Book List

<h2 style="text-align: center;">အခန်း (၄၁)</h2> <h2 style="text-align: center;">အလောင်းဆီမှ ပစ္စည်းလုယူခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>နောက်တစ်နေ့ နံနက်။</p> <p> </p> <p>ချန်ရှင်းဂိုဏ်း၏ ရင်ပြင်ပေါ်တွင် အတွင်းဂိုဏ်းသား ဝတ်စုံများကို ဝတ်ဆင်ထားသော အတွင်းဂိုဏ်းသား ရာပေါင်းများစွာ ရပ်နေကြသည်။</p> <p> </p> <p>ဤလူများ အားလုံးသည် ပြိုင်ပွဲတစ်ခုမှတစ်ဆင့် စမ်းသပ်လေ့ကျင့်ရေးကွင်း သို့ ဝင်ရောက်ရန် ရွေးချယ်ခံခဲ့ရသူများ ဖြစ်ပြီး ၊ စုစုပေါင်း လူ ၃၀၀ ကျော် ရှိသည်။</p> <p> </p> <p>အရေအတွက်မှာ အများကြီးဟု ထင်ရသော်လည်း ၊ ဂိုဏ်းအတွင်းရှိ အခြေခံတည်ဆောက်ခြင်းအဆင့်ရှိ အတွင်းဂိုဏ်းသား ၁၀၀၀ ကျော်နှင့် နှိုင်းယှဉ်ပါက ၊ ဤလူသုံးရာ ဆိုသည်မှာ နည်းပါးသော အရေအတွက် တစ်ခုဟု သတ်မှတ်ရပေမည်။</p> <p> </p> <p>ချန်လော့သည် လောချင်းယွီ၏ ဘေးတွင် ရပ်လျက် အတွင်းဂိုဏ်းသားများ၏ အရှေ့ဆုံးတွင် ရှိနေသည်။</p> <p> </p> <p>သူသည် တိုက်ရိုက်တပည့် တစ်ဦး ဖြစ်သောကြောင့် ၊ အများတကာထက် အထူး အခွင့်အရေးများ ရရှိခြင်းသည် ပုံမှန်ပင် ဖြစ်သည်။</p> <p> </p> <p>ချန်လော့နှင့် မလှမ်းမကမ်းတွင် သူ၏ မိတ်ဟောင်းဆွေဟောင်း တစ်ဦး ဖြစ်သော ကျောက်မန် ရပ်နေသည်။</p> <p> </p> <p>"မင်း ဒီနေရာမှာ ဘာလုပ်နေတာလဲ..." ချန်လော့က စပ်စုလိုစိတ်ဖြင့် မေးလိုက်သည်။</p> <p> </p> <p>ကျောက်မန်သည် ချန်လော့ဘက်ကို လှည့်ကြည့်လာကာ မျက်မှောင်ကြုတ်သွားသည်။</p> <p> </p> <p>"စမ်းသပ်လေ့ကျင့်ရေးကွင်း ကို သွားမလို့လေ..."</p> <p> </p> <p>"ဟင်..."</p> <p> ချန်လော့ အံ့အားသင့်သွားသည်။</p> <p>"မင်း ကြည့်ရတာ အခြေခံတည်ဆောက်ခြင်းအဆင့် ကို ရောက်သေးတဲ့ပုံ မပေါ်ပါဘူး..."</p> <p> </p> <p>"ရွှေမြုတေအဆင့် အောက်က ဘယ်သူမဆို ဝင်ခွင့် ရှိတယ်... အခြေခံတည်ဆောက်ခြင်းအဆင့် ကို ရောက်ဖို့ မလိုအပ်ဘူး..."</p> <p> အဆိပ်တောင်ထွတ် အကြီးအကဲ က ဝင်ရောက် ရှင်းပြလိုက်သည်။</p> <p> </p> <p>"ချန်လော့... မင်း အဆင်ပြေမယ်ဆို စမ်းသပ်လေ့ကျင့်ရေးကွင်း ထဲ ရောက်သွားရင် ကျေးဇူးပြုပြီး ကျောက်မန် ကို စောင့်ရှောက်ပေးပါလား..."</p> <p> </p> <p>"ဘာပဲဖြစ်ဖြစ် မင်းတို့ နှစ်ယောက်က မိတ်ဟောင်းဆွေဟောင်း တွေပဲလေ..."</p> <p> </p> <p>အဆိပ်တောင်ထွတ် အကြီးအကဲ သည် သူ၏ မျက်နှာပေါ်တွင် အပြုံးတစ်ခုကို ဆောင်ထားရင်း ပြောလိုက်သည်။</p> <p> </p> <p>ဆရာဖြစ်သူ၏ စကားများကို ကြားပြီး ကျောက်မန်မှာ စကားပြောရန်ပင် ဆွံ့အသွားတော့သည်။</p> <p> </p> <p>သူမကို စောင့်ရှောက်ခိုင်းသတဲ့လား... ဒီသကောင့်သားကသာ သူမရဲ့ အကြီးမားဆုံး အန္တရာယ်ကောင်ကြီးလေ... ချန်လော့သာ မရှိရင် သူမက အဆပေါင်းတစ်ရာလောက် ပိုပြီး လုံခြုံဦးမယ်…</p> <p> </p> <p>ချန်လော့သည် အစပိုင်းတွင် ငြင်းဆန်ချင်ခဲ့သော်လည်း ၊ ထို့နောက် ကျောက်မန်သည် အဆိပ်တောင်ထွတ် အကြီးအကဲ ၏ တပည့် တစ်ဦး ဖြစ်သည့်အပြင် အဆိပ်တစ်သောင်းခန္ဓာ လည်း ရှိနေသဖြင့် သူမသည် ချန်ရှင်းဂိုဏ်း ၏ အဖိုးတန် ရတနာ တစ်ပါး ဖြစ်ကြောင်း တွေးမိလိုက်သည်။</p> <p> </p> <p>ယခု သူမသည် ချီသန့်စင်ခြင်းအဆင့် တွင်သာ ရှိနေသေးရာ စမ်းသပ်လေ့ကျင့်ရေးကွင်း သို့ ဝင်ရောက်ခြင်းသည် သူမအတွက် အန္တရာယ်များနှင့် ပြည့်နှက်နေမည်မှာ သေချာသည်။ ထိုကြောင့် သူမ၏ လုံခြုံရေးကို အာမခံနိုင်ရန် အဆိပ်တောင်ထွတ် အကြီးအကဲ သည်  သူမကို အသက်ကယ် ပစ္စည်းများစွာ ပေးထားမည် မဟုတ်လော။</p> <p> </p> <p>သူမ၏ စောင့်ရှောက်သူ အနေဖြင့် ထိုဆုကြေးကို ရယူခြင်းသည် သဘာဝကျပေသည် …</p> <p> </p> <p>ထိုအရာကိုတွေးမိသည်နှင့် ချန်လော့သည် ချက်ချင်းလက်ငင်း တောက်ပစွာ ပြုံးလိုက်သည် ။</p> <p>"အကြီးအကဲ... စိတ်မပူပါနဲ့... ကျွန်တော်တို့ စမ်းသပ်လေ့ကျင့်ရေးကွင်း ထဲ ရောက်တာနဲ့ ကျွန်တော် ချန်လော့ အသက်ရှင်နေသရွေ့ ကျောက်မန် ကို အထိခိုက်ခံမှာ မဟုတ်ပါဘူး..."</p> <p> </p> <p>ထိုစကားကို ကြားလိုက်ရချိန်တွင် အဆိပ်တောင်ထွတ် အကြီးအကဲ သည် အလွန် ကျေနပ်အားရစွာဖြင့် ခေါင်းညိတ်လိုက်သည်။</p> <p> </p> <p>သို့သော် ကျောက်မန်သည် ချန်လော့၏ အပြုံးကို ကြည့်လိုက်သောအခါ သူမ၏ ကျောရိုးတစ်လျှောက် အေးစိမ့်သွားသည်ကို ခံစားလိုက်ရသည်။</p> <p> </p> <p>ဒီလိုအပြုံးမျိုးကို သူမ အရင်က မြင်ဖူးသလိုပဲ... သွေးသဲကန္တာရ မှာ ချန်လော့ သူမကို အဆိပ်သီး ကျွေးတုန်းကလည်း ဒီအမူအရာမျိုးပဲလေ…</p> <p> </p> <p>"တိတ်တိတ်နေကြ..."</p> <p> </p> <p>အသံထွက်လာသည်နှင့် အနည်းငယ် ဆူညံနေသော ရင်ပြင်ကြီးမှာ ချက်ချင်း တိတ်ဆိတ်သွားပြီး ၊ လေတိုက်ခတ်ခြင်းကြောင့် သစ်ရွက်လှုပ်ရှားသံသာ ကျန်ရစ်ခဲ့သည်။</p> <p> </p> <p>ယွီထျန်းစီ သည် ရင်ပြင်၏ အလယ်တွင် ရပ်ကာ အတွင်းဂိုဏ်းသား များကို ကြည့်လိုက်သည်။</p> <p> </p> <p>"ဒီနေ့ စမ်းသပ်လေ့ကျင့်ရေးကွင်း ကို စတင် ဖွင့်လှစ်မယ်... ပြီးတော့ တစ်လကြာမယ်... ဒီတစ်လတာ ကာလအတွင်းမှာ မင်းတို့ကို အခွင့်အရေး တွေရော အန္တရာယ်တွေကပါ အဖော်ပြုပေးလိမ့်မယ်... ဘာအခွင့်အရေးတွေ ရမလဲ၊ ဘယ်လို အန္တရာယ်တွေနဲ့ ကြုံတွေ့ရမလဲ ဆိုတာက မင်းတို့ရဲ့ ကိုယ်ပိုင် ကံကြမ္မာ အပေါ်မှာပဲ မူတည်တယ်..."</p> <p> </p> <p>"မင်းတို့ အားလုံးက ဂိုဏ်းရဲ့ ထိပ်တန်း အစွမ်းအစ ရှိသူတွေပဲ... ဂိုဏ်းချုပ် တစ်ယောက်အနေနဲ့ မင်းတို့ အားလုံး စမ်းသပ်လေ့ကျင့်ရေးကွင်း ထဲမှာ တိုးတက်လာဖို့နဲ့ တစ်ခုခု ရရှိလာဖို့ မျှော်လင့်ပါတယ်... ဒီ ရှားပါးတဲ့ အခွင့်အရေးကို အလဟဿ မဖြုန်းတီးပစ်ကြနဲ့..."</p> <p> </p> <p>ထိုသို့ ပြောပြီးနောက် သူသည် ဝင်္ကပါတောင်ထွတ် အကြီးအကဲ ကို လှည့်ကြည့်လိုက်သည်။</p> <p> </p> <p>"နေရာရွှေ့ပြောင်းခြင်း ဝင်္ကပါ ကို အသက်သွင်းလိုက်..."</p> <p> </p> <p>ယွီထျန်းစီ ၏ စကားများသည် အလွန် တိုတောင်းပြတ်သားသည်။ တစ်မနက်ခင်းလုံး ကြာအောင် စကားအရှည်ကြီး ပြောတတ်သည့် ခေါင်းဆောင်အချို့နှင့် မတူချေ။</p> <p> </p> <p>ဝင်္ကပါတောင်ထွတ် အကြီးအကဲ သည် သူ၏ လက်ကို ဝှေ့ယမ်းလိုက်ရုံဖြင့် မြေပြင်တွင် နေရာရွှေ့ပြောင်းခြင်း ဝင်္ကပါ တစ်ခုကို ဖန်တီးဆောက်လုပ်ပြီးကာ လူတိုင်း၏ ရှေ့တွင်ပေါ်ထွက်လာစေသည်။</p> <p> </p> <p>"စမ်းသပ်မှုမှာ ပါဝင်မယ့်သူတွေ အထဲဝင်ကြ..."</p> <p> </p> <p>ယွီထျန်းစီ၏ စကားသံအဆုံးတွင် ၊ အတွင်းဂိုဏ်းသား အားလုံးသည် နေရာရွှေ့ပြောင်းခြင်း ဝင်္ကပါ ဆီသို့ ဦးတည် သွားကြသည်။</p> <p> </p> <p>သို့သော် ချန်လော့သည် အလျင်စလို မထွက်ခွာသေးပေ။ ယင်းအစား သူသည် ကျောက်မန်ကို ကြည့်ကာ သူမ အရင် သွားမည့် အချိန်ကို စောင့်ဆိုင်းနေပုံရသည်။</p> <p> </p> <p>"အမျိုးသမီးက ပထမလေ..."</p> <p> </p> <p>ချန်လော့သည် အလွန် ယဉ်ကျေးပျူငှာစွာ ပြောလိုက်သည်။</p> <p> </p> <p>အကြောင်းရင်း တစ်ခုခုကြောင့် သူမကို ကြည့်နေသည့် ချန်လော့၏အကြည့်က အနည်းငယ် မရိုးမသား ဖြစ်နေသည်ဟု ကျောက်မန်တစ်ယောက် ခံစားနေမိသည်။</p> <p> </p> <p>သို့သော် အတန်ကြာ စဉ်းစားပြီးနောက် သူမသည် ရှေ့က‌နေ ထွက်သွားခဲ့သည်။</p> <p> </p> <p>မည်သို့ပင်ဖြစ်စေ ၊ သူမသည် ချန်လော့နှင့် အတူ ဤနေရာတွင် တစ်နေကုန် အချိန်ဖြုန်းနေရန် အချိန်မရှိပေ။</p> <p> </p> <p>ကျောက်မန် ထွက်သွားသည်ကို မြင်ပြီး ချန်လော့သည် ချက်ချင်း နောက်မှ လိုက်ပါသွားသည်။</p> <p> </p> <p>ကျောက်မန်၏ နောက်သို့ ကပ်လျက် လိုက်သွားသော ချန်လော့ကို ကြည့်ရင်း အဆိပ်တောင်ထွတ် အကြီးအကဲ က ပြုံးလိုက်သည်။</p> <p> </p> <p>"လူငယ်လေးတွေ... လူငယ်လေးတွေ ဆိုတာ အံ့သြစရာ ကောင်းတာပဲ..."</p> <p> </p> <p>…</p> <p> </p> <p>နေရာရွှေ့ပြောင်းခြင်း ဝင်္ကပါ ကို ဖြတ်သန်းပြီးနောက် ချန်လော့နှင့် ကျောက်မန်တို့ သည် စမ်းသပ်လေ့ကျင့်ရေးကွင်း သို့ ရောက်ရှိသွားကြသည်။</p> <p> </p> <p>ဤနေရာသည် အတွင်းဂိုဏ်းသားများ အားလုံး နေရာရွှေ့ပြောင်းခြင်း ခံခဲ့ရသော ရှေးဟောင်း သစ်တောကြီး တစ်ခု ဖြစ်သည်။</p> <p> </p> <p>ချန်လော့သည် ရှေးဟောင်း သစ်တောကြီး ၏ သာယာလှပသော ရှုခင်းများကို ငေးမောကြည့်ရှုရင်း၊ အလှတရားများမှ ပြန်လည်သတိမဝင်လာသေးမီ မလှမ်းမကမ်းမှ စူးရှသော အော်ဟစ်သံ တစ်ခုကို ရုတ်တရက် ကြားလိုက်ရသည်။</p> <p> </p> <p>"အား..."</p> <p> </p> <p>ထိုအသံကို ကြားသည်နှင့် ချန်လော့သည် သူ၏ ဓားရိုးကို ချက်ချင်း ဆုပ်ကိုင်လိုက်ပြီး သတိထားလိုက်သည်။</p> <p> </p> <p>ကျောက်မန်သည် ချန်လော့၏ နောက်တွင် ဝင်ပုန်းရန် အလိုအလျောက် ရွေ့လျားသွားသည်။</p> <p> </p> <p>ချန်လော့သည် သိပ်ပြီး အားကိုးရလောက်သည့်သူ မဟုတ်သော်လည်း အနည်းဆုံးတော့ သူ၏ စွမ်းရည်များသည် အတော်လေး ကောင်းမွန်သည် မဟုတ်လော။</p> <p> </p> <p>လူတိုင်းက အသံလားရာ ဘက်သို့ ကြည့်လိုက်ကြသည်။</p> <p> </p> <p>မကြာမီမှာပင် အော်ဟစ်ခဲ့သူမှာ မိန်းကလေး အတွင်းဂိုဏ်းသား တစ်ဦး ဖြစ်ကြောင်း တွေ့လိုက်ရသည်။ သူမ အော်ဟစ်ရသည့် အကြောင်းရင်းမှာ အလောင်း တစ်လောင်းကြောင့် ဖြစ်ပြီး ၊ ပို၍ အတိအကျဆိုရလျှင်ဖြင့် ၎င်းမှာ ချန်ရှင်းဂိုဏ်း မှ အတွင်းဂိုဏ်းသားတစ်ဦး၏ အလောင်း ဖြစ်သည်။</p> <p> </p> <p>အလောင်းကို ကြည့်ရသည်မှာ ထိုနေရာတွင် ရှိနေသည်မှာ အချိန်အတန်ကြာပြီ ဖြစ်ပုံရသည်။ ၎င်းသည် မံမီ အလောင်း တစ်လောင်း ဖြစ်နေပြီ ဖြစ်ကာ မြေပြင်ပေါ်တွင် လဲကျနေပြီး ၊ ရင်ဘတ်ပေါ်တွင် သိသာထင်ရှားသော ကုတ်ခြစ်ရာများ ရှိနေသဖြင့် အစွမ်းထက်သော သားရဲ တစ်ကောင်၏ သတ်ဖြတ်ခြင်းကို ခံခဲ့ရကြောင်း ညွှန်ပြနေသည်။</p> <p> </p> <p>"ဒါ... ဒါက အရင်တုန်းက စမ်းသပ်လေ့ကျင့်ရေးကွင်း ကို လာခဲ့ဖူးတဲ့ အတွင်းဂိုဏ်းသား လား..."</p> <p> </p> <p>"ကြည့်ရတာ သူက သားရဲ တစ်ကောင်ကောင်ရဲ့ သတ်ဖြတ်တာကို ခံလိုက်ရတဲ့ပုံပဲ..."</p> <p> </p> <p>"သူ ဝတ်ထားတာက ဝင်္ကပါတောင်ထွတ် က အဓိကတပည့် ရဲ့ ဝတ်စုံနဲ့ တူတယ်..."</p> <p> </p> <p>အလောင်းကို မြင်ပြီး လူအုပ်ကြီးမှာ ထိတ်လန့်သွားကြသည်။</p> <p> </p> <p>ချန်ရှင်းဂိုဏ်း တွင် အဓိကတပည့် ဖြစ်လာနိုင်သူများမှာ ယေဘုယျအားဖြင့် အခြေခံတည်ဆောက်ခြင်းအဆင့် အထွတ်အထိပ် သို့မဟုတ် ရွှေမြုတေအဆင့် ကျင့်ကြံသူ များပင် ဖြစ်ကြသည်။</p> <p> </p> <p>စမ်းသပ်လေ့ကျင့်ရေးကွင်း ထဲသို့ ဝင်ရောက်နိုင်ပုံအရ ၊ ၎င်းသည် အခြေခံတည်ဆောက်ခြင်း အထွတ်အထိပ် သို့ ရောက်ရှိနေရမည်ဟု ဆိုလိုသည်။ ဤနေရာရှိ သားရဲ များသည် အခြေခံတည်ဆောက်ခြင်းအဆင့် အထွတ်အထိပ် ကျင့်ကြံသူ ကိုပင် သတ်ဖြတ်နိုင်ပါက ၊ ၎င်း၏ စွမ်းအားသည် မည်မျှ ကြောက်မက်ဖွယ် ကောင်းမည်နည်း။</p> <p> </p> <p>ထိုအရာကိုတွေးမိသည်နှင့် လူတိုင်းမှာ ကျောရိုးတစ်လျှောက် အေးစိမ့်မှုကို ခံလိုက်ရသည်။ သူတို့သည် သားရဲ များနှင့် မကြုံတွေ့ရသေးမီမှာပင် ၊ ကြောက်လန့်လွန်းသဖြင့် သတိလစ်လုမတတ် ဖြစ်နေကြပြီ ဖြစ်သည်။</p> <p> </p> <p>တစ်ဘက်တွင် ချန်လော့သည် တစ်စုံတစ်ခုကို သတိရသွားပုံရကာ အလောင်းဆီသို့ ပြေးသွားပြီး၊ ထို အဓိကတပည့် ၏ ကိုယ်ပေါ်၌  စတင် ရှာဖွေတော့သည်။</p> <p> </p> <p>ထိုအရာကို မြင်လိုက်ရချိန်တွင် လူတိုင်း မှင်တက်သွားကြပြီး ချန်လော့ ဘာလုပ်နေသည်ကို သတိမပြုမိသေးပုံရသည်။</p> <p> </p> <p>ချန်လော့သည် အလောင်းပေါ်မှ သိုလှောင်အိတ် တစ်လုံးကို ဖြည်းညင်းစွာ ရှာတွေ့သွားသည့် အချိန်အထိပင်။</p> <p> </p> <p>"ဘုရားရေ ကျေးဇူးပဲ... သိုလှောင်အိတ် က ဒီနေရာမှာ ရှိနေတုန်းပဲ..."</p> <p> </p> <p>ထိုစကားကို ကြားလိုက်ရချိန်တွင် လူတိုင်း ဆွံ့အသွားတော့သည်။</p> <p> </p> <p>“အစ်ကိုကြီး... ခင်ဗျားက ချန်ရှင်းဂိုဏ်း ရဲ့ တိုက်ရိုက်တပည့် တစ်ယောက်လေ... အနည်းဆုံးတော့ ဂိုဏ်းရဲ့ အထင်ရှားဆုံး ပုဂ္ဂိုလ်တွေထဲက တစ်ယောက် မဟုတ်ဘူးလား…”</p> <p> </p> <p>“ခင်ဗျားက ကိုယ့်ဂိုဏ်းက အတွင်းဂိုဏ်းသား ရဲ့ အလောင်းကို လူပုံအလယ်မှာ ဘယ်လိုလုပ်ပြီး ဒီလောက်ထိ မျက်နှာပြောင်တိုက်ပြီး လုပ်ရက်တာလဲ…”</p> <p> </p> <p>ကျောက်မန်ခမျာ သူမသည် ချန်လော့နှင့် သိကျွမ်းသူဖြစ်မှန်း တစ်စုံတစ်ယောက်က မှတ်မိသွားမည်ကို စိုးရိမ်သဖြင့်၊ မျက်နှာကို လက်နှစ်ဖက်ဖြင့် အုပ်ကာ ဘေးသို့ အမြန်ရှောင်ထွက်သွားခဲ့သည်။</p> <p> </p> <p>“ဝေါင်း..."</p> <p> </p> <p>ရှေးဟောင်း သစ်တောကြီး ၏ အနက်ရှိုင်းဆုံး နေရာမှ ဟိန်းဟောက်သံ တစ်ခု ထွက်ပေါ်လာပြီး လူတိုင်းကို ချက်ချင်း သတိထားမိသွားစေသည်။</p> <p> </p> <p>"ခုနက ဟိန်းဟောက်သံက ငါတို့နဲ့ သိပ်ဝေးတဲ့ပုံ မပေါ်ဘူးနော်..."</p> <p> </p> <p>"ဒါ့အပြင် အဲ့ဒီဟိန်းဟောက်သံက အခြေခံတည်ဆောက်ခြင်းအဆင့်ရှိတဲ့ သားရဲ ရဲ့ အသံနဲ့ မတူဘူး..."</p> <p> </p> <p>"စမ်းသပ်လေ့ကျင့်ရေးကွင်း ထဲမှာ ရွှေမြုတေအဆင့် ရှိတဲ့ သားရဲ တွေ ရှိတယ်လို့ ငါ ကြားဖူးတယ်... ငါတို့ ရောက်ရောက်ချင်း အဲဒါနဲ့ သွားတိုးရလောက်အောင် အထိ ကံမဆိုးလောက်ပါဘူးနော်..."</p> <p> </p> <p>"ချီးပဲ... အထက်တန်းစား မှော်လက်နက် ပဲ..."</p> <p> </p> <p>လူတိုင်း စိုးရိမ်ပူပန်မှုများဖြင့် ပြည့်နှက်နေစဉ် ၊ အံ့အားသင့်သော အသံတစ်ခုကို ကြားလိုက်ရသည်။</p> <p> </p> <p>လူတိုင်း လှည့်ကြည့်လိုက်ရာ ချန်လော့သည် သိုလှောင်အိတ် ထဲမှ ရှာတွေ့ခဲ့သည့် တောက်ပသော ဓားရှည် တစ်လက်ကို ကိုင်ဆောင်ထားသည်ကို တွေ့လိုက်ရသည်။</p> <p> </p> <p>အထက်တန်းစား မှော်လက်နက် သည် အမှန်တကယ်ပင် အဖိုးတန်သော်လည်း လူအုပ်ကြီးသည် ချန်လော့ကို မနာလို မဖြစ်ခဲ့ကြပေ။ အကြောင်းမှာ သူတို့သည် သူတို့၏ အနီးနားတွင် ရှိနေသော သားရဲ ကို ပို၍ စိုးရိမ်နေကြသောကြောင့် ဖြစ်သည်။</p> <p> </p> <p>ချန်လော့၏ မျက်လုံးများမှာ လင်းလက်သွားသည်။</p> <p> </p> <p>"စမ်းသပ်လေ့ကျင့်ရေးကွင်း က နှစ်တစ်ရာကျော် တည်ရှိခဲ့ပြီး ၅ နှစ် တစ်ကြိမ် ဖွင့်တယ်... ပြီးတော့ အကြိမ်တိုင်း လူသေတယ်လေ..."</p> <p> </p> <p>"ဒီအတိုင်းသာဆို ငါ အလောင်းတွေဆီကနေ ပစ္စည်းတွေ လုယူပြီး ချမ်းသာလာနိုင်တယ်ပေါ့..."</p> <p> </p> <p>လူတိုင်း : .......</p> <p> </p> <p> </p> <p>***</p> <p> </p>


Save