်ပေါ်နေသော စိတ်လှုပ်ရှားမှုများကို ချက်ချင်းပင် ထိန်းချုပ်လိုက်ပြီး ပြုံးလျက် "ပြောပါ" ဟု ပြန်လည်ဖြေကြားလေသည်။</p> <p> </p> <p>"ကိစ္စကတော့ ဒါပါပဲ... ကျွန်တော် ကျင့်ကြံနေတဲ့ ပညာရပ်အတွက် 'ဓာတ်ငါးပါးဝိညာဉ်ပစ္စည်း' တွေ လိုအပ်နေလို့ပါ။ ဒီကိစ္စနဲ့ ပတ်သက်ပြီး သဲလွန်စများ ရှိမလားလို့ပါ"</p> <p> </p> <p>ဝမ်ချန်က ထပ်မံ၍ "နောက်တစ်ခုကတော့ 'ထိုက်ယီမူလ ဒြပ်ပေါင်းစုပညာရပ်' ရဲ့ ရှေးဟောင်းကျမ်းပုံပွားကို ကြည့်ရှုချင်ပါတယ်။ အဲဒါကို ရရှိနိုင်မယ့် နည်းလမ်းများ ရှိမလား" ဟု မေးမြန်းလိုက်ပြန်သည်။</p> <p> </p> <p>'ဓာတ်ငါးပါးဝိညာဉ်ပစ္စည်း' များ လိုအပ်သော ထိုကျင့်စဉ်မှာ တန်ပါစ်ဂြိုဟ်ပေါ်ရှိ မြေအောက်နန်းတော်မှ သူရရှိခဲ့သည့် 'မဟာဒြပ်ငါးပါး နတ်ဘုရားအလင်း' ပင် ဖြစ်ချေသည်။</p> <p> </p> <p>နက္ခတ်တာရာ ပင်လယ်ပြင်မှ ပြန်လာကတည်းက ဝမ်ချန်သည် မိမိ၏ ကျင့်ကြံခြင်းအဆင့်ကို တည်ငြိမ်အောင် ပြုလုပ်ရင်း ထိုထိပ်တန်းပညာရပ်ကိုလည်း စူးစမ်းဆင်ခြင်နေခဲ့ခြင်း ဖြစ်ပေသည်။</p> <p> </p> <p>ယင်းသို့သော ဝိညာဉ်ပစ္စည်းများ၏ အကူအညီ မပါဘဲနှင့်မူ ထိုပညာရပ်ကို စတင်ကျင့်ကြံရန်ပင် မဖြစ်နိုင်ကြောင်း သူနားလည်ထားသည်။</p> <p> </p> <p>စတင်ကျင့်ကြံ၍ မရပါက ကျင့်ကြံခြင်းအကူအညီပေးစနစ်  မှတစ်ဆင့် တိုးမြှင့်ရန်မှာလည်း လုံးဝ မဖြစ်နိုင်သည်မှာ အမှန်ပင် ဖြစ်တန်ရာ၏။</p> <p> </p> <p>သို့သော် 'မဟာဒြပ်ငါးပါး နတ်ဘုရားအလင်း' မှာ ဝမ်ချန်ပိုင်ဆိုင်သမျှသော ပညာရပ်များထဲတွင် အစွမ်းထက်ဆုံးနှင့် အဆန်းကြယ်ဆုံးဖြစ်ရာ မည်သည့်အခြေအနေမျိုးတွင်မဆို သူစွန့်လွှတ်နိုင်မည် မဟုတ်ပေ။</p> <p> </p> <p>'ထိုက်ယီမူလ ဒြပ်ပေါင်းစုပညာရပ်' ဆိုသည်မှာလည်း ရှေးဟောင်း မသေမျိုးဂိုဏ်း၏ အထွတ်အထိပ်ကျမ်းစာဖြစ်ပြီး စစ်မှန်သော မသေမျိုးဥပဒေသ၏ နက်နဲမှုကို ညွှန်ပြနေသည့် ပညာရပ်ဖြစ်ချေသည်။</p> <p> </p> <p>ဝမ်ချန်ကျင့်ကြံနေသည့် 'ကောင်းကင်မြေငါးပါးပညာရပ်' မှာလည်း ထိုကျမ်းစာမှပင် ဆင်းသက်လာခဲ့ခြင်း ဖြစ်ပေသည်။</p> <p> </p> <p>ယခုခေတ်ကာလတွင် ထိုကဲ့သို့သော ရှေးဟောင်းပညာရပ်များကို အဆင့်မြင့်သည်ဟု မယူဆကြတော့ဘဲ ပြုပြင်ပြောင်းလဲခြင်းမရှိသည့် ရှေးနည်းဟောင်းများကို လိုက်နာသူ နည်းပါးလှသော်လည်း၊ ဝမ်ချန်အဖို့မူ ယင်းကျမ်းစာမှတစ်ဆင့် မိမိ၏ ပညာရပ်ကို ပိုမိုမြင့်မားသောအဆင့်သို့ တက်လှမ်းရန်နှင့် စိတ်ဝိညာဉ်ခွဲဖြာခြင်းအတွက် ခိုင်မာသော အခြေခံကောင်းများ ရရှိရန် ရည်မှန်းထားခြင်း ဖြစ်ပေသည်။</p> <p> </p> <p>သို့ရာတွင် 'ဓာတ်ငါးပါးဝိညာဉ်ပစ္စည်း' ဖြစ်စေ၊ 'ထိုက်ယီမူလ ဒြပ်ပေါင်းစုပညာရပ်' ဖြစ်စေ၊ ယင်းတို့ကို ရရှိရန်မှာ သူကဲ့သို့သော လေလွင့်ကျင့်ကြံသူတစ်ဦးအဖို့ အလွန်ပင် ခဲယဉ်းလှသော ကိစ္စရပ်ပင် ဖြစ်တော့သည်။</p> <p> </p> <p>ရတနာတစ်သောင်းခန်းမ သို့မဟုတ် အဆုံးမဲ့ပင်လယ်ကုန်သည်အသင်းတို့မှတစ်ဆင့် ရှာဖွေခြင်းမှာလည်း အားကိုးရဖွယ်မရှိလှပေ။ ရှိခဲ့လျှင်ပင် ကောင်းကင်ထိအောင် မြင့်မားသည့် ဈေးနှုန်းများ ပေးဆောင်ရမည်မှာ မလွဲဧကန်ပင်။</p> <p> </p> <p>တုကျိူနန်မှာမူ 'ကိုးပြည်ထောင် မသေမျိုးအသင်း' တွင် အဆင့်အတန်းမြင့်မားသူ ဖြစ်သည့်အပြင် တုမျိုးနွယ်စု၏ အမာခံအဖွဲ့ဝင်တစ်ဦးလည်း ဖြစ်ပေရာ သူမ၏ အတွေ့အကြုံနှင့် သတင်းအချက်အလက် ရရှိနိုင်မှုတို့မှာ ဝမ်ချန်ထက် အဆပေါင်းများစွာ သာလွန်ပေလိမ့်မည်။</p> <p> </p> <p>အရေးအကြီးဆုံးအချက်မှာ ဝမ်ချန်သည် သူမအား 'လောကမူလအမြုတေ' ပေးခဲ့သည့် ကျေးဇူးကို ပြန်လည်ပေးဆပ်လိုခြင်း ဖြစ်ပေရာ တုကျိူနန်အပေါ် စိတ်ဖိစီးမှု မဖြစ်စေရန် ထိုသို့ မေးမြန်းလိုက်ခြင်းပင် ဖြစ်ပေသည်။</p> <p> </p> <p>"ဓာတ်ငါးပါးဝိညာဉ်ပစ္စည်းတွေနဲ့ ထိုက်ယီမူလ ဒြပ်ပေါင်းစုပညာရပ် ဟုတ်လား"</p> <p>တုကျိူနန်သည် ဝမ်ချန်ကို စိတ်ပျက်အောင် မလုပ်ခဲ့ပေ။</p> <p> </p> <p>သူမက တွန့်ဆုတ်ခြင်းမရှိဘဲ "မသေမျိုးအသင်းရဲ့ ဘဏ္ဍာတိုက်ထဲမှာ ဓာတ်ငါးပါးဝိညာဉ်ပစ္စည်းတွေကတော့ သေချာပေါက် ရှိတယ်။ ပညာရပ်ကျမ်းစာကိုတော့ ကျွန်မ အတည်မပြုနိုင်သေးပေမယ့်  ရှာဖွေပေးပါ့မယ်" ဟု ပြန်လည်ပြောကြားလိုက်သည်။</p> <p> </p> <p>ဝမ်ချန်မှာ ဝမ်းသာအားရဖြင့် "ကျေးဇူးတင်ပါတယ် " ဟု ဆိုလေသည်။</p> <p>သို့ရာတွင် တုကျိူနန်က ခါးသက်သက်အပြုံးဖြင့် "မိတ်ဆွေဝမ်၊ အရမ်းကြီးလည်း ဝမ်းမသာလိုက်နဲ့ဦး။ အသင်းရဲ့ ဘဏ္ဍာတိုက်ထဲက ပစ္စည်းတွေဟာ အမှတ်တွေနဲ့ပဲ လဲလှယ်ရတာပါ။ ဓာတ်ငါးပါးဝိညာဉ်ပစ္စည်းတွေ ရဖို့ဆိုရင် အမှတ်တွေ အမြောက်အမြား လိုအပ်လိမ့်မယ်" ဟု သတိပေးလိုက်လေသည်။</p> <p> </p> <p>'ဓာတ်ငါးပါးဝိညာဉ်ပစ္စည်း' ဆိုသည်မှာ ရွှေ၊ သစ်၊ ရေ၊ မီး၊ မြေ ဟူသော ဒြပ်ငါးပါး၏ အနှစ်သာရများပင် ဖြစ်ပြီး ယင်းတို့၏ အရည်အသွေးအပေါ် မူတည်၍ အဆင့်ခွဲခြားထားခြင်း ဖြစ်သည်။</p> <p> </p> <p>ဝမ်ချန်မှာ ဝိညာဉ်သန္ဓေသားအဆင့်  သို့ ရောက်ရှိနေသူဖြစ်ရာ စတုတ္ထအဆင့်  ရှိသော ပစ္စည်းများကိုသာ ကျင့်စဉ်အတွက် လိုအပ်မည် ဖြစ်ချေသည်။</p> <p> </p> <p>ဒုတိယနှင့် တတိယအဆင့် ပစ္စည်းများကိုမူ ရတနာတစ်သောင်းခန်းမနှင့် အဆုံးမဲ့ပင်လယ်ကုန်သည်အသင်းတို့တွင် လွယ်ကူစွာ ဝယ်ယူနိုင်သော်လည်း စတုတ္ထအဆင့်ရှိ ပစ္စည်းများမှာမူ အလွန်ပင် တန်ဖိုးကြီးလှပေသည်။</p> <p> </p> <p> တစ်ခုလျှင်ပင် မသေမျိုးအသင်းအမှတ် သောင်းနှင့်ချီ၍ လိုအပ်မည်ဖြစ်ရာ ငါးမျိုးလုံးကို စုဆောင်းရန်မှာ မတွေးဝံ့စရာပင်။</p> <p> </p> <p>တုကျိူနန်သည် မိန်းမသားဖြစ်သော်လည်း အလုပ်လုပ်ရာတွင် အလွန်ပင် ထက်မြက်လှပေရာ ထိုနေရာ၌ပင် 'ဝမ်လီ အဆောင်လက်ဖွဲ့' ကို အသုံးပြု၍ မသေမျိုးအသင်းရှိ သူမ၏ မိတ်ဆွေများထံသို့ သတင်းလှမ်း၍ မေးမြန်းပေးလေသည်။</p> <p> </p> <p>သို့သော်လည်း အခြေအနေမှာ အလွန်အမင်း ကောင်းမွန်လှသည်တော့ မဟုတ်ပေ။</p> <p>အကြောင်းမှာ ဓာတ်ငါးပါးဝိညာဉ်ပစ္စည်းများမှာ လက်ကျန်နည်းနေပြီဖြစ်ရာ အမြန်ဆုံး မလဲလှယ်နိုင်ပါက အခြားသူများ၏ လက်ထဲသို့ ရောက်ရှိသွားဖွယ် ရှိနေသောကြောင့် ဖြစ်ပေသည်။</p> <p> </p> <p> နောက်တစ်ကြိမ် မည်သည့်အချိန်တွင် ပြန်လည်ရောက်ရှိမည်ကိုလည်း မည်သူမျှ မခန့်မှန်းနိုင်ပေ။</p> <p>'ထိုက်ယီမူလ ဒြပ်ပေါင်းစုပညာရပ်' ကျမ်းစာမှာမူ မည်သူမျှ လဲလှယ်သူမရှိဘဲ ကျန်ရှိနေသေးရာ အမှတ်များရှိလျှင် အလွယ်တကူ လဲလှယ်ရယူနိုင်ပေသည်။</p> <p> </p> <p>တုကျိူနန်က သူမရရှိထားသော သတင်းအချက်အလက်များကို ဝမ်ချန်အား တစ်ခုချင်း ရှင်းပြလိုက်ပြီးနောက် "မိတ်ဆွေဝမ်... ကျွန်မရဲ့ လက်ထဲမှာ အသင်းအမှတ်အနည်းငယ် ရှိတယ်။ အဲဒါနဲ့ 'ထိုက်ယီမူလ ဒြပ်ပေါင်းစုပညာရပ်' ကိုတော့ လဲလှယ်ပေးနိုင်ပေမယ့် ဓာတ်ငါးပါးဝိညာဉ်ပစ္စည်းတွေအတွက်တော့ ကိုယ်တိုင်ပဲ နည်းလမ်းရှာရပါလိမ့်မယ်" ဟု ဆိုလေသည်။</p> <p> </p> <p>ဝမ်ချန် လိုအပ်သည့်အရာများထဲတွင် ထိုကျမ်းစာမှာ တန်ဖိုးအနည်းဆုံးဖြစ်သော်လည်း ယင်းက ဝမ်ချန် သူမအား ပေးခဲ့သည့် ကျေးဇူးတရားကို တစ်စိတ်တစ်ပိုင်း ပြန်လည်ပေးဆပ်ရာ ရောက်ပေလိမ့်မည်။</p> <p> </p> <p> ထိုသို့ ကံကြမ္မာအကြွေးကို ပြေလည်အောင် ပြုလုပ်ခြင်းမှာလည်း ကောင်းမွန်သော ကိစ္စရပ်ပင် ဖြစ်တန်ရာ၏။</p> <p> </p> <p>"ကောင်းပါပြီ"</p> <p>ဝမ်ချန်က တွန့်ဆုတ်ခြင်းမရှိဘဲ သဘောတူလိုက်ပြီးနောက် "ကျွန်တော် နယ်စပ်ဒေသကို သွားပြီးတော့ နတ်ဆိုးတွေကို သတ်ဖြတ်ပြီး အမှတ်တွေ ရှာဖွေဖို့ ရည်ရွယ်ထားပါတယ်။ အဲဒီကို သွားနိုင်ဖို့အတွက် မိတ်ဆွေတုအနေနဲ့ ကျွန်တော့်ကို မိတ်ဆက်ပေးနိုင်မလား" ဟု ဆိုလိုက်သည်။</p> <p> </p> <p>ဓာတ်ငါးပါးဝိညာဉ်ပစ္စည်းများ၏ အခြေအနေကို ကြားသိရပြီးကတည်းက ဝမ်ချန်သည် နယ်စပ်သို့သွားရန် ဆုံးဖြတ်ချက် ချခဲ့ပြီးသား ဖြစ်ပေသည်။</p> <p> </p> <p>ပြင်ပလောကမှ နတ်ဆိုးများမှာ အလွန်ပင် ကြောက်မက်ဖွယ်ကောင်းလှရာ လေလွင့်ကျင့်ကြံသူ အများစုမှာ အလွန်အမင်း လိုအပ်ချက်မရှိဘဲ နယ်စပ်ဒေသသို့ မသွားရဲကြပေ။</p> <p> </p> <p>သို့သော် ဝမ်ချန်ကား ယခုအခါ ဝိညာဉ်သန္ဓေသားအဆင့်၏ အမြင့်ဆုံးအဆင့်သို့ ရောက်ရှိနေပြီဖြစ်သည့်အပြင် သူ၏ ခန္ဓာကိုယ်ကြံ့ခိုင်မှုမှာလည်း 'ဝိညာဉ်အသွင်ပြောင်းအဆင့်' ကျင့်ကြံသူများထက်ပင် သာလွန်နေချေပြီ။</p> <p> </p> <p>ထို့အပြင် 'မပျက်စီးနိုင်သောဝရဇိန်ခန္ဓာ'  အစွမ်းကိုလည်း ပိုင်ဆိုင်ထားရာ နတ်ဆိုးတို့၏ ဆန်းကြယ်သော ပရိယာယ်များကို ကြောက်ရွံ့စရာ မလိုတော့ပေ။</p> <p> </p> <p>အရေးအကြီးဆုံးမှာ သူ၏လက်ထဲတွင် နတ်ဆိုးများကို နှိမ်နင်းရာ၌ အစွမ်းထက်လှသော 'နတ်ဆိုးသတ်ကွန်ရက်'  ရှိနေခြင်းပင် ဖြစ်သည်။</p> <p>ထို့အပြင် တုကျိူနန်ထံမှ ရရှိထားသော 'အသက်စားထိုး ကျောက်စိမ်းအဆောင်' လည်း ရှိသေးရာ သေဘေးနှင့် ရင်ဆိုင်ရလျှင်ပင် တစ်ကြိမ်တစ်ခါမျှ လွတ်မြောက်နိုင်ခွင့် ရှိပေသေးသည်။</p> <p> </p> <p>ဤကဲ့သို့သော အစွမ်းအစနှင့် လက်နက်ကိရိယာများ ရှိပါလျက်နှင့်မှ ဆုတ်နစ်ကြောက်ရွံ့နေမည်ဆိုပါက မိမိ၏ ဘုံနန်းထဲ၌သာ ပုန်းအောင်းနေသည့် လိပ်တစ်ကောင်နှင့် မခြားတော့ပြီ မဟုတ်လော။</p> <p> </p> <p>"အခက်အခဲမရှိပါဘူး"</p> <p>တုကျိူနန်၏ မျက်လုံးများမှာ ချက်ချင်းပင် တောက်ပသွားပြီး "ဒီလောက်အထိ ပြတ်သားတဲ့ စိတ်ဓာတ်ရှိမှတော့  ကျွန်မ အကောင်းဆုံး ထောက်ခံပေးပါ့မယ်။ အခုအချိန်မှာ မသေမျိုးအသင်းရဲ့ နယ်စပ်ဒေသတွေဟာ ဖိအားတွေ အများကြီး ကြုံတွေ့နေရတာမို့ မိတ်ဆွေဝမ်လို သူရဲကောင်းမျိုးကို တကယ်ပဲ လိုအပ်နေတာပါ" ဟု ဆိုလေသည်။</p> <p> </p> <p>သူမအဖို့ ဝမ်ချန်၏ တောင်းဆိုချက်မှာ အနှောင့်အယှက်ဖြစ်စရာ မဟုတ်ဘဲ အပြန်အလှန်အားဖြင့် အကျိုးအမြတ်ပင် ရရှိနိုင်သေးသည်။ ယင်းက ထောက်ခံချက်ပေးသူအတွက် ရရှိသော ဂုဏ်ပြုမှတ်ပင် ဖြစ်ပေတော့သည်။</p> <p> </p> <p>"မိတ်ဆွေဝမ်အတွက် သင့်တော်တဲ့ နယ်စပ်နယ်မြေကို ကျွန်မ သေချာပေါက် ရွေးချယ်ပေးပါ့မယ်"</p> <p> </p> <p>မသေမျိုးအသင်းသည် နယ်စပ်ဒေသ ပေါင်းများစွာကို စောင့်ကြပ်နေရပြီး အချို့မှာ နတ်ဆိုးများ၏ တိုက်ခိုက်မှုကို အလူးအလဲ ခံနေရသဖြင့် အလွန်အန္တရာယ်ကြီးသော်လည်း၊ အချို့မှာမူ အမှတ်ရှာဖွေရန်အတွက် သင့်တင့်လျောက်ပတ်သော နေရာများ ဖြစ်ပေသည်။</p> <p> </p> <p>ဝမ်ချန်က "ကျေးဇူးတင်ပါတယ်" ဟု လက်အုပ်ချီ၍ အလေးပြုလိုက်သည်။</p> <p> </p> <p>"မပြောပါနဲ့ရှင်"</p> <p>တုကျိူနန်က ခေါင်းယမ်းလိုက်ပြီး ဝမ်ချန်ကို နယ်စပ်ဒေသ၏ အန္တရာယ်များအကြောင်း သတိပေးရန် စိတ်ကူးမိသော်လည်း၊ ဝိညာဉ်သန္ဓေသားအဆင့်ရှိသူများ၏ ပြတ်သားသော စိတ်ဓာတ်ကို သိရှိထားပြီးဖြစ်ရာ စကားအပိုများ ပြောမနေတော့ပေ။</p> <p> </p> <p>"မိတ်ဆွေဝမ်... နောက်ငါးရက်ကြာရင် ပြန်ဆုံကြတာပေါ့"</p> <p>ဤသို့ဖြင့် နှစ်ဦးနှစ်ဖက်လုံးမှာ ကျေနပ်အားရစွာဖြင့်ပင် လမ်းခွဲခဲ့ကြလေသည်။</p> <p> </p> <p>ဝမ်ချန်သည် တုကျိူနန်ကို နှုတ်ဆက်ပြီးနောက် သူ၏ 'လျှို့ဝှက်နက်နဲသော မသေမျိုးနန်းတော်' သို့ အမြန်ဆုံးပင် ပြန်လာခဲ့သည်။</p> <p>ဝမ်ချန် ဘေးကင်းစွာ ပြန်လည်ရောက်ရှိလာသည်ကို မြင်သောအခါ ရှုရှင်းလန်၊ စုကျစ်လင်နှင့် ယွမ်ယွမ်တို့မှာ အလွန်ပင် ဝမ်းမြောက်သွားကြသည်။</p> <p> </p> <p>မိစ္ဆာမသေမျိုးမလေး ပိုင်စုစုမှာမူ မည်သည့်စကားမျှ မဆိုသော်လည်း သူမ၏ မျက်ဝန်းအစုံ၌ ဝမ်းသာရိပ်တို့ ဖြတ်သန်းသွားသည်ကို တွေ့မြင်နိုင်ပေသည်။</p> <p> </p> <p>***</p> <p> </p>


Save