Book List

<h2 style="text-align: center;">အခန်း (၄၄)</h2> <h2 style="text-align: center;">ရန်ယွီတောင်ကြား</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>မှော်လက်နက် သည် ချန်လော့နှင့် ကျောက်မန်တို့ကို တစ်ရက်ခွဲကြာ သယ်ဆောင်လာခဲ့ပြီး အရှိန်အတော်လေး မြန်ဆန်သော်လည်း ၊ သို့သော် သူတို့ နှစ်ဦးသည် ဤနေရာသို့ ပထမဆုံး ရောက်ရှိလာသူများ မဟုတ်ခဲ့ပေ။</p> <p> </p> <p>ထိုအခိုက်အတန့်တွင် ရန်ယွီတောင်ကြား အတွင်း၌ ခန္ဓာတောင်ထွတ် ဝတ်စုံများ ဝတ်ဆင်ထားသော အတွင်းဂိုဏ်းသား အချို့ လမ်းလျှောက် ဝင်သွားသည်ကို ချန်လော့ မြင်လိုက်ရသည်။</p> <p> </p> <p>"ဒီကောင်တွေက ဒီလောက် မြန်မြန် ပြေးနိုင်တာလား..."</p> <p> </p> <p>ချန်လော့သည် ခန္ဓာတောင်ထွတ် မှ အတွင်းဂိုဏ်းသား များကို ကြည့်ရင်း မကျေမနပ်ဖြင့် ညည်းတွားလိုက်သည်။</p> <p> </p> <p>"ရှင် အရင် ဆင်းလို့ မရဘူးလား..."</p> <p>ကျောက်မန်က ရုတ်တရက် အော်ဟစ်လိုက်ပြီး သူမ၏ မျက်နှာပေါ်တွင် ဒေါသ အရိပ်အယောင်အချို့ ဖြစ်ပေါ်လာသည်။</p> <p> </p> <p>ချန်လော့သည် သူမကို အကြာကြီး သယ်ခိုင်းမည် မဟုတ်ဘဲ သူမ ပင်ပန်းသွားချိန်တွင် ချန်လော့သည် နေရာပြောင်းပေးလိမ့်မည်ဟု သူမ ထင်ခဲ့သည်။</p> <p> </p> <p>သို့သော် ရလဒ်အနေဖြင့် သူမသည် ချန်လော့ ဟူသော ထိုတိရစ္ဆာန်ကို အထင်ကြီးမိခဲ့ပုံရသည်။</p> <p> </p> <p>ဤသကောင့်သားသည် သူမ၏ ကျောပေါ်တွင် တစ်ရက်ခွဲတိတိ ထိုင်နေခဲ့ပြီး သူမ၏ ကျောများပင် နာကျင်နေပြီ ဖြစ်သည်။ သူမသည် အောက်ဆင်းပြီး နေရာပြောင်းချင်ခဲ့သော်လည်း ချန်လော့သည် သူမကို ချက်ချင်း စတင် လှောင်ပြောင်တော့သည်။</p> <p> </p> <p>"ဒါက 'ကျင့်ကြံခြင်း' လုပ်နေတာလို့ ခေါ်တယ်လေ... ဒီလောက် အခက်အခဲလေးကိုတောင် နင်က မခံနိုင်ဘူးလား" ဟူသော စကားများ ပြောကာ သူမကို သေလုမတတ် ဖြစ်စေခဲ့သည်။</p> <p> </p> <p>ထိုအရာကို မြင်လိုက်ရချိန်တွင် ချန်လော့သည် ကျောက်မန်၏ ကျောပေါ်မှ ခုန်ဆင်းလိုက်သည်။</p> <p> </p> <p>သို့သော် သူသည် မြေပြင်ပေါ်သို့ ကျရောက်သည်နှင့် ၊ သူ၏ ခြေထောက်များက အားပျော့သွားပြီး  ခြေလှမ်းအနည်းငယ် ယိုင်လဲသွားကာ လဲကျလုမတတ် ဖြစ်သွားသည်။</p> <p> </p> <p>"ငါ လမ်းမလျှောက်ရတာ ကြာပြီဆိုတော့ ခြေထောက်တွေက နည်းနည်း အားပျော့နေတယ်..."</p> <p> </p> <p>ထိုစကားကို ကြားလိုက်ရချိန်တွင် ကျောက်မန်သည် အံကြိတ်လိုက်သည်။</p> <p> </p> <p>"ခွေးကောင်..."</p> <p> </p> <p>ထို့နောက် ချန်လော့သည် ကျောက်မန်ကို လျစ်လျူရှုကာ ရန်ယွီတောင်ကြား ထဲသို့ သူ့ဘာသာ လျှောက်ဝင်သွားတော့သည်။</p> <p> </p> <p>ရန်ယွီတောင်ကြား သည် ကြီးမားသော မီးတောင် နှစ်ခုကြားတွင် တည်ရှိပြီး ၊ နီရဲနေသော ချော်ရည်များက တောင်များကြားရှိ ချောက်ကမ်းပါး အချို့မှ စီးဆင်းလာကာ တောင်ခြေတွင် စုဆုံသွားပြီး "မီးတောက်မြစ်များ" ကို ဖန်တီးထားသည်။</p> <p> </p> <p>ဘယ်ဘက်နှင့် ညာဘက်ရှိ မီးတောက်မြစ် နှစ်စင်းသည် အဝေးမှ ကြည့်လျှင် ကြယ်ရောင်လမ်းမကြီး ပေါ်ရှိ ကော်ဇောနီ နှစ်ချပ်နှင့် တူနေသည်။</p> <p> </p> <p>"အဲဒါက လူကိုယ်တိုင် ဖန်တီးထားသလိုပဲ..."</p> <p> </p> <p>ချန်လော့သည် မီးတောက်မြစ် နှစ်စင်း စီးဆင်းနေသည့် နေရာကို ကြည့်လိုက်သည်။ မြစ်နှစ်စင်းစလုံးက အလွန် ဖြောင့်တန်းနေပုံရပြီး ၊ ၎င်းတို့၏ အစွန်းများတွင် အနည်းငယ် ပျက်စီးနေသည်မှလွဲ၍ အခြားမရှိပေ။ နှစ်ပေါင်းများစွာ စုဆောင်းလာသော ပျက်စီးမှုများကြောင့် ဖြစ်လောက်သည်။</p> <p> </p> <p>“ဖြောက်..."</p> <p> </p> <p>မိုးပေါက် တစ်ပေါက်က ချန်လော့၏ လက်ခုံပေါ်သို့ ကျရောက်လာပြီး ၊ မိုးပေါက် ကျရောက်လာသည့် နေရာတွင် ပူလောင်သော ခံစားမှုကို ခံစားလိုက်ရသည်။</p> <p> </p> <p>ချန်လော့သည် သူ၏ လက်ခုံကို တစ်ချက် ကြည့်လိုက်ရာ မီးလောင်ထားပုံရ‌သော အနီရောင် အစက်ငယ် တစ်ခု ပေါ်လာသော်လည်း ၊ ၎င်းသည် ချက်ချင်းလက်ငင် ပျောက်ကွယ်သွားသည်။</p> <p> </p> <p>ထိုစဉ် ကောင်းကင်ယံမှ မိုးပေါက် အနည်းငယ် ထပ်မံ ကျဆင်းလာပြီး ၊ ထိုအရာများဖြင့် ထိမှန်လိုက်သည့် အခိုက်အတန့်တွင် ချန်လော့သည် ပူလောင်သော ခံစားမှုတစ်ခုကို ချက်ချင်း ခံစားလိုက်ရသည်။</p> <p> </p> <p>"ရန်ယွီတောင်ကြား... ဆိုလိုတာက ဒါကို ပြောတာပေါ့..." ချန်လော့သည် တီးတိုး ရေရွတ်လိုက်သည်။</p> <p> </p> <p>"ဘာဖြစ်လို့လဲ..."</p> <p> </p> <p>ချန်လော့သည် အတန်ကြာအောင် မလှုပ်မရှား ဖြစ်နေသည်ကို မြင်ပြီး၊ ကျောက်မန်သည်  မနေနိုင်အောင် ဖြစ်သွားပြီး လှမ်းမေးလိုက်သည်။</p> <p> </p> <p>ထိုအချိန်တွင် ကျောက်မန်သည် ရန်ယွီတောင်ကြား ထဲသို့ မဝင်ရသေးသဖြင့် မိုးပေါက်များက သူမအပေါ်သို့ မကျရောက်သေးပေ။</p> <p> </p> <p>ချန်လော့သည် ကောင်းကင်ယံသို့ မော့ကြည့်လိုက်ရာ မိုးသည် ပိုမို သည်းထန်လာမည့်ပုံ ပေါက်သည်။</p> <p> </p> <p>အတန်ကြာ စဉ်းစားပြီးနောက် ချန်လော့သည် လက်မြှောက်လိုက်သည်။</p> <p> </p> <p>"ခဏစောင့်ဦး..."</p> <p> </p> <p>ထိုသို့ ပြောပြီးနောက် သူသည် သူ၏ ခန္ဓာကိုယ်ကျင့်ကြံမှု နည်းစနစ်ကို ချက်ချင်း အသက်သွင်းလိုက်ရာ ချန်လော့၏ အရေပြားသည် ကြေးဝါရောင် အဖြစ်သို့ တဖြည်းဖြည်း ပြောင်းလဲသွားသည်။</p> <p> </p> <p>မိုးပေါက်များက ချန်လော့၏ ခန္ဓာကိုယ်ပေါ်သို့ ကျဆင်းလာသည်။ ပူလောင်သော ခံစားမှု အနည်းငယ် ရှိနေသေးသော်လည်း ၊ သို့သော် ၎င်းသည် ချန်လော့အတွက် ယားကျိကျိ ခံစားချက်မျှသာ ဖြစ်သည်။</p> <p> </p> <p>ကြေးအရေပြား ကျင့်စဉ် ၏ ကာကွယ်မှုဖြင့် ချန်လော့၏ အရေပြားသည် ပြင်းထန်သော မိုးပေါက်များ၏ တိုက်ခိုက်မှုအောက်တွင် ပြောင်းလဲခြင်း မရှိဘဲ အရာအားလုံးက လုံးဝ ပုံမှန်ဖြစ်နေခဲ့သည်။</p> <p> </p> <p>"တောက်... တောက်... တောက်..."</p> <p> </p> <p>မိုးက တဖြည်းဖြည်း သည်းထန်လာပြီး ချန်လော့၏ တစ်ကိုယ်လုံးကို ဖုံးလွှမ်းသွားသည်။</p> <p> </p> <p>"ဒီလောက်ဆို လုံလောက်ပြီ..." ချန်လော့က ပြောလိုက်ပြီး ကျောက်မန်ကို လှည့်ကြည့်လိုက်သည်။</p> <p>"သွားကြစို့..."</p> <p> </p> <p>ထိုသို့ ပြောပြီးနောက် သူသည် ဘာမှ မဖြစ်ခဲ့သကဲ့သို့ ရှေ့သို့ လျှောက်သွားလိုက်သည်။</p> <p> </p> <p>ထိုအခိုက်အတန့်တွင် ကျောက်မန်သည် အခြေအနေ၏ ကြီးလေးမှုကို မသိရှိပုံရဘဲ ရန်ယွီတောင်ကြား ထဲသို့ ခြေလှမ်း ဝင်ရောက်လိုက်၏။</p> <p> </p> <p>ပူလောင်သော မိုးပေါက်များက သူမ၏ ခန္ဓာကိုယ်ကို ရိုက်ခတ်သွားချိန်တွင် စူးရှသော ပူလောင်သည့် နာကျင်မှု တစ်ခုကို ခံစားလိုက်ရသည်။ ထိုအခိုက်အတန့်တွင် ချန်လော့သည် သူမကို အဘယ့်ကြောင့် ထိုနေရာတွင် ရပ်စောင့်ခိုင်းခဲ့သည်ကို ကျောက်မန် နားလည်သွားသည်။</p> <p> </p> <p>သူမသည် ချန်လော့ကို ကြောက်မက်ဖွယ် ကောင်းသော အမူအရာဖြင့် စိုက်ကြည့်လိုက်ပြီး သူမ၏ ကြာပွတ် ရှည်ကို ဆွဲထုတ်လိုက်သည်။</p> <p> </p> <p>"ချန်လော့!!!"</p> <p> </p> <p>…</p> <p> </p> <p>မိနစ်အနည်းငယ် အကြာတွင် သူတို့ နှစ်ဦးသည် ရန်ယွီတောင်ကြား၏ အတွင်းပိုင်းသို့ နက်ရှိုင်းစွာ ရောက်ရှိလာခဲ့သည်။</p> <p> </p> <p>ပူလောင်သော မိုးပေါက်များက ဆက်လက် ကျဆင်းနေပြီး ပိုပို၍ သည်းထန်လာသည်။</p> <p> </p> <p>ထိုအခိုက်အတန့်တွင် ချန်လော့သည် သူ၏ ကြေးအရေပြား ကျင့်စဉ်ကို အသုံးမပြုတော့ဘဲ ပူလောင်သော မိုးပေါက်များကို ခံနိုင်ရည် ရှိရန် သူ၏ ရုပ်ပိုင်းဆိုင်ရာ ခန္ဓာကိုယ်ကိုသာ အားကိုးခဲ့သည်။</p> <p> </p> <p>ပူလောင်သော မိုးပေါက်များက လူကို စပ်ဖျင်းဖျင်း ဖြစ်စေသော်လည်း ၊ ၎င်းက သူ၏ ခန္ဓာကိုယ်ကို လေ့ကျင့်ပေးနိုင်မည့် နည်းလမ်း တစ်ခုလည်း ဖြစ်သည်။</p> <p> </p> <p>သင်သိထားရမည်မှာ လက်ရှိ ချန်လော့၏ အင်္ကျီနောက်ကျောဘက်တွင် ကြီးမားသော အပိုင်းတစ်ခု ပျောက်ဆုံးနေပြီး တစ်ယောက်ယောက်က ဆွဲဆုတ်ထားပုံရသည်။</p> <p> </p> <p>ကျောက်မန်သည် မီးခိုးရောင် ဝတ်ရုံ တစ်ထည်ကို ဝတ်ဆင်ထားပြီး ခေါင်းစွပ်ကို ခြုံထားသည်။</p> <p> </p> <p>ဤသည်မှာ သူမ၏ ဆရာမှ သူမအတွက် ပြင်ဆင်ပေးထားသော မှော်လက်နက် ဖြစ်ပြီး ၊ "ထာဝရစိမ်းလန်းသော ဝတ်ရုံ" ဟု ခေါ်ကာ မီးတောက်များနှင့် အဆိပ်များ၏ တိုက်စားခြင်း အာနိသင်များကို ထိရောက်စွာ ကာကွယ်ပေးနိုင်ရုံသာမက သူမ၏ ကိုယ်ရေးအချက်အလက်များကိုလည်း ဖုံးကွယ်ပေးနိုင်သည်။</p> <p> </p> <p>"ငါတို့ ရောက်ပြီ ထင်တယ်..."</p> <p>ချန်လော့သည် အဝေးသို့ ကြည့်လိုက်ရာ ဂူတစ်ခု၏ အရှေ့တွင် စုရုံးနေကြသော ခန္ဓာတောင်ထွတ် မှ အတွင်းဂိုဏ်းသား များကို တွေ့လိုက်ရသည်။</p> <p> </p> <p>ဂူပေါက်ဝ အပြင်ဘက်တွင် သားရဲ အလောင်း အချို့ ရှိနေသည်။</p> <p> </p> <p>ကျောက်မန်သည် စကားမပြောဘဲ ချန်လော့ကို အေးစက်စက် အကြည့်တစ်ချက်ဖြင့်သာ ကြည့်လိုက်သည်။</p> <p> </p> <p>ထို့နောက် သူတို့ နှစ်ဦးသည် ခန္ဓာတောင်ထွတ် မှ အတွင်းဂိုဏ်းသား များဆီသို့ လျှောက်သွားလိုက်ကြသည်။</p> <p> </p> <p>ခန္ဓာတောင်ထွတ် မှ အတွင်းဂိုဏ်းသား များကလည်း တစ်စုံတစ်ခုကို သတိပြုမိသွားပုံရပြီး ချန်လော့ကို လှည့်ကြည့်လိုက်ကြသည်။</p> <p> </p> <p>"အစ်ကိုကြီး ချန်... အစ်မကြီး ကျောက်..."</p> <p> </p> <p>အတွင်းဂိုဏ်းသား များက သူတို့ နှစ်ဦးကို အလျင်အမြန် မှတ်မိသွားကြပြီး ၊ သူတို့ကို ဦးညွှတ် နှုတ်ဆက်လိုက်ကြသည်။</p> <p> </p> <p>"မင်းတို့ ဒီနေရာကို ပိတ်ဆို့ပြီး ဘာလုပ်နေကြတာလဲ..."</p> <p>ချန်လော့သည် လျှို့ဝှက်နက်နဲသော အမူအရာ ဟန်ဆောင်ကာ ပေါ့ပေါ့ပါးပါး မေးလိုက်သည်။</p> <p> </p> <p>ခန္ဓာတောင်ထွတ် မှ အတွင်းဂိုဏ်းသား များသည် ခဏတာ ရပ်တန့်သွားကြပြီး ချန်လော့ကို ပြောပြသင့်၊ မသင့် စဉ်းစားနေပုံရသည်။</p> <p> </p> <p>"အစ်ကိုကြီး ချန် က ဒီနေရာကို ရောက်လာပြီ ဆိုမှတော့ ငါတို့ရဲ့ ရည်ရွယ်ချက်က အတူတူပဲ ဖြစ်မှာပါ..."</p> <p> </p> <p>အတွင်းဂိုဏ်းသား များထဲမှ တစ်ဦးက ရှေ့သို့ ထွက်လာပြီး စကားစလိုက်သည်။ အခြား ခန္ဓာတောင်ထွတ် မှ အတွင်းဂိုဏ်းသား များ အားလုံးသည် သူ့ကို စကားတစ်ခွန်းမှ မဆိုဘဲ ကြည့်နေကြသဖြင့် သူသည် ခန္ဓာတောင်ထွတ် မှ အတွင်းဂိုဏ်းသား များကြားတွင် အတော်လေး ဩဇာအာဏာ ရှိပုံရသည်။</p> <p> </p> <p>"ကျွန်တော်က ခန္ဓာတောင်ထွတ် ရဲ့ အတွင်းဂိုဏ်းသား ကျန်းချွမ် ပါ..."</p> <p>ကျန်းချွမ် က လက်နှစ်ဖက်ကို ယှက်ကာ ပြောလိုက်သည်။</p> <p> </p> <p>ချန်လော့သည် သူ့ကို တစ်ချက် ကြည့်လိုက်ပြီး သူ၏ ရည်ရွယ်ချက်ကို ဖုံးကွယ်ရန် မကြိုးစားတော့ဘဲ ခေါင်းညိတ်လိုက်သည်။</p> <p> </p> <p>"မြေအောက်ရေပူစမ်း မလား... အဲဒါကြောင့် ငါ ဒီနေရာကို လာခဲ့တာပေါ့..."</p> <p> </p> <p> </p> <p>"ဒါဆို ငါတို့ ပူးပေါင်းလို့ ရနိုင်တာပေါ့..." ကျန်းချွမ်က ပြုံးလိုက်သည်။</p> <p> </p> <p>"ပူးပေါင်းမယ်..." ချန်လော့သည် ကျန်းချွမ်ကို သံသယဖြစ်ဖွယ် ကြည့်လိုက်သည်။</p> <p> </p> <p>"ဒီဂူက မြေအောက်ရေပူစမ်း ရဲ့ တည်နေရာပဲ... ဒါပေမဲ့ မြေအောက်ရေပူစမ်း လိုမျိုး ဝိညာဉ်စွမ်းအင်တွေ စုစည်းနေတဲ့ နေရာတွေက သားရဲ တွေ အမြဲတမ်း အကြိုက်ဆုံး နေရာတွေ ဖြစ်တယ်."</p> <p> </p> <p>"ငါတို့ အခုလေးတင် အထဲဝင်ကြည့်တော့ ဒီနေရာကို မီးတောက်မြိုသားရဲ တစ်စုက သိမ်းပိုက်ထားတာ တွေ့ခဲ့ရတယ်... အနည်းဆုံး ကောင်ရေ သုံးဆယ် ဒါမှမဟုတ် လေးဆယ်လောက် ရှိတယ်... ပြီးတော့ သူတို့ရဲ့ ကျင့်ကြံခြင်းအဆင့် တွေက အားလုံး အခြေခံတည်ဆောက်ခြင်းအဆင့် မှာ ရှိကြတယ်... သားရဲဘုရင် ရဲ့ ကျင့်ကြံခြင်းအဆင့်က ရွှေမြုတေအဆင့် တစ်ဝက် ကိုတောင် ရောက်နေပြီ..."</p> <p> </p> <p>ကျန်းချွမ် က ရှင်းပြလိုက်သည်။</p> <p> </p> <p>သူတို့ ခန္ဓာတောင်ထွတ် တွင် အတွင်းဂိုဏ်းသား ၁၂ ဦးသာ ရှိသည်။ သူတို့ အားလုံးသည် အတော်လေး သန်မာကြသော်လည်း ၊ သို့သော် မီးတောက်မြိုသားရဲများကို အထင်သေး၍ မရပေ။ အထူးသဖြင့် ရွှေမြုတေအဆင့် တစ်ဝက် ရှိသော သားရဲဘုရင်မှာ သူတို့ ယှဉ်ပြိုင်နိုင်မည့် အကောင်မျိုး မဟုတ်ချေ။</p> <p> </p> <p>ချန်လော့နှင့် ကျောက်မန်တို့သည် သိပ်မသန်မာကြသော်လည်း သို့သော် သူတို့ နှစ်ယောက်စလုံးသည် တိုက်ရိုက်တပည့် များ ဖြစ်ကြသည်။</p> <p> </p> <p>အကြီးအကဲများ ၏ တိုက်ရိုက်တပည့် အဖြစ် လက်ခံခံရရန် တစ်စုံတစ်ရာ ထူးခြားသော အရည်အသွေးများ ရှိရမည် ဖြစ်ပြီး ၊ သူတို့ တစ်ယောက်ချင်းစီတိုင်းက အကြီးအကဲများ အတွက် အဖိုးတန် ရတနာများ ဖြစ်ကြသည်။</p> <p> </p> <p>စမ်းသပ်လေ့ကျင့်ရေးကွင်း သို့ လာရောက်သော ဤကဲ့သို့သော လူများတွင် အကြီးအကဲများ ပေးထားသည့် အသက်ကယ် နည်းလမ်း အချို့ သေချာပေါက် ရှိရမည် ဖြစ်ရာ ၊ ကျန်းချွမ်သည် ချန်လော့နှင့် ပူးပေါင်းရန် ရွေးချယ်ခဲ့ခြင်း ဖြစ်သည်။</p> <p> </p> <p>သို့မဟုတ်ပါက ချန်လော့နှင့် ကျောက်မန်တို့၏ ကျင့်ကြံခြင်းအဆင့် များကို ကြည့်၍ သူသည် သူတို့ကို ဒုတိယအကြိမ်ပင် လှည့်ကြည့်မည် မဟုတ်ပေ။</p> <p> </p> <p>ချန်လော့သည် ကျန်းချွမ်ကို ကြည့်ရင်း အကောင်းအဆိုးများကို ချိန်ဆကာ လေးလေးနက်နက် စဉ်းစားလိုက်သည်။</p> <p> </p> <p>သို့သော် ကျန်းချွမ် သည် အလျင်မလိုပေ။ သူသည် ပြုံး၍ ပြောလိုက်သည်။</p> <p>"အကယ်၍ အစ်ကိုကြီး ချန် က ကူညီပေးဖို့ ဆန္ဒရှိတယ်ဆိုရင် မီးတောက်မြိုသားရဲ တွေ နှစ်ပေါင်းများစွာ ဂူထဲမှာ စုဆောင်းထားတဲ့ ရတနာတွေ အားလုံးကို အစ်ကိုကြီး ချန် ကို ပေးပါ့မယ်... အကယ်၍ ဆန္ဒမရှိဘူး ဆိုရင်လည်း ရပါတယ်... ကျွန်တော်တို့ အတင်းအကျပ် မလုပ်ပါဘူး..."</p> <p> </p> <p> </p> <p>***</p> <p> </p>


Save