Book List

<h2 style="text-align: center;">အခန်း ၃၄၄</h2> <h2 style="text-align: center;">အဆင့်ငယ်လေးခုကို ဆက်တိုက် ထိုးဖောက်သွားခြင်း (၁)</h2> <h2 style="text-align: center;">*</h2> <h2 style="text-align: center;"> </h2> <h2 style="text-align: center;"> </h2> <p> </p> <p> </p> <p>​[ထပ်ဆောင်းဆုလာဘ် - ပျက်စီးနေသော မိစ္ဆာချိတ်ပိတ်ခြင်း အစီရင်ပုံစံကြမ်း (ပြီးပြည့်စုံသော မိစ္ဆာချိတ်ပိတ်ခြင်း အစီရင်ပုံစံကြမ်း၏ ထက်ဝက်သာ)]</p> <p> </p> <p>​"မိစ္ဆာချိတ်ပိတ်ခြင်း အစီရင်လား။" ဖူရွှမ်နီ အနည်းငယ် အံ့အားသင့်သွားပြီး မျက်ခုံးပင့်လိုက်မိ၏။</p> <p> </p> <p>​ပျက်စီးနေသော မိစ္ဆာချိတ်ပိတ်ခြင်း အစီရင်ပုံစံကြမ်းနှင့် ပတ်သက်၍ သူမ စိမ်းသက်မနေခဲ့ပေ။ မိစ္ဆာချိတ်ပိတ်ခြင်း အစီရင်ပုံစံကြမ်းကို သူမ ပို၍ပင် ရင်းနှီးကျွမ်းဝင်နေပြီး သူမ၏ စိတ်ထဲတွင် အလွတ်ကျက်မှတ်ထားသည်မှာ ကြာလှပြီဖြစ်သည်။</p> <p> </p> <p>​ဘာပဲဖြစ်ဖြစ် ဝိညာဉ်ဖွဲ့စည်းခြင်းအဆင့် ရှေးဟောင်း မိစ္ဆာကြီးကို ကိုင်တွယ်ဖြေရှင်းရန်အတွက် ချန်ချန်ရွှယ်တို့နှင့် သူမ နှစ်ကြိမ်ဆက်တိုက် ပူးပေါင်းခဲ့ဖူးသည် မဟုတ်ပါလား။</p> <p> </p> <p>​မိစ္ဆာချိတ်ပိတ်ခြင်း အစီရင်တည်ဆောက်ရာတွင်လည်း သူမနှစ်ကြိမ်ဆက်တိုက် ပါဝင်ခဲ့ဖူးသည်။ ဖူရွှမ်နီက ၎င်းကို မည်သို့ ရင်းနှီးကျွမ်းဝင်မှု မရှိဘဲ နေမည်နည်း။</p> <p> </p> <p>​သို့သော် မိစ္ဆာချိတ်ပိတ်ခြင်း အစီရင်ပုံစံကြမ်း မည်သို့ပုံစံရှိသည်ကို သိလျှင်တောင်မှ လက်တွေ့တွင် ၎င်းကို တည်ဆောက်ရန် နည်းလမ်းမရှိကြောင်း သူမ ကောင်းကောင်း သိထားပေသည်။</p> <p> </p> <p>​အဘယ်ကြောင့်ဆိုသော် ၎င်းသည် မသေမျိုးကျင့်ကြံခြင်း သရုပ်ဖော်စနစ်ထဲမှ အရာတစ်ခု ဖြစ်သောကြောင့်ပင်။ သရုပ်ဖော်စနစ်၏ ဆုလာဘ်သာ မဟုတ်ခဲ့လျှင် မသေမျိုးကျင့်ကြံခြင်း သရုပ်ဖော်စနစ်ထဲရှိ ဤအရာများကို အသုံးပြု၍ ရနိုင်မည် မဟုတ်ချေ။</p> <p> </p> <p>​၎င်းကို မှတ်မိနေခြင်းကလည်း အချည်းနှီးသာ ဖြစ်ပေမည်။</p> <p> </p> <p>​သို့သော်ငြားလည်း...</p> <p> </p> <p>​ပျက်စီးနေသော မိစ္ဆာချိတ်ပိတ်ခြင်း အစီရင်ပုံစံကြမ်းသည် မသေမျိုးကျင့်ကြံခြင်း သရုပ်ဖော်စနစ်ထံမှ ဆုလာဘ်တစ်ခုဖြစ်လာသည်နှင့်တစ်ပြိုင်နက် သူမ ၎င်းကို အသုံးပြုနိုင်တော့မည်ဖြစ်သည်။</p> <p> </p> <p>​"ထက်ဝက်ပဲ ရှိနေတာတော့ နှမြောစရာပဲ။ အကယ်၍ ပြီးပြည့်စုံတဲ့ မိစ္ဆာချိတ်ပိတ်ခြင်း အစီရင်သာဆိုရင် ပိုကောင်းမှာ။" ဖူရွှမ်နီ၏ လေသံတွင် နောင်တရမှု အရိပ်အယောင် အနည်းငယ်ပါဝင်နေသော်လည်း ဤနောင်တရမှုသည် လျင်မြန်စွာ ပျောက်ကွယ်သွားခဲ့၏။</p> <p> </p> <p>​သူမ အရမ်းလောဘကြီးနေကြောင်း သူမ သိထားပေသည်။ အစီရင်၏ ထက်ဝက်ကို ရရှိနိုင်ခြင်းကပင် အလွန် ကောင်းမွန်နေပြီဖြစ်သည်။</p> <p> </p> <p>​[ထပ်ဆောင်းဆုလာဘ် - အခြေတည်အဆင့် ရှစ်လွှာ ဝိညာဉ်စွမ်းအင် အပြည့်အဝ။]</p> <p> </p> <p>​နောက်ဆုံးဆုလာဘ် ထွက်ပေါ်လာခြင်းက ဖူရွှမ်နီ၏ နှလုံးသားကို နောက်တစ်ကြိမ် လှုပ်ခတ်သွားစေခဲ့ပြန်သည်။</p> <p> </p> <p>​'အခြေတည်အဆင့် ရှစ်လွှာ။'</p> <p> </p> <p>​"ရှီးးး"</p> <p> </p> <p>​ဆုလာဘ်များကြောင့် ဒီတစ်ကြိမ်တွင် သူမ၏ ကျင့်ကြံခြင်းအဆင့်ကို ထိုးဖောက်နိုင်လောက်သည်ဟု ဖူရွှမ်နီ ကြိုတင် ခန့်မှန်းထားခဲ့သော်လည်း... ဤထိုးဖောက်ဝင်ရောက်မှုသည် အမှန်တကယ် ဤမျှ ပြင်းထန်လိမ့်မည်ဟု သူမ မမျှော်လင့်ထားခဲ့ချေ။</p> <p> </p> <p>​လက်တွေ့ကမ္ဘာတွင် သူမ၏ကျင့်ကြံမှုမှာ အခြေတည်အဆင့်လေးလွှာတွင်သာ ရှိသေးကြောင်း သိထားရမည်ဖြစ်သည်။</p> <p> </p> <p>​ထို့အပြင် ပြီးခဲ့သည့်အကြိမ်က မသေမျိုးကျင့်ကြံခြင်း သရုပ်ဖော်ခဲ့စဉ်က သူမရရှိခဲ့သော ဆုလာဘ်များထဲမှ တစ်ခုမှာ မွေးရာပါဝိညာဉ်ခန္ဓာကိုယ် ထက်ဝက် ဖြစ်၏။</p> <p> </p> <p>​ရွှေအမြုတေအဆင့်အောက်ရှိ ကျင့်ကြံခြင်း အချည်အနှောင်များကို လုံးဝ လျစ်လျူရှုထားနိုင်ပေသည်။</p> <p> </p> <p>​တစ်နည်းဆိုရသော် အခြေတည်အဆင့် ရှစ်လွှာ ဝိညာဉ်စွမ်းအင်အပြည့်အဝသည် သူမ၏ကျင့်ကြံမှုကို တစ်ဟုန်ထိုး တိုးတက်သွားစေရန် လုံလောက်နေပေသည်။</p> <p> </p> <p>​၎င်းက အဆင့်ငယ်လေးခုကို တိုက်ရိုက် ထိုးဖောက်သွားစေရန်ပင် လုံလောက်နေ၏။</p> <p> </p> <p>​တစ်ချက်တည်းနှင့် အခြေတည်အဆင့် ရှစ်လွှာသို့ ရောက်ရှိသွားရန်ပင်။</p> <p> </p> <p>​ဖူရွှမ်နီ စဉ်းစားတွေးတောနေရန် အချိန်မရှိတော့ချေ။ သူမသည် ခြေပလ္လင်ခွေထိုင်ချလိုက်ပြီး မျက်လုံးများကို ဖြည်းညင်းစွာမှိတ်ကာ သူမ၏ သွေးကြောများနှင့် ဒန်ထျန်း(စွမ်းအင်အချက်အချာ)ဆီသို့ ဦးတည်လာမည့် ဝိညာဉ်စွမ်းအင်အမြောက်အမြား၏ နှစ်မြုတ်ခြင်းခံရမှုကို လက်ခံရန် ပြင်ဆင်လိုက်သည်။</p> <p> </p> <p>​နောက်တစ်ခဏတွင် အလွန်သန့်စင်သော ဝိညာဉ်စွမ်းအင်များသည် သူမ၏ခန္ဓာကိုယ်ထဲသို့ ဆူနာမီလှိုင်းလုံးကြီးအလား ရူးသွပ်စွာ စီးဝင်လာခဲ့သည်။</p> <p> </p> <p>​အကယ်၍ ဤဝိညာဉ်စွမ်းအင်များသည် အခြားသော အဆခြတည်အဆင့်လေးလွှာ ကျင့်ကြံသူတစ်ဦး၏ ခန္ဓာကိုယ်ထဲသို့သာ စီးဝင်သွားခဲ့မည်ဆိုလျှင် တစ်ဖက်လူ၏ခန္ဓာကိုယ်ကို ပေါက်ကွဲသွားစေရန် လုံလောက်ပေသည်။</p> <p> </p> <p>​သို့သော် ဖူရွှမ်နီ၏ ခန္ဓာကိုယ်ထဲသို့ ဝင်ရောက်လာချိန်တွင် ဤဝိညာဉ်စွမ်းအင်လှိုင်းလုံးများသည် အလွန် သိမ်မွေ့ညင်သာနေခဲ့၏။</p> <p> </p> <p>​ကြမ်းတမ်းသော ခံစားချက်မျိုး အနည်းငယ်မျှ မရှိခဲ့ချေ။</p> <p> </p> <p>​အခြေတည်အဆင့် ထိုးဖောက်ဝင်ရောက်ခြင်းသည် အလွန် ကြီးမားလှသည်။ ချင်းဟယ်ခရိုင်၏ ယာယီ ခရိုင်ရုံးချုပ်ထဲရှိလူတိုင်း ဤအချိန်တွင် ဤဝိညာဉ်စွမ်းအင်လှိုင်းလုံးများကို ခံစားလိုက်ကြရသည်။</p> <p> </p> <p>​ပြည်နယ်အစိုးရမှ အရာရှိများသည် သူတို့၏ ခေါင်းများကို ချက်ချင်းလှည့်ကာ လမ်းကြောင်းတစ်ခုတည်းဆီသို့ ကြည့်လိုက်ကြလေသည်။</p> <p> </p> <p>​"ဒါက... အရှင်မင်းသမီးလား။" ပြည်နယ်အစိုးရ အရာရှိများထဲမှ တစ်ဦး ကြောင်အမ်းအမ်း ဖြစ်သွားခဲ့၏။ "အရှင်မင်းသမီးက အဆင့်တက်သွားတာလား။ သူမက ဒီလောက် မြန်မြန်ကြီး ထပ်ပြီး အဆင့်တက်သွားပြန်ပြီလား။"</p> <p> </p> <p>​အခြားပြည်နယ်အစိုးရ အရာရှိတစ်ဦးက တံတွေးကို တိတ်တဆိတ် မြိုချလိုက်သည်။ "အရှင်မင်းသမီးက မင်းသမီးတစ်ပါးဖြစ်သလို တော်ဝင်မိသားစုရဲ့ သွေးမျိုးဆက်လည်း ရှိတယ်။ သူမရဲ့ပါရမီက နည်းနည်းလေး ချဲ့ကားပြောရလောက်အောင် ကောင်းနေတာက တော်တော်လေး ပုံမှန်ပဲ မဟုတ်လား။"</p> <p> </p> <p>​သူတို့နှစ်ဦး စကားပြောပြီးသည်နှင့် တစ်ပြိုင်နက် ပို၍ ပြင်းထန်သော ဝိညာဉ်စွမ်းအင်လှိုင်းလုံးတစ်ခုက သူတို့ဆီသို့ နောက်တစ်ကြိမ် ရိုက်ခတ်လာခဲ့ပြန်သည်။</p> <p> </p> <p>​ဤအချိန်တွင် ယာယီခရိုင်ရုံးချုပ်၏ နံရံများပင် အနည်းငယ် တုန်ခါနေခဲ့လေပြီ။</p> <p> </p> <p>​"နောက်... နောက်ထပ် အဆင့်တက်တာလား။" ပြည်နယ်အစိုးရအရာရှိ၏ မေးရိုးမှာ အံ့အားသင့်လွန်းသဖြင့် ပြုတ်ကျမတတ် ဖြစ်သွားခဲ့ရ၏။</p> <p> </p> <p>​"မကောင်းတော့ဘူး။" အခြားတစ်ယောက်က အချိန်မီ သတိဝင်လာခဲ့သည်။ "အရှင်မင်းသမီးရဲ့ ရုတ်တရက် အဆင့်တက်တာက ယာယီခရိုင်ရုံးချုပ်ကို ဖျက်ဆီးပစ်နိုင်လောက်တယ်။ မြန်မြန်... အရှင်မင်းသမီး အဆင့်တက်တာကို တည်ငြိမ်အောင်လုပ်ဖို့ လှုပ်ရှားကြစို့။"</p> <p> </p> <p>​ကံကောင်းစွာဖြင့် ခရိုင်ရုံးချုပ်ထဲတွင် အခြေတည်အဆင့် အရာရှိ အနည်းငယ် ရှိနေခဲ့သည်။</p> <p> </p> <p>​သူတို့၏ အပြင်းအထန် ကြိုးပမ်းအားထုတ်မှုများကြောင့် ဤယာယီခရိုင်ရုံးချုပ်သည် ပျက်စီးမည့် ကံကြမ္မာမှ ကင်းလွတ်ခွင့် ရသွားခဲ့၏။</p> <p> </p> <p>​သို့သော် သူတို့ သက်ပြင်းမချနိုင်မီမှာပင် ဖူရွှမ်နီ၏ အငွေ့အသက်သည် နောက်တစ်ကြိမ် မြင့်တက်လာခဲ့ပြန်သည်။ အသက်ရှူကျပ်စေသော အငွေ့အသက်တစ်ခုသည် အရပ်မျက်နှာအသီးသီးသို့ လွှမ်းခြုံသွားခဲ့ရာ ယာယီခရိုင်ရုံးချုပ်ထဲရှိ လူတိုင်းကို ချွေးအေးများ ပျံလာစေပြီး ထိတ်လန့်ဖွယ်ကောင်းသော ဖိအားကို ခံစားလိုက်ကြရသည်။</p> <p> </p> <p>​"အ... အရှင်မင်းသမီးက... အဆင့်တက်နေတာလား။ ဒါမှမဟုတ် အထူးကျင့်ကြံခြင်းကျမ်းတစ်ခုခုကို ကျင့်ကြံနေတာလား။"</p> <p> </p> <p>​ယုံကြည်နိုင်ဖွယ်မရှိသော ဤအခြေအနေက ပြည်နယ်မြို့တော်မှ အရာရှိများကို အနည်းငယ် မသေမချာ ဖြစ်သွားစေခဲ့သည်။</p> <p> </p> <p>​"တစ်ခါတလေ... ငါတို့ ထင်ထားသလို အဆင့်တက်တာ မဟုတ်လောက်ဘူး။ ဘာပဲဖြစ်ဖြစ် ဘယ်သူကများ တစ်ခါတည်းနဲ့ ဒီလောက်များပြားတဲ့ ကျင့်ကြံမှုအဆင့်ကို ထိုးဖောက်နိုင်မှာလဲ။ မင်းသမီးက အထူး ကျင့်ကြံခြင်းကျမ်းတစ်ခုခုကို သင်ယူခဲ့ပြီး အဲဒါကို နားလည်သဘောပေါက်အောင် ကြိုးစားနေတာ သေချာတယ်။"</p> <p> </p> <p>​"ဒါက..." သူတို့ကို ထုံထိုင်းသွားစေလောက်အောင် အံ့အားသင့်သွားစေသည့်အချက်မှာ ဖူရွှမ်နီ၏ ထိုးဖောက်ဝင်ရောက်မှုက ဤမျှနှင့် ပြီးဆုံးမသွားခြင်းပင် ဖြစ်သည်။</p> <p> </p> <p>​ပို၍ပင် ပုံကြီးချဲ့ထားသော လှုပ်ရှားမှုများနှင့် နောက်ဆုံးလှိုင်းလုံးကြီးတစ်ခု ပတ်ဝန်းကျင်ကို ရိုက်ခတ်သွားပြီးနောက် နောက်ဆုံးတွင် ရပ်တန့်သွားခဲ့လေသည်။</p> <p> </p> <p>​ဖူရွှမ်းနီ မျက်လုံးများကို ဖွင့်လိုက်၏။</p> <p> </p> <p>​သူမ အဆင့်တက်ခြင်းက မည်မျှကြီးမားသော ဆူပူလှုပ်ရှားမှုကို ဖြစ်ပေါ်စေမည်ကို သူမ မသိခဲ့သော်လည်း မည်သူကမျှ မခံစားမိနိုင်လောက်သည့် အတိုင်းအတာအထိတော့ မဟုတ်ပေ... ဘာပဲဖြစ်ဖြစ် လူတိုင်းရှေ့တွင် သူမ တမင်သက်သက် ပေါ်ပေါ်ထင်ထင် အဆင့်တက်ခဲ့ခြင်း မဟုတ်ပါလား။</p> <p> </p> <p>​မှန်ပေသည်။</p> <p> </p> <p>​လက်တွေ့ကမ္ဘာတွင် မနေ့ကမှ လုပ်ကြံခံရမှုတစ်ခုနှင့် သူမ ရင်ဆိုင်ခဲ့ရသောကြောင့် ဖူရွှမ်နီသည် ၎င်းကို တမင်သက်သက် လုပ်ဆောင်ခဲ့ခြင်းဖြစ်သည်။</p> <p> </p> <p>​ထိုအရာက ထိုလုပ်ကြံမှုကြောင့် သူမ၏ဂုဏ်သတင်း ဩဇာတိက္ကမသည် ရေခဲမှတ်အထိ ကျဆင်းသွားလောက်ပြီဟု သူမကို ခံစားသွားစေခဲ့၏။</p> <p> </p> <p>​ဤကဲ့သို့သော အချိန်မျိုးတွင် သူမသည် သူမ၏ဂုဏ်သတင်း ဩဇာတိက္ကမကို နောက်တစ်ကြိမ် မြှင့်တင်ရန် လိုအပ်ပေသည်။</p> <p> </p> <p>​မဟာယန်မင်းဆက် တော်ဝင်မိသားစု၏ သွေးမျိုးဆက်ဖြစ်သော သူမသည် အထင်သေးလို့ရသည့် တည်ရှိမှုတစ်ခု မဟုတ်ကြောင်း လူတိုင်းကို သိစေရပေမည်။</p> <p>***</p> <p> </p>


Save