Book List

<h2 style="text-align: center;">အပိုင်း (၁၀၇၉)</h2> <h2 style="text-align: center;">ဟောင်ထျန်းနှင့် အစစ်အမှန်အင်မော်တယ်တို့၏ တိုက်ပွဲ (၂)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p><br /> <br /> “အစီအရင်ကို အမြန်ဆုံး ချလိုက်ကြစမ်း”<br /> ယင်ယန်မဟာသူတော်စင်က အရေးတကြီး တိုက်တွန်းလိုက်သည်။<br /> <br /> စစ်ဘက်ဆိုင်ရာသူတော်စင်က ခေါင်းညိတ်လိုက်ပြီး ချက်ချင်းပင် အစီအရင်ကို စတင် ခင်းကျင်းတော့သည်။<br /> <br /> တစ်ဖက်လူတွင် ဤကဲ့သို့သော ဝှက်ဖဲတစ်ခု ရှိနေလိမ့်မည်ဟု လီဟောင် မမျှော်လင့်ထားခဲ့ပေ။ ကောင်းကင်ဘုံအသီးသီးမှ သူတော်စင်များတွင် အမှန်တကယ်ပင် လျှို့ဝှက်ချက်အချို့ ရှိနေကြသေးသည်။<br /> <br /> သူတော်စင်များအားလုံး၏ လှုပ်ရှားမှုမှာ အလွန်ပင် လျင်မြန်လှသည်။ စစ်ဘက်ဆိုင်ရ။သူတော်စင်က အစီအရင်ကို ခင်းကျင်းနေစဉ်အတွင်း မိုမျိုးနွယ်စုမှ မဟာသူတော်စင်သည် ကျင့်ကြံမှုအဆင့် အမြင့်ဆုံးမှ အနိမ့်ဆုံးအထိ အစဉ်လိုက်အတိုင်း သူတော်စင် (၁၀၈) ပါးကို ရွေးချယ်လိုက်သည်။<br /> <br /> သူတော်စင်များအားလုံးသည် စစ်ဗျူဟာအစီအရင်၏ နေရာအသီးသီးသို့ ဝင်ရောက်လိုက်သောအခါ ဟင်းလင်းပြင်အတွင်း၌ ရွှေရောင်အလင်းတန်း အစီအရင်တစ်ခု ပေါ်ထွက်လာပြီး အစီအရင်၏ ဗဟိုချက်မှာ လီဟောင်အပေါ်သို့ ကျရောက်သွားခဲ့သည်။ သူတော်စင် (၁၀၈) ပါး၏ စွမ်းအင်များသည် ရွှေရောင် နတ်ဘုရား သက်တန့်တန်းများသဖွယ် လီဟောင်ထံသို့ စုစည်းရောက်ရှိလာကြသည်။<br /> <br /> လီဟောင်သည် သူ၏ သူတော်စင်တာအိုအတွင်းသို့ သူတော်စင်တာအို စွမ်းအင်များ စီးဆင်းဝင်ရောက်လာသည်ကို ချက်ချင်း ခံစားလိုက်ရသည်။ သူ၏ အသိစိတ်ပင်လယ်အတွင်း၌ သူတော်စင်များအားလုံး၏ ပုံရိပ်ယောင်များ ပေါ်ထွက်လာပြီး သူတို့သည်လည်း စစ်ပွဲအစီအရင်၏ နေရာများတွင် ရပ်နေကြကာ သူတို့၏ စွမ်းအင်များကို သက်တန့်များကဲ့သို့ ပေးပို့နေကြပုံရသည်။<br /> <br /> ဤစစ်ပွဲအစီအရင်သည် သူတော်စင်များ၏ စွမ်းအင်များကိုသာမက သူတို့၏ သူတော်စင်တာအိုများကိုပါ လီဟောင်ထံသို့ ကူးပြောင်းပေးနေခြင်း ဖြစ်သည်။<br /> <br /> လီဟောင်သည် သူ၏ ဝိညာဉ်စွမ်းအင်မှာ အရှိန်အဟုန်ဖြင့် မြင့်တက်လာသည်ကို ချက်ချင်း ခံစားလိုက်ရသည်။<br /> <br /> သူသည် ကောင်းကင်နှင့် မြေပြင်ကို အသုံးပြု၍ သူ၏ ဝိညာဉ်ကို (၃၆၀) ကြိမ်အထိ သိပ်သည်းအောင် ပြုလုပ်နိုင်သူ ဖြစ်သည်။ ယခင်က သူသည် ထိုအကန့်အသတ်ကို ချိုးဖျက်ကာ အကန့်အသတ်အဆင့်ကို ကျော်လွန်ခဲ့ဖူးသော်လည်း ယခုအခါတွင်မူ အကန့်အသတ်အဆင့်ထက်ပင် ပိုမိုမြန်ဆန်စွာ မြင့်တက်နေသည်။<br /> <br /> လီဟောင်သည် စစ်မှန်သောနဂါးကို ဆက်ခံကာ ဘိုးဘေးသူရဲကောင်းဝိညာဉ်များစွာဖြင့် ဝိညာဉ်ကို သိပ်သည်းစေပြီး ယခင်အကန့်အသတ်ကို ထပ်မံချိုးဖျက်နိုင်သော လီမျိုးနွယ်စု၏ ဝိညာဉ်ဖျက်ဆီးခြင်း နည်းစနစ်အကြောင်းကို စဉ်းစားမိလိုက်သည်။<br /> <br /> သို့သော်လည်း သူတို့၏ ဝိညာဉ်ဆက်ခံခြင်းမှာ ရပ်တည်မှုလေးခုနယ်ပယ်တွင်သာ ရှိပြီး ဘိုးဘေးဝိညာဉ်ဆက်ခံခြင်းကို အသုံးပြုကာ ဝိညာဉ်ကို အကြိမ် (၈၀) မျှသာ သိပ်သည်းစေနိုင်သည်။ အကြိမ် (၈၀) အကန့်အသတ်ကို ချိုးဖျက်ပြီး တာအိုနားလည်ခြင်းနယ်ပယ် အဆင့်သို့ မြှင့်တင်နိုင်လျှင်တောင် အကြိမ်တစ်ရာကျော်သာ ရှိပေလိမ့်မည်။<br /> <br /> ယခုမူ ဤစစ်ဘက်ဆိုင်ရာသူတော်စင်၏ စစစ်ပွဲအစီအရင်မှာ ထိုနည်းလမ်းနှင့် ဆင်တူသော အကျိုးသက်ရောက်မှု ရှိနေသည်မှာ အံ့ဩစရာဖြစ်သည်။ ကွာခြားချက်မှာ သူတော်စင်များ၏ သူတော်စင်တာအို ဝိညာဉ်သိပ်သည်းခြင်းဖြင့် လီဟောင်၏ အကန့်အသတ်များကို ချိုးဖျက်ပေးနေခြင်းပင် ဖြစ်သည်။<br /> <br /> စစ်ပွဲအစီအရင်၏ လည်ပတ်မှုနှင့်အတူ လီဟောင်၏ အရှိန်အဝါမှာ ပို၍ ပြင်းထန်လာခဲ့သည်။<br /> <br /> တစ်ချိန်တည်းတွင် လီဟောင်သည် ရှေးဟောင်းခန်းမဆီမှ လာသော အရှိန်အဝါမှာ ပိုမိုထင်ရှားလာပြီး သူတို့ထံသို့ အံ့ဩဖွယ်ကောင်းသော အရှိန်အဟုန်ဖြင့် ပြေးဝင်လာနေသည်ကို အာရုံခံမိလိုက်သည်။<br /> <br /> “သတိထားကြ... သူ လာနေပြီ”<br /> <br /> လီဟောင်သည် လေးနက်သော အမူအရာဖြင့် သတိပေးလိုက်ပြီး တိုက်ပွဲအတွက် အဆင်သင့် ပြင်လိုက်သည်။<br /> <br /> လီဟောင်၏ စကားကို ကြားရသောအခါ သူတော်စင်များအားလုံး၏ စိတ်များမှာ တင်းကျပ်သွားကြပြီး ရှေးဟောင်းခန်းမရှိရာ ဘက်သို့ လှည့်ကြည့်လိုက်ကြသည်။<br /> <br /> ...<br /> <br /> တစ်ချိန်တည်းတွင် လီဟောင်၏ ကိုယ်ပွားသည် မြင့်မြတ်နယ်မြေသို့ ရောက်ရှိသွားသည်။<br /> <br /> “ဟောင်ထျန်း... ဒါက မင်းရဲ့ ကိုယ်ပွားလား”<br /> <br /> လီဟောင်၏ ကိုယ်ပွား ပြန်ရောက်လာသည်နှင့် မြင့်မြတ်နယ်မြေတွင် စိုးရိမ်တကြီး စောင့်ဆိုင်းနေကြသော ဆေးသူတော်စင်နှင့် ဓားဆရာသခင်တို့သည် အမြန်ဆုံး ကြိုဆိုနှုတ်ဆက်ကြသည်။<br /> <br /> “ဟုတ်ပါတယ်... အခြေအနေက တကယ် စိုးရိမ်ရတယ်။ အစစ်အမှန်အင်မော်တယ် အဆင့်ရှိတဲ့ ရှေးဟောင်းနတ်ဆိုးက ကျွန်တော် မျှော်လင့်မထားတဲ့ အထူးနည်းလမ်းတွေ သုံးပြီး ကျူးကျော်လာပြီ၊ ကျွန်တော်တို့ ချက်ချင်း ဆုတ်ခွာရမယ်”<br /> <br /> လီဟောင်၏ ကိုယ်ပွားက အလျင်အမြန် ရှင်းပြလိုက်သည်။ “ကိုးပြည်ထောင် အင်မော်တယ်ကျွန်းကို ချက်ချင်း အကြောင်းကြားလိုက်ပါ၊ သူတို့ကို အခြေအနေတွေ ရှင်းပြပြီး အရေးပေါ် ဆုတ်ခွာခိုင်းလိုက်ပါ။ ပြီးတော့ အားတဲ့သူရှိရင် သေမျိုးလောကကိုသွားပြီး မဟာယုရဲ့ ပြည်နယ်၁၉ခုက လူတွေကို ခေါ်လာပေးကြပါ၊ မြင့်မြတ်နယ်မြေက သူတို့အားလုံးကို မဆံ့နိုင်ရင် ကိုးပြည်ထောင် အင်မော်တယ်ကျွန်းမှာ နေရာရှိမရှိ ကြည့်လိုက်ကြပါဦး”<br /> <br /> သူသည် အခြေအနေကို လျင်မြန်စွာ ဆက်သွယ်ပြောကြားလိုက်သည်။<br /> <br /> လီဟောင်၏ စကားကို ကြားသောအခါ ဆေးသူတော်စင်နှင့် ဓားဆရာသခင်တို့မှာ ထိတ်လန့်တုန်လှုပ်သွားကြသည်။ အစစ်အမှန်အင်မော်တယ် အဆင့်ရှိသော ရှေးဟောင်းနတ်ဆိုး ရောက်လာသည်လား။<br /> <br /> ဤနယ်မြေတွင် အင်မော်တယ်များ မရှိတော့ပေ။ ယခု အစစ်အမှန်အင်မော်တယ် အဆင့်ရှိ ရှေးဟောင်းနတ်ဆိုး ဆင်းသက်လာခြင်းမှာ သိုးအုပ်ထဲသို့ ကျားတစ်ကောင် ဝင်လာသကဲ့သို့ပင် ဖြစ်သည်။<br /> <br /> “မင်းရဲ့ အဓိကခန္ဓာကကော ဘယ်မှာလဲ”<br /> <br /> ဖုန်းပိုဖျင်သည် ဟင်းလင်းပြင်ကို ဖြတ်ကျော်ကာ ရောက်ရှိလာပြီး အရေးတကြီး မေးလိုက်သည်။<br /> <br /> လီဟောင်၏ ကိုယ်ပွားသည် တည်ကြည်စွာဖြင့် ပြောလိုက်သည်။ “အရင်းအမြစ် ဘိုးဘေးနဲ့ နတ်ဘုရားဘုရင်တို့ကတော့ စတေးခံသွားကြပြီ။ ကျွန်တော်ရဲ့ မူလခန္ဓာကတော့ အခြားသူတော်စင်တွေနဲ့ ပူးပေါင်းပြီး အဲဒီ အစစ်အမှန်အင်မော်တယ် ရှေးဟောင်းနတ်ဆိုးကို အသက်နဲ့လဲပြီး တိုက်ခိုက်ဖို့ ပြင်နေတယ်။ အကယ်၍ အနိုင်ရရင်တော့ ကောင်းကင်ဘုံအသီးသီးက ဆက်ရှိနေမှာပါ၊ ဒါပေမဲ့ ရှုံးသွားခဲ့ရင်တော့ ဆုတ်ခွာတာက မျှော်လင့်ချက်ကို ထိန်းသိမ်းရာ ရောက်လိမ့်မယ်”<br /> <br /> ထိုစကားကို ကြားရသောအခါ ထိုနေရာတွင် ရှိနေသူအားလုံး မျက်နှာပျက်သွားကြသည်။<br /> <br /> “ဟောင်ထျန်း... အဲဒါက အစစ်အမှန်အင်မော်တယ် အဆင့်ရှိတဲ့ ရှေးဟောင်းနတ်ဆိုးနော်၊ မင်း ယုံကြည်ချက် ရှိရဲ့လား”<br /> <br /> ကောင်းကင်လှည့်စားသူတော်စင်သည် အပြေးအလွှား ရောက်လာပြီး အရေးတကြီး မေးလိုက်သည်။<br /> <br /> “ယုံကြည်ချက် မရှိပါဘူး၊ ကျွန်တော်တို့ တိုက်ခိုက်ရုံပဲ ရှိတယ်။ မဟုတ်ရင် မြင့်မြတ်နယ်မြေက ဒီလောက် ကျယ်ဝန်းနေတာ၊ ကျွန်တော့်ရဲ့ လောကဦးနတ်ဝိညာဉ်က အတိုင်းအတာတစ်ခုအထိ ဖုံးကွယ်ထားပေးနိုင်ပေမဲ့ ဧရိယာက ကျယ်လွန်းတယ်။ ဒုတိယအဆင့် ရှေးဟောင်းနတ်ဆိုးတွေ မတွေ့အောင်တော့ ကျွန်တော် အာမခံနိုင်ပေမဲ့ အစစ်အမှန်အင်မော်တယ် အဆင့် ရှေးဟောင်းနတ်ဆိုး ရောက်လာရင်တော့ ကျွန်တော်လည်း မသေချာဘူး”<br /> <br /> မြင့်မြတ်နယ်မြေအတွင်းရှိ သူတော်စင်တစ်ပိုင်း အဆင့်များစွာမှာလည်း သူတို့၏ စကားကို ကြားလိုက်ရသဖြင့် အပြေးအလွှား ရောက်ရှိလာကြပြီး ကောင်းကင်သို့ မော့ကြည့်နေကြသည်။<br /> <br /> လီဟောင်၏ စကားကို ကြားသောအခါ မိထျန်းသူတော်စင်နှင့် ဆေးသူတော်စင်တို့မှာ တိတ်ဆိတ်သွားကြသည်။ လီဟောင်သည် သူတို့ ဆုတ်ခွာရန် အချိန်ရစေရန်အတွက် သူ၏ အသက်ကို ရင်းနေခြင်းဖြစ်ကြောင်း သူတို့ သိကြသည်။<br /> <br /> “မင်း တစ်ယောက်တည်းသာ ပုန်းနေမယ်ဆိုရင် အဲဒီ ရှေးဟောင်းနတ်ဆိုးက မင်းကို ရှာတွေ့မှာ မဟုတ်ဘူး မဟုတ်လား”<br /> <br /> ဓားဆရာသခင်က လီဟောင်ကို စိုက်ကြည့်ရင်း မေးလိုက်သည်။<br /> <br /> ယခင်က လီဟောင်သည် အင်မော်တယ်တံခါး အပြင်ဘက်တွင် (၁၂) နှစ်တိုင်တိုင် စောင့်ဆိုင်းခဲ့ဖူးသည်။ လီဟောင်အနေဖြင့် အစစ်အမှန်အင်မော်တယ် ရှေးဟောင်းနတ်ဆိုး၏ လိုက်လံမှုကို မရှောင်တိမ်းနိုင်ဟု သူ မယုံကြည်ပေ။<br /> <br /> လီဟောင်၏ ကိုယ်ပွားမှာ တိတ်ဆိတ်နေခဲ့သည်။ သူသာ တစ်ကိုယ်တည်းဆိုလျှင် အမှန်တကယ် ပုန်းကွယ်နေနိုင်ပြီး မိုးမြေဟင်းလင်းပြင် ကို အသုံးပြု၍ လူအချို့ကို ခေါ်ဆောင်သွားနိုင်သည်။ သို့သော် ထိုဟင်းလင်းပြင်မှာ မြင့်မြတ်နယ်မြေနှင့် နှိုင်းယှဉ်လျှင် အလွန်သေးငယ်သဖြင့် လူအနည်းငယ်ကိုသာ ကာကွယ်ပေးနိုင်လောက်သည်။<br /> <br /> ဖုန်းပိုဖျင်သည်လည်း နှုတ်ဆိတ်နေခဲ့သည်။ လီဟောင်သည် သူ၏ မိတ်ဆွေများကို မည်သည့်အခါမျှ စွန့်ပစ်မည်မဟုတ်ကြောင်း သူ သိသည်။<br /> <br /> “ငါ မင်းနဲ့အတူ သေမျိုးလောကမှာ ရှိနေခဲ့တယ်၊ အခုလည်း မင်းနဲ့အတူ လိုက်ခဲ့မယ်”<br /> <br /> ဖုန်းပိုဖျင်က လီဟောင်၏ ကိုယ်ပွားကို ပြောလိုက်ပြီး အတူတူလိုက်ရန် ပြင်လိုက်သည်။<br /> <br /> လီဟောင်၏ ကိုယ်ပွားသည် သူ၏ လက်မောင်းကို ဖမ်းကိုင်လိုက်ပြီး လေးနက်စွာ ပြောလိုက်သည်။ “အဘိုးကြီးဖုန်း... ဒီတိုက်ပွဲမှာ ကျွန်တော် ဘာမှ မသေချာဘူး၊ ကျွန်တော်ရဲ့ သူငယ်ချင်းတွေကို ကျွန်တော့်ကိုယ်စား စောင့်ရှောက်ပေးပါ”<br /> <br /> လူအုပ်ကြီးထဲမှ ဂျိဆန်းကြယ်နတ်ဘုရား နှင့် အခြားသူများလည်း ပြေးထွက်လာကြသည်။ ယခင်က လီဟောင် ထွက်ခွာသွားသည့် သတင်းကြောင့် မြင့်မြတ်နယ်မြေအတွင်း၌ စိုးရိမ်မှုများ ဖြစ်ပေါ်ခဲ့သည်။ ယခု လီဟောင်၏ စကားများကို ကြားရသောအခါ သူတို့၏ မျက်လုံးများမှာ ဝိုင်းစက်သွားကြပြီး မျက်ဝန်းအိမ်တွင် မျက်ရည်များ ဝဲလာကြသည်။<br /> <br /> သူတို့နှင့် လီဟောင်မှာ မျိုးဆက်တစ်ခုတည်းဖြစ်ပြီး သူတို့က လီဟောင်ထက်ပင် အသက်ကြီးကြသေးသည်။ ယခုအခါတွင်မူ သူတို့၏ အသက်ရှင်သန်ခွင့် အခွင့်အရေးအတွက် သူတို့၏ ပြိုင်ဘက်ဟောင်း၊ ယခု သူငယ်ချင်းဖြစ်သူက ရှေ့ဆုံးမှ ရင်ဆိုင်တိုက်ခိုက်နေသည်ကို ကြည့်ရုံသာ တတ်နိုင်ကြတော့သည်။<br /> <br /> “မသေချာဘူးဆိုရင်လည်း ငါက ပိုပြီး လိုက်ချင်သေးတယ်”<br /> <br /> ဖုန်းပိုဖျင်က လွတ်မြောက်ရန် ကြိုးစားသော်လည်း လီဟောင်၏ ကိုယ်ပွားမှာ အလွန် အင်အားကြီးမားနေသည်ကို တွေ့ရသဖြင့် သူ ထိတ်လန့်သွားသည်။<br /> <br /> “ဒီမှာပဲနေပြီး အဘိုးလေး၂ကို အဖော်ပြုပေးလိုက်ပါ။ ကျွန်တော်ကတော့ ခင်ဗျားရဲ့ ငါးဖမ်းဖော်အဖြစ်ကနေ ပျောက်ကွယ်သွားရတော့မှာမို့လို့... အခြားတစ်ယောက်ကိုတော့ ထပ်ပြီး ပျောက်ဆုံးမခံပါနဲ့တော့”<br /> <br /> လီဟောင်၏ ကိုယ်ပွား၏ အကြည့်မှာ လူအုပ်ကြီးကို ဝေ့ကြည့်လိုက်ပြီး စိုးရိမ်ထိတ်လန့်နေသော လီမူရှို့ကို မြင်တွေ့လိုက်ရသည်။<br /> <br /> လီမူရှို့မှာ ယခုအခါ တာအိုနားလည်ခြင်းနယ်ပယ်သို့ ရောက်ရှိနေပြီ ဖြစ်သည်။ လီဟောင်၏ အသံမှာ တိုးညင်းသော်လည်း သူ ကြားလိုက်ရပြီး သူ၏ မျက်လုံးများမှာ ချက်ချင်းပင် နီရဲလာကာ ပူနွေးသော မျက်ရည်များ စီးကျလာခဲ့သည်။<br />  </p> <p> </p> <p> </p> <p> </p> <p> </p> <p style="text-align: center;"> ***</p>


Save