Book List

<h2 style="text-align: center;">အပိုင်း (၁၀၈၀)</h2> <h2 style="text-align: center;">ဟောင်ထျန်းနှင့် အစစ်အမှန်အင်မော်တယ်တို့၏ တိုက်ပွဲ (၃)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p><br /> <br /> သူ၏ နှလုံးသားမှာ ဆုတ်ဖြဲခံနေရသကဲ့သို့ ခံစားနေရသော်လည်း ထိုခံစားချက်ကို ထုတ်မပြောနိုင်ခဲ့ပေ။ တိုက်ပွဲဝင်ရန် အချိန်ရောက်မှသာ ယောက်ျားတစ်ယောက်သည် သူ၏တိုက်ပွဲဝင်ရန် စွမ်းရည်မရှိသည့်အတွက် စိတ်ပျက်အားငယ်ရသည်။<br /> <br /> ဖုန်းပိုဖျင်သည် လည်ချောင်းထဲတွင် တစ်စုံတစ်ခု တစ်နေသကဲ့သို့ ခံစားလိုက်ရပြီး သူ၏အသံမှာ အနည်းငယ် အက်ကွဲကာ “လျှောက်မပြောနဲ့... မင်း မသေစေရဘူး၊ ငါ လုံးဝ ခွင့်မပြုဘူး” ဟု ပြောလိုက်သည်။<br /> <br /> လီဟောင်၏ ကိုယ်ပွားသည် အနည်းငယ် ရယ်ချင်သလို၊ ဝမ်းနည်းသလို ခံစားလိုက်ရပြီး “အဘိုးကြီးဖုန်း... သူတို့ကို ကျွန်တော့်ကိုယ်စား စောင့်ရှောက်ပေးပါ” ဟု ပြောလိုက်သည်။<br /> <br /> ထို့နောက် သူသည် မိထျန်းသူတော်စင်နှင့် ဆေးသူတော်စင်တို့ကို ကြည့်ကာ “ကိုးပြည်ထောင် အင်မော်တယ်ကျွန်းကို တတ်နိုင်သမျှ အမြန်ဆုံး ဆက်သွယ်ပါ။ ကျွန်တော် တိုက်ပွဲမှာ အစွမ်းကုန် တိုက်ခိုက်သွားမယ်။ ဒီကိုယ်ပွားကတော့ ကွယ်ပျောက်သွားတော့မယ်”<br /> <br /> “တတ်နိုင်သမျှ အမြန်ဆုံး လုပ်ကြပါ”<br /> <br /> သူက ထပ်မံ ညွှန်ကြားလိုက်သည်။<br /> <br /> မိထျန်းသူတော်စင်သည် တိတ်ဆိတ်စွာ ခေါင်းညိတ်လိုက်သည်။ လီဟောင်နှင့်အတူရှိခဲ့သော အချိန်မှာ တိုတောင်းလှသော်လည်း သူတို့သည် ကျားထိုးဖော်များ ဖြစ်လာခဲ့ကြပြီး လီဟောင်သည် သူ့ကို ဆေးဖော်စပ်ရာတွင်လည်း ကူညီပေးခဲ့ဖူးသည်။ သူသည် ဤလူငယ်လေးကို အလွန်ပင် လေးစားအားကျမိသော်လည်း ယခုအခါတွင်မူ ဝမ်းနည်းမှုသာ ကျန်ရှိတော့သည်။<br /> <br /> လူအုပ်ကြီးထဲတွင် လီမျိုးနွယ်စုဝင်များသည် ထိုမြင်ကွင်းကို ကြည့်ရင်း မှင်တက်နေကြသည်။ ဟဲကျန်းလန်၊ လီဝူရွှမ်း၊ လီယွမ်ကျောက်နှင့် အခြားသူများမှာ မျက်ရည်များ ဝဲနေကြပြီဖြစ်သည်။<br /> <br /> သူတို့သည် လီဟောင်နှင့် ခဏတာ ပြန်လည်ဆုံတွေ့ရမည်ဟု မမျှော်လင့်ထားခဲ့သော်လည်း ယခုအခါ ထာဝရ ခွဲခွာရတော့မည့် အခြေအနေနှင့် ရင်ဆိုင်နေရပြီဖြစ်သည်။<br /> <br /> “ဟောင်အာ... မင်းရဲ့ဘဝက ဘာလို့ ဒီလောက်တောင် ခါးသီးရတာလဲ” ဟဲကျန်းလန်၏ မျက်နှာမှာ မျက်ရည်များဖြင့် ပြည့်နှက်နေပြီး ကောင်းကင်မှ ကောင်လေးအတွက် ဝမ်းနည်းပူဆွေးနေမိသည်။<br /> <br /> သူ(မ)၏ ဝမ်းနည်းဖွယ် ညည်းတွားသံကို ကြားရသောအခါ ဘေးရှိ လီထျန်းကန်းနှင့် ဂျိချင်ချင်တို့မှာ တုန်လှုပ်သွားကြပြီး လက်ချောင်းများကို မသိမသာ ဆုပ်ကိုင်ထားမိကြသည်။<br /> <br /> သူတို့နောက်တွင်မူ လီဖျင်အန်းသည် လူတိုင်း၏ အကြည့်အောက်ရှိ ထိုကောင်လေးကို ကြည့်ကာ မှင်တက်နေမိသည်။<br /> <br /> လီဟောင်၏ ကိုယ်ပွားသည် အခြေအနေကို အလျင်အမြန် ရှင်းပြလိုက်ပြီးနောက် သူ၏ အမူအရာမှာ ရုတ်တရက် တည်ကြည်သွားကာ “ကျွန်တော် တိုက်ပွဲအပေါ်မှာပဲ အာရုံအပြည့်စိုက်ရတော့မယ်၊ အားလုံး အမြန်ဆုံး ဆုတ်ခွာကြပါ၊ ကျွန်ုပ်နဲ့ သူတော်စင်အပေါင်းတို့ ရယူပေးထားတဲ့ အချိန်ကို အလဟဿ မဖြစ်ပါစေနဲ့!” ဟု လေးနက်စွာ ပြောလိုက်သည်။<br /> <br /> ထိုသို့ပြောပြီးနောက် သူ၏ ပုံရိပ်မှာ တဖြည်းဖြည်း မှေးမှိန်ကာ ပျောက်ကွယ်သွားတော့သည်။<br /> <br /> “ဟောင်ထျန်း”<br /> <br /> “ဟောင်”<br /> <br /> လီဟောင်၏ ကိုယ်ပွားမှာ မီးခိုးငွေ့ကဲ့သို့ ပျောက်ကွယ်သွားသည်ကို မြင်လိုက်ရသောအခါ လူအများမှာ စကားပင် မပြောနိုင်အောင် ဖြစ်သွားကြသည်။<br /> <br /> မိထျန်းသူတော်စင်နှင့် ဆေးသူတော်စင်တို့သည် ပထမဆုံး သတိပြန်ဝင်လာသူများဖြစ်ပြီး ချက်ချင်းလှုပ်ရှားလိုက်သည်။ တစ်ဦးမှာ ချက်ချင်း ထွက်ခွာသွားပြီး နောက်တစ်ဦးမှာ မြင့်မြတ်နယ်မြေကို ကိုးပြည်ထောင် အင်မော်တယ်ကျွန်းဆီသို့ ဦးတည်ရန် တိုက်တွန်းလိုက်သည်။<br /> <br /> ဖုန်းပိုဖျင်မှာမူ ခဏမျှ ကြက်‌သေသေနေပြီး လီဟောင်၏ စကားများကို ပြန်လည်စဉ်းစားရင်း အကြည့်တို့မှာ ရှုပ်ထွေးနေသည်။ သူသည် စကားတစ်ခွန်း ပြောပြီးနောက် ဟင်းလင်းပြင်ကို လက်ဖြင့် ဆွဲဖြဲကာ မဟာယုပြည်သူများကို ပြောင်းရွှေ့ရန် သေမျိုးလောကသို့ ဝင်ရောက်သွားခဲ့သည်။<br /> <br /> ...<br /> <br /> သူတို့ လုပ်ဆောင်နေကြစဉ် ရှေးဟောင်းခန်းမ၏ အပြင်ဘက် မိုင်ငါးသောင်းခန့်ရှိ ဟင်းလင်းပြင်အတွင်း၌။<br /> <br /> လီဟောင်နှင့် သူတော်စင်များသည် ထိုနေရာတွင် စောင့်ဆိုင်းနေကြသည်။ ထိုအခိုက်အတန့်တွင် ဟင်းလင်းပြင်အတွင်း၌ လီဟောင်၏ဘေးရှိ စစ်ပွဲအစီအရင်ထဲမှ သူတော်စင် (၁၀၈) ပါးအပြင် အခြားသော သူတော်စင်များမှာ ဟင်းလင်းပြင် အက်ကွဲကြောင်းများအတွင်း၌ ပုန်းကွယ်နေကြသည်။<br /> <br /> ရွှစ်<br /> <br /> လေတိုးသံနှင့်အတူ ကြောက်မက်ဖွယ်ကောင်းသော ဖိအားတစ်ခုမှာ ရုတ်တရက် ချဉ်းကပ်လာကြသည်။ မကြာမီတွင် ဟင်းလင်းပြင်အတွင်းရှိ ပုံရိပ်တစ်ခုမှာ အရှိန်အဟုန်ဖြင့် ရွေ့လျားလာပြီး မြင်သာသော အရှိန်ဖြင့် နီးကပ်လာခဲ့သည်။<br /> <br /> ရှေးဟောင်းနတ်ဆိုး၏ ပုံရိပ်ကို ရှင်းလင်းစွာ မြင်တွေ့လိုက်ရသောအခါ လီဟောင်သည် နတ်ဝိဇ္ဇာအဖြစ် ပြောင်းလဲခြင်းစွမ်းအင်များကို စုစည်းလိုက်ပြီး လေးနက်သော အမူအရာဖြင့် ပြိုင်ဘက်ကို စိုက်ကြည့်လိုက်သည်။<br /> <br /> သူ၏ အရှိန်အဝါမှာ ဆက်လက် မြင့်တက်နေပြီး အကန့်အသတ်အဆင့်စွမ်းအင်များမှာလည်း စတင် လှုပ်ရှားလာခဲ့သည်။<br /> <br /> သူသည် 'နတ်ဘုရားစွမ်းအား အခြေအနေ' သို့ ဝင်ရောက်လိုက်သဖြင့် သူ၏ ခန္ဓာကိုယ်မှာ ရွှေရောင် နတ်ဘုရားအလင်းတန်းများ တောက်ပလာခဲ့သည်။ ထို့နောက် သူသည် နတ်ဝိဇ္ဇာအဖြစ် ပြောင်းလဲခြင်း၏ အဆုံးစွန်အဆင့်သို့ ကူးပြောင်းလိုက်ရာ သူ၏ ဆံပင်များမှာ ငွေရောင်သို့ ပြောင်းလဲသွားပြီး နတ်ဘုရားစွမ်းအားနယ်ပယ်၏ ဆယ်ဆသော ပြန်လည်ကုသနိုင်စွမ်းကြောင့် သူ၏ ခန္ဓာကိုယ်အပေါ် ဖြစ်ပေါ်လာသော ဒဏ်ရာများမှာလည်း ပြောင်းလဲခြင်း မရှိသလောက်ပင် ဖြစ်သည်။ သူ၏ အသိစိတ်သည် ကောင်းကင်နှင့်မြေပြင်တို့နှင့် ပေါင်းစပ်သွားပြီး ထိုနယ်မြေနှင့် တစ်သားတည်း ဖြစ်သွားခဲ့သည်။<br /> <br /> “ရောက်လာပြီ"<br /> <br /> သူတော်စင်များမှာ တင်းမာနေကြပြီး သူတို့၏ မျက်နှာများမှာ ညှိုးငယ်ကာ အင်မော်တယ်တံခါးအတွင်းမှ ထွက်ပေါ်လာသော ရှေးဟောင်းနတ်ဆိုးကို စိုက်ကြည့်နေကြသည်။<br /> <br /> ပြိုင်ဘက် ဤနေရာ၌ ပေါ်လာခြင်းမှာ အရင်းအမြစ် ဘိုးဘေးနှင့် နတ်ဘုရားဘုရင်တို့ ကျဆုံးသွားပြီဖြစ်ကြောင်း သက်သေပင် ဖြစ်သည်။<br /> <br /> ကောင်းကင်ဘုံအသီးသီးကို တုန်လှုပ်စေခဲ့သော ယခင်က အထွတ်အထိပ် သူတော်စင်နှစ်ပါးမှာ ယခုအခါ လျင်မြန်စွာပင် ပျောက်ကွယ် ပျက်စီးသွားရသည်မှာ ဝမ်းနည်းကြေကွဲဖွယ် ကောင်းလှသည်။<br /> <br /> “အစစ်အမှန်အင်မော်တယ် မပါဘူးလား... သူတော်စင်အဆင့် အုပ်စုတစ်စုပဲလား”<br /> <br /> အစစ်အမှန်အင်မော်တယ် အဆင့်ရှိသော ရှေးဟောင်းနတ်ဆိုးသည် လီဟောင်နှင့် အခြားသူများကို ငုံ့ကြည့်လိုက်ရာ ၎င်း၏ မျက်လုံးများမှာ ရက်စက်သော သတ်ဖြတ်လိုစိတ်များဖြင့် ပြည့်နှက်နေသည်။ ၎င်း၏ အကြည့်မှာ လီဟောင်အပေါ်သို့ ကျရောက်သွားသည်။ အခြားသော သူတော်စင်များမှာ ပိုးစုန်းကြူးလေးများ၏ အလင်းရောင်နှင့် တူသော်လည်း ဤလူငယ်ထံမှ ထွက်ပေါ်နေသော လောကဦးနတ်ဝိညာဉ် လှိုင်းများနှင့် အရှိန်အဝါမှာမူ ထွန်းလင်းသော လမင်းကြီးကဲ့သို့ပင် ဖြစ်ပြီး ၎င်းယခင်က သတ်ဖြတ်ခဲ့သော ပုရွက်ဆိတ်နှစ်ကောင်ထက်ပင် ပို၍ ကြောက်မက်ဖွယ် ကောင်းလှသည်။<br /> <br /> သို့သော် ကံကောင်းစွာဖြင့် ဤနေရာတွင် အစစ်အမှန်အင်မော်တယ် မရှိပေ။ ၎င်းအတွက်မူ ဤသည်မှာ အဆိုးဆုံး အခြေအနေ မဟုတ်ပေ။<br /> <br /> အကယ်၍ အစစ်အမှန်အင်မော်တယ် တစ်ပါးပါးသာ ရှိနေပါက ၎င်းအနေဖြင့် ကြောက်ရွံ့မည် မဟုတ်သော်လည်း ထိုအင်မော်တယ်သာ 'အင်မော်တယ် ဧကရာဇ်' ၏ အကြွင်းအကျန် လက်နက်တစ်ခုခုကို ကိုင်ဆောင်ထားပါက အနည်းငယ် စိုးရိမ်ရနိုင်သည်။<br /> <br /> ဟင်းလင်းပြင်အတွင်း၌ ခဏတာ တိတ်ဆိတ်မှု လွှမ်းမိုးသွားခဲ့သည်။<br /> <br /> တစ်ဦးနှင့်တစ်ဦး အကဲခတ်နေကြရင်း လီဟောင်သည် အလျင်စလို တိုက်ခိုက်ခြင်း မပြုသေးပေ။ သူသည် ဤတိုက်ပွဲအတွက် မသေချာသည့်အတွက် တိုက်ခိုက်ခြင်းအပြင် တိုက်ပွဲအချိန်ကို တတ်နိုင်သမျှ ဆွဲဆန့်ထားလိုခြင်း ဖြစ်သည်။<br /> <br /> သို့သော် ဤတိတ်ဆိတ်မှုမှာ ခဏတာသာ ဖြစ်သည်။ နောက်တစ်စက္ကန့်တွင် ရှေးဟောင်းနတ်ဆိုး၏ မျက်လုံးများမှာ သွေးရောင်တောက်လာပြီး ၎င်းသည် စကားပြောရန် အချိန်မဖြုန်းတော့ပေ။ ဤကဲ့သို့သော ပုရွက်ဆိတ်များနှင့် စကားပြောနေရန် မလိုပေ။ ၎င်းတို့အားလုံးကို နှိမ်နှင်းပြီးနောက် ဝိညာဉ်ကို စစ်ဆေးလိုက်ပါက ဤလောကအကြောင်းကို သိရှိနိုင်မည် ဖြစ်သည်။<br /> <br /> နှမြောစရာကောင်းသည်မှာ ယခင်က ပုရွက်ဆိတ်နှစ်ကောင်မှာ သူတို့၏ မူလခန္ဓာများ မဟုတ်ကြဘဲ ဝိညာဉ်အဆီအနှစ် မပါရှိသည့်အတွက် အသတ်ခံရချိန်တွင် ပျက်စီးသွားကြသဖြင့် ဝိညာဉ်ကို စစ်ဆေးရန် အခွင့်အရေး မရရှိခဲ့ပေ။<br /> <br /> ရှေးဟောင်းနတ်ဆိုးသည် အသံနိမ့်နိမ့်ဖြင့် ဟိန်းဟောက်လိုက်ပြီး ၎င်း၏ လက်သည်းများကို ဝေ့ယမ်းကာ လီဟောင်နှင့် အခြားသူများဆီသို့ ရိုက်ချလိုက်သည်။ ၎င်းတို့အားလုံးကို တစ်ချက်တည်းဖြင့် ခြေမှုန်းပစ်ရန် ရည်ရွယ်ခြင်း ဖြစ်သည်။<br /> <br /> ရိုးရှင်းသော တိုက်ကွက်တစ်ခုဟု ထင်ရသော်လည်း သူတော်စင်များ၏ မျက်လုံးထဲတွင်မူ ထိုလက်သည်းများသည် မိုးကုတ်စက်ဝိုင်းကို ဖြတ်တောက်ကာ ဟင်းလင်းပြင်အတွင်းရှိ မရေမတွက်နိုင်သော တာအိုများကို ဆုတ်ဖြဲဖျက်ဆီးပြီး ယှဉ်ပြိုင်၍မရသော ကြောက်မက်ဖွယ် စွမ်းအားများကို သယ်ဆောင်လာသည်ကို မြင်တွေ့နေရသည်။<br /> ဤသည်မှာ အစစ်အမှန်အင်မော်တယ် တစ်ပါး၏ နည်းစနစ်ဖြစ်သည်လား။<br /> <br /> သူတို့၏ မျက်လုံးထဲတွင် မဖျက်ဆီးနိုင်၊ မချိုးဖျက်နိုင်သော တာအိုများသည် ယခုအခါ ပြိုလဲပျက်စီးနေကြပြီ ဖြစ်သည်။<br /> <br /> ထိုတစ်ချက်တည်းသော တိုက်ခိုက်မှုသည် သူတော်စင်များအတွင်း၌ ပေါ်ပေါက်လာသော မျှော်လင့်ချက်နှင့် ယုံကြည်ချက် အလင်းတန်းလေးကို ငြှိမ်းသတ်တော့မည့် လေပြင်းတစ်ချက်ကဲ့သို့ ခံစားရစေသည်။<br /> <br /> လီဟောင်၏ မျက်လုံးများမှာ တောက်ပသော အလင်းတန်းများ ပွင့်ထွက်လာပြီး သူ၏ စွမ်းအားအားလုံးကို ထုတ်ဖော်လိုက်သည်။ ဤအခိုက်အတန့်တွင် သူသည် မည်သည့်အရာကိုမျှ ဖုံးကွယ်ထားခြင်း သို့မဟုတ် ထိန်းချုပ်ထားခြင်း မရှိတော့ပေ။<br /> <br /> သူ၏အတွင်းရှိ အင်မော်တယ်စွမ်းအင်များမှာ အပြင်သို့ လျှံထွက်လာပြီး နတ်ဝိဇ္ဇာအဖြစ် ပြောင်းလဲထားခြင်းကြောင့် ဆွဲဆောင်လာသော မိုးမြေစွမ်းအင်များနှင့် ပေါင်းစပ်ကာ သူ၏ ခန္ဓာကိုယ်ပတ်လည်တွင် မုန်တိုင်းဝဲကရက်တစ်ခုကို ဖြစ်ပေါ်စေခဲ့သည်။<br /> <br /> ထာဝရတာအိုနယ်မြေပေါ်ထွက်လာပြီး လီဟောင်၏ ဘေးပတ်ပတ်လည်မှ ဟင်းလင်းပြင်မှာ ကွဲအက်သွားကာ ပျက်စီးနေသော အင်မော်တယ် လက်နက် (၈) ခုမှာ ချက်ချင်း ပေါ်ထွက်လာသည်။ လီဟောင်၏ လောကဦးနတ်ဝိညာဉ်သည် ထိုလက်နက်များကို ထိန်းချုပ်ကာ ရှေးဟောင်းနတ်ဆိုး၏ လက်သည်းများကြားရှိ နေရာလပ်များမှတစ်ဆင့် လျင်မြန်စွာ ဖြတ်သန်းသွားစေခဲ့သည်။<br /> <br /> ဟင်းလင်းပြင် ဆုတ်ဖြဲခံရသည့် အသံများနှင့်အတူ လက်သည်းများကြားရှိ ကြောက်မက်ဖွယ်ကောင်းသော ဖိအားများကို ပျက်စီးနေသော အင်မော်တယ် လက်နက်များသ ် ခွဲထုတ်ပစ်လိုက်ပြီး ရှေးဟောင်းနတ်ဆိုး၏ ဝမ်းဗိုက်ဘေးရှိ အားနည်းသော နေရာကို တိုက်ရိုက် ပိုင်းဖြတ်ကာ ၎င်း၏ ခန္ဓာကိုယ်ကို ဖျက်ဆီးပစ်ရန် ကြိုးစားလိုက်တော့သည်။<br />  </p> <p> </p> <p> </p> <p> </p> <p> </p> <p style="text-align: center;">***</p>


Save