Book List

<h2 style="text-align: center;">အခန်း ၃၅၀</h2> <h2 style="text-align: center;">ချန်ချန်ရွှယ်၏ ဆုလာဘ်</h2> <h2 style="text-align: center;">*</h2> <h2 style="text-align: center;"> </h2> <h2 style="text-align: center;"> </h2> <p> </p> <p> </p> <p> </p> <p>​ချင်းဟယ်ခရိုင်၌။</p> <p> </p> <p>​ချီသန့်စင်ခြင်းအဆင့်ရှိ လေလွှင့်ကျင့်ကြံသူတစ်ဦးသည် သူ့ဆီသို့ လေပြေလေးတစ်သုတ် တိုက်ခတ်လာသည်ကို ခံစားလိုက်ရ၏။ အစပိုင်းတွင် သူ မည်သည့်အရာမှ မှားယွင်းနေသည်ဟု မခံစားခဲ့ရသော်လည်း မကြာမီမှာပင် ထူးဆန်းသောအရာ တစ်ခုကို တွေ့ရှိသွားခဲ့သည်။ "ဒီလေက ဘာလို့ ဝိညာဉ်စွမ်းအင်လှိုင်းလုံးတစ်ခုနဲ့အတူ ရောက်လာရတာလဲ။"</p> <p> </p> <p>​ချီသန့်စင်ခြင်းအဆင့် လေလွှင့်ကျင့်ကြံသူတစ်ဦးအတွက်ပင်လျှင် ကျင့်ကြံသူများသည် ဝိညာဉ်စွမ်းအင်အပေါ် အလွန် တုံ့ပြန်လွယ်ကြပေသည်။</p> <p> </p> <p>​သူသည် လေပြေလေး တိုက်ခတ်လာရာ လမ်းကြောင်းဆီသို့ ခေါင်းလှည့်ကြည့်လိုက်ရာ သူ၏မျက်လုံးများထဲတွင် တုန်လှုပ်မှုနှင့် သံသယများ ပြည့်နှက်သွားပြီး အဝေးဆီသို့ လှမ်းကြည့်လိုက်သည်။</p> <p> </p> <p>​ချက်ချင်းပင် သူ၏သူငယ်အိမ်များ အနည်းငယ် ကျဉ်းမြောင်းသွားပြီး သူ၏ပါးစပ်မှာ အနည်းငယ် ပွင့်ဟသွားခဲ့၏။</p> <p> </p> <p>​သူ၏ မျက်နှာပေါ်တွင် ယုံကြည်နိုင်ဖွယ်မရှိသော တုန်လှုပ်မှု အမူအရာတစ်ခု ပြည့်နှက်နေလေသည်။</p> <p> </p> <p>​"အဲဒါက..." ချီသန့်စင်ခြင်းအဆင့် ကျင့်ကြံသူသည် တုန်လှုပ်စွာဖြင့် တီးတိုးရေရွတ်လိုက်သည်။ "အဲဒါက ဘာကြီးလဲ"</p> <p> </p> <p>​သူ၏မြင်ကွင်းထဲတွင် အဝေးရှိ ကောင်းကင်ယံ၌ တိမ်တိုက်များဆီသို့ တိုက်ရိုက်ထိုးဖောက်သွားသော ပါးလွှာသည့် ရွှေရောင်မျဉ်းကြောင်းတစ်ခုကို မြင်တွေ့လိုက်ရ၏။</p> <p> </p> <p>​ပါးလွှာသော ရွှေရောင်မျဉ်းကြောင်းသည် ခပ်သဲ့သဲ့ တောက်ပမှုတစ်ခုနှင့်အတူ ကောင်းကင်ယံမီတာသောင်းနှင့်ချီ အမြင့်သို့ ထိုးထွက်သွားခဲ့သည်။ ကောင်းကင်ပေါ်ရှိ တိမ်ဖြူများသည် မျက်စိတစ်မှိတ်အတွင်းမှာပင် အပိုင်းပိုင်းအစစ ဆုတ်ဖြဲခံလိုက်ရလေသည်။</p> <p> </p> <p>​တစ်ခဏအတွင်းမှာပင် ကောင်းကင်ပေါ်တွင် တိမ်တိုက်များ မရှိတော့ချေ။</p> <p> </p> <p>​သာမန်မျက်စိဖြင့် မြင်တွေ့နိုင်သော လှိုင်းလုံးများသည် အရပ်မျက်နှာ အသီးသီးသို့ ရိုက်ခတ်သွားခဲ့သည်။</p> <p> </p> <p>​ချီသန့်စင်ခြင်းအဆင့်ကျင့်ကြံသူသည် သူ၏ တုန်လှုပ်မှုမှ ပြန်လည်သက်သာမလာနိုင်မီမှာပင် လေပြင်းတစ်သုတ် သူ၏မျက်နှာကို လာတိုက်ခတ်သွားပြီး သူ၏ဆံပင်ရှည်များ နေရာအနှံ့ လွင့်စင်သွားသည်ကို ခံစားလိုက်ရ၏။</p> <p> </p> <p>​ဤလေပြင်းသည်... ပို၍ သန့်စင်ပြီး သိပ်သည်းသော ဝိညာဉ်စွမ်းအင်များကို သယ်ဆောင်လာခဲ့သည်။</p> <p> </p> <p>​၎င်းက သူ့ကို သတိပြန်ဝင်လာစေခဲ့၏။</p> <p> </p> <p>​သူ၏ မျက်နှာပေါ်တွင် တုန်လှုပ်မှုများ ရှိနေဆဲဖြစ်သော်လည်း စိတ်အားထက်သန်မှုနှင့် သိချင်စိတ်များက ပို၍ များပြားနေခဲ့သည်။ "အဲဒါက ဘာကြီးလဲ။ ထူးဆန်းတဲ့ ရတနာတစ်ခုခုများ ပေါ်လာတာလား။"</p> <p> </p> <p>​ချီသန့်စင်ခြင်းအဆင့် ကျင့်ကြံသူများပင်လျှင် ဤကဲ့သို့သော ထိုးဖောက်ဝင်ရောက်မှု လှုပ်ရှားမှုကို ခံစားနိုင်ပေသည်။</p> <p> </p> <p>​ချင်းဟယ်ခရိုင်ရှိ အခြေတည်အဆင့် ကျင့်ကြံသူများအကြောင်း ပြောနေရန်ပင် မလိုအပ်တော့ချေ။</p> <p> </p> <p>​ဖူရွှမ်နီသည် အားနည်းသော အငွေ့အသက်တစ်ခု ဖြတ်ပြေးသွားသည်ကို ချက်ချင်း ခံစားလိုက်ရ၏။</p> <p> </p> <p>​သူမ၏ မျက်နှာအမူအရာမှာ လေးနက်သွားလေသည်။ "ရွှေအမြုတေအဆင့် ကျင့်ကြံသူလား"</p> <p> </p> <p>​ချီသန့်စင်ခြင်းအဆင့် ကျင့်ကြံသူများသည် ဤအရာက ဘာဖြစ်သည်ကို မသိနိုင်သော်လည်း အခြေတည်အဆင့် ကျင့်ကြံသူတစ်ဦးဖြစ်သော ဖူရွှမ်နီကမူ ၎င်းကို ရှင်းလင်းစွာ ခံစားသိရှိနိုင်ပေသည်။</p> <p> </p> <p>​ဤသည်မှာ ရတနာတစ်ခုခု ပေါ်လာခြင်းမဟုတ်ချေ။ ဤသည်မှာ ရွှေအမြုတေအဆင့် ကျင့်ကြံသူတစ်ဦး ပြုလုပ်လိုက်သော လှုပ်ရှားမှုတစ်မျိုးဖြစ်၏။</p> <p> </p> <p>​ထို့အပြင် တစ်ဖက်လူသည် ရွှေအမြုတေအဆင့်၏ အထက်ပိုင်းတွင် ရှိနေသည်ဟုပင် မှတ်ယူနိုင်ပေသည်။</p> <p> </p> <p>​တစ်ဖက်လူသည် ချင်းဟယ်ခရိုင်နှင့် အလွန်ဝေးကွာသော နေရာတွင် ရှိနေကြောင်းကိုလည်း သူမ ခံစားမိလိုက်သည်။</p> <p> </p> <p>​လှုပ်ရှားမှု၏ နောက်ဆက်တွဲဂယက်များကို ဤမျှဝေးကွာသော နေရာမှနေ၍ ချင်းဟယ်ခရိုင်ကို ဖြတ်ကျော် လွှမ်းခြုံသွားစေနိုင်ခြင်းမှာ သေချာပေါက် ရွှေအမြုတေအဆင့် ပထမအလွှာ သို့မဟုတ် ဒုတိယအလွှာ မဟုတ်ချေ။</p> <p> </p> <p>​အနည်းဆုံးတော့ ရွှေအမြုတေအဆင့် စတုတ္ထအလွှာတွင် ရှိနေလောက်သည်။</p> <p> </p> <p>​"ပြဿနာက ရွှေအ​မြုတေအဆင့် ကျင့်ကြံသူတစ်ယောက်က ဘာလို့ ဒီလိုဆူပူလှုပ်ရှားမှုမျိုးကို တမင်တကာ ဖန်တီးရတာလဲ။ အကယ်၍ တစ်ဖက်လူက တမင်လုပ်တာ မဟုတ်ဘူးဆိုရင်ကလွဲလို့ပေါ့။ အဲဒီလိုမှ မဟုတ်ရင်..." ဖူရွှမ်နီ ဆွံ့အသွားခဲ့၏။ "ဒါက ကျင့်ကြံမှုအဆင့်ကို ထိုးဖောက်ဝင်ရောက်တာလား"</p> <p> </p> <p>​သူမ မျက်မှောင်ကြုတ်ကာ အသံတိုးတိုးဖြင့် ခွဲခြမ်းစိတ်ဖြာလိုက်သည်။ "အကယ်၍ အဲဒီ ရွှေအမြုတေအဆင့် ကျင့်ကြံသူက ခရီးလှည့်လည်နေတဲ့ ကျင့်ကြံသူတစ်ယောက် မဟုတ်ဘူးဆိုရင် ဖြစ်နိုင်ဆုံးကတော့ သူက ဝိညာဉ်ဓားဂိုဏ်းက ဖြစ်ရမယ်။ ဘာပဲဖြစ်ဖြစ် ဝိညာဉ်ဓားဂိုဏ်းက ချင်းဟယ်ခရိုင်နဲ့ သိပ်ပြီး မဝေးဘူးလေ။"</p> <p> </p> <p>​"ဝိညာဉ်ဓားဂိုဏ်းက ရွှေအမြုတေအဆင့် အကြီးအကဲတစ်ယောက်က အနီးအနားမှာ အဆင့်တက်သွားတာလား။ အဲဒါက သိပ်တော့ မဟန်ဘူး..."</p> <p> </p> <p>​"ဒီနေရာက ဝိညာဉ်စွမ်းအင်ပါးလွှာတဲ့အတွက် အဆင့်တက်ဖို့ မသင့်တော်ဘူးလေ။ အကယ်၍ တစ်ဖက်လူက အဆင့်တက်ချင်တယ်ဆိုရင် ဘာလို့ ဂိုဏ်းကိုပြန်ပြီး အဆင့်မတက်ရတာလဲ။"</p> <p> </p> <p>​သူမ နက်ရှိုင်းသော အတွေးများထဲသို့ ကျဆင်းနေစဉ် ပြည်နယ်အရာရှိ အနည်းငယ်က စိုးရိမ်တကြီး ပြေးလာကြ၏။</p> <p> </p> <p>​သူတို့ ရောက်လာသည်နှင့် တစ်ပြိုင်နက် သူတို့ထဲမှ တစ်ဦးက ချက်ချင်း စိုးရိမ်တကြီး ပြောလာခဲ့သည်။ "အရှင်မင်းသမီး၊ ရင်းနှီးကျွမ်းဝင်မှုမရှိတဲ့ ရွှေအမြုတေအဆင့် ကျင့်ကြံသူတစ်ယောက် ချင်းဟယ်ခရိုင်အနီးမှာ ပေါ်လာပါတယ်။ တစ်ဖက်လူက အရင် ရွှေအမြုတေအဆင့် ကျင့်ကြံသူတွေနဲ့ ပတ်သက်မှုရှိနေဖို့ အရမ်းများတယ်။"</p> <p> </p> <p>​ဤပြည်နယ်အစိုးရ အရာရှိပြောဆိုသော ရွှေအမြုတေအဆင့်ကျင့်ကြံသူများဆိုသည်မှာ ချင်းဟယ်ခရိုင်တွင် ဆူပူလှုပ်ရှားမှုများ ဖြစ်ပေါ်စေခဲ့သော ရွှေအမြုတေအဆင့် ကျင့်ကြံသူနှစ်ဦးနှင့် ရွှေအမြုတေအဆင့် ရုပ်သေးရုပ်တစ်ခုကို ဆိုလိုခြင်းဖြစ်သည်။</p> <p> </p> <p>​ထိုအချိန်က ဖူရွှမ်နီသည် ရှုကျီဟွာကို သူမအား ကာကွယ်ပေးရန် တောင်းဆိုခဲ့ပြီး ထိုရွှေအမြုတေအဆင့် ရန်သူများ အားလုံးကို သတ်ပစ်ခဲ့သည်။</p> <p> </p> <p>​သို့သော် ထိုတိုက်ပွဲကြောင့်ပင် ချင်းဟယ်ခရိုင်၏ ခရိုင်ရုံးချုပ်သည် အပျက်အစီးများအဖြစ်သို့ ပြောင်းလဲသွားခဲ့ရခြင်းဖြစ်သည်။</p> <p> </p> <p>​ထို့ကြောင့် ဤပြည်နယ်အစိုးရ အရာရှိများတွင် ဤကဲ့သို့သော စိုးရိမ်ပူပန်မှုများ ရှိနေခြင်းမှာ ပုံမှန်ပင်...</p> <p> </p> <p>​ဖူရွှမ်နီ၏ လေသံမှာ အလွန်တည်ငြိမ်နေပြီး သူမက ပြောလိုက်သည်။ "အရမ်းကြီး စိုးရိမ်နေစရာ မလိုဘူး။ အကယ်၍ သူတို့က တကယ်ပဲ ငါတို့ရဲ့ရန်သူတွေဆိုရင် ဘာလို့ ဒီလောက်တောင် ပေါ်ပေါ်ထင်ထင် လုပ်နေမှာလဲ။ ငါတို့ သိသွားမှာကို သူတို့ မကြောက်ဘူးလား။"</p> <p> </p> <p>​ပြည်နယ်အရာရှိများ ကြောင်အမ်းအမ်း ဖြစ်သွားကြ၏။ သူတို့ သေချာစဉ်းစားကြည့်လိုက်ရာ ၎င်းမှာ မှန်ကန်နေပုံပေါ်ပေသည်။</p> <p> </p> <p>​သူတို့သည် အလျင်စလိုဖြစ်နေသဖြင့် အမှားတစ်ခုကို လုပ်မိသွားပြီး အသေးစိတ်အချက်အလက်များကို မစဉ်းစားမိခဲ့ခြင်း ဖြစ်ပုံရသည်။ အဓိကအားဖြင့် ရွှေအမြုတေအဆင့် ကျင့်ကြံသူများ ဖြစ်နေသောကြောင့်ပင်။</p> <p> </p> <p>​သူတို့ကဲ့သို့သော အခြေတည်အဆင့် ကျင့်ကြံသူများအတွက် သူတို့ ခံစားနေရသောဖိအားမှာ ကြီးမားလွန်းလှပေသည်။</p> <p> </p> <p>​ဖူရွှမ်နီနှင့် အခြားသူများအပြင် ချင်းဟယ်ခရိုင်တွင် ကျင့်ကြံမှုအဆင့် အမြင့်ဆုံးဖြစ်သော ရှုကျီဟွာသည်လည်း ပိုင်ယီ၏အဆင့်တက်ခြင်းကို ခံစားလိုက်ရ၏။ ထို့အပြင် သူမက အရှင်းလင်းဆုံး ခံစားလိုက်ရခြင်း ဖြစ်သည်။</p> <p> </p> <p>​ရှုကျီဟွာသည် ဤထိုးဖောက်ဝင်ရောက်မှု၏ နောက်ဆက်တွဲဂယက်များထဲမှ ပိုင်ယီ၏ အားနည်းသော အငွေ့အသက်ကိုပင် ခံစားလိုက်ရသည်။</p> <p> </p> <p>​ဤအရာက သူမကို ဆွံ့အသွားစေခဲ့သည်။</p> <p> </p> <p>​"ရွှေအမြုတေပဉ္စမအလွှာလား.."</p> <p> </p> <p>​ရှုကျီဟွာ ချက်ချင်း အသက်ပြင်းပြင်း ရှူသွင်းလိုက်လေသည်။ ပိုင်ယီက သူ အဆင့်တက်တော့မည်ဖြစ်ကြောင်း သူမကို ပြောခဲ့သည်ကို သူမ သိထား၏။ ပိုင်ယီသည် ရွှေအမြုတေအဆင့် ဒုတိယအလွှာသို့ အဆင့်တက်ရန် ပြင်ဆင်နေသည်ဟု သူမ ထင်မှတ်ထားခဲ့သည်။ ဤသည်မှာ သူမ ခန့်မှန်းနိုင်သော အမြင့်ဆုံး ကန့်သတ်ချက်ဖြစ်ပြီး ထို့ထက်ပို၍ မြင့်မည်ဟု စဉ်းစားရန်ပင် သူမ မရဲခဲ့ချေ။</p> <p> </p> <p>​ပိုင်ယီ၏ကျင့်ကြံမှုနှင့် သူ၏အဆင့်တက်သည့် အမြန်နှုန်းက မည်မျှပုံကြီးချဲ့ထားသကဲ့သို့ ဖြစ်နေကြောင်းကို သူမ ကောင်းကောင်း သိထားပေသည်။ ရက်အနည်းငယ်အတွင်းမှာပင် သူသည် ရွှေအမြုတေအဆင့် ပထမအလွှာသို့ တိုက်ရိုက် ရောက်ရှိသွားခဲ့သည် မဟုတ်ပါလား။</p> <p> </p> <p>​ယခင်က သူမသည် ပိုင်ယီ၏ မိစ္ဆာဆန်သော ပါရမီကို လက်ခံနိုင်စေရန်အတွက် ပိုင်ယီက လူ့ပြည်ကို ဆင်းသက်လာတဲ့ မသေမျိုးတစ်ယောက်ပဲဟူသော ဆင်ခြေကို အသုံးပြု၍ သူမကိုယ်သူမ အမြဲ ဖြေသိမ့်နေခဲ့၏...</p> <p> </p> <p>​သို့သော် ဤတစ်ကြိမ်တွင်တော့... ပိုင်ယီ၏ မိစ္ဆာဆန်သော ပါရမီက ရှုကျီဟွာ၏နားလည်မှုကို ပြောင်းလဲသွားစေခဲ့ပြီး သူမ၏အမြင်များကို နောက်တစ်ကြိမ် ပြိုကျကာ အသစ်ပြန်လည် တည်ဆောက်သွားစေခဲ့သည်။</p> <p> </p> <p>​ဤအရာများ အားလုံးက ပိုင်ယီ၏အဆင့်တက်သည့် အမြန်နှုန်းကို ရှင်းပြနိုင်စွမ်း မရှိချေ။</p> <p> </p> <p>​ပိုင်ယီ ချင်းဟယ်ခရိုင်မှ ထွက်ခွာသွားချိန်တွင် သူသည် ရွှေအ​မြုတေအဆင့် ပထမအလွှာ၌သာ ရှိသေးသည်။ သိပ်မကြာမီမှာပင် သူသည် ရွှေအမြုတေအဆင့် ပဉ္စမအလွှာသို့ ရောက်ရှိသွားခဲ့ပြီဖြစ်သည်။</p> <p> </p> <p>​"တစ်နည်းပြောရရင်... ငါ့တပည့်က အခု ငါ့ရဲ့ ကျင့်ကြံမှုနဲ့ ရင်ပေါင်တန်းနိုင်ဖို့အတွက် အဆင့်ငယ် တစ်ခုပဲလိုတော့တာပေါ့။ သူ နောက်တစ်ကြိမ် အဆင့်တက်ဖို့ အဆင်သင့်ဖြစ်တဲ့အခါ ကျင့်ကြံခြင်းအဆင့် အများကြီးကို တစ်ချက်တည်းနဲ့ ထိုးဖောက်သွားပြီး ငါ့ကို တစ်ချက်တည်းနဲ့ ကျော်တက်သွားနိုင်တယ်ပေါ့။"</p> <p> </p> <p>​ရှုကျီဟွာသည် သူမကိုယ်သူမ ထုံထိုင်းနေပြီဟု ခံစားလိုက်ရ၏။ သူမသည် ရယ်စရာကောင်းသော အိပ်မက်တစ်ခုကို မက်နေခြင်းများလားဟု သူမ ပြင်းပြင်းထန်ထန် သံသယဝင်သွားမိလေသည်။</p> <p> </p> <p>​...</p> <p> </p> <p>​တစ်ချိန်တည်းမှာပင်။</p> <p> </p> <p>​လက်တွေ့ကမ္ဘာသို့ ပြန်လည်ရောက်ရှိလာသော ချန်ချန်ရွှယ်သည်လည်း ရွှေအမြုတေအဆင့် အငွေ့အသက် ဖြတ်သန်းသွားသည်ကို ခံစားလိုက်ရ၏။</p> <p> </p> <p>​သူမ ချက်ချင်း သတိထားလိုက်မိသော်လည်း ခေတ္တမျှ စောင့်ဆိုင်းပြီးနောက်တွင် သူမသည် ကြီးမားသော အန္တရာယ်တစ်ခုကို မခံစားရချေ။</p> <p> </p> <p>​သူမ၏ မျက်ခုံးများ ပင့်တက်သွားခဲ့ရသည်။</p> <p> </p> <p>​"ဒါက ငါနဲ့ ဘာမှမသက်ဆိုင်တဲ့ပုံပဲ။ ဖူရွှမ်နီနဲ့ရော တစ်ခုခု ပတ်သက်နေမလားတော့ မသိဘူး။ ဘာပဲဖြစ်ဖြစ် သူမရဲ့အသက်ကို လိုချင်နေတဲ့သူတွေ အများကြီး ရှိတာပဲ။"</p> <p> </p> <p>​ချန်ချန်ရွှယ် ခေါင်းခါလိုက်၏။ လက်တွေ့ကမ္ဘာတွင် တော်ဝင်မိသားစု၌ မမွေးဖွားလာခဲ့သည့်အတွက် သူမ ဝမ်းသာနေမိသည်။</p> <p> </p> <p>​သူမသည် သရုပ်ဖော်ဘဝတွင် မင်းသမီးတစ်ပါးအဖြစ် အချိန်အတော်ကြာ နေထိုင်ခဲ့ဖူးသဖြင့် တော်ဝင်မိသားစုကြားရှိ ပဋိပက္ခအမျိုးမျိုးအကြောင်းကို ကောင်းကောင်း သိထားပေသည်။</p> <p> </p> <p>​ဆိုလိုသည်မှာ အဆုံးအစမဲ့သော ပြဿနာများပင်။</p> <p> </p> <p>​သေချာပေါက် ဖူရွှမ်နီသာ အကျပ်အတည်းတစ်ခုနှင့် အမှန်တကယ် ထပ်မံကြုံတွေ့ရမည်ဆိုလျှင် ချန်ချန်ရွှယ်သည် တတ်နိုင်သမျှ ဖူရွှမ်နီကို ကူညီပေးမည်သာ ဖြစ်သည်။</p> <p> </p> <p>​ဘာပဲဖြစ်ဖြစ် သူမသည် ဖူရွှမ်နီနှင့် နှစ်ပေါင်းများစွာ အတူတကွ အလုပ်လုပ်ခဲ့ဖူးသည် မဟုတ်ပါလား။</p> <p> </p> <p>​ခိုင်မာသော ခင်မင်ရင်းနှီးမှုတစ်ခု တည်ဆောက်ထားခဲ့ပြီး ဖြစ်သည်။</p> <p> </p> <p>​ဤအချိန်တွင်  ကျင့်ကြံခြင်းသရုပ်ဖော်စနစ်၏ အသိပေးချက်က သူမ၏ စိတ်ထဲတွင် ထွက်ပေါ်လာပြီး သူမ၏ အာရုံစိုက်မှုကို ဆွဲဆောင်သွားခဲ့၏။</p> <p> </p> <p>​[ဆုလာဘ် - အခြေတည်အဆင့်ဆယ်လွှာ ကျင့်ကြံမှု (သင့်အား အခြေတည်အဆင့်ဆယ်လွှာသို့ တစ်ဟုန်ထိုး ထိုးဖောက်ဝင်ရောက်ခွင့် ပေးစွမ်းနိုင်သည်)]</p> <p> </p> <p>​ချန်ချန်ရွှယ် ဆွံ့အသွားခဲ့လေသည်။</p> <p> </p> <p>​သူမ၏ဉာဏ်ရည်ဉာဏ်သွေးသည် လုံလောက်အောင် နက်ရှိုင်းသည်ဟု သူမ ခံစားခဲ့ရ၏။ မည်သို့သော အဆုံးသတ် ဆုလာဘ်မျိုးကို လက်ခံရရှိပါစေ သူမ သိပ်ပြီး အံ့အားသင့်မည် မဟုတ်ချေ။</p> <p> </p> <p>​သို့သော် ဤအဆုံးသတ်ဆုလာဘ်ကို မြင်လိုက်ရသောအခါ သူမ၏ ခံစားချက်များကို မထိန်းချုပ်နိုင်သေးပေ။</p> <p> </p> <p>​ကြီးမားသော လှိုင်းလုံးကြီးတစ်ခုက သူမ၏ နှလုံးသားထဲတွင် ရိုက်ခတ်သွားခဲ့၏။</p> <p> </p> <p>​"အဆင့်ငယ် သုံးခု။"</p> <p> </p> <p>​"ရွှေအမြုတေအဆင့် ခြေလှမ်းတစ်ဝက်"</p> <p> </p> <p>​ချန်ချန်ရွှယ် သူမ၏ နှုတ်ခမ်းများကို စုလိုက်သည်။ တုန်လှုပ်နေသော သူမ၏ခံစားချက်များကို အနည်းငယ် တည်ငြိမ်သွားစေရန် သူမ အစွမ်းကုန် ကြိုးစားလိုက်လေသည်။</p> <p> </p> <p>​ထို့နောက် သူမ၏မျက်နှာပေါ်တွင် အပြုံးတစ်ခု ပေါ်လာ၏။ "ဒီတစ်ကြိမ် ကျင့်ကြံခြင်းသရုပ်ဖော်ဖို့အတွက် ကြိုးပမ်းအားထုတ်မှု အမျိုးမျိုးက အချည်းနှီး မဖြစ်ခဲ့ဘူးပဲ။"</p> <p> </p> <p>​နောက်တစ်ခဏတွင် ဝိညာဉ်စွမ်းအင် အမြောက်အမြားသည် သူမ၏ ခန္ဓာကိုယ်ထဲသို့ စီးဝင်လာခဲ့သည်။</p> <p> </p> <p>​ချန်ချန်ရွှယ်သည် ထိုနေရာမှာပင် အဆင့်တက်ရန် ရွေးချယ်လိုက်၏။ အဘယ်ကြောင့်ဆိုသော် သူမ နေထိုင်သောနေရာတွင် ဖုံးကွယ်ခြင်း အစီရင်များကို တစ်ခုပြီးတစ်ခု တည်ဆောက်ထားခဲ့ပြီး ဖြစ်သောကြောင့်ပင်။</p> <p> </p> <p>​ဤအစီရင်များသည် ရွှေအမြုတေအဆင့် အောက်ရှိ အဆင့်တက်သည့် ဆူပူလှုပ်ရှားမှုကို ခံနိုင်ရည်ရှိပေသည်။</p> <p> </p> <p>​နောက်ခဏ၌ သူမတစ်ယောက်တည်းသာ ကြားနိုင်သော ကျယ်လောင်သည့် အသံတစ်ခု သူမ၏ ခန္ဓာကိုယ်အတွင်းမှ ထွက်ပေါ်လာခဲ့၏။ ချန်ချန်ရွှယ်သည် အခြေတည်အဆင့်ရှစ်လွှာသို့ တိုက်ရိုက် ထိုးဖောက်ဝင်ရောက်သွားခဲ့သည်။</p> <p> </p> <p>​အသက်ရှူကြိမ် အနည်းငယ်ပင် မကြာမီမှာပင် ချန်ချန်ရွှယ်သည် အဆင့်ငယ်တစ်ခုကို နောက်တစ်ကြိမ် ထိုးဖောက်သွားခဲ့ပြန်သည်။</p> <p> </p> <p>​"အခြေတည်အဆင့် ဆယ်လွှာ"</p> <p> </p> <p>​ချန်ချန်ရွှယ် မျက်လုံးများကို ဖွင့်လိုက်၏။ သူမ၏ ခန္ဓာကိုယ်တစ်ခုလုံးရှိ ဝိညာဉ်စွမ်းအင်များသည် အဆင့်မြှင့်တင်ခြင်းတစ်ခုကို ဖြတ်သန်းသွားခဲ့ပြီဖြစ်ကြောင်း သူမ ခံစားသိရှိနိုင်ပေသည်။</p> <p> </p> <p>​"သရုပ်ဖော်စနစ်ရဲ့ ကိုယ်စားလှယ်လောင်း တစ်ယောက် မဖြစ်လာခင်တုန်းကဆိုရင် လူတစ်ယောက်က ဒီလောက်တိုတောင်းတဲ့ အချိန်လေးအတွင်းမှာ အခြေတည်အဆင့်က အဆင့်ငယ်သုံးခုကို ထိုးဖောက်ဝင်ရောက်နိုင်မယ်လို့ ငါ စိတ်ကူးတောင် ယဉ်မိမှာ မဟုတ်ဘူး။"</p> <p> </p> <p>​ချန်ချန်ရွှယ်၏ မျက်နှာပေါ်ရှိအပြုံးသည် ပို၍ ကျယ်ပြန့်လာခဲ့သည်။</p> <p> </p> <p>​ထိုအရာက သူမ၏ရင်တွင်းရှိ အံ့အားသင့်မှုကို မြင်တွေ့ရန် လုံလောက်လှပေသည်။</p>


Save