Book List

<h2 style="text-align: center;">အခန်း(၁၃၅၉)</h2> <h2 style="text-align: center;">ရှုံကျောက်ယွမ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ထိုက်ယီဓားသိုင်း"  ဝမ်ချန် ကျွမ်းကျင်ပိုင်နိုင်သော ပညာရပ်များထဲတွင် အစွမ်းအထက်ဆုံး ဖြစ်သည်မှာ ငြင်းဖွယ်မရှိပေ။</p> <p> </p> <p>ယင်းပညာရပ်အား အခြေခံအဆင့်မှသည် ကျွမ်းကျင်မှုအဆင့်သို့ ရောက်ရှိရန်အတွက် နတ်ဘုရားကျင့်ကြံခြင်းလမ်းစဥ်အမှတ် တစ်သန်းခန့် အသုံးပြုရပေရာ ထိုပညာရပ်၏ ခက်ခဲနက်နဲမှုကို ခန့်မှန်းနိုင်ပေသည်။</p> <p> </p> <p>ဤဓားသိုင်း၏ အဆင့်အတန်းမှာ အလွန်တရာ မြင့်မားလှသည်ဖြစ်၍ အကယ်၍ သူသည် ကျင့်ကြံခြင်းအထောက်အကူပြုဘောင်၏ အကူအညီကို မရရှိပါက ကျွမ်းကျင်မှုအဆင့်သို့ ရောက်ရှိရန် ဆယ်စုနှစ်ပေါင်းများစွာ ကြိုးပမ်းအားထုတ်ရပေလိမ့်မည်။</p> <p> </p> <p> ထို့အပြင် ကျွမ်းကျင်မှုအဆင့်၏ အထက်တွင် ကျွမ်းကျင်မှုအလယ်အလတ် ၊ ​​နှောင်းပိုင်း၊ မဟာသခင်အဆင့် စသည်ဖြင့် အဆင့်များစွာ ကျန်ရှိနေသေးချေသည်။</p> <p> </p> <p>"သတ်ဖြတ်ခြင်းကို စတင်ရတော့မည်လော"</p> <p>ဝမ်ချန်သည် မိမိ၏ ဝိညာဉပင်လယ်  အတွင်း၌ ကိန်းအောင်းနေသော ဝိညာဉ်ဓားပျံမှာ လှုပ်ရှားချင်စိတ်ဖြင့် တုန်ခါနေသည်ကို ခံစားနေရ၏။</p> <p> </p> <p>သေချာစွာ စဉ်းစားဆင်ခြင်ပြီးနောက် ဝမ်ချန်သည် သုံးရက်မြောက်သောနေ့တွင် ရှုံလျန်ဖုန်း  ထံသို့ သွားရောက်ခဲ့သည်။ ရှုံလျန်ဖုန်း၏ ကျင့်ကြံရာဂူဗိမာန်မှာ သူနှင့် မဝေးလှပေရာ ဝမ်လီလေဟုန်စီးခြင်းပညာရပ်  ဖြင့် တစ်လှမ်းတည်းနှင့် ရောက်ရှိနိုင်သဖြင့် အိမ်နီးချင်းများဟုပင် ဆိုနိုင်လေသည်။</p> <p> </p> <p>သို့သော်လည်း ဤသည်မှာ ဝမ်ချန်၏ ပထမဆုံးအကြိမ် လာရောက်ခြင်းပင် ဖြစ်ချေသည်။</p> <p>ဝမ်ချန်ကို မြင်သောအခါ ရှုံလျန်ဖုန်းသည် အတိုင်းထက်အလွန် ဝမ်းမြောက်သွားပြီး "တာအိုမိတ်ဆွေဝမ်၊ မင်း ဆုံးဖြတ်ချက် ချပြီးပြီလား" ဟု မေးမြန်းလေသည်။</p> <p> </p> <p>"ဟုတ်ကဲ့"</p> <p>ဝမ်ချန်က ခေါင်းညိတ်ပြလျက် "ကျွန်တော် ခင်ဗျားတို့ မိသားစုရဲ့ ပါရမီရှင် ရှုံကျောက်ယွမ် နဲ့ အရင်ဆုံး တွေ့ချင်ပါတယ်" ဟု ဆိုသည်။</p> <p> </p> <p>ရှုံကျောက်ယွမ်ဆိုသည်မှာ ရှုံမိသားစု၏ အကြီးအကဲဖြစ်သူ ဝိညာဉ်သန္ဓေသားအဆင့် ကျင့်ကြံသူနှင့် တစ်မိသားစုလုံးက အလွန်အမင်း မျှော်လင့်ချက်ထားကြသည့် ရွှေဝိညာဉ်ရှင်အဆင့် ကျင့်ကြံသူတစ်ဦးပင် ဖြစ်ပေသည်။</p> <p> </p> <p>"ကောင်းပါပြီ"</p> <p>ရှုံလျန်ဖုန်းသည် တုံ့ဆိုင်းခြင်းမရှိဘဲ သဘောတူလိုက်ကာ "အခုပဲ သွားကြတာပေါ့" ဟု ဆိုလေသည်။</p> <p>နယ်မြေတစ်ခု၏ အကြံပေးအကြီးအကဲတစ်ဦးအနေဖြင့် အပြင်သို့ ထွက်ခွာမည်ဆိုပါက သတင်းပို့ တင်ပြရပေသည်။</p> <p> </p> <p>ထို့အပြင် ခွင့်ပြုချက်မရဘဲ ကိုးပြည်ထောင် မသေမျိုးမြို့  သို့ ဆက်သွယ်ထားသော အစီအရင်ကိုလည်း အသုံးပြုခွင့်မရှိပေ။</p> <p> </p> <p>ဝမ်ချန်နှင့် ရှုံလျန်ဖုန်းတို့ နှစ်ဦးစလုံးမှာ ဝိညာဉ်သန္ဓေသားအဆင့်  ကျင့်ကြံသူများ ဖြစ်ကြသဖြင့် ၎င်းတို့နှစ်ဦး ပြိုင်တူထွက်ခွာခြင်းမှာ မြို့၏ ကာကွယ်ရေးကို ထိခိုက်စေနိုင်ပေသည်။</p> <p> </p> <p> ကံကောင်းထောက်မစွာဖြင့် တိခုကမ္ဘာဦးတံခါး သည် မကြာသေးမီက ငြိမ်သက်နေပြီး ဟင်းလင်းပြင်သတ္တဝါများ သို့မဟုတ် နတ်ဆိုးများ၏ တိုက်ခိုက်မှု မရှိခဲ့သဖြင့် ၎င်းတို့၏ လျှောက်ထားချက်မှာ လျင်မြန်စွာပင် အတည်ပြုခြင်း ခံခဲ့ရသည်။</p> <p> </p> <p>ယင်းကိစ္စမှာ ပုဂ္ဂိုလ်ရေးဆိုင်ရာ ကိစ္စဖြစ်သဖြင့် ခရီးစရိတ်များကို မိမိဘာသာ အကုန်အကျခံရမည်ဖြစ်ရာ ရှုံလျန်ဖုန်းကပင် နှစ်ဦးစလုံးအတွက် ကျသင့်ငွေကို ပေးချေခဲ့သည်။</p> <p> </p> <p> ၎င်းတို့သည် ကိုးပြည်ထောင် မသေမျိုးမြို့သို့ ရောက်ရှိပြီးနောက် အခြားမသေမျိုးမြို့တစ်မြို့သို့ ထပ်မံကူးပြောင်းခဲ့ကြသည်။ ထို့နောက် မှော်ဝင်သင်္ဘောပျံဖြင့် နာရီဝက်ခန့် ပျံသန်းပြီးနောက် ရှုံမိသားစု အခြေစိုက်ရာ ရန်တောင်မြို့  သို့ ရောက်ရှိခဲ့ကြလေသည်။</p> <p> </p> <p>ရန်တောင်မြို့သည် တောတောင်လျှိုမြောင်များ ထူထပ်လှသော ရန်တောင်တန်းကြီးကို အမှီပြု၍ တည်ထားခြင်းဖြစ်ပြီး လူဦးရေ တစ်သန်းကျော် နေထိုင်သဖြင့် အလွန်စည်ကားလှသော မသေမျိုးမြို့တစ်မြို့ ဖြစ်သည်။</p> <p> </p> <p>ရန်တောင်မြို့၏ ထိပ်တန်းကျင့်ကြံသူမျိုးနွယ်စုဖြစ်သော ရှုံမိသားစုသည် ဤနေရာ၌ နှစ်ပေါင်းရာနှင့်ချီ၍ အမြစ်တွယ်နေခဲ့ပြီ ဖြစ်သည်။</p> <p> </p> <p>ရှုံလျန်ဖုန်းသည် သင်္ဘောပျံအား မြို့တွင်းရှိ မသေမျိုးကြိုဆိုရေးစင်မြင့်ပေါ်သို့ ဆင်းသက်စေလိုက်ပြီး ဝမ်ချန်နှင့်အတူ ထွက်လာသောအခါ စောင့်ကြိုနေကြသော ရှုံမိသားစုဝင်များမှာ ချက်ချင်းပင် ဒူးထောက်လိုက်ကြပြီး "ရှုံမိသားစုရဲ့ သားသမီးမြေးမြစ်တွေက အကြီးအကဲကို ကြိုဆိုပါတယ်၊ အကြီးအကဲ သက်တော်ရာကျော် ရှည်ပါစေ" ဟု ညီညာဖျဖျ နှုတ်ဆက်ကြလေသည်။</p> <p> </p> <p>စင်မြင့်ပတ်လည်တွင် လူပေါင်း တစ်သောင်းခန့် စုဝေးနေကြသဖြင့် အလွန်ခမ်းနားလှသော မြင်ကွင်းတစ်ခုပင် ဖြစ်ချေသည်။</p> <p> </p> <p>"ထကြ"</p> <p>ရှုံလျန်ဖုန်းက တည်ငြိမ်စွာပင် ပြောကြားလိုက်ပြီး "ငါ မိတ်ဆက်ပေးမယ်၊ ဒီပုဂ္ဂိုလ်က ငါ ဖိတ်ကြားထားတဲ့ ဂုဏ်သရေရှိ ဧည့်သည်တော်ဝမ် ဖြစ်တယ်" ဟု ဆိုလိုက်လေသည်။</p> <p> </p> <p>"နောက်ထပ် မသေမျိုး တစ်ဦး ထပ်ရောက်လာတာလား"</p> <p>ရှုံမိသားစုဝင်များမှာ အံ့အားသင့်သွားကြပြီး တစ်ဖန် ပြန်လည် ဦးညွှတ်ကာ "အကြီးအကဲကို ဂါရဝပြုပါတယ်" ဟု ဆိုကြသည်။</p> <p> </p> <p>ယင်းတို့ထဲတွင် ရွှေဝိညာဉ်ရှင်အဆင့်  ကျင့်ကြံသူ သုံးဦးပင် ပါဝင်လေသည်။</p> <p>ဝမ်ချန်က ခေါင်းညိတ်ပြလျက် "အားနာနေဖို့ မလိုပါဘူး" ဟု ပြန်လည် ပြောကြားလိုက်သည်။ ထိုမြင်ကွင်းကို ကြည့်ခြင်းဖြင့် သူသည် ရှုံလျန်ဖုန်း၏ ခံစားချက်ကို နားလည်သွားသည်။</p> <p> </p> <p>ဤမျှများပြားလှသော မိသားစုဝင်များကို ကြည့်ရှုစောင့်ရှောက်နေရသည့် ဤအဘိုးအိုသည် အမှန်စင်စစ် လေလွင့်ကျင့်ကြံသူ  စစ်စစ်ဟု မဆိုနိုင်တော့ပေ။ ကြီးမားသော ကျင့်ကြံသူမျိုးနွယ်စုကြီးကို တည်ထောင်ခဲ့ခြင်းသည် သံယောဇဉ်နှင့် တာဝန်ဝတ္တရားများကို မလွဲမသွေ ရယူလိုက်ခြင်းပင် ဖြစ်ချေသည်။</p> <p> </p> <p>ဝမ်ချန်သည် ရှုံလျန်ဖုန်း၏ လိုက်ပါပို့ဆောင်မှုဖြင့် ရှုံမိသားစု၏ မြို့တွင်းရှိ ဘိုးဘွားပိုင် အိမ်တော်ကြီး၌ တည်းခိုခဲ့သည်။ ထိုအိမ်တော်ကြီးမှာ အလွန်ခမ်းနားထည်ဝါပြီး ဗိသုကာလက်ရာများမှာလည်း သေသပ်လှပလှသည်။</p> <p> </p> <p>အရေးကြီးဆုံးအချက်မှာ ထိုအိမ်တော်ကို ဝိညာဉ်ကြောအထက်၌ တည်ဆောက်ထားခြင်းဖြစ်ပြီး အစီအရင်များဖြင့် စုစည်းထားသော ဝိညာဉ်စွမ်းအင်မှာ ဝိညာဉ်သန္ဓေသားအဆင့် ကျင့်ကြံသူတစ်ဦး၏ နေ့စဉ်ကျင့်ကြံမှုအတွက် လုံလောက်လှပေသည်။</p> <p> </p> <p> လေလွင့်ကျင့်ကြံသူ မျိုးနွယ်စုတစ်ခုအတွက် ဤသည်မှာ အမြင့်ဆုံးအဆင့်အတန်းပင် ဖြစ်ပေသည်။</p> <p>အတွင်းဆောင်ရှိ အခန်းတစ်ခုအတွင်း၌ ဝမ်ချန်နှင့် ရှုံလျန်ဖုန်းတို့သည် လက်ဖက်ရည်သောက်ရင်း စကားစမြည် ပြောဆိုနေကြသည်။</p> <p> </p> <p>ထိုစဉ် သက်လတ်ပိုင်းအရွယ် ကျင့်ကြံသူတစ်ဦးသည် အနီးနား၌ ရိုသေစွာ ရပ်နေလေသည်။ ထိုသူမှာ ရှုံမိသားစု၏ ပါရမီရှင်ဖြစ်သူ၊ ရှုံလျန်ဖုန်း၏ ဆယ့်ငါးဦးမြောက် မြေးတော် ရှုံကျောက်ယွမ်ပင် ဖြစ်ပေသည်။</p> <p> </p> <p>ရှုံလျန်ဖုန်း၏ ပြောကြားချက်အရ သူသည် ရှုံကျောက်ယွမ်အတွက် အသုံးပြုခဲ့သော အရင်းအမြစ်များမှာ ရွှေဝိညာဉ်ရှင်အဆင့်  ကျင့်ကြံသူ ဆယ်ဦးထွက်ပေါ်လာနိုင်သည့် ပမာဏပင် ရှိပေသည်။</p> <p> </p> <p>သို့သော်လည်း ရှုံကျောက်ယွမ်သည် ရွှေဝိညာဉ်ရှင်အဆင့် ၏ အထွက်အထိပ်သို့ ရောက်ရှိနေသည်မှာ ဆယ်စုနှစ်ပေါင်းများစွာ ကြာမြင့်ခဲ့ပြီဖြစ်သော်လည်း နောက်ဆုံးအဆင့်ကို ကျော်ဖြတ်ရန် မဝံ့မရဲ ဖြစ်နေခဲ့သည်။</p> <p> </p> <p>အသက်အရွယ် ကြီးရင့်လာသည်နှင့်အမျှ ဝိညာဉ်သန္ဓေသားအဆင့်  သို့ ကူးပြောင်းနိုင်မည့် အခွင့်အရေးမှာလည်း လျော့နည်းလာပေလိမ့်မည်။ သို့တိုင်အောင် ရှုံကျောက်ယွမ်သည် ရှုံမိသားစုတွင် ဝိညာဉ်သန္ဓေသားအဆင့်ရရှိနိုင်ရန် တစ်ဦးတည်းသော မျှော်လင့်ချက် ဖြစ်ပေသည်။</p> <p> </p> <p>"တာအိုမိတ်ဆွေဝမ်၊ ကျွန်တော့်မြေးရဲ့ ပါရမီကတော့ မဆိုးပါဘူး၊ ဒါပေမဲ့ ပြတ်သားတဲ့ သတ္တိနည်းနည်း လိုအပ်နေတာပါ" ဟု ရှုံလျန်ဖုန်းက သက်ပြင်းချရင်း ဆိုလိုက်သည်။</p> <p> </p> <p>ထို့နောက် ရှုံကျောက်ယွမ်ကို လက်ညှိုးထိုးပြလျက် "သူ့ကို လမ်းညွှန်ပေးပါဦး" ဟု တောင်းဆိုလေသည်။</p> <p>ရှုံကျောက်ယွမ်၏ မျက်နှာမှာ ချက်ချင်းပင် နီမြန်းသွားပြီး ရှက်ရွံ့သော အမူအရာ ပေါ်ပေါက်လာသည်။</p> <p> </p> <p>အဘိုးဖြစ်သူမှာ သူ့အား သူစိမ်းရှေ့တွင် တမင်နှိမ့်ချပြောဆိုနေခြင်း မဟုတ်ဘဲ သူ၏ အစစ်အမှန် ပြဿနာကို ထောက်ပြနေခြင်းသာ ဖြစ်သည်။</p> <p> </p> <p>တာအိုလမ်းစဉ် ကို လိုက်စားရာတွင် နောက်မဆုတ်တမ်း စိတ်ဓာတ်နှင့် သေအတူရှင်မတူ စိတ်ဓာတ်မရှိပါက တာအို၏ အနှစ်သာရကို သိမြင်နိုင်ရန်မှာ မဖြစ်နိုင်သလောက်ပင် ဖြစ်ချေသည်။</p> <p> </p> <p>ရှုံကျောက်ယွမ်သည် ငယ်စဉ်ကတည်းက ထူးချွန်သော ပါရမီကို ပြသနိုင်ခဲ့သဖြင့် မိသားစု၏ အစွမ်းကုန် ပံ့ပိုးမှုကို ရရှိခဲ့သည်။ သို့သော် သူ၏ ဘဝခရီးမှာ အလွန်အေးဆေး ချောမွေ့လွန်းခဲ့သည်။</p> <p> </p> <p> သူသည် ရွှေဝိညာဉ်ရှင်အမြူတေ ကို ရရှိခဲ့သော်လည်း ယင်းမှာ စတုတ္ထအဆင့်မျှသာ ရှိသဖြင့် သူ၏ အစွမ်းအစများကို အပြည့်အဝ မဖော်ထုတ်နိုင်ခဲ့ဘဲ ယနေ့ကဲ့သို့ အခြေအနေသို့ ရောက်ရှိနေရခြင်း ဖြစ်သည်။</p> <p> </p> <p> စတုတ္ထအဆင့် ရွှေဝိညာဉ်အမြူတေ တစ်ဦးအဖို့ ဝိညာဉ်သန္ဓေသားအဆင့်  သို့ တက်လှမ်းနိုင်ရန်မှာ အလွန်ပင် ခဲယဉ်းလှသည်။ အမှန်စင်စစ် ရှုံလျန်ဖုန်း၏ အထူးစောင့်ရှောက်မှု မရှိပါက သူသည် ဤမျှအထိပင် ရောက်ရှိလာနိုင်မည် မဟုတ်ပေ။</p> <p> </p> <p>ဤကဲ့သို့သော အခြေအနေများကြောင့် ရှုံကျောက်ယွမ်၏ ကျင့်ကြံလိုစိတ်မှာလည်း တဖြည်းဖြည်း လျော့နည်းလာခဲ့ရသည်။ အရေးအကြီးဆုံးမှာ သူသည် ကြီးမားသော ဖိအားများကိုလည်း ခံစားနေရခြင်းပင် ဖြစ်သည်။</p> <p> </p> <p> ဝမ်ချန်သည် ရှုံကျောက်ယွမ်နှင့် စကားအနည်းငယ် ပြောကြည့်ရုံဖြင့် သူ၏ ပြဿနာကို အကဲခတ်မိသွားသည်။</p> <p> </p> <p>ရှုံကျောက်ယွမ်မှာ သူ၏ ရှေ့မှ လူငယ်လေးသည် မိမိအား လမ်းညွှန်ပေးရန် အဘိုးဖြစ်သူက အထူးဖိတ်ကြားထားသည့် အကြီးအကဲတစ်ဦးဖြစ်ကြောင်း သိရှိပြီး ဖြစ်သဖြင့် ဦးညွှတ်ဂါရဝပြုကာ "ကျွန်တော်မျိုးက ဉာဏ်နည်းသူဖြစ်ပါတယ်၊ စီနီယာအနေနဲ့ လမ်းညွှန်ပြသပေးပါဦး" ဟု ဆိုလေသည်။</p> <p> </p> <p>ဝမ်ချန်သည် ခေတ္တမျှ စဉ်းစားပြီးနောက် "အကယ်၍ ငါက မင်းအတွက် လောကမူလအမြုတေ ကို ရှာပေးမယ်ဆိုရင် မင်းရဲ့ ရွှေဝိညာဉ်ရှင်အဆင့်ကို ဖျက်ဆီးပြီး ဝိညာဉ်သန္ဓေသားအဆင့်ရောက်အောင် လုပ်ရဲလား" ဟု မေးမြန်းလိုက်သည်။</p> <p> </p> <p>လောကမူလအမြုတေ။</p> <p>ရှုံကျောက်ယွမ်သည် အလွန်အမင်း တုန်လှုပ်သွားပြီး ပါးစပ်အဟောင်းသားနှင့် စကားပင် မဆိုနိုင်တော့ပေ။</p> <p> </p> <p>လောကမူလအမြုတေ ဆိုသည်မှာ အလွန်တရာ အဖိုးတန်လှသော ရတနာဖြစ်ပြီး သာမန်ကျင့်ကြံသူများအတွက် လက်လှမ်းမမီနိုင်သော အရာဖြစ်သည်။ အဆင့်မြင့် ကျင့်ကြံသူ ရှုံလျန်ဖုန်းပင်လျှင် ထိုအရာကို မပိုင်ဆိုင်နိုင်ပေ။</p> <p> </p> <p> သို့သော်လည်း ရှုံကျောက်ယွမ်သည် သာမန်လူ မဟုတ်သဖြင့် ချက်ချင်းပင် စိတ်ကို ထိန်းချုပ်လိုက်ပြီး "အကယ်၍ လောကမူလအမြုတေရဲ့ အကူအညီသာ ရမယ်ဆိုရင် ကျွန်တော်မျိုးအနေနဲ့ သေဘေးကို ရင်ဆိုင်ရရင်တောင် နောင်တရမှာ မဟုတ်ပါဘူး" ဟု ပြတ်သားစွာ ဖြေကြားလိုက်သည်။</p> <p> </p> <p>အကယ်၍ ဝမ်ချန်က ထိုသို့သော အဖိုးတန်ရတနာကို ပေးအပ်ပါလျက်နှင့် သူသည် ဝိညာဉ်သန္ဓေသားအဆင့် သို့ ကူးပြောင်းရန် မဝံ့မရဲ ဖြစ်နေပါက သူ့ကိုယ်သူ သတ်သေလိုက်သည်က ပို၍ ကောင်းပေလိမ့်မည်။</p> <p> </p> <p>သူသာ မသေခဲ့လျှင်ပင် သူ၏ အဘိုးဖြစ်သူက သူ့အား ရိုက်သတ်ပေလိမ့်မည်။</p> <p>ဝမ်ချန်က သဘောကျစွာ ရယ်မောလိုက်ပြီး "အခြေအနေက အဲဒီလောက်အထိတော့ မဆိုးပါဘူး" ဟု ဆိုသည်။</p> <p> </p> <p>သူသည် အံ့အားသင့်နေသော ရှုံလျန်ဖုန်းကို ကြည့်လိုက်သည်။ ရှုံလျန်ဖုန်းသည်လည်း စိတ်ကို ပြန်လည် ထိန်းချုပ်လိုက်ပြီး "ကျောက်ယွမ်၊ မင်း ခေတ္တ ထွက်သွားဦး၊ ငါ တာအိုမိတ်ဆွေဝမ်နဲ့ ဆွေးနွေးစရာ ရှိတယ်" ဟု ဆိုလိုက်သည်။</p> <p> </p> <p>ရှုံကျောက်ယွမ် ထွက်သွားသည်နှင့် ရှုံလျန်ဖုန်းက စိတ်မရှည်စွာဖြင့် "တာအိုမိတ်ဆွေဝမ်၊ မင်းနောက်ပြောင်နေတာ မဟုတ်ဘူးမလား" ဟု မေးမြန်းလေသည်။</p> <p> </p> <p>ဝမ်ချန်အနေဖြင့် ရှုံကျောက်ယွမ်အား ဝိညာဉ်သန္ဓေသားအဆင့် သို့ တက်လှမ်းနိုင်ရန် လောကမူလအမြုတေ  ကို ထုတ်ပေးလိမ့်မည်ဟု ရှုံလျန်ဖုန်း တစ်ခါမျှ မတွေးတောခဲ့ဖူးပေ။</p> <p> </p> <p>ဝိညာဉ်သန္ဓေသားအဆင့် ရရှိရန် နည်းလမ်းများစွာ ရှိသော်လည်း လောကမူလအမြုတေ  ကို အသုံးပြုခြင်းမှာ အဆင့်မြင့်ဆုံး နည်းလမ်းတစ်ခုပင် ဖြစ်ချေသည်။</p> <p> </p> <p>အဆင့်မြင့် နတ်ဘုရားဘဝသို့ တက်လှမ်းရန် ရည်မှန်းချက်ရှိသူများသာလျှင် လောကမူလအမြုတေ ကို အသုံးပြုလေ့ ရှိကြပေသည်။</p> <p>***</p> <p> </p>


Save