Book List

<h2 style="text-align: center;">အခန်း ၃၄၃</h2> <h2 style="text-align: center;">ဖူရွှမ်းနီ သရုပ်ဖော်မှု အဆုံးသတ် ဆုလာဘ်။ (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​သို့သော် ဝိညာဥ်စုစည်းခြင်းအဆင့်သို့ ထိုးဖောက်ဝင်ရောက်ပြီး ရှားပါးသော အခွင့်အရေးအချို့ကို ရရှိပြီးနောက်တွင် သူ၏ ပင်ကိုဝိညာဉ်လက်နက်ကို ပို၍ကောင်းမွန်သော ဝိညာဉ်လက်နက်တစ်ခုအဖြစ် ပြောင်းလဲခဲ့သည်။</p> <p> </p> <p>​ထို့နောက် ဤဝိညာဉ်လက်နက်ကို သွေးကြာပန်းတာအိုဆရာ ထားရစ်ခဲ့ခြင်းဖြစ်၏။</p> <p> </p> <p>​ထိုအရာကို ဖူရွှမ်နီ ရရှိသွားခဲ့သည်။</p> <p> </p> <p>​အဆုံးတွင်...</p> <p> </p> <p>​ဤအထူး ဝိညာဉ်လက်နက်သည် ပိုင်ယီ၏ လက်ထဲသို့ ကျရောက်လာခဲ့ဆဲပင်။</p> <p> </p> <p>​[ထပ်ဆောင်းဆုလာဘ် - ကောင်းကင်မိစ္ဆာရုပ်တု (ဝိညာဉ်ဖွဲ့စည်းခြင်းအဆင့်ရှိ စွမ်းအားကြီးမားသော မိစ္ဆာတစ်ကောင်သာ အသုံးပြုနိုင်သည့် လျှို့ဝှက်ကျင့်စဉ်တစ်ခု။ အသုံးပြုပြီးနောက် အသက်ရှူကြိမ် ဆယ်ကြိမ်တိုင်အောင် ကြာရှည်ခံနိုင်သည်)]</p> <p> </p> <p>​ဤဆုလာဘ်ကို လက်ခံရရှိပြီးနောက် ပိုင်ယီသည် ၎င်းနှင့်ပတ်သက်သော သတင်းအချက်အလက် အချို့ကိုပါ ရရှိခဲ့လေသည်။</p> <p> </p> <p>​အတိုချုပ်ပြောရလျှင်... ၎င်းမှာ တစ်ခါသုံး အထွတ်အထိပ် လျှို့ဝှက်ကျင့်စဉ်တစ်ခု ဖြစ်သည်။</p> <p> </p> <p>​အသုံးပြုပြီးနောက် အသက်ရှူကြိမ်ဆယ်ကြိမ်တိုင်အောင် ကြာရှည်ခံနိုင်ပေသည်။</p> <p> </p> <p>​၎င်း၏ စွမ်းအားမှာ သွေးကြာပန်းတာအိုဆရာ၏ အထွတ်အထိပ်အချိန်က စွမ်းအားနှင့် ရင်ပေါင်တန်းနိုင်ပေသည်!</p> <p> </p> <p>​ပိုင်ယီ၏မျက်လုံးများ အရောင်လက်သွား၏။</p> <p> </p> <p>​ဤဆုလာဘ်သည် ကြီးမားသော လျှို့ဝှက်လက်နက် တစ်ခုအဖြစ် သေချာပေါက် မှတ်ယူနိုင်ပေသည်။</p> <p> </p> <p>​အသက်ရှူကြိမ် ဆယ်ကြိမ်သာ အသုံးပြုနိုင်မည်ဆိုလျှင်တောင်မှ အသက်ရှူကြိမ် ဆယ်ကြိမ်ဆိုသည်မှာ မူလဝိညာဉ်အဆင့် စွမ်းအားရှင် အများအပြားကို သတ်ဖြတ်ရန် လုံလောက်နေပေသည်။</p> <p> </p> <p>​မူလဝိညာဉ်အဆင့် ကျင့်ကြံသူများကို ကြောက်စရာမလိုတော့သည်နှင့် ညီမျှနေ၏။</p> <p> </p> <p>​[ထပ်ဆောင်းဆုလာဘ် - ဧကရာဇ်ဝါးမြိုခြင်း အငွေ့အသက် (အထူးပါရမီစွမ်းရည်၊ ရန်သူတွင် မည်သည့် မင်းဆက်မှမဆို တော်ဝင်သွေးဆက် ရှိနေပါက ရန်သူကို သင်ပေးမည့် ထိခိုက်မှု ပမာဏသည် ၅၀% အထိ တိုးလာမည်ဖြစ်သည်)]</p> <p> </p> <p>​"ဒါက မဟာဝေမင်းဆက်ရဲ့ အိမ်ရှေ့မင်းသားကို ဖူရွှမ်နီ၊ ချန်ချန်ရွှယ်နဲ့ ချင်းကျောက်တို့ သတ်ပစ်ပြီးတဲ့နောက် သူတို့ဖွင့်လှစ်နိုင်ခဲ့တဲ့ အောင်မြင်မှု ဆုလာဘ်တစ်ခု ဖြစ်ရမယ် ဟုတ်တယ်မလား။"</p> <p> </p> <p>​"ဒါက တကယ်တော့ အထူးပါရမီစွမ်းရည်တစ်ခုပဲ၊ ဒါပေမဲ့ ငါ့မှာ တော်ဝင်သွေးဆက်ရှိတဲ့ ရန်သူတွေ ရှိနေပုံမပေါ်ဘူး။"</p> <p> </p> <p>​ပိုင်ယီ သူ၏မေးစေ့ကို ပွတ်သပ်လိုက်သည်။ ဤဆုလာဘ်က အနည်းငယ် စိတ်ပျက်စရာ ကောင်းနေ၏။</p> <p> </p> <p>​သူ၏ ရန်သူဖြစ်လာစေရန် တိကျသော အုပ်စုတစ်စုကို သူ ရှာဖွေဖို့ လိုအပ်ပေသည်။ ထိုအခါမှသာ ဤအထူးပါရမီစွမ်းရည်ကို အသုံးပြုနိုင်မည် ဖြစ်သည်။</p> <p> </p> <p>​သို့သော် ဘာမှမရှိခြင်းထက်တော့ ပိုကောင်းပေသည်။ အနာဂတ်တွင် ထိုကဲ့သို့သော ရန်သူမျိုးနှင့် ဆုံတွေ့လာရမလာဆိုတာကို မည်သူမျှ ကြိုမသိနိုင်ပေ။</p> <p> </p> <p>​ဘာပဲဖြစ်ဖြစ် သူ မယူလိုက်လျှင် နှမြောစရာပင်။</p> <p> </p> <p>​[ထပ်ဆောင်းဆုလာဘ် - မြို့တစ်မြို့ (မိမိစိတ်ကြိုက် အကြီးအသေး ပြောင်းလဲနိုင်သော မြို့တစ်မြို့)]</p> <p> </p> <p>​ပိုင်ယီသည် အလားတူ ဆုလာဘ်မျိုးကို အကြိမ်အနည်းငယ် ရရှိခဲ့ဖူးပြီ ဖြစ်သည်။</p> <p> </p> <p>​ဤကဲ့သို့သော ဆုလာဘ်မျိုးက သူ့ကို နဂါးဘောလုံးများ စုဆောင်းနေရသကဲ့သို့ ခံစားရစေ၏။</p> <p> </p> <p>​'မြို့ကိုးမြို့ကို စုဆောင်းပြီးသွားရင်  မိစ္ဆာချိတ်ပိတ်အစီရင်တစ်ခုခုကိုများ တည်ဆောက်နိုင်မလားပဲ..'</p> <p> </p> <p>​ပိုင်ယီသည် သူ၏ရှေ့တွင် ပေါ်လောနေသော အလွန်သေးငယ်သည့် မြို့လေးကို ကြည့်လိုက်သည်။</p> <p> </p> <p>​စိတ်အာရုံတစ်ခုဖြင့် ပိုင်ယီ ၎င်းကို သူ၏သိုလှောင်အိတ်ထဲသို့ ထည့်လိုက်လေသည်။</p> <p> </p> <p>​စကားစပ်မိ၍ ပြောရလျှင် ပိုင်ယီ၏ သိုလှောင်အိတ်ထဲတွင် ရတနာအမျိုးမျိုးဖြင့် ပြည့်နှက်နေပေပြီ။</p> <p> </p> <p>​အကယ်၍ ဤသိုလှောင်အိတ်ကို ကျင့်ကြံခြင်းလောကထဲတွင် ချထားလိုက်မည်ဆိုလျှင်...</p> <p> </p> <p>​သေဆုံးသူ ဆယ်သန်းထက်မနည်းသော စစ်ပွဲတစ်ပွဲကို စတင်ရန် လုံလောက်လိမ့်မည်ဟု ပိုင်ယီ ခံစားမိလိုက်သည်။</p> <p> </p> <p>​သေဆုံးသူ သန်း ၁၀၀ကျော်အထိ ရှိလာနိုင်ချေလည်း အလွန်မြင့်မားလှပေသည်။</p> <p> </p> <p>​[ထပ်ဆောင်း ဆုလာဘ် - အခြေတည်အဆင့် ဆယ်လွှာ ဝိညာဉ်စွမ်းအင်]</p> <p> </p> <p>​နောက်ဆုံးဆုလာဘ်မှာ တကယ်တမ်းတွင် ပိုင်ယီ၏ မျှော်လင့်ချက်များထက် ကျော်လွန်နေခြင်း မရှိခဲ့ချေ။ ဤကဲ့သို့သော ဆုလာဘ်မျိုး ရှိလာမည်ကို သူ သိထားခဲ့ပြီးဖြစ်သည်။</p> <p> </p> <p>​ယခုအချိန်တွင် သူသည် ရွှေအမြုတေအဆင့် ပထမအလွှာသို့ ရောက်ရှိနေပြီဖြစ်၏။ ထို့ကြောင့် ရွှေအမြုတေအဆင့် ဆယ်လွှာ ဝိညာဉ်စွမ်းအင်သည် သူ ရွှေအမြုတေအဆင့် ဒုတိယအလွှာသို့ ထိုးဖောက်ဝင်ရောက်ရန် လုံလောက်မှု မရှိချေ။ ၎င်းက သူ၏ ခန္ဓာကိုယ်ထဲရှိ ဝိညာဉ်စွမ်းအင်ကိုသာ တိုးမြှင့်ပေးနိုင်လေသည်။</p> <p> </p> <p>​ဖူရွှမ်နီတွင် အောင်မြင်မှုများစွာ ရှိခဲ့သော်လည်း ၎င်းက ပိုင်ယီကို ရွှေအမြုတေအဆင့် ဒုတိယအလွှာသို့ ထိုးဖောက်ဝင်ရောက်ခွင့် မပေးနိုင်ခဲ့ပေ။</p> <p> </p> <p>​အဓိက အကြောင်းရင်းမှာ ဖူရွှမ်နီ၏ ကျင့်ကြံမှုမှာလည်း အထူးတလည် မြင့်မားနေခြင်း မရှိခဲ့ချေ။</p> <p> </p> <p>​ဘာပဲဖြစ်ဖြစ် ဖူရွှမ်နီသည် အလွန်နိမ့်ကျသော ကျင့်ကြံခြင်း ကန့်သတ်ချက်ရှိသည့် လမင်းကျီးကန်းမိစ္ဆာသားရဲတစ်ကောင်သာ ဖြစ်သည် မဟုတ်ပါလား။</p> <p> </p> <p>​ဤအချက်အောက်တွင် ၎င်းက ပိုင်ယီအတွက် မည်မျှအထိ တိုးတက်မှု ယူဆောင်လာပေးနိုင်မည်နည်း။</p> <p> </p> <p>​"ဟူး... ဒါပေမဲ့လည်း အဆင်ပြေပါတယ်။" ပိုင်ယီ လုံးဝ စိတ်ပျက်မသွားခဲ့ချေ။ ဆန့်ကျင်ဘက်အနေဖြင့် သူ အတော်လေး ကျေနပ်နေခဲ့ရသည်။</p> <p> </p> <p>​ဖူရွှမ်နီ သူ့အတွက် ဤဆုလာဘ်များကို ယူဆောင်လာပေးခြင်းက သူ့ကို အတော်လေး ကျေနပ်သွားစေခဲ့ပြီ ဖြစ်သည်။</p> <p> </p> <p>​...</p> <p> </p> <p>​ချင်းဟယ်ခရိုင်၊ ယာယီ ခရိုင်ရုံးချုပ်။</p> <p> </p> <p>​ဖူရွှမ်နီသည် လက်တွေ့ကမ္ဘာသို့ ပြန်လည်ရောက်ရှိလာခဲ့ပြီ ဖြစ်သည်။ သူမ၏ လှပသော မျက်လုံးများကို ဖြည်းညင်းစွာ ဖွင့်လိုက်၏။ အစပိုင်းတွင် သူမ၏ မျက်လုံးများထဲ၌ မည်သည့်ခံစားချက်မျှ မရှိခဲ့ဘဲ အသက်ရှူကြိမ် အနည်းငယ်မျှ ရပ်တန့်သွားခဲ့ရသည်...</p> <p> </p> <p>​ထို့နောက်မှသာ သူမ ကူကယ်ရာမဲ့စွာ ခေါင်းခါလိုက်လေသည်။ သူမ၏ မျက်လုံးများထဲတွင် ကိုယ့်ကိုယ်ကိုယ် လှောင်ပြောင်မှု အရိပ်အယောင်တစ်ခု ဖြတ်ပြေးသွားပြီး သူမ ရယ်မောလိုက်၏။ "ငါက သရုပ်ဖော်စနစ်ထဲမှာ ကိုယ့်ကိုယ်ကိုယ် သတ်သေတဲ့ ပထမဆုံးသူ ဖြစ်သွားပြီလား မသိဘူး။ ချန်ချန်ရွှယ်နဲ့ ချင်းကျောက်တို့က သူတို့ ကိုယ့်ကိုယ်ကိုယ် သတ်သေဖူးလားဆိုတာ ငါ့ကို မပြောပြခဲ့ကြဘူး။"</p> <p> </p> <p>​အကယ်၍ လက်တွေ့ကမ္ဘာမှာသာဆိုပါက ဖူရွှမ်နီ ဤကဲ့သို့သော လုပ်ရပ်မျိုးကို သေချာပေါက် လုပ်ဆောင်မည် မဟုတ်ချေ။ ဘာပဲဖြစ်ဖြစ် အဆုံးသတ်သွားသည်မှာ သူမ၏ ကိုယ်ပိုင်ဘဝပင်။</p> <p> </p> <p>​သူမက အဲဒီလောက်ထိ ရက်စက်တတ်သူ မဟုတ်ပေ။</p> <p> </p> <p>​သူမသည် နှစ်အနည်းငယ်၊ သို့မဟုတ် နှစ်ထောင်ပေါင်းများစွာတိုင်အောင် အသက်ရှင်ချင်သေးသည်။ ဖြစ်နိုင်ချေ အနည်းငယ်မျှသာရှိမည်ဆိုလျှင်တောင်မှ သူမသည် ထာဝရအသက်ရှင်ချင်သေး၏။</p> <p> </p> <p>​သို့သော် မသေမျိုးကျင့်ကြံခြင်း သရုပ်ဖော်စနစ်ထဲတွင်မူ သူမ၏ဘဝကို ဤကဲ့သို့ အဆုံးသတ်ရန် ရွေးချယ်လိုက်ခြင်းနှင့်ပတ်သက်ပြီး သူမတွင် မည်သည့် ဝန်ထုပ်ဝန်ပိုးမျှ မရှိခဲ့ချေ။</p> <p> </p> <p>​မည်သို့ပင်ဆိုစေကာမူ တောင်တန်းရှိ မြို့များသည် လမ်းကြောင်းမှန်ပေါ်သို့ ရောက်ရှိနေပြီ ဖြစ်သည်။</p> <p> </p> <p>​သူမ ရှိသည်ဖြစ်စေ၊ မရှိသည်ဖြစ်စေ အတူတူပင် ဖြစ်၏။</p> <p> </p> <p>​သူမ၏ နောက်ထပ် အသက်ရှင်ရမည့် နှစ်ရာပေါင်းများစွာသော အချိန်များတွင် အခြေအဆင့် ဆယ်လွှာ၌သာ တစ်ဆို့နေမည်ကို ဖူရွှမ်နီ လက်မခံနိုင်ခဲ့ချေ။</p> <p> </p> <p>​ထို့ကြောင့် သူမ ပြန်လာခဲ့ခြင်းဖြစ်သည်။ တစ်ချိန်တည်းမှာပင် မသေမျိုးကျင့်ကြံခြင်း သရုပ်ဖော်စနစ်၏ အသိပေးချက်က ထွက်ပေါ်လာခဲ့၏။</p> <p> </p> <p>​၎င်းက ဖူရွှမ်နီ၏ အာရုံစိုက်မှုကို ဆွဲဆောင်သွားခဲ့သည်။</p> <p> </p> <p>​"ဆုလာဘ်တွေ ရောက်လာပြီပဲ..."</p> <p> </p> <p>​သူမ မျက်နှာပေါ်ရှိ ကိုယ့်ကိုယ်ကိုယ် လှောင်ပြောင်နေမှုများကို ဖယ်ရှားပစ်လိုက်ပြီး မျှော်လင့်ချက်နှင့် ဝမ်းမြောက်မှုတို့ဖြင့် အစားထိုးလာခဲ့သည်။</p> <p> </p> <p>​ဆုလာဘ်များကို ရေတွက်ရမည့်အချိန် ရောက်လာသောအခါ အမြဲတမ်း ပျော်ရွှင်စရာအချိန်တစ်ခု ဖြစ်ခဲ့ပြီး သူမလည်း ချွင်းချက်မဟုတ်ချေ။</p> <p> </p> <p>​[ဆုလာဘ် - နိုင်ငံတော်ကံကြမ္မာနှစ်စ (သရုပ်ဖော်စနစ်ထဲတွင် သင်တည်ဆောက်ခဲ့သော မြို့များမှ သင် စုစည်းရရှိခဲ့သည့် နိုင်ငံတော်ကံကြမ္မာ စွမ်းအား)]</p> <p> </p> <p>​"နိုင်ငံတော်ကံကြမ္မာစွမ်းအား ထပ်ရပြန်ပြီလား။" ဖူရွှမ်နီ အနည်းငယ် အံ့အားသင့်သွားခဲ့သော်လည်း သူမ စိတ်ပျက်မသွားခဲ့ပေ။ ယင်းအစား သူမ ပို၍ပင် ဝမ်းသာသွားခဲ့၏။</p> <p> </p> <p>​နိုင်ငံတော်ကံကြမ္မာ စွမ်းအားက မည်မျှ စွမ်းအားကြီးမားကြောင်း သူမ ကောင်းကောင်း သိထားပေသည်။</p> <p> </p> <p>​နိုင်ငံတော်ကံကြမ္မာ စွမ်းအားသည် သူမကို နောက်ထပ် ကျင့်ကြံခြင်းအဆင့်သို့ ထိုးဖောက်ဝင်ရောက်ရန် မကူညီနိုင်သော်လည်း သူမ၏ခွန်အားကို အတော်လေး တိုးတက်လာစေနိုင်သည်။</p> <p> </p> <p>​ဆုလာဘ်ကို ပေးအပ်ပြီးနောက် ဖူရွှမ်နီသည် သူမ၏ ဝိညာဉ်စွမ်းအင်ထဲမှ သိမ်မွေ့သော ပြောင်းလဲမှုတစ်ခုကို ရှင်းလင်းစွာ ခံစားလိုက်ရလေသည်။</p> <p> </p> <p>​သူမ ဖြည်းညင်းစွာ အသက်ပြင်းပြင်း ရှူလိုက်၏။ "ငါ အဲဒါကို သန့်စင်ဖို့ အချိန်ယူစရာ မလိုဘူး။ မသေမျိုး ကျင့်ကြံခြင်း သရုပ်ဖော်စနစ်က ဒီနိုင်ငံတော်ကံကြမ္မာ စွမ်းအားနှစ်စကို လုံးဝ သန့်စင်ပေးဖို့ ငါ့ကို ကူညီပေးခဲ့တယ်။ အရင်ကလိုပဲ အံ့မခန်းဖြစ်ပြီး ထူးဆန်းအံ့ဩဖွယ်ကောင်းနေတုန်းပဲ။"</p> <p> </p> <p>​[ထပ်ဆောင်းဆုလာဘ် - အရိုးတွယ်တက်ဓား (သွေးကြာပန်းတာအိုဆရာ ငယ်စဉ်က အသုံးပြုခဲ့သော ဝိညာဉ်ဓားတစ်လက်)]</p> <p> </p> <p>​ဖူရွှမ်နီ၏ လက်ထဲတွင် ဝိညာဉ်ဓားတစ်လက် လေဟာနယ်ထဲမှ ထွက်ပေါ်လာခဲ့၏။</p> <p> </p> <p>​ဤဝိညာဉ်ဓားသည် အလွန်ထူးခြားပုံပေါ်ပြီး ၎င်း၏ ကိုယ်ထည်တစ်ခုလုံးကို အရိုးများဖြင့် ပြုလုပ်ထား၏။ ဓားရိုးကပင် အရိုးများနှင့်တူကြောင်း ခံစားရပေသည်။</p> <p> </p> <p>​"ဒါက မိစ္ဆာသားရဲတစ်ကောင်ရဲ့အရိုးတွေ ဖြစ်ပုံရတယ်... လူအရိုးတွေတော့ မဖြစ်နိုင်ဘူး မဟုတ်လား။"</p> <p> </p> <p>​ဖူရွှမ်နီ ရယ်မောကာ ခေါင်းခါလိုက်မိသည်။ ၎င်းမှာ မိစ္ဆာသားရဲတစ်ကောင်၏ အရိုးများဖြစ်ကြောင်း သူမ သိနိုင်ပေသည်။</p> <p> </p> <p>​မည်သည့် မိစ္ဆာသားရဲဖြစ်သည်ဆိုသည်ကိုတော့ သူမ ခွဲခြားသိနိုင်စွမ်း မရှိခဲ့ချေ။</p> <p> </p> <p>​"အရမ်းကောင်းတဲ့ ဝိညာဉ်လက်နက်ပဲ။ အကယ်၍ ဒါကို အပြင်ဘက်က အံ့မခန်းခွန်အားတွေရှိတဲ့ ကျင့်ကြံသူတွေဆီ ရောင်းလိုက်မယ်ဆိုရင် ရွှေအမြုတေအဆင့် ဒါမှမဟုတ် မူလဝိညာဉ်အဆင့်ကျင့်ကြံသူတွေတောင် ဒါကို သဘောကျလောက်တယ်။"</p> <p> </p> <p>​ဖူရွှမ်နီသည် အရိုးတွယ်တက်ဓားကို သူမ၏ သိုလှောင်အိတ်ထဲသို့ သိမ်းလိုက်သည်။</p> <p> </p> <p>​အကယ်၍ ဤကဲ့သို့သော ပစ္စည်းကောင်းမျိုးကို အပြင်ဘက်တွင် အချိန်အတော်ကြာအောင် ထားရှိခဲ့မည်ဆိုလျှင် အခြားသူများ၏ လိုချင်တပ်မက်သော အကြည့်များကို ဆွဲဆောင်နိုင်ချေ အလွန်များပြားလှပေသည်။</p> <p> </p> <p>​ထိုအရာက ပြဿနာများစွာကို ဖိတ်ခေါ်လာပေလိမ့်မည်။</p> <p> </p> <p>​ယခု လက်တွေ့ကမ္ဘာတွင် သူမသည် ပြဿနာမျိုးစုံနှင့် လုံးပန်းနေရပြီဖြစ်ရာ သူမ ပြဿနာ ထပ်မတက်ချင်တော့ချေ။</p> <p> </p> <p>​[ထပ်ဆောင်းဆုလာဘ် - ကောင်းကင်မိစ္ဆာရုပ်တု အတု (သွေးကြာပန်းတာအိုဆရာ၏ ကောင်းကင်မိစ္ဆာရုပ်တုကို သင်အသုံးပြုနိုင်သော်လည်း သင်သည် မူလဝိညာဉ်အဆင့် စွမ်းအားကိုသာ ရရှိမည်ဖြစ်ပြီး အသက်ရှူကြိမ် ငါးကြိမ်တိုင်အောင်သာ ထိန်းသိမ်းထားနိုင်မည် ဖြစ်သည်)]</p> <p> </p> <p>​ဒုတိယမြောက် ဆုလာဘ်ကို ပေးအပ်လိုက်ချိန်တွင် ဖူရွှမ်နီ ဆွံ့အမသွားဘဲ မနေနိုင်ခဲ့ချေ။</p> <p> </p> <p>​ဤကဲ့သို့သော ဆုလာဘ်မျိုးကို သူမ ပထမဆုံးအကြိမ် မြင်တွေ့ဖူးခြင်းဖြစ်သည်။ ဤဆုလာဘ်ကို တစ်ကြိမ်သာ အသုံးပြုနိုင်ပေသည်။</p> <p> </p> <p>​တစ်ကြိမ် အသုံးပြုပြီးနောက်တွင် နောက်တစ်ကြိမ် ထပ်မံအသုံးပြုရန် နည်းလမ်းမရှိတော့ချေ။</p> <p> </p> <p>​သို့သော် ဤကဲ့သို့သော ဆုလာဘ်မျိုးသည် တစ်ကြိမ်သာ အသုံးပြုနိုင်လျှင်တောင်မှ ပြဿနာအများစုကို ဖြေရှင်းပေးနိုင်လေသည်။</p> <p> </p> <p>​"မူလဝိညာဉ်အဆင့် ကျင့်ကြံသူရဲ့ စွမ်းအားကို အသုံးပြုနိုင်တဲ့ ကောင်းကင်မိစ္ဆာရုပ်တုတစ်ခုလား..." ဖူရွှမ်နီက အာမေဍိတ်သံဖြင့် ပြောလိုက်သည်။ "မူလဝိညာဉ်အဆင့် စွမ်းအားဆိုတာက သရုပ်ဖော်စနစ်ရှေ့မှာ ဘာမှမဟုတ်ပါဘူး၊ အဲဒါကို ဆုလာဘ်တစ်ခုအနေနဲ့ အသုံးပြုလို့ရတယ်။"</p> <p> </p> <p>​[ထပ်ဆောင်းဆုလာဘ် - ကောင်းကင်ဝါးမြိုမိစ္ဆာကျင့်စဥ် (ကောင်းကင်ဝါးမြိုမိစ္ဆာကျင့်စဥ်၏ ဆယ်ပုံတစ်ပုံ)]</p> <p> </p> <p>​တတိယမြောက်ဆုလာဘ် ထွက်ပေါ်လာခြင်းက ဖူရွှမ်နီ၏ မျက်လုံးများကို ပြူးကျယ်သွားစေခဲ့၏။</p> <p> </p> <p>​ယခင် ဆုလာဘ်များနှင့် ထပ်ဆောင်းဆုလာဘ်များသည် မည်မျှပင် တန်ဖိုးကြီးပါစေ သူမ ပုံမှန်အတိုင်း လက်ခံနိုင်ပေသည်။</p> <p> </p> <p>​ဘာပဲဖြစ်ဖြစ် ကျင့်ကြံခြင်း သရုပ်ဖော်စနစ်ထဲတွင် သူမသည် သူမ၏ စံနှုန်းများကို မြှင့်တင်ခဲ့ပြီးဖြစ်သည် မဟုတ်ပါလား။</p> <p> </p> <p>​ဆုလာဘ်များကို ကြည့်ရုံမျှဖြင့် သူမ ဤမျှလောက် စိတ်လှုပ်ရှားနေမည် မဟုတ်ချေ။</p> <p> </p> <p>​သို့သော်... ကောင်းကင်ဝါးမြိုခြင်း မိစ္ဆာကျင့်စဥ်ကတော့ ချွင်းချက်ပင်။</p> <p> </p> <p>​ဒီကျင့်စဥ်က မည်မျှ ထိတ်လန့်ဖွယ်ကောင်းပြီး စွမ်းအားကြီးမားကြောင်းကို ချန်ချန်ရွှယ်ပြောပြ၍ ဖူရွှမ်းနီ ကြားဖူးခဲ့လေသည်။</p> <p> </p> <p>​ဒီတစ်ကြိမ် သူမ၏ဆုလာဘ်က ကောင်းကင်ဝါးမြိုမိစ္ဆာကျင့်စဥ် ဖြစ်နေလိမ့်မည်ဟု သူမ မမျှော်လင့်ထားခဲ့ချေ။</p> <p> </p> <p>​"ဟူး" သူမ အသက်ပြင်းပြင်းရှူထုတ်လိုက်ပြီး သူမ တည်ငြိမ်မှု ပျက်ပြားသွားခဲ့ပြီဖြစ်ကြောင်း သတိပြုမိလိုက်သည်။</p> <p> </p> <p>​သူမ၏ မျက်နှာပေါ်တွင် အပြုံးတစ်ခု ပေါ်လာ၏။ "ဒါက သေချာပေါက် အကောင်းဆုံး ဆုလာဘ်ပဲ။"</p> <p> </p> <p>​"..."</p> <p>***</p> <p> </p>


Save