Book List

<h2 style="text-align: center;">အပိုင်း (၁၀၈၁)</h2> <h2 style="text-align: center;">ဟောင်ထျန်းနှင့် အစစ်အမှန်အင်မော်တယ်တို့၏ တိုက်ပွဲ (၄)</h2> <h2 style="text-align: center;">*</h2> <h2 style="text-align: center;"> </h2> <h2 style="text-align: center;"> </h2> <p> </p> <p> </p> <p><br /> <br /> ပျက်စီးနေသော အင်မော်တယ် လက်နက်များ ထိုးဖောက်သွားသည်နှင့်တစ်ပြိုင်နက် ထက်မြက်သော လက်သည်းကြီးများမှာ လီဟောင်၏ ဦးခေါင်းပေါ်သို့ ဖိနှိပ်ကာ ရိုက်ချလိုက်သည်။<br /> <br /> လီဟောင်သည် ဟိန်းဟောက်လိုက်ပြီး သူ၏အတွင်းရှိ စွမ်းအင်အားလုံးကို စုစည်းလိုက်သည်။ သူ၏ လက်ထဲတွင် ကျိုးပဲနေသော ဓားကို ကိုင်ဆွဲကာ လက်ကို မြှောက်လိုက်ပြီး အထွတ်အထိပ် ဓားကွက်တစ်ခုကို ထုတ်ဖော်လိုက်သည်။<br /> <br /> ဤဓားကွက်မှာ ‘အင်မော်တယ် လမ်းညွှန်ချက်’ ပုံစံမျိုး ဖြစ်သော်လည်း ၎င်း၏ စွမ်းအားမှာမူ အင်မော်တယ် လမ်းညွှန်ချက်နှင့် မတူဘဲ ‘အင်မော်တယ်၏ ဒေါသတကြီး ပိုင်းဖြတ်မှု’ နှင့် ပို၍ ဆင်တူနေသည်။<br /> <br /> ဟင်းလင်းပြင်အတွင်း၌ မရေမတွက်နိုင်သော မိုးကြိုးသံများမှာ ဟိန်းထွက်လာပြီး ကောင်းကင်နှင့် မြေပြင်တို့ကပင် ဒေါသတကြီး အော်ဟစ်နေသကဲ့သို့ ခံစားရစေသည်။<br /> <br /> ထိုဓားအရှိန်အဝါသည် ကောင်းကင်ကို တုန်ခါသွားစေပြီး သူ၏ ပတ်ဝန်းကျင် မိုင်ပေါင်းထောင်ချီအတွင်းရှိ စွမ်းအားအားလုံးကို ရေလွှမ်းမိုးမှုကြီးသဖွယ် စုစည်းကာ ဓားအလင်းတန်းအဖြစ် ပြောင်းလဲလိုက်ပြီး လက်သည်းကြီးနှင့် ထိပ်တိုက် တွေ့ဆုံစေလိုက်သည်။<br /> <br /> ကြောက်မက်ဖွယ်ကောင်းသော အသံကြီး တစ်ခုမှာ ဟိန်းထွက်သွားပြီး ကောင်းကင်ဘုံမှာ ကျယ်လောင်စွာ မြည်ဟည်းသွားခဲ့သည်။<br /> <br /> ဟင်းလင်းပြင်အတွင်း၌ ပုံစံမမှန်သော အက်ကွဲကြောင်းများ ပေါ်ပေါက်လာပြီး ဓားအလင်းတန်းမှာ လက်သည်းကြီး တစ်ခုလုံးကို ဖုံးလွှမ်းသွားခဲ့သည်။ အံ့ဩစရာကောင်းသည်မှာ ထိုဓားစွမ်းအားသည် လက်သည်းကြီးကို အပေါ်သို့ အတင်းအကျပ် ပင့်တင်လိုက်နိုင်ခြင်းပင် ဖြစ်သည်။<br /> <br /> ဤကြောက်မက်ဖွယ်ကောင်းသော ထိတွေ့မှုကြောင့် ဟင်းလင်းပြင် အက်ကွဲကြောင်းများထဲ၌ ပုန်းကွယ်နေကြသော သူတော်စင်များမှာ မှင်တက်သွားကြပြီး ငွေရောင်လျှပ်စီးများ တောက်ပနေသော လူငယ်ကို မယုံကြည်နိုင်စွာ ကြည့်နေမိကြသည်။ ဤသည်မှာ လီဟောင်၏ တကယ့် ခွန်အားအစစ်အမှန်လား။<br /> <br /> ဓားအလင်းတန်းသည် လက်သည်းကြီးကို တားဆီးထားချိန်တွင် လီဟောင်၏ လောကဦးနတ်ဝိညာဉ်၏ ထိန်းချုပ်မှုအောက်ရှိ ပျက်စီးနေသော အင်မော်တယ် ဓား (၈) လက်မှာ ရှေးဟောင်းနတ်ဆိုး၏ ဝမ်းဗိုက်ဘေးဘက်သို့ လျင်မြန်စွာ ပိုင်းဖြတ်လိုက်ရာ ထိုးဖောက်သံများ ထွက်ပေါ်လာသည်။ ဓားဦးမှာ ရှေးဟောင်းနတ်ဆိုး၏ အရေပြားကို ဖောက်ထွက်သွားသော်လည်း သစ်သားတုံးကြီးကို ပိုင်းဖြတ်လိုက်ရသကဲ့သို့ နစ်မြုပ်နေသော ခံစားချက်မျိုးကို ဖြစ်ပေါ်လာခဲ့သည်။<br /> <br /> လီဟောင်၏ မျက်နှာမှာ ပြောင်းလဲသွားပြီး ပျက်စီးနေသော အင်မော်တယ် ဓား (၈) လက်ကို တစ်ပြိုင်နက်တည်း အသုံးပြုကာ ၎င်း၏ ခန္ဓာကိုယ်အတွင်းပိုင်းကို အစိတ်စိတ်အမြွှာမြွှာ ဖြစ်သွားစေရန် ကြိုးစားလိုက်သည်။<br /> <br /> သို့သော် သူ၏ လောကဦးနတ်ဝိညာဉ်မှာ အင်မော်တယ် ဓား (၈) လက်အပေါ်သို့ ပြန့်ကျဲနေသဖြင့် အရာဝတ္ထုများကို ထိန်းချုပ်သည့် စွမ်းအားမှာ ရှစ်ပိုင်း ကွဲသွားကာ အားနည်းသွားခဲ့သည်။ ထို့ကြောင့် သူသည် ထိုနတ်ဆိုး၏ အသားထဲသို့ နက်နက်ရှိုင်းရှိုင်း မထိုးဖောက်နိုင်ခဲ့ပေ။<br /> <br /> ဤအခိုက်အတန့်တွင် ရှေးဟောင်းနတ်ဆိုးမှာလည်း ထိတ်လန့်သွားခဲ့သည်။ အစစ်အမှန်အင်မော်တယ် တစ်ပါး ဖြစ်နေသော်လည်း သူတော်စင်အဆင့်ရှိသူ တစ်ဦး၏ ဒဏ်ရာပေးခြင်းကို ခံလိုက်ရသည်မှာ ၎င်းအတွက် အလွန်မယုံကြည်နိုင်စရာ ဖြစ်နေသည်။<br /> <br /> ၎င်းသည် မိုးခြိမ်းသံကဲ့သို့ အသံနိမ့်နိမ့်ဖြင့် ဟိန်းဟောက်လိုက်ရာ ၎င်း၏ ခန္ဓာကိုယ်မှ အစစ်အမှန်အင်မော်တယ် ဖိအားများ ပေါ်ထွက်လာပြီး အင်မော်တယ်စွမ်းအင်များ လျှံထွက်လာခဲ့သည်။ ၎င်း၏ ခန္ဓာကိုယ်အတွင်းသို့ ထိုးဝင်နေသော ပျက်စီးနေသော အင်မော်တယ် ဓား (၈) လက်မှာ ချက်ချင်းလွင့်ထွက်သွားခဲ့ပြီး ပြင်းထန်သော တုန်ခါမှုကြောင့် လီဟောင်၏ လောကဦးနတ်ဝိညာဉ်ပင် လှုပ်ခါသွားခဲ့သည်။<br /> <br /> လီဟောင်နှင့်အတူ စစ်ပွဲအစီအရင်တွင် ပါဝင်နေသော သူတော်စင် (၁၀၈) ပါးသည်လည်း သူတို့၏ လောကဦးနတ်ဝိညာဉ်များတွင် တုန်ခါမှုကို ခံစားလိုက်ရသည်။ သူတို့သည် ထိုရိုက်ခတ်မှု၏ အစိတ်အပိုင်း အနည်းငယ်ကိုသာ ခံစားရခြင်း ဖြစ်သော်လည်း မူးဝေသွားကြရသည်။<br /> <br /> ရှေးဟောင်းနတ်ဆိုး ထုတ်ဖော်လိုက်သော အင်မော်တယ် စွမ်းအင်များကို မြင်လိုက်ရသောအခါ လီဟောင်၏ အကြည့်မှာ အလွန်တရာ လေးနက်သွားခဲ့သည်။ သူ၏ အရိုးများအားလုံးမှာ တဂျွတ်ဂျွတ် မြည်လာပြီး သူ၏နောက်ကွယ်တွင် 'ကောင်းကင်ဘုံ ကြယ်တာရာ သွေးကြော' ပေါ်ထွက်လာခဲ့သည်။ ကြယ်တာရာများ၏ တောက်ပသော အလင်းတန်းများကို သူ၏ ပတ်ဝန်းကျင်တွင် စုစည်းလိုက်ရာ သူ၏ ခန္ဓာကိုယ်မှာ ကြယ်အလင်းတန်းများဖြင့် တောက်ပလာပြီး ကောင်းကင်ဘုံ ကြယ်တာရာများထံမှ စွမ်းအားများကို အဆက်မပြတ် ရယူလိုက်သည်။<br /> <br /> ဤမြင်ကွင်းကို မြင်လိုက်ရသောအခါ သူတော်စင်များမှာ ထပ်မံ၍ အံ့အားသင့်သွားကြပြန်သည်။<br /> <br /> သို့သော် လီဟောင်၏ လှုပ်ရှားမှုများမှာ ဤမျှနှင့် မပြီးသေးပေ။ သူ၏ ခန္ဓာကိုယ်မှာ ကြီးမားလာပြီး မိုးမြေအသွင်ပြောင်းခြင်း နတ်ဘုရားခန္ဓာနည်းစနစ်ကို ထုတ်ဖော်လိုက်ရာ သာမန်လူသား အရွယ်အစားမှသည် ပေပေါင်းထောင်ချီ၊ ထို့နောက် ပေပေါင်းသောင်းချီအထိ ရုတ်တရက် ကြီးမားလာခဲ့သည်။<br /> <br /> ယခုအခါ လီဟောင်၏ အရွယ်အစားမှာ ဤရှေးဟောင်းနတ်ဆိုး၏ အရွယ်အစားနှင့် နီးစပ်သွားပြီ ဖြစ်သည်။<br /> <br /> တစ်ချိန်တည်းမှာပင် လီဟောင်၏ နောက်ကွယ်၌ ထင်ရှားသော မိုးမြေဥပ‌ဒေသနတ်ဝိဉာဉ် ပေါ်ထွက်လာခဲ့သည်။<br /> <br /> ထင်ရှားသော မိုးမြေဥပ‌ဒေသ နတ်ဝိဉာဉ်မှာ လီဟောင်၏ မိုးမြေအသွင်ပြောင်းခြင်း ခန္ဓာကိုယ်ထက် အနည်းငယ် ပို၍ ကြီးမားသော်လည်း ယခင်ကကဲ့သို့ အရွယ်အစား အဆမတန် ကွာခြားခြင်း မရှိတော့ပေ။<br /> <br /> ထူးခြားသည်မှာ လီဟောင်၏ ထင်ရှားသောမိုးမြေဥပဒေသ နတ်ဝိဉာဉ်ပတ်ပတ်လည်တွင် သူတော်စင်များ၏ ထင်ရှားသောမိုးမြေဥပဒေသနတ်ဝိဉာဉ် ပုံရိပ်ယောင်များမှာ မမျှော်လင့်ဘဲ ပေါ်ထွက်လာခြင်းဖြစ်သည်။ ထိုသူတော်စင် နတ်ဝိဉာဉ်ပုံရိပ်များသည် လီဟောင်၏ နတ်ဝိဉာဉ်ပုံရိပ်၏ တစ်ဝက်ခန့်သာ ရှိသော်လည်း အရေအတွက်မှာ တစ်ရာကျော် ရှိနေသဖြင့် ကောင်းကင်ယံ တစ်ခုလုံးကို ဖုံးလွှမ်းသွားခဲ့သည်။<br /> <br /> “ဒါ... ငါ့ရဲ့ ထင်ရှားသောမိုးမြေဥပဒေသနတ်ဝိဉာဉ် မဟုတ်လား”<br /> <br /> စစ်ပွဲအစီအရင်အတွင်းရှိ သူတော်စင်များသည် သူတို့၏ ထင်ရှားသောမိုးမြေဥပဒေသ နတ်ဝိဉာဉ်များကို လီဟောင် ပုံတူကူးယူထားပြီး လီဟောင်၏ ထင်ရှားသောမိုးမြေဥပဒေသ နတ်ဝိဉာဉ်ကို ဝန်းရံထားသည်ကို မြင်တွေ့လိုက်ရသဖြင့် ထိတ်လန့်သွားကြသည်။<br /> <br /> လီဟောင်သည်လည်း ဤအခြေအနေကို သတိပြုမိလိုက်သည်။ ၎င်းမှာ သူ ကြိုတင်မျှော်လင့်ထားခြင်း မရှိသော ကိစ္စဖြစ်သည်။ ပို၍ အံ့ဩစရာကောင်းသည်မှာ သူသည် ထင်ရှားသော မိုးမြေဥပ‌ဒေသ နတ်ဝိဉာဉ်ကို ထုတ်ဖော်လိုက်သည်နှင့် သူတော်စင်များအားလုံး၏ မိုးမြေဥပဒေသ နတ်ဝိဉာဉ်များပါ ထွက်ပေါ်လာပြီး ပိုမိုကြောက်မက်ဖွယ်ကောင်းသော စွမ်းအားများကို သယ်ဆောင်လာခြင်းပင် ဖြစ်သည်။<br /> <br /> “ဒါက အဆုံးစွန်အဆင့်ဆီကို သွားတဲ့ လမ်းစဉ်လား”<br /> <br /> လီဟောင်၏ အကြည့်မှာ တောက်ပသွားသော်လည်း ဆက်လက် စဉ်းစားနေရန် အချိန်မရှိပေ။ သူသည် အသက်ပြင်းပြင်း တစ်ချက် ရှူလိုက်ပြီး သူ၏ နောက်ဆုံးဝှက်ဖဲ ဖြစ်သော ‘သူတော်စင်လမ်းစဉ်သုံးခု ပေါင်းစပ်ခြင်း’ မှတစ်ဆင့် ဖန်တီးထားသော ‘ကောင်းကင်တာအို သန္ဓေသား’  ကို အသုံးပြုလိုက်သည်။<br /> <br /> ကောင်းကင်တာအို စွမ်းအင်များ ပြန့်နှံ့သွားသည်နှင့်အမျှ လီဟောင်၏ အရှေ့ရှိ ရှေးဟောင်းနတ်ဆိုး၏ အမူအရာမှာ သိသိသာသာ ပြောင်းလဲသွားခဲ့သည်။<br /> <br /> “ပိုင်းဖြတ်စမ်း”<br /> <br /> လီဟောင်သည် ပျက်စီးနေသော အင်မော်တယ် ဓား (၈) လက်ကို ပြန်လည် ခေါ်ယူလိုက်ပြီး ၎င်းတို့ထဲမှ အထက်မြက်ဆုံး ဓားတစ်လက်ကို စတေးလိုက်ကာ သူ၏ စွမ်းအားအားလုံးကို ထိုဓားအတွင်းသို့ အပြည့်အဝထည့်သွင်းလိုက်သည်။ ဓားအလင်းတန်းမှာ ရုတ်တရက် တောက်ပလာပြီး ခဏချင်းအတွင်းမှာပင် ရှေးဟောင်းနတ်ဆိုး၏ ဝမ်းဗိုက်ဘေးဘက်သို့ လခြမ်းပုံသဏ္ဌာန် ပိုင်းဖြတ်လိုက်သည်။ ထိုအရှိန်မှာ မြန်ဆန်လွန်းသဖြင့် သူတော်စင်များ၏ လောကဦးနတ်ဝိညာဉ်များပင် လိုက်မမီနိုင်တော့ပေ။<br />  </p> <p> </p> <p> </p> <p> </p> <p> </p> <p> </p> <p style="text-align: center;"> ***</p>


Save